يمه على الظن فوق ولا تحاتيني


يمه على الظن فوق ولا تحاتيني

بموت ما تنحني لاكبر بشر هامه



ابيك لا جيت ببكي حيل ضميني
وخليني ابكي على صدرك وهندامه



يمه ذبحني الحزن محد يواسيني
امي بطعنة ظهر واقوم منضامه



والطعنه الي تغلغل في شراييني
ما تذبح الا على قول البدو هلامه



صوتك اليا مت يا يماه يحييني
قولة هلو من شفاهك تركز القامه



لبا معاليق قلبك يا مناديني
لبيه لبيه يا قلبي وصاممه



اذا سمعتي قصيدي فيك حييني
واكبر شياطين شعري يعلن اسلامه



واذا زعلتي عليه لا تحاكيني
والله لا ابوس القدم واصر خدامه



يمه فديتك بقربك بس داويني
داوي يتيم تخلو عنه اعمامه



يفدونك فروخ قلبي مع محبيني
ويفداك عمري وما اقبل من ايامه



ويفداك دمع على خدي يصحيني
ويفداك قلبي وما حوله من عظامه



يمه فديتك اليا من جيت حبيني
وانا من الراس بنزل لا خمص اقدامه