|
روايه نور في غسق الدجى (البارت الأول ) كانت عائلة مثل باقي العائلات تسكن أحد أحياء جدة يكسوها الحب والاطمئنان أب وأم وابن وابنة الابنة في الصف الرابع الابتدائي (تالا) الابن في الصف السادس الابتدائي(أحمد) (بيتهم عبارة عن بيت شعبي عادي اربعة غرف اثاثها مرتب نوعا ما البيت ابيض من بره وشبابيك البيت سودا وحوش صغير غالبا مايكفي للسيارة بس) الأب (خالد)بتعب دوبو راجع من الشغل حاط يدو في جيبو بيطلع مفتاح البيت ويفتح الباب :بسم الله .. البيت هدوء أبو أحمد يرفع صوتو وينادي: أريج ... تااالا ...أحمد وينكم ياهو مافي أحد تالا خرجت تجري والابتسامة على وجهها وحضنت ابوها :هلاااا بابا ابو أحمد :ههههههه أهلين ببنتي والله وين أخوك وأمك أشبكم مالكم حس مو بالعادة ...قاطعتو أم احمد بخروجها من المطبخ مبتسمة ابتسامه خفيفة أنا هنا كنت أجهزلكم الغداء حط أنت اشياءك وبدل ملابسك إن شاء الله ثواني والغداء جاهز ابو احمد ابتسم شوية بتعب :حاضر والله من جد تعب ذا الشغل (ابو احمد يشتغل في شركة استثمارات حق اخوانو من ابوه شراكة بين الاخوان بس ابوهم قبل مايتوفى سجل كل الحلال باسم اولادو من مرتو الاولى وابو احمد بدون أي ورث واخوه الكبير(ابو رائد) من ابوه حن عليه لانو هوا الوحيد اللي يعرف بموضوع اخوه من ابوه وشغلو بناء على خبرتو كموظف عادي ) الام في المطبخ تجهز الغداء ... تالا تلعب بالعابها في الصالة الأم من المطبخ تنادي :تالا ياماما روحي نادي اخوك عشان نتغدى تالا بنفس النبرة طيب ياماما بقوم ...اتغيرت ملامحها للطفش :بس اذا ماقام ماحناديه مرة ثانيه مشيت لغرفتو فتحت الباب بقوة وانفجعت من بهذلة الغرفة الغرفة زرقاء وكل اللي فيها سرير ودولاب خشبي وطاولة وكرسي صغيرة علب البيبسي مرمية في الارض نايم على بطنو واللحاف في الارض دخلت معصبة تدقو في رجلو :احمد احمد قووم احمد احمد احمد (تعلي صووتها)اااااااحممممد يا معفن قووووم ياويلك من بابا احمد فتح عيونو شوية :طيب ياهبلة بقوم بس روحي انت وانا بقوم (قلب جسمو على الجهه الثانيه واعطاها ظهرو تالا بعصبية :والله بقول لبابا (خرجت تجري) احمد أتأفف وقام على الحمام ... في الشركة (بعد خروج الموظفين )الاخوان مجتمعين أبو رائد:ذحين أنتو إيش تبغو مطفشيني ستمية مكالمة ماكأني عندكم في الشركة (ابو رائد اكبر الاخوان شعرو اسود وبعض شعراتو بيضاء ابيض وجسمو معتدل معروف بخيرو للناس كلها ) أبو ريم :ياشيخ أنا بدخل في الموضوع بسرعة شوف أقلك الخسارة اللي خسرناها في الشركة ماينسكت عليها وأنا عارف وواثق كل الحسابات مع خالد ذا وهوا اللي خسرنا (أبو ريم الاخ الصغير ومعروف بانو مع الخيل ياشقرة طيب وحنون على مرتو وبنتو بس نحيف نوعا ما وسيم وجمالو شرقي على ابوه اسمر وشعرو شديد السواد ) أبو حسين :والله من جد أنت معطيه صلاحية كبيرة وماتدري بالحقد اللي في قلبو (أبو حسين الاخ الاوسط يفرض رايو على الجميع متسلط واللي يبغاه يوصلو يشبه ابو رائد وكلهم طالعين على امهم ابيض وشعرو بني غامق يميزهم جمال الانف وملامحهم جذابة ) أبو رائد :انتو ذحين مجتمعين عشان تقولو ذا الكلاام ؟؟؟؟ أبو ريم :وكأنو مو عاجبك ؟! أبو رائد بعصبية :طبعا موع اجبني وكأنكم ماتعرفو إني اثق فيه من سنوات وتراها غلطتنا كلنا هذي الصفقة كلكم وقعتو عليها أبو حسين :ايوا كلنا وقعنا بس محد تابعها وسوا إجراءاتها غيرو خالد ذا أبو رائد اخذ نفس ودار بكرسيو جهة الشباك (يطل على حديقة كبيرة ومرتبة مرررة وتبرز جمالها الوان الورد اللي فيها ) أبو حسين مسك يد أبو ريم بعصبية بس ماسك نفسو :قوم اقلك ذا الكلام ماينفع معاه نزلو وقفل الباب وراه :أنا اوريك فيه حناخذ حقنا منو ونطيرو من الشركة كمان صدقني ححرق قلبو زي ماحرق قلبي الصفقة اغلبها تعتمد على املاكي في الصباح (الجو مغيم وحرارة الشمس خفيفة والهوا يحرك اشجار الشوارع ) أم أحمد: يا أ؛مد قوم وقت متأخر يالله عشان يلحق أبوك يوديكم أحمد بطاعة قام واتوجه للحمام في غرفة تالا واقفة قدام المرايا وتطالع في نفسها وتتوعد :أنا أوريك ياسارا كل يوم تتريقي عليا مو منك اصلا من صحباتك الهبل أم احمد داخلة بهدوء متعجبة وتضحك :أنت ايش تقولي زي المجانين بسم الله أحد يكلم نفسو قدام المرايا ؟! تالا نطت من الفجعة وشعرها انفك من يدها واتبهذل ارتبكت :ولاشي بس تعالي سويلي شعري اللي خربتيه بفجعتك السعيدة لا نتأخر أبو احمد واقف في الصالة يطالع في الساعة :ياعيال يالله الطابور حيبدأ وانتو لسا هنا (يكمل كلامو وهوا متوجه للباب )أنا استناكم في السيارة أم احمد تلحق اولادها بالفطور :استنوا حطو ذا في شنطكم في السيارة أبو أحمد :إيش التأخير ذا؟ أحمد : قول لبنتك ساعة تصلح في شعرها وساعة تكلم نفسها تالا بعصبية :أنت ايش دخلك ؟أول شي قوم بدري ونام على ظهرك زي الاوادم بعدين اتكلم أبو أحمد يضحك بعد دقايق :يالله امسكو مصروفكم وانزلو الله معاكم (مدرسة تالا مقابلة مدرسة احمد يفصل بينهم شارع بس) ابو احمد اتوجه لعملو بسرعة مايحب يتاخر ... وصل الشركة وطلع المكتب (في نفس المكتب أبو وليد متزوج هوا وياه اخوات ) أبو وليد :بشويش أشبك ترا ما أتأخرت طل فيه بنص عين :وعليكم السلام كمان أذكرك بس أبو أحمد يضحك :السلام عليكم بس ياخي ماحب أتأخر على شغلي ... في مدرسة تالا دق الجرس والكل طلع على فصلو... في الفصل صوت الازعاج والحركة والكلام طاغي على المكان الابلة دخلت :كل وحدة على مكانها يالله .. في لحظات الفصل عمو الهدوء سارا والحقد مملي قلبها على تالا اليوم شكلها مرتب أكثر من كل يوم الأبله :مين اللي قلب الكراسي كذا سارا :تالا يا أبله قلبتهم تالا مفجوعه :كذاااابه يا ابله والله ماقلبت شي من أول قاعدة في مكاني الأبله :تالا وسارا قومو سارا هي توقف :أبله مالي صلاح هذي تالا اللي تتعاقب مو أنا كمان قلة حيا الأبله بحزم :سارا عيـــــــــب خلاص تالا :شفتي يا أبله اصلا مهي متربية الأبله :بس خلاص انت وهيا امشو معايا عند أبله حنان ... تالا وسارا يمشو في الممر وكل وحدة تسب في الثانية ... وصلو المكتب الأبله : يا أبله حنان شوفي البنتين ذولا كل وحدة قلت أدبها على الثانية سارا : أبله حنان والله أنا ماسويت شي تالا :أبله هذي كذابة تقول أنا اللي سويت وأنا ماسويت شي أبله حنان : خلاص انتو اسكتو .... خرجت الابله أبله حنان :ذحين فهموني ايش في ؟؟! سارا وتالا مازالو في مناقرة وأبله حنان ما اخذت لاحق ولاباطل ... أبله حنان :خلاص أنت وهيا ذحين اجيب امهاتكم ونتفاهم معاهم ..دقت على امهاتكم وهما على وصول في مدرسة أحمد الأستاذ يشرح الدرس واللي يتكلم واللي يرمي اوراق واللي منتبه واللي ماحضر الحصة اصلا ياسر وأحمد يتمشو في الساحة أحمد :ياشيخ يالله نرجع والله لو شافنا المرشد يسويلنا هرجة ياسر :ياربي منك انت خواااف من يومك يعني بالله ايش حيسويلنا أنت امشي معايا نهبق من المدرسة ننبسط بلا الهم ذا أحمد : بالله اسكت أنت أصلا محد يخاصمك في البيت بس أنا حتجيني عقوبات في نفس الوقت خارج المدرسة (سيارة سوداء تعبرعنها فخامتها ) (رجالين بشياكتهم ونظراتهم السوداء واشمغة مرتبة ) اتوجهو للمدرسة أحمد يدق ياسر بتعجب :هي طالع مين ذولا جايين عندنا ياسر بنفس الدهشة :إيش دراني أقلك شمر وأشرد أخاف أساتذة جدد أول مارقعو ثيابهم استعداد للفرار مسكوهم الرجال بصوت حاد : أحد يعرف ولد اسمو أحمد خالد ...؟ أحمد انصدم عين عليهم وعين على ياسر من الصدمة وبردة فعل سريعة :انا احمد خالد ... الرجالين مسكوه بشويش :تعال نباك شوية مشي معاهم ومو فاهم ايش الهرجه .. ياسر متصلب في مكانو أحمد : إيش في ؟؟؟!!! دخلوه السيارة (مظلله ) أحمد بخوف :وين حنروح ؟ احد الرجال: اصبر لاتستعجل حنروح مكان يعجبك أحمد :يعجبني ؟؟ طيب انتو مين أصلا ؟؟ الرجال مارد عليه في الشارع المقابل سيارة التاكسي موقفه قدام مدرسة تالا أم احمد خارجه منها متوجهه للمدرسة أحمد يطالع في السيارة ومنبهر في شكلها وفخامتها وما انتبه للشارع الرجال حرك السيارة بسرعة احد الرجالين ماسك الجوال : هلا طال عمرك ابشرك صار معانا أبو حسين مبتسم بخبث : كويس انتظركم أنا في الشركة أبو حسين في مكتب أبو ريم أبو حسين :أبشرك قريب بتسمع الخبر اللي يبرد قلبك أبو ريم يطالع في الورق :ليش إيش في ؟؟! أبو حسين مبتسم :ولد خالد أبو ريم باستغراب : اشبو ؟ أبو حسين ضحك :بعد الدوام أقلك أبو ريم طيب يالله روح على مكتبك مني فاضيلك والله أبو حسين :اصلا انا الغلطان اللي اجي وابشرك (اتوجه للباب) :خليك في حرمتك احسلك أبو ريم بعصبية وعيونو على الباب :انقلع ولا كاني اخوه قله حيا في جهه ثانية من الشركة (الساعة 2 الظهر ) أبو وليد :خلاص قلتلك بلا زن حجيبو طفشتي اهلي ... قفل في وجهها أبو أحمد :حرام عليك يارجال بشويش على الحرمة أم عيالك هذ ابو وليد يقاطعو :خلاص خليك في نفسك أقول مو عشانها اخت مرتك تدافع عنها أبو احمد يحرك راسو بنفي :اصلا انت الكلام ضايع معاك الله يهديك بس عموما هيا ساعة وافتك مناقرتك في مدرسة تالا أم احمد :خلاص ياماما لاتبكي انا مصدقتك أم سارا : ربي بنتك كوي سترا محد يغلط على بنتي لوسمحتي أم تالا حاضنة بنتها : ذحين انت بعقلك ولا ؟أحد ياخذ على كلام اطفال ؟! أم سارا حست بنفسها بس مو بيدها بنتها الوحيدة المرشدة (ابله حنان ):خلاص حصل خير تقدرو تاخذوهم واكيد حبايبي ماحيعيدوها الأمهات خرجو واتوجهو لباب المدرسة أم تالا :يالله ياماما نلحق نرجع البيت قبل مايجي احمد (انتهى البارت ) |
رد: روايه نور في غسق الدجى (البارت الثاني) في زحمة شوارع جدة (أبو احمد راجع من الشغل )الجوال يدق ... أبو أحمد : الو أم أحمد بقلق :ايوا الو خالد وينك ؟ أبو أحمد باستغراب :في الطريق جايكم ليش ؟ في شي؟ أم أحمد :ولدك ؛احمد لين ذحين ماجابو الباص روح شوفو أبو أحمد : طيب هدي وفهميني كيف ماجا .؟وتالا جات ولا لا؟ أم احمد :أنا اخذتها من المدرسة بعدين افهمك ليش بس ذحين ولدي ياخالد شوفوا أبو أحمد :طيب خلاص أنا عند البيت ... دخل البيت وجاتوأم احمد تجري :يالله اهو جيت روح اتصل عليهم أبو أحمد :طيب هدي قلتلك ذحين حتصل على المدرسة في السيارة (في شوارع راقية جدا) منبهر بالحي والقصور والفلل اللي فيه عمرو ماشاف ذي الاحياء ولا اتخيلها (الشوارع مرتبه والزرع منسق في الشارع بشكل قمة في الترتيب والهدوء يميز الشوارع ) فاتح فمو وملصق وجهو على الشباك عيونو تروح وتجي على السيارات واللي رايح وجاي بدأت تغفى عيونو الرجال ماسك الجوال :نعم طال عمرك :لالا ماتعبنا ولاشي باين الولد نبيه بس سأل وماجاوبنا :خلاص ان شاء الله ثواني واكون عندك بعد ثواني ... دخلت السيارة بعد ما انفتحت بوابة القصر (عند المدخل الحراس وحديقة وااااسعة يتوسطها مسبح وحولينو بمسافه شويه جلسات والاشجار مظلله اغلب المكان ) فتح عيونو بشويش وبدأت يدو تحسس المكان لين استوعب هوا فين قام بلخبطة وناسي مع مين هوا :وااااااااااو ايش ذا أنا احلم ولا ا قاطعو الرجال:يالله أنزل أحمد منبهر ومو مستوعب :هاااا؟ الرجال الثاني :يقلك أنزل ماتسمع ؟؟ نزل أحمد والرجال واتوجهو للقصر (داخل القصر في جناح الضيوف) الخدم بلبس موحد في استقبالهم بعد دقايق .... دخلو (ابو حسين لابس ثوب مفصل على جسمو والغتره والعقال زايده من وسامتو وترتيبو ) (ابو ريم بنفس مستوى اناقه ابو حسين ) عيونهم على احمد ... أبو حسين مبتسم :هلا والله بولدي احمد ابو ريم يطالع في ابو حسين باستغراب أبو حسين اشر للرجالين يمشو ابو حسين عن يمينو وابو ريم عن يسارو احمد يطالع والخوف والتوتر سيد الموقف رجلو تتهز من التوتر والخوف أبو حسين :ها ياأحمد كيف المدرسة ؟ أحمد بصوت متقطع : تــماا ا م أبو حسين حط يدو على رجل احمد :شوف ياولدي انا بكلمك كلام رجال واعرف انك حتفهمني انا مني عارف كيف ابدا بالموضوع وافهمك أحمد : أيش في ؟؟ ابو حسين وطى راسو بحزن متصنع :والله ياولدي ما ادري ايش اقلك بس انا متزوج حرمتين حرمتي الاولي عايش معاها هنا وكلو تمام بس حرمتي الثانيه اتوفت وهي تولدك ابو ريم مصدوم من التاليف اللي اخترعو ابو حسين ويسمع بصمت أحمد مو مستوعب أي كلمة :كيف يعني ؟ أبو حسين :انا ابوك الحقيقي بس انا في البدايه خفت من المشاكل تصير بيني وبين اهلي واخسر كل شي فحطيتك عند خالد اللي هوا مو ابوك اصلا هوا موظف عندي بس وقلتلو يربيك وانا اصرف عليك بس ذحين عرفت غلطتي وابا اصلحها باي ثمن انت ولدي وانا ندمان اني خليتك تتربى عند ناس غيري أحمد عيونو متجمعه فيها الدموع :انت ايش تقول ؟ ابو حسين : شوف ياولدي انا عارف انك ماحتفهمني ذحين ولاحتستوعب كلامي بس انا حعوضك وحعيشك زي ماتبغى بس اباك تسامحني احمد بدات دموعو تنزل ابو حسين يمثل دور الاب الحنون ... حضنوو ويطبطب على ظهرو :لا يا احمد انت رجال ولايهمك حعوضحك واكون معاك امك وابوك وكل شي انت بس قلي ايش تبغى ابو حسين كمل الدور وجلس بالساعات يقنع احمد ويغريه بكل المحاولات في بيت ابو احمد أم احمد تبكي مستنيه أي خبر عن ولدها أبو أحمد رجع البيت وخيبة الامل على وجهو وصدمتو اكبر من كل شي مو عارف ايش يقولها يقلها المدير اخلى مسؤليتو واعتبر الحادث برا المدرسه لانو هرب مع صاحبو ابو احمد من طبعو مايعرف يتصرف في ذي المواقف ... رجع البيت دخل بخطوات مهزوزة مو عارف ايش يسوي جريت أم احمد لعندو بترجي ماسكه يدو : ولدي وينو ولدي ياخالد وييينو ( تبكي من قلبها وتسحب ثوبو وهو يحاول يبعد عيونو عليها مو قادر يتمالك نفسو نزل لمستواها وحضنها وهي تضرب بيدها في ظهروو وتبكي :ابا احممد ياخالد ابا احمد ) عيون صغيرة من بابا غرفتها تراقب كلها دموع مهي عارفه اخوها اشبو وليش اهلها كذا صوت التلفون خالف اصوات البكا ... بعدها عنو بسرعه ورد على التلفون أبو ياسر : السلام عليكم أبو احمد يحاول يعدل نبرة صوتو :وعليكم السلام أبو ياسر :انا ابو ياسر صاحب احمد ولدك .. ياسر جا يحكيني وانا والله مني عارف اصدقو ولا لعب عيال بس حاب اتاكد من الموضوع يقلي انو رجالين اليوم اخذو احمد معاهم في سيارة والرجالين مرتبين ومو باين انهم حرميه على قولو ابو احمد ماصدق اسم احمد يتنطق :ولدي احمد ايوا ماجا تعرف عنو شي ؟ ولدك يعرف عنو شي؟؟ ام احمد جات تجري لما سمعت اسم احمد تترجاه يقلها أي شي يطمنها :ولدي ابا الكمو احمد وينو ؟؟؟؟ ابو احمد يحاول يهديها ويفهم من الرجال الموضوع ابو ياسر اتاكد من صحه الكلام :ياسر كل اللي قالو قلتلك اياه وعلى قول الولد الرجالين باين معاهم فلوس والسيارة جديدة وفخمه غير كذا والله مني عارف ياريت اعرف واطمنكم ابو احمد فقد الامل :طيب مع السلامة قفل السماعه بدون مايسمع رد ابو ياسر ام احمد : وينو احمد رد عليا احمد وينو ابو احمد بدون احساس :ولدك انخطف (مو عارف كيف قالها نسي في لحظة انو زوجتو عندها الضغط ) الدنيا حوليها تدور عيونها تغممش بدات الدنيا تسود بدون ماتحس طاحت على الارض خطوات طفله تجري على امها وتصرخ : ماااااامااااااا ماااااااا مااااااااا أبو احمد يحركها :اريج اريييج ردي عليا اريج يخبطها في وجهها مافي فايدة ماسكها بيد ويدو الثانيه في جيبو طلع المفتاح ومسكو بفمو وحملها واتوجه للباب بسرعه تالا تجري ورا ابوها فتح باب السيارة وحطها تالا دخلت وجلست جنبها ... جري وسحب عبايتها وقفل الباب وحرك السياررة في الطريق يسوق بتوتر شديد مهموم مهو عارف يفكر في مرتو ولا ولدو الضايع مو عارف يدق على مين مالهم احد مايعرف الا اخوانو وهما مايعرفونو ماباليد حيله... اتنهد :يارب لطف ربي الطف بحالنا يارب طول الطريق صوت بكاها فوق صدر امها يرن في اذنو ولسانو مايردد الا يارب وصل المستشفى وعلى الطوارئ ... الدكتور دخل بسرعه وانقفل الباب (حامل بنتو راسها على كتفو وخصلات شعرها نازلة على عيونها المغرقه بالدموع )يدور فيها في الممر رايح جاي لين غفيت من التعب بعد ربع ساعه الدكتور خارج من الغرفه متوجه لابو احمد ابو احمد بانفعال :ها يادكتور طمني ابها زوجتي أيش عندها ؟ الدكتور :والله زوجتك بتعاني من الضغط انت عارف ذا الشي ول ابو احمد قاطعو :ايوا ايوا اعرف طيب ؟؟ الدكتور :الظاهر اتعرضت لصدمه جامدة جاتها سكته قلبيه ابو احمد مع كلام الدكتور عيونو كل مالها تكبر من الخوف والصدمه الدكتور :بس الحمد الله ربك سلمها ماكانت مميته بس برضو ما اخفيك حالتها صعبه جدا دخلت في غيبوبه والله العالم متى حتصحى منها بس اللي واضح من حالتها ما اعتقد اقل من 6 شهور تصحى مستحيل ابو احمد : اللهم لك الحمد الدكتور :الزيارة ممنوعه نعطيها مغذيات والمهديات جاهزة لاي حاله طارئه الدكتور يهدي ابو احمد : لا تفقد الامل ياما جات حالات زيها مرت عليهم سنين ومحد اتوقع في لحظة انهم يصحو بس اذا ربك اراد شي قال له كن فيكون ابو احمد يحرك راسو برضا.... ابو احمد متعلق في زوجتو عيونو متجمعه الدموع فيها حس انو وحيد بدون زوجتو وولدو مايعرف شي عنو ....... (بعد مرور 10 سنواااااات ) (انتهى البارت الثاني ) |
رد: روايه نور في غسق الدجى (البارت الثالث) (بعد مرور عشر سنوات ) صوت الملاعق والصحون هوا اللي ينسمع ماريا بعد تفكير :ماما جبتها خلاص عرفت ايش اختار تخصصي امها بابتسامه بسيطه :طيب الحمدالله اخيرا عرفتي ابوها:نورينا ايش؟؟ ماريا بحماس :مهندسة ديكور مراد يطالع بنص عين :ذحين لك اسبوع تفكري جبتيلنا الهم بتفكيرك وفي الاخير مهندسه ديكور؟ الحمد الله والشكر ماريا طالعت فيه بنفس النظرة :خليك انت في نفسك وفي ...خليني ساكته بس مراد اعطاها نظرة حادة :الحمدالله شبعت ام مراد :على وين لسا ما اكلت ش ابو مراد قاطعها:خلاص سيبيه هوا يعرف مصلحه نفسو ماريا كملت اكلها بدون أي اهمية وكل تفكيرها ايش حتسوي في تخصصها ؟... في الشارع (زحمة السيارات صوت البواري ملأ المكان ) محمد انتبه :وجع خلاص بمشي خفت الزحمة شويه شويه وهديت بعد دخولو لشوارع فرعيه اتنهد :ذحين انا ايش دراني وين مكانو ذا قلك عيد ميلاد انا ايش دخلني حفله ولاعزا دلع بنااااات بس ايش اعمل بامي استغفر الله مالي الا ياسر يدبرني مسك الجوال يتصل .. ياسر :هلا والله بمحمد محمد :هلاااافيك ..اسسمع بالله ياسر :آمرر محمد :تعرف فين محل ... حق الكيك؟ ياسر :ايوا ليش ؟؟غريبة مهي من عوايدك الرومنسيه ولا اتغيرت في يوم وليله ؟ محمد : ياسر انقلع ترا مني فايقلك خارجنا ياشيخ انا تعبان ولسا اول اسبوع جامعه واختي فايقه تسوي عيد ميلاد وعازمة نص الجامعه وطبعا الروحه والجيه على راسي ماكانو في سواق ياسر حاس بصاحبو:طيب اسمع تباني اساعدك ؟ محمد :ياريت صراحه ياسر :خلاص مرلي ونروح سوا محمد :طيب دقايق واكون عندك (صوت الاخبار في الغرفه ) باب الغرفه يندق أبو حسين ببجامتو على الكنبه وماسك الريموت :اتفضل أم حسين:أشبك وطي صوت التلفزيون شويه أبو حسين :معليه بس ياشيخه بالله تعالي شوفي اللي مات واللي انجرح كلو في ذي المظاهرات الله يكافينا أم حسين :خلاص اقفل مافينا للهم الله يسعدك أبو حسين بطاعه :طيب (انقفل التلفزيون) أم حسين :امم ايوا ماقلتلي ايش صار على الفله اللي قلتلي عليها أبو حسين :انا عمري قلتلك شي وماسويتو ؟ ام حسين بابتسامه :يعني خلاص اعتمد ؟ ابو حسين : اكييد أم حسين حضنتو وسلمت على خدو :الله لايحرمني منك أم حسين :ايوا صححح نسيت ما اقلك ابو حسين : اممم؟؟ ام حسين :حسين عجبتو الجامعه واختار تخصصوا خلاص ابو حسين بفرحه :والله؟ واخيرااا وايش اختار بشري؟ ام حسين : طب بيطري ابو حسين باستغراب ومو عاجبو الكلام:نعم؟ ومالقى غير ذا التخصص ؟ أم حسين:خليه ياشيخ حرام عليك هوا كذا يبا لاتوقف في طريقو ابو حسين بانفعال:لالا صراحه عرف يختار أم حسين تحاول تقنعو :طيب اسم انو طب وهوا مو محتاج حليه يعمل اللي يبغاه ولا يروح من يدك ويسوي شي مو كويس أبو حسين :اقتنع غصبا عنو وجا في بالو أحمد وسكت (جالسه في غرفتها الناعمه الوانها وردي وابيض أغلبها ورد وشموع بطبيعتها هاديه وحساسه وطيبه تكره اللي يجرحها ...بشرتها بيضاء نوعا ما شعرها بني فاتح وعيونها عسلي غامق شعرها لنص ظهرها ببجامتها الورديه الناعمه نايمه على بطنها فوق السرير وتطلع رجل وتنزل رجل وتلعب بشعرها بيد والجوال باليد الثانيه) ريم:ههههههه لاياشيخه أسري والله يجنن أنت ماشفتيه تمام والله حلو تالين :بس بس محسستني معذب قلوب العذارى ترا في احلى بمليون مرة ريم :طيب ورينا الاحلى بكرة بنشوف ذوقك تالين بثقه :طيب بكرة بعد المحاضرة اوريك أخليك تنسي ذا ريم :مي نقلك اني احبو هوا بس حل تالين قاطعتها :الله الله ذحين لك سنه تمدحي فيه بعدين تقولي ماتحبيه ؟طيب ياستي إعجاب مو حب يالله سلام بنااام انا تعبانه ريم تضحك :طيب سلام تالين قفلت الجوال وتنادي :امي محمد حجز الكيك ولا لا؟؟ ام محمد :كلمتو وراح خلاص لاتخافي حبيبي تالين:الله لايحرمني منك رجعت اتعدلت على سريرها تخطط لحفلتها لين مانامت في الصباح أم وليد تصحي البنات :تاااالا ربااااااااا قومو صلاااه يالله تالا :حاضر خالتي ذحين بقوم ام وليد :ماعندكم جامعه انتو ؟؟ يالله بسررعه اتخارجو تالا تبعد اللحاف من فوقها :الا خالتي حنقوم أم وليد تدق ربا : رباااا ربااا قومي صلااه ربا بنص عين :صلييييت امي صليت ام وليد : ماشاء الله مع مين صليتي ؟ ربا :مع وليد ام وليد ترفس ربا :قوووومي في احلامك صليتي قال وليد ام وليد طفشت وراحت تصحي وليد ربا في مكانها :ماشاء الله انتي مصطفى خشي اول انت الحمام بعدين انا صحييني امها بره الغرفه : رباااااااااا بتقومي ولا اكب مويه ؟؟؟ ربا قامت بسرعه :خلااص قمت والله دقت الباب ودخلت مالقت احد على السرير باب الحمام انفتح :هلا أمي صباح الخير أم وليد :هلا فيك صباح النور وليد :ها قاموو البنات ؟ أم وليد :ايوا تالا قامت وربا تتلكع كالعاده وليد : خلاص انا حلبس قوليلهم يتجهزو دقايق والاقيهم جاهزين (وليد طيب وشخصيتوجذابه حازم في بعض الامور صادق في احساسو مايحب يلعب بمشاعر احد جسمو معضل وشعرو ناعم اسود قصير مرتب حنطي وطولو معتدل وحياااااتو العطور) (ربا فلاويه ماتحب احد يغلط عليها جريئه وجمالها بريئ عكس شخصيتها ) ربا في الحمام تغني تالا (طيبه وانسانه محترمه جدا عفويه وعلى نياتها طموحاتها كبيرة صبورة وتتحمل الكثيير نسحه من امها حنطيه وشعرها اسود طويل لاخر ظهرها تحليها الغمازة وعيونها الواسعه ) واقفه قدام المرايا تصلح شعرها :ربا يالله والله حنتأخر لسا ثاني اسبوع بدا حرام عليك تبي الدكاترة يكرهونا ؟ ربا وهي نازلة :ذحين عرفنا أنك مصطفى خلاص ياخي ناقصك نظارة بس خلاص حبيبي احنا في جامعه الحياه حللللوه نور تطالع فيها وجات قبالها خربت ششعرها المبلل :انقلعي وخارجينا يافله انت على بالك وليد بيستنى لكاعتك ذي حيمشي ويسيبك تعالي امشي بعدين وليد ينادي ربا من الصاله :بسرعه ياربا انا استنى في السيارة تالا تدق ربا :بسرررعه ياكلبه والله مالي صلاح تالا بعبايتها مستنيه ربا وتهز برجلها ... ربا خلصت بسرعه ونزلو ربا خايفه وليد يعصب وتالا مشاركتها الخوف وليد مرووق بس حب يخوفهم وليد عقد حواجبو :بدري ياست ربا ايش رايك تردعي تنامي ربا ارتبكت زيادة وتدق تالا تبا تصريفه تالا همستلها :قوليلو كنت ادور كتبي ربا انغاضمت وطالعت في تالا بقهر :حتى في التصريف مصطفى وليد يستنى رد ويسوق بهدوء وليد : اممم؟ استنى انا... ربا :ياشيخ خلاص حصل خير نمنا ونسينا مانرتب اشياءنا وفي اشياء ضاعت وكذا تالا مقهورة من صيغه الجمع ربا تكمل كلامها وليد قاطعها :بس بس قصه حياتك عشان تاخير بس المهم اقلكم في مباراة اليوم بين البرشا ومدريد اذا فاز البرشا عشاكم عليا اليوم ربا بحماس :قلنا كذا من البدايه وليد باستغراب :ليش أي كنتي بتسوي؟ ربا بثقه :ادعيلكم في الصلاه ياذكي وليد :لا الله يخليك انت كل ماتدعي ثلاث مصابين واللعيبه يبلمو ويانتعادل يانخسراسكتي بالله اللي يسمعك يقول امام الحي ربا متنرفزة بس تبا تقهرو سوت نفسها ماسمعت :تالا ايوا ايش كنا نقول ؟ تالا ماسكه ضحكتها بس ماقدرت بعد سؤال ربا فكتها وليد وتالا يضحكو وضحكاتهم تعلا كل ششويه ربا قرون ابليس طلعتلها من الفشله وصلوا لجامعه وليد :يالله بس انزلي لقطي وجهك تالا تضحك بشويش ونرلت ربا معصبه نزلت ورقعت الباب بقووه وراها وليد زاااد صوت ضحكتو ومشي تالا ضحكت براحه وربا تطالع فيها : خلاص لايطقلك عرق تالا:هبله انتي ؟ تكمل ضحكتها :اسم الله على تصريفتي ولاتصريفتك قلك تالا ايش كنا نقول امشي امشي بس ربا اتذكرت وضحكت في نفسها ومشيت في جهه ثانيه من الجامعه ماريا تمشي ومتلخبطة أول مرة تدخل مكان القسم كل اللي فيه جدد وماتعرفهم بخوف:خليني استنى برا لين تبدأ المحاضرة بعدين اشوفلي احد اتعرف عليه تمشي في الممرات وتطالع في كتبها اللي معاها وترتبهم صقعت :ااااااااه وجع ماتشوووووفي؟ الدكتور:اسف والله بس انت اللي صقعتيني انا ماشي تمام ماريا مفجوعه انو دكتور وشكلوا لبرئ خلاها تبلم خايفه تتفشل:مرة ثانية طالع في طريقك لو سمحت مشيت بخطوات سررريعة وطويله وماصدقت لمحتهم جالسين في الكراسي برا في حديقه الجامعه تالا:ربا شوفي من جا ربا تطالع في مكان ثاني تالا تصقعها :يااهبله هنا ربا :هااا طيب مين ؟ ماريا جايه اتجاههم وتفكر باللي صار قبل شويه تالا :هلا بالزييين والله ربا: هلا بالموبايلي والله ماريا:ههههه انقلعي هبله تالا قامت تحضنها :وحشتيييني ياهبله وينك انت ؟؟ ماريا :وانت اكـثرررر والله ربا:لنااا الله (نطت فوقهم تحضنهم) تالا:وووجع يامعفنه بعدي ماريا :خنقتيني ربا :الشرهه مو عليكم عليا انا اللي احضنكم انقلعو ماريا وتالا يضحكو على شكلها ماريا جلست على الكرسي:آآآآه بنااات قبل شويه صارلي شي يالبييييييييه ربا متحمسه :انخطبتي؟؟ ماريا طالعت بنظرة حادة :مالت على التخمين تالا :طيب ايش حمستينا ؟ ماريا نزلت جسمها على الكرسي :صقعت واول مارففعت عيوني لقيتو دكتووور وسويت نفسي معصبه قلتلو خير ماتشوف؟ ربا :ايوااااااا تعجبيني تالا طالعت في ربا باستنكار واستعجاب ماريا:ومسكين اعتذر مهو داري الود ودي اقلو هات بوسه واسامحك اول ماخلصت كلامها ضربه على ظهرهااااااا من تالا وربا فاطسه ضحك ماريا ماسكه مكان الضربه :والله ياهووو يجنن الله يرزقنا بس ربا رفعت يدينها :اميييييين تالا:المهم يالله كل وحدة على محاضرتها في جامعه من ارقى الجامعات في جدة (في القاعه ) جالسين جنب بعض ...تدقها بحماس :شوفي ذا احلى من حقك ريم:امممم حلو بس حقي احلى تالين :انقلعي بالله طفشتينا بحقك ريم تضحك بشويش تالين رجعت نفسها على الكرسي :طفش ياااخي ريم :خلاص اسكتي والله بيطردك بره تالين بطفش قااااتل :ياشيخه فكينا في جامعه في المانيا حسين:طيب إيش الاعمال والبحوث اللي ممكن اسويها ولا كلو عملي ؟ الدكتور :لاحيكون الاثنين احيانا عملي ممكن تروح مزارع محميات وبالنسبه للنظري بحوث عن الامراض حسين :اهااا طيب حلو وان شااء الله اتوفق فيه الدكتور يطمنو ويطبطب على ظهرو:لاتخاف انت قدها (حسين بعكس ابوه هادي ومايحب يأذي الناس حالو في حال نفسو بس يشبه ابوه مررة اسمر ووسيم ومعضل شويه شيك دايمااا ) في كافتيريا الجامعه جالس على الطاولة ماسك بيدو اليمين القهوة وبيدو اليسار قلم يكتب حسابات الجوال يدق... محمد:هلاا أمي أم محمد :هلا محمد كيفك؟ محمد:الحمد الله بخير دعوااتك ام محمد :الله يوفقك يارب محمد :امين ام محمد :بس كنت بسالك جاي للغدا اليوم ولا؟ محمد حط الدوال تحت اذنو وماسكو بكتفو ويكتب :ااممم لا حتغدى مع ياسر اليوم ان شاء الله ام محمد:طيب براحتك يالله مع السلامة محمد :مع السلامة داخل الكافتيريا مع صاحبو الموجودين عيونهم على اللي داخلين ماعدا محمد رائد يمشي واتعمد يدق محمد وهوا مشغول محمد طالع فيه بنظره استحقار وسكت وطنشو رائد انقهرررر على التطنيش :أنا اوريك مشي للي يبيع :لو سمحت اثنين كوفي وفطور كامل كالعاده للي قاعد قدامي (ياشر على مكان محمد)خلاص ناس ماينعطو وجه كل يوم افطرو ماشاف نعمه اعوذ بالله الموجودين عيونهم كلها على محمد باستعجاب وبعضهم باستحقار محمد مفجوع من تصرفوا ولا صغار يسووه خرج من الكافتيريا واكتفى بمرورو على رائد طالع فيه بنص عين :الله يثبت علينا العقل والدين (انتهى البارت الثالث ) |
رد: روايه نور في غسق الدجى (البارت الرابع) في المستشفى صوت القرآن ليل نهار شغال يد دافيه تحسسها وفي عينها دمووع تالا ماسكه يد امها :ماما متى اشوفك تكلميني صوتك زي الخيال في بالي والله اشتقتلك تمسح دموعها ... مسكت الجوال تتصل تالا :هلا بابا كيفك ؟ ابو احمد :الحمد الله تمام انت كيفك ؟ (تالا عايشه في بيت خالتها وابوها يشتغل في الرياض انفصل من الشغل بعد غياباته المتكررة ) تالا :الحمد الله بس وحشتني والله متى تجي جدة؟ ابو احمد اتنهد :حبيبي لما اخلص شغل حاليا الشغل زايد لسا بدري على الرجعه تالا بتعب :امم طيب ابو احمد يضيع الموضوع :طيب كيف جامعتك ماحكيتيني ؟ تالا :الحمد الله تمام كمان ربا ووليد وخالتي مو مقصرين معايا في شي ابو احمد اطمن :طيب الحمد الله خلاص انا حقفل عندي شغل كثير يالله انتبهي على نفسسك تالا:طيب حاضر ابو احمد :يالله حبيبي مع السلامه تالا :مع السلامه متحممممسه وتصرررخ وتضحك تالين ماسكه الجوال :اخيررررا ياشيخه بكرا الحفله ريم:ايوووا من جد صح صجيتينا بس بمشيك على عقلك تالين:لاياشيخه انقلعي هيا لاتجي ريم تضحكط على نرفزتها :امززح وي تالين:طيب ياخي ما ادري ايش البس ؟ ريم :اممم فستتان طبعا تالين :اعرف بس ريم قاطعتها :خليه نفس الوان الديكور حق الحفله تالين بتأييد :ايوا جبتيها ريم :طيب عندك ؟ تالين :لا ريم ضربت وجهها بيدها :هبله يارربي طيب؟؟؟؟ تالين:بالله ننزل بعدين مررة ماباقي وقت ريم :خلاص طيب ننام ذحين ولما نصحى اجيك تالين اوك باي ريم :باي تحت احد العماير محمد :يالله انا تحت انزل ياسر :طيب اطلع على ما البس محمد بطفش :طيب يالله امري لله محمد متوجهه للعمارة ... قابلتو حرمة وبنت صغيره مشي وضغط الاصنصير وقبل ماينفتح الحرمه :لوسمحت محمد داخل الاصنصير بس رجع :نعم؟ الحرمه :تعرف في أي دور بيت ياسر ....؟ محمد باستغراب :ايوا ليش مين انت ؟(محمد عارف انو ياسر ساكن لوحدو وامو وابوه مطلقين واعطوه الحريه يسوي اللي يباه ) الحرمة :انا وحدة اعرفو بس وين شقتو ياريت تدلني محمد ياشر على الاصنصير :خلاص اطلعي هوا في الدور الرابع شقه 10 الحرمه :مشكور محمد طالع الدرج على مهلو ومستغرب ويفكر مين ممكن تكون هذي الحرمه سبقتو ودقت الباب .. (ياسر لابس بنطلون جينز بس بدون تيشيرت وباينه عضلاتو تماما لعاب بس بحدود شكلو عادي بس اهتمامو في نفسو وشياكتو الدائمه تحليه وتميزو غمازتو في خدو اليسار ) فتح الباب بدون مايطالع مين على بالو محمد الحرمه دخلت وبصوتها الناعم :ياسر ياسر دار جسمو كلو على الصوت وفتح عيونو بقوه :مرررررروه؟؟؟؟ مروة :جيتلك انا وبنتي خلاص اتطلقت ياسر ما اقدر اعيش معاااه والله احبك مني قادرة اكمل حياتي كل لحظه اشوفو قدامي (دموعها بدات تنزل )خلاص راضيه اعيش معاك على أي حال ياسر باستهزاء ضحك:ومي نقلك اباك ترجعي؟؟؟ محمد طلع وقرب من الشقه الباب مردود مو مقفل بالكامل سامع صوت مروة تترجى ياسر مروة :ياسر لااا والله خليتو يطلقني عشانك سويت المستحيل عششانك لاتردني محمد مصدوم مو عارف مين هذي جلس ورا الباب يسمع غصبا عنو البنت بينهم عيونها تدور على اللي يتكلم يا امها ياياسر ياسر ماسك اعصابو :مروة ارجعي لزوجك اقلك مروة بكيت اكثررر:حرام عليك ياسر على قد عصبيتو حن عليها :مروة انتي معاك بنت فاهمه ايش يعني بنت ؟؟؟حرام تمنعيها من ابوها أيش ذنبها؟؟ مروة بدون اهتمام تاشر براسها بنفي :لا بنتي حربيها بس موعندو وعادي ماحمنعها منو بس ابغاك انت ياسر اتنهد :مروة ما اقدر خلاص مني قادر ارجعلك انا نسييييييتك دخل غرفتو وقفل الباب مو قادر يشوفها منهارة محمد مازال مصدوم برا يفكر ايش اللي قاعد يصيير؟ مروة انهارت اكثررر بس خلاص ماتقدر كرامتها فوق كل شي كذا كافي عليها انهانت خرجت من الشقه وسحبت بنتها معاك انفجعت بصقعتها مع محمد بس مشيت وما اهتمت خرجت من العمارة كلهااا محمد مصدوم دخل الشقه واتوجه لياسر دق الباب :ياسسسر انا محمد افتح الباب ياسر جالس على السرير وحاط يدو على راسو قام واتوجه للباب وفتحو محمد دخل :ياسر اشبك ؟ومين ذي الحرمه ؟ ياسر بضيق:امشي بالله خلينا ننزل مني طايق اجلس ابا اتنفس محمد مايبا يضغط عليه:طيب استناك نزل محمد من الشقه :الله يستر بس ياسر قام بسرعه للشباك واتاكد مافي احد ...لبس تيشيرت واتعطر على السريع ونزل محمد يستنى في السيارة ..وثواني وياسر دخل :يالله مشينا ياسر طول الطريق ساكت ويفكرر محمد عين على الطريق وعين على ياسر في فلتهم الصغيرة مرتبه واثاثها هادي وانيق في الصاله على الكنبه البيضاء ماسك الريموت ويقلب جات عندو وجلست جنبو ...طالع فيها وابتسم وحوطها بيدو بدور :منت جيعان ؟. مراد :أنت جيعانه؟ بدور تضحك :انا اسالك مراد ابتسم :طيب اذا انت جيعانه نقوم ناكل سوا انا عادي يعني بدور:اها طيب خلاص نص ساعه ونقوم نتغدى حتى انا مو مرة جيعانه بدور:ها ماقلتلي كيف خالتي وحشتني والله مراد :امي الحمد الله تمام تسلم عليك بدور :الله يسلمها ...طيب متى نروحلهم ؟ مراد :الجمعه ان شاء الله بدور :ان شاءالله مراد ابتسم:أي اسئله ثانيه؟ بدور عقدت حواجبها:لاياشيخ هيا خليك زي الجن لوحدك مراد يضحك ويسلم على خدها:امزح معاك بدورررري بدور:يييييع ايش الدلع ذا مراد يدفها من جنبو بشويش :هيا قومي من عندي انت ذحين بدور تضحك:خلاص خلاص امزح (غمزتلو) مراد :الحمد الله والشكر (في الشركة ) ابو حسين :مادريت إيش تخصص ولدي ابو رائد يكتب على الاب :لا ايش؟ أبو حسين بقهر:طبيب بيطري ابورائد:وليش تقولها كنو موعاجبك ؟ ابو حسين :طبعا موعاجبني اباه يطلع مستثمر من رجال الاعمال الكبار في البلد ابو رائد :خليه براحتو لاتجبر ولدك على شي مايبغاه ابو حسين :لاياشيخ على بالك ولدي زي ولدك ضايع؟؟ اقلها ولدي عارف فين يروح فين يجي مو زي ولدك ضايع في الشاليهات ابو رائد وقف كتابه ودار عليه بعصبيه :احترم نفسك ما اسمحلك هذا ولدي وبعدين مين سمحلك تتكلم عليه ولدي وانا اعرف فين يروح وفين يجي أبو حسين :هدي ياهو ماقلنا شي المهم اما ماشي تامرني على شي؟ ابو رائد:لاشكرا ابو حسين اتوجهه لمكتبو ... (ابو رائد مقهور على ولدو عسكو تماما خايف يشد عليه يضيع منو أكثر في مكتب ابو حسين ... ماسك جوالو ويدور بالكرسي علي خفيف :الو احمد:ايوا الو أبو حسين هلا احمد كيفك؟ احمد :الحمدالله أبو حسين :ماقلتلي كيف الفله الجديدة مرتاح فيها؟ احمد على قد الخير اللي يعطيه اياه بس مايرتاحلو :الحمدالله ابو حسين :امم أنت لسا في شغلك ذاك؟ احمد :ايوا الحمد الله مرتاح فيه ومابا اغيرو ابو حسين:براحتك بس متى ما ابغاك في شغلي الخاص غصبا عنك حتشتغل معايا احمد بتصريف اتعود على ذا الاسلوب :طيب يصير خير ابو حسين :سلااام .. وقفل احمد رما الجوال جنبو منسدح على السرير :يارب الين متى على ذا الحال كني مقطوع من شجرة كل ما اسئلو طيب عرفني على اهلي يتعذرلي ويقول مايبا فضايح فضايح ايييه ما كاني ولدو كل يوووم نفس التفكير خلاص طفششت ياربي حلها من عندك انت اعلم بحالي كمل تفكيرر ودعاء لين نام في المطعم محمد مقابل ياسر في الطاولة :ياسر محمد علا نبرة صوتو :يااسر ياسر انتبه :اممم؟؟ محمد:ذحين حنجلس ساكتين لين متى قلي ايش حكايتك ؟ اشبك فجاه بعد كاجاتك الحرمة ذي ياسر يطالع فيه ومافي أي رد .... محمد يكمل كلامه :حتى أكلك ما اكلتو قلي ايش في يمكن اقدر اساعدك ياسر : ما ادررري محمد باستغراب :ايش ماتدري؟ ياسر:امشي خلاص شبعت نخرج مكان ثاني محمد:ياهووو لاتصرفني جاوبني اول ياسر وقف :استناك في السيارة بتجي ولا اخذ تاكسي؟ محمد اتافف:طيب لحظة ياسر نزل ومحمد حط الفلوس على الطاوله ونزل وراه في السيارة ... محمد ان الشي مو بسيط مو من عادتو يقلب مزاجو كذا مافي يده الا يوديه مكان يروقو .... ياسر مستمر بالسكوت والتفكير محمد زاد السرعه واخيرا وصلو محمد نزل وفتح الباب للياسر :انزل ياسر بدون أي تردد نزل محمد جلس على الرمل وجلس جنبو ياسر :هاكذا حتتكلم؟؟ ياسر ابتسم شويه:تعرف تمسكني من اليد اللي تعورني والله الجو يساااعد على الروقان والبحر ما اقدر اقاومو محمد ضحك :طيب الحمد الله أنا حستنى لين تروق وتتكلم من نفسك مامرت دقيقتين .. ياسر :كنت ماشي بدون أي وجه محددة مني عارف فين اروح طفشان وابا اطقطق على أي احد بالصدفه شفت حادث نزلت اشوف ايش في ... السيارة مظلله والسواق برا السيارة متلخبط وشويه ويبكي باين انو جديد ومايفهم ولاشي وانا هنا انبسطت وبديت اتريق عليه واطقطق على راسو وهوا يحاول يفهمني وياشرلي على جوه السيارة وانا مني فاهم شي لما تعب مني فتحلي الباب شفتها منسدحه وطرحتها نازله تتالم رجلها انكسرررت وتبكي وماصدقت تشوف احد ... انا هنا دخلت مزاجي وضمنت البسطه ليومي حكمل استهبال عليها جلست ومسكت يدي تترجاني اساعدها على رغم اني كنت ناوي العب عليها حنيت على شكلها باين الالم قوي قررت اوديها المستشفى وبعدها اشوف ايش بيصير ... عرفت منها انو اهلها في الرياض ومالها الا عمتها كبيرة في السن وهنا بس بدا لعبي يتسهل ويحلا اكثر واكثر وديتها وجلست معاها اتنومت يومين كان عندها جروح ومدري ايش يوم بعد يوم اتقربت منها اكثر واللي ماكنت اتوقعو اني احبها اتعقلت فيها واتعلقت فيا بس للاسف كانت جايه جدة تقضي لزواجها اللي غصبوها عليه اهلها عشان عادات وتقاليد هذا الشهر كل يوم مكانتها في قلبي تزيد واحس حياتي لها معنى بعدها مر كم يوم ما اتصلت عليا ولا سمعت أي خبر منها دورتلها مالقيتها وماخفت اني اروحلها لين بيت عمتها بس اكتشفت انها سافرت واتزوجت ولاجاني أي خبر عنها بعد كذا .. محمد منسجم ومستمع بكل حواسو ياسر: عانيت يامحمد كثييير ماتتصور كيف المعاناه اللي عشتها ايامي ماكنت احس لها معنى بدونها وشهر بعد شهر نسيتها الحمد الله ولما نسيتها جاتني زي ماشفت مع بنتها تباني اتزوجها محمد برده فعل سريعه:طيب اتزوجها ياسر :لاطبعا أنت ماتعرف اهلها مشكلجيين وهيا عندها بنت وخلاص انا شلتها من بالي تماما محمد:طيب ايش حتسوي ياسر :خلاص قلتلها ما ابغاك وراحت وما اعتقد ترجع اعرفها محمد :والله مني عارف ايش اقلك ياسر :لاتقول شي هذي كل الحكاية وامشي ياعمي خلينا نروح أي مول ابا اشتري اشياء محمد :طيب يالله في احد مولات جدة تالين :يالله بسرعه قبل مايقفلو للصلاه ريم:اصبري مستعجله ليه تالين :لاياشيخه والله ياقيلي اشياء كثيرة انا مني عارفه ليش ماقضيت من بدري ريم :تساليني انا عن هبالتك؟ تالين تصقعها :انكتمي ريم تضحك:طيب خلاص بنكتم جبتيلنا الصمرقع بحفلتك تالين:ايوا اصلا لوحفلتك كان الخدم والحشم سوولك كل شي ريم ترمش بسرعه :طبعا حبيبي انا ريييم بنت عبدالعزيز.... تالين :الله شوفي هذا الفستان حلو ريم تطالع بنص عين:يعني مسويه طنشتيني تالين :كويس عرفتي يالله بس في المول ياسر يطالع في المول :مو هنا محلكم ؟ محمد يتافف:ايوا للاسف ياسر :ليش ؟اشبك ؟ محمد :ابويا ياشيخ يباني اجي بين فترة للثانيه عشان اشرف المحل واللي يشتغلو تعرف هوا من سفره لسفره ياسر :اها عشان كذا انت جايبني هنا ؟ محمد : ايوا ياسر :طيب مشينالو يالله محمد :ترا حطول شويه فيه عادي ؟ ياسر :ايوا ماعندي شي اصلا محمد وياسر اتوجهو للمحل ... محل مجوهرات كبير ياسر :واااااااو مرتب المحل محمد ياشر براسو تاييد :اممم ياسر يطالع في المحل .. ياسر :شوف شوف حرمه تتخاصم مع الهندي محمد دخل بسرعه وياسر وراه الحرمة:أنت ماتفهم ؟اقلك ابا ارجعو الهندي :لامدام مايجي خلاص انت في اشتري الحرمه :ياربي على الهبل اعرف اشتريتو بس خلاص برجعو ما ابغااه الهندي : ما اقدر مدام محمد :العفو خالتي في شي ؟ الحرمه :اشتريت العقد ذا وبعدين غيرت رايي ما ابغاه محمد :طيب ايش المشكله؟ الحرمه :مايبا ذا يرجعلي فلوسي محمد يوجه كلامو للعامل :خلاص رجعلها فلوسها الهندي :ماينفع بابا ممنوع بابا كبير يقول محمد:خلاص قلنا رجعو الهندي بطاعه :طيب الحرمه :مشكور ياولدي الله يكثر من امثالك محمد ابتسم مجامله :العفو ياسر :ياهووو أنت ياللي تحل مشاكل محمد :اسكت بالله واجلس هنا على ما اشوف البقيه ياسر :لالا انا ماشي بقضي وارجعلك محمد :براحتك في المطبخ ... ام وليد تفتح الثلاجه :ياربي نص الاشياء مافي كيف بالله اسوي العشا ؟ بالله تالا قومي شوفي في الدولاب جنبك في اشياء؟ تالا تفتح الدولاب :مافي خالتي أم وليد :دوري اللي جنبو واللي فوقو تالا طلعت فوق الدولاب عشان ماتوصل :طيب حاضر أم وليد :انا بروح اشوف عمك واقلو تالا تغني بروااق وصوتها يجنن :على حسنه عسى ربي يعينه ما الوم الناس مااتت منه غيره خجل وجه المرايا شوف زينه يأنب من لمح وجهه ضميره ... دخل المطبخ بيشرب مويه وما انتبه لوجود احد (تالا لابسه بنطلون أسود وبلوزة درجات الودري ورابطه شعرها ذيل حصان ومنزله قصتها على جنب ) المطبخ كبير صوتها ماوصل للجهه الثانيه وليد دخل وهوا يشرب يبا يفتح الثلاجه تالا من مكانها :خالتي مافي ولاشي بس طبعا دقيق وسكر وامم ورز يعني الاشياء الاساسيه طبعا نطت ووجهها مازال على الدواليب بلم لما شافها عمرو ماصادفها لسا اسبوعين لها عندهم ولابالغط قابلها قعد يطالع ونسي نفسو... تالا تنفض نفسها وملابسها رفعت راسها .. صررررخت بصوتها كلو من الفجعه والحيا وليد شررررد على غرفتو قبل لحد يجي ربا في الصاله منسدحه رمت الريموت ونطت نطه طاحت على بطنها من فوق الكنب بس كملت جري للمطبخ ام وليد دخلت بسرعه :ايش في ؟؟ايش صاير؟؟ ربا تجري :مين ماااااات ؟؟مين انحرق ؟؟ تالا وعيونها مليانه دموع من الاحراج ورده فعلها الفضيحه :لابس طحت من فوق الدولاب ربا :وجججع ذحين نطيتلك نطه طرزان واتكعبلت كمان وجيت اجري واللي في الفيلم اتزوجو وانا ماشفتهم عشان وجهك ياكلبه ؟! أم وليد تضرب ربا على كتفها :ربا انكتمي ام وليد :سلامتك يابنتي صارلك شي ؟في شي يعورك؟ تالا بارتباك :لالامافي شي اسفه والله فجعتكم ام وليد:لاحبيبي ماصار شي اهم شي سلامتك ربا وتالا خرجو من المطبخ تالا دوبها تستوعب كلام ربا دفتها فجاه ربا :اااه عمى يعمي بليس واهلو اشبك؟؟؟؟ تالا :مين مات هااا؟ ربا تضحك :والله من جد على بالي بيصير اكشن تالا:مو منك من افلامك الحمد الله والشكر ربا بقهر :والله ياكلبه ضيعتي عليا قبله الزواااج تالا مفجوعه :اتحي على دمك ربا :والله صارلي اسبوعين استني ذا الفيلم دخلو غرفتهم كل وحدة جلست على سريرها ام وليد تنادي :رباااااا رباااااا ربا :هااااا؟ تالا :اسمها نعم مو ها ياحمارة ربا :ها امي ؟ تالا:مسويه رقعيتها ام وليد :تبو شي من السوبر ماركت ؟وليد رايح ذحين تالا اول ماسمعت اسم وليد افتكرت الموقف وقلبها جري جررري ربا :ايوا ايوا بنروح معاه تالا برده فعل سريعه :لامابا روحي لحالك ربا :ليش؟ تالا:بس مابا عندي اشياء الجامعه برتبها ربا :بكيف كانا رايحه اقلو يستناني ربا خرجت وقفلت الباب وراها تالا اخذت نفس :ياربي كيف حروح بكرة الجامعه شكلي حغيب ..ولا لا يقوم يفكر شي ثاني هوا ووجهو كمان ساعه يطالع وجع .... (انتهى البارت الرابع ) |
رد: روايه نور في غسق الدجى (البارت الخامس) الغرفه باردة ...نايم في سرير كبيير ومريح في غرفة فخامتها ماينمل منها الدكتور:يا ابو رائد لازم تريح اقلها ثلاث ايام ماتتحرك من السرير ابو رائد بتعب :ما اقدر يادكتور الشغل ما اقدر اسيبو الدكتور:لاممنوع لازم راحة انت منت شايف السكر كيف منخفض عندك ابو رائد :الحمد الله الدكتور:يالله انا استأذن ابو رائد:.... الدكتور خرج من الغرفة الخادمه الخاصه:ها يادكتور طمني عنو ؟ الدكتور :مين حضرتك زوجتو؟ الخادمه الخاصه: لا انا خادمتو الخاصه زوجتو متوفيه الدكتور:اها والله لازم يكون في رعايه ملازمه له السكر نازل واذا استمر في نزولو خطر على حياتو الخادمه (وداد)حاطه يدها على قلبها :لالاااا ان شاء الله حيتحسن حنعمل كل اللي نقدر عليه الجوال يدق بشكل مستمر ... اخيرا رد محمد :نعم تالين :بدري؟؟؟ محمد :تالين اخلصي مني فاضيلك تالين بدلع متصنع :حمودي حرام عليك بكرة عيد كيلادي ومنت فاضيلي؟ محمد:ياديـــــــــــــن محمد ...(انفجر فيها )ذحين محد ولد غيرك؟ولا انت بنت الملوك والناس عبيد؟ تالين بخوف :خلاص امزح وجع اكلتني تالين :بس كنت بتاكد من حجز الاكل لايجيبو البوفيه متاخر واتفشل عند البنات محمد:شايفتني اشتغل عندك ؟ تالين:ما ادري متى تقول كلمه عدله محمد بحزم :تالــــــــــــــــــين تالين :خلاص والله بس ارسلي رقمهم وانا بتفاهم معاهم محمد :طيب سلام تالين:سلام في المول ياسر رجع المحل ... ياسر :سلام محمد :وعليكم السلام ياسر :لسا مطول ولا ايش؟ محمد:يعني مو مرة الساعه كم ؟ ياسر :10 محمد :طيب خلاص ساعه بالكثير نخلص في المانيا (برلين) (الساعه 8 مساء في احد المطاعم ) جالس في جو هادي جدا حسين يفكر وياكل :وحشني اكلنا والله الجرسون:ماعجبك الاكل ؟ حسين يسلك :الا طبعا شكرا الجرسون:العفو يكمل اكلو بملل وسرح على كلب قدامو كيف عايش عيشه اكرم من كثير ناس محتاجه حرمه مسنه :عجبك ؟ حسين يسلك من جديد :امم جميل الجرمه المسنه :اسمو بوبي حسين:اسم حلو الحرمه المسنه اتحولت ملامحها للحزن :كانو اثنين بس مات اخوه حسين مستغرب من التعاطف :كيف مات؟ الحرمه المسنه :بعض الاولاد الصغارسمموه حسين :اها الحرمه المسنه :انت من وين باين مو من هنا حسين :من السعوديه الحرمه المسنه :مسلم ؟ حسين خاف من السؤال :ايوا الحرمه المسنه :لاتخاف انا مسيحيه لكن ما اكره الاسلام وفكرت كذا مرة ادخلو بس لسا مني متشجعه حسين اهتم للموضوع:ايش اللي موقفك ؟ الحرمه المسنه :بعض المسلمين اللي يجو في بعض المواسم اخلاقهم سيئه غير عن اللي اقراؤ في الكتب حسين:مو كل الناس زي بعض الحرمه المسنه:في نظري الا حسين:تتوقعي انا زيهم الحرمه المسنه :انا ما اعرفك لسا ما اقدر احكم حسين حس انو طول معاها قام من مكانو :امم اتشرفت فيك انا حمشي بكرة عندي جامعه الحرمه المسنه :بالتوفيق حسين ابتسم ومشي يدفع الحساب ... الجرسون :لاتتكلم معاها كل الناس في الحي يوصفوها بالجنون حسين ابتسم :ماشفت شي يثبتلي كلامك دفع الفلوس ومشي ... في شوارع جدة المزدحمه غارق في التفكير .. ربا :اووف ايش الزحمه ذي وليد :.... ربا :وليد وليد مو معاها ربا :وليدووه وليد :... ربا صرخت :ولـــــــــــــــيد وليد انفجع :اشبك ؟ ربا :اصنج؟؟ وليد :ايش تبغي مو شغلك ربا غمزتلو :اللي ماخذ عقلك يتهنابو وليد :ربا بلاخفه دم ربا :طيب شسمو ذا .. ايوا كيف شغلك ؟ وليد :تمام ربا :كنك نسيت المباراه وليد :انساك ما انساها ربا :انقلللع وليد :اتاجلت بس ربا :اهااا وليد :يالله انزلي دخلوا لمول وقضو كل الاشياء ... ربا :ااااه تعبت ايش المسيرة ذي كنو رمضان وليد : طيب روحي استني بره انا احاسب واجيك ربا :طيب اذا خلصت اتصل مشيت تدور كرسي ... اول ماسندت جسمها على الكرسي راحت عينها على محل المجوهرات اللي قدامها .. قامت جررري ربا دخلت وتتفرج مندمجه ياسر :كنها ساعه صارت ؟ محمد :ياخي خلاص بس عشان ما اجي مرة ثانيه ياسر يتأفف ... ربا :لوسمحت بكم هذي ؟ الهندي :2500 ربا:اهااا طيب ياسر :اصيرلك اسوارة ربا :نعم؟؟؟ ياسر ابتسم ابتسامه بينت غمازته :اقلك اللي جنبها احلى ربا :احد طلب رايك؟ ياسر :عيونك طلبت ربا :احترم نفسك ياسر :لالا بدينا بالغلط ربا :اصلا ماماتو اللي يغازلون ؟ ياسر :ومي نقلك اني اغازلك ..اعرض خدماتي بس ربا :شكرا مابا ياسر مسك اسوارة جنبو وجا باتجاهها :ششوفي ذي ربا :انت ايش تبا ؟؟ ياسر حط الاسوارة على يدها ربا قلبها في رجولها :عمى كلب حقير ماتستحي ياسر انفجع :انت السب جاهز عندك؟ ربا جات عندو :لامثالك قليله كلمه الحقارة فيهم خرجت من المحل اتصلت على وليد :ويينك ؟ وليد :انت اللي وينك ساعه اتصل ربا :ماسمعت والله خلاص نازله (في الصباح الشمس باردة والغيوم مومرة ممليه السماء الباب يدق :... ريم نايمه :اممم؟ ابو ريم :ريم قمتي ؟ ريم اول ماسمعت صوت ابوها نطت وعدلت شعرها وفتحت الباب :هلا بابا ابو ريم ابتسم :شكلك لسا نايمه ريم :دقايق واكون جاهزة ابو ريم :استناك على الفطور يالله ريم :حاضر مر على الغرفه في الجناح الثاني الجزمه مرميه تحت السرير نايمه بثيابها والكحل مملي وجهها ابو ريم بقهر :راجعه حضرتها الفجر شكلها دق الباب المردود :احم احم ام ريم :... ابو ريم دق اقوى ام ريم حست ودعكت عيونها :خلود ؟؟ ابو ريم :لاحول ولاقوه الا بالله خلود مين قومي اتعدلي ونامي زي الناس ايش القرف اللي عايشه فيه ذا ؟ ام ريم :يوووووه انت اقول اقفل النور والباب بس ابو ريم :متى راجعه امس ؟ ام ريم :لاحول ذا ماحيخليني انام اقول اطلع بره كذا كويس ؟ ابو ريم طلع وهوا نادم انو في يوم اتزوجها تالا قامت من النوم مفجوعه :ربا ربا ربا: صح النوووم بدري ؟ تالا :انت قمتي ؟ ربا :وفطرت كمان اشبك حسدناك على مصطفى ؟ تالا عين مقفله وعين مفتوحه :الساعه كم ؟ ربا :8 تالا قامت واتجهزت وهي تعدل الطرحه افتكرت اللي حيوديهم القلق بدأ يلعب فيها ربا:يالله مشينا ؟ تالا :اممم يالله (قرات التحصينات كلها ليل على نهار من الخوف ) في السيارة ... ربا وهي داخله :تالا انتي ايش تقرأي ؟اعوذ بالله لك ساعه تبسبسين تالا وجهها احمرر وليد ابتسم فهم تصرف تالا ربا افتكرت وشهقت ... تالا ووليد يطالعو فيها وليد :اششبك ؟؟؟ ربا :دقايق شنطتي نسيتها تالا هنا لاتعليق كيف حتجلس لحالها مع وليد ربا نزلت لحظه صمت مرت وليد يعدل شعرو في المرايه ويغني نفس الأغنية اللي غنتها نور امس ومبتسم :تصدق شفت انا الشمس بجبينه نست عالليل شعره تستثيره تصدق شفت انا الدنيا بعينه صحيح ان قالو هالدنيا صغيرة ملامح لو خفت سحره تبينه ..جماله صعب عذب فيه غيره زعل عطر الورد من ياسمينه وشكى ورد سكن خده عبيره تالا تحس وجهها يحترق من الحرارة ربا دخلت وبصعوبه تتنفس : خلاص يالله وليد :غريبه ما اتاخرتي كل مرة لكاااعه ماشاء الله ربا :انت هي لايعجبك العجب ولا الصيام في رجب إذا اتاخرت تخاصم واذا جيت بدري تقول ليه ؟ وليد :لا بس استغربت تالا نفسها تذبح وليد يقصد يحرجهاااا باي شي الغرفه بارده وديكورها مرتب اسود وابيض طاح من فوق السرير :اااه ظهري يطالع في الساعه بعين مفتوحه وعين مقفله وشهق :اوووف اتاخرت قام يجري واتجهز في دقايق ... نازل من الدرج السواق :بابا تبغا انا ودي ؟ احمد :لا ارمي المفتاح بس احمد خرج من البوابه وساب البيت باللي فيه (في احد الشاليهات الخاصه ) الخدام يصحيه :بابا قوووم انت في جامعه رائد ما حس بشي الخدام :بابا يالله قوم رائد بنوم :هااااا الخدام :قوم بابا جامعه رائد استوعب :قوم انقلع من قدامي قال جامعه .. جيب الجوال بس الخدام بطاعه اعطاه الجوال رائد :الوو انس اشبكم رجعتو بدري ولا ايش ؟ انس :لاياشيخ نزلنا من عندك 6 الصباح رائد :بالله ؟ انس :ايش منت رايح الجامعه ؟ رائد :لاياشيخ فكنا ... اقلك انس :هااا ؟ رائد :ابا اسوي شي يخلي البنات يتمنو حفله عندي انس :اهبل انت ؟بالفلوس حبيبي اجيلك مليون رائد :مليون مو تجبلي هما بيض ما اباهم جبلي ناس يبسطوني انس :تامر امر ماعليك اضبط كانت جهز فلوسك بس رائد :والله ما اعتقد احسك حتجلي ياواد مو بس بيض الا حسبي الله بس حسيبلك الدرة بكبرها انس :انت ليه ماتوثق فيا .. يالله بس سلااام رائد :بااي في الجامعه (في حديقه الجامعه على الكراسي الخشبيه ) ماريا :يختي الله يعين الشغل زحمه في هندسه الديكور ذي ربا :هبله محد قلك ادخلي حبيبي مافي زي الاعلام لاشغل ولاشي وناااسه والله مقابلات وتلخيصات بس وفوق ذا مزز الدكاااترة يفتحو النفس ماريا :اسكتي والله من جد ادور مرز واحد حسبي الله محد ماريا متوقعه ضرب خصام أي تعليق من تالا بس .... ماريا تدق ربا ربا:هااا؟ ماريا :اشبها ماعلقت ؟ ربا :رفعت كتوفها بنفي :ايش درا اهلي انا ماريا :طيب دقيها كلميها أي شي ربا :طيب اصبرري تالا مسرررحه وتطالع في اللي رايح واللي جاي ربا وسعت مكان في الكرسي خلتو فاضي ..اشرت لماريا وماريا فهمتها ربا بصوت عااااالي تغني وتطبل في الكرسي :يازعلااااااان يازعلاااان خليت قلبي حيران ... ماريا تصفق وتطبل بكتبها تالا قامت من جنبهم تصرخ :على بالكم لوحدكم ؟ انكتموووووا ربا :فديت المعصب انا ماريا:اشبك ياهو ساعه نتكلم عن المزز وانت ولا احساس تالا :حرام الواحد يسرح بعدين مايحتاج تعبت وانا اصقعك انت وهيا مافي ولد ماسلم منكم ربا :تعالي هنا لاتضيعي الموضوع اشبك مسرحه تالا :اسكتي بس انا رايحه محاضرتنا بعدد خمسه دقايق سلاااام ... ربا:والله ما اسيبك والا اعرف ايش في ماريا :اقلك انت ماعندك محاضرة ؟قومممي يالله نور راحت ربا :طيب ماريا :طيب انا بروح ادعيلي اخبط مرة ثانيه في واحد امزز من ذاك ربا اتربعت ورفعت يدها :ياررب ارزقناااا وهيا طز فيها ماريا ماسمعت :طيب يالله سلام في شغلو يفكر ... مراد :ياربي ايش اهديها ابا شي مميز صاحبو يغمزلو :مين هيا ؟ مراد :أنت ايش دخلك ؟ مراد :ايوووا جبتها كذا ولا بلاش مسك جوالو وارسلها (حبيبي جهزي شنطة حق ثلاث ايام بعدين تعرفي ليش ) ابتسم وكمل ششغلو ماريا جات وجلست تقلب في الكتاب والقاع هبدات تتملى ماريا تتأفف :اشبو ذا ماصارت لو احنا نتأخر طررد على طول كملت تقليب في الكتاب ... الدكتور دخل :السلام عليكم اعتذر عن تأخيري ماريا قفلت الكتاب ورفعت راسها ...عيونها وقفت رمش وكتابها طاح من رجلها بدون ماتنتبه :هذا يدرسني؟؟؟ اللي جنبها :العفو بس كتابك طاح ماريا ابتسمت تسليك ونزلت تجيب وولسا مفجوعه الدكتور :طبعا هذي اول مرة نتقابل وان شاء الله تكون سنه كويسه بيننا واتمنى تنجزو واشوف ابداعاتكم ... اعرفكم بنفسي :انا الدكتور احمد ماريا مبلمه ... احمد :حنبدأ نشوف الاساسيات واوريكم نماذج لديكورات مختلفه بس احد عندو فكرة عن الاساسيات ؟ اللي جنب ماريا رفعت يدها احمد عيونو جات على مكان البنت وانتبه لماريا واستغرب بس ماعلق جالس على السرير :مابا خلاص يكفي وداد :مايصير لازم تكمل على الاقل تقدر تلحق شغلك ابو رائد :غصب؟؟؟ خلاص الحمد الله من ربي العافيه بتجي وداد :ونعم بالله بس كمان عشان الدواء ابو رائد :لاحول ولا قوة الا بالله خلاص بكمل بس قومي جيبي جوالي اول واقفلي الباب وراك وداد :على امرك اخذ الجوال ابو رائد :الو السلام عليكم مدير اعمالو :وعليكم السلام هلا طال عمرك ابو رائد :هاطمني كيف اللي كلفتك بيه جاهز ؟ مدير الاعمال :نعم طال عمرك بس حابين زيارتك عشان الافتتاح ابو رائد :انا خاليا ما اقدر كذا على الاسبوع الجاي اجيكم ان شاء الله مدير الاعمال:اللي تشوفو طال عمرك (في برلين الساعه 11 الصباح ) ساحه خارجيه فيها انواع مختلفه من الحيوانات الاليفه الدكتور:كل واحد يختار نوع من الحيوانات الموجودة كل واحد اختار اللي كلب واللي همستر ... حسين :هيا ذحين انا ايش اختار لمحت عينو سنجاب :ايواااا هذا شكلو مايتعب الدكتور :الحيوانات اللي في يدكم مريضه حسين رايح وخاف بعد كله مريضين الدكتور :المطلوب تكشوا عليهم وحاولو تعرفوا ايش امراضهم ..تقدرو تستعينو بالكتب بما انكم مبتدئين حسين :انا ايش خلاني ادخل ذا المجال قلك فله الكل بدا .. الدكتور :حسين ايش تنتظر ؟ حسين انتبه :طيب مسك السنجاب حاول يفتح عيونو بس السنجاب مقفلها .. حسين يحاول يحاول مافي فايده ضغط على عينو بقوووه السنجاب فلت من يدو وشرد الدكتور :حسين اتفضل على بره حسين :حسبي الله عشان ضغطه بس فشلت خرج من الساحه طفشااان خارجه من المحاضرة ماسكه جوالها تتصل ... ريم :الوو تالين :هلا والله ريم :اشبك ساحبه على الجامعه ؟ تالين :هبله انت؟طبيعي اسحب مني فاضيه ريم :الله يخلف بس تالين :اقلك ريم :امم؟ تالين:تعالي بعد الجامعه على طول ريم:طيب خلاص قلنا طيب تالين:سلام ريم:سلااام ريم خارجه من الجامعه السواق مستنيها أخذ كتبها وفتحلها الباب ريم دخلت السياره وقبل لاتمشي سيارتها جات عينها على اللي خارج من الكوفي اللي مقابل الجامعه ريم:استنى لاتحرك السواق :طيب نزلت من السياره واتوجهتلو ريم :هلااا محمد محمد:اهلين ريم ريم :كيفك من زمان عنك محمد :تمام الحمد الله والله انشغلنا بالجامعه وانت ؟ ريم:اهااا.. انا تمام الحمد الله محمد :شكلك من ذحين جايه عندنا ريم ابتسمت :ايوا ليش ماتبغوني محمد :لاموكذا بس الله يعينك صجت راسنا بحفلتها ريم تضحك :حرام عليك في نفس اللحظه داخل الكوفي .. انتبه للي واقفين جاي باتجاههم :ماشاء الله ماشاء الله كان ناديتوني ريم انفجعت :رائد ؟؟؟؟ محمد مستغرب :نعم اقدر اخدمك؟ رائد باستهزاء:لا بالله ؟ ريم:رائد ايش تبغا رائد :انت اخر وحدة تتكلم ياعديمه الادب واقفه مع واحد ولك عين تتكلمي ريم فتحت عينها كلها :انت ايش تقول ؟احترم نفسك محمد:انت هي مين حضرتك عشان تتكلم معاها كذا ؟ رائد :خليها هيا تقلك مين أنا ريم :يعني مين واحد قليل الادب رائد مسكها من يدها بقوة :ولد عمك غصبا عنك يابنت ال.... محمد مفجوع بس ماقدر يسكت :لو سمحت احترم نفسك ريم زي اختي وما اسمحلك تغلط رائد :لا احلف؟اختك وتكلمها وسط الشارع ريم والدموع في عينها :عمى مالك دخل ادخل اخرج ان شاء الله ايش ماسويت مو شغلك رائد سحبها من يدها :امشي معايا انت محد رباك اصلا دخلها السيارة وقفل الباب واشر للسواق يرجعها البيت ريم حساسه في ذي الموقف ماتعرف تتصرف خايفه رائد يسوي شي في محمد رجع لمحمد وقرب منو بتهديد:انا اوريك اذا ماخليت اختك فرجه في الشارع اوريك مين رائد ... محمد عصب:اختي تسواك انت واهلك واذا فيك خير قرب عليها رائد دخل سيارتو وقبل مايمشي فتح الشباك وتفل في الارض :هذا مقامكم (انتهى البارت الخامس) |
رد: روايه نور في غسق الدجى (البارت السادس) فتح باب البيت بهدوء في يدو صندوق قلب عليه بطاقه (كل عام وانتي حبيبتي) مراد دخل غرفتو وحط الصندوق على السرير بدون ماتحس ... خرج للصاله وجلس على الكنبه بتعب متصنع خرجت من المطبخ :أنت جيت ؟؟؟ مراد حاط يدو على عيونو :ايوا جهزتي الشنطة اللي قلتلك عليها ؟ بدور :ايوا بس ليش مسافر مع الشغل ولا ايش ؟ مراد :لا أي شغل .. روحي حطي الشاحن امسكي بدور اخذت الشاحن واتوجهت للغرفة مراد مبتسم من مكانو بدور دخلت فكت النور ولقت الصندوق في السرير ابتسمت من قلبها واخذت الكرت قرتو وضمتو فتحت الصندوق لقت ورد احمر وعطر وسط الورد ابتسمت اكثر وبتطير من الفرحه تموت في شي اسمو ورد احمر خرجت للصاله ومن وراه وهوا لسا يدو على عينو يفكر باللي حيسويه بعدها ... سلمت عليه في خدو :أحبــــــــــــك مراد شال يدو من عينو وابتسم وغمزلها :حطيتي الشاحن؟ بدور تضحك :انت خليتني احط شي نسيتني نفسي حرام عليك مراد قام وحضنها :كل عام وانت بخير بدور:وانت بخير ياقلبي مراد :حوديك عند اهلي انا خارج كم يوم مع اصحابي بدور كان نفسها يجلس معاها اكثر بس ماتقدر ترفضلو طلب :طيب بدور جهزت شنطة حق ثلاث ايام لها عشان تجلس عند اهل زوجها تالين مشغوله بالترتيبات ورايحه وجايه في البيت :امي كلمتي صاحب الورد؟ ام محمد:ايوا يابنتي كلمتهم محمد دخل البييت :ماشاءالله ايش زواج عندنا ؟ تالين:تف تف قول ماشاءالله لايطيح البيت علينا محمد:انقلعي على بالك زيك اموت الناس بعيني تالين مشغوله ماردت عليه .. محمد يسلم على امو وجلس جنبها يضحك:تصدقي يا امي مرة دخلت غرفتي قالت ايش الشمس ذي بس عشان الانوار كلها مشغله انطفت على طول ام محمد تضحك وتضربو في كتفو :لاتكذب اختك ذي حرام عليك تالين تكلم الشغاله:اول ما الكيكة تجي انتبهي تسيبيها بره الثلاجه الشغاله:حاضر مدام تالين:مدام في عينك ذا الجمال كلو مدام الشغالة:سوري مس تالين تالين:ايوا كذا محمد :أنت مو مدام وبس انت ستي اصغر منك تالين:انقلع مني فاضيتلك ...يالله ريم ماجات لين ذحين كل ما ادق مقفل محمد افتكر وشال همها يكون صارلها شي :طيب روحيلها تالين:لا مررة مني فاضيه بس لو طولت أ:ثر حرسل السواق وليد يدق باب الغرفة :ربا ربا في الحمام وتالا فوق سريرها تكلم :دقيقه يابابا واتصل عليك فتحت الباب وهي تقفل الجوال وليد شافها للمرة الثانيه وهي ما انتبهت وطى راسو واتحمحم :ربا فينها ؟ تالا طاااااح الجوال من يدها واتخبت ورا الباب ويادوب صوتها طلع :في الحمام وليد ماسك ضحكتو:طيب إذا خرجت قوليلها ابغاها ضروري تالا :طيب أول مامشي قفلت الباب بقوة .. وليد ضحك بصوت عالي ماقدر يمسك نفسو يموت ويشوفها منحرجه ربا خرجت من الحمام وتنشف شعرها :اشبك صقعتي الباب كذا ؟ تالا :بالغلط وي ربا:طيب أنا سمعت صوت الباب يندق تالا بارتباك:لا يتهيألك ربا :ليه شايفتني امشي بعصايتي ولا الشيب مملي راسي ؟ تالا :ربا بلاهباله ما اندق الباب وليد حس انو ربا طولت وليد ينادي :ربااااااا تعاااالي ابغاك ربا خرجت من الغرفه .. تالا اتورطت :الله يستر مايقلها ويفضحني ربا وهي تكمل تنشيف شعرها :ها ايش تبا ؟ وليد :اليوم الساعه 11 مباراة برشلونه ربا اتحمست :بالله؟؟ طيب وين حتشوفها ؟ وليد: يعني وين مع اصحابي اكيد ربا :لا بالله وانا ايش يضمني انك تنزلنا ؟ وليد :يعني؟ ربا :تتفرج هنا في البيت وليد :لا بالله وين الحماس في الموضوع ربا بترجي :وليد الله يخليك بس مرة وحده وليد يفكر ورحمها هيا مرة بس :طيب بس بحط شروطي ربا :طيب موافقه وليد:طيب ذحين حروح اشتري اشياء للحماس شويه يمكن في امل اتحمس معاكم ربا :لاتخاف حتتحمس وليد :تبي شي ؟ ربا:لامابا جالسه قدام المرايه تتجهز كوفيرتها تعدل الفستان :مسيو ريم بليز ارفعي ايديك شوي رفعت يدها وهي مسرحه عيونها مدمعه وشايله هم رائد يسوي شي محمد او في تالين الكوافير:خلاص هيك خلصنا بس كأنو مو عاجبك اللوك ؟ ريم بتسليك :الا اكيد عاجبني (ريم لابسه فستان وردي قصيرر ورافعه شعرها بنعومه ولابسه طقم الماس صغير ومكياجها خفيف ) عند بوابه القصر السواق :نعم بابا رائد رائد :اذا ريم في روح مكان انت يكلمني السواق :مدام ريم ذحين في روح حفله حق مدام تالين رائد:مين تالين؟ السواق :هذا البست فريند حق مدام ريم رائد:ليشح تروح عندها ؟ السواق :هوا في سوي بارتي بابا رائد :اها السواق ملاحظ سيارة داخله القصر السواق بابا دقيقه انا شوف سواق بابا محمد يجي هنا رائد مفجوع:محمد؟؟ السواق :ايوا بابا هذا اخو مدام تالين رائد رفع حاجبو :اها ذحيين فهمت السواق :دقيقه بابا انا شوف هوا ايش يبا رائد :لا استنى اقلك لما تخرج ريم وتوديها ارسلي مسج السواق :ليش بابا ؟ رائد عصب:موشغلك سوي اللي اقلك عليه السواق :حاضربابا رائد :ولاتقول لريم اني كلمتك قفل منو وراح يشوف سواق محمد ريم نزلت عبايتها مفتوحه وحاطه الطرحه بدون لف على راسها وشعرها من قدام وورا باين ريم:عبدالحميد يالله السواق :طيب مدام سواق تالين :مدام ريم مدان تالين يقول انا يجي هنا عشان انت مافي رد على الجوال ريم:طيب خلاص امشي انت انا ذحين جايه دخلت السيارة ومشيت السيارتين رائد في سيارتو يطالع من بعيد السواق ارسلو رساله .. رائد ارسلو رساله بالانجليزي عبدالحميد مايعرف يقرا عربي (اعطيني رقم جوال سواق تالين ) السواق ارسلو الرقم .. رائد اتصل ... سواق تالين :الوو رائد :الو انت سواق بابا محمد؟ السواق :ايوا مين انت؟ رائد :انا صديق بابا محمد اديني رقم مدام تالين عشان انا في جيب اشياء بارتي السواق:اوك انا ذحين ارسل ارسلو رقمها ... رائد :انا اوريك يامحمد مين رائد مركز كبير مجهز بكل التجهيزات الازمة بعيد عن الكميرات والصحفيين .. واقف بثوبو والبشت على يدو وراه رجل اعمالو ابو رائد والابتسامه على وجهو:اللهم لك الحمد من جد شي يبشر بالخير رجل اعمالو:هذا من فضل ربنا ثم دعمكم طال عمرك اخذ جوله حولين المركز (مقسم لقسمين قسم للايتام وقسم لذوي الاحتياجات الخاصه ) رجل الاعمال :بالنسبه للايتام هذا قسم لمدرستهم وهناك حدايق ومتنزة لهم وهذا قسم المطاعم وعلى حسب امركم شباب الايتام حيرعو ذوي الاحتياجات الخاصه وطبعا برواتهم ..بكذا تكسب اجرهم كلهم ان شاء الله ابو رائد يطالع في المكان:امين وياك مرت مجموعه اطفال دوبها داخله المركز تعيش فيه مسح على راس طفل ودعا من قلبو (اللهم اجعلني مع رسولك كهاتين في الجنه) في الطريق.. بدور :حتوحشني مراد طالع فيها وابتسم:وانت اكثر بدور :انتبه لجوالك مراد :من عيوني بدور :اهو قربنا من البيت اسمعني مراد :اممم بدور :انتبه لنفسك واكلك ولاتخرج من المسبح الا وانت متدفي ولاتنسى تحصن نفسك مراد:حبيبي اللي يسمعك يقول بسافر مراد :والله ثلاث ايام كثيرة على قلبي مراد مسك يدها وسلم عليها :يسلملي قلبك بدور :وتلومني لو خفت عليك ... بدور :كأنو الطريق طول؟قبل شويه كنا قريب بيتكم؟؟! مراد :لامن قال بس جيت من طريق ثاني عشان الزحمه بدور :اها بعد ربع ساعه بدور :مراد أيش ذا ؟ مراد :ايش ؟ بدور:انت وين موديني.؟ مراد يستهبل :اووف ضيعت الطريق انا ايش جابني هنا بدور تطالع بنص عين :تستهيل على راسي انت؟ مراد :في عيد ميلادك واسيبك واروح مع اصحاببي ليش مجنون؟؟يكفيني وجودك عن الناس كلها بدور عيونها فيها دموع:الله لايحرمني منك مراد :اشبك احد يبكي في ذا الموقف بدور خبطتو في كتفو :اسكت ذي دموع الفرح مراد بضحك على شكلها وهيا تمسح دموعها وتضحك بدور:حنطول في السيارة ؟ بدورتضحك :لا اهو حنززل مراد فتحلها الباب ومدلها يدو مسكت يدو ونزلت :الله يجنن البحر معنو ليل اجل كيف لو نهار مراد:عجبك المكان؟ بدور :في شي منك مايعجبني ؟ مراد ساب يدها :انا حدخل الاشياء وانت ادخلي بدور دخلت الشاليه كان هدوء وانوار خافته المكان ريحتو عطر والجو باررد دخلت الغرفه لقت طاوله فرشها احمر وعليها شموع وورد وكيكه فيها صورتهم في شهر العسل في عيد ميلادها الاول معاه والسرير كلوو ورد متناثر... دخل مراد وحط الاشياء في الصاله واتوجه للغرفه بدور تطالع في كل شي :انت ناوي تجنني ؟ مراد :وانت على بالك لسا ماجننتيني ؟ بدور تضحك من قلبها وطالعت فيه بنظرة كلها امتنان وحب مراد :لادخيلك لاتدمعي مرة ثانيه بدور ابتسمت وحضنتو في احتفال اخر تالين لابسه فستان اسود طويل وفاتحه شعرها لين اخر ظهرها لابسه كعب طويل زاد من اناقتها ومكياجها ناعم البيت كان منور ومفتوحه ابوابو والورد على الجدار لونو وردي ومصمم على 21 والديكور كان هادي وجذاب ريم دخلت :تالــــــــــــــــــــــين تالين لفت :ريـــــم وحضنو بعض ريم:كل عام وانت بخير وعقبال مليون سنه تالين:ويين قالولك فرعون ؟ ريم تضحك :لايامعفنه خلاص عقبال ميه سنه تالين بعدتها عن حضنها :تعالي انت ليشد وبك تجي ؟ بدري؟؟ ريم اتربكت :كنت تعبانه مرررة ماقدرت نمت وجيتك اهو مصحصحه تالين:اممم طيب عذرناك دخلو خدامتين يدفو صندوق كبير تالين:أيش ذا ؟ ريم :مدري روحي شوفيه فتحتو .. صندوق كبير شوكلاته تموت فيها وصندوق اصغر مغلف فتحتو لقت (ايفون5) وصندوق صغير فتحتو لقت تذكرتين سفر وبطاقه مكتوب عليها (كل عام وانت اقرب صحبه ليا وهذي السفره اللي كان نفسك فيها ... ريم عبدالعزيز ... لفت عليها :ما اصدددددق ما اصدددددق وتنط بعفويه طاحت طيحه قويه انكسر فيها الكعب :رفعت راسها وشعرها جا على وجهها :ما اصدق والله احبك ريم متفقعه ضحك على شكلها ام تالين تضحك على شكل بنتها :قومي قومي بدلي جزمتك قبل مايجو الناس في الصاله قدام التلفزيون بلازما كبير في الارض شبسات وبباسي لابس تيشيرت برشلونه وجالس تحت التلفزيون ينادي :ربا بسرعه خمسه دقايق وحتبدأ المباراة ربا خرجت لابسه كاب برشلونه تاالا لابسه بنطلون واسع وبلوزة طويله مرة ولافه طرحتها بس شكلها مرتب جالسه فوق الكنبه اخر الصاله (تتمنى ريال مدريد يفوز من صغرها هيا واحمد يشجعوه ) ربا جلست جنب وليد :وسع وسع والله اني جيعاااانه يارب تفوزون بس واطلب اكل حق سنه قدام وليد :خلينا نحط شروط من البدايه طيب ؟ وليد يعدد:اول شي لو فزنا حوديكم ونتعشى بره وانا اللي اختار المكان وانتو الاكل ثاني شي لو اتعادلنا حطلبلكم وانا اختار توصيل للبيت لو خسرنا (طلع كيس بخاخات من وراه )تبخوني بذا وابخكم تالا اتحمست :لااا غشاش احنا نبخك وانت لا وليد وربا يطالعو فيها مستغربين من الحماس فطسو ضحك على شكلها تالا وجهها احمر مهي عارفه تقوم ولا تجلس من الفشله ربا (تعدل الموقف):ايوا والله انقلع انت وشروطك السخيفه كلها في صالحك ربا:شوف لو فزتو حتودينا واحنا نختار المكان والاكل هذي مافيها نقاش لو اتعادلتو انت حتسويلنا عشا هنا في البيت قال بطلب قال ولو خسرتو نسوي فيك اللي نباه اولا وكمان حتلبس تيشيرت ريال مدريد وتنزلها في الانستقرام وليد خايف يخسرو :لاياشيخه البس كفن ولا البس تيشيرتهم ربا:لا لاتقول كذا بس شروطك هبله ماتحسسني بالخسارة تالا انقهرت على فريقها :حسبي الله على بليسك كفن مرة وحدة محد سمع ... وليد :المهم يالله بنشوف المباراة وبعدين يصير خير وصل للبيت انوار بيتهم منورة البيوت اللي جنبهم مسك الجوال ودق كذا مرة بس مافي أي رد حاول يدق مرة ثانيه (صوت الازعاج والاغاني عاااالي ) تالين ماسكه الجوال بيد وبيدها الثانيه ماسكه اذنها تحاول تسمع وتمشي بعيد عن الازعاج :الو رائد:الو تالين:نعم مين معايا ؟ رائد :انتو البيت المسوي حفله اعتقد تالين :ايوا مين ؟ رائد :انا جبت طلبيه الكيك بس ياريت تنزلي تشوفي النوعيه اللي طالبينها صراحه عندي طلبات كثير ومني عارف أي واحد تالين مستغربه كيكتها وصلت من اول بس يمكن وحدة من صحباتها تبا تسويلها شي تالين:ثواني وارسل الشغاله رائد برده فعل سريعه :لا لو سمحتي احنا مانسلم الا اللي طلب الطلبيه صاحب البيت تالين مهي فاضيه للمناقشه تبا تخلص:طيب دقايق ونازله رائد ابتسم بخبث :استناك تالين سحبت عبايه بسرعه ولبستها بدون ماتقفل ولاشي والطرحه حطتها بسرعه على رااسها (بره البيت متكي على سيارتو ومتكتف) تالين راحتلو لانها السيارة الوحيده الموقفه تالين:،أنت اللي كلمتني قبل شويه رائد ابتسم :ايوا انا تعالي شويه ورا اوريك الطلبيه عشان تحددي لو سمحتي تالين مشيت قبلو فتحلها الشنطه ورجع وراها تالين تطالع مستغربه:وين الطلب قبل ماتكمل كلامها قفل بيدو فمها وشل حركتها بجسمو وساعدو جسمو وجسمها الصغير دخلها الشنطه بسرعه وقفل ومشي بسرعه جنونننيييه تالين مفجوعه ومهي مستوعبه اللي صار جوالها نسيتو في البيت ومهي قادرة تسوي شي غير الصراخ(تصرخ من قلبهاااااااا ودموعها بدأت تنزل تدق على شنطه السيارة من قلبها ) رائد مدبر الموضوع من اول السيارة اللي اخذها شنطتها كبيرررة وفيها تهويه من الكراسي الخلفيه من تحت المقاعد يوصل الهوا يسمع صراخها ولاهمو تالين مستمرة على حالتها وصراخها يعلى كل شويه رائد يحاول يركز في السواقه من سرعتو مايضمن يسلم ... مسك جوالو واتصل :الوووو انس انس:هلا والله رائد:اسمع حفله اليوم الغيها لاتخلي احد يجي انس مستغرب:ليش ايش في رائد:بعدين اقلك انت سوي اللي اقلك عليه انس:ايش ياعمي الغيها صارلي كم يوم ارتبلك البنات والشغل كامل رائد:ياشيخ مهي مشكله اجلها الاسبوع الجاي طيب بس اهم شي ذحين لحد يجيني الشاليه انس:طيب ايش في محتاج مساعده رائد :لالا لو احتجت بكلمك يالله سلاام انس :سلام رائد قفل ورما الجوال في الكرسي اللي جنبو :على بالك اخليك لريم تتهنى فيك والله لا انسيك اسمك قدام التلفزيون الفيلم يشتغل والانوار شبه مقفله بدور حاطه راسها على صدر مراد وتطالع بانسجام وهوا يلعب بشعرها ويطالع .. بدأت تغفى عيونها ليين نامت مراد بعد ثواني انتبهلها وابتسم اخذ الريموت وقفل التلفزيون ...بعدها عنو شويه ونام على الكنبه نيمها جنبو وكمل لعب بشعرها بيد ويدو الثانيه على جبينو ويفكررر بدا يسترجع ايامو معاها كيف كانت دخلتلو السعاده في حياتو من اربعه سنوات متزوجين معنو الزواج تقليدي وماكان بينهم أي حب حبو بعض بعد الزواج .... رجعت بيه التفكير ليوم الشوفه لابسه فستان طويل احمر نااااعم فارده شعرها وحاطه مكياج خفيف ماسكه صينيه العصير ويدها ترتجف مراد قاعد في المجلس وجنبو امو مستحي بس مو مبين متكشخ مررة ورحه عطرو ممليه المكان بدور دخلت :السلام عليكم بالقوه طلعت منها مراد كان ماسك جوالو (من اول كتب لماريا اذا دخلت يرسلها مسج تتصل على امو وتناديها وتخليهم لوحدهم ) ارسل المسج وساب الجوال بسرعه دخلت بخطوات صغيرة وبهدوء ومارفعت راسها تحس المجلس كبيررر والمسافه بعيده ومهي قادرة توصل بدور تمشي وجوال ام مراد يدق ام مراد:الو ماريا ماريا:امي تعالي تباك ام بدور ضروري ام مراد :طيب دقايق وبجي ماريا:لالا ذحين بسرعه يالله ام مراد طالعت في مراد اللي مسوي نفسو ماسوى شي ويطالع في بدور :طيب جايه بدور وصلت عند مراد ونزلت لمستواه الصينيه مراد يطالع في الصينيه عشان يشوف وجهها وهي تستنى بدور تحس بتطيح اتحمحمت عشان يحس مراد انتبه واخذ الكاسه :شكرا بدور ماصدقت حطت الصينيه وجلست موطيه راسها مراد مو عارف كيف يبدا .. اشر على امو اللي نازله من الغرفه :هذي امي بدور باحراج :الحمدالله (على بالها سالها عن حالها ) مراد انحرج من سؤالو الاهبل بس رد بدور خلاه ماسك نفسو لايضحك اخذ نفس مسموع يبعد الضحك فيه:ايش اسمك؟ بدور مستغربه من السؤال ايش السؤال الغبي ذا :بدور مراد ثاني مرة يتفشل بس مو عارف يرقع اول مرة يجلس مع بنت لوحدهم مراد:تدرسي؟ بدور:الحمد الله خلصت امس مراد باستغراب :امس خميس !! بدور طالعت فيه وبلعت ريقها :ليش اليوم ايش؟ مراد اتهبل لما شاف ملامحها تمام:خميس بدور استوعبت الهبل اللي يصير وماقدرت تمسك نفسها ضحكت :مو امس خميس؟ مراد ماصدق وجلس يضحك:اجل امس خلصتي دراسه؟ بدور وطت راسها ماقدرت ترفعو ... يتذكر ومبتسم وناااام (انتهى البارت السادس) |
رد: روايه نور في غسق الدجى (البارت السابع ) متمدد على السرير طفشان ...مسك الجوال واتصل :الو رائد يسوق خفف السرعه شويه ورد :الو ياسر:هلا رائد رائد:هلافيك ياسر :وينك ياخي من زمان عنك رائد يحاول يركز في الطريق:موجود بس انشغلت ذي اليومين ياسر:طيب وين سهراتك ؟مو من عوايدك تطول ماتسوي شي رائد:والله اليوم على اساس اسوي بس انشغلت ياسر:طيب متى ترا مشتاقين رائد ابتسم :اللي يسمعك يقول تمخمخ حدك رقص واستهبال مع البنات ياسر:ايش شايفني زيك نظام فنادق ؟؟ رائد ضحك بصوت عالي:كذا الشغل ولا بلاش ياسر :المهم اذا سويت شي قلي ..سلاام رائد:تامر امررر .سلااام ياسر حط الجوال ومسك الريموت وشغل التلفزيون رن الجوال مرة ثانيه حط الريموت واخذ الجوال .. ياسر :هلا محمد محمد متلخبط لخبطه: ياسرر بالله النزل انا تحت ياسر انفجع:ايش في؟؟ محمد:اختي ياشيخ محنا داريين وينها امشي دور معايا والله تعبت ومني مررركز ياسر مفجوع:ايش تقول انت؟؟؟ محمد:حط يدو على راسو :ما ادري ما ادري ياسر :اقلك انا نازل محمد سكر الجوال ورماه :يارب وين حتكوووون راحت ايش اسوي انا وييين ادورها ياسر غير ملابسو في ثواني ونزل جري دخل السيارة ولف على محمد:فهمني أيش في؟ محمد:اليوم الحفله حقها وفجاه اختفت مهم داريين وين اتصلو عليا قالو الشغاله شافتها نازله بعبايتها بسرعه بدون جوال وبعد ساعه انتبهو لوجودها مهي في البيت وصربعوني صاحباتها كلهم عندنا هيا وحده بس ماجات ورحتلهم ومالقيتها ياسر:طيب وايش حتسوي ؟ محمد يتأفف:ما ادري والله امي بتتجنن عليها ياسر :طيب اسمع ليش ماتبلغ؟ محمد:مجنون انت ايش ابلغ بننفضح وانا ايش يدريني ماتكون هيا شردت مكان دق جوال محمد (خايف تكون امو حيتعب لما يسمع صوتها مارد) ياسر:رررد شوف مين محمد:الو ريم صوتها كلو بكا:محمد لقيتها ؟ محمد:ذحين ندورلها والله مني عارف فين ممكن تروح ريم دموعها ماوقفت .. محمد:طيب ماتعرفي فين ممكن تروح؟ ريم تبكي:لا ماتروح مكان تجي عندي بس انا اعرفها محمد:ادعيلها بس ..قفل الجوال ريم قفلت ومسكت المخده وطت وجهها وبكيت من قلبها حست صحبه عمرها راحت ومعد بتشوفها افتكرت قبل سنتين يتمشو في احد المولات ويقضو لتخرجهم من الثانوي وقف قبال ريم رجال وشكلو مايبشر بخير ومبهذل ويدخن ريم خافت .. قرب منها ومسك يدها ريم صررررخت ومسكت في تالين وبكيييت تالين رفعت السبابه بتهديد وعصبييه :اقسم بالله اللي يقرب منها امو ماجابتو وجرب يااا .... تقرب منها والله لا الملم عليك امه لا اله الا الله وابهذلك بهذله .. قلت حياااا انقلع من قدامي الرجال خاف تفضحو مشي وسابهم تتذكر مواقف كثيررررر وكل ايامهم وكل موقف يبكيها اكثرر مرت من غرفتها وفتحت الباب (دوبها رايحه عند صحباتها )فتحت الباب بدون ماتدق ولاتطل فيها ام ريم :ريم سواقك باخذو سواقي جديد مايعرف الاماكن ريم ماردت ومتغطيه بلحافها .. ام ريم طلت فيها لما ماردت عليها :خير انت ماتردين ريم ماردت وتشهق ماتباها تسمع بكاها مشيت لين عندها وسحبت اللحاف :اكلمك انااااا فتحت عيونها وجلست فوق السرير :اشبك؟؟ ريم ماردت ما اتعودت تشكيلها ام ريم :ريم ردي اشبك ؟ ريم تتنفس بصعوبه ودموعها تنزل كل ماتسالها اشبك ام ريم :ريم احد اذاك ؟محتاجه شي؟ ريم اشرت براسها لا.. بس الا كانت محتاجه حضن امها محتاجه احد يهديها يقلها تالين حترجع امها حست مهما جلست ماحتتكلم ريم قامت وخرجت وحاولت تطمن نفسها :عادي بكرة حتكون احسن واذا هديت اعرف اشبها الحماس طاغي على المكان يرفع يدو وصوتو كل ماقربت الكورة للمرمى ويرمي المخده لو مادخلت ربا طول المباراه عيونها على تشافي وميسي اذا جات الكورة عندهم توقف على ركبها وتدعي (يارب تدخل يارب ) تالا تطالع في المربع الصغير اعلى الشاشه تبا تعرف النتيجه وشويه على لعيبه الريال فجاه صررررخ :لااااااااااا ربا من الفجعه (كانت تجرب البخاخات )رشتها في وجهو تالا رمت الشبس اللي في يدها وليد:اشبك هبله انت؟؟؟ ربا:انا ايش دراني فجعتني انت تالا بصوت واطي :وجع فجعتني وليد طل فيها وابتسم بخبث :سمعت ترا تالا وجهها احمررر اخذت الشبس وقلبت راسها للجهه الثانيه ربا :ياخي تعبت تفسيتي ابا اعرف النتيجه وليد :طيب اسكتي بشوف ربا مسكت البخاخات الثانيه تجرب الوانها وترش في الارض شويه اشرت لربا تالا انتبهت واشرت بيدها :ايش؟ ربا قامت وتالا وراها وانسحبوا من المكان ربا :جاتني فكررة تالا :ايش؟ ربا:مو الحوش فيلو بويات ؟ تالا باستغراب :بويات وييينهم ؟؟؟ ربا نفسها تلطش تالا:ياهبله بوياااااات يعني طلاء جدرااااان تالا:طيب ايش بتسوي فيها؟؟؟ ربا :اذا خلصت المباراة نكبها على وليد بس بخففها بمويه تالا تبا ترد احراج وليد لها باي طريقه :صاار رجعو الصاله ... وليد يطالع في الشاشه :فين رحتو ؟ ربا:نشرب مويه وليد :اهاا بعد خمسه دقايق الحماس زاد هدف لصالح الريال والبرشا صفر صفر الحكم نهايه الشوط الاول ربا من الحماس فكت البخاخات وترش فيلو وليد :يمسح ويحمي نفسو بيدو :هبله انت ؟؟اششبك؟؟؟ ربا بحماس :خسرتووو ايش تستناني اسوي ؟ تالا ماصدقت ربا تبدأ من بعيد ترمي بالمخدات وليد قام يضحك وشرررد ربا لحقتو وتالا وراهااا وليد وصل الحوش :طلع من جيبو ولاعه وطراطيييع ولع وحدة ورماااها ربا وتالا صرخوو ورجعوا على ورا ربا اشرت لتالا على البويه تالا مسكت صندوق وربا صندوق وجريو وكبوها عليه وطاحو ضحك على شكلو وليد يطالع في نفسو مفجوووع ومافاق الا على سطل مويه فوقو ..ربا تغمزلو :هاكيف بس اتنظفت ؟؟؟ وليد اتنرفز :هبلااااان انتوووو ؟ المباراه ماخلصت هذا الشوط الاول ربا وتالا يطالعو في بعض منبكمين مهم عارفين يضحكو ولا ينسحبو من الاحراج وليد طالع فيهم بحقد ومشي من جنبهم رما طراطيع وهما مو منتبهين مشي داخل البيت لف على صراخ تالااا ماسكه رجلها ربا مفجوعه :ايييييييش سوووويت انت؟؟؟ وليد وقف مكانو مصنم تالا تدمع من الاللم ربا جريت على جوه تشوف أي شي ممكن يساعدها وليد جا عند تالا :اشبك؟ ايش يعورك ؟ تالا تتالم ؟رجلي احسها انحررقت وليد بعد تفكير وتردد مسك يدها وبعدها يشوف مكان الالم تالا مهي حاسه الا بالالم وليد مرتبك اول مررة يشوفها من قريب وماسك يدها تالا تصرخ :بسرررعه سوي أي شي يوجع والله وليد انتبه حرك اصباعو على رجلها يبا يعرف وين بالضبط تالا صرخت زيادة :بببس وليد عرف مكان الالم ربا نزلت حامله شنطه اسعاف وعلبع عسل وبن ودقيق وفازلين ومعجون وصلصه طماطم وليد اشر لربا: جيبي العسل وشاش وانقعلي ايش جايبتلي المطبخ كلو ربا مربوشه :طيب طيب بسرعه شوفها وليد حط العسل على رجلها تالا حاولت تمسك نفسها ماتصرخ ربا :هااا تالا كيف يعورك مرة ؟؟ تالا تاشر لا وتحاول تقول بس ماقدرت مرررة توجعها وليد بدون تفكير حملها ودخلها على جوه ربا وراه قلقانه وليد قلبو يدق بشكل مو طبيعي تالا غمضت عينها بقوووه مهي عارفه حاسه باحراج ولا الم حطها على الكنبه شافها مغمضه عيونها استغرب وجا في بالو الالم ربا جالسه عند راسها وليد راح جلس في اول الصاله ربا:تالا يوجعك؟ تالا ابتسمت :لا ياهو خلاص لاتشيلو همي شويه ويروح (من جوتها تتوجع ) ربا تطالع في وليد بحقد :غبي عجبك كذا ؟ احد يرمي طراطيع وليد :ارحمينا يالذكيه احد يكب بويه ؟؟ ربا:كلووو منك شوف كيف تعورها رجلها وليد يطالع في تالا بتوتر :انا بقوم اتروش وابدل راح على غرفتو قلقان علي تالاااا ماكان يقصد يأذيها تالا مسكت يد ربا :بس لاتقوليلو كذا ماكان يقصد ياذينا انت شوفي أي سوينا فيه ربا :ياشيخه بكيفوو في برلين ماشي في ممرات المستشفى وصل للمكتب ودق الباب الدكتور :اتفضل حسين دخل وجلس على الكرسي الدكتور :اهلين حسين حسين :اهلين فيك دكتور .. بس جيت ابا اقلك بخصوص اليوم مايمديني اعوض التطبيق بعمل ثاني ؟ الدكتور ابتسم :يسرني اهتمامك حسين:اكيد لازم لدكتور:امشي معايا خرج الدكتور وحسين وطلعو الاصنصير حسين :وين حنروح ؟ الدكتور ذحين تشوف طلعو الدور الاخير مكتبه كبيييرة بمعنى الكلمه كل شي يخص الطب البيطري فيها الجدران كلها كتب بالميات وفي النص طاولات وعلى الجنب كمبيوترات دخلوا لمكتبه الدكتور:المطلوب منك تسويلي بحث عن السناجب كل مايخصهم معاك نص ساعه تجمعلي بحث كافي تقدر تعوض فيه درجتك حسين ارتبك وجلس يفكر في الكتب ذي كلها من وين يبدا ونص ساعه قليييل بالنسبه لبحث كامل الدكتور الكمبيوترات مقفله وجوالك حاخذو اتفضل ابدا اخذ الجوال وخرررج حسين مو داري ايش يسوي :يالله ذحين انا ابدا من وين ولا وين او عشر دقايق مرت بدون فايده يدور في الارفف اللي على اليمين اغلب الثديات شاف كتبهم الا السناجب يمين يسار فوق تحت بدون أي فايدة جلس على الكرسي وحط يدو على راسو :هيا بالله ايش اسوي ذحين عشر دقايق ثانيه وهوا مازال يدور بتعبب ينزل كتب ويدور بشكل سريع ويحاول يركز في اخر عشر دقايق حسين زاد توترو :الين متى حدور ايش الاختبار الاهبل ذا يمشي وعيونو تدووور اخيرا لمح كتاب (ايناث السناجب ) اخذ الكتاب وكتب اللي قدر عليه بعد خمسه دقايق .. دخل الدكتور مبتسم :انتهى الوقت سلم البحث حسين سلمو البحث الدكتور يقرا(ابتسم شويه) :راسب .. اتفضل هذا جوالك حسين مفجوع ومقهور:ايش في اهو كتبت الدكتور معلومات جدا مختصرة مافي طريقه تكاثر ولا امراضهم ولا عن ذكورهم حتي الدكتور خارج من المكتبه :شوف الطاوله اللي عند الكمبيوتر وخرد حسين اتوجه للطاوله (كتاب عالم السناجب )(امراض السناجب) (السناجب والطبيعه) انقهررر :انا كيف ماشفتهاااا خرج ورجع بيتوو ... يدق البوووري ..فتح الخدام الباب دخل السيارة رائد خرج من السيارة :رووح اجازة يومين الخدام بدون أي نقاش :راح لم اغراضو ومشي رائد فتح الشنطه .. تالين مغمي عليها رائد يطالع ومتوقع تكون بهذا الحال خصوصا انو الصراخ اختفى فجاه يطالع فيها الطحل نااازل والتعب باين عليها حملها ودخلها الشاليه طلع الدرج ودخل الغرفه .. حطها على السرير وجلس على الكنبه يفكرايش يسوي فيها .. افتكر السنه الماضيه حفل نجاح صفقات كبيرة للشركه متكشخ ومستنيها توصل يبا يعترفلها باللي في قلبو يحبها من يوم وعي على الدنيا ومستني الفرصه اللي يقلها فيها نازله من الدرج بفستان عودي طويل وريحه عطرها سابقتها عيونو عليها والفرحه ممليه قلبو سلمت على اعمامها وجلست على الكنبه جا وجلس جنبها رائد مبتسم :طالعه حلوة اليوم ريم ابتسمت :عيونك الحلوة رائد :اكيد مدامها تشوفك ريم ابتسمت بخجل :اممم رائد تعالي نشرب العصير برا ريم بعفويه :اوك مدلها يدو ومسكتها وقامت بكل نعومه متعودة على اسلوبو كذا معاها خرجو الحديقه كبيرررة وانوارها هاديه والجو بااارد جلسو على الكراسي رائد مبتسم وقلبو يدق بوجودها جنبو ريم مستمتعه بالجو بس برداانه ريم:الجو مررة بارد رائد نزل الجاكيت وحطو عليها حسها الفرصه الوحيده اللي يقدر يقرب منها جا من وراها وحطو عليها وهمسلها :احبك ريم حست جسمها دفي فجاه مع الكلمه بس احساسها موعاجبها وطت راسها رائد مستني اجابه او أي دليل بس مالقى شي ابتسملها :نقدر نقول السكوت علامه الرضا ؟ ريم ابتسمت بحزن :ياريت بس انا مني حاسه بشي يارائد يمكن ما اناسبك ولا استاهلك ابتسمت مجامله ووقفت :اتمنالك البنت اللي تناسبك وتقدر حبك لها رائد مو مصدق الكلام اللي يسمعو يحس قلبو بيطلع من مكانو حلموا تهدم في لحظه الدنيا حوليه سوداء ماح سالا بدموع القهر متجمعه في عينو ..كره اللحظه اللي اعترفلها فيها اتمنى انو في يوم ما عرفها ضرب يدو على الكرسي وهوا يفتكر وما اتراجع في لحظه على اللي سواه في تالين فتحت عيونها بشويش ومسكت راسها يوجعها تطالع بعيونها يمين يسار مهي مستوعبه هيا فين صوت كلو تعب:انا فين ؟ قام من الكرسي بسرعه وجا قبالها وهوا مبتسم اول ماشافت ملامحو ثواني واستوعبت قامت بقوه من السرير كلها خوف :مين انت وانا ايش جابني هنااااا رائد ابتسم :وليه الخوف ذا كلو ؟ (قرب اكثر) تالين رجعت على ورا وبتهديد :ابعد اقللللك لاتقرررب رائد يضحك :ايش حاكلك انا؟؟ تالين :ابعد اقلك لاتقرب رجعني مكان ما اخذتني اصلا ليش اخذتني الله ياخذك دموعهااا في عينها والخوف مالكهااااا :ليش جبتني ليش؟؟ رائد حاط يدو في جيبو :افا بس تدعي عليا ؟؟ نجلس سوا هذا اللي ابغاه تالين طالعت بحقد ودموعها نزلت :رجعني رجعننني يا... رائد عصب ونزل لمستواها :احترمي نفسك لا انسيك اياها تالين ارتعبت وضمت رجلها لصدرها وبكيت وتشهق بالبكاء رائد راح جهه الشباك ويطالع في البحر بتفكير:انا ايش حسوي فيها ذي ابا اشفي غليلي مستحيل اخليها تتهنى بمحمد في زاويه اخرى من اللشاليه مراد خارج من الشاليه :بدور تبي شي؟ بدور:لا حبيبي مابا مراد خرج وقفل الباب بدور قاعده فوق الكنبه ماسكه الجوال :اوووف طفش .. دارت بجسمها للشباك اللي وراها ووقفت على ركبتها تطالع في الناس رايحه جايه الاطفال يلعبو بالرمل واللي ياكل واللي يتمشى رجعت للكنبه جلست :لفه وحده ماتضرر لبست عبايتها وخرجت تدور .. تطالع في اللي يضحك والناس تتكلم ومنسجمه مع صوت البحر تضرب امواجو وقفت عند المراجيح كانت قريبه من البحر مشيت خطوات وجلست على الرمل تطالع في البنت ومبتسمه البنت متحمسه وتبني بيت ..قامت وتنفض نفسها من الرمل بحماس:ماما شوفي بيتي الام مسرررحه ماردت البنت جات عند امها تدقها :مااما تعالي شوفي بيتي الام بعدتها بطفش:خلاص طيب جايه بدور تتفرج وحزنت على البنت جات عندها وطت لمستواها :الله مرررة حلو البيت البنت ابتسمت :هذا بيتي لما اكبر بدور ابتسمت :ان شاءالله حتكبري وتوريني اياه صح؟ البنت :امم ما اعرفك كيف اوريك ؟ بدور:لازم تعرفي مين انا ؟ البنت :تاشر على امها :ماما قالتلي لاتكلمي احد ماتعرفيه بدور:طيب انا حصير صحبتك وحتصيري تعرفييني صح ؟ البنت اشرت براسها ايوا بدور :طيب تعالي نلعب سوا ؟ البنت :طيب بس بقول لماما اول وغيرت ملامحها للزعل :بس ماما ماحترضى بدور مسكت يدها :تعالي انا اقلها مشيت باتجاهها بدور :السلام عليكم مروة :وعليكم السلام بدور :ممكن العب مع بنتك ؟شكلك مشغوله شويه مروة :مين انت ؟ بدور :انا بدور .. كنت ماشيه وشفتها تلعب وبصراحه ربي مارزقني باطفال (ابتسمت بحزن ) مروة (رحمتها هي عندها بس مهي مقدرة النعمه):اعتبريها بنتك عادي بدور انبسطت لمى ببراءه :الحمد الله لقيت احد يلعب معايا احسن من ماما وبابا مايلعبو معايا وكمان هما زعلانين من بعض مروة فتحت عينها :خلاص يالمى عيب بدور :لمى حبيبي روحي العبي ذحين انا اجيك لمى راحت .. بدور :يضايقك لو سالت ؟ مروة :لا بدور :انت مطلقه ؟ مروة :ايوا بدوروطت راسها :اممم مروة :كنت عايشه في الرياض بس اتطلقت منو وجيت هنا عند عمتي اغير جو بدور :اهااا طيب الله يكون بعونك قامت واتوجهت للمى لمى انبسطت :طيب يالله نلعب ياااا (حطت اصباعها عند فمها ) ايش اسمك ؟ بدور:انت ايش تبي تسميني ؟ لمى :انت زي ماما عيونك حلوة بناديك ماما بدور عادي؟ بدور قلبها دق مع الكلمه :عادي حبيبي قامت معاها ..جوالها يدق بدور:الو مراد:ويينك ؟ بدور :نزلت ادور شويه انت رجعت ؟ مراد :ايوا رجعت بس قلقتيني عليك بدور :لاحبيبي ذحين راجعه بدور قفلت الجوال :لمى حبيبي ينفع نلعب بكرة ؟ لمى زعلت :لييش ؟؟ بدور :لازم ارجع انام ذحين سلمت عليها في خدها :يالله حبيبي باي لمى :طيب كيف بكرة نلعب ؟ بدور :امم حافظه رقم ماما ولا اروح اخذو طلعت من جيبها ورقه :خذي هذا رقمها هي ادتني اياه عشان لو ضعت بدور اخدت الرقم :طيب يالله اشوفك بكرة طيب؟ لمى :طيب قفل التلفزيون اللي في غرفتو فتح الدولاب واخذ تيشيرت وجينز اتعطر واخذ المفتاح وخرج للصاله تالا ماسكه جوالها ومنسدحه على الكنبه ربا نايمه في الارض تتفرج فيلم وتتثاوب وليد اتحمحم :ربااا ربا جلست :نعم ؟ وليد :يالله ماتبو تتعشو ؟ ربا جريت عند وليد :الا يالله وليد طيب اسالي تالا ربا من مكانها تناادي :تااالا حنخرج نتعشى تالا:ربا اخرجو انتو انا تعبانه شويه ربا جات عندها :يالله بالله بس نتعشى وترجعي ترتاحي تالا:لا والله بالعافيه عليكم اخرجو انتو ربا:خلاص اجل مني خارجه وليد ينادي :هارايحين ولاكيف؟ ربا تعلي صوتها :لا وليد تالا تعبانه ماحنروح تالا حست في ربا نفسها تروح ومتحمسه تالا:خلاص قومي نروح بس مانطول ربا سلمت على تالا في خدها:تامري امرر مانطول وليد ابتسم :استناكم في السيارة ربا وتالا اتجهزو في دقايق ... في السيارة وليد يطالع في المرايا متردد يقول ولا لا بعد تفكير.. تالا كيفك ذحين احسن ؟ تالا وجهها احمر مهي متعودة يوجهلها الكلام (بصوت واطي) :الحمد الله ان شاءالله احسن ربا تطالع في وليد :هي انت يالله بلاتتنيح وليد طالع فيها بنص عين :انت ايش تبي؟ افكر فين نروح ربا اتكتفت :لا والله من البدايه اتفاقنا كان احنا اللي نختار وليد قال بصوت واطي :خلي تالا تختار هيا المظلومه بيننا ربا باستهبال :يالله ياست تالااا وليد يباك انت اللي تختاااري تالا قلبها في رجولها ولا اتكلمت كللمه ربا :يالله ياهو شكلها نهايتها تميس وفول من سكوتكم ذا وليد مفجوع من حركه ربا :خلاص حوديكم مطعم اسباني جديد ربا:يالله أي شي (وطت صوتها):اهم ي فيه مزز وليد يطالع في المرايا ومبسووط انو ماخذ راحتو يتفرج ربا تطالع في المحلااات ووجهها ملصق في الشباك :وليد ولييد وقف وليد مستغرب:ايش تبي؟ ربا :جيب باسكن وليد :هبله انت احد يحلي قبل العشا ؟ ربا بترجي:ياخي جيب والله نفسي فيه وليد:اووف ايش تبي طيب ؟ ربا :كالعاده توفي وليد دق ربا :شوفي تالا ايش تبا ولا اقلك بلاش (عارف تالا ايش تحب ) فتح الباب ونزل ... ربا مستغربه تالا استغربت ماسالوها ايش تبا ولو من باب الذوق ربا تضيع الموضوع :كيف بكرة حتروحي الجامعه ؟ تالا :ايوا طبعا ربا:امم تصدقي وحشتني ماريا من زمان عنها تالا:كلها خميس وجمعه بس من جد وحشتنا .. يطالع من بعيد ومبتسم ويدق صاحبو شوف بالله الصواريخ اللي هناك اروحلهم بي ام ياشيخ صاحبو يضحك :شكلك مروق اليوم الاول:طبعاااا ..دقيقه اسلم واجيك شكلو صاحبها ماقفلها مشي للسيارة وعلى حظو وليد وقف السيارة بعيد عن المحل فتح الباب وجلس على الطرف خايف احد يجي ربا لفت راسها لجهتو :هاا جيت؟(صرررررخت) قفل الباب بسررعه لحد يسمع تالا رجعت جسمها لورا مفجووعه الرجال:لالا اششبكم سلام بس ربا تفك الباب بس قفل الزر :مين انت ؟ اخرررررج والله اصررخ واسويلك مصيبه الرجال ضحك :صرخي لين بكرة محد حيسمع يقرب اتجاهها وهي تصررررخ تالا تضربو بالشنطه من ورا مسكها بيدو ورماها وكان بينزل .. وليد يمشي ويغني برواااق :انا من بعد ليله امس وشوقي اللي دمعله بلا ياعمي عزة نفس انا راجعله راجعله يطلع مفاتيحو من جيبو ورفع راسو (فتح عيوووونو بقوة ورما الكييس اللي في يدو وجررري) ربا تصرخ وتبكي وتالا تحاول تدافع بس مهي قادرة فتح الباب واول مانزل وليد من وراه دفو وطيحو ويرففففففس برجلوووو وماساب كلمه ماقالها عليه ربا متصنمه مكانها وخاييييييفه تالا نزلت تجري ومسكت وليد :خلاااااص سيبو حتقتلو لاتسويلك مصيبه وليد الله يخليك سيبو وليد سابو دخل السيارة ومشي بسررررعه وليد معصصصب يطالع في ربا :سوالكم شي الحقيرر؟ ربا تمسح دموعها :لابس حاول ياذينا بس الحمد الله ماصار شي وليد يوجه الكلام لتالا:ليييش ما اتصلتوو تالا:في ذاك الوقت اتربشنا والله ماعرفنا نسوي شي ربا تحاول تخفف من عصبيتو :خلاص مرت على خير رجعنا البيت بس وليد :اووف الله ياخذ بليس وقفلي دمي بعد دقايق وصلو البيت وكل واحد رجع لغرفتو تعبااان ومفجوع ومومستوعب شي (انتهى البارت السابع ) |
رد: روايه نور في غسق الدجى (البارت الثامن ) في الشركة حط الكوب على المكتب :اتفضل طال عمرك بيخلي مزاجك على كيفك ابو رائد يضحك :يعطيك العافيه ماتقصر عم عمر :الله يعافيك عم عمر مازال واقف ما اتحرك ابو رائد :ها يا عم عمر عندك شي تبا تقولو ؟ عم عمر:والله شوف انا مستحي منك ابو رائد:لا ابدا اتفضل عم عمر :انا سمعت عن مركز الايتام اللي سويتو وقلت الله يزيدك من فضلو بس انا ولد اختي يتيم ابوه وامو اتوفو في حادث وهوا عندي اربيه وانت عارف الحال كيف ابو رائد :عيب عليييك ياعم عمر انت تامر امر اعتبر الولد في المركز من ذحين بس انت اعطي السكرتير اوراقو الرسميه ومايصير خاطرك الا طيب عم عمر :الله يبارك فيك ويطول من عمرك عسى يارب ماتفقد غالي يارب ابو رائد مبتسم :اللهم امين (بره الغرفه بيدخل بس سمع الحديث وقف يسمع ) خرج عم عمر مبتسم :يامرحبا طال عمرك ابو حسين باشمئزاز :اهلين عم عمر :تبغاني اجيبلك شي ولاتامر على شي؟ ابو حين :ياشيخ بعد مابا منك شي عمر عمر وطى راسو واتعود على ذا الاسلوب ومشي دخل المكتب بدون مايدق ابو رائد:في شي اسمو استئذان ابو حسين معصب:ليش مين شايفني فراشك عمر ؟ ابو رائد :عم عمر لو سمحت والفراش هذا اقلها يستاذن واخلاقو احسن من بعض الناس ... ابو حسين :مين قصدك ؟انا عديم اخلاق ؟ ابو رائد :اللبيب يفهم ابو حسين بتوعد :على خير ياابو رائد بنشوف الاخلاق اللي معاك خليها تنفعك خرج من المكتب معصب .. ابو رائد يحرك راسو باسف :الله يهديك بس في الصباح قاعد على الكرسي جنب سريرها ماسك يدها محمد:ها يا امي كيفك اليوم ؟ ام محمد ودموعها في عينها :الحمدالله على كل حال محمد ملامح وجهو كلها هم وحزن على اختو وامو :يالله يالغاليه دعواتك انا مضطر اداوم فاتت محاضرات واول ما اخلص دوام حجي كان شاءالله ام محمد حركت راسها بطيب ودارت راسها للجهه الثانيه التعب طاغي عليها وقلبها معد يتحمل أي صدمه ثانيه محمد خرج من الغرفه واليأس والهم كل اللي فيه (ماينام ولاياكل زي الناس كل تفكيرو واختو مو عارف ايش يسوي ولاوين يدورلها اتوجه للجامعه ) صحيت بطفش وتبعد اللحاف عن جسمها ماريا :ياصبرر ايوب ياخي متى نأجز والله طفش اتوجهت للحمام وبعد ربع ساعه خرجت على صوت الجوال ماريا ردت :يافتاح ياعليم ربا :يارزاق ياكريم ماريا :ربا اخلصي ايش تبي ؟ ربا :اتشحت منك انا؟ ماريا :طيب ايش تبي والله محاضرتي بعد نص ساعه ومارحت لسا ربا :لابس كنت بسألك جايه ولالا عندي لك اخبار ياواد حق سنه ماريا اتحمست :ايييش؟ ربا :انتي تعالي بعدين يصير خير ماريا :طيب يالله سلام ربا :سلام قفلت وحطت الجوال في الشنطه ربا :تااااالا يالله غيري كفن اصباعك بسررعه ورايا حكاوي لماريا تالا تفك الشاش حولين اصباعها :انت اللي يشوفك مايقول امس صارلك شي اعوذ بالله شوفي عيوني كيف مفقعه ماقدرت انام ربا اتكتفت واستندت على الجدار :اووف لاتذكريني والله مت خوف اااه بس شي يقهر انو في ناس كذا بلادم تالا تدور للشاش مهي ملاقيتو :ربا هي روحي جيبيلي شاش من المطيخ ربا :قوومي انت انا لسا ماخلصت تالا تتافف :طيب خلاص مشكورة خرجت متوجهه للمطبخ مرت على غرفه وليد الباب مردود عدلت طرحتها ومشيت .. وليد فتح الباب وجوالو يرن ويطالع في الجوال :ربا ربا بالله تعالي تالا تبا تشرد بس وليد رفع راسو واضطر يناديها :تالا بالله تعالي كلمي هذي البنت اشغلتني والا تبا تكلمني ناس فاضييه هيا بتقلك ابا رزان صرفيها أي شي تالا مستحيييه وليد طيح الميانه حضرتو بس ماقدرت تردو :وليد حط الجوال على الطاوله وتالا اخذتو وردت تالا:الو البنت بنعومه متصنعه :الوو تالا:نعم مين معايا ؟ البنت :هذا جوال رزان ؟ تالا بجديه :ايوا معاك رزان وليد يطالع ويأيد تالا بس يطالع في تالا شويه وينزل عينو شويه البنت اتوترت :امم كيفك رزان ؟ تالا:اقووول اخلصي ايش تبي؟ اقلك انت ماتستحي على وجهك ؟ ايش مافيييك ذرة حيا ناس فاضيه استغفر الله لعد تتصلي ولا والله رقمك حيروح للامارة ..قفلت الجوال وحطتو على الطاوله :اتفضل وليد مبتسم باعجاب :تسلمي والله من جد ناس مهم متربيين ربي يزيدك ويكملك باخلاقك تالا وجهها احمممممممر موطيه راسها وتلعب باصابعها من التوتر مشيت ومهي داريه فين بتروح وليد رجع غرفتو مبتسم ربا تدق باب الغرفه :وليييدوه يالله قمت ولا؟ وليد:ادخليي ربا دخلت ووليد يكتب في جوالو ومبتسم .. ربا :هييي انت تكتب من الصبااح ؟؟قوم يالله وليد ماطالع فيها :خلصتو كلكم ؟ ربا اتذكرت تالا:يووه اصبر بشوف تالا وبجي وليد يحرك راسو بنفي :عندك في الغرفه وتنسيها ؟ ربا خرجت للمطبخ دخلت وجات من وراها تالا وفجعتها تالا:زعقت ورمت الشاش ربا تضــــــــحك تالا:وجع يوجع بليس هبله انت ؟ ربا :والله لو تشوفي شكلك تضضحكي سنه قدام تالا طالعت بحقد :انكتمي بس ربا :طيب يالله ماصار شاش اقلك انا استناك في السيارة سلاام تالا خلصت بسرعه وليد ساند راسو على الكرسي ويفكر ربا تطالع فيه :والله لو انا متأخرة كان مسحت فيا الارض وليد يطالع فيها بنص عين ويبتسم :الناس مقامات ربا :لا والله احلف؟؟؟ تالا دخلت :العفو اتاخرت وليد:لاعادي افا عليك تالا ارتاحت وابتسمت ربا سااكته وليد :غريبه اليوم مستعجله على الدوام ؟ ربا :وحشتني ماريا بروح اهرج معاها واتحكى وليد :اها ماشاءالله الله يعينها عليك ربا رفعت حاجبها:نعم؟؟ تالا تضحك وليد ابتسم (قال في قلبو ):حتى ضحكتها حلوة يسعدلي الضحكه بس بعد دقايق وصلوا لجامعه في ناحيه ثانيه ماريا في الحمامات تعدل طرحتها تطالع في الحمامات ريحه السجاير طالعه :اوووف كتمتونا الله يقرف بليسكم طالعت فيها وحده عند المغسله نعدل شعرها وابتسمت بخبث وتطالع في ماريا من المرايا :اذوك ياحلوة ؟ ماريا مفجوعه مهي متعودة بنات كذا يكلموها البنت مسمى بنت بس والهيئه ولد ماريا :لا وانسحبت من المكان بسرعه اتصلت على ربا :ها وينكم ؟ ربا :في مكااننا المعتاد ليش اشبك ؟ ماريا :خلاص جايه بعدين احكيك وصلت عندهم :اخيرااا ربا :هلاااا والله تالا :يا اهلييين ماريا :ياخي وحشتوني تخيلو شفت بويه ربا :لا احلفيييي شي جديد صراحه ماريا :لا بس والله ريحه السجاير وع في الحمامات وقالتلي ياحلوة ربا :يالله ذي االهبله اسكتي خليني احكيك ربا تحكي ماريا ومتحمسين اثنينتهم تالا قامت تشربلها شي قبل المحاضرة ماسكه كوب القهوة وتفكر:ياربي ليش مو راضي يروح عن بالي اقوم اجلس اروح اجي الله يصبرني بس مدري كيف بسوي واحنا في بيت واحد اخذها التفكير ووصلت لامها حتروحلها بعد الجامعه مر من جنبهم متشيك وريحه عطرو سابقتو ماريا تدق ربا :لببببيه يادكتوري ربا تطالع فيلو :ااانتي هي كيف هذا دكتورك ؟ ماريا :مدري يختي صدفه ويامحلى الصدف ربا :قومي طيب بتبدا محاضرتك ماريا قامت :سللاااام ياحلوة ربا حطت يدها على انفها بعدين على جبينها :الحمد الله والشكر متأثرة البنت دخل القاعه ودخلت قبلو احمد :السلام عليكم .. اليوم حنتكلم عن التطبيقات ومشاريع التخرج بنبذه وفكرة بسيطه ماريا تطالع فيلو مهي مع الكلام ابدااا احمد :زي المتعارف عليه لازم تطبيقات في مجال هندسه الديكور واتفقت مع مركز دار الايتام وذوي الاحتياجات الخاصه انو بدل مايكون تدريبكم واعمالكم بس عشان تنجحو نبا نسوي شي يخدمكم ويخدم المجتمع فاللي ابا اقولو حتنقسمو قسمين تبعا للمركز اللي اتفقت معاه نصكم حيصمم ديكورات لغرف الايتااام تناسبهم والقسم الثاني حيعلم وحتعلموهم على الشغل لانو في ناس قدكم بكذا تسوا اعمال التخرج وتكسبوا اجر ماريا عجبتها الفكرة وكلهم ايدوه احمد :يوم الاثنين ان شاءالله حنبدا تطبيقات واليوم وبكرة كل واحد يحدد اللي حيسويه ماريا رفعت يدها احمد :اتفضلي ماريا وقفت وبدات تتكلم بحماس :انا اقترح حتى ذوي الاحتياجات الخاصه نخليهم يشاركو معانا ولو باعمال بسيطه يصممو فيها غرفهم احمد ابتسم باعجاب :ممتاز طيب واي شي تحتاجيه او احد يحتاجو انا استقبلكم أي وقت جالسه على طاوله الاكل وكل ملامحها تعب ساكته ومهي قادرة تاكل شي ابو ريم يطالع في بنتو ومهموم :يابنتي كلي ريم مسكت الشوكه وحاولت تاكل مجامله لابوها حطت الشوكه بقوه وقامت :مني قادرة يابابا والله مني قادرة ابو ريم :طيب يابنتي ليش منتي راضيه اتدخل في الموضوع ريم جلست على الكنبه وغطت عينها بيدينها :لاياباب خلاص اخوها حيدبرها مانبا فضايح ابو ريم:على راحتك يابنتي بس مررة مايصير تجلسي كذا شوفيلك حل انا رايح الشغل تبي شي ؟ ريم اشرت براسها لا ابو ريم خرج .. ريم مسكت الجوال واتصلت :الو محمد:ايوا ريم هلا ريم :ها محمد مافي أي خبر ؟ محمد اتنهد :لا للاسف والله مني عارف وين راحت دورت والله في كل مكان ريم :طيب قرايبكم احد معاديكم في شي بينكم وبينهم ؟ محمد:لا ابدا بالعكس يحبو تالين ومابينهم عداوة انتي اللي معاها في الجامعه محد معاديكم ؟ ريم:لاا احنا مانختلط باحد اصلا محمد:طيب انا بعد شوي عندي محاضرة وبعدها حروح انا وياسر نشوف وين ممكن ندور ريم:طيب يالله مع السلامه محمد:مع السلامه في الشاليه تالين فتحت عينها راسهااا يوجعها لقت نفسها نايمه في الارض من كثر البكا تعبت ومادريت عن نفسها رائد فتح الباب بدون مايدق طالع فيها :صباح الخير تالين عدلت نفسها وماردت رائد :ماتبي تفطري؟ تالين ميته جوع يومين ما اكلت ولاشي جسمها مهي قادرة تشيلو بس ماردت عليه رائد:اكلم نفسي انا؟ قرب منها :هي انت اهرجك انا ماتسمعي ؟؟ تالين بعدت عنو ونزلت دموعها:رجعني رائد دار وجهو واتأفف:يالييل انت ماعندك كلمه غيرها ؟انسسي ياماما انسي رجعه ماافي رجعه انتي احمدي ربك لين ذحين ماسويت فيك شي تالين خافت ودموعها تنزل اكثر:ماحتعمل شي يا... رجعنني انت ميين اصلا وايش تبغا مني رائد ضحك :حبيبي بكييفي انا اسوي فيك اللي ابغاه لسا ماشفتي شيييي انا حستنى بره تخرجي تفطري ماتبي بكيفك ... تالين لمت نفسها ورجعت رجلها لصدرها وجلست تبكي من قلبها مهي عارفه ايش تسوي تحس بتموت من التعب والجوع والخوف مهي عارفه هيا تحلم ولا ايش؟ رائد خرج وساب الباب مفتوح جلس على الكنبه في الصاله يستناها اذا حتخرج ولا لا تالين ماخرجت وحاسه الدنيا حوليها تدووور وسوداااء طاحت في الارض (السكر نااااازل مررة ) رائد سمع شي طاح مشي بهدوء يشوف ايش صاير ..فتح الباب وانفجع لما شافها طايحه في الارض جا عندها :تااااالين تاللين قومممي تالييين ..يخبط على وجهها شكلها يلين الحجر تعبانه ووجهها اسود قام وجبلها مويه واكل طشها بشويه مويه تالين بدات تحس وتتنفس بصعوبه اكلها كم لقمه وشربها مويه مسكت راسها وقومت نفسها بقووة وبعدت عنو واستندت على الجدار رائد وقف وخرج سبلها الاكل والمويه عندها تالين جلست اكلت وشربت لين فاقت تمام مشيت بتعب وتطالع في نفسها تبا تبدل بس مهي عارفه ايش تلبس ماعندها شي غير الفستان اللي لابستو فتحت الدولاب اللي في الغرفه وعقدت حواجبها (الملابس ملابس حريم بس كلها قصيره وحالتها حااااله ) اخذت اطوول فستان فوق الركبه بشويه ودخلت الحمام وخرجت لبست العبايه بسرعه رائد بره يفكر فيها وفي شكلها التعبان جات في بالو ريم ورجع القهررر فيلو والا يأذيها هيا ومحمد ابتسم بخبث وبعد دقايق دخل الغرفه وقفل النور الا نور صغير ..قفل الباب بالمفتاح تالين تطالع مفجوووعه لفت الطرحه على راسها ورجعت للزاويه بسرعه رائد مبتسم على الاخير:ليش الخوف ذا كلو ماحسويلك شي (غمزلها )حنلعب شويه بس تالين تبكي وصوتها يرجف:ابعد والله لو تقرب ياويلك ماتلوم الا نفسك رائد يمشي بخطوات بسيطه لها تالين شويه وتدخل الجدار لامه نفسها على الاخير رائد وصل لعندها ونزل لمستوها تالين تصررخ وهي مغمضه عيونها :اببببعد يا... لاتقرررب وتبكي من قلبها رائد مسكها من يدها وسحبها لحضنو تالين ترفس برجلها وبيدها تضربو بس جسمها ماساعدها مع تعبها ابدااا رائد متمسك فيها طاحت طرحتها وانسدل شعرها على يدو رائد ابتسم :يعني انت حلوة كذا ليش تخربي جمالك ببكاك تالين فجاه ارخت كل جسمها عليه وصارت تتنفس بشويش وبالقوة تاخذ نفس رائد انبسط هذي فرصتو حملها بهدوء للسرير تالين في لحظتها دفتوووو بكل قوتها رائد مع الفجعه زلت رجلو وطاح من السرير تالين قامت ورجعت على الجدار رائد وقف وماسك رجلو :يعني فين حتروحي مني ؟ تالين فتحت الشباااك :والله لو تقرب ارمي نفسسسسي رائد متطمن ومو متوقع ذا الشي منها :يالله جربي يقرب منها بهدوء :تبي تموتي بكيفك ادفنك ومحد حيدري عنك تالين مافي بالها غير تهرب منو غمضت عيونها وبدون تفكير ... رائد سرررع خطواتو لها تالين ماسكه في الحافه وجسمها كلو بررره مابينها وبين الموت الا تسيب يدها رائد جري عندها فاتح عيونو وصرررخ فيها :مجنننننونه اننت ؟ تالين مغمضه عينها رائد مد يدو ومسكها بقوه تالين بقوتها كلها سااابت يدو (في ذي اللحظه شريط حياتها كلو مر عليها وكل لحظه فيه امها ابوها اخوها وريم وكل شي ... طاحت رائد يطالع وقلبو يدق بسرررررررعه مو مستوعب شي رجلو مشلوله لحظه استيعاب مرت وهوا واقف بعدها نزل يجري ومو شايف أي شي قدامو وقف عندها مصدووووم دقات قلبو سابقتو تالين الدم يسسيل منهاااا مرميه على الحديقه والدم حولينها رجلها ملويه من الطيحخ ووجهها مغطى بشعرها رائد نزل لمستواها وحط يدو عليها ويصررخ :تاااالين تااللين ردي عليا الله يخليك ردي 3 عمرو ما اتوقع يصير معاه زي كذا ينتقم من انسانه ويقتل وحده بريئه مالها ذنب كل اللي في راسو يسعفها رائد مسك الجوال واتصل :رررد يا انس ررددد انس نايم ومو داري عن شي رائد يزيد ضغط يدو على راسو مع انتظار الرد بس مافي فايده رائد جررري لفوق واخذ المفتااح فتح السيارة وحملها الدم يسيل منها ويدو ترجف وهوا يطالع فيها حطها وخررررج جري على المستشفى ... نهايه الدوام تالا سانده جسمها على الكرسي بتعب :اااه اخيرا خلص الدوام ربا تاكل حلاوة :امم تالا دارت بوجهها لربا :هي كلمتي وليد يجينا ؟ ربا تبعد الحلاوة من فمها :ايوا من زمااان وينك انت مغبره تالا:ايش دخل مغبرره ؟الحمد الله والشكر اصلا مني داريه انت محاضراتك متى انا وماريا ندخل ونخرج نلاقيك مخلصه ماكانك اعلام زيي اللهم القسم يختلف ربا ضحكت :الناس مقامات يابيبي ماريا جايه والابتسامه العريضه على وجهها ربا تطالع :ياعساها دوووم نورينا ايش صار مع مودي؟ ماريا جلست :ااه يسلملي المودي تالا تحرك راسها بنفي :الله يثبت علينا العقل والدين ربا:متى اشوفك ياتالا تحبي وتصيري رومنسيه زينا ااه لو يطلع اللي حتحبيه حلو يوم لك ويوم ليا تالا فاتحه عينها :هي انت كني بخليه لك اصلا ماريا في عالم ثانني ربا ضربتها بالكتاب على وجهها :هي جوليت وين وصلتي ماريا عصبت :عمى ان شاءالله يعمي بلييسك هبله ؟؟ ربا :اخلصي ايش صار ؟ ماريا متحمسه وتشرح بيدينها ومبتسمه :تخيلو بنات بنروح دار الايتام وذوي الاحتياجات الخاصه مركز مررة كبير وجديد ااه مررة متحمسه فديت اللي طلع الفكرة ربا تطالع بخيبه امل :والله على بالي السالفه فيها مزز ماريا :ايش دراك ترا الايتام في كبارر قدنا ربا فتحت عينها :احللفي على بالي صغاررر خلاص ياخي برووح تالا تبعد جسم ربا من قدامها تبا تشوف ماريا :الله ياماريا ماشاء الله يابختك مررة من زمان نفسي اروح اماكن كذا مررة احب اساعدهم وافرحهم جوال ربا يدق ربا:هلا وليد وليد :يالله انا تحت ربا:طيب يالله نازلين ربا تقفل جوالها:تالا يالله وليد جا تالا قامت بسرعه تلم اشياءها في السيارة ربا قدام عند وليد كالعاده وتالا ورا وليد ربا :تالا على البيت ولا؟ تالا:لا الله يسعدكم بزور امي شويه المفروض امس كالعاده بس مع امس ولخبطتو مازرتها وليد :لاتالا طبعا لازم تزوريها ربا :خلاص انا حجي معاك تالا :لاربا يكفي دوام الجامعه ارجعي ارتاحي وليد :خلاص انا حوديك واستناك تالا قلبها دق بسرعه :لالا عادي اذا خلصت حرجع بتاكسي وليد :ماعندنا ذا الكلام اول كنتي مضطره عشان دوامين عندي ذحين الحمد الله دوام واحد انسي الرجعه بالتكاسي تالا مهي عارفه ايش تقول :اللي تشوفوه وصل ربا للبيت ... ربا وهي نازله :يالله تالا حبي انتبهي على نفسك تالا عارفه استهبال ربا ومو منها محششه من الدوام وليد مستغرب :اقول اقفلي الباب وروحي نامي قال حبي قال بعد دقايق ... وليد وقف عند كوفي :تبي شي ؟ تالا باحراج :لاتسلم وليد :طيب تالا تفكر في وليد وتصرفاتو ذي اليومين تحس راحه واحترام لها بس مهي عارفه تفسرها رحمه منو ولاتعاطف لحالتها ولاهوا كذا اسلوبو ولااا حب ضحكت على تفكيرها :بالله اسكتي قال حب عايشه الدور حضرتي وليد خارج من المحل دخل السيارة :اتاخرت ؟ تالا:لاعادي وليد ماسك ميلك شيك توفي حطو مكان الكوب في السيارة وفتحو تالا تطالع :ايش ذا ؟ وليد :والله عاد انتي وذوقك حتشربيه ولا لا تالا :طيب ماكان في داعي وليد :مدامك معايا في السيارة لو داعي تالا :امم طيب تسلم وليد :الله يسلم عمرك دقايق صمت مرت ... وليد والا يبا يفتح سالفه معاها :كيف عم خالد ؟ تالا:الحمد الله ابويا بخير وليد :متى راجع ان شاءالله ؟ تالا حستها طرده سكتت .. وليد فهم سكوتها وبرده فعل سريعه :لالا تفهميني غلط بالعكس والله ماتتصوري فرحتي بوجودك اقصد فرحتنا بوجودك واثلا لو رجع من جد ماندري كيف بيتنا حيكون من دونك اتعودنا عليك تالا ارتاحت (خافت يكون متضايق من وجودها):امم وانا كمان اعتبركم زيا خواني وليد اخذ نفس :ايوا صح رباااا زي اختك تالا وطت راسها :امم وليد :طيب كيف الجامعه ؟ تالا مهي عارفه لوين بيوصل :تمام الحمد الله وليد باستغراب:انتي ايش تخصصك ؟ تالا:اعلام وليد :اهاا حلو تالا:اممم .. (بعد لحظات ) :ما اتوقعت تايدني وليد :ليش بالعكس مجال واسع واهم شي يعجبك انت مو الناس تالا ماصدقت تلاقي مشجع لها حطت يدها تحت انفها بتفكير ورجعت استندت على الكرسي وتطالع في الشارع :تعرف ياوليد حلمي من وانا صغيرة اطلع اعلاميه كذا واخدم مجتمعي واترك بصمه حلو فيلو بس نفس مجتمعي من حواجزو ما اعطاني لا انا ولا غيري فرصه نخدمو وليد مبسوط اول مرة يسمع اسمو على لسانها:طيب انتي تقدري تخدمي المجتمع وتكسري الحواجز باصرارك لاتخلي فكرة الحواجز في بالك انت اذا تبي شي باذن ربك كل شي يصير ابتسم تشيع لها تالا اخذت نفس وابتسمت :مررة شكرا افدتني بالمرة وليد :لاعادي لاشكر على واجب يالله وصلنا اتفضلي تالا نزلت ووليد وقف السيارة ونزل ماكانت تتوقع يجي معاها مشيت ومشي جنبها بس بينهم مسافه كافيه في الاصنصير دخلو وتالا في الزاويه على اليمين ووليد في جهه اليسار وليد :الدور الكم ؟ تالا:الخامس تالا ماسكه يدها ومستحيه مررة وليد يطالع في المرايه ويعدل بلوزتو ويطالع فيها بدون ماتلاحظ اتفتح الاصنصير وليد مد يدو :اتفضلي تالا مشيت وهوا وراها فتحت باب العنايه بهدوء المكان هااادي وبارد ونور خافت على امها دخلت وجلست على الكرسي ومسكت يدها بيدينها ونسيت انو احد معاها كالعاده بدات تحكيها على ايامها تالا مبتسمه بملامح حزن :ماما كيفك اليوم وحشتيني واهو جيتك بعد الدوام سامحيني اتاخرت عليك ماجيتك امس بس انشغلت مع ربا ووليد .. حنبدا نطبق ونسوي مقابلات ويارب انجح واتوفق فيه وابشرك لقيت مؤيد ليا في مجالي ابتسمت ووطت راسها :وليد ولد اختك يسعدو ايديني وشجعني وليد واقف وكل علامه استغراب في وجهو مو عارف ليش تتكلم معاها كذا وكانها جالسه تسمعها مرت سبعه دقايق وهيا تحكيها عن الاسبوع كلو وليد منسجم وتساؤلات تدور في بالو عن اللي يصير قدامو تالا ودعت امها وسلمت على راسها ويدها :استودعتك الله يالغاليه قامت وعدلت طرحتها وابتسمتلو :يالله نمشي ؟ وليد استوعب :ايوا يالله خرجو من المستشفى في السيارة .. وليد يفكر :ممكن اسالك سؤال ؟ تالا :اتفضل وليد :امم مني عارف ايشش اقلك بس بصراحه مستغرب من كلامك مع امك معنو ماتسمعك ولاتشوفك تالا ابتسمت بحزن :يمكن انت تشوف كذا بس اانا بالنسبه ليا امي كل يوم تكبر معايا معنويا انا احس فيها واحس انها تفهمني محد عارف متى ربي يريد وتقوم من غيبوبتها وليد :اهاا الله يقومها بالسلامه ان شاءالله تالا:امين يارب الله يسمع منك يمشي بطفش مو عارف يروح فين عم عمر يطالع فيه وساكت بعد ثواني وقفو عند المركز فتحلهم الرجال الباب والابتسامه على وجهوو :حيا الله عم عمر عمر عمر :الله يحييك ماشاءالله الله يباركلكم في المكان حلو الرجال يضحك :طيب الحمد الله عجبك عم عم ياشر على الرجال:هذا مدير الاعمال حق العم ابو رائد وهو المسؤول هنا مدير الاعمال :اهلا وسهلا بس ما اتشرفنا ؟ مد يدو :انس مدير الاعمال :اهلا وسهلا نور المكان انس ابتسم مجامله :بوجودك تسلم عم عمر :خلاص ذحين ذا ولدكم والله الله فيه مدير الاعمال :لاولايهمك في عيوننا عم عمر :طيب هيا انا بستأذن مدير الاعمال:الله معاك انس مستغرب وخايف من المكان كبير ومرررتب مو متعود على كذا اماكن مدير الاعمال :هاعجبك المكان ؟ انس :ايوا ماشاءالله مدير الاعمال:طيب كلمك عم عمر ولا؟ انس :هوا قلي انو حعيش واشتغل هنا بس هذا اللي قلي مدير الاعمال :طيب امشي معايا اوريك الاقسام مشيو وانس يطاالع وفرحان انو حيسكن في مكان مرتب دخلو غرفتو مدير الاعمال:هنا غرفتك والين ذحين محد مشاركك فيها بس حتى لو حيشاركك احد الغرفه كبيررة زي ما انت شايف ومافيا لا اثنين يشاركوك فيها انس ابتسم :طيب شكرا مدير الاعمال :ارتاح انا خارج ذحين عندي شغل اذا احتجت شي تقدر تروح للمسؤلين انس :ان شاءالله في الشاليه بدور جالسه على الكنبه :خلاص بكرة اخر يوم ؟ مراد :ايوا للاسف بدور :والله من جد عمري ماحنساها مراد :ايوا والله كان شي جمييييل مراد فتح التفزيون ويقلب وقف على طيور الجنه (ماما جابت بيبي) ومسرح بدور بلعت ريقها :مراد اشبك تتفرج طيور الجنه ؟ مراد انتبه وضحك ترقيع :لالا بس حلوين وهما يغنو غير القناه بعدها نيكلودين ام بي سي 3 اتنرفز وقفل التلفزيون بدور بحزن :اشبك ؟ مراد :لا ولاشي طفشت من التلفزيون بدور وطت راسها :نفسك في طفل ؟ مراد ارتبك :انت ايش تقولي ؟ بدور:شوف يامراد انا عارفه احساسك هذي السنه الخامسه لنا متزوجين وربي مارزقنا بطف وليد قاطعها:بدوور هذا شي من ربنا ولعد تتكلمي زي كذا الحمد الله انت مكفيتني عن الاطفال وعن كل الناس بدور ساكته مراد يبا يخفف الموقف :ايش هوا بتقلبي اخر يوم نكد ؟ خرب شعرهاا بيدو :قومي يالله ننام بدور ابتسمت :طيب ليش الاذيه سيب شعري مراد:كماان لك عين تتكلمي قومي قومي (حملها بيدينو )وهي ميته ضحك في المستشفى جالس ومغطي وجهو بيدينو رائد:انااا ايش سويت ياريتني ماجبتها قال انتقام قال بعد دقايق ... نزل الدكتور موطي راسو رائد قام يجري :دكتوور كيفها ذحييين طمني ؟ الدكتور باسف :والله يا اخويا البنت حالتها صعبه هيا اتعرضت لحادث ولا ايش؟ رائد مو عارف ايش يرقع :لا لا هيا طاحت من الدور الثاني كانت تتمشى وما انتبهت وطاحت ..المهم انت قلي ذحين كيفها ايش حتسوو فيها الدكتور:والله شكلو كذا لانو في كسوور فيها رجلها ويدها مكسورة وراسها مفقوش بس هذي كلها نقدر نتداركها في الوقت الحالي بس صراحه ما اخفيك انو العمود الفقري اتضرر واذا ما اتعالج بسرعه ما اعتقد تقدر تمشي مرة ثانيه رائد انفحع :طيب اسمع انا حسفرهاااا ذحين ذحين الدكتور:ذحين ماتقدر خلال اربعه وعشرين ساعه لازم تبقى عندنا وبعدها بامكانك تسفرها انت ذحين روح شوف اجراءاتها وراجعني اعطيك الاوراق عن حالتها الدكتور مشي رائد مفجوع مكانو مو عارف كيف حيسفرها ولامعاه شي عنها كيف حيسافر ووهيا معاه بذي الحاله بعد الستاره من الشباك حق العنايه وشافها صوت جهاز تخطيط القلب يدق مع قلبو خايف ومرتبك مو عارف ايش يسوي ... رجولو تهتز فكر ميه مرررة وبعدها مسك الجوال وبدون احساس وبصوت كلو رجفه :رييييم ردي ريم فوق سريرها متمدده وتفكر في تالين مسكت الجوال واستغرربت الاتصال انفجعت وبدون تفكير ردت :الوو رائد صوتو فيه بكاء :ريم الحقيييني ريم انفجعت وجلست وقلبها يدق :ايش فييي رائد تعاالي بسرعه انا في المستشفى الله يخليك اباك ضروري ريم تحس خلاياها وقفت من الحركه :ايش في مستشفى ايه رائد اشبك ايش صايير؟؟ رائد :انا حرسلك العنوان ذحيين تعاالي ياريم ذحين ...قفل الجوال ريم بدون تفكير اتصلت :عبدالحميد جهز السياررررة بسررعه عبدالحميد نايم :هاا مدااام ايش في كلام ؟ ريم متلخبططه :عبدالحميد قوووم بروح مستشفى بسررعه قوم عبدالحميد قام من السرير:طيب مداام بسرعه انا ذحين في السيارة ريم قفلت وشافت الرساله من رائد لبست عبايتها ووببجامتها راحت نزلت تجررري عبدالحميد مستنيها ريم دخلت :عبدالحميد روح مستشفى ... عبدالحميد :طيب مدام انت تعبان ؟ ريم :لا مو انا انت امشي بسرررعه عبدالحميد مشي بسرعه رائد يفكررر مو عارف اللي سواه صح ولالا مو عارف ليش اتصل على ريم يمكن عشانها هيا الوحيدة اللي تقدر تساعدو بس ايش يقلهااا اذا شافت صحبتها كيفف يقدر يصرفها بعد عشره دقايق ريم تتصل رائد قاعد على الكرسي ورافع راسو للجدر وفكرة توديه وفكرة تجيبو انتبه للجوال :ايوا ريم ريم :رائد انت وين انا تحت المستشفى في ايش من دور ؟ رائد :الدور الثالث ريم :طيب يالله مع السلامه رائد قفل الجوال واخذ نفس وغمض عيونو عبدالحميد :مدام انزل مع انت ؟ ريم :لالا اجلس هنا ريم نزلت واتوجهت للاصنصير دخلت متكتفه وتتأفف مهي عارفه ايش صاير وليش دق عليها ... اتفك الاصنصير ريم تمشي وتطل يمين يسار مهي عارفه فينو بالضبط مسكت الجوال تبا تتصل وقبل ماتضغط انتبهتلو على الكرسي جالس قدام العنايه ريم نزلت الجوال واتوجهتلو بخطوات هاديه رائد مغمض عينو ومو منتبه لاحد وقفت قبالو وبصوت خايف :رائد رائد فتح عيونو وعدل جلستو ريم :ايش في اشبك؟ رائد :اجلسي شويه بكلمك في موضوع ريم جلست وتحرك رجلها من التوتر رائد موطي راسو :مني عارف ايش اقلك ولا كيف ابدألك بالموضوع ريم:رائد قول الله يخليك مررة مافيا استنى رائد:تالين ريم بلعت ريقها وفتحت عيونها:اشبببها؟ رائد:صارلها حادث ريم تحس نفسها مهي قادرة تاخذو :هاا؟ رائد:لالا اسمعيني هيا صارلها حادث بسيط وهيا بخير لاتخافي مافيها شي ريم :رائد انت ايش تقول انا مني فاهمه شي تالين كيف صارلها حادث وانت ايش دراك ؟ رائد :ريم الله يخليك هدي انا حوضحلك كل شي بس ساعديني الله يخليك ماباك تنفعلي ريم ساكته رائد:شوفي انا لما شفتك مع محمد احس الدنيا عمت عليا كنت ابا انتقم منو باي طريقه ماكنت ابا احد ياخذك مني ريم مستنيه تعرف حاله تالين ومهي مستوعبه شي رائد :اتفقت مع السواقين واخذت رقمها وشلتها من بيتها للشاليه عندي ريم تسمع ومهي قادرة تستحمل أي صدمه ثانيه رائد:والله العظيم ياريم ماسويتلها شي انت عارفه انا ايش كنت ممكن اسوي بس والله ماسويتلها شي هوا بس (وطى راسو) ريم برده فعل سريعه:بس اييييش؟ رائد:حاولت اقرب منها بس ماسويتلها شي برضو والله بس هيا خافت ومني عارف كيف سوت اللي سوتو ماكنت اتوقع انها ممكن تسويه ريم بترجي:رائد حرام عليك حرقتلي اعصابي ذحين قلي ايش صار والله حاسه خلاص معد فيني دم رائد اتنهد :نطت من الشبباك وحاولت امسكها بس سابت يدي بقوه والله مالي ذنب في طيحتها .. ريم عيونها اتغرقت دموع وهي تسمع رائد يكمل :نزلت اشوفها وماكنت عارف ايش اسويلها عمري ما اتعرضت لموقف زي كذا ولاكنت اتخيل انو ممكن يصيرلها كذا ..اسعفتها وجبتها هنا والدكتور قلي انو عندها كسور وجروح شويه بس .. عمودها الفقري تعبان ما ادري ايش فيلو بس لازم تتعالج بسرعه ولا ماحتمشي مرة ثانيه ريم الدموع تنزل بسررعه ورا بعض وصوتها يرجف :هيا وينها ؟ رائد اشرلها على الشباك ريم قامت بشويش وبعدت الستارة بهدوء تتنفس بصوت مسموع وبدات تشهق من البكا على السرير ويدها مربوطه وباين التعب في وجهها تشوف الاجهزة عليها من كل مكان ريم دخلت .. رائد كان بيوقف يوقفها بس رجع جلس مالو وجه يكلمها حتى ريم فتحت الباب الغرفه باااردة وصوت الاجهزة بس اللي ينسمع وقفت قبالها وحطت يدها على جبينها (صوتها كلو بكى وتتكلم بهدوء):تاالين تالين ياقلبي ايش صار فيك (دموعها تنزل على وجه تالين )تالين قوليلي أذاك؟ سوا فيك شي؟ والله اني نوم ما انام وانا مني عارفه شي عنك محمد وامك كلهم يدورولك زي المجانين تمرر يدها على وجهها... وخرجت من عندها رائد تعبان ومهموم يبا أي خبر يطمنو ريم وقفت :وين الدكتور؟ رائد :ريم ان ريم قاطعتو:الدكتور وين ؟ رائد:اسمعيني بس الدكتور انا كلمتو وقلتلو حسفرها بس قلي خلال يوم تجلس عندهم وانا ابا اوراقها عشان من بكرة اشوف الحجز وعشان كذا اتصلت عليك ابا اوراقها وكذا ريم ماتطالع فيه :يعني بس عشان الاوراق قلتلي ولا لو كانت حالتها ماتحوج سفر ماكنت حتبلغنا وحتخلينا زي المجانين كذا؟؟؟ قلي لليش كذا لييش؟ ايش من حب تسميه ذا جننتني على اعز ناسي وبهذلتها وخليتها بالحاله اللي هيا عليه وفوق ذا تقول بنتقممم؟؟؟ خلااص انتقمت؟؟ ريم تصفق بقهر:برااافو يارائد صراحه انتقمت شر انتقام رائد اعصابو فلتت :رريييييم لاتقولي كذا انا ماكنت ناوي أذيها كذا ولا اسوي فيها شي من اللي هيا فيه ذحين وانا حصلح غلطتي واسفرهااا ماشردت او سبتها بدون اسعاف ريم :انت ماتخاف من ربك ؟ انت اذا ما اذيتها ماكانت رمت نفسها من الشبااااك وحتصلح اييش والله يارائد اذا تالين بعد العلاج ما اتحسنت او مارجعت زي ما انا اعرفها والله ماتلوم الا نفسسك جلست في كرسي بعيد واتصلت على عبدالحميد وخلتو يرجع البيت بعد عشره دقايق... رائد :طيب ذحين شوفيلي اوراقها عشان اعاملها بسررعه ريم :انا كيف حقول لمحمد ممكن تفهمني ؟ رائد:لاتقوليلو شي صرفيه قوليلو هيا بخير قوليلو أي شي بس خذي اوراقها بسرعه اذا تبيها ترجع سالمه ريم:لا والله كمان تباني اكذب عليه عشان خاطر عيونك ترا انا اذا مابتكلم مابتكلم عشان تالين ماتكره عيلتي ولاامها تكرررهني انت على بالك اللي سويتو شويه ؟ رائد:تالين احنا ماحنخلص لوم ؟ترا ماحيفيدنا الكلام ذحين دبريلي اوراقها اقلك ريم ماتطالع فيه لما تكلمو مهي قادره تشوف وجههو :حزورهم واخذ اوراقها وانا ادبر نفسي مع محمد عشان اطمنهم بس (نهايه البارت الثامن ) |
رد: روايه نور في غسق الدجى (البارت التاسع ) فوق السرير نايمة في غرفتها وتفكررر بعمق ... ربا تمسك الجوال وتدقو في الجداروتتأفف:يالله بالله شوفي اتخررب ذا مررة حساس تالا مهي معاها ربا طالعت في تالا:هييي هيييي انت هييي اهررجك انا تالا طالعت فيها :نعم؟ ايش تبي؟ ربا:لا سلامتك بس خارجه مشوار تجي معايا؟ تالا:فين رايحه طيب؟ ربا مفجوعه:لا والله منتي صاحيه شوفي الساعه بالله تعرفي فين انا رايحه تالا :ليه كم الساعه ربا:4 العصر تالا مسكت الجوال بطفش :اوووف 2 ونص الليل ربا:ايوا طبعا رايحه ديسكو اصلا ها تجي؟ (حطت يدها على انفها وبعدها على جبهتها حركتها المعتاده ):الحمد الله والشكر اقلك جوااالي اتخرب حسبي الله على المخ المصدي اتوجهت لسرير تالا وجلست عليه:تاالا تالا:اممم؟ ربا:انت اشبك ذي اليومين زي الهبل صايرة اهرجك في شي وتقوليلي شي ثاني ومنتي داريه عن الدنيا تالا ارتبكت:لا ايش بالله اشبي بس ساعات اسرح شويه ربا ابتسمت :ايوووا وصلنا خير تفكري في ميين يابنت ؟ تالا :لا بالله يعني حفكر في مين اكيد في حياتي اليوميه وفي امي وابويا ربا:وانا غبيه اصدقك ؟؟ تالا قلبت للجهه الثانيه واعطت ربا ظهرها :ربا قومي سكي النور بالله ابا اناام ربا :تصرفيني انت ؟؟ تالا:ما اصرفك قومي سكي النور ربا :طيب بسكوو بس والا ما اعرف في ايش تفكري قلك في امي على بالها بزره قدامها قامت وسكت النور ورجعت تدق جوالها بالجدار بعد ثواني ... تالا :رباااا خلاص انت ايش تصرقعي ابااا انام ربا :نامي نامي وفكري في امك اصلح جوالي يعني ايش شايفتني اسوي ؟ تالا تتأفف :هبله انت ؟احد يصلح جوالو يكسرروو كذا ؟ ربا :انت ايش فهمك خليك في تفكيرك احسلك (اتوجهت للسرير ) ربا منسدحه :تالا تخيلي بكرة امي الفجر رايحه مكه تالا قلببببها يدق بسرعه:احللللفي ؟لليييش؟ ربا:خير اششبك مفجوعه كني قلت لندن مكه مكه تراها حسبي الله مو منك من تفكيرك تالا تتأفف:ذلليييتيني بذا التفكير المهم ماقلتي ليش رايحه ؟ ربا:ابويا حيجي من الامارات لين مكه وقلها حيجلس ثلاث ايام وهيا قدها تبا تسوي عمره فحيوديها وليد بعد الفجر ويرجع تالا:اهااااااا (وسرررحت) بعد ثواني .. ربا :تاااالا تالا تفكر وماسمعتها ربا:اوهووو ذي شكلها نامت اقول خليني انام احسن تالا تفكر أيش حيصير ذي الثلاث الاياااام بدون ام وليد في البيت ...ونامت في الصباااح دخل الشركه بسرعه قبل مايجي أي احد فيها طلع الدور الاخير اتوجه لمكتب السكرتير فتح الدرج بالمفتاح واخذ مجموعه اوراق وبدا يقلب بسرعه ورقه ورا الثانيه ... لقيها (ابتسم بخبث ) ابو حسين :انا اوريك اجل اخلاقي مافي ها ؟ والله ابويا غلطان مسكك الشركه لكن حنشوف مين حيمسكها ذحين رجع الاوراق وقفل الدرج واتوجه لمكتبو ابو حسين مسك الجوال .. احمد بعد فتره رد وصوتو نوم:الو ابو حسين :صح النووم احمد :.... ابو حسين :اسمعني اليوم تجيني ضروري اباك في موضوع احمد :ليش ايش في ؟ ابو حسين :يعني لو ينفع اقلك بالجوال ليشح طلبك تجي ؟ احمد :طيب بعد الدوام ان شاءالله حمر عليك ابو حسين :في البيت طبعااا... ولا اقل كانا ححددلك المكان بعدين احمد:طيب ابو حسين يالله كمل نووومك اقول سلااام (قفل) احمد قفل ...يطالع في ساعه الجوال بعين مقفله والثانيه مفتوحه :يالله اشبو متصل ذا ذحين استغفر الله الله يستر بس مايجي من وراه الا البلاوي قام من السرير ونزل ببجامتو من الدرج ينادي :سيتييي ... سيييتي وينك محد رد نزل المطبخ مالقى احد استغرب دور في الصاله مافي اتوجه لغرفتها بسررعه فتح الباب لقى شنطتها واغراضها موجوده اتطمن اتوجه للحديقه يطالع يمين يسار محد احمد باستغراب :وين راحت ذي ...سيييتييي ياسيييتي خرجت من غرفه السواق بارتببببباك :نعم بابا احمد مستغرب :وينك ساعه انادي سيتي موطيه راسيه :بابا انا ما اسمع انت احمد:ليش كنتي عند راج ؟ سيتي :بابا انا روح قول لراج قوم عشان في فطور احمد :اهااا ... طيب روحي سويلي فطور سيتي :حاضر بابا بس قهوة خلص بابا احمد:وليه راج ماجاب شي؟ سيتي :ما اعرف بابا دخلت جوه بسررعه احمد مستغرب من حركاتها مهي طبيعيه احمد اتوجه لغرفه راج ودق الباب محد رد احمد يتأفف :ذحين اشبو ذا دق بقووه خرج راج مبهذله ملابسو ودوبو صاحي :نعم بابا احمد يطالع فيه مستغرب :اشبك ساعه ليا اصحيك راج :مافي اسمع بابا احمد :طيب اشبك ماجبت قهوة ؟ راج :مافي معلوم انا سيتي مايقول بابا احمد طفش:ذحين انتو اشبكم اليوم دوبها تقول انها قالتلك راج ارتبك :ايوا ايوا بابا انا اتذكر ذحين هوا في يقول بس انا انسى احمد :طيب روح جيبها يالله راج:طيب بابا فتح عيونو على صوت القربعه مراد وصوتو نوم :بسم الله اشيك صاحيه بدور دارت عليه :صباح الخير حبيبي مراد :صباح النور بدور:يالله قوم ياهو اخر يوم ابا انزل البحر من بدري مراد يمرر يدو على عينو ومبتسم :قولي كذا من البدايه مو لله القومه من بدري بدور :قوم يالله ترا الفطور جاهز مراد :كماان ماشاءالله بدور:ايوا يالله بستغل اليوم ان شاءالله مراد :الله يعينني بدور :مررراد قوم اتحررك يالله مراد يقوم من السرير :طيب اهوو قمت عمتي بدور تضحك وتحرك راسها بنفي:لاززم الاذيه من الصباح دخل الحمام ... جوالو يدق بدور استغربت مين حيدق من الصباح اخذت الجوال رقم غريب يدق لين فصل بدور سابت الجوال وبعد ثواني وصلت رساله بدور استغربت ورجعت اخذتو .. نفس الرقم فتحت الرساله (صباح الخير زادني ولد واليوم العقيقه ان شاء الله وتشرفني بحضورك علي ...) بدور بلعت ريقها شافت الاسم (علي اتزوج العام وهذي السنه عندو ولد ) بدور قلبها يوجعها :الله يباركلهم حطت الجوال والحماس كلو راح خرج من الحمام مراد مبتسم :هاا ياقلبي الفطور جاهز ؟ بدور جالسه فوق السرير تفكر ومهمومة :لا ذحين حقوم اجهزو خرجت بره الغرفه مراد لبس واتجهز واتعطر والابتسامه مافارقتو مسك جوالو ويقلب فيه انتبه للاتصال استغرب من الرقم واتصل علي :هلااا والله مراد باستغراب :هلافيك ...علللي؟؟؟ علي :ايوااا اشبك مراد :لا بس الرقم غريب علي:طيب ايوا غيرت رقمي بس ارسلتلك رساله ايش ماشفتها ؟ مراد استغرب :لاايش ماشفتها علي:طيب ياسيدي بس ارسلتلك انو زادني ولد قبل كم يوم واليوم العقيقه عندي ان شاء الله بس استعجلت عليها عشان راجع الطايف شغل وكذا مراد سرح :اهاا علي:اقللك مراد اليوم اشبك انت منت طبيعي مراد انتبه :مبروك مبروك الله يقر عينكم فيه ان شاءالله ويخليه لك يا ابو حسن علي يضحك :الله يبارك فييك يارب وعقبال مانشوف ولدك ان شاءالله مراد اختفت ابتسامتو :ان شاءالله يارب علي :طيب يالله نشوفك اليوم مراد :ان شاءالله علي :مع السلامه مراد :مع السلامه قفل وسرح لثواني وفتح الرساله وعرف انو بدور فتحتها اتصنع ابتسامه وخرج بدور تحط الفطور على الطاوله ومسرحه مراد اتوجهلها :لالا ايش الحركات هذي كل اللي احبو مسويتو ماشاءالله بدور ابتسمت مجامله :اكييد انت الغاللي جلسو على الطاوله مراد بدأ ياكل بدور مازالت على حالها في السرحان والتفكير مراد :بدوور اشبك ماتاكلي؟ بدور انتبهت :الا اهو يالله بسم الله مراد :بدورر بدور :اشبي ؟ مابا شي بس كنت بقلك انو علي ارسل رساله انو اليوم الحقيقه حق ولدو ماشاءالله و مراد قاطعها:بدور اشبك بدور حطت الملعقه ووطت راسها وعيونها بدات تتملى دموع مراد باستغراب:بدور؟ بدور بدات دموعها تنزل :مراد ابا طفل مراد انفجع :ان شاءالله باذن الله حيجونا عيال ونربيهم ونكبرهم و بدور قاطعتو :مراد يمكن انا ما اجيب اطفال مراد برده فعل سريعه :بدور حبيبي لاتقولي كذا هذا من ربنا وبعدين ايش دراك ترا احنا ماصارلنا ميه سنه كلها خمسه سنين ولسا السنين قدامنا بدور تشهق :مراد انا عارفه انك انت تبا بس جالس تهديني خلاص روح اتزوج وجيب عبدالله اللي تتمناه عادي ترا مراد يبا يتكلم بدور رفعت راسها وكملت :مرااد لاتقلي انت ماتبا انا عارفه انك تبا واحنا الاثنين نبا بس مراد رفع صوتو :بدووور خلاص بدور سكتت مراد اخذ نفس :بدور حبيبي هذي السيرة خلاص قفليها وحكايه اتزوج ما اتزوج انسيها بدور انا لك وانت ليا هذا اللي انا ابغاه واذا ربي ما اكرمنا في الدنيا ابا عبدالله في الجنه فاهمتني ؟ بدور موطيه راسها ودموعها تنزل مراد قام وحضنها :ممكن تهدي خلاص ؟ وبعدين فين اليوم اللي بتستغليه شوفي الساعه 8 وانت لسا ما اتحركتي ولافطرتي حتى خليك انا حجلس وانت اجلسي وفي الاخير راجعين البيت بدور مسحت دموعها وقامت :خلاص يالله انا حتجهز مراد:طيب والفطور ؟ بدور :كلو لوحدك مابا شي جبلي شي من برا مراد :قولي كذا من البدايه جالسه تبكي ودلع بنات ذا كلو عشان فطور من برا بدور تضحك ودخلت غرفتها فتح الباب ودخل البيت اتوجه للمطبخ وشرب مويه وبعدها راح على غرفتهم اتحمحم ويدق الباب :ربااا ربااا يالله جامعه قومي تالا فتحت عيونها وعلى بالها ام وليد كالعاده قامت من السرير وتتثاوب وشعرها مفتوح ومبهذل فتحت الباب وعيونها كلها نوم :ايوا خالت (ماكملت كلامها )فتحت عيونها من الفجعه وقفلت الباب في وجهو بالقوه وليد انفحع من القفله وبعدها استوعب وابتسم :ماشاءالله من بدايتها كذا وليد مروق ويبا يطقطق عليها رجع دق الباب تالا متكيه على الباب ومتفشللله :نعم؟ وليد:ربا قامت ؟ تالا:ذحين حصحيها وليد :عادي انا ادخل اصحيها احسن تالا انفجعت:نعمممم؟ وليد يضحك :لاا يعني اقصد اساعدك بس تعرفي ربا يبالها مدافع عشان تقوم تالا ضحكت :لا شكرا مابا مساعده وليد:طيب اقلك تالا:اممم؟ وليد :انا جيعان ومافطرت روحي سويلي فطور تالا :هااااا؟ وليد:اشبك ؟ اقلك ابا فطور لاتقوليلي ربا ذي مساجين ماياكلو اكلها تالا تضحك :طيب دقايق بس اصحي ربا وان شاءالله خير وليد :لاتحطي سكر يكفي حلاوتك وانت تسويه تالا مفجوعه على الاخر :انت هيييييييي وليد يضحك :اقلك ربا ربا صحيها يالله اتوجه لغرفتو وهوا مبتسم ومتوعد عليها ذي اليومين تالا مازالت عند الباب وقلبها يدق فيها ضحك واحرااج اتوجهت لربا :ربااا ربااا قومي يالله جامعه ربا :...... تالا :يوووه ذي ذحين ايش يصحيها تالا تضرب يدها على خفيف :ربببا هيي قومي يالله (انتبهت لحراره يدها ورجفتها ) تالا مستغربه مسكت راسها لقتو حااااااااار تالا بخووف جلست فوق جنبها :ربا رباااا اشبك ؟ اشبك حارة كذا ربا ربا فتحت عيونها بتعب :سكوو المكيف بررردانه تالا:مكيف ايه مسكر المكيف وانت متغطيه كمان اشبك مسخنه؟ ربا بتعب وبصعوبه تتنفس :تااالا بردانه الله يخليك جيبي شي غطيني والله بموت برد تالا قامت بسرعه وغطتها تمام وجلست عند راسها :ربا حبيبي تبيني اسويلك شي؟ ربا بتعب :ما اصدق انا حبيبتك تالا :ياربي منك حتى وانت تعبانه تستهبلي طيب اصبري بسويلك شي واجي ربا مهي قادرة تتحرك :تالا لاتبعدي والله تعبانه مررة نادي أي احد تالا متلخبطه :انادي مين خالتي مهي في ربا:نادي وليد بسرعه تالا اترددت بس مهي لاقيه غيرو مررة ربا شكلها تعبان لبست طرحتها بسرعه واتوجهت لغرفتو دقت الباب وليد:ربا ادخلي من متى تستأذني تالا دخلت وليد عدل جلستو وابتسم :هلااا والله تالا متلخبطه ومرتبكه :ربا تعبانه ومسخنه بالله قوم نوديها المستشفى وليد باستغراب:اشبهااا؟ تالا: ما ادري مررة حارة وبردانه وليد قام بسرعه وراح للغرفه وتالا وراه دخل الغرفه وجلس على سريرها :ربا اشبك ؟ ربا صوتها تعبان ورايح :تعبانه مرة وليد:طيب ايش حاسه ؟ ربا:بردانه مررة وليد :تالا روحي جيبي عبايتها حنوديها المستشفى تالا راحت بسرعه ولبستها العبايه وليد اخذ مفتاحو واستناهم في السيارة ربا متكيه على تالا وتمشي بالقوه وصلت السيارة قام وليد ويبا يبعد ربا عن تالا مسك يد تالا بالغلط تنحو اثنينتهم ربا بتعبت واقفه عند باب السيارة :هيي يالله بجلس اشبكم ؟ وليد انتبه وساعدها تدخل دخلو السيارة تالا قلبها يدق على مسكه وليد وخوف على تاالا اتلخبطت احاسيسها ربا بتعبب :هي انت اشبك تمشي بشويش يالله بموت وليد انتبه :استغفر الله احد يقول ذا الكلام زاد السرعه وبعد دقايق وصلو المستشفى تالا جالسه في السيارة ما اتحركت لين وليد نزل ربا معاه نزلت بعدهم بعد الاجراءات .... جالسين انتظار ربا نايمه في حضن تالا ووجهها احمر وليد وتالا عيونهم تجي على بعض ويبعدوها على طول النيرس :ربا اسامه ... وليد :يالله اهو جا اسمك قومي دخلو عند الدكتور في مستشفى اخر الدكتور خراج من العنايه رائد عيونو مفقعه وحالتو حاله لاا اكل ولانوم ريم تغفى كل شويه وتقوم رائد:ها دكتور كيفها اليوم الدكتور:والله لسا على حالها صراحه لازم تستعجل على سفرها رائد :ايوا اليوم ان شاءالله احاول اخلص اوراقها الدكتور :طيب استأذن انا ...ومشي رائد يطالع في الشباك من برا (حالها نفس امس وكل اللي يدور في راسو طيحتها ) ريم راسها دق في الكرسي وقامت بفجعه :تالين رائد دار عليها ريم قامت واتوجهت للشباك :اببعد من قدامي رائد بعد وجلس على الكرسي ريم :ياقلبي ياتالين رائد مرتبك:ريم اوراقها وين مررة مافي وقت ريم طالعت فيه بنص عين :مسوي انك مهتم ؟ رائد اتأفف:يااربييييييي اقل كانا اتكلم من جد ريم :وين الدكتور ؟ رائد :دوبو كشف عليها وقال نفس كلامي لازم نستعجل على سفرها ريم: انا ابا اكلم الدكتور مابا كلاااامك رائد اشرلها على مكتبو :هنااك روحي حتلاقيه ريم اتوجهت بسرعه ودقت الباب الدكتور:اتفضل ريم دخلت الدكتور ابتسم :اهلا اتفضلي ريم جلست :دكتور قلي كيف تالين ؟ الدكتور:والله يا اختي البنت حالتها سيئ هوانا كلمت اخوها وقلتلو لازم تستعجل على سفرها ريم :طيب فين حنسفرها ؟ الدكتور:والله انا اعرف دكاترة مختصين وومتازين في المانيا وحعطيكم ارقام تواصل تفيدكم واانا بنفسي حكلم دكتور اعرفو وابلغو عن حالتها ريم:طيب مررة شكرا انا استأذن خرجت ورجعت جلست تدق على عبدالحميد مايرد ريم تتأفف:ياربيي ذا اشبوو مايرد رائد :طيب اوديك عادي اهم شي تجيبي الاوراق ريم ماردت وكملت اتصالات بعد دقيقه رائد :يعني حتجلسي لين متى كذا انت شايفه البنت كيف حالتها ريم :لا والله دوبك تحس ؟ رائد :اقللللك قومي انا حوديك يالله امشي ريم ماعندها الا ذا الحل قامت :امشي قدامي يالله رائد مايحب احد يعاملو كذا بس اللي سواه مو شويه سكت منها خرج من المستشفى ودخل السيارة ريم جلست ورا وتطالع مفجوعه دم تالين على الكرسي مليان اتملت عيونها دموع ومسحتها بسرعه رائد:فين بيتهم ريم:لا والله ؟. يعني لما خطفتها جبتها من عندي مثلا؟ رائد :خطفتها ايشش؟ ايش الكلمه ذي وبعدين انا كنت ماشي ورا السواق وما انتبهت للطريق ريم :حي .... شارع ... رائد اتحرك بسرررعه ريم تهز برجولها ومهي عارفه ايش تقول لمحمد بعد دقايق وصلت البيت رائد:يالله انا استناك ريم دخلت ودقت الجرس بلعت ريقها من الخوف فتحت الشغاله :اهلين مدام ريم ريم:محمد هنا؟ الشغاله:لا مدام بابا يروح جامعه ريم دخلت واتوجهت لغرفه ام ريم دقت الباب ام محمد تصلي وهي جالسه ودموع في عينها ريم دخلت وخايفه تدمع في أي لحظه ام محمد :السلام عليكم ورحمه الله .. السلام عليكم ورحمه الله ريم: تقبل الله خالتي ام محمد :منا ومنكم يابنتي ريم :كيفك ياخاله ان شاءالله احسن ؟ ام محمد بتعب:الحمدالله ريم:طيب انا بس جايه اتطمن عليك واخذ شي من اغراض تالين عشان نبا البيانات بس واطمنك ان شاء الله انو قريب حنلاقيها وتشوفيها ام محمد رفعت يدها تدعي:ياررب يابنتي ااااه والله قلبي يوجعني وتعبانه ابا بنتي ريم ماسكه نفسها سلمت على راسها :ان شاء الله خالتي انت ادعيلها تكون بخير وترجعلنا يارب ام محمد :ان شاء الله ريم قامت واتوجهت لغرفه تالين فتحت الباب ودموعها نزلت على طول البيت هادي ومتعودة صوت تالين يستقبلها كل مرة غرفتها مظلمه بدونها والبيت مايسوى شي فتحت الدولاب واخذت التذاكر (هديتها سفره لالمانيا تذكرتين لها ولمحمد وريم معاهم ) دموعها تنزل :ياحبيبتي ياتالين مين كان يتوقع سفرتك حتكون لعلاج مو لتمشيه اخذت اوراقها وجوازها وكل شي وخرجت بسرعه رائد مستني بفارغ الصبررر دخلت السيارة :امسك هذي اوراقها وهذي تذاكر لالمانيا جاهزة بس حنقدم الحجز رائد مستغرب:كيف حجزتي ولا ايش ذي التذاكر؟ ريم:مو شغلك الاوراق واديتك اياها خلاص؟ رائد يحرك راسو بنفي :استغفر الله بس ريم اتصلت محمد:الوو ريم:هلا محمد كيفك؟ رائد منغاض مررة حتى في ذي الحاله حبو لريم فوق أي ظرف محمد:الحمدالله تمام كيفك انت؟: ريم:انا تمام الحمد الله ...اممم اسمع اباك اليوم ضروري في موضوع محمد مستغرب:ايش ؟ ريم:خلاص ان شاءالله حتعرف بس قلي فين نتقابل؟ محمد:طيب اجيك الببيت ولاتجيني ولامطعم ولا ايه عادي انا ريم :انت في الجامعه صح ؟ محمد:ايوا ريم :خلاص انا حجيك عند الكوفي المقابل محمد:طيب استناك ريم :يالله سلام محمد:سلام رائد:كيف ذحين؟ ريم :..... رائد:اهرجك انا ريم:نعم؟ رائد:خلاص حوديك البيت وبعدين روحي قابليه لحالك ريم:ايوا طبعا حجيبك معايا مثلاا اكيد (لحالنا ) اتقصدت ذي الكلمه رائد اتنرفز ومشي بسرررررعه في الجامعه وسط القاعه الكل موجود ومستعد احمد :وفرنا باصات طبعا حتوديكم للمركز على طول وحيستقبلوكم هناك يالله اتفضلو بدأو يتوجهو للباصات وركبو واتحركو على المركز احمد حيكمل شغلو ويلحقهم .... نايمه بعمق ... اتقلبت على الجهه الثانيه وفتحت عينها بشويييش طالعت الساعه في االجدار قدامها نطت وطاحت على الارض وتطالع في الساعه مزببوط تبا تستوعب ماريا بفجعه:اوووووووووف 9 قامت جرررري على الحمام ... خرجت واتجهزت بسرعه ولبست عبايتها واخذت اغراضها ونزلت جرررري ماريا :امممممي وين السواق ام مراد دوبها صاحيه من النوم :اوووف انتي مارحتي ؟ ماريا :لا بسرعه وينو ام مراد :دقي عليه طيب اكيد تحت ماريا مسكت الجوال واتصلت ماريا :الوووو وينك السواق:انا تحت مدام ماريا تجري نازله من الدرج :طيب شغل السيارة انا نازله السواق شغلها بسرعه ماريا دخلت السيارة وجلست تتنفس بصعوبه :ياااربي اكيد راحو انا ايش اللي ماخلاني اقوم يااااارب لسا يارب لسا بعد دقايق وصلت ماريا نزلت بسرعه ودخلت ماريا اتوجهت للقاعه بسرعه فتحت الباب بقوه وانفجعت :لااااااااا راحوووو احمد من بعيد يطالع ومستغرب ماريا تتأفف :ذحين بالله ايش اسوي وين ادورلهم مني عارفه فين المركز حتى احمد جا من وراها :بدري؟ ماريا لفت بسرعه وبفجعه :احمد؟ اقصد دكتور احمد ؟ احمد:اشبك متأخره كلهم راحو ؟ ماريا:اسفه والله بس راحت عليا نومه احمد :طيب انا ذحين رايح بس بخلص شغلي اول بعدين نروح ماريا ارتاااحت بس في نفس الوقت استوعبت انها رايحه معاااه !! ماريا جلست على الكرسي وسط القاعه تستناه ومتنحححه احمد يقلب في الاوراق ويشيك عليها ... بعد ربع ساعه ... احمد مازال يشتغل ...(طالع في ماريا وابتسم):هذي ضريبه تأخيرك لازم الواحد يتعلم الالتزام بالمواعيد ماريا نفسها تعطيه كف طفشت وهي تستنى :اممم انا ملتزمة بمواعيدي بس اليوم شي اضطراري احمد:والله صراحه تفاعلك معايا يأكد انك نبيهه فاستمري على اجتهادك ماريا:اممم شكرا احمد يلم الاوراق :طيب كذا احنا خلصنا اتفضلي احمد خرج وماريا وراه قلبها يدق وخايفه كيف حتركب معاه لوحدها احمد خرج وركب السيارة ماريا ركبت ورا طبعا وجالسه جنب الباااااب من الخوف حركت السيارة ... احمد:ها كيف شغلك كلو معاك ؟ ماريا:ايوا الحمدالله جبتو كامل احمد بابتسامه اعجاب:طيب كويس يعجبني الاهتمام ماريا ابتسمت بخجل (في قلبها):وينك ياربا تشوفي انا ويين وايش اسمع بعد ثواني ... احمد يدور بين الاوراق قبل ماتفتح الاشارة احمد بطفش:لااااااا لايكون نسيتها ماريا مستغربه .. احمد :معليش يا ايش قلتيلي اسمك؟ ماريا:ماريا احمد :العفو ياماريا بس مضطر اروح البيت العقد حقي مع الشركة مو موجود دقايق بس ماحنتأخر ان شاءالله غيروجهتو للبيت ماريا مهي مستوعبه :ياهو ايش قاعد يصير ايش اللي اروح لين بيتو بعد دقايق وصل البيت ماريا تطالع في فلتو مرررة مرتبه وحلوة احمد نازل من السيارة:دقايق بس اجيب الورق ماريا:اتفضل احمد دخل البيت وماقفل الباب من الاستعجال ماريا مستنيه وتفكر ... مر شاب جهه ماريا وابتسم ماريا قلبت وجهها للجهه الثانيه مرو مجموعه شباب كل واحد وقف عند شباك واحد من الشباب :اعطينا وجه طيب ماريا تتأفف وماتطالع فيهم شاب ثاني عارض البن حقو ماريا بطفش :يالله ذحين فايقتلهم انا حست الشباب مهم راضيين يروحو اترددت وبعد تفكير فتحت الباب الشباب رجعو على ورا ماريا مشيت بسرعه وبخوف دخلت الفله وقفلت الباب الشباب مشيو تطالع في الحديقه ومرررة خايفه جلست على كراسي الفله والهدوء مملي المكان ماتسمع حس لاي احد جالسه وتطالع يمين ويسار وتستكشف الاماكن بعيونها في ناحيه ثانيه من الحديقه بعد الترجمه طبعا :حبيبي دقيقه انا ذحين جايه راج يضحك :خذي راحتك البيت بيتنا سيتي ولبسها مايبشر بخير ابدا تضحك :طيب دقايق ذحين جايتك راج يمشي وراها :جاي معاك ما اقدر استنى ماريا موطيه راسها وتحرك رجولها خايفه ومستحيه واحمد اتأخر مسرررحه (قاطع سرحانها )مرورهم قدامها داخلين الفله ماريا تسمع اصوات وناس يتكلمو بس مهي فاهمه كلمه وضحكهم وصل لين عندها مرو من قدامها وشكلهم سيئ جدا ماريا تطالع وفاتحه عينها على الاخير وصررررخت من الفجعه والخوف مهي مصدقه اللي تشوفو قدامها حطت يدها على فمها ويدها ترجف احمد نازل من الدرج سمع صوت صراخ نزل يجري مو داري مين ممكن يصرخ راج وسيتي اتصلبو مكانهم يطالعو فيها مين هذي وايش جابها احمد فتح الباب ونزل الحديقه وراج وسيتي معطينو ظهرهم ويطالعو في ماريا وماريا واقفه وترجف وعيونها فيها دموع من الخوف والمنظر اللي قدامها احمد وقف مفجوع مو فاهم ايش صاير ماريا شافت احمد صرخت وجريت :احمممممممد احمد متصلب مكانو راج وسيتي دارو على احمد وعيونهم وسعت والارتباك واضح عليهم ماريا جات ورا احمد ودموعها نزلت غمضت عيونها وجات ورا ظهرو بمسافه شويه :ايش ذاااا يا احمد احمد راح جهتهم وقف قبال راج وسيتي ومو قادر يطالع فيهم احمد مايشوف شي بركان يفور في داخلو كيف يأمنهم على بيتو وعايشين معاه اعطى راج كف جااااااااااامد راج جلس على الارض تحت احمد:بابا انا سيتي تبكي ودخلت غرفه راج تاخذلها شي يغطي الممكن تغطيته احمد بعصبيه تامه:ايش هذا يا.... ايش اللي تسويه انت انا خليتك هنااا في بيتي تسوي كذا انت وهذي ال..... راج يبكي :بابا الله يخليك انا في بابا وماما في هند تعببان احمد :لااا والله بابا وماما انت مافكرت فيهم لما سويت كذا ؟؟ والله ما اخليك لحظه هناا امشي قدامي يا.... ماريا من بعيد تطالع وترجف خوف انحطت في موقف عمرها ماتتخيلو الشي اللي شافتو كثير عليها راج يترجاه :بااابا لا مايبا يسافر انا بابا انا مسكين مافي فلوس بابا خلاص انا مافي سوي شي خلاص احمد :قوووووووووووم من قدااامي ولا الله جثتك على يدي راج مو فاهم شي بس عارف انو تهديد قام واتوجه لغرفتو لم اشياؤ وسيتي خرجت من غرفتو احمد بدون مايطالع فيها :وانت يا.... لمي اغراضك بسرعه قله حيا وناس مهي متربيه حسبي الله ونعم الوكيل انا كيف أمنكم على بيتي دخلت وهي تبكي على غرفتها ... احمد اخذ نفس ودار على ماريا ماريا تمسح دموعها ومتكتفه بخوف احمد جا قبالها :هدي ياماريا خلاص ذحين حسفرهم انا مني عارف كيف خليت ناس زي كذا في بيتي ماريا تمسح دموعها وساكته وتشهق بشويش احمد مو عارف كيف يهديها :استغفر الله العلي العظيم خلاص يابنت الناس خيره جيتك معايا ولاكان جلست على عمايا ماريا وصوتها بكي:انت كيف عايش مع ذولا احمد اتنهد :انا عايش لوحدي الحمد الله بس ماريا تطالع فيه وبعدها وطت راسها :ايش حنسوي ذحين احمد :ماريا انا اسف بس لازم اشوف حجز واسفرهم واذا مافي يحتجزوهم عندهم او أي شي المهم ابا اتخلص من ....ذولا ماريا :...... خرج راج وهوا موطي راسو وبعد دقايق خرجت سيتي احمد كان بيتوجه للسيارة ماريا :احمد ماحتفتش شنطهم ؟ احمد ابتسم شويه :الله يذكرك الشهادة والله نسوني كل شي ذولا احمد اتوجه لشنطهم سيبو اغراضكم على الارض انت وهيا سابو اغراضهم احمد فتح شنطه راج ويدور وينزل الاشياء مالقي شي فتح شنطه سيتي ونزل اللي فيها لقى تيشيرتو احمد يطالع فيها باستنكار :ايييش ذاااااا؟ سيتي ارتبكت على الاخيرر :مافي معلوم بابا هذي كيف يجي هنا احمد :لاوالله ناويه اتسحريني انت اعوووذ بالله منكم انا ايش اخذت منكم غير الهم والشر الله يفكني منكم يارب مشيو قدامو واتوجهو للسيارة ماريا مشيت ورا احمد راج ركب جنب احمد وماريا وسيتي ورا ماريا ورا احمد وسيتي ورا راج ماريا برضو ملصقه في الباب بس ذي المرة من خوفها منهم ومن اللي شافتو مسك الجوال واتصل احمد:الو السلام عليكم الرجال:وعليكم السلام احمد:ابا اقرب وقت لحجز الهند الرجال :في بكرة الصباح احمد :طيب كويس اسمع احجزلي شخصين الرجال:طيب انت يا احمد ولا ؟ احمد:لا ياشيخ الخدام والسواق ابا اسفرهم الرجال :خلاص اسمع ارسلي الاشياء والاوراق وانا ححجزلك بس عشان اكمل الاوراق احمد:خلاص مهي مشكله حرسلك اياها يالله مع السلامه الرجال:مع السلامه وصلهم للمكتب ودخلو وراه ماريا مستنيه في السيارة احمد حطهم في المكتب عند صاحبو معرفه واحتجزهم عندو لين بكرة سفرهم احمد رجع ركب السيارة وحركها احمد يطالع في المرايا :خلاص الحمد الله اتفكينا من ذي السيرة ماريا :اممم احمد :طيب انا عارف انو نفسيتك تعبت من اللي شفتيه وانا كمان صراحه ما اعتقد حروح المركز اليوم ماريا :ما ادري بس من جد ماحقدر اشتغل شي احمد :طيب مهي مشكله بس اديني وصف بيتكم واوصلك وبكرة نبدأ ان شاءالله ماريا :حاضر اعطتو وصف البيت في الطريق ماريا متردده تسال ولا لا :دكتور احمد ممكن اسال سؤال احمد :اتفضلي ماريا :معليه يعني بس انت عايش وحدك؟ احمد :ايوا عايش لوحدي ماريا باستغراب :اهاا احمد :والله امي متوفيه وابويا متزوج وعايش مع زوجتو في بيت لوحدهم وانا عايش لحالي مرتاح بدون مشاكل ماريا :اهااا الله يعينك يارب احمد :امين بعد دقايق وصلو البيت ماريا تأشر :خلاص هنا هوا احمد وقف السيارة ماريا خارجه :يعطيك العافيه دكتور احمد ابتسم :تقدري تناديني احمد بما اننا برا الجامعه ماريا ابتسمت ووطت راسها :ان شاءالله دخلت البيت احمد يطالع فيها ومبتسم:يسعدك ويسعد اللي رباك ماشاءالله وحرك السيارة راجع بيتو .... (انتهى البارت التاسع ) |
رد: روايه نور في غسق الدجى (البارت العاشر) صوت البحر والمكان فيه ناس بس مو مرة يتمشو بروقان وماسكين يد بعض بدور :الله يجنن البحر مررة ماينمل منو مراد :ايوا والله شي جمييل من جد جوال مراد دق مراد :الو ام مراد:هلا بالغاليه بدور طالعت فيه وابتسمت :خالتي؟ مراد اشرلها براسو ايوا ام مراد:هلافيك ياولدي كيفك ؟ مراد:تمام الحمدالله انت كيفك؟ ام مراد :الحمدالله بخير مراد:كيف ابويا وماريا ام مراد :كلهم الحمدالله طيبين في هذي الاثناء بدور تطالع في البحر وفي المكان ومستمتعه جات من بعيد تجررري والابتسامه على وجهها بدور تطالع ومهي مركزة من ذي جات وحضنتها :مااااامااا بدووووور بدور ابتسممت : لمى؟؟ياقلبي انت وحشتيييني لمى :وانت كمان وحشتيني بس ليش ما اتصلتي عليا انا من اول استناك بدور :اممم اسفه حبيبي بس انشغلت شويه مراد قفل السماعه ويدخل جوالو في جيبو وباستغراب:ايش قالت؟؟ بدور ابتسمت وهيا تطالع في لمى :ماما بدور قالت ماما مراد مستغرب وبصوت واطي :مين ذي اصلا بدور :هذي بنتي صح ؟ لمى تأشر براسها ايوا تدور عليها وتنادي من بعيد :لمـــــــــــــــــــى يالمــــــــــــى لمى سامعه بس ماتبا ترد مروة جات عندها معصبه :اشبك ماتسمعي مخليتيني ادورك زي الهبله لكن انا اوريك امشي معايا اقول مراد يطالع في بدور ومو فاهم ايش في بدور :هلا مرووة كيفك مروة تطالع في بدور :اهلين وانا اقول اشبها لمى اختفت فجاه طلع عشانك بدور تبتسم :يسعدها خليني اخذها معايا امشيها مروة تطالع في مراد :ها؟طيب طيب بدور :طيب تجي معانا ؟ مروة :لالا ايشش اجي بدور:الله يخليك احنا من زمان لحالنا تعالي ننبسط شويه مروة طفشانه مرة :طيب يالله مشيت مروة وبدور ولمى ومراد وراهم دارو على البحر وكل وحدة بدأت تتكلم عن حياتها ويتعرفو اكثر في المستشفى الدكتور :والله البنت مسخنه وعندها التهاب حاد لازم تنام ليله اقلها في المستشفى نتطمن عليها وترتاح وليد :طيب يعني لازم من التنويم ؟ الدكتور:والله الافضل لصحتها ايوا وليد :طيب مشكور ماتقصر الدكتور:العفو ... بس اباك توقع على اوراق عشان اجراءات التنويم وكذا وليد جالس على المكتب ويشوف الورق ويوقع في الغرفه (على السرير) ربا منسدحه :ااااه حلقي يعورررني تالا واقفه قبالها :سلااامتك ماتشوفي شر ربا :ياخي ذا الدكتور يجيب الهم جالس يبربر فوق راسي ويكلمني ماكانو حلقي يعورني وياريتو حلو حتى تالا متعجبه :لاحول ولاقوه الا بالله انت ماتتوبي ايش دخلك في الرجال ربا :اسمعي ياخي جيبي جوالي اقول خليني اتسلى تالا اعطتها الجوال :امسكي ربا مسكت الجوال :اوووف سبعه مكالمات من ماريا تالا:ايوا اتصلت عليا بس ماسمعتها ربا :اصبري خليني اتصل تالا مفجوعه :دووبك تتوجعي من حلقك والله انك بكاشه ياشيخه ربا :هذي حكاوي ماتتفوت مدامو سبعه مكالمات اكيد صاير شي ربا تتصل ماريا ردت على طول :الوووووووو ربا:هلاااا بالزين ماريا :هلافيك وي اشبو صوتك كنو رجال ربا:حلو صح ؟ ماريا :هبله انت ؟ ربا:تعباننه منتي داريه ترا اكلمك من المستشفى ذحين ماريا انفجعت :اشبببببببك؟؟؟ تالا سحبت الجوال من ربا :هلا ماريا ربا تطالع في تالا بحقد :وجع يوجع بليس ماريا :االو مين تالا ؟ تالا:ايوا اقلك ربا تعبانه مسخنه وحلقها يعورها والدكتور منعها من الكلام الكثير بس هي هبله ماتسمع ماريا :ااهاااا طيب وحشتوني ياخي بجي عندكم اليوم تالا :وانت اكثر طيب اذا كل شي تمام حكلمك تجي يالله سلاام ماريا :سلااام ربا تحاول تعلي صوتها :خيرر انت مالت عليك ايش السحبه ذي وليد دخل :اش في ياربا صوتك لين برا اشبك تزعقي على الادميه هذا وهي واقفه معاك وسايبه جامعتها ربا:انت ايش دخلك كلام بنات خالات تالا موطيه راسها ومبتسمه على الدفاع :طيب حتى هوا ولد خالتي وليد ابتسم : في الجببببببببهه ربا مسكت جهاز الضغط ورمتو على وليد وليد مفجوع وفيه ضحك مسكو :اشببببك انت على بالك حقنا ؟ ربا قلبت راسها :اسكت بس وليد وتالا يضحكو وليد :اقلك ترا ربا بتنام اليوم هنا ربا دارت راسها عليهم بسرعه :احلللف ؟ وليد :والله من جد تالا:طيب مين حيجلس عندها ؟ وليد :انا وياك محد غيرنا دخلت النيرس معاها كرسي :حننقلها للدور الثاني ربا جلست وتطالع في الكرسي :انا حجلس على ذا ؟ تالا ووليد ماسكين ضحكتهم ربا :ترا اقدر امشي نزلت من السرير وطاحت في الارض :الله يقلع بليس شكلو مصيري على ذا الكرسي طلعتها على الكرسي ربا اتربعت :حركي حركي بس وليد:الحمد الله والشكر مجنونه طول ما النيرس وربا يمشو وتالا ووليد تجي عينهم في بعض ويبتسمو تالا اتعودت تشوف ابتسامتو تدخل قلبها وليد كل مايشوفها يبتسم ويحمد ربو كل موقف يقربهم من بعض في الكوفي ريم تتصل :ايوا محمد اول ماتدخل على يدك اليمين محمد داخل :ايوا ايوا شفتك (قفل الجوال) واتوجهلها وجلس محمد:هلا ريم ريم :هلا محمد كيفك ؟ محمد:تمام الحمدالله انت كيفك ؟ ريم:تمام ريم :امممم اسمع الموضوع اللي بكلمك فيه مررة مهم ويخص تالين محمد فتح عيونو :اشبهااا تالين ؟ايش في؟ ريم :اسمع يامحمد اباك تهدي اعصابك شويه ولازم تتفهم الموضوع كويس محمد حاول يهدي :طيب اتفضلي ريم :انا كلفت ابويا بدور على تالين بصراحه ماقدرت اصبر والحمدالله لقيناها محمد:وين لقيتوها ؟فينها هيا؟ ريم :محمد الله يخليك لاتنفعل اسمعني للاخير محمد اتأفف:طيب بس والله وترتيني ريم:شوف بابا لقاها مع عصابه خاطفينها محمد فاتح عينو ومو مستوعب :عصااابه؟؟؟؟ ريم اتربكت مهي داريه من وين جابت ذي الكلمه :شوف يعني هيا شكلو احد متقصدها لانو نزلت من البيت بناء على طلب واحد اتصل وقلها انزلي ضروري وهي مسكينه على نياتها نزلت واخذوها معاهم مين هما ذولا انا ما ادري علمي علمك بس اللي يبشر في الموضوع هما ما اذوها وابويا ماشي معاهم بالفلوس وطلبو مبلغ كبيبر عشان يسلمونا اياها وتبا الصراحه شكلو متقصدينها من جهتي عشان عارفين اني صحبتها وحيدفع ابويا أي مبلغ عشان اجيبها محمد متوتر:ريم فهميني زي الناس واتكلمي بشي منطقي تالين ذحين فينها ومين ذولا ريم:طيب انت اسمعني وخليني اكمل كلامي محمد ماسك اعصابو :اتكملي بسرعه ترا مني قادر اصبر ريم:هما في البدايه حاولو يأذوها بس تالين حاولت تشرد ومالقت غير شباك تشرد منو انا مني عارفه هي كيف كانت تفكر بس ابويا قالهم يسلمونا اياها واحنا حنعالجها بس رفضو وذحين هي بتتعالج محمد :ريم انت مخبيه شي عليا ؟ ريم :محمد اشبك منت مصدقني محمد:ايش عصابه ومدري ايش شكلو ومين ذا اللي متقصدها ريم :طيب يامحمد ذا هوا الواقع واللي صارلها ذحين مو هذا المهم المهم انو مايبو احد يجيها في المستشفى انا رحت وشفتها وجبتلهم اوراقها عشان العلاج بس احنا طلبنا انها تتعالج بره وانا اللي حسافر معاها لانو لو انت جيت حتصير مشاكل ومانعرف اذا تالين حتسلم ولا لا محمد:لا والله اخليها تسافر مع رجال وانا هنا ما اتحرك اذا انت عادي عندك انا اختي مو عادي ريم انفجعت :محمد انت ايش تقول ترا جالس تلخبط محمد:وانت خليتيني اقول شي عدل عصابه وسفره لبره وعلاج وماتبيني اتدخل في الموضوع ريم عصبت :محمد هوا ذا الموضوع اذا تبا تالين ترجع سالمه اسكت وسوي اللي اقلك عليه ولا ترا تالين ماحيصير فيها طيب لو انت اتدخلت محمد بلع ريقو واخذ نفس :يعني ايش افهم من كلامك ؟ ريم اخذت نفس:محمد تالين انا حسافر معاها ولانو اللي متقصدينها متقصدينها عشاني انا حتحمل أي شي يصير واحنا ماحنجلس سنه ترا كلها كم اسبوع علاج وراجعين ويسلموها ونسلمهم المبلغ وانتهينا محمد مرر يدو على وجهو بقوه :شوفي انا ذحين مني مستوعب شي انا ماشي ووالله ياريم اذا صار فيها شي ماتلومي الا نفسك انت وابوك امي مريضه وحالتها ماتسر العدو وذحين تقوليلي من جهتك ؟ قام معصب وخرج بره الكوفي ريم عيونها مليانه دموع عمرو ماكلمها بذي الطريقه حتى لو تعتبرو زي اخوها بس هيا مالها ذنب وكل شي يجي فوقها ...نزلت راسها على الطاوله ودموعها تنزل مهي عارفه شايله هم تالين وتعبها ولا محمد كيف حتفهمو ولارائد كيف تتعامل معاه جالس فوق سريرو متمدد ويفكر في يومو( قاطع تفكيرو رنه الجوال) احمد مسك الجوال (الله يستر):ايوا الو ابو حسين :ايوا اسمع استناك انا في مطعم .... احمد:طيب ايش في بالضبط اقلها قلي الخلاصه ابو حسين :بعدين حتعرف انت تعال وبس قفل الجوال ابو ريم :ذحين انت قلي ايش الهرجه كيف حتدبرها معاه وايش دراك انو حيوافق ابوحسين:ذحين انت ممكن تسكت وتخليني انا اللي اقنعو ابوريم:ياسلام اصغر عيالك انا ابوحسين:عبدالعزيز اهجد ذحين انت مو تبا ترفع مكانتك في الشركه هيا اسكت ابو ريم بيشوف ايش نهايتها يتأفف كل شويه بعد دقايق وصل احمد ابو حسين :اهو وصل احمد جاي باتجاههم واتأفف لما شاف ابو ريم :ماتجي من جمعاتهم الا المصايب احمد :السلام عليكم ابو حسين :وعليكم السلام اتفضل اجلس احمد جلس ... ابو حسين :اسمع يا احمد اباك تفتح مخك معايا احمد :طيب ايش عندك؟ ابو حسين :شوف انا وعمك عندنا مشروع شركه ادوات بناء تعرف هذي اليومين سوقهم ماشي مررة وانا وابو ريم تعرف كيف مشغولين في شركة الاستثمارات حقنا واذا سبناها ورحنا الشركه ذي حنخسر كثيرر وبعدين هذي املاكنا كلها مانقدر نفرط في شغلها احمد :طيب؟وانا ايش المطلوب مني ؟ ابو حسين :نبا نخليك مدير عليها هيا حخليها تابعه لنا بس انو انتح ندخلك شراكه فايش رايك ياولدي صراحه مكسب لك ولنا وانا ما اقدر أمن احد على شركتي اكثر منك احمد :طيب انا شغلي كيف اسوي فيه ابو ريم: بلا شغل بلا يحزنون ايش هوا على دكتور في الجامعه ماتبا تصير مدير شركه انت منت شايف الفرق احمد:بس هذا هوا تخصصي واللي انا احبو مو شركات ودوشه ابو حسين :شوف يا احمد انت تبا تأمن مستقبلك لازم توافق انت ايش يضمنك بكرة الجامعه تجيب ناس احسن منك وانت يقولولك مانبا شفلك مكان ثاني فبدل الشرشحه اشتغل احسن في املاكك احمد:طيب وكم المدة اللي حشتغل فيها ابو حسين حس انو احمد بدا يقتنع :والله شوف انا بخليك تشتغل على راحتك في البدايه وتسوي اللي تبغاه ابو ريم:ها ايش قلت ؟ احمد :طيب انا بفكر وان شاءالله ارد خبر ابو حسين :خذ راحتك عندك يومين وتردلي خبر احمد :يصير خير ...انا استأذن ابو ريم :طيب مااكلت شي احمد:لا انا اتغديت الحمدالله من زمان مع السلامه خرج وركب سيارتو يسوق وفكرة تجيبو وفكرة توديه مو عارف يوافق ولا لا تلم الاغراض وتفتح الدواليب وترفع كل شي خايفه تنسى شي مراد :يالله ياهو نص ساعه وحنمشي ابا الحق ارجع اناملي ساعه واروح العقيقه بدور تكمل ترتيب :ايوا وانا ايش شايفني اسوي اهو قاعده ارتب مراد :اوووف والله تعب مالي نفس اداوم بكرة بدور ترفع بسرررعه وترمي بالاشياء وتدور يمين يسار :مرااااد مراد اسمع شفت جوالي ؟ مراد:يعني وين تلاقيه في الصاله او شي بدور راحت تدور وبعد دقايق رجعت :ياهوو مافي دورت في المطبخ في كل مكان مافي شي مراد :يعني فين حيروح انت فين اخر مرة استخدمتيه ؟ بدور تحاول تتذكر :والله مني فاكرة متى انت دوشتني يالله يالله مراد:انا ادري عنك جالستلي سنه مع الادميه فاكه هروج ودنيا بدور:حرام عليك والله تجنن وطيبه يكفي بنتها دخلت قلبي مراد :طيب وسبحان الله صارت صحبتك في يوم وليله بدور:والله طيبه واخلاق وماتنعاب ليش لا مراد :اممم طيب طيب روحي دوري لجوالك الباب يدق بدور باستغراب :انت طلبت اكل ؟ مراد مستغرب :اكل ايه هوا ذا وقت اكل اصلا ؟(قام من مكانو ) اصبري خليني اشوف مراد فتح الباب ابتسمت باحراج :بدور موجودة ؟ مراد متعجب ورافع حواجبو :امم مين اقلها ؟ مروة :اشبك مسرع نسيت انا مروة ام لمى مراد اتذكر :اهااا ..ايوا موجودة دقيقه اناديها مروة :لالا مافي داعي بس هيا اعطت لبنتي جوالها تلعب فيه ونسيتو عندها بدور جات لما سمعت صوت حرمه :مين ؟ بدورابتسمت :هلااااا والله مروة :اهللين بدور:اتفضلي ياهلا والله نور المكان مروة تضحك تسليك :منور بوجودك تسلمي بدور :طيب ادخلي اشبك واقفه مراد دخل جوه ومروة تطالع فيه وتتكلم :لالا بس هذا جوالك نسيتيه مع لمى بدور مبتسمه :اهاا وانا ادورلو نسيت اني اديتها اياه تلعب فيه طيب مررة شكرا كنت ادورلو عشان خلاص رايحين مروة اختفت ابتسامتها :ليييش ياهو مرة انبسطت بوجودك اتاخرو لين بكرة انا بكرة راجعه بدور :لا واله مانقدر مراد عندو شغل وكذا مروة :طيب خلاص رقمي معاك ورقمك معايا بدور :اكيد مايبالها خلاص صرتي مننا وفينا مروة :تسلمي حبيتي ..طيب يالله انا ماشيه نشوفك على خير (يسلمو على بعض ) بدور:ان شاءالله مع السلامه بوسيلي لمى مروة :ان شاءالله يوصل مروة مشيت وبدور قفلت الباب مراد يلبس :يالله ياهو انا بجهز السيارة والله مرة تعبان ويادوب الطريق كمان زحمه بدور :طيب يالله خلاص البس ونمشي واقفه قدام المرايه تمشط شعرها ومبتسمه .. لفت شعرها ولبست العبايه وتتصل ماريا :الوو السواق:ايوا مدام ماريا :ها جهزت السيارة ؟ السواق :ايوا انا تحت مدام ماريا :طيب يالله انا نازله نزلت من الدرج قابلتها امها ام مراد :سلميلي عليها وقوليلها بالسلامه ان شاءالله ماريا :ان شاءالله يوصل بس زي ماقلتلك لاتقولي لامها ترا ماتدري مايبوها تقلق ام مراد:طيب فهمت كم مرة تقوليلي وبعدين اسمعي بكرة ان شاء الله مراد ومرتو حيجو يتغدو عندنا ماريا :اهاا طيب ان شاءالله يالله انا ماشيه مع السلامه ام مراد :استودعتك الله ركبت السيارة واتوجهت للمستشفى حاطه يداتها ورا راسها وتتفرج تلفزيون ربا:تالا هي متى بتجي ماريا تالا:ذحين تقول في الطريق ربا :اهااا وليد دخل الغرفه :السلام عليكم تالا تعدل طرحتها وردو سوا:وعليكم السلام وليد جلس على الكنبه اللي جالسه تالا عليها بس كل واحد في طرف :ها كيفك ربا ؟ ربا :تمام وليد طالع في تالا وابتسم :كيفك ؟ تالا ردت الابتسامه :تمام الحمدالله بعد ثواني :وانت كيفك ؟ وليد ابتسم اكثر :كويس سالتي في تقدم تالا ضحكت باحراج :ليش ايش قصدك ؟ وليد اتكى على الكنبه :لا ولاشي ربا:هي تالوه قومي جيبيلي مويه تالا اتنرفزت ونفسها ترد بس ماقدرت قدام وليد تالا :حاضر وبعدين اسمي تالا (شدت في الكلمه )يارباااا وليد يطالع فيهم و مسك جوالو وابتسم ارسلها تالا قامت واعطتها المويه وفتحت اخذت الجوال وهي عاقده حواجبها (هناك أشخاص حتى عندما يكون مزاجهم سيء يحادثونك بأدب، هؤلاء فقط من يستحقون الاحترام) تالا تطالع وفاتحه عيونها رفعت عينها عليه ببراءة وليد طالع فيها وهوا مبتسم واشر براسو ايوا تالا ابتسمت وكتبت (ربما الادب ليس دايما السبب فيمكن ان من حولك اجبروك على الاحترام ) وليد قرأ وابتسم باعجاب ارسلها (ليس كل الناس تجبرك على الاحترام فقد يكون من وده قلبك اجبرك على الاحترام) تالا تطالع وقلبها دق مع الكلام وطت راسها وماعرفت ايش تكتب ربا بطفش:هي انتو ازعجتونا بطقطقه البيبي اقفلو الصوت وريحوني قفلو الصوت سوا ومهم مع احد داخلين جو تالا بعد تفكير ارسلت (من وده القلب لايجبرك على الاحترام فقط بل يجبرك بابتسامته ان تسعد كل من حولك في اسوأ الظروف) ارسلتها وبلعت ريقها مهي داريه كيف ارسلتها بس متحمسه تشوف ردو وليد عدل جلستو وهوا مبتسم واخذ نفس ارسلها (من وده قلبي ابتسم له من قلبي لانه فيه ) تالا جسمها داااافي معنو الغرفه باردة ووجهها احمر جلست ثواني تستوعب ارسلت (هنا فقط يبادله قلبي الابتسامه لاحساسه بحب المبتسم له ) وليد وجهو بيتشقق من الابتسامه ارسلها (فلتشهد الامه باني احبك وان قلبي قد امتلكتيه بابتسامتك ) تالا قلبها وقف من الرساله ماقدرت تررفع راسها ابداااا وليد حاس قلبو هوا اللي كتبلها ومو داري كيف كتبها ربا بطفش:ياااخي متى بتجي ماريا والله طفشت انتو جالسين وكني جدار قدامكم مالت على المرافقين اكل وجلسه على حساب مرضي وليد وتالا مهم معااها ولا واحد رد عليها ربا مسكت المخدة ورمتها عليهم كل واحد انفجع ربا جلست :اكلم نفسي اااناااا ؟ وليد :انت ايش تبي نامي نامي بالله ترا مررة مو وقتك تالا تضحك ربا تطالع في تالا :سبحان مغير الاحوال قبل شويه بترميني بالكاسه وذحين فمك بيتشقق من الضحكه وبعدين غريبه اول مرة اشوفك تضحكي ووجهك محمر كذا تالا :اممم لا ولاشي وليد رما المخده نفسها على ربا :قولي ماشاءالله بتحسدي البنت ربا تبا تقوم تتضارب بس الجهاز في يدها تعلي صوتها بالقوه :هييي انت مين شايفني مالت عليك حتى مالت قوووووم من عندي بالله تجيبو الهم انت وهيا ناس مريضين اعوذ بالله وليد يضحك :خفي علينا انت يالصاحيه اول شي عدلي صوتك بعدين تعالي اتكلمي تالا ماتت ضحك ربا ماقدرت تصبر فكت الجهاز من يدها وقامت من السرير :انا اوريك لاحيا ولاحشمه وليد فتح الباب وشرد من الفجعه عشانها قامت فتح الباب ورجع على وراا دق في ماريا :اااااه وجع يوجع بليس ايش هوا ذا انا في كل مكان انصقع وليد دار عليها :معليه معليه ماريا فاتحه عينها ومستغربه :انت ايش قومك وين المرض اللي فيك ربا تاخذ نفس :ذا ال.... نرفزني الله ينرفز بليسو هلكني ماريا تاخذ الورد من الارض والاكياس ربا ابتسمت :هلا والله ماريا :هلافيك ربا :مو لك للاكل والورد ماريا :انقلعي دخلو جوه تالا تفتكر وتضحك ربا جات جهتها :بس خلاص ترا ماصارت ترا احتراما لوجود وليدوه انا ماسويت فيك شي ولا كنت مسحت فيك الارض تالا:لالا (غمزتلها )وانا اقدر ازعلك ؟ ربا رجعت للسرير وتركب الجهاز وماعرفت تالا تسلم على ماريا :هلاااا والله ماريا :هذي ليا ولا للأكل؟ تالا:لك طبعااا ماريا:شوفي الناس مالت عليك انت قال للأكل ربا ضغطت الزر والنيرس جات :ايوا تبي شي؟ ربا :تعالي صلحي ذا النيرس مفجوعه :اشبو كذا؟ ربا :مالك صلاح صلحي صلحي في احد احياء جدة لبس واتكشخ وراح العقيقه وبعد ساعه رجع .... مراد فتح الباب وجلس على الكنبه بدور تسمع صوت فتح الباب بدور باستغراب :انت جيت ؟ مراد :ايوا ليش ؟ بدور :لا بس استغربت ايش هوا كلها نص ساعه ولا ايه مراد :يعني انا جيت متأخر وكذا فشويه وجابوا لعشا بدور :اهااا مراد يأشرلها تجلس جنبو :تعالي اوريك صورة حسن ولد علي بدور بلعت ريقها وجات جنبو مراد يفك جوالو ومع كل صورة بدور قلبها يوجعها :امم الله يباركلو يارب مراد ابتسم وقفل الجوال:امين يارب بدور مسرحه .. مراد عارف تفكر في ايش :قومي يالله ننام والله تعبان ومهدود حيلي كمان بكرة العزومة عند اهلي بدور ابتسمت :طيب حاضر نايم بتعب شديد الجوال يدق كذا مرة فتح عيونو بتعب :اممم ريم معصبه:بدري ياسيد رائد كان مارديت احسن رائد اتأفف :نايم ريم :لا والله سويت عملتك ونمت ؟ رائد يكره احد يقومو من النوم :اوهوو علينا خلاص عدلت الحجز وكل شي جاهز حتى الطياره كلمتهم على تجهيزات انها تعبانه ريم:طيب المهم يالله قوم نروح نشوفها رائد: ياهو بنام تعبان انا يومين مانمت ريم:ان شاءالله عمرك مانمت مو شغلي اتحمل ذنب اللي سويتو فيها ياسلام وهيا عادي تتألم رائد :مين قال تتألم منومه مهي داريه بشي ريم عصبت :رااااااااائد قوووووم رائد :امررري لله بقووم خلاص ازعجتينا ريم قفلت رائد رمى الجوال جنبو :ياربي ايش الحياه هذي ايش اسوي معاهم ذول انا غلطان اني قلتلها في الصباح اتجهزت واتزبطت ومبتسمه لبست العبايه وخرجت ماريا :صباح الخير امها باستغراب :صباح النور غريبه قايمه بدري ماريا:لا بس يعني تبت من التأخير الاخير مالحقت شي فقلت خليني اقوم بدري احسن امها :اهاا يالله الله يوفقك ماريا:تبي شي ؟ امها :لاسلامتك بس حاولي ماتتأخري اخوك حيجي بدري ماريا:طيب ان شاءالله خرجت والسواق مستنيهاا بعد ربع ساعه وصلت عدلت الطرحه ونزلت مبتسمه اتوجهت للقاعه القاعه فاضيه ماريا :يوووه ايش ذا هوا انا يا اجي بدري مرة يامتأخر مرة الباب انفتح ماريا دارت احمد باستغراب :ماشاءالله جايه بدري اليوم ماريا ابتسمت :لا بس يعني امس اتأخرت فقلت الحق اليوم كلهم بدأؤ الا انا احمد ابتسم باسف :اممم ماريا انتبهت بس ماعلقت احمد جلس على الكرسي واتنهد ... ماريا جلست بعيد شويه وساكته احمد بتسريح:شكلو احد ثاني حيكمل معاكم شغل ماريا انفجعت :ليش؟؟؟ احمد باسف:امم انا حشتغل في مكان ثاني ماريا انصدمممممت :ليش طيب؟ احمد :والله ابويا وعمي مسوين شركه ويبوني اديرها وتعرفي الميزانيه كيف حتكون اللي هنا ولاشي ماريا :امم طيب وانت عاجبك الشغل هناك احمد :انا احب شغلي هنا بالمرة يعني اعشق الديكور واحب اصمم والهندسه وكل ذا الشغل اما شغل الشركات لا بس قلتلك فيها ضمان مستقبل ماريا باسف:طيب براحتك ... قامت :انا حخرج بره لين تبدأ المحاضرة احمد :ماريا ماريا دارت عليه :نعم؟ احمد :انا متحمس اشوف شغلك وابداعاتك وحجي واتابعك لاتخيبي ظني فيك ماريا ابتسمت :ان شاءالله يشرفني اكيد احمد ابتسم :الله يوفقك يارب ماريا :امين ويوفقك في شغلك احمد :صراحه انا اللي يشرفني اني اتعرفت على وحدة زيك معني ماكنت اتوقع اني ممكن احد يقنعني من البنات ماريا استغربت:ليش ؟ ماريا جلست احمد:ما ادري بس انا من صغري لين ذا العمر ما احتك فيهم ولاعندي اخوات (افتكر تالا) ماريا حزنت :طيب يسعدني اكون اول طالبه تتعرف عليها احمد ابتسم بدون مايطالع فيها :مو بس اول طالبه او بنت واول صديقه وماتدري يمكن تكون اول (سكت) ماريا انحرجت :امممم احمد ضحك : طيب انا حخرج وكيف حتواصل معاك بعدها ؟اقدر اخذ رقمك؟ ماريا :ايوا طبعا احمد :مسك جوالو ماريا اعطتو الرقم احمد مبتسم :طيب متواصلين ان شاءالله ماريا :اكيد احمد :يالله ياطالبتي اتفضلي ماريا ضحكت :حاضر يادكتوري خرجت تتمشى وتدور مهي عارفه تنبسط ولا تزعل احمد مسك جوالو واتصل ابو حسين رد :ايوا الو احمد:انا موافق ابو حسين ماسك ورق في يدو سابو :والله ؟ احمد :ايوا بس متى ابدأ شغل ابو حسين يعني كذا بعد يومين ان شاءالله احمد :طيب كويس عشان اخلص شغل هنا احمد :يالله مع السلامه ابو حسين مع السلامه قفل وكلم ابو ريم يبشرو واقفه عندها تطالع بحزن ريم :يااارب قومها بالسلامه يارب رائد دخل واتحمحم :السلام عليكم ريم دارت عليه :وعليكم السلام خرجت بره الغرفه رائد طالع في تالين ونزل بعدها من الغرفه ريم جلست متى الرحله ؟ رائد :8 الصباح ريم :يعني حنروح المطار متى ؟ رائد:يعني سبعه الا شي زي كذا ريم:امم طيب انا حروح ارتب اغراضي رائد :طيب وجايبتني عشان تقوليلي ذا الكلام ؟ ريم بدون أي تعبير :اعتقد انو كلام ضروري رائد اتأفف :ايش هوا ذا لعبه انا في يدك ريم :ولا تالين لعبه في يدك رائ :ياشيخه طفشتي اهلي تررا خلاص يكفي لوم يكفيني اللي فيا ريم :اللي فيك مايجي شي عن اللي فيها وقفت وخرجت عبدالحميد يستناها الجرس يدق الشغاله فتحت مراد وبدور :السلام عليكم الشغاله :اهلين مدام بدور مراد :لنا الله حتى ذولا مايسلمو عليا بدور تضحك :انت ايش تبا مراد:يالله عادي اروح عند امي ذحين دخلو ام مراد :هلااا والله بولدي ياهلا بالغالي مراد اتوجه لامو وسلم على راسها ويدها :هلافيك والله بدور جات وسلمت على راسها :كيفك خالتي ام مراد :هلا بمرت الغالي هلا والله الشغاله اخذت عبايه بدور وبدور جلست مراد جنب بدور مقايل امو على الكنبه في الصاله ابو مراد نازل من الدرج بالثوب وهيبتو معروفه في العيله كلها ابو مراد :السلام عليكم مراد قام وسلم على يدو وراسو :وعليكم السلام الحمدالله على السلامه يا ابويا ابو مراد :الله يسلمك ياولدي كيفك ؟ اتوجهو اثنينتهم للكنبه مراد يجلس :الحمدالله بخير كيف السفره ؟ ابومراد:والله تمام انا جيت بس ابو وليد راح لمكه (ابو مراد وابو وليد تجارتهم عاديه بس يسافرو مع بعض بين فتره والثانيه ) مراد :اهاا ماشاءالله بدور :كيفك ياعمي ؟ ابو مراد :هلا ببنتي الحمدالله انت كيفك ؟ بدورباحراج الين ذحين وهيا تخاف منو :الحمدالله مراد :وين ماريا ؟ ام مراد :ذحين تجي في الجامعه هيا مراد :اهاا ام مراد :ها في شي في الطريق ولا ؟ ابو مراد اعطاها نظرة ام مراد سكتت مراد اتربك :لا والله ان شاءالله الله يكتب اللي فيه الخير بدور موطيه راسها وقلبها وجعها ماريا دخلت مشيت باتجاههم :السلام عليكم باصوات متفاوته :وعليكم السلام ماريا سلمت على ابوها وامها واخوها ومرتو جلست جنب بدور :يالله وينك من زمان عنك وحشتيني بدور ابتسمت :وانت اكثر والله موجودين بس اخوك وشغلو مراد طالع فيها بنص عين على كذبها وابتسم بخبث بدور وطت راسها مراد :طيب ايش هوا جدار انا عندك ؟اسالي كيف اخبارك ؟ ماريا :يالله على الغيرررره ابو مراد :يالله حطو الغدا انا بكلم شويه وجاي بدور وماريا :احنا حنقوم نجهز ام مراد قربت من ولدها :هي انت اتلحح شويه وخليني ازوجك مراد :يا امي الله يهديك كم مرة نتكلم في ذا الموضوع بدور نسيت جوالها ورجعت تاخذو مراد مقابلها وام مراد معطيتها ظهرها ام مراد :ياولدي ابا اشوف ولدك ايش هوا ذا انت لو تخليني ازوجك بس راسك يابس بدور اتصلبت مكانها ودمعتها نزلت فجاه مراد انفجع لما شافها واتوجه لها بدور مسحت دمعتها عشان لاتشوفها خالتها ام مراد اتأففت وحطت يها على خدها :وين يتزوج ذا شوف كيف جري عليها (انتهي البارت العاشر) |
رد: روايه نور في غسق الدجى (البارت الحادي عشر) دقت الجرس بقلق وخوف فكت الشغاله ريم:بابا محمد موجود الشغاله :ايوا مدام هوا جوا ريم دخلت واخذت نفس جامد واتوجهت لغرفتو فوق سريرو يفكر بعمممق ومهموم دقت الباب بشويش ما انتبه ... زادت في الدق محمد :اتفضل دخلت ريم محمد ماطالع ما اتوقعها هيا ريم :السلام عليكم محمد دار وجهو بسرعه واول ماشافها دار بوجهو للجهه الثانيه :وعليكم السلام ريم :ممكن اجلس ؟ محمد بدون نفس:اتفضلي ريم جلست متووترة :امممم محمد ممكن تسمعلي ابا اقلك شي محمد مايطالع فيها مسك جوالو ويطالع فيه :ايش عندك؟ ريم بحزن :طيب طالع فيا وسيب اللي في يدك محمد ماسابو ولا طالع فيها :اتكلمي اسمعك ريم اتأففت :ايش هوا ذا انت ليش تعاملني كذا محمد :كيف تبغيني اعاملك ؟ ريم علي صوتها :لا والله اللي يسمعك يقول انا اللي خاطفه اختك محمد طالع فيها واتكلم بحده :وطي صووووتك امي هناا ريم قلبت وجهها منو :مو عشانك اصلا منصتلي ماشاءالله محمد قلب جسمو جهتها وهي في الكرسي مقابلتو وهوا على السرير :اهو اسمعلك ايش عندك؟ ريم :بكرة حنسافر محمد بلع ريقو :لا بالله ريم :يامحمد ممكن تفهمني حرام عليك ياخي ايش ذا ماكأني زي اختها محمد:اختها ولا عدوتها مو شغلي ريم:ياسلااام .... ذحين نفسي افهم انت ليش مو مصدقني محمد:ررريم انت لما احد يجي يقلك ابوك خطفوه عصابه تصدقي ؟ ريم ارتبكت :طيب خلاص لاتسميها عصابه رجال وخطفوها ايش يعني واقفلي على الكلمه محمد:لا بالله صراحه عدلتيها محمد:المهم ذحين يا انا اسافر يا تالين تسلميني اياها ريم :محمد انت تتكلم بعقلك ايش الهبل ذا كني انا مدبرت احد يخطفها محمد :والله حبيبتي بما انو من جهتك اتحملي اللي يجيك اختي واباها تررجعلنا ريم :ما اقدر محمد:ايش يعني ماتقدري ؟ ريم:ما اقدر وبس محمد :طيب اطلعي بره ريم انفجججججعت :طالعت فيه مفجوعه واتحولت ملامحها للحزن اخذت شنطتها وقبل ماتوصل الباب :تالين اغلى انسانه في حياتي ولو صار فيها شيء حموت حزن عليها اكثر منك يا اخوها ... نزلت واتوجهت لسيارتها في مكتب الدكتور وليد :ها يادكتور يعني اليوم تقدر تخرج الدكتور :ايوا الحمد لله صارت احسن وليد :امم طيب الحمد الله الدكتور مد يدو :هذي الادويه انزل للصيدليه وحتلاقيها بس اهم شي تبعد عن الروائح اللي تزيد من الالتهاب عندها والتعرض للهوا مباشرة بعد الاستحمام وطبعا المشروبات الباردة وليد :طيب حاضر (وقف )طيب مشكور الدكتور:العفو وليد اتوجه للصيدليه واشترى الادويه واتوجه لغرفه ربا دق الباب ودخل تالا نايمه على الكنبه بتعب ربا في الحمام دخل والغرفه هاديه وبارده طالع فيها وابتسم من قلبو شكلها بريء وهيا نايمه قرب منها ومرر اصباعو على خدها بهدووء وبعد عنها ... تالا فتحت عيونها بشويش وليد عند الطاوله يحط الكيس ولا كأنو سوا شي تالا عدلت نفسها وعدلت طرحتها وليد لف وابتسم :مساء الخير تالا وصوتها نوم :مساء النور وليد :شكلك تعبانه تالا ابتسمت شويه :لالا عادي بس اخذتني عيني شويه وليد :امم نوم العوافي يارب تالا :الله يعافيك وليد اتوجه للكنبه وجلس قريب منها بس بينهم مساافه تالا قلبها يدق من قربو وليد :امم نفسي افرح ربا بشي يغير نفسيتها شويه تالا ابتسمت :والله؟ وليد :ايووا تالا اتحمست :طيب ايش ناوي تسوي ؟ وليد :ما اعرف (طل فيها وابتسم )طبعا ما استغني عن خدماتك تالا انحرجت :امم بس ما ادري يعني حاليا مافي شي في بالي وليد :طيب بما انها تنبسط عند ماريا نوديها عند ماريا واروح انا وياك لحالنا تالا مفجوعه:نعممممم.؟ وليد يضحك :لالا امزح معاك تالا:طيب نوديها ملاهي أي شي وليد طالع بنص عين بدون ماتنتبهلو :هيا شفلك ملاهي قال انا مستني افكار تقلي ملاهي وليد:لا ايش هوا ذا ملاهي احس حق بزورة ياهو تالا قامت وجابت جوال ربا تالا توريه الجوال :شوووف قال بزورة وليد يطالع ووجهو راح فيها ربا حاطه صورة ملاهي وكاتبه (والله لو يخيروني وين اقضي شهر العسل حقضيه فيك ) تالا:ها شفت وليد :طيب والله بكيفكم ملاهي ملاهي عادي نصغر كم سنه تالا طالعت فيه بحقد :لاياشيخ اللي يسمعك يقول مررة كبير تراك اكبر مني بثلاث سنين بس وليد :طيب اكبر منك بيوم اعقل منك بسنه تالا:لا والله ...طيب يالعاقل انت شايفني مجنونه وليد ابتسم ووطى صوتو :انا مجنون فيك ايوا بس انت عاد الله اعلم مجنونه ولا لا تالا مافي أي ملامح في وجهها مهي قادرة تتحرك ولاتتكلم انقذها خروج ربا من الحمام وليد :يووه ذي دايما خرجاتها وقت غلط ربا مبتسمه :هلا وليدوه وليد :كم مرة اقلك اسمي وليد ربا :ياخي كيفي اخويا وانا حرة ربا تطالع في تالا المصنمه :بسم الله اشبك كنو احد ضربك وليد ماسك ضحكتو تالا :لا ولاشي ربا :سكنهم مساكنهم يارب فجاه يصير وجهها احمر وليد :طيب يالله اتجهزو انا حستناكم في السيارة ربا :طيب تالا:حاضر وليد ابتسم :تحضرلك العافيه يارب تالا وطت راسها باحراج وليد خرج ربا تطالع مفجوعه ومستغربه من رد وليد ومن احراج تالا (في قلبها) ياهو ايش السالفه اشبهم ذولا مو طبيعين والله في الصباح صحيت من النوم محتارة في مشاعرها زعل ولافرح اتوجهت للحمام ولبست ووقفت قدام المرايا تصلح شعرها ... جاتها رساله ماريا استغربت مين يرسلها ذا الوقت مسكت الجوال وانفجعت من الاسم (صباح الخير اليوم حروح معاك المركز وحشرف عليكم ياريت ماتتأخري لانو رايحين بدري شويه اسف على الازعاج دكتورك :احمد ) ماريا بتريقه :حتشرف علينا ياسلاااام الله يعين ما اتخاصم مع البنات كملت تجهيزها ونزلت واتوجهت للجامعه وبعد دقايق وصلت دخلت الجامعه واتوجهت لقاعتها دخلت القاعه لقتها فاضيه ... كل علامات الدهشه في وجهها :اييييش ذا احمد جاي من بعيد مبتسم :حتى اليوم متأخرة ومضطر اوديك معايا ماريا طالعت فيه بتتنيح :كنو قبل شويه ارسلت الرساله مرررة مدامهم يمشو بذي السرعه ؟ احمد :والله ايش اسويلك أنت أتأخرتي ماريا:طيب يعني ايش حسوي؟ احمد ببرود:تروحي معايا ماريا :هاااا؟ احمد :اشبك؟ ماريا :ايش هوا ذا كم مرة حروح معاك احمد :اممم اجل يالله خلي اللي جابك يوديك ماريا :ياسلام ؟؟؟ السواق مايعرف الاماكن الجديدة احمد ابتسم :مصيرك تجي معايا (احمد اتفق مع الطالبات يجو بدري ومشاهم بسرعه عشان يجيب ماريا معاه ..اول بنت يتعامل معاها وتعاملو عفوي جدا معاها ) ماريا جلست :طيب بس ياريت ماتتأخر احمد مبتسم :طيب احمد جلس بينو وبين ماريا كرسيين ماريا متوترة وساكته احمد جالس مايسوي ولا شي بس يفكر ماريا استغربت :أنت حتجلس كذا لين متى ؟ احمد يطالع في المكان بأسف :حشتاق للمكان والله يعني اغلب يومي فيها وهذي القاعه (وطي راسو )ذكريات حلوة فيها ماريا حزنت عليه :ايش اكثر شي يخليك متعلق فيها احمد :انا يمكن عشان حاس بالوحده يعني عايش لحالي وما احتك بأحد كثير كل اللي اكلمهم طالباتي وفي مجال الدراسه بس يعني ما ادري بس شي حلو والله طل في ماريا ماريا :اممم احمد ابتسم :ويعني حشتاق لصقعات بعض الناس وردة فعلهم معنهم هما الغلطانين وحشتاق للناس اللي يتأخرو واشيلهم معايا ماريا وجهها احممممممر :لاياشيخ ايش اسويلك انت ماتشوف احمد ضحك :انا ما اشوف هااا والله سبيتيني سب ماخليتي شي فيا ماريا وجهها موطيتو مرررة احمد طيب يالله خلينا نمشي عشان يمدينا نوصل متحمس لاعمالكم في طالبات ماشاءالله افكارهم مررة ابداعيه ولازم اشرف عليها ماريا حست بغيره قامت واعطتو ظهرها :طيب يالله عشان لانتأخر على طالباتك اللي متحمسلهم احمد ابتسم ومو فاهمها فجاه تقلب وفجاه تستحي مزااجيه خرجو واتوجهو للسيارة واقفه قدامها تفكر ومسرحه جا باتجاهها في اخر شياكتو رائد :يالله مشينا ؟ ريم بدون ماتطالع فيه :طيب تالين نزلت مع الفريق الطبي واتوجهو للمطار رائد وريم ركبو السيارة ولحقوهم ريم تطالع في الشباك ومهمومه مهي عارفه ايش حيصير بعد ثواني ... دق جوالها ريم ماردت الجوال يدق بشكل مستمر ريم غمضت عيونها وصوتها فيلو حدة :نعم؟ محمد :صباح الخير ريم :اهلين محمد :ريم انا عارف انك معصبه مني وزعلانه وماخذة موقف لكن والله مو بيدي انا انحطيت في موقف صعب وجاي اعتذرلك ريم :اممم بعد ايش؟ محمد:ريم الله يخليك اعذريني أنا اسف وامسحيها في وجهي ماكان قصدي بس والله انت عارفه انا امر في ايش والشي اللي قلتيه مرة صعب عليا استوعبو ريم :طيب يامحمد خلاص حصل خير محمد :طيب انت وين ذحين ريم :في الطريق محمد :متوجهين المطار ؟ ريم :امم محمد :طيب متى رحلتكم ؟ ريم :ما ادري 10اعتقد محمد :اهااا طيب توصلو بالسلامه ريم مستغرررربه :ان شاءالله محمد :مع السلامه ريم :مع السلامه قفلت الجوال وكل علامات الاستغراب في وجهها محمد في سيارتو وكمل طريقو نزل من العمارة ودخل السوبر ماركت قدام ثلاجه العصيرات واقف يختار تدور عصيرها اللي دايما تشربو ... واخيرا لقيتو تحاول توصل بس مهي قادرة مسكتو من طرف بلوزتو وتشدها بشويش طل فيها مستغرب لمى :عمو ممكن تجيبلي العصير ذاك ياسر يطالع فيها شكلها مو غريب بس ناسي وين شايفها ياسر يطالع مكان ماتأشر :فين هذا ؟ لمى تأشر براسها ايوا اعطاها العصير ابتسمت :شكرا عمو ياسر ابتسم :عفوا عمو (يطالع فيها متنح يحاول يفتكر فين شافها ) جات باتجاهها :لمى يالله ذا كلو تشتري عصير ؟ ياسر طل فيها وانصدممم لمى :لا بس ماوصلتلو خليت (تأشر على ياسر )هذا يجيبو مروة رفعت راسها وفتحت عيووووونها وبدون ماتحس :ياسر ؟ ياسر افتكر البنت ..بلع ريقو وما اتحرك من مكانو مروة تطالع فيه ماتعرف ليش نفسها تقلو وحشتني من زمان عنك كيفك كيف ايامك نفسها تسمع ضحكتو نفسها تقلو جيت من بعيد عشانك ياسر وطى راسو نفسو يقلها طفشان وحدي مشتاق لروحك اللي تدخل على حياتي الفرحه نفسي ترجع ايام زمان ولا ياخذك احد مني (احيانا تشهد اعيننا مواقف يتكلم القلب نيابه عن اللسان فيها ولكنه يأبا ان يترجمها فالظروف حالت بين كلام القلب وترجمة اللسان عندها يعجز القلب عن البوح ويعجز اللسان عن النطق ونرغم على ابعاد اعيننا عما نراه خاضعين لظروف الحياه الأليمة ) مروة استوعبت ومسكت لمى من يدها :مرة ثانيه يالمى لاتطلبي من احد غريب شي لمى مستغربه ومهي فاهمه شي مشيت مع امها ياسر كان متوقع أي شي من مروة يحقلها تقولو مشيت واخذت اغراضها ونزلت بره المحل ياسر حاسب على اشياؤ وتبعها بدون ماتحس مروة اتوجهت للفندق اللي مقابل عمارتو انصدم انها سكنت فيه توقف للحظات يطالع فيها وهيا تطلع وبعدها اتوجه لعمارتو ريحه الفطور واصله لغرفهم خرجت من غرفتها ودخلت المطبخ تطالع في الطاوله :حركااات ايش ذااا ؟ تالا تطالع فيها ومبتسمه حطت الصحن فوق الطاوله :هلا والله ربا تجلس على الكرسي :لالا ما اصدق اشبك حلمتي منال العالم ولا اسامه اطيب تالا تسلك: ههه خفففه اسكتي بالله ربا بتمد يدها تالا ضربتها ربا :وجع يوجع بليسك اشببك؟. تالا:روحي نادي اخوك يالذكيه ربا :اووهو مش لازم ياخي تالا:استحي على وجهك ربا من مكانها تنادي:ولللللللليدووه تعااال تالا مسويه فطور وليد خرج من غرفتو ودخل المطبخ :صباح الخير تالا:صباح النور وليد يطالع فيها:اوهو ايش الحركات ذي ذا كلو عشان ربا ربا :مشكله الغييييييرة وليد ضربها عللى راسها بشويش:اغار ايييه اسكتي بس تالا مبتسمه :ايوا طبعا ربا تستاهل وليد طالع في تالا وابتسم بخبث :اممم طيب اجل محد ساكن في البيت غير ربا تالا طالعت فيه وابتسمت :ان شاءالله يعجبك وليد :اكيد مدامك انت سويتيه ربا عند الاكل لو يموت احد قدامها ماتدري عنو وليد يأشرلها :طيب تعالي اجلسي تالا:دقيقه بس راحت واخذت الكاسه وحطتها على الطاوله وليد يطالع في القهوة ابتسم واخذ نفس :ويلوموني لو تالا تعلي صوتها :اممممم ايوا اتفضللللو وليد ضحك على مقاطعتها جوال ربا يدق وليد :رباا هي قومي شوفي جوالك ربا تاكل ومطنشه وليد :قوممي ردي يمكن امي ربا أتأففت اسكت بالله امي ماتتصل ذا الوقت قامت واتوجهت لغرفتها تجيب الجوال تالا مارفعت عينها من صحنها وليد :وحشتيني تالا سابت الملعقه :نعمممم.؟ وليد يضحك :لالا امزح تالا :احسب وليد يرفع يدو :اللهم يامن تنطق البكم انطقها بكلام جميل يشفي قلبي تالا تضحك باحراج :في الجنه ان شاءالله وليد :طيب اسمعي اليوم قولي لربا انو ماريا عازمتكم وانو حتروحو عندها وبعدين تكتشف انها رايحه مدينه الالعاب تالا فطست ضحك :ايش الهباله ذي وليد:انا ادري عنكم جدة كلها ماتبو الا الملاهي تالا:وليد احنا ايش قلنا وليد:لبيه يابحه حبال الشوق تالا منحرجه وتحرك راسها بنفي :اممم احنا ماحنخلص وليد مبتسم :ان شاءالله عمرنا مانخلص تالا:امم ايش كنا نقول وليد يضحك :الملاهي الملاهي تالا ترقع لنفسها:ايوا افتكرت المهم قلتلك هيا تحبو وبعدين عيش سنك تراك مو كبير وليد :ان شاءالله ربا دخلت :خلصتو الفطور؟ وليد يحرك راسو بأسف:خلصناا ايه تعالي بس ربا جلست :احسن وفرتو الدكتور يبعد الستارة مبتسم مراد مستني بفارغ الصبر بدور قامت وتعدل عبايتها وطرحتها الدكتور :مبروك مرتك حامل مراد الفرحه على وجهوو باينه :الله يباررك في عمرك بدور عيونها مليانه دموع فررح (الحمدالله الحمدالله) جا باتجاهها ومسك يدها :مبرووك حبيبتي حتصيري ام فتحت عيونها :الله يبارك فيك مراد مستغرب:نعم؟ بدور:اشبك؟ مراد:ايش الله يبارك فيا ؟ بدور تطالع بحركه سريعه يمين يسار وبنبره حزن :انا مو حامل ؟ مراد اتنهد :بدور حبيبي اشبك؟ بدور جلست وغطت عيونها :حلمت اني حامل مراد:بدور ياقلبي هذا عشانك شايله هم الحمل ممكن تنسي خلاص حرام عليك ارحمي نفسك ترا الدنيا مهي واقفه على الاطفال بدور ماتطالع فيه ومهمومة مرة مراد:اتخيلي كان معانا كم ولد وكم بنت ماتدري يمكن احنا تصير مشاكل بيننا بسبتهم يصير البيت ازعاج وتتمني لحظه هدوء ياما ناس خلفو بالعشرة ويتمنو يحسو بالهدوء والاستقرار حياتهم كلها مشاكل معد في شي اسمو خصوصيه بين الاب والام كل شي داخل فيلو الاطفال يعني ذحين احنا يمدينا نسافر نجي على كيفنا محنا مرتبطين بشي لكن مجرد مايجو الاطفال هذي الايام لايمكن تنعاد ولما يكبروا حنا حنعجز يعني الايام ذي ماتتعوض فهمتيني ؟ بدور اقتنعت نوعا ما :طيب وامك ؟ مراد:اشبها امي ؟ بدوروطت راسها :مو تبا تزوجك ؟ مراد :انت من جدك؟يعني مثلا حوافق قومي بالله سويلي فطور ورايا دوام بدور :طيب في الطريق ماريا تقلب الكتاب احمد يطالع من المرايا :اوهوو ماشاءالله مجتهدة ماريا ابتسمت شويه:تتريق؟ احمد ضحك :لاا عيب عليك ما اتريق احمد :فطرتي؟ ماريا :لا ليش؟ احمد :لا بس عشان نفطر ذحين ماريا برده فعل سريعه :لالا ايش نفطر في المركز ان شاءالله احمد :لا ايش هوا اقلها شي خفيف ماريا :لا مايحتاج احمد :طيب على راحتك بعد دقايق ... وصلو المركز نزلو وماريا تطاالع في شكلو من بره مررررة كبير احمد يأشرلها:اتفضلي ماريا ابتسمت ومشيت دخلو قسم الايتام اول شي احمد :ها ماريا ايش حابه تختاري ماريا :والله مني عارفه لسا افكر غرف اطفال ما ادري انت ايش رايك؟ جات طالبتين بابتسامه عريضه :اهللين دكتور احمد احمد ابتسم مجامله :اهلين فيكم وحدة منهم :صراحه يشرفنا حضورك دكتور الثانيه :والله من جد نور المركز وصراحه اهنيك على الاختيار احس المشروع حينجح احمد:منور بوجودكم واكيد لمساتكم وانجازاتكم حتحلي المشروع ماريا متكتفه ونفسها تكففلهم البنتين طولو في الكلام والا يبو يجيبو كلام احمد عادي ماهمو مين اللي قدامو يتكلم عادي شويه طل في ماريا وشايفه طفشانه وتتأفف احمد:امم طيب اتفضلو على مشاريعكم وان شاءالله لما تخلصو حديكم ملاحظاتي البنات ابتسمو ومشيو احمد لف على ماريا :اشبك؟ ماريا :ولا شي احمد :طيب ايش قررتي ؟ ماريا :غرف الشباب احمد استغرب:دوبك قلتي اطفال ماريا :غيرت رأيي احمد :طيب اديك رأيي ماريا برده فعل سريعه :لا خلاص شكرا انا مقتنعه باختياري احمد استغرب:ماريا اشبك ؟منتي طبيعيه ماريا :لا ولاشي يالله حتجي ولاتروح لطالباتك ؟ احمد عقد حواجبو وابتسم ومو مستوعب:ماريا أنت تغاري؟ ماريا :لا طبعا احمد ابتسم :اممم طيب وماكأنو مزاجك انقلب بعد البنتين ؟ ماريا :احمد بتمشي ولا كيف ؟.. اقصد دكتور احمد احمد ابتسم اكثر:انت الوحيدة اباك تقوليلي احمد ماريا تحاول ماتبتسم :ليش؟ايش معنى؟ احمد :لانك غير عنهم كلهم ماريا ابتسمت غصبا عنها احمد بادلها الابتسامه :يالله نمشي اتوجهو لجهه المدرسه ويطالعو في الصغار ويضحكو على حركاتهم البريئه مرو على قسم المطاعم احمد :ايش تشربي؟ ماريا :عصير ليمون احمد يطلب :لو سمحت اثنين عصير ليمون احمد :طيب ايش تاكلي ؟ ماريا :لامابا شي احمد:اديني واحد بسكوت وقفو متكيين على الجدار احمد فتح البسكوت وقسمو نصين مد يدو لماريا ماريا :لالا شكرا احمد:افا بس ترديني ماريا اخذت القطعه :طيب شكرا خلصوا واتوجهو لغرفهم ماريا خايفه من اختيارها بس مصره ترد غيرتها احمد يطالع في الغرف فاضيه الشباب في الجامعه وبعضهم في الثانويه ماريا :امم انا كم غرفه مطلوب اني اسوي احمد:على راحتك بس اختاري غرفه بالنسبه للشباب وباقي مشروعك اللي هوا غرف ذوي الاحتياجات الخاصه مو حيساعدوك فيها ؟ ماريا:ايوا دخلو غرفه ماريا :امم هذي مناسبه خلاص حختار ذي احمد :طيب ولا يهمك انا حكلم المسؤليين وقت شغلك يفضولك الغرفه دخل بعد ماخلص دوامو الاول استغرب الباب مفتوح ماريا واحمد لفو على الباب استغرب :مين انتو؟ احمد مشي وسلم عليه :السلام عليكم انس:وعليكم السلاام احمد:انا الدكتور احمد من جامعه ... انس:اها انتو اللي مسوين المشاريع هنا ؟ احمد :ايوا انس :طيب؟ احمد يأشر على ماريا :هذي وحدة من طالبتي ومشروعها ديكورات في الغرف فاختارت غرفتك وبعض الغرف الثانيه فما ادري اذا حتسمحلنا ولا لا انس يطالع في ماريا :ايوا طبعا ماعندي مانع ماريا خافت من نظراتو مهي عارفه كيف حتشتغل براحه في صاله الانتظار جالسه على الكرسي وماسكه جوالها تطالع صور الحفله رائد :طيب انا حمشي افطر لسا بدري على الطيارة تبي شي؟ ريم تكمل مطالعه لجوالها :لا رائد:طيب براحتك قام وبعد عن المكان يطالع من بعيد يحاول يلاقي اللي يباه يطالع يمين يسار .... جات عينو على المكان مشي بهدوء ووقف قبالها واتحمحم ريم بعدت الجوال عن عينها ورفعت راسها بهدوء وبرود انفجججعت لما ششافتو قدامها :محمممممد؟؟؟ محمد :يعني مثلا حخليكم تسافرو بدوني بذي السهوله ؟ ريم وقفت تحاول تغطيه خايفه رائد يشوفو ريم سحبتو من يدو :تعاال بالله معايا محمد: دقيقه طيب ايش في ؟ ريم بعدت عن المكااان محمد ساب يدها :اشبك ؟ ريم:انت من جدك جاي تستهبل؟ايش تبا ؟ محمد:حلوة ذي ايش ابا زي ماهمها خطفو اختي انا ارجعها ريم:لا بالله احنا في فيلم هندي وانا مدري؟ محمد رفع حواجبو :اممم يعني قصه العصابه مهي فيلم هندي ريم:محمد اسمعني محمد الله يخليك امشي قبل محد يشوفك انت تبا اختك اختك حترجع محمد :ريم خلاص احنا اتكلمنا في ذا الموضوع سفر مافي انسي ولما تجيبلي كلام زي الاوادم اصدق ريم دمعت وتترجاه :محمد الله يخليك محمد اذا لتالين معزة عندك عشان خاطر اللي بينها وبيني الله يخليك امشي محمد اسمعني الله يخليك والله تالين ماحيصير فيها شي على ضمانتي صدقني محمد حزن عليها مررة شكلها وهيا تترجاه يحزن :طيب واختي ياريم ؟حرام عليك امي تعبانه ريم مسكت يدو :محمد اوعدك تالين حترجعلك سالمه غانمه مافيها شي وان شاءالله في اتم الصحه انت بس اوثق فيا محمد مو عارف أيش يقول ريم طالعت فيه وعيونها تترجاه :اوعدك والله اوثق فيا لو مرة وحده محمد ساب يدها ومشي ريم واقفه وتمسح دموعها دار عليها وبينهم مسافه :ريم انتبهي لتالين انتبهيلها ريم ابتسمت بين دموعها :حاضر لاتشيل هم مشي (في قلبو)ياارب اللهم اني استودعتك اختي فردها لي يارب العالمين يارب رجعت لمكانها رائد :انت وينك قلقتيني ريم تطالع باستغراب:نعم؟ وانت ايش دخلك انا وين رحت ؟ رائد يتأفف :اتكلمي بأدب لو مرة ريم :لما تتصرف بأدب انت حتكلم بأدب جلسو ورائد على حبو للسفر كره هذي السفره ونفسو الوقت يمر باسرع مايمكن بعد ساعه ... نادو على رحلتهم رائد :يالله اهو جات الطيارة ريم اخذت شنطتها وقامت وبعد الاجراءات طلعو الطيارة رائد جالس في الدرجه الاولى طبعا وماريا جنبو ريم تأشر للمظيفه :لو سمحتي ابا اغير مكاني المظيفه :طيب حاضر اتفضلي هنا (اشرت على المكان المقابل لمكان رائد) ريم:لا مابا (اشرت لمكان بعيد شويه )ابا هنا المظيفه :على راحتك اتفضلي الطيارة ماكانت زحمه ابدااا خصوصا انو سفرهم مو وقت اجازات ريم جلست وفيها نووووم تعبانه مررة اليومين اللي راحت ماذاقت فيها النوم الا دقايق وبتعب وقلق كمان غمضت عيونها ونامت ورائد قدو نايم ينادي من غرفتو :رباااااا .... يارباااااا ربا بعد ثواني ردت :نعممممم وليد:تعالي ابغاك شويه ربا اتوجهت من غرفتها لغرفتو وفتحت الباب :نعم؟ وليد:ايش رايكم ننزل نتغدى بره ؟ ربا ابتسمت ابتسامه عريضه :والله؟ وليد :ايوا اجل استهبل ربا:ياخي شكرا وليد طالع فيها باستغراب:ربا بالله روحي قلك شكرا حتى شكر ماتعرفي تشكري زي الناس ياشيخه سبيني ولا تشكريني ربا :اجل انقلع ويالله البس وليد يضحك :ايوا كذا انت ربا وليد قام يلبس ربا طارت لتالا وتطبل على الباب :تالووووه تاااالووووه قوووم بنتغدى برا تالا تكلم ابوها وتقفل اذنها عشان ازعاج ربا تحاول تسمع :ايوا بابا ايش قلت ؟ ربا باستهبال :بابا؟؟؟ يالله ياربااااااه تقول بابا هي انت دوبك والده وانا مدري تالا اتنهدت :بابا ممكن بعدين اكلمك ربا تكلمني شويه معليش ابو احمد :لايابابا عادي خذي راحتك تالا قفلت الجوال :لا حول ولاقوه الا بالله انت ماتقوليلي ايش تبغي؟ ربا ابتسمت :حنتغدى بره تالا:طيب؟ ربا :ماااالت على الحماس الميت (تعدد )لا حب لا مشاعر لا احساس لا حماس لا تعابير حشا جماد مو انسان تالا ضحكت ووطت صوتها :ايش دراك انت ... علت صوتها :طيب مو شغلك روحي اتجهزي يالله اتجهزو بسرعه وخرجو جوالو يدق ... بعد ثواني رد حسين:الو صاحب البيت:ايوا الو حسين حسين:ايوا نعم صاحب البيت:كيفك؟ حسين :الحمدالله صاحب البيت :والله مني عارف ايش اقلك بس صراحة انا احتاج البيت ضروري واباك تسلم مفاتيحو حسين مفجوع:ليييش ايش في صاحب البيت :معليه بس والله محتاجو مررة وحعطيك يومين تفضي حسين:طيب انا اعطيك اجار اكثر من حقوا ذا تباني ازيد حزيد صراحه عندي دوام ومني فاضي ادور صاحب البيت:انا عارف بس ابغاه مدة سنه وبعدها اذا تباه اديك حسين:انا ايش ابغا فيه بعد سنه صاحب البيت :اعتذر صراحه حسين :خلاص مو مشكله ادبرها مع السلامه صاحب البيت :مع السلامه حسين قفل واتأفف:ايش ذا كيف حدبرها ذحين مرة بالقوة لقيتو ولاابا فنادق ما ارتاح فيها استغفر الله خرج من البيت واتوجه للمطعم المعتاد قريب بيتو يتغدى دخل وجلس على الطاوله يفكر فين ممكن يلاقي قريب من الجامعه غير الفنادق جاه الجرسون :اهللين حسين حسين بطفش:اهلين الجرسون :ايش تامر فيه؟ حسين اعطاه طلبو بعد دقايق وصلو الطلب ياكل ويفكر دخلت المطعم وجلست على الطاوله مقابلو جاها الجرسون بطلبها بدون مايسألها عنو اشرت للجرسون ينادي حسين الجرسون نفذ طلبها ومشي حسين طل فيها واتذكرها وابتسم الحرمه المسنه :اهلين كيفك ؟ حسين :الحمدالله تمام وانت ؟ الحرمه :بخير حسين :وينك من زمان ماتجي هنا الحرمه المسنه :انتقلت لمنطقه جديدة وانشغلت شويه حسين :اهااا .... طيب فين المنطقه الحرمه المسنه :في شارع .... حسين يفكر مو بعيد ولاقريب خليني أسالها حسين:طيب في بيوت جديدة في المنطقه ؟لانو انا حاب انقل كمان الحرمه المسنه ابتسمت :ايوا في بيوت كثيرة حسين ابتسم :طيب انا حجي معاك بعد الغداء ابا اشوف وأستأجر الحرمة المسنه :ما اعتقد في ايجار كلو ملك حسين :طيب احسن المهم الاقي سكن خلصو غداء واتوجهو للمنطقه حسين يطالع في المنطقه باعجاب :اممم شي جميل الحرمه المسنه مبتسمه وتطالع في المكان :اعرف حسين يأشر على بيت :هذا باين حلو الحرمه المسنه ابتسمت :تعال نسأل جالس على الكرسي الخشبي وفوقو كلبو الحرمه المسنه :مساء الخير الرجال:مساء النور الحرمه المسنه :ممكن نشوف البيت الرجال:اكيد دارو البيت عباره عن طابقين حسين عجبو البيت الحرمه المسنه تأشر على البيت:بكم تبيع ذا البيت ؟ الرجال :41000يورو الحرمه المسنه :امم غالي بعض الشي؟؟ حسين برده فعل سريعه :لا لا خلاص مناسب الرجال بابتسامه اعجاب:اجل اتفقنا متى حاب تسكن ؟ حسين :في اقرب وقت الرجال :نسوي الاوراق اللازمه وتستلمو على طول حسين ارتاح انو بذي السرعه لقي خرجو من البيت حسين يطالع في الحي :وانت وين بيتك الحرمه المسنه مبتسمه :هذا حسين يطالع واستغرب :جنبي؟؟؟؟ بين بيتها وبيتو سور وشارع صغير للمرور الحرمه المسنه تعال نشرب شي حسين :لالا خلاص شكرا الحرمه المسنه :انا ماسألتك أنا أمرك امشي معايا حسين استغرب تصرفها ومشي معاها دخل بيتها يطالع فيها مافي ولا احد واثاثو هادي وشويه صورة عجوز صغيره على الطاوله وصورة كلب كبيررررة على الجدار حسين استغرب :ليش صورة الكلب بهذا الحجم وصورة العجوز ص قاطعتو:عشاني افضل الكلب على هذا العجوز لانوا وفى منو هذا العجوز زوجي واتزوج بوحده ثانيه حسين ابتسم مجامله :اهاا يطالع في البيت الصليب معلق وتحف غريبه فوق الرف يطالع في المكان باستغراب تام الرحمه المسنه :قوم جيب الكتاب اللي على الطاوله حسين اتوجه للطاوله ورفع الكتاب انفجع من عنوانو (محمد) (انتهى البارت الحادي عشر) |
رد: روايه نور في غسق الدجى (البارت الحادي عشر) دقت الجرس بقلق وخوف فكت الشغاله ريم:بابا محمد موجود الشغاله :ايوا مدام هوا جوا ريم دخلت واخذت نفس جامد واتوجهت لغرفتو فوق سريرو يفكر بعمممق ومهموم دقت الباب بشويش ما انتبه ... زادت في الدق محمد :اتفضل دخلت ريم محمد ماطالع ما اتوقعها هيا ريم :السلام عليكم محمد دار وجهو بسرعه واول ماشافها دار بوجهو للجهه الثانيه :وعليكم السلام ريم :ممكن اجلس ؟ محمد بدون نفس:اتفضلي ريم جلست متووترة :امممم محمد ممكن تسمعلي ابا اقلك شي محمد مايطالع فيها مسك جوالو ويطالع فيه :ايش عندك؟ ريم بحزن :طيب طالع فيا وسيب اللي في يدك محمد ماسابو ولا طالع فيها :اتكلمي اسمعك ريم اتأففت :ايش هوا ذا انت ليش تعاملني كذا محمد :كيف تبغيني اعاملك ؟ ريم علي صوتها :لا والله اللي يسمعك يقول انا اللي خاطفه اختك محمد طالع فيها واتكلم بحده :وطي صووووتك امي هناا ريم قلبت وجهها منو :مو عشانك اصلا منصتلي ماشاءالله محمد قلب جسمو جهتها وهي في الكرسي مقابلتو وهوا على السرير :اهو اسمعلك ايش عندك؟ ريم :بكرة حنسافر محمد بلع ريقو :لا بالله ريم :يامحمد ممكن تفهمني حرام عليك ياخي ايش ذا ماكأني زي اختها محمد:اختها ولا عدوتها مو شغلي ريم:ياسلااام .... ذحين نفسي افهم انت ليش مو مصدقني محمد:ررريم انت لما احد يجي يقلك ابوك خطفوه عصابه تصدقي ؟ ريم ارتبكت :طيب خلاص لاتسميها عصابه رجال وخطفوها ايش يعني واقفلي على الكلمه محمد:لا بالله صراحه عدلتيها محمد:المهم ذحين يا انا اسافر يا تالين تسلميني اياها ريم :محمد انت تتكلم بعقلك ايش الهبل ذا كني انا مدبرت احد يخطفها محمد :والله حبيبتي بما انو من جهتك اتحملي اللي يجيك اختي واباها تررجعلنا ريم :ما اقدر محمد:ايش يعني ماتقدري ؟ ريم:ما اقدر وبس محمد :طيب اطلعي بره ريم انفجججججعت :طالعت فيه مفجوعه واتحولت ملامحها للحزن اخذت شنطتها وقبل ماتوصل الباب :تالين اغلى انسانه في حياتي ولو صار فيها شيء حموت حزن عليها اكثر منك يا اخوها ... نزلت واتوجهت لسيارتها في مكتب الدكتور وليد :ها يادكتور يعني اليوم تقدر تخرج الدكتور :ايوا الحمد لله صارت احسن وليد :امم طيب الحمد الله الدكتور مد يدو :هذي الادويه انزل للصيدليه وحتلاقيها بس اهم شي تبعد عن الروائح اللي تزيد من الالتهاب عندها والتعرض للهوا مباشرة بعد الاستحمام وطبعا المشروبات الباردة وليد :طيب حاضر (وقف )طيب مشكور الدكتور:العفو وليد اتوجه للصيدليه واشترى الادويه واتوجه لغرفه ربا دق الباب ودخل تالا نايمه على الكنبه بتعب ربا في الحمام دخل والغرفه هاديه وبارده طالع فيها وابتسم من قلبو شكلها بريء وهيا نايمه قرب منها ومرر اصباعو على خدها بهدووء وبعد عنها ... تالا فتحت عيونها بشويش وليد عند الطاوله يحط الكيس ولا كأنو سوا شي تالا عدلت نفسها وعدلت طرحتها وليد لف وابتسم :مساء الخير تالا وصوتها نوم :مساء النور وليد :شكلك تعبانه تالا ابتسمت شويه :لالا عادي بس اخذتني عيني شويه وليد :امم نوم العوافي يارب تالا :الله يعافيك وليد اتوجه للكنبه وجلس قريب منها بس بينهم مساافه تالا قلبها يدق من قربو وليد :امم نفسي افرح ربا بشي يغير نفسيتها شويه تالا ابتسمت :والله؟ وليد :ايووا تالا اتحمست :طيب ايش ناوي تسوي ؟ وليد :ما اعرف (طل فيها وابتسم )طبعا ما استغني عن خدماتك تالا انحرجت :امم بس ما ادري يعني حاليا مافي شي في بالي وليد :طيب بما انها تنبسط عند ماريا نوديها عند ماريا واروح انا وياك لحالنا تالا مفجوعه:نعممممم.؟ وليد يضحك :لالا امزح معاك تالا:طيب نوديها ملاهي أي شي وليد طالع بنص عين بدون ماتنتبهلو :هيا شفلك ملاهي قال انا مستني افكار تقلي ملاهي وليد:لا ايش هوا ذا ملاهي احس حق بزورة ياهو تالا قامت وجابت جوال ربا تالا توريه الجوال :شوووف قال بزورة وليد يطالع ووجهو راح فيها ربا حاطه صورة ملاهي وكاتبه (والله لو يخيروني وين اقضي شهر العسل حقضيه فيك ) تالا:ها شفت وليد :طيب والله بكيفكم ملاهي ملاهي عادي نصغر كم سنه تالا طالعت فيه بحقد :لاياشيخ اللي يسمعك يقول مررة كبير تراك اكبر مني بثلاث سنين بس وليد :طيب اكبر منك بيوم اعقل منك بسنه تالا:لا والله ...طيب يالعاقل انت شايفني مجنونه وليد ابتسم ووطى صوتو :انا مجنون فيك ايوا بس انت عاد الله اعلم مجنونه ولا لا تالا مافي أي ملامح في وجهها مهي قادرة تتحرك ولاتتكلم انقذها خروج ربا من الحمام وليد :يووه ذي دايما خرجاتها وقت غلط ربا مبتسمه :هلا وليدوه وليد :كم مرة اقلك اسمي وليد ربا :ياخي كيفي اخويا وانا حرة ربا تطالع في تالا المصنمه :بسم الله اشبك كنو احد ضربك وليد ماسك ضحكتو تالا :لا ولاشي ربا :سكنهم مساكنهم يارب فجاه يصير وجهها احمر وليد :طيب يالله اتجهزو انا حستناكم في السيارة ربا :طيب تالا:حاضر وليد ابتسم :تحضرلك العافيه يارب تالا وطت راسها باحراج وليد خرج ربا تطالع مفجوعه ومستغربه من رد وليد ومن احراج تالا (في قلبها) ياهو ايش السالفه اشبهم ذولا مو طبيعين والله في الصباح صحيت من النوم محتارة في مشاعرها زعل ولافرح اتوجهت للحمام ولبست ووقفت قدام المرايا تصلح شعرها ... جاتها رساله ماريا استغربت مين يرسلها ذا الوقت مسكت الجوال وانفجعت من الاسم (صباح الخير اليوم حروح معاك المركز وحشرف عليكم ياريت ماتتأخري لانو رايحين بدري شويه اسف على الازعاج دكتورك :احمد ) ماريا بتريقه :حتشرف علينا ياسلاااام الله يعين ما اتخاصم مع البنات كملت تجهيزها ونزلت واتوجهت للجامعه وبعد دقايق وصلت دخلت الجامعه واتوجهت لقاعتها دخلت القاعه لقتها فاضيه ... كل علامات الدهشه في وجهها :اييييش ذا احمد جاي من بعيد مبتسم :حتى اليوم متأخرة ومضطر اوديك معايا ماريا طالعت فيه بتتنيح :كنو قبل شويه ارسلت الرساله مرررة مدامهم يمشو بذي السرعه ؟ احمد :والله ايش اسويلك أنت أتأخرتي ماريا:طيب يعني ايش حسوي؟ احمد ببرود:تروحي معايا ماريا :هاااا؟ احمد :اشبك؟ ماريا :ايش هوا ذا كم مرة حروح معاك احمد :اممم اجل يالله خلي اللي جابك يوديك ماريا :ياسلام ؟؟؟ السواق مايعرف الاماكن الجديدة احمد ابتسم :مصيرك تجي معايا (احمد اتفق مع الطالبات يجو بدري ومشاهم بسرعه عشان يجيب ماريا معاه ..اول بنت يتعامل معاها وتعاملو عفوي جدا معاها ) ماريا جلست :طيب بس ياريت ماتتأخر احمد مبتسم :طيب احمد جلس بينو وبين ماريا كرسيين ماريا متوترة وساكته احمد جالس مايسوي ولا شي بس يفكر ماريا استغربت :أنت حتجلس كذا لين متى ؟ احمد يطالع في المكان بأسف :حشتاق للمكان والله يعني اغلب يومي فيها وهذي القاعه (وطي راسو )ذكريات حلوة فيها ماريا حزنت عليه :ايش اكثر شي يخليك متعلق فيها احمد :انا يمكن عشان حاس بالوحده يعني عايش لحالي وما احتك بأحد كثير كل اللي اكلمهم طالباتي وفي مجال الدراسه بس يعني ما ادري بس شي حلو والله طل في ماريا ماريا :اممم احمد ابتسم :ويعني حشتاق لصقعات بعض الناس وردة فعلهم معنهم هما الغلطانين وحشتاق للناس اللي يتأخرو واشيلهم معايا ماريا وجهها احممممممر :لاياشيخ ايش اسويلك انت ماتشوف احمد ضحك :انا ما اشوف هااا والله سبيتيني سب ماخليتي شي فيا ماريا وجهها موطيتو مرررة احمد طيب يالله خلينا نمشي عشان يمدينا نوصل متحمس لاعمالكم في طالبات ماشاءالله افكارهم مررة ابداعيه ولازم اشرف عليها ماريا حست بغيره قامت واعطتو ظهرها :طيب يالله عشان لانتأخر على طالباتك اللي متحمسلهم احمد ابتسم ومو فاهمها فجاه تقلب وفجاه تستحي مزااجيه خرجو واتوجهو للسيارة واقفه قدامها تفكر ومسرحه جا باتجاهها في اخر شياكتو رائد :يالله مشينا ؟ ريم بدون ماتطالع فيه :طيب تالين نزلت مع الفريق الطبي واتوجهو للمطار رائد وريم ركبو السيارة ولحقوهم ريم تطالع في الشباك ومهمومه مهي عارفه ايش حيصير بعد ثواني ... دق جوالها ريم ماردت الجوال يدق بشكل مستمر ريم غمضت عيونها وصوتها فيلو حدة :نعم؟ محمد :صباح الخير ريم :اهلين محمد :ريم انا عارف انك معصبه مني وزعلانه وماخذة موقف لكن والله مو بيدي انا انحطيت في موقف صعب وجاي اعتذرلك ريم :اممم بعد ايش؟ محمد:ريم الله يخليك اعذريني أنا اسف وامسحيها في وجهي ماكان قصدي بس والله انت عارفه انا امر في ايش والشي اللي قلتيه مرة صعب عليا استوعبو ريم :طيب يامحمد خلاص حصل خير محمد :طيب انت وين ذحين ريم :في الطريق محمد :متوجهين المطار ؟ ريم :امم محمد :طيب متى رحلتكم ؟ ريم :ما ادري 10اعتقد محمد :اهااا طيب توصلو بالسلامه ريم مستغرررربه :ان شاءالله محمد :مع السلامه ريم :مع السلامه قفلت الجوال وكل علامات الاستغراب في وجهها محمد في سيارتو وكمل طريقو نزل من العمارة ودخل السوبر ماركت قدام ثلاجه العصيرات واقف يختار تدور عصيرها اللي دايما تشربو ... واخيرا لقيتو تحاول توصل بس مهي قادرة مسكتو من طرف بلوزتو وتشدها بشويش طل فيها مستغرب لمى :عمو ممكن تجيبلي العصير ذاك ياسر يطالع فيها شكلها مو غريب بس ناسي وين شايفها ياسر يطالع مكان ماتأشر :فين هذا ؟ لمى تأشر براسها ايوا اعطاها العصير ابتسمت :شكرا عمو ياسر ابتسم :عفوا عمو (يطالع فيها متنح يحاول يفتكر فين شافها ) جات باتجاهها :لمى يالله ذا كلو تشتري عصير ؟ ياسر طل فيها وانصدممم لمى :لا بس ماوصلتلو خليت (تأشر على ياسر )هذا يجيبو مروة رفعت راسها وفتحت عيووووونها وبدون ماتحس :ياسر ؟ ياسر افتكر البنت ..بلع ريقو وما اتحرك من مكانو مروة تطالع فيه ماتعرف ليش نفسها تقلو وحشتني من زمان عنك كيفك كيف ايامك نفسها تسمع ضحكتو نفسها تقلو جيت من بعيد عشانك ياسر وطى راسو نفسو يقلها طفشان وحدي مشتاق لروحك اللي تدخل على حياتي الفرحه نفسي ترجع ايام زمان ولا ياخذك احد مني (احيانا تشهد اعيننا مواقف يتكلم القلب نيابه عن اللسان فيها ولكنه يأبا ان يترجمها فالظروف حالت بين كلام القلب وترجمة اللسان عندها يعجز القلب عن البوح ويعجز اللسان عن النطق ونرغم على ابعاد اعيننا عما نراه خاضعين لظروف الحياه الأليمة ) مروة استوعبت ومسكت لمى من يدها :مرة ثانيه يالمى لاتطلبي من احد غريب شي لمى مستغربه ومهي فاهمه شي مشيت مع امها ياسر كان متوقع أي شي من مروة يحقلها تقولو مشيت واخذت اغراضها ونزلت بره المحل ياسر حاسب على اشياؤ وتبعها بدون ماتحس مروة اتوجهت للفندق اللي مقابل عمارتو انصدم انها سكنت فيه توقف للحظات يطالع فيها وهيا تطلع وبعدها اتوجه لعمارتو ريحه الفطور واصله لغرفهم خرجت من غرفتها ودخلت المطبخ تطالع في الطاوله :حركااات ايش ذااا ؟ تالا تطالع فيها ومبتسمه حطت الصحن فوق الطاوله :هلا والله ربا تجلس على الكرسي :لالا ما اصدق اشبك حلمتي منال العالم ولا اسامه اطيب تالا تسلك: ههه خفففه اسكتي بالله ربا بتمد يدها تالا ضربتها ربا :وجع يوجع بليسك اشببك؟. تالا:روحي نادي اخوك يالذكيه ربا :اووهو مش لازم ياخي تالا:استحي على وجهك ربا من مكانها تنادي:ولللللللليدووه تعااال تالا مسويه فطور وليد خرج من غرفتو ودخل المطبخ :صباح الخير تالا:صباح النور وليد يطالع فيها:اوهو ايش الحركات ذي ذا كلو عشان ربا ربا :مشكله الغييييييرة وليد ضربها عللى راسها بشويش:اغار ايييه اسكتي بس تالا مبتسمه :ايوا طبعا ربا تستاهل وليد طالع في تالا وابتسم بخبث :اممم طيب اجل محد ساكن في البيت غير ربا تالا طالعت فيه وابتسمت :ان شاءالله يعجبك وليد :اكيد مدامك انت سويتيه ربا عند الاكل لو يموت احد قدامها ماتدري عنو وليد يأشرلها :طيب تعالي اجلسي تالا:دقيقه بس راحت واخذت الكاسه وحطتها على الطاوله وليد يطالع في القهوة ابتسم واخذ نفس :ويلوموني لو تالا تعلي صوتها :اممممم ايوا اتفضللللو وليد ضحك على مقاطعتها جوال ربا يدق وليد :رباا هي قومي شوفي جوالك ربا تاكل ومطنشه وليد :قوممي ردي يمكن امي ربا أتأففت اسكت بالله امي ماتتصل ذا الوقت قامت واتوجهت لغرفتها تجيب الجوال تالا مارفعت عينها من صحنها وليد :وحشتيني تالا سابت الملعقه :نعمممم.؟ وليد يضحك :لالا امزح تالا :احسب وليد يرفع يدو :اللهم يامن تنطق البكم انطقها بكلام جميل يشفي قلبي تالا تضحك باحراج :في الجنه ان شاءالله وليد :طيب اسمعي اليوم قولي لربا انو ماريا عازمتكم وانو حتروحو عندها وبعدين تكتشف انها رايحه مدينه الالعاب تالا فطست ضحك :ايش الهباله ذي وليد:انا ادري عنكم جدة كلها ماتبو الا الملاهي تالا:وليد احنا ايش قلنا وليد:لبيه يابحه حبال الشوق تالا منحرجه وتحرك راسها بنفي :اممم احنا ماحنخلص وليد مبتسم :ان شاءالله عمرنا مانخلص تالا:امم ايش كنا نقول وليد يضحك :الملاهي الملاهي تالا ترقع لنفسها:ايوا افتكرت المهم قلتلك هيا تحبو وبعدين عيش سنك تراك مو كبير وليد :ان شاءالله ربا دخلت :خلصتو الفطور؟ وليد يحرك راسو بأسف:خلصناا ايه تعالي بس ربا جلست :احسن وفرتو الدكتور يبعد الستارة مبتسم مراد مستني بفارغ الصبر بدور قامت وتعدل عبايتها وطرحتها الدكتور :مبروك مرتك حامل مراد الفرحه على وجهوو باينه :الله يباررك في عمرك بدور عيونها مليانه دموع فررح (الحمدالله الحمدالله) جا باتجاهها ومسك يدها :مبرووك حبيبتي حتصيري ام فتحت عيونها :الله يبارك فيك مراد مستغرب:نعم؟ بدور:اشبك؟ مراد:ايش الله يبارك فيا ؟ بدور تطالع بحركه سريعه يمين يسار وبنبره حزن :انا مو حامل ؟ مراد اتنهد :بدور حبيبي اشبك؟ بدور جلست وغطت عيونها :حلمت اني حامل مراد:بدور ياقلبي هذا عشانك شايله هم الحمل ممكن تنسي خلاص حرام عليك ارحمي نفسك ترا الدنيا مهي واقفه على الاطفال بدور ماتطالع فيه ومهمومة مرة مراد:اتخيلي كان معانا كم ولد وكم بنت ماتدري يمكن احنا تصير مشاكل بيننا بسبتهم يصير البيت ازعاج وتتمني لحظه هدوء ياما ناس خلفو بالعشرة ويتمنو يحسو بالهدوء والاستقرار حياتهم كلها مشاكل معد في شي اسمو خصوصيه بين الاب والام كل شي داخل فيلو الاطفال يعني ذحين احنا يمدينا نسافر نجي على كيفنا محنا مرتبطين بشي لكن مجرد مايجو الاطفال هذي الايام لايمكن تنعاد ولما يكبروا حنا حنعجز يعني الايام ذي ماتتعوض فهمتيني ؟ بدور اقتنعت نوعا ما :طيب وامك ؟ مراد:اشبها امي ؟ بدوروطت راسها :مو تبا تزوجك ؟ مراد :انت من جدك؟يعني مثلا حوافق قومي بالله سويلي فطور ورايا دوام بدور :طيب في الطريق ماريا تقلب الكتاب احمد يطالع من المرايا :اوهوو ماشاءالله مجتهدة ماريا ابتسمت شويه:تتريق؟ احمد ضحك :لاا عيب عليك ما اتريق احمد :فطرتي؟ ماريا :لا ليش؟ احمد :لا بس عشان نفطر ذحين ماريا برده فعل سريعه :لالا ايش نفطر في المركز ان شاءالله احمد :لا ايش هوا اقلها شي خفيف ماريا :لا مايحتاج احمد :طيب على راحتك بعد دقايق ... وصلو المركز نزلو وماريا تطاالع في شكلو من بره مررررة كبير احمد يأشرلها:اتفضلي ماريا ابتسمت ومشيت دخلو قسم الايتام اول شي احمد :ها ماريا ايش حابه تختاري ماريا :والله مني عارفه لسا افكر غرف اطفال ما ادري انت ايش رايك؟ جات طالبتين بابتسامه عريضه :اهللين دكتور احمد احمد ابتسم مجامله :اهلين فيكم وحدة منهم :صراحه يشرفنا حضورك دكتور الثانيه :والله من جد نور المركز وصراحه اهنيك على الاختيار احس المشروع حينجح احمد:منور بوجودكم واكيد لمساتكم وانجازاتكم حتحلي المشروع ماريا متكتفه ونفسها تكففلهم البنتين طولو في الكلام والا يبو يجيبو كلام احمد عادي ماهمو مين اللي قدامو يتكلم عادي شويه طل في ماريا وشايفه طفشانه وتتأفف احمد:امم طيب اتفضلو على مشاريعكم وان شاءالله لما تخلصو حديكم ملاحظاتي البنات ابتسمو ومشيو احمد لف على ماريا :اشبك؟ ماريا :ولا شي احمد :طيب ايش قررتي ؟ ماريا :غرف الشباب احمد استغرب:دوبك قلتي اطفال ماريا :غيرت رأيي احمد :طيب اديك رأيي ماريا برده فعل سريعه :لا خلاص شكرا انا مقتنعه باختياري احمد استغرب:ماريا اشبك ؟منتي طبيعيه ماريا :لا ولاشي يالله حتجي ولاتروح لطالباتك ؟ احمد عقد حواجبو وابتسم ومو مستوعب:ماريا أنت تغاري؟ ماريا :لا طبعا احمد ابتسم :اممم طيب وماكأنو مزاجك انقلب بعد البنتين ؟ ماريا :احمد بتمشي ولا كيف ؟.. اقصد دكتور احمد احمد ابتسم اكثر:انت الوحيدة اباك تقوليلي احمد ماريا تحاول ماتبتسم :ليش؟ايش معنى؟ احمد :لانك غير عنهم كلهم ماريا ابتسمت غصبا عنها احمد بادلها الابتسامه :يالله نمشي اتوجهو لجهه المدرسه ويطالعو في الصغار ويضحكو على حركاتهم البريئه مرو على قسم المطاعم احمد :ايش تشربي؟ ماريا :عصير ليمون احمد يطلب :لو سمحت اثنين عصير ليمون احمد :طيب ايش تاكلي ؟ ماريا :لامابا شي احمد:اديني واحد بسكوت وقفو متكيين على الجدار احمد فتح البسكوت وقسمو نصين مد يدو لماريا ماريا :لالا شكرا احمد:افا بس ترديني ماريا اخذت القطعه :طيب شكرا خلصوا واتوجهو لغرفهم ماريا خايفه من اختيارها بس مصره ترد غيرتها احمد يطالع في الغرف فاضيه الشباب في الجامعه وبعضهم في الثانويه ماريا :امم انا كم غرفه مطلوب اني اسوي احمد:على راحتك بس اختاري غرفه بالنسبه للشباب وباقي مشروعك اللي هوا غرف ذوي الاحتياجات الخاصه مو حيساعدوك فيها ؟ ماريا:ايوا دخلو غرفه ماريا :امم هذي مناسبه خلاص حختار ذي احمد :طيب ولا يهمك انا حكلم المسؤليين وقت شغلك يفضولك الغرفه دخل بعد ماخلص دوامو الاول استغرب الباب مفتوح ماريا واحمد لفو على الباب استغرب :مين انتو؟ احمد مشي وسلم عليه :السلام عليكم انس:وعليكم السلاام احمد:انا الدكتور احمد من جامعه ... انس:اها انتو اللي مسوين المشاريع هنا ؟ احمد :ايوا انس :طيب؟ احمد يأشر على ماريا :هذي وحدة من طالبتي ومشروعها ديكورات في الغرف فاختارت غرفتك وبعض الغرف الثانيه فما ادري اذا حتسمحلنا ولا لا انس يطالع في ماريا :ايوا طبعا ماعندي مانع ماريا خافت من نظراتو مهي عارفه كيف حتشتغل براحه في صاله الانتظار جالسه على الكرسي وماسكه جوالها تطالع صور الحفله رائد :طيب انا حمشي افطر لسا بدري على الطيارة تبي شي؟ ريم تكمل مطالعه لجوالها :لا رائد:طيب براحتك قام وبعد عن المكان يطالع من بعيد يحاول يلاقي اللي يباه يطالع يمين يسار .... جات عينو على المكان مشي بهدوء ووقف قبالها واتحمحم ريم بعدت الجوال عن عينها ورفعت راسها بهدوء وبرود انفجججعت لما ششافتو قدامها :محمممممد؟؟؟ محمد :يعني مثلا حخليكم تسافرو بدوني بذي السهوله ؟ ريم وقفت تحاول تغطيه خايفه رائد يشوفو ريم سحبتو من يدو :تعاال بالله معايا محمد: دقيقه طيب ايش في ؟ ريم بعدت عن المكااان محمد ساب يدها :اشبك ؟ ريم:انت من جدك جاي تستهبل؟ايش تبا ؟ محمد:حلوة ذي ايش ابا زي ماهمها خطفو اختي انا ارجعها ريم:لا بالله احنا في فيلم هندي وانا مدري؟ محمد رفع حواجبو :اممم يعني قصه العصابه مهي فيلم هندي ريم:محمد اسمعني محمد الله يخليك امشي قبل محد يشوفك انت تبا اختك اختك حترجع محمد :ريم خلاص احنا اتكلمنا في ذا الموضوع سفر مافي انسي ولما تجيبلي كلام زي الاوادم اصدق ريم دمعت وتترجاه :محمد الله يخليك محمد اذا لتالين معزة عندك عشان خاطر اللي بينها وبيني الله يخليك امشي محمد اسمعني الله يخليك والله تالين ماحيصير فيها شي على ضمانتي صدقني محمد حزن عليها مررة شكلها وهيا تترجاه يحزن :طيب واختي ياريم ؟حرام عليك امي تعبانه ريم مسكت يدو :محمد اوعدك تالين حترجعلك سالمه غانمه مافيها شي وان شاءالله في اتم الصحه انت بس اوثق فيا محمد مو عارف أيش يقول ريم طالعت فيه وعيونها تترجاه :اوعدك والله اوثق فيا لو مرة وحده محمد ساب يدها ومشي ريم واقفه وتمسح دموعها دار عليها وبينهم مسافه :ريم انتبهي لتالين انتبهيلها ريم ابتسمت بين دموعها :حاضر لاتشيل هم مشي (في قلبو)ياارب اللهم اني استودعتك اختي فردها لي يارب العالمين يارب رجعت لمكانها رائد :انت وينك قلقتيني ريم تطالع باستغراب:نعم؟ وانت ايش دخلك انا وين رحت ؟ رائد يتأفف :اتكلمي بأدب لو مرة ريم :لما تتصرف بأدب انت حتكلم بأدب جلسو ورائد على حبو للسفر كره هذي السفره ونفسو الوقت يمر باسرع مايمكن بعد ساعه ... نادو على رحلتهم رائد :يالله اهو جات الطيارة ريم اخذت شنطتها وقامت وبعد الاجراءات طلعو الطيارة رائد جالس في الدرجه الاولى طبعا وماريا جنبو ريم تأشر للمظيفه :لو سمحتي ابا اغير مكاني المظيفه :طيب حاضر اتفضلي هنا (اشرت على المكان المقابل لمكان رائد) ريم:لا مابا (اشرت لمكان بعيد شويه )ابا هنا المظيفه :على راحتك اتفضلي الطيارة ماكانت زحمه ابدااا خصوصا انو سفرهم مو وقت اجازات ريم جلست وفيها نووووم تعبانه مررة اليومين اللي راحت ماذاقت فيها النوم الا دقايق وبتعب وقلق كمان غمضت عيونها ونامت ورائد قدو نايم ينادي من غرفتو :رباااااا .... يارباااااا ربا بعد ثواني ردت :نعممممم وليد:تعالي ابغاك شويه ربا اتوجهت من غرفتها لغرفتو وفتحت الباب :نعم؟ وليد:ايش رايكم ننزل نتغدى بره ؟ ربا ابتسمت ابتسامه عريضه :والله؟ وليد :ايوا اجل استهبل ربا:ياخي شكرا وليد طالع فيها باستغراب:ربا بالله روحي قلك شكرا حتى شكر ماتعرفي تشكري زي الناس ياشيخه سبيني ولا تشكريني ربا :اجل انقلع ويالله البس وليد يضحك :ايوا كذا انت ربا وليد قام يلبس ربا طارت لتالا وتطبل على الباب :تالووووه تاااالووووه قوووم بنتغدى برا تالا تكلم ابوها وتقفل اذنها عشان ازعاج ربا تحاول تسمع :ايوا بابا ايش قلت ؟ ربا باستهبال :بابا؟؟؟ يالله ياربااااااه تقول بابا هي انت دوبك والده وانا مدري تالا اتنهدت :بابا ممكن بعدين اكلمك ربا تكلمني شويه معليش ابو احمد :لايابابا عادي خذي راحتك تالا قفلت الجوال :لا حول ولاقوه الا بالله انت ماتقوليلي ايش تبغي؟ ربا ابتسمت :حنتغدى بره تالا:طيب؟ ربا :ماااالت على الحماس الميت (تعدد )لا حب لا مشاعر لا احساس لا حماس لا تعابير حشا جماد مو انسان تالا ضحكت ووطت صوتها :ايش دراك انت ... علت صوتها :طيب مو شغلك روحي اتجهزي يالله اتجهزو بسرعه وخرجو جوالو يدق ... بعد ثواني رد حسين:الو صاحب البيت:ايوا الو حسين حسين:ايوا نعم صاحب البيت:كيفك؟ حسين :الحمدالله صاحب البيت :والله مني عارف ايش اقلك بس صراحة انا احتاج البيت ضروري واباك تسلم مفاتيحو حسين مفجوع:ليييش ايش في صاحب البيت :معليه بس والله محتاجو مررة وحعطيك يومين تفضي حسين:طيب انا اعطيك اجار اكثر من حقوا ذا تباني ازيد حزيد صراحه عندي دوام ومني فاضي ادور صاحب البيت:انا عارف بس ابغاه مدة سنه وبعدها اذا تباه اديك حسين:انا ايش ابغا فيه بعد سنه صاحب البيت :اعتذر صراحه حسين :خلاص مو مشكله ادبرها مع السلامه صاحب البيت :مع السلامه حسين قفل واتأفف:ايش ذا كيف حدبرها ذحين مرة بالقوة لقيتو ولاابا فنادق ما ارتاح فيها استغفر الله خرج من البيت واتوجه للمطعم المعتاد قريب بيتو يتغدى دخل وجلس على الطاوله يفكر فين ممكن يلاقي قريب من الجامعه غير الفنادق جاه الجرسون :اهللين حسين حسين بطفش:اهلين الجرسون :ايش تامر فيه؟ حسين اعطاه طلبو بعد دقايق وصلو الطلب ياكل ويفكر دخلت المطعم وجلست على الطاوله مقابلو جاها الجرسون بطلبها بدون مايسألها عنو اشرت للجرسون ينادي حسين الجرسون نفذ طلبها ومشي حسين طل فيها واتذكرها وابتسم الحرمه المسنه :اهلين كيفك ؟ حسين :الحمدالله تمام وانت ؟ الحرمه :بخير حسين :وينك من زمان ماتجي هنا الحرمه المسنه :انتقلت لمنطقه جديدة وانشغلت شويه حسين :اهااا .... طيب فين المنطقه الحرمه المسنه :في شارع .... حسين يفكر مو بعيد ولاقريب خليني أسالها حسين:طيب في بيوت جديدة في المنطقه ؟لانو انا حاب انقل كمان الحرمه المسنه ابتسمت :ايوا في بيوت كثيرة حسين ابتسم :طيب انا حجي معاك بعد الغداء ابا اشوف وأستأجر الحرمة المسنه :ما اعتقد في ايجار كلو ملك حسين :طيب احسن المهم الاقي سكن خلصو غداء واتوجهو للمنطقه حسين يطالع في المنطقه باعجاب :اممم شي جميل الحرمه المسنه مبتسمه وتطالع في المكان :اعرف حسين يأشر على بيت :هذا باين حلو الحرمه المسنه ابتسمت :تعال نسأل جالس على الكرسي الخشبي وفوقو كلبو الحرمه المسنه :مساء الخير الرجال:مساء النور الحرمه المسنه :ممكن نشوف البيت الرجال:اكيد دارو البيت عباره عن طابقين حسين عجبو البيت الحرمه المسنه تأشر على البيت:بكم تبيع ذا البيت ؟ الرجال :41000يورو الحرمه المسنه :امم غالي بعض الشي؟؟ حسين برده فعل سريعه :لا لا خلاص مناسب الرجال بابتسامه اعجاب:اجل اتفقنا متى حاب تسكن ؟ حسين :في اقرب وقت الرجال :نسوي الاوراق اللازمه وتستلمو على طول حسين ارتاح انو بذي السرعه لقي خرجو من البيت حسين يطالع في الحي :وانت وين بيتك الحرمه المسنه مبتسمه :هذا حسين يطالع واستغرب :جنبي؟؟؟؟ بين بيتها وبيتو سور وشارع صغير للمرور الحرمه المسنه تعال نشرب شي حسين :لالا خلاص شكرا الحرمه المسنه :انا ماسألتك أنا أمرك امشي معايا حسين استغرب تصرفها ومشي معاها دخل بيتها يطالع فيها مافي ولا احد واثاثو هادي وشويه صورة عجوز صغيره على الطاوله وصورة كلب كبيررررة على الجدار حسين استغرب :ليش صورة الكلب بهذا الحجم وصورة العجوز ص قاطعتو:عشاني افضل الكلب على هذا العجوز لانوا وفى منو هذا العجوز زوجي واتزوج بوحده ثانيه حسين ابتسم مجامله :اهاا يطالع في البيت الصليب معلق وتحف غريبه فوق الرف يطالع في المكان باستغراب تام الرحمه المسنه :قوم جيب الكتاب اللي على الطاوله حسين اتوجه للطاوله ورفع الكتاب انفجع من عنوانو (محمد) (انتهى البارت الحادي عشر) |
رد: روايه نور في غسق الدجى (البارت الثاني عشر ) فتح عيونو على صوت المظيفه :لو سمحت رائد اتعدل بسرعه واتحمحم :وصلنا؟ المظيفه:ايوا رائد:يطالع في الشباك وبعدها جات عيونو عليها :يالله ذي لسا نايمه قام واتوجه لها ووقف قبالها واتحمحم... ريم مهي حاسه بشي رائد بصوت واطي :ريم ياريم ريم فتحت عيونها بشويش :ايش في ؟ رائد:قومي وصلنا ريم ترمش بعينها وتستوعب وعدلت جلستها رائد:يالله قومي ننزل ريم ماترد عليه رائد ما استناها وطفش من ذا الحال مشي ونزل ريم وقفت واخذت شنطتها ومشيت رائد واقف في درج الطيارة يطالع حولينو ومبتسم :الله الجو يجننن سبحان الله زي جدة (حول ملامحو لليأس)ونزل ريم تكلم المسؤل :ها كيف ذحين المسؤل:حننقلها للمستشفى طوالي طبعا لاتشيلو هم ريم اطمنت ونزلت في المطار ... ريم واقفه ورا رائد رائد يطالع قدامو :ايش قالو ؟ ريم :كان سألتهم لو يهمك رائد لف عليها :ريم اسمعي الاسلوب ذا ياريت يتغير خلاص ماصارت مين ممكن يسوي زيي يسفرها ويسيب اشغالو ودنيتو وهوا ماسوا فيها شي ترا مو انا اللي قلتلها ارمي نفسك هيا رمت نفسها ريم تطالع حولينها :وطي صوتك طيب رائد اتنرفز :ياشيخه روحي انت الكلام ضايع معاك ماهمك غير الناس خرجو من المطار واخذو سيارة في السيارة ... ريم :على وين رايحين ؟ رائد يطالع في الشباك :الفندق يعني وين ؟ ريم رفعت حاجبها :لا والله ايش نسوي في الفندق ؟ رائد لف عليها:نلعب مثلا ؟انت ايش رايك ؟الناس ايش يسو في الفندق ريم:كأنك قلبت عليا ؟احترم نفسك رائد:لا والله انا احترم نفسي ؟وانت ذي الفتره كلها مررة الاحترام مقطعك ريم سكتت رائد يطالع فيها واخذ نفس :الفندق مقابل المستشفى اخذت نفس ومسكت راسها :ااااه خلاص تعبت والله احمد :اشبك ؟ ماريا :والله تعبت من كثر ما اقلب في الورق والتصاميم ذي احمد ابتسم :طيب خلاص وقفي اصلا خلاص انتهى دوامنا ماريا :طيب الحمدالله احمد :ليش الشغل ملل؟ ماريا :لا دكتور مو ملل والله ابدااا بس متعب شويه من الصباح لين العصر وانا اشتغل احمد :طيب اسف ياطالبتي بس خلاص من بكرة انا مني معاكم والشغل يخف ويصير ممتع ماريا اتحولت ملامحها للحزن :ما اعتقد احمد ماسمع:ايش؟ ماريا:لالا ولاشي احمد قام :طيب انا حكمل اشراف على الباقيين ماريا :طيب اتفضل احمد راح ماريا عيونها عليه وتلعب بالقلم جا من وراها : متى حتبدأي شغل؟ ماريا لفت بسرعه ومفجوعه :نعم ؟ انس ابتسم :اشبك ؟ ماريا خافت :عفوا ايش تبا ؟ انس :لا بس كنت بسألك متى حتبدأو شغل ؟ ماريا :ان شاءالله من بكرة انس :اهااا ...طيب ليش اخترتي غرفتي ؟ ماريا موطيه راسها شويه وشويه ترفعو :والله عجبتني مساحتها لا اقل ولا اكثر انس مبتسم :طيب اقدر اساعدك ؟ ماريا مستغربه :كيف مافهمت ؟ انس :لا يعني كذا اساعدك في شغلك اركب احط اشيل يعني شي زي كذا ماريا تنحنت:لا شكرا اخويا مني محتاجه مساعده هذا شغلي وانا محاسبه على كل شي فيه يعني عليه درجات جامعه وكذا انس :اممم طيب اجل حجلس اطالع بس ماريا فتحت عينها :نعم؟؟ لا معليه ماينفع اصلا ممنوع واحنا نشتغل يكون فيها احد انس :طيب غرفتي ذي ماريا :حتى لو معليه ماينفع اعتذر اخويا انس مشي بطفش واداها ظهرو :طيب سلام ... وبلاشي من اخويا ذي ماريا مستغربه :والله لو احد ثاني كان كفختو بس حالتو حتسكتني رجعت ظهرها على الكرسي وتقلب الورق جا باتجاهها :ها ماريا خلصتي ؟ ماريا انتبهت واتعدلت :ايوا خلاص الحمدالله احمد :امم طيب كويس يالله انا ماشي ماريا :طيب احمد :ايوا صح بسألك ماريا :امم؟ اتفضل احمد :ايش كان يبا اممم انس اظن اسمو ؟ ماريا ابتسمت على خفيف وتبا ترد غيرتها:والله ولاشي يسعدو جاي يطمن بس احمد استغرب :كيف يعني ؟ ماريا :لا يعني جا يسألني كيف الشغل ومتى حبدأ ويعني كذا قلي نفسي اساعدك في الشغل وكذا احمد :طيب انت ايش قلتيلو ؟ ماريا :والله انا قلتلو ماينفع وكذا وانو هذي درجات جامعه مو بس شغل كذا احمد :ايوا وايش كمان ؟ ماريا :لا خلاص بس قلتلو كذا قال طيب بس حجلس اتفرجلك وانت تشتغلي احمد ابتسم بتعجب :ايوا؟ ماريا الفرحه بتقطعها حست انو بدأ يغار :امم انا قلتلو مايصير ولازم اكون لوحدي اشتغل احمد ابتسم :حرام ليش كان خليتيه يطالع ويتعلم اقلها اعتقد هذي كانت فكرتك كمان ماريا اتنرفزت :اعتقد فكرتي كانت لذوي الاحتياجات الخاصه مو ايتام احمد :طيب عادي غرفتو ماريا نفسها تذبحو عصبت :طيب ويعني ؟؟ احمد :اشبك ؟عادي يعني هوا في الاخير نبا الفايده تعم الكل ماريا قلبها وقف من برودو :طيب ولايهمك حخليه يمشي معايا طول الوقت ولو يوديني ويجيبني احسن يكسب اجر فيا كمان احمد ضحك :طيب اشبك كذا متنرفزة ؟ ماريا وقفت ومسكت اغراضها :ولا شي انا ماشيه سلام بعدت عن الكرسي وادتو ظهرها ومشيت بشويش احمد :طيب ماتبي تودعيني ؟ ماريا وقفت وقلبها وجعها دارت عليه :امم الله يوفقك يارب احمد :بس؟ ماريا باستغراب :ايش بس ؟ايش تباني اقول؟ احمد :يعني حتوحشني مثلا ماريا مفجوعه :نعم؟ احمد يضحك :امزح امزح ماريا :كنك نسيت انك دكتوري احمد :لامانسيت ياطالبتي ماريا :طيب يالله سلاام احمد :سلاااام في الطريق وليد :ها وين تبو تتغدو ؟ تالا:ربا تختار طبعا ربا :احم احم وليد :يالله اخلصي ربا :اصبر وي بفكر وليد يطالع في تالا من المرايا ومبتسم :خذي راحتك تالا ابتسمت ووطت راسها ربا :اممم ايووا ابا مطعم ..... وليد طل فيها :مسرع اخترتي ماشاءالله ربا:لاحوووول وليد يضحك :خلاص خلاص طيب ربا:امي بتجي بكرة ولا حيجلسو كمان ؟ وليد يطالع في الطريق:والله على اساس بكرة بس ما ادري لسا ما ادوني خبر اكيد ربا:ااها ...(تضحك)تخيييل امي امس كلمتني تقلي كنت جالسه في الحرم استنى الصلاه بعدين جات جنبي بنت قدي او اصغر مدري المهم قالت جلست اتكلم معاها وتجنن مررة حلوة ومن جدة جايه عمرة مع امها تقول مسكينه كل شويه تجبلي مويه وتنفذ طلباتي اننا وامها تقول يبالي اخذها لوليد (ضحكت بصوت اعلى) تالا قلبها وقف مع الكلام وليد طالع في ربا :وماشاءالله امي على طول كذا خطوبه ؟ ربا مبتسمه :انا ادري وليد :اممم والله انا اللي حختار ما ابا احد يختارلي ربا:اكشخ وانت ايش دراك بالبنات ولا وين حتشوفهم وليد طالع لتالا من المرايا وابتسم :انت ايش دخلك تالا تحس جبل وانزاح من قلبها ربا :امم بنشوف والله ماتاخذها لين اعرف كل شي فيها وليد :حتعرفيها ولايهمك ربا :بنشووف ..والله نفسي احضر زواج من زماااان مارحت زواج ربا لفت على تالا:يالله متى اشوفك عروسه وازفك وليد ضربها على راسها :اقول خليك في نفسك ايش عليك من الناس ربا اتنرفزت :وانت ايش لك صلااااااااح ؟ وليد :اقول انزلي انزلي فتحو الباب ونزلو ربا معصبه نزلت واتقدمت قدامهم ودخلت بسرعه تالا قفلت الباب وتبا تلحق ربا وليد قفل الباب وحط المفتاح في جيبو :والله لو ايش يسوو فيا ماحاخذ غيرك تالا وقفت ماقدرت تتحرك من مكانها وليد ابتسم ومشي تالا واقفه عند السيارة ووجهها ناااااار بعد ثواني استيعاب مشيت في المطعم .... ربا جالسه وماسكه جوالها وليد جا باتجاهها وسحب الكرسي :اشبك ؟ ربا :اشبي؟مافيا شي .. وين تالا ؟ وليد مسك جوالو وابتسم :هناك تالا دخلت وتدورلهم ربا تأشرلها جات باتجاههم وجلست جنب ربا ربا :اشبك أتاخرتي تالا تصلح طرحتها :ما أتاخرت انت اللي تجري ربا تطالع في الجواال وصفرت بشويش تالا تطالع فيها باستغراب ربا توري تالا الجوال:يالبيه اروحلك ابتسامه تالا تطالع باستغراب :مين ذا ؟ ربا:هذا دكتور ماريا مالت عليها حظظظظ تالا طالعت فيها بدون تعبير :هبله ربا اتنرفزت :ياشيخه روحي انت محد مالي عينك والله انو يجنن تالا:طيب يجنن ويعني ؟ ربا :ولا شي خليك في تفكيرك بس تالا تضحك :انت مانسيتي من ذاك اليوم ربا:لا طبعاا وعلى بالك حسيبك والا ما اكفشك الجرسون جا وليد يطالع فيهم :انا اخترت خلاص ربا :مسرع ماشاءالله متى لحقت وليد:شايفتني زيك ابربر تالا تقلب بسرعه واختارت ربا تقلب بشويش رفعت عينها تطلب( فتحت عينها باستغراب):ايش جابهم ذول هنا؟ تالا تطالع مكان ماربا تطالع :مين؟ وليد لف ربا :يامعفن لاتطالع فشله وليد رجع عليهم :انت شوفي نفسك كيف تطالعي تالا:اممم نسلم ولا؟ ربا :اكيد ايش رايك ؟فشله لو شافونا وماسلمنا ربا وتالا قامو :استنى احنا نسلم اول مشيو باتجاههم جالس على الطاوله قبالها مبتسم ربا مدت يدها ومبتسمه :هلا والله تالا مدت يدها بعدها :ياهلااا بدور وقفت وابتسمت :اهللللين ايش الصدفه الحلوة ذي ربا :شايفه كيف تالا :كيفك؟ بدور :تمام الحمدالله انتو كيفكم ؟ تالا وربا :تمام الحمدالله مراد موطي راسو تالا:طيب احنا نستأذن خذو راحتكم بس حبينا نسلم ربا:ايوا ونشوفك على خير ان شاءالله بدور:طيب اسمعو ربي جابكم كنت حتصل عليكم انو تجو بكرة عندي عشان عندي خالتي وماريا وكمان حكلم كم صحبه ليا ربا:والله ان شاءالله نشوف وليد كيف يقدر يودينا ولا لا بدور:يالله ياهو مو دايما نجتمع خلونا ننبسط شويه تالا:ان شاءالله ولايهمك بدور:تسلمو والله وانبسطت بشوفتكم سلمو ورجعو مكانهم ربا وتالا يسحبو الكرسي وجلسو وليد :ايش الهبل ذا فجاه اقوم انا بالدور هوا ؟ ربا:ايش يعني عادي تاالا:لاخلاص وقت ماتشوفو قام قوم سلم احسن وليد :يسلملي الرأي وصحبتو تالا قلبها في رجلها ربا تطالع وعينها مفتووووحه :ايش قلت ؟ وليد انتبه على نفسو .. اتحمحم بثقه:ايش قلت ؟ ربا تطالع بنص عين :لالا ولاشي سلامتك ماقلت شي الجرسون بدا يجيب الاكل ويحطو على الطاوله ربا بدت تشبك الخيوط ومسرحه تفتكر كل موقف وجه تالا احمر فيه وسرحانها ووليد وروقانو وكلامو وليد ماسك جوالو وارسل تالا مسكت جوالها (اشبك كذا ؟ عادي ايش يعني مصيرها تعرف واصلا انا ناوي اكلم اهلي قريبا لو ماعندك مانع طبعا ) تالا تقرأ بلعت ريقها (في قلبها )اشبو ذا ايش ناوي عليه الله يستر بس حطت الجوال وتاكل بشويش يشرب القهوة ويسمعها بانصات .... الحرمه المسنه تتكلم عن دينها وايجابياتو وسلبياتو بعد دقايق :خلاص انا خلصت حسين مبتسم الحرمه المسنه :تقدر تقلي ذحين ايش يعنيلك الإسلام؟ حسين ابتسم اكثر :اكيد اقدر حسين يتكلم بحماس ومبتسم :الإسلام صعب اني اختصرلك عن ديني صعب اني اتكلم عنو في دقايق الإسلام هدف ومنهج وحياة كل مسلم الطريق اللي مانضيع فيلو الإسلام الدين الوحيد اللي يخدم كل الامم والاديان والاجناس باختلافها الإسلام دين سلام وسماح ورأفه وعقل ربنا اكرمنا بالإسلام وانعم علينا بيه وارسلنا رسول يبينلنا مكانة وقدر هذا الإسلام يبينلنا اسس الحياه وليش احنا عايشين وارسلنا رسول غير كل الرسل رسول حسن خلقو ويمثلنا الإسلام باصولو وقواعدو رسول رحيم من رحمتو بينلنا الخير والشر يخاف علينا من العذاب يدعيلنا يرحم صغيرنا ويحترم كبيرنا يحسن للجار ويبر بالناس يتصدق ويحب امتو مادعا علينا معننا عذبناه وخالفنا كلامو واهم شي بينلنا كيف نعبد ربنا حق عبادته كيف نتقرب من ربنا ومانشرك بيه احد هوا خلقنا واكرمنا بكل شي يكفي انو هوا اعطانا الدين وارسلنا الرسل عشان نعبدو وندخل تحت رحمتو في اكرم من كذا؟ ليش بعد النعم كلها نكفر بيه ونشرك بيه غيرو ؟ انا مهما اتكلمت ماحوفي لاحق ربي ولاحق رسولي ولاحق ديني الحرمة المسنه مبتسمه :كلامك اقنعني كثير واسلوبك وانت تتكلم حسسني بجمال هذا الدين حسين :شوفي هذي بعض من ايجابيات ديني وفي الكثيير الكثير اصلا مافيه سلبيات دين كامل مكمل من الايجابيات بس اذا بتكلم عن سلبيات بتكلم عن سلبيات اللي طبقوه واللي ماطبقوه انت اللي كان موقفك عن الاسلام السياح اللي يجو هنا اعرف انو طبايعهم تتغير وللاسف يوصفو الاسلام بشكل خاطئ بس هذا من الجهل والتأثر بكم الحرمه المسنه باستغراب :بس احنا مو كذا ! حسين :الا كذا طبعا مو كلكم بس فيكم الخير وفيكم الشر واحنا نفس الشي فينا الخير وفينا الشر الحرمه المسنه تفكر حسين وقف:انا اسأذن ومتى ماتبي تستفسري عن شي انا حاضر الحرمه المسنه :شكرا حسين :العفو خرج من بيتها واتوجه لبيتو القديم يرتب اغراضو للنقل جوالو يدق .... مسك الجوال ورد :الو ابو حسين :ايوا احمد وينك احمد :في الطريق جاي ابو حسين :يالله انا استناك احمد :طيب قفلو بعد دقايق وصل ... نزل من السيارة ويطالع في الشركه باستغراب ماكان يتوقع شكلها كذا كانت بسيطه نوعا ما صح مرتبه بس مهي بالفخامه اللي متوقعها دخل وطلع الدور الثالث احمد يأشر :لو سمحت فين مكتب المدير ؟ الرجال يأشر:هناك على يدك اليمين حتلاقيه احمد يطالع في المكان :طيب شكرا اتوجه للمكتب يدق الباب ابو حسين :اتفضل احمد دخل ابو حسين رسم ابتسامه على وجهو :هلا والله احمد اتصنع ابتسامه وجلس ابو حسين :شوف يا احمد انا عارف الشركه مو ذاك المستوى بس هذا مو مهم اهم شي الشغل يزبط احمد :طيب من بكرة الدوام ؟ ابو حسين :ايوا طبعا احمد :طيب والمطلوب ؟ ابو حسين مد الورقه :اول شي اباك توقعلي على هذي الورقه عشان انقل املاك هذي الشركه باسمك احمد يطالع في الورقه وجات عينو على الاسمين المكتوبه عند الملكيه احمد باستغراب:ايش جاب اسم عمي ابو رائد ؟ ابو حسين :مو احنا املاكنا هوا المسؤل عنها زي منتا عارف فلازم ينكت باسمو واسم المالك الثاني اللي هوا انت احمد مبلم ابو حسين :شوف انت ماحتفهم في هذي الامور واعرف مالك فيها بس حتتعود شويه شويه انت وقع وبس احمد قلبو مقبوض وقع غصبا عنو بيشوف ايش نهايتها ابو حسين الابتسامه مافارقتو بدأ يعلم احمد على الشغل والمطلوب منو احمد بالقوه يستوعب مالو في شغل الشركات والاستثمارات يفكر ومتعمق في التفكير جوالو يدق ... قام من السرير ورد :هلا ياسر ياسر :هلا محمد كيفك ؟ محمد:تمام الحمد الله انت كيفك ؟ ياسر :والله الحمد الله بخير ياسر :اسمع امرك ولا تمرلي اليوم ؟ محمد:على وين ؟ ياسر :ياشيخ نروح أي مكان والله طفشان محمد:خلاص طيب ساعه واكون عندك ان شاءالله صراحه حتى انا ابغا اغير جو ياسر:خلاص استناك يالله سلام محمد:سلاام بعد ساعه في السيارة ياسر :امشي نروح البحر ذحين مدارس ووسط اسبوع مافي زحمه محمد :طيب يالله بعد وصولهم محمد وياسر جالسين على الكراسي قررريب البحر هدووء وصوتو هوا اللي ينسمع محمد وياسر منهمكين في التفكير وكل واحد في عالمو ياسر يطالع في البحر :شفت مروة مرة ثانيه محمد :والله ؟وين ؟ ياسر :في السوبر ماركت اللي قدام بيتي اصلا ساكنه في الفندق اللي قبالنا محمد مستغرب :لييش؟ ياسر :مني عارف والله محمد:طيب ؟وشافتك ؟ ياسر:ايوا بس طبعا كانت زعلانه اكيد واول ماشافتني اخذت بنتها وخرجت محمد :طيب انت ايش في بالك ذحين ؟ ياسر :ما ادري والله صراحه بدأت ترجع في بالي محمد:طيب كويس اتزوجها وخلصنا ياسر طل في محمد :اتزوجها ايش مستحيل اقلك معاها بنت كم مرة اقلك اشبك مو راضي تفهمني محمد:طيب يعني انت في بالها وهيا في بالك وجالسين تتفرجو لبعض طيب الين متى كذا ؟ ياسر:ابغاها ترجع وما ابغاها ترجع ما ادري كيف صراحه متلخبطه مشاعري محمد :طيب كلمها ياسر:لا طبعا ايش تباني اقلها وبيني وبينك ما احس بترجع كرامتها راحت لما جات ببيتي واترجتني محمد:اذا تحبك حتبيع كرامتها وبعدين فين الكرامه في الموضوع ترا الحب مافيه كرامات ياسر:انت ايش دراك ...المهم قلي انت ايش اخبارك ؟ محمد:لقينا تالين ياسر فتح عيونو :بالله ؟ محمد اتنهد :ياشيخ لقيتها ومافي فايدة ماكاني لقيتها ياسر مستغرب:ايش تقول انت ؟ مني فاهم شي؟ محمد جلس يحكي ياسر كل الحكايه ياسر :طيب كان قلتلي من اول افزعلك محمد:يعني ايش بتسوي ؟ ياسر :اقلها اسافر انا وياك بدون مايعرفو محمد:لاياشيخ ولو عرفو اختي تضيع من يدي ؟ ياسر:اصلا انت ايش عصابه ترا مهي داخله مخي محمد:يعني اانا اللي مصدق بس ما ادري ريم هذي ايش وراها ياسر:لالا ياشيخ ريم طيبه وبنت ناس واخلاق ومتربيه ما اعتقد تسوي شي بصحبتها خصوصا انه ممررة قريبين من بعض محمد :ايش دراني بس والله كلامها غصبا عني مستغربو ياسر :لا والله يعني هيا مهما كان عندها فلوس ومدري ايش ماهمها يعني فيها انسانيه مستحيل تخون صحبتها صدقني انت اطمن وماعليك محمد:وانت اشبك جالس ساعه تمدح فيها؟ ياسر ابتسم :اقول الحق انا محمد:لاياشيخ ياسر يضيع الموضوع :المهم اشتريلنا شي نشربو مسكت الجوال تتصل مروة :هلا والله بدور:يا اهللللين مروة :كيفك ؟ بدور :تمام الحمدالله انت كيفك ؟ مروة :الحمدالله بدور :وينك يختي من زمان عنك مروة :والله موجودة بس يعني تعرفي الواحد ينشغل بدور :اهااا بدور:طيب اسمعي اباك بكرة تجي عندي عازمة اهل زوجي بس خالتي وبنتها يعني وبنت خالتي ويعني اباك تجي منها اشوفك ومنها يتعرفو عليك مروة :امم ماشاءالله والله ما ادري ايش اقلك يعني بدور:لاتقولي ولاشي انا حستناك ومن جد نفسي تجي لاترديني مروة :خلاص ولايهمك مايصير خاطرك الا طيب بدور:تسلمي حبيبتي ..يالله اشوفك بكرة على خير مروة :ان شاءالله بدور:مع السلامه مروة :مع السلامه بدور قفلت وهيا مبتسمه دخل البيت يغني ومروق ... شافها جالسه ومبتسمه :السلام عليكم بدور:وعليكم السلام هلا والله مراد :حركات ايش الابتسامه ذي الله يديمها بدور: دوبي كلمت مروة وحتجي بكرة معاهم مراد :الله الله وذي الابتسامه كلها عشانها ؟ بدور:والله البنت طيبه وتونس و مراد قاطعها :خلاص خلاص ذحين تجلس تمدح فيها سنه بدور تضحك مراد :طيب يالله قومي ماتبي تجيبي اغراض ؟ بدور:الاطبعا يالله حقوم البس مراد :استناك في السيارة بدور:طيب دخل المطبخ واخذ كاسه واتوجه للثلاجه فتح الثلاجه جات من ورا باب الثلاجه رفع راسو ...قفلت باب الثلاجه بسرعه وليد انفجع :بسم الله ربا :خير شايف جنيه ؟ وليد :الجنيه اهون ربا :انققققققلع وليد :احد يدخل زي كذا ربا:مو شغلك وليد اخذ جك العصير وجلس على الطاوله يصبو ربا جلست قبالو تطالع فيه وليد مسك الكاسه يشرب ونزلها ... اشبك ؟ ربا مبتسمه :انت اللي اشبك ؟ وليد :ايش اشبي انا ؟ ربا :يعني اشبك ذي اليومين مروق ماشاءالله تف تف غريبه وليد :اعوذ بالله حاسدتني ربا :قلت ماشاءالله مالت عليك وليد :طيب ايش تبي ربا ابتسمت اكثررر وحطت يدينها تحت ذقنها وغمزتلو :تحبها؟ وليد رفع حواجبو ومستغرب :مين هيا ؟؟ ربا :جدتي يعني ميييين ؟ وليد :ربا انتي ايش تبي ؟ ربا :ذحين انت قلي تحبها ؟ وليد :انت ايش رايك؟ ربا :والله صراحه اشوفكم روميو وجولييت وطاقينها مغامرات كل يوم والله اشك انت اللي مقنع امي تروح تسوي عمرة وليد ضحك :استغفر الله ربا :طيب ايش دراك انها تحبك ؟ وليد :مو شغلك انت ايش دخلك ؟ ربا :مالت عليك هذا وانا بساعدك واشبكلك وليد :مشكورة ماتقصري مايحتاج شبكت نفسي بنفسي ربا :اخس والله منتا هين بعد ثوانيي ربا :طيب وليد اسمع وليد :اللهم طولك ياروح .. ايش تبي كمان ؟ ربا :ايش ناوي تسوي معاها ؟ يعني اقصد الين وين حتوصلو ؟ وليد :والله ما ادري الين متى بس حستغل وجود ابويا هنا قبل مايسافر مني عارف متى حقلهم بس افكر قريبا وفي الوقت المناسب ان شاءالله ربا :واخيرا بنحضر زواج وليد طالع بنص عين :ذحين ذا اللي همك ربا :اكيد طبعا والله حبيبي انت وياها بتتزوجو وتنبسطو وانا ايش فايدتي في الموضوع اقلها انبسط في الزواج وليد ساكت ربا :طيب ياخي سوي اكشن استغل الفرصه اليوم اخر يوم لكم سوا وليد مخطط للملاهي :طيب ان شاءالله يصير خير ماعليك انت ربا :اممم طيب انا بقوم استخبر معاها هيا وليد يحرك راسو باسف :الله يعيننا عليك ربا قامت واتوجهت للغرفه دخلت مبتسمه تالا فوق السرير منسدحه وماسكه ظهرها ربا دخلت :اشبك بتنامي ؟ تالا:لا طبعا بس ظهري وبطني يوجعوني شويه ربا:ليش جاتك الانسه ؟ تالا:امم ربا :طيب روحي قولي لوليد يجيبلك حبوب تالا فتحت عينها :نعممم؟ ربا :اشبك ؟عادي قوليلو جاتني وابا حبوب شي طبيعي ترا تالا:ربا انقلعي بالله استخف عقلك ربا تضحك وغمزتلها :ولاعشانو حبيبك ماينفع ؟ تالا جلست ومفجوعه :ربا انت صاحيه ؟ ربا تطالع في نفسها من فوق لتحت :الحمدالله مافيا شي سالمه غانمه تالا:اشك والله ربا جلست عندها :تحبيه ؟ تالا اختفت التعابير من وجهها :مين هوا ؟ ربا :جدي مين يعني ؟ تالا :ربا انت ايش تبي ؟ ربا بصوت واطي :اقول اشبهم ذولا متفقين على الكلام ولا ايه ربا :تالا صحصي معايا وليد تحبيه ؟ تالا وجهها احمر ربا :اهااااااا من حمرة الوجه اعرف الجواب طيب قوليلي ايش احساسك تالا ساكته ربا :والله عمري ما اتوقعت تحبي هذا واحنا متفقين نتقاسمو بس عاد ذا خذيه لك تالا تضحك ربا :يالله ياهو تالا:ايش في ؟ ربا :قوليلي كيف ومتى وليش حبيتيه ؟ تالا وجهها احمر وقلبها يدق مع الكلام :اممم يعني ما ادري احس كل شي جا لوحدو كل الاحاسيس في يوم وليله اتجمعت ماا ادري بس حسيت قلبي ينبسط بشوفتو ويدق كل ماسمع صوتو احسو يفهمني ويعرف تفكيري ربا حطت يدها على جبينها :اااااه ياربي وينك ياماريا تسمعي اللي اسمعوووو شي مايستوعبو عقلللللي تالا:ربا ياهبله بالله قومي انت محد يكلمك تخربي ام الجو ربا: خفي علللللينننننا ياعبله خفي علينا ياليلى تالا:ربــــــــــــــــــــــــــــا ربا قامت تضحك وغمزتلها :ولايهمك ازبطكم قاعد على التويتر يكتب (لوهله ظننت ان الدنيا قد نشرت لي ماتحتويه من سعاده وجعلتني التقي بأنقى سكانها لكن سرعان مااقفلت ابوابها وارجعتني لهموم قد استنزفت كل طاقتي ) قفل اللاب وانسدح وحط يدو على جبينو ويفكرر مو عارف القرار اللي اتخذو صح ولاغلط مايعرف ايش العواقب اللي تنتظرو في جهه ثانيه قامت من النوم واتوجهت للحمام وبدلت ورجعت مسكت جوالها تشوف مين ارسلها وايش الاخبار لفلفت في الجوال وردت على اللي تباه وقفلت منسدحه فوق سريرها ومافيها تقوم تسوي شي ...جا على بالها ومهي داريه كيف تتابع اخبارو اخذت الجهاز من جنبها وفتحتو تفتش وتتابع فتحت التويتر دايما متابعتو باستمرار قرأت اللي كتبتو شالت همو مرررررة وزاد تفكيرها بيه قفلت الجهاز وجلست طفشانه نفسها تعرف اشبو لسا الصباح كان مروق وقفت وتدور في غرفتها رايحه جايه جلست على الكنبه ومسكت الجوال (في قلبها )ارسل ولا لا اخاف ارسل يقول اشبها ذي لالا فشله .. طيب ياربي كيف اعرف اشبو استغفر الله العظيم بس طيب خلاص حرسل كلمتين واعرف اشبو واللي يصير يصير فتحت جوالها وارسلت (اشبك؟ فيك شي؟) احمد مسك جوالو بطفش مو عارف مين ارسلو مررة ماعندو اصحاب ومو مختلط باحد كثير شاف اسمها مسك الجوال تمام واتعدل اتنهد مع الرساله (في قلبو)معقوله حاسه فيا ايش اقلها ؟من جد نفسي اشتكيلها معنو عمري ما اشتكيت لاحد ارسلها(تعبان ومهوم) ماريا مسرحه ومع صوت الجوال انفجعت فتحت رسالتو وشهقت :اشبوووووو ؟ ارسلت (طيب ايش اللي حاس فيه ؟) احمد مسك الجوال ويكتبلها ويتخيلها قدامو (مرة متضايق وقلبي مهموم ) ماريا بلعت ريقها (طيب فضفضلي اتكلم انا اسمعك) احمد ابتسم شويه (انا وقعت على عقد الشركه خلاص بس مني مرتاح ياماريا مني حاب الشغل نفسي ارجع لشغلي ) ماريا حاطه نفسها في مكانو ومبادلتو احساسو (طيب ماتقدر ترجع يااحمد ؟) احمد ملامحو كلها هم (لا ياريت خلاص هذي عقود ومافيها لعب ) ماريا اتحطمت (طيب ايش حتسوي؟) احمد ضايع (والله ما ادري ياماريا مررة محتار ) ماريا تبا تساعدو باي طريقه (طيب ايش اقدر اساعدك فيه يخفف عنك ؟) احمد انبسط شويه (يكفي انك تكلميني ذحين قاعده تخففي عليا ) ماريا ابتسمت بحزن (اتمنى بصراحه اساعدك واذا احتجت أي شي انا موجودة واعتبرني اللي تبغاه) احمد ابتسم اكثر (تسلمي والله الله لايحرمني منك من جد انا معتبرك شي كبير بالنسبه ليا ) ماريا قلبها يدق ومبسوطة (الله يسلمك ولامنك وانا كمان انت بالنسبه ليا اكثر من دكتوري ) احمد ارتاح (والله ريحتيني بكلامك ) ماريا مبتسمه (طيب الحمدالله دوم ان شاءالله ) احمد (اميين وياك ) ماريا (طيب تامر على شي يادكتور؟) احمد مايباها تقفل (ايش قلنا على دكتور ؟) ماريا تضحك (طيب خلاص ولايهمك تامر على شي يا احمد ؟) احمد (ايوا كذا وبعدين ايوا امر على شي ) ماريا مستغربه (اتفضل ) احمد (اتمنى صراحه اننا نكون متواصلين ياريت يعني اذا مايضرك ) ماريا خايفه ومترددة (اممم ماا ادري) احمد (طيب شوفي انا حكون موجود أي وقت واتمنى اقلها الوقت اللي تحتاجيني او احتاجك فيه نوصل لبعض ) ماريا ارتاحت (طيب ولايهمك كذا كويس ) احمد مبتسم (طيب خذي راحتك ) ماريا (سلام) احمد (سلام) مسكت جوالها وضمتو لها وغمضت عيونها (في قلبها)يارب لاتحرممممممني احمد مبتسم ويطالع في الجوال ويعيد ويقرا المحادثه كذا مرررة انسدح على السرير ويدينو تحت راسو ويطالع فوق ويفكررر (انتهى البارت الثاني عشر ) |
رد: روايه نور في غسق الدجى الفصل الثالث عشر في احد اشوارع نازل من السيارة:يالله تصبح على خير محمد:وانت من اهلو معنو بدري ياسر:عارف بس فيا نووم والله محمد:طيب يالله قفل الباب ياسر طالع فيه بعيون كلها نوم :طرردة محمد ابتسم:ياسر بالله روح نام ياسر ضحك وعيونو نعسانه قفل باب السيارة يمشي بشويييش محمد حرك وبعد عن المكان يمشي ويطالع في الشارع وفي سيارتو من كم يوم ماحركها :يالله مغبرررة يالله يالله مو مشكله بكرة نحركها اتوجه لعمارتو وقفت سيارة قدام الفندق المقابل للعمارة من هدوء الشارع التفت للسيارة خرجت من الفندق مع بنتها وطلعت السيارة ياسر فتح عيونو وطار نص النوم ابتسم :ياخي ليش ما اشغل السيارة ذحين ؟ مشي لسيارتو وركب وحرك وراهم (عندو امل يصير شي يخلي ايامو كلها حماس ) في غرفتو ماسك جوالو وارسلها (يالله اتجهزو ذحين حنخرج بس اهم شي لاتحسسيها بحاجه ) في غرفتهم جالسين على السرير وكل وحدة ماسكه جوالها عدلت جلستها وقرأت وهيا مبتسمه تطالع فيها باستغراب :لناا الل على الابتسامه ذي طالعت فيها وضحكت :ربا وحشتني ماريا بالله ايش رايك نروح عندها ربا مستغربه :سكنهم مساكنهم يارب خير حبيبي فجاه ؟؟ تالا بترجي :يالله يالله كلمي وليد بكرا حتجي خالتي وبنجلس في البيت ومدري متى حنشوفها ربا مطنشه ... تاا ترفع صوتها :ربااااا يالله ربا طالعت وابتسمت بخبث :قومي انت قوليلو تالا وجهها راح :رباا بلا هباله ربا انسدحت :هيا اجل مني قايلتلو تاا عصبت :انا الهبله اللي اطلب منك شي اصلا ربا ضحكت :خلااااص اكلتيني بقووم قامت من السرير وخرجت من الغرفه واتوجهت لغرفتو فتحت الباب بقوة وليد انفجع :بسم الله ربا عصبت :هي انت ليش تسمي كل ماتشوفني وليد:كم مرة اقلك في شي اسمو دق الباب ربا بدون اهتمام :اقول هي نبا نروح عند ماريا وليد ابتسم :ليش؟ ربا باستغراب :حلوة ذي ليش كيفنا ياخي صحبتنا وليد :تصدقي لو يقولولي اتمنى حتمنى اشوفك مع زوجك مدري بس احس من اول يوم بيتزوج عليك ربا فتحت عيونها :انقلللع وليد يضحك :طيب المهم يالله اتجهزو طيب ربا اعطتو ظهرها ونزلت ... رجعت لغرفتو برده فعل سريعه وباستغراب :دقيقه دقيقه ليش نروح اليوم عند ماريا خلاص بلاش تلاقي تالا نسيت وليد :طيب ايش يعني روحو اخرجو مدامكم كذا بس في البيت ربا تفكرر... وليد خايف تغير رايها :يالله يالله انا بلبس قاك من سريرو ودفها بشويش :بسررعه لاتتأخرو (قفل الباب) ربا متنحه ومستغررربه ولسا واقفه برا غرفتو تالا لبست واتجهزت وخرجت من الغرفه وتطالع في ربا :هييييي ايش قال ؟ اكيد وافق صح ؟ ربا طالعت فيها :ايش دراك ؟ تالا ارتبكت :لا بس ما اتوقع يرفض ربا :اممممممممم لاياشيخه تالا :ربا يالله روحييي البسي بسرررعه ترا ماريا كلمتني وقالتلي على اخباررررر عجيبه ربا اتحمست :شف ال... ولاتقلي حتى انا اوررريها راحت لغرفتها واتجهزت بسرعه بعد دقايق كلهم في السيارة .... وليد متكشخ باين الحماس عليه تالا بنفس حماسو ربا ماسكه الجوال وتتوعد :انا اوريك ياماريا تخبين علياااا تالا خاااافت ينفضحو مسكت جوالها بسررعه وكتبتلها (ماررريا لاتردي على ربااا انتبهي بعدين افهمك ايش القصه بس لاتردي عليها امانه ) ربا ارسلتلها (لاحياااااا ولاحشمه عيني عييينك تخونيييني وتقولي لتالا اخر الاخبار ولاتقوليلي لكن اوريك جايتك تراني وبنتحاسب حسافه تربيتي لك ) ماريا تقرا وكل علامات التعجب على وجهها مهي فاهمه شي دقت على تالا جوال تالا يرن ... تالا مسكت جوالها واتوترت تالا :الو ماريا :هيييي ايش في؟؟؟ تالا:هلا ماريا ماريا :ايش هلاا ايش في فهميني ؟ تاالا :تمام والله الحمدالله انتي كيفك؟؟ ماريا /تستهبلي انتي؟؟؟ ربا تهز برجولها والحقد طالع من عيونها ماردت عليها وبكل برود تكلم تالا تالا :وانت كمان وحشتيييني ماريا :حسبي الله على بلسيك جنيتي انت ؟؟ تالا تضحك :ولايهمك خلاص في الطريق ماريا :تالاا هيي انت شاااربه ؟؟؟ وليد يحاول يصلح الموقف طالع في ربا اللي بتنفجر :ايوا كيف الجامعه؟ ربا ماردت وليد :هيي ربا ربا ولاجايبه خبرو وليد :يا اااانسه انا اكلمك رباا انفجررت فيه :خيرررررر هااا ايش تبا ؟؟؟؟ الجامعه ؟؟ زباااله اللهم لك الحمد خلاص اطمنت؟ وليد مفجوع :بسم الله الرحمن الرحيم ربا :ولايهمك مرة ثانيه بعطيك حصن المسلم كل ماتشوفني تقراؤ وليد :ياساتر يارب اشبك؟ ربا تحرك رجولها بسررعه :مالك صلاح طالع في طريقك وياريت تسرع عندي ناس بتفااهم معاهم تالا متوترة وفيها ضحك ماريا تسمع ربا :ياااا....اشبها ربا ؟؟؟؟ اش سويت انا شويه وتذبحني تالا :امممم طيب ولايهمك اهو قربنا يالله نكمل حكاوي بعدين ان شاءالله ماريا تصرررخ :تاااااااااااااااااااااالاااااااااااااااا تالا خافت وقفلت في وجهها وليد يطالع من المرابا ويأشر لتالا ايش في ؟ تالا تاأشر براسها لا تحاول تطمنو وليد زاد السرعه بعد دقاايق .... ربا تطالع في وليد :ايش الطريق ذي ؟ وليد :اشبك ماتبي تشيليلها شي معاك طيب ؟ ربا فتحت عيونها :انت ايش دخللللك احد قلك طلع كرمك ؟؟؟مانبا نشيللها شي كيفييي ياخي وليد فطس ضحك ربا عصبت اكثر :عمى يعمي بليس واهلو تالا سااكته ثواني ووقف السيارة عند المواقف وليد وتالا فتحو الابواب ونزلو ربا تطالع في السيارات والمكان اللي هما فيه :على ويين انت وياها ؟؟؟ وليد :يالله ماتبي تنزلي ؟ ربا :انزل وين انا مني شايفه بيت ماريا قدامي تالا دارت جهتها ونزلتها من السيارة بقوة :قوووومي يالله ربا نزلت وسحبت يدها من تالا :سلااامات اشبو الشعب اليوم مجنون؟؟ وليد :سبنالك العقل اصلا تاالا تأشر لوليد يسكت وليد ابتسم واشر بصباعو على عيونو اليمين بعدين الشمال (من عيوني ) ربا متكتفه :مني متحركه من هنا وليد مشي :خليك احنا حنروح تالا مشيت وراه ربا قلبت وجهها منهم وليد قفل السيارة من بعيد ربا طالعت فيه بحقد :عادي حجلس بره السيارة وليد ابتسم :بكيفك بالعكس يحلالي الجو بدونك (غمزلها )وانت عارفه ليش ربا طعت قرونها ولاردت عليه عيونها شويه ويطلع شرارة منها تالا مهي مستوعبه اللي يقولو وليد بس ماتقدر تقول شي لين تجي ربا وليد اشر لتالا وكملو مشي ربا تطالع في المكان وتهز رجلها بقهرر دخلت سيارة ووقفتجنب سيارتهم ربا خافت وماطلت يطالعو فيها باستغراب نزلت وماسكه بنتها في يدها ةكلهم يطالعو فيها ربا حست وقفتها غلط بعد ثواني دخلت السيارة الثانيه ربا تطالع :يالله ايش ذا والله فشله خليني الحقهم احسن اول مرة تجي ذا المكان مشيت بخطوات بسريعه وحاولت تسبقهم وليد وتالا يمشو بشويش يبوها تجي ربا مشيت باتجاههم وليد طالع وابتسم باستهزاء :اشبك جيتي؟ تالا مبتسمه وفرحت بجيتها ربا بدون ماتطالع فيهم :اخلصووو بسرعه انا بروح تالا :طيب من عيوني انت امشي بس مشيو شويه وبان المكان المكان كبييييير ومن اكبر الاماكن الترفيهيه لسا المكان جدييد ويبهر بكل اللي فيه ربا تطالع ومفجوعه :ايش حتشترو من هنننا؟؟؟ تالا:ماحنشتري شي وليد :اصلا ماحتروحو عند ماريا ربا تطالع وتحاول تستوعب تالا:احنا حبينا نبسطك بعد تعبك وطبعااا اعرفك احلى شي عندك الملاهي ربا تطالع والابتسامه اترسمت على وجهها وليد :معنو المكان سخيف زيك بس تالا اللي اصرت نجي هنا وطبعا ماحردلها طلب ربا بتتشقق من الفرح نطت على تالا وحضنتها تالا تضحك :هبله ياربي من يومهااا وليد :فضحتينا انت وجه احد يوديك ؟؟ حدك لفه على البيت ربا تطالع فيه مبتسمه :مابرد عليك وقفت قدامهم وتطالع في المكان كل الالعاب تحتاج لروح مغامرة ربا:الله جينا للحماااس وليد:طيب استنو اجيب البطايق واجي ربا:انا ماحصبر جيب الفلوس وانا اروح خليك انت مع حرمتك تالا شهقت :ايييييش ؟؟؟ وليد فطس ضحك :والله لو تطلبي مليون على كلمتك ذي مابردك مدلها يدو واخذت الفلوس وراحت جري وليد عين على تالا وعين على ربا ومبتسم تالا تطالع في الارض ونفسها تبلعها الارض من الاحراج لحظه صمت مرت بينهم جات باتجاههم متحمسسه :مين اللي بيلعب ؟ وليد وتالا يطالعو في بعض ربا تطالع في وليد :اخلص انت ترا تالا بتلعب وليد ابتسم وطالع في تالا :اجل اكييد حلعب تالا مستغربه :لسا ماقلت اني بلعب اصلا ربا:مو على كيفك مسكت تالا من يدها :الله مشييينا ربا تطالع في الالعاب وتاشر على اللعبه :حنركب هذي تالا تطالع في اللعبه وشهقت :مجنونة انت ؟شوفي كيف مرتفعه ربا:عادي عادي ماتسوي شي ترا بس ترتفع شويتين وتنقلب بشويش وخلاص تالا مترددة ربا مسكت يدها ودخلتها وليد جلس في الطرف وجنبو ربا وجنبها تالا ربطو احزمتهم وسوو كل الحمايات ربا متعمده :يووووه مو حلو ذا المكان قامت وجلست قبالهم على اليسار تالا تطالع جنبها المسافه صغيره اللي بينهم اللعبه بدات ربا ماتبا تطالع ي تالا عشان لاتديها نظره حقد وليد مروق واهمو شي غير تالا تالا غمضت عيونها ورجت راسها على ورا وماسكه بقووة اللعبه كل مالها ترتفع ... في ثواني صارت على ارتفاع عاااااالي مرررة تاا خاييفه تحاول تصلح عبايتها بدون ماتطالع وليد اتقصد يقرب يدو تالا مسكت يد بالغلط اللعبه نزززلت فجاااه بسررررعه تالا شالت يدها وغمضت عيونها بقوة وصرخت :انا اوووووورررررريك ياربااااااا ربا عيونها تدمع من الضحك والحماس اللي فيها تصررخ كل شويه عشان لاتسمع تااالا بعد كم دقيقه وقفت اللعبه تالا ماصدقت وشالت الحزام بسرعه ونزلت ووراها ربا ووليد ربا ماكأنها مسويه شي تطالع في المكان :ها وين حنروح ذحين ؟ تالا متكتفه :ماحروح مكان ربا :ليش ياهو بس كم لعبه تال ماتبا تكسر حماسها :لاوالله دااايخه انا حشوفك واحمسك من برا ووانت ووليد العبو تالا تدور كرسي ومشيت ربا تهمسلو :اسمع قول انو انت تبا تجلس عشان هيا تبطل وتجي معايا وليد يطالع باستغراب:ليش ايش شايفتني عشان ماتبا تجلس معايا ربا :وليد مني فاضيتلك بتجلس ولا العب لوحدي ؟ وليد راح بعيد عنهم ربا بدون اهتمام :بكيفك اتوجهت لتالا :هي تالا امسكي شنطتي بالله انا ما اعرفك بروح العب واطلع كل اللي في راسي ربا راحت تالا تطالع ومستغربه وين راح وليد في جهه ثانيه يمشي ويطالع في المكان :والله مكان حلو بس ايش الطفش ذا ابا العب معاها مو اجلس اراقب استغفر الله ولاتلعب لعبه واقفه عند المحل ها ايش تبي؟ لمى تأشر :هذيك الحلاوة مروة :لو سمحت اديني هذي الرجال اعطاها وحاسبت ومشيت تطالع في بنتها :ذحين ايش تبي تلعبي ؟ طالعت في الالعاب :اغلب الالعاب حق كبار ماسكه الحلاوة :ما ادري ابا العب العاب صغار مروة تتأفف:استغفرالله وين ادورلك العاب صغار ؟ امشي نروح هناك يطالع من بعيد :ايش حيجلسو ذولا ين متى كذا ؟؟ مرت بسررعه من جنبو :اخيرررررا وصلت لف عليها مستغرب بعد ما ادتو ظهرها :طالعي في اللي قدامك لو سمحتي دارت على ورا تدور مصدر الصوت واااانفجعت :اااننننتتتت؟؟؟؟ فتح عيونو باستغراب اكثر :انتيييي؟؟؟ ربا غيرت ملامحها للجديه :انت ايش تبا ؟ ياسر :انتي ايش دخلك جاي عندك انا؟؟ ربا :ياسبحان الله بنفس قله الادب ما اتغيرت ياسر رفع حاجبو :وبنفس وقاحه الردود الجاهزة ربا مفجوعه :انت هيييي احترم نفسسسسسك ياسر مو فايق :تراني طفشاااااان امشي نلعب ربا صنمت مكانها :خيرررر خلفتك ونسيتك ؟؟؟؟ ياسر أتأفف :ترا مني فاضي لتعليقاتك ربا اتكتفت :لاوالله اجل انا اللي فاضيه لامثالك ؟؟ واقفه تدور براسها لاي العاب صغار او أي لوحه تبينلها مكانهم :انا ويين ادور بالله تسحب يدها :ماما ماااماا شوفي هذا اللي اعطاني العصير سابت يدها وجريت عليه :عموووووو ياسر طالع باستغراب ربا تطالع في البنت لمى مبتسسسمه على الاخير :شفتك مرة ثانيه عرفتني ؟؟؟ ياسر ابتسم تسليك :امم ايوا اكييد مروة منجلطه مكانها ربا استوعبت وقفتها .. اعطتو ظهرها :اهو لقيتلك بنت تلعب معاها ادتو ظهرها ومشيت ياسر مسكها من يدها :استتتتني ربا دارت مفجوعه مروة تحس النفس انقطع عنها فجاه غمضت عيونها وفتحتها تحاول تستوعب ربا عصببببت :سيييييييييب يدي حسبي الله عليك مروة مشيت باتجاههم بعصبيييه مسكت يد لمى :امشي معاااايا ربا طالعت في مروة والبنت مهي فاهمه ليش العصبيه بس ماهمها ياسر يطالع في مروة مفجوع ما انتبهلها طالع في ربا اللي ترجع على وراها باستغراب وتحرك راسها بنفي:والله شكلك تلعب ميه بنت ياسر :لااااا انت منتي فاهمه شي استني ربا مشيت بسرعه وسابتو ياسر حط يدو على راسو :استغفر الله وين الحماس في الموضوع بكحلها عميتها يمشي وحامل في يدو اغراض ... اتوجهلها :ممكن اجلس ؟ تاالا استحت من ادبو :اكيد اتفضل بعدت وخلت مسافه بينهم وليد حط الاغراض في المسافه ذي تالا تطالع وليد مسك العصير وفتحو ومد يدو :خذي تالا:لالا شكرا وليد :انا ما اعرض عليك تال ابتسمت باعجاب :ياسلام امر يعني؟ وليد بدون مايطالع فيها :ايوا تالا اخذت العصير وليد فتح عصيرو واثنينتهم يطالعو في الناس والمكان تالا تطالع في اللي قدامها ومسررحه وليد يطالع مكان ماتطالع ومسترب من اندماجها (بنت كفيفه ومبتسمه جالسه تسمع الاصوات اللي حولينها ) وليد :اشبك ؟ تالا وكل ملامحها حنيه :الحمد الله الذي فضلنا على كثير من خلقه وليد :امم الحمدالله تااالا:بالله وليد هذي البنت مثلا كيف تعيش وتمارس حياتها عادي ؟ وليد :يعني سبحان الله ربك ياخذ شي ويعطي شي اذا ربي اخذ منها النظر حتلاقيها تسمع احسن مننا او لسانها اطيب من السنتنا يعني اذا اخذ البصر اكيد حيقوي لها حاسه ثانيه تالا:طيب يعني ماتحس انها نفسها تشوف العالم مو بس تسمعهم ؟ وليد :اكيد بس ربك مايضيع حق احد هيت مغفورة ذنوبها باذن الله يعني في مقابل احسن من الناس الصاحيين تاا تطالع فيها :ما ادري كيف تمشي ولاكيف تاكل بس سبحان الله وليد ابتسم :طيب تبي تجربي ؟ تالا استغربت :اجرب ايش ؟ وليد ساب اللي في يدو ووقف :قومي تالا وقفت ولسا مهي فاهمه شي وليد :اوقفي قدامي واعطيني ظهرك تاالا وقفت قدامو زي ماقلها :ايش في؟ وليد :غمضي عيونك وبس مدة دقيقه حاولي تمشي او تسوي أي شي انت تسويه دايما عشان تعرفي كيف هما يعيشو تالا ابتسمت وغمضت عيونها وليد مبتسم :يالله امشي تالا رفعت يدينها عشان تحس اللي قدامها والابتسامه ماتفارقها وليد يطالع وعاجبو شكلها البريئ تاا:يالله مررة صعب وليد :طيب وقفي وحاولي تسمعي اللي حولينك تالا وقفت ونزلت يدها وتسمع بانصات جا من وراها قرب مررة :و اتقدمتلك حتوافقي ؟؟؟ وليد رجع على وراا بسررعه تالا مصنمه مكانها قفلت عيونها اكثررررر وبقوه قلبها يدق ورا بعض حاولت تتدارك الموقف لفت عليه :ايش ذا .؟ وليد مبتسم (غمزلها):ها كيف بس سمعتي مزبوط ؟؟؟ تالا من احراجا عصبت ورجعت للكرسي لفت راسها وترحك رجولها من التوتر وليد :طيب ليش معصبه ؟ تال مبتسمه بدون ماتطالع فيه :مالك صلاح وليد يضحك :تعرفي انو شكلك وانت منحرجه احلى من الطبيعي ؟ تالا لفت عليه :نعمممممم؟؟؟ جات باتجاههم وملامحها خوف على ضحك على استغراب جلست في الكرسي بدون أي كلمه وليد مستغرب :اشبك رجعتي ؟ ربا طالعت بنص عين :ليش خربت عليكم الجو ؟؟ تالا بلعت ريقها :ايش الكللام ذا لا من جد اشبك حسيتك طفييييتي ربا :ولاشي بس تعبت اغلبهم زحكه وكذا خلاص يالله نرجع تالا ووليد يطالعو في الالعاب والمكان وليد :أي زحممه مني شايف شي ؟؟ ربا :ياخي خلاص تعبت وي ؟؟؟ ابا ارجع وليد :طيب يالله بكيفك مشيناااا سبقتهم وقامت وليد والا وراها مستغربين بس فسروه تعب الفضول قاتلها عارفه لو لفت حتلاقيه ..دارت على الجهه الثانيه جالس على الكرسي بطفششش ويفكر ربا تطااالع تالا تطالع مكان ماتطالع ربا قدمت لعندها وهمستلها :هييي اشبك امشي لاتطالعي في احد وليد حينتبه ربا ماردت ودارت وجهها .... وصلو السيارة وليد يطالع في السيارة :يالله مين مقفل عليا ذحين وين ادورلو يلعب بالمفتاح يرميه ويمسكو ويفكر تالا:طيب ايش حتسوووي ؟ وليد :مافي الا اخذ المواصفات وبروح اكلمهم هناك يعلنو ربا حطت يدها على السيارة وحطت راسها على يدها :انا تعباااانه مافيا استنى جا باتجاه سيارتو ولمحهم واقفين ...مشي بسرعه اكثر :انا اسف اعذر بس كنت مستعجل لما وقفت ربا رفعت راسها بسرعه وشهقت تالا ووليد يطالعو فيها :اشبببك ؟ ياسر ارتبك ويطالع فيهم ربا بارتباك :ولاشي بس افتكرت حاجه وليد :لاعادي حصل خير بس مرة ثانيه ياريت بعد اذنك توقفها زي الناس حتى لو مستعجل ياسر يسلللك :اممم ان شاء الله اتوجه لسيارتو وعيونو على ربا تالا ووليد دخلو السيارة ربا ماقدرت تشيل عينها ياسر فتح الباب ويطال فها وقبل مايدخل ابتسم بحزن ربا دخلت السيارة وقفلت الباب وسررحت ميه فكرة تجيبها وتوديها (ايش سر ابتسامه الحزن ذي )تحااول تفسرها ياسر بعد عنهم ومد يدو من بعيد لوليد اعتذار وحرك في الصباح صت المنبه في الغرفه .... مسكت الجوال بنوووم وملامحها منزعجه من الصوت قفلت الصوت وطالعت في الساعه :يوووه مررررة مافيا اقوم حطت الجوال وتتثاوب جلست بتفكير (في نفسها ):استغفر الله ايش ذا كيف بالله ابدا شغل بدونو مافي شي يحمس الله يعين بس بعدت اللحاف وقامت على الحمام .... بعد دقايق نزلت من الحمام واتجهزت مسكت الجوال وكتبت (ما ادري كيف حيكون يومي بدونو ) سابت الجوال وكملت تصليح شعرها مامرت لحظات وصوت الجوال يرن بالتعليقات او تعليق (ربا ):مايحتاااج حبيبي كان دقيتي حتلاقيني عندك على طول عارفه انو يومك مايسوى شي بدوني بس يالله استحملي معليه مأجورة ثاني تعليق (مراد ):اصبحنا واصبح الملك لله ايش السالفه ؟اشبك؟ ثاالث تعليق (تالا):انت حسني النيه واتوكلي على ربك وكل شي تمااااام تشوف التعليقات وتبتسم عليها وتكشر على بعضها في جانب ثاني ... يطالع في الي كاتبتو ومو عارف كيف يرد كتب (وانا ما ليومي أي معنى بدونها ) (طبعا محد علق لستتو فاضيه ) تطالع وقلبها يدق مرررة طفشانه قامت بدون ماتعلق وحطت الجوال في الشنطه ونزلت ... جالسه في الصاله تشرب الشاهي وتطالع التلفزيون ... نازله من الدرج وتلف الطرحه بطفش :صباح الخير ام مراد :صباح النور ماريا :ها السواق جاهز ؟ ام مراد :ايوا من اول يستناك اعتقد ماريا اتوجهت للباب وفتحتو :طيب يالله مع السلامه ام مراد :الله معاك اتجهز للجامعه واتعطر واخذ المفتاح والجوال يطالع في المرايا وبعدها للجوال ... يطلع رقمها وجلس على الكنبه جالسه على الكرسي تصلح ساعتها ... اخذت الجوال واتوترت من الاسم وردت :الو محمد :الو السلام عليكم ريم :وعليكم السلام هلا محمد محمد :كيفك ؟ ريم :تمام الحمدالله انت كيفك ؟ محمد:الحمدالله .... ها طمنيني كيف الوضع ؟ ريم :اممم تمام الحمدالله محمد:طيب كيف العلاج طمنيني ريم :لسا اليوم بروح اشوف الفحوصات ايش طلعت بس اتطمن ان شاءالله خير لاتشيل هم محمد قلقان :ريم ريم خافت من النبره :نعم؟ محمد :انتبهي على تالين وطمنيني في اقرب وقت الله يخليك ريم بلعت ريقها :ان شاءالله ولايهمك دعواتكم بس محمد:الله يجيب الي فيه الخير ريم :امين محمد :يالله مع السلامه ريم :مع السلامه قفل منها وخرج للصاله واتصنع الابتسامه ... جالسه على الكنبه وماسكه السبحه وطول الوقت تدعي وتذكر ربها اتوجهلها وسلم على راسها :صباح الخير يا ام محمد ام محمد :صباح النور محمد جلس جنبها ومسك دا بيدينو :عندي لك خبر يا امي ان شاءالله يطمنك ام محمد برده فعل سريعه :تالين بنتتي لقيييييتهاااااا؟؟؟ محمد :ان شاءالله يا امي بس كنت بقلك انو تقريبا عرفنا معلومات عنها وكذا انت اطمني هيا بخير وادعيلها وكل شي تمام لاتخافي ام محمد :كيف يعني وينها طيب ؟ محمد :يا امي ادعيلها ولاتشيلي هم كل شي تمام سلم على يدها :يالله انا استأذن ام محمد :استودعتك الله ياولدي خرج واتوجه لجامعتو دق الباب ... لبست طرحتها وفتحت الباب رائد :صباح الخير ريم بدون أي تعبير :صباح النور رائد :يالله ماحتنزلي تفطري ؟ ريم :حطلب فطور هنا انزل وحدك رائد رفع حاجبو باستغراب :بكيفك بس لاتتأخري لازم نروح المستشفى بدري ريم :اعتقد اني احرص منك رائد طالع فيها بنص عين ومشي ريم تطالع باشمئزاز :كمان قله حيا فوق اللي سواه (قفلت الباب بقوة ) قفل يدو وعيونو بقوة واخذ نفس يحاول يمسك اعصابو :انا ايش حيصبرني عليها ذي يقفل ازارير الثوب اخذ اشياؤ ونزل من غرفتو .... ينادي من الصاله :يالله خلصتو ولالسا ؟ ربا تقربع في الادراج :يالله وين رااااح تالا تلبس طرحتها :يالله ياهو وليد ينادي ربا دارت عليها بطفش :شايفتني العب انا ؟ تالا:طيب خلاص مش لازم تلاقيه لما نرجع يصير خير ربا تكمل تدوير ولاردت عليها تالا تطالع فيها :بكيفك انا بنزل اتوجهت للباب وافتكرت جمله وليد اتراجعت :طيب ماحتطولي ؟ ربا تدور تحت السرير :خلاص روحي طيب تالا:طيب اصبري بدق عليه ربا طالعت فيها بنص عين :بدررررري تالا ماردت عليها وحطت الجوال في اذنها :مغلق ربا تتأفف :ذحين وين الاقيه ذا وليد رفع صوتو اكثر :ياهوووو لسا حروح اجيب اهلي وبعدها حروح الشغل اخلصو عليا بسررعه تال انفجعت :يالله خلاص انا نااازله وليد اتوجه للباب وخرج تال خرجت للصاله واتوجهت للباب وخرجت وليد فك السيارة ودخل ودخلت بعدو تالا وليد يطالع في الشباك :وين ربا ؟ تالا:جوا تدور على جوالها وليد يتأفف :استغفر الله العظيم تالا اتوترت باين انو مو مروق :خلاص حتلاقي ان شاءالله وليد طالع فيها بدون أي تعابير وشال عينو بعدها تال خافت ومهي فاهمه نظراتو ايش يعني وليد :متى حيجي عمي خالد ؟ تالا:ما ادري والله ليش ؟ وليد :عشان اطلب يدك منو تالا رجع قلبها يدق وحالتها حاله :..... وليد :اشبك ساكته والله شكلك منتي حابه تالا انصدمت :كيف يعني ؟ وليد :يعني ما ادري بس مارديتيلي خبر تاالا :اممم ربا دخلت السيارة وتاخذ نفسها بقوة :اوووف اخيرا لقيتو وليد دار وجهوو على الشباك بطفش :استغفر الله ذي اوقاتها اخس منها مافي ربا ماسمعت :اييش قلت ؟؟ وليد حرك السيارة :ولاشي وقف سيارتو تحت الشركه قابلو رجال فتحلو الباب :هلا طال عمرك ملامحو اتحولت للاستغراب :اهلين الرجال :ممكن المفتاح عشا ناوقفلك السيارة ؟ اعطاه المفتاح بدون ترد :مشكور اتوجه لباب الشركه دخل وكان باستقبالو ثلاثه :السلام عليكم الرجال :وعليكم السلام الاول :ياهلا والله الثاني :تو مانورت الشركه طال عمرك الثالث :يامرحبا يامرحبا يطالع فيهم ومستغرب :هلافيكم الله يحييكم اتوجه لمكتبو اول مافتح الباب انصدم واقفه بكامل اناقتها والعبايه ماخبت شي فيها:صباح الخير احمد باستنكار :اامم صباح النور السكرتيرة :انا سكرتيرتك طال عمرك (تأشر بيدها )وهذا مكتبي اذا احتجت أي شي انا تحت امرك احمد :ماشاءالله من متى وانت هنا ؟ السكرتيرة ابتسمت :كلمني العم ابو حسين من زمان وانا اتعامل معاه في الشغل وامور الشركات فعرض عليا اشتغل معاك بما انو خبرتك بسيطه احمد بدون اهتمام :اممم طيب بالتوفيق دخل لمكتبو وقفلتلو الباب اتوجه للكرسي بتعب :يالله الله يعينني مني مرتاح معنو الدلال اللي انا فيه شي جميييييل بس والله مايتقارن بالجامعه جلس مسرح لدقايق مسك الجوال وكتب (هذا اول يوم ومني مرتاح فيه ) واقفه تطالع كنو اول مرة تدخل المكان تحسو كئيب دخلت ومالها نفس تسوي شي اتوجهت بطفش للغرفه تبا تبدا شغل تحاول تشغل وقتها فيه راحت جهه اغرف واتوجهت للمسؤول :لو سمحت الغرف فاضيه ولافيها احد ؟ المسؤول :اعطيني رقم الغرفه ماريا :22 المسؤول يدور :امم اظن فاضيه ذي الغرفه ماريا :طيب شكرا اتوجهت للغرف ودقت الباب ... محد رد فتحت الباب بطفش دخلت وحطت شنطتها واغراضها وبدات تجمع الاغراض الموجودة تحاول تتذكر أي باقي :امم مايوا صح مو موجود وين الاقيه ذا اووف خرجت من الغرفه تطلب بعض الاغراض الناقصه خرج من الحمام يغني ومروووق يطالع في الغرفه باستغراب :اييش ذا ؟؟ الاخشاب والادوات والبويات في الارض وخرابيط ديكورات :اممم والله شكلها بدات ذي شغلها لف عيونو على شنطتها فوق الطاوله اتوجهلها وابتسم :اجل ماتبيني اشتغل معاك ها ؟ فتح الشنطه يدور مالقى الا الجوال والباقي بدون اهميه اخذو وحطو في جيبو قفل الشنطه ولبس وخرج من الغرفه اتوجه لجامعه المركز عبارة عن جامعه صغيره استلمت الاشياء :مرررة شكرااا اخويا المسؤول :العفو اختي ولو احتجتي أي شي بلغيني (ابتسم )تراني موصى عليك من الدكتور احمد ماريا رمشت بعينها بسرعه تحاول تستوعب :هااا ... طيب طيب شكرااا مشيت بسرعه واتوجهت للغرفه وقفلت الباب :اوووف فجعني بجملتو ها ذحين كيف حشتغل بالله مالت عليه يشغل تفكيري وهوا قاعد في مكتبو ومبسوط ماشاءالله اخذت المخططات وبدات تشتغل ..... في المستشفى واقف يسمع بانصات الدكتور يتكلم ويوصف حالتها واقفه ند راسها وتمرر يدها على شعرها وتطالع فيها :تالين والله اشتقتلك قلبي خلاااص يوجعني مرررة تعبت الكل يلومني اصلا ما اعرف اتصرف بدونك ...رفعت يدينها (يارب قومها بالسلامه ) رائد :طيب يادكتور مشكور ماتقصر الدكتور :العفو لاشكر على واجب الدكتور مشي رائد راح للغرفه دق الباب ودخل ريم طالعت فيه وشالت عيونها :ايش قال الدكتور ؟ رائد :حيسوولها عمليه طبعا يمكن بكرة ريم :وحتتحسن ؟ رائد :والله هوا قال نسبه نجاحها 80%تعتبر نسسبه كويسه ريم :امم يارب تنجح رائد جلس على الكنبه ريم تطالع في تالين :انت تنام ؟ رائد استغرب :كيف يعني ؟ ريم :جاوبني انت تنام الليل ؟ رائد مستغرب :ايوا ليش ؟ ريم :ولاعمرك حسيت بالذنب ؟ولاحسيت بالظلم اللي سويتو فيها ؟ وهيا مالها أي ذنب رائد اتنهد :ريم ممكن خلاص ؟ترا طفشتيني بذي السالفه عندك غيرها اتكلمي ريم :لاماعندي غيرها انو تالين انسانه من جد ماعندي غيرها رائد :يعني بالله ايش تبغيني اسوي مو انا اللي طيحتها ولاقلتلها طيحي نفسك وعلاج وعالجتها وسفر وسفرتها وسايب كل شي عشانها ايش تبغيني اسوي اكثر من كذا ؟ ريم :اذا انت حاقد ليا ليش ما تأذيني انا ؟ رائد :انت غير ما ادر أذيك ريم :ليش ؟ رائد :خلاص مش لازم تعرفي ريم :اممم طيب بكيفك رائد :طيب شويه وحنتغدى في الفندق حتجي ولاحتجلسي هنا ؟ ريم :لاحجلس رائد :بكيفك ريم اتنرفزت :هي انت حنزل رائد دار ظهرو ونزل :انا نازل اذا بتجي تعالي ريم طالعت في تالين وبعدها خرجت خرجو من المستشفى ... دارت عليه :اسمع ابا شريحه ثانيه فين تنباع ؟ رائد :ما ادري ريم عصبت :انا الغطانه اللي اسالك تدور براسها تبا تشوف المحلات تلف يمين ويسار جات عينها على المحل :اهو شوف ذا فيلو جوالات اكيد تنباع فيه رائد :ما ادري ريم :انا حروح استناني رائد :طيب بسرعه ريم مشيت واتوجهت للمحل دخلت :تحاول تفهمو بالانجليزي الرجال ياشر براسو لا مو فاهم شي ريم :يالله ذا كيف افهمو (توريه جوالها )شريحه يامعفن شررريحه لف عليها باستغراب :عفوا اختي ايش تبي ؟ ريم دارت عليه وفتحت عيونها :حسسسسسيييين ؟ حسين انفجع :رريييم ؟؟؟ ريم ابتسمت :يالله انت وييينك من زماان عنك كيففك ؟والله لك وحشه حسين مبتسم :والله وانتو اكثر انت كيفك ؟ ريم :تمام ..ايش تسوي هنا ؟ حسين :والله انا ادرس هنا طب بيطري ريم رفعت حواجبها وابتسمت باعجاب :اكششششخ يادكتووور حسين ضحك :طيب وانت ايش جابك ؟ ريم ارتبكت :دقيقه بناديلك واحد خرجت من المحل واشرت لرائد رائد طالع فيها باستغراب وقام يمشي بشويش :اكيد ماعرفت تتفاهم معاه دخل المحل ورفع عينو :حسين ؟؟؟ حسين انفجع :رائئد ؟؟؟ حسين مد يدو وابتسم :هلااا والله رائد مو مرة معاه :اهلين ريم :شفت كيف الصدف حسين :ايوا والله وين اعمامي ؟ رائد :ماجو حسين :اهاا طيب مين جاي معاكم ؟ ريم :اممم ولا احد حسين استغرب لحالكم ؟؟؟ ريم :اصلا جينا للعل رائد قاطعها :انا كنت مسافر وقابلتها في المطار بالصدفه وكمان بالصدفه طلعت مسافرة المانيا ريم تطالع فيه ومنصدمه من التأليف حسين :اهااا رائد :طيب يالله احنا نستأذن مد يدو :مع السلامه حسين :مع السلامه ريم :طيب ياهو متى حنشوفك حسين :اووه لازم اوريك اماكن انا واثق حتعجبك ريم اتحمست :طيب اديني رقمك حسين اداها ريم :طيب شوف انا يمكن اغير رقمي فاذا غيرتو حرسلك حسين :طيب تمام ريم :يالله سلاام حسين :مع االسلامه (انتهى البارت الثالث عشر) |
رد: روايه نور في غسق الدجى (البارت الرابع عشر ) هذا الجزء من المحتوى مخفي في قمه الانشغال رايحه جايه في البيت تحط الاشياء وترتبها ... مرت كم ساعه وهيا تشتغل بدون راحه دخل البيت ويسمع اصوات القربعه من برا ومستغرب:السلام عليكم مهي جايبه خبرو رايحه جايه ومهي داريع عن احد حط اغراضو وقرب منها:هيييي السلام عليكم طالعت فيه وشالت عينها بسرعه :وعليكم السلام راحت للمطبخ وتروح وتجي تنزل الاشياء يطالع فيها باستغراب:والله حاااااله لو انو مييين الي جاي عندها ماسوت كذا وقفت قدامو :امسك هذي يطالع في الصحون :اييييش ذااا؟ لفت عليه :انت ايش شايف ؟ مراد ابتسم :شايفك انت بدور فيها ضحك :والله مررررة مو وقتك مراد :اوهوو لنا الله اليوم بايعتني بدور:ابيع نفسي ما ابيعك مراد ابتسم وجلس على الكنبه :ياشيخه روحي يسعدك ربي تردي الروح بدور:مراد الله يخليك كلمه زياده حجي اجلس جنبك واسيب الشغل فارف بحالي واسكت مراد يضحك :طيب طيب بسكت بس ايش ذا جاي تعبان من الشغل يرضيييك تخليني لحالي ؟؟ بدور غمضت عيونها واتاففت :يارب صبرني سابت الاشياء من يدها وراحت جنبو :هاا كذا تمام ؟ مراد يطالع في عيونها:ايوا اكييد تمام بدور شافت عيونو وطت راسها :لعد تطالع فيا كذا مراد ابتسم :ليش ؟ بدور :لانو ماينفع ذا الوقت تطل فيا كذا مراد يستهبل :برضو مافهمت ليش انت حقي وكيفي اسوي اللي ابغاه بدور :مراد مراد:عيونوووو روووحوو امرري بدور:نسيت اش بقول استغفر الله بس مراد يضحك بدور :ياقلبي انت بتخليني اكمل شغل ولا حيجو الناس والدنيا مبهذله ؟ مراد :عادي اخرج انا وياك وخليهم هما مع نفسهم بدور:لا والله اجل ليش عزمتهم ؟ مراد :انا ادري عنك كيف بالله ضميرك مايأنبك تخليني يوم كامل بدونك بدور:ياسلاااام اللي يسمعك يقول اجلس سنه بعيده عنك مهو كل يوم متقابلين مراد:برضو مايكفيني كيفي حقيي بدور:خلااااص حقي حقيي عرفنا اني حقك حشا غنمه مو آدميه مراد:برضو كيفي وحقي بدور :اقلك شي انا بقوم اكمل شغلي بدور قامت تفتح الاكياس وترتب الاغراض :يالله نام عشان تقدر تنزل بعدين مراد:وين تبيني اروح لاحول ولاقوة الا بالله طررررردة بدور:حتنزل مع وليد مراد:لا بالله ايش وليد مو مررة معاه انا بدور:عادي ايش يعني صير مرررة معاه ياخي جاملو بعض شويه هوا يوم وحيعدي ان شاءالله مراد اتافف:امري لله انا بقوم انام سلاااام وخليك في شغلك بدور تضحك :طيب نوم العوافي يارب ماسكه الفرشاه في يدها واااخر فراغ لونتو :اووف الحمدالله خلصت شغل اليوم والله تعب من جد طالعت في ساعه الجدار (الساعه 4 العصر):اووف 4 اسش ذا كلو بويه بس الله يعينني كيف حخلص الغرفه ذي في اسبوع يالله على بال تنشف البويه جمعه وسبت على الاحد يبدا دوام وشغل جديد قامت من الارض تنفض نفسها اتوجهت للاكياس المرميه والاشياء اللي في الارض وجلست ترتب وتلملم الغرفه بعد خمسه دقايق :خلاص الحمدالله كل شي تمام لبست عبايتها ولفت الطرحه تمام وشالت شنطتها ونزلت المسؤول :مساء الخير انسه ماريا ماريا ابتسمت :مساء النور المسؤول :شكلك تعبتي اليوم مررة لانو اغلبهم راحو او يمكن كلهم ماريا:يالله مشي حالك الغرفه شويه كبيرة ولازم في البدايه تعب المسؤول :اهاا يالله الله يعيينك ماريا :امين مشيت وجلست في الكراسي في الاستقبال فتحت شنطتها تتصل على السواق .... تدور في الشنطه :يالله وين راح ذا تدور وتحس في جيوب الشنطه مافي أي اثر انفجعت ووقفت وكبت كل اللي في الشنطه وشهقت :جووواااااالي وينووووو لمت الاغراض بسرعه ورجعت للغرفه تدور :انا متأكده مانزلتو من الشنطه ولاخرجت الشنطه حتى طول الوقت وانا موجودة فين حيكون راااح ؟؟؟!! رجعت تدور في الشنطه وتحت الاغراض تحت الطاوله عند الشباك انفجعت اكثر :ياوووويليييي جوواللي وينووووو؟ طالعت في الحمام :ماباقي الا ذا ادور فيه دخلت تدور برضو مافي اثر خرجت للغرفه تدور بتركيز اكثر ومافي فايده وقفت وسط الغرفه :يالله ويييين حيرووووح ياربييي خرجت للمسسؤل تجري :لو سمحـــــــــــــــــــت المسؤول باستغراب:اتفضلي ماريا متلخبطه :جوالي ضاع ممكن تديني جوالك ادق منو ؟ المسؤول :ايوا طبعا اتفضلي مد يدو واخذتو :شكراااا دقت على السواق :تعااال بسرعه قفلت منو دقت على جوالها .... الجوال يرن ماريا تطالع حولينها تبا صوت يطلع اشرت للمسؤل :بس حروح الغرفه اشوف لو في المسؤول :ايوا اكيد عادي راحت للغرفه والجوال يرن ومافي أي صوت له في الغرفه فصل الجوال :يالله ذحين ايش اسووي وين ادورلو خرجت من الغرفه :شكرا يعطيك العافيه جلست على الكراسي تستنى السواق بتوتر بعد دقااايق دخل السواق قامت بسرعه :يالله يالله خرجو في السيارة :وديني بيت ربااا السواق :طيب في طريق مكه في السيارة :ياهلا والله بامي وابويا نورتو جدة ابو وليد :هلافيك منورة بوجودكم وليد :ها يا امي كيف العمرة ان شاءالله ماتعبتي؟ ام وليد :لا الحمدالله كل شي مسهل اللهم لك الحمد ووحده بنت يسعدها كل شي تجيبو ليا ماقصرت وليد :اها ماشاءالله يالله تقبل الله ام وليد :منا ومنكم يارب ابو وليد يضحك :مو هذي اللي تبي تخطبيها لوليد ؟ ام وليد :ايوا والله البنت عجبتني ومو ناقصها شي ماشاءالله ابو وليد :ها ايش رايك ؟ وليد :في ايش؟ ام وليد :يعني في ايش ؟في انو زوجك وليد :لالا يا امي مابا ام وليد انفجعت :ايش ماتباااا ؟ ابو وليد :يابنت الحلال اصبري ابو وليد :يعني انت ماتبا تتزوج ؟ولاماتبا ذي البنت ؟ وليد ساكت مو عارف ايش يقول ابو وليد :ياولدي اتكلم انت في بالك احد ؟ وليد ارتبك :امم ابو وليد لاحول ولاقوه الا بالله اشبك اكلمك انا وليد :طيب يا ابويا حنتفاهم بس خلي الموضوع لما نوصل البيت احسن وتهدو وتنامو وكل شي بعدين حتكلم وحقول كل شي ابو وليد :طيب ياولدي على راحتك وليد كمل الطريق وهوا مسرح مو عارف اهلو حيوافقو ولا لا ..... قاعد في الدرج ماسك جوالو خرجت من الفندق تقضيلها كم شغله لمحها خارجه تبعها ودخل ... ماشيه لوحدها جهه الحلويات وتطالع وتختار ومهي مع احد واقف من بعيد يمسك العلبه ويرجع يطالع (هوا بنفسو مو فاهم ليش يلاحقها ) مسرح للحظات مشيت للجهه المقابله ولمحتو (قلبها دق فجاه واتغيرت ملامحها ):هذا ايش جابو هنا ؟ انتبهلها ووطى راسو بسرعه ويدور في الاغراض اللي قدامو عصبببت وطفشت منو اتوجهلتو بعصبيه وقفت قدامو :ممكن اعرف ليش تلاحقني وليش في كل مكان اروحو الاقيك ؟ ياسر انفجع :صدفه مروة اتكتفت :لااا والله صدددفه ؟؟؟ انت ايش تبغى مني ؟؟ خلاص انا نسيتك وانت نسيتني وكل شي انتهى ياسر كان موطي راسو رفعو وطل فيها باسف:لاموك لشي انتهى مروة تنحت من نظرتو :كيف مو كل شي انتهى ؟؟؟؟ ياسر برده فعل سريعه ساب الي في يدو ومشي خطوات سرررريعه ونزل من السوبر ماركت حاس نفسو مخنوووق مكتوووم مو عارف ليش بس يبا يبعد وبس مروة مصنمه مكانها ودموعها نزلت برضها ماتعرف ليش (لكل واحد طريقه يعبر فيها عن احساسو ) مسحت دموعها بسرعه وسابت الاشياء ونزلت بسرعه واتوجهت للفندق في غرفتها .... مسكت الجوال وتتصل بنتها تطالع فيها باستغراب مهي فاهمه شي تتصل وتتصل بس مافي رد ماسكه اعصاااابها :رررد ررررررررد برجع خلااااص ياربي ليش مايرد لمى بكل براءه :ماما مين هوا ؟ مروة كانت بترميها بالجوال رفعت راسها وطالعت في ملامحها وعيونها (طااح الجوال من يدها وضمت بنتها لها بقوووووه ودكوعها تنزل وكل مالها تزيد ) تعبت نفسياااا مهي عارفه كيف تعيش هناك ماتبا زوجها وهنا ياسر مايباها امى تبكيييي :ماما مااااامااا ليش تبكي ؟؟ مروة حضنتها اكثر وتشهق بالبكاء لمى دموعها تنزل :ماما مييين زعلك ؟مين مايرد وبكاك ؟ مروة تحاول تاخذ نفسها وماتبا تشوف دموع بنتها :ابوك ياماما ابوك لمى فرحت وحست انو امها بترجع لابوها حضنت امها بقوة وبكيت معاها مروة حاسه ببنتها ودموعها تزيييد كل المشاعر اللي في قلبها لياسر مو لابوها بكييت وبكييت لين اخذتها عيينها ونامت وهيا حاضنه بنتها ..... وقفت السيارة تحت البيت خرجت وقفلت الباب بقوة :بعدين بكلمك تجيني اتوجهت للباب ودقت الجررس ورا بعض تنادي من المطبخ :ربااااااا افتحي الباب اهلك جووو ربا نطت من فوق سريرها واتعطرت وصلحت شعرها بسرررعه واتوجهت للصاله بابتسامه عريضه :طيييب طيببب خرجت للحوش وفتحت الباب تطالع باستغراب :ماررررريا ؟؟؟ اييش جاببك ؟؟؟ ماريا فتحت عينها :استحي على وجهك ربا :اقصد اشبك ؟ ماريا مهمومه :ربااا الحقيني جوووالي ضاااع ربا فتحت عيونها وشهقت :هبللله انت ؟؟؟ فين ضيعتيه؟؟؟ ماريا :يعني ححكيك في الشارع مثلا ؟دخليني وبعدين افهمك ربا بعدت عن الباب :اووه صح معليه اتحمست ماريا دخلت :داريه مو اول مررة دخلت وجلست فوق الكنبه :ااااه يختي كنت في المركز وشنطتي في الغرفه ومحد فيها خرجت دقاييق بس اجيب اشياء ورجعت واخر الدوام ادورلو مالقيتو مو في الغرفه ولا الاستقبال ولا أي مكان رحلتو حتى الحمام دورت ربا :طيب ما اتصلتي ؟ ماريا :الا طببببعا بس يرن ومحد يرد واحاول اسمع صوتو بس مافي صوت تالا خرجت من المطبخ مستغربه الصوت :ماريا ؟؟؟ ماريا قامت تسلم :هلاااا تااالا تالا تجلس :هلافيك ماريا :داريه مستغربين جيتي تالا:لا وي البيت بيتك ربا:تالا اتخيلي ضاع جوالها تالا انفجعت :اووف وين ضاااع؟؟ ربا حكت تالا الحكايه ربا دارت على ماريا ومفجوعه :صح فيييه صورك ولا؟؟؟؟؟ ماريا :لالا الحمدالله ربا تحس شويه وتبكي :انا ماريا :اشبك ؟ ربا :لالا ولاشي تاالا:طيب وايش حتعملي ؟؟؟ ماريا :ما ادري والله تالا قامت تجيب عصير ربا قربت من ماريا وهمستلها :هييي انت اتخيلي دكتورك ارسل شي ايش حتعملي؟ ماريا مستغررربه :مين دكتوري؟؟؟ ربا طالعت فيها بنص عين :ماريا اخلصي عليا ماريا :اعوذ بالله مافي شي يتخبى عليك والله ما ادري واثقه انو حيكت بشي بعد الدوام ايوااا صح قوومي قووومي بفتح من عندك واشوف ايش كاتب ربا مدت يدها :جيبي فلوووس ماريا :لا والله ربا :اقوووول بتكلمين واحد ومن جهازي ومابتدفعي ؟؟؟ ماريا :ربااااااااااا ربا قامت :خلاص اعوذ بالله امزح ماريا وربا اتوجهوا للغرفه تالا خرجت وماسكه صينيه العصير :بسم الله وين راحو ذولا؟؟؟ راحت للغرفه ودقت الباب برجلها :هييييي انا ادورلكم وانتو هنااا؟ ماريا قفلت الاب على يد ربا من الفجعه ربا :ااااااايييييييي وجعععع يوجع بليس تالا حطت الصينيه باستغراب :اشبكم ؟؟ ماريا :ولاشي ربا عصبت ومسكت ايبادها :ايوا باين ولاشي تالا طالعت في ماريا :انتو ايش وراكم ؟ ماريا اتورطت :ايش ورانا مثلا ؟؟قاعدين عادي باب البيت ينفتح :بسم الله ياهلا والله نورتو بيتكم ام وليد وابو وليد :هلافيك منور بوجودكم دخل المطبخ ويفتح القدور وينادي :هييييي ربااااااا وينك تعاالي يطالع في القدور :الله والله جيعااان يرفع صوتو :ربااااا ربا تتحكى ومنسجمه :اسمعييييني ببكي والله سويت شي ماريا مفجوعه :ايييش؟؟؟؟؟ ربا :اليوم الظهر ارسلتلك صورتي ماريا فتحت عيونها وحطت يدها على فمها :كذااااابه ربا بخوف :والله من جد ماريا :ياربي منك وذحين ايش حنسوي اتخيلي احد اخذ الجوال ربا :انتي الفالحه اصلا بكل برود منتي حاطه رمز ماريا :ماعندي اخوان صغار ربا :حتى ولو تالا خرجت بسررررعه واتوجهت للمطبخ :ايوا ايش في ؟؟؟ وليد طالع فيها وانفجع تالا مستغربه طالعه في نفسها (خارجه بدون طرحه ولاشي ) من شده احرجها (فتحت فمها استعداد للصراخ ) وليد انفجع اكثر وحط يدو على فمها :لااااا الله يرضى عليك مانبا فضايح ترا اهلي هنااا بعد يدو واشرلها وابتسم :يالله روحي تال مصنمه ودموعها في عينها رجعت على وراها وصقعت فيها :اااه بسم الله اشبك ؟؟ تالا طالعت فيها وشردت على الغرفه تطالع في وليد ومستغربه :اشبها تالا ؟؟ وليد يضحك :مالك صلاح ربا اتنرفزت :قله حيا دخلت ام وليد :اشبك واقفه واخوك ماسك القدور والصحون قلله حيا اصلاا امشي حطي الغدا استحي على نفسك رجال ومدخلتو المطبخ وواقفه تتفرج وليد حاول يمسك ضحكتو ماقدر فطسس ضحكككك ربا كرامتها ضااعت اندفنت خلاااص :امي الله لايحرمني منك ام وليد تطالع فيها :ياربي انا مخلفه ايييش الحمدالله بس رفعت صوتها :خارجيييينا يالله ربا اتحركت ومعصبه :اوريك والله اوريك وحردها فيك وفي تالا كمان ام وليد مستغربه :ايش تبربري انتي ؟؟؟ ربا تحط الملاعق والصحون :ولاشي يا امي اقول الله يحفظك ويطول في عمرك ان شاءالله وليد شال بعض الصحون وخرج حطها فوق الطاوله :ياهلا والله بابويا ابو وليد :هلافيك وليد جلس جنب ابوه (طاوله عبارة عن سته كراسي ) ابو وليد همس لوليد :وليد وليد طالع في ابوه :نعم ابو وليد :مين في بالك ؟؟ وليد اختفت ملامحو :اييش ؟مين ؟؟ ابو وليد :بكيفك انا احاول اساعدك انت ارف امك مو على أي احد حترضى وليد يطالع في الطاوله :اممم والله يا ابويا بصراحه انا اباكم تاخذولي بنت خالتي تالا يعني هيا ادب واخلاق والبنت متربيه ابو وليد استغرب مررة :تااااالا؟؟؟ ربا حطت الصحون :لا اله الا الله يا ابويا تالا مين انا بنتك ربا ابو وليد طالع في ربا :لاحول ولاقوة الا بالله انتي ايش تبغي؟روحي ساعدي امك يالله ربا :اناا ليش كرامتي ضايه عند اهلي ؟حسسوني اني انسانه ليوم واحد مشيت بعصبيه :احنا ليش اللي نجيب ونسوي وذا قاعد يطالع بس تالا تساعد خالتها :خلاص ياخاله انتي روحي اجلسي انا بكمل تجهيز وربا حتجيبو ربا دخلت :ربا ربا لها مليون رجل اصلااا خلااااص هلكتوني ام وليد :انتي اصلا بلا ادب بنت خالتك تجهز وتسوي وانت تتفرجي بعدين في بيت زوجك حتجيبيني اسويلك الغدا ؟ ربا ابتسمت :يا امي ويينننيييي ووين الزواج لسا ابا اجلس عندك ام وليد :ايش ابغا فيك بزوووجك ربا وجهها راح فيها :لذي الدرجه انا على راسكم حشا عدو مو بنت ام وليد خرجت للصاله وحطت الصحون وجلست ربا تبعتها بباقي الصحون وجلست ام وليد :وين وين ؟؟؟ قومي اتغدي مع البنات ربا دموعها بتنزل :امييييييي الله يخليك كرااامتي الله يحفظك وليد :من متى عندك كرامه انتي اصلا ربا رفستو من تحت الطاوله قامت وراحت لغرفتهم سكرت الباب بقوة :انا ايييش من وين جابوني ولدهم وانا بنت الشغاله ؟ تالا :هدي هدي ترا يمزحوا معاك ماريا :ماعليك منهم والله البيت مايسوى بدونك ربا :ياخي داريه بس كرامتي ضاعت ماريا :عادي عادي كلنا كرامتنا تضع في بيت اهلنا تالا ماسكه الملعقه وتردد في بالها ((في بيت اهلنا )) نفسها تجتمع مع اهلها على سفره وحده مع امها وابوها ... ماريا :طيب اسمعوا بنات بعد المغرب لازم نروح بيت بدور اشبكم نسيتو ؟ ربا :اوووف صح نسيت والله طيب شسموا ذا خلاص نتجهز من هنا ونروح باقي ساعتين ترا ماريا :طيب بقوم اكلم امي ربا :اصبري اجيبلك التليفون خرجت من الغرفه واتوجهت للصاله ابو وليد :ها يا ام وليد ايش رايك ؟ ام وليد متنحه :ما ادري والله بس اتفاجئت صراحه وليد ساااكت ابو وليد :ليش عادي من جد البنت متربيه وادب ماشاءالله ومننا وفينا ربا انفجعت (بصوت واطي ):تاااالااااا مشيت بسرعه وفصلت التلفون ومسسرررحه كلهم سكتوا لين راحت دخلت الغرفه مسرحه وحطتو فوق الطاوله ماريا :هييي وين اشبكو ؟ ربا انتبهت :هااا؟ ماريا :ايش ها ؟وين اشبك تليفونكم ؟ ربا :ورا الطاوله هنا ماريا قامت :اووو والله من زمان عن التليفونات ربا :والله من جد احس ماتو اللي يستخدمونو تالا:انتي كل الناس ماتوا عندك وبعدين عادي يستخدمونو للضرورة ماريا اتصلت .... ردت على التلفون بعد ثواني :الو ماريا :ايوا امي الو ام مراد :ايوا ماريا وينك انتي السواق قال في بيت ربا طيب ليش ماتتصلي انا جلست اتصل عليك وماتردي وبعدين مغلق ماريا ارتبكت :والله يا امي نسيت ما اقلك بس انو قلنا خلاص حنروح سوا عند بدور وبالنسبه لجوالي ماسمعتو وشكلو طفا مافي شحن ام مراد :طيب اشحنيه ويالله انتبهي على نفسك واشوافك هناك ماريا :طيب ان شاءالله ام مراد :يالله مع السلامه ماريا :مع السلامه تالا:اشبك انتي مسرحه ؟ ربا :هااا ؟لالا ولاشي واقفه تطالع من بره وتدعي من قلبها الخوف سيد الموقف والقلق ملازمها في هذي اللحظات جالس فوق الكرسي ومغطي عيونو بيدو (في قلبو )الله يستر بس رجعت للكرسي بتعب وردت على جوالها :ايوا الو محمد كل خمسه دقايق يتصل :ايوا ريم طمنيني كيف ؟ ريم :يامحمد الله يهديك لسا قلتلك نص ساعه وحتنزل لعد تتصل انا حتصل عليك وبس انت ادعيلها محمد:يارب تقوم بالسلامه يارب ريم :امين يالله مع السلامه محمد :مع السلامه ريم حطت الجوال فوق رجولها واتكت على الجدار بسرحان رائد :ريم ريم دارت عليه :امم ؟ رائد :لو لاقدر الله لاقدر الله مانجحت العمليه تتوقعي تسامحني تالين ؟ ريم :الله لايقولها يارب تنجح يارب واساسا انا قبل ريم مني مسامحتك رائد :خلاص ياريم والله حرام عليك انا حاسس بالذنب وندمان بس المذله ذي خلاص كرهتها ريم حست فيه :طيب خلاص ادعيلها وبس بعد ربع ساعه نزل الدكتور ريم قامت :دكتور دكتووور طمني ربا كيفها الدكتور مو فاهم شي رائد ترجمو الدكتور :ايوا العمليه نجحت وبككرة الصباح حتصحى من الغيبوبه الدكتور مشي رائد عيونو تحكي فرحتو لف على ريم ريم مسكت يدو بترجي :نجحححت ؟؟؟؟ رائد حرك راسو بايوا حضنتو و دموعها نزلت وابتسامتها مافارقتها :الحمدالله الحمدالله رائد استغررب حركتها بس ماردها مسح بيدو على ظهرها .... دقت على غرفتو :يالله احنا جاهزين فتح الباب :سبحان الله لما قدو صحبتها دقت الباب نزل قدامها ربا مهي فاضيلتو رجعت للغرفه :يالله بنات وليد نزل نزلو كلهم وليد ركب السيارة وركبو معاه وليد يصلح المرايا جهه تالا تالا لاحظتو وابتسمت ربا :يالله امشي ياربي تموت الواحد على برودك وليد طالع فيها بنص عين :تبي تجي معانا خليك ساكته ماتبي تجي لسا احنا تحت البيت ارجعي ربا انبكمت ماريا تفكر في احمد وناسيتهم وليد مشي وبعد دقايق وصلو ربا نزلت بسرعه وماريا وراها تالا تصلح جزمتها بسرعه وليد قفل الابواب تاالا تحاول تفتح مافتح طالعت فيه :اشبك ؟ وليد :وحشتيني ابا اجلس معاك لوحدنا تالا عيونها مارمشت من التوتر :ايش ؟ وليد بضيق :تالا انا كلمت اهلي ولسا يفكرو حرجع البيت وحلاقي خبر منهم تالا :....... وليد ابتسم بضيق :خايف يجي اليوم اللي يبعدني عنك تالا موطيه راسها :ليش تقول كذا ؟ وليد :ما ادري بس اتعودت وجودك لاتحرميني منو فتح الباب تالا فتحت الباب :انتبه على نفسك وليد :من عيوني وانتي كمان تالا ابتسمت وخرجت تالا اتوجهت للباب ودقت الجرس وليد مشي بدور فتحت الباب :ياهلاا والله اشبك وين كنتي ؟ تالا:لا بس طاحت جزمتي وجلست اعدلها بدور :اها ياهلا والله اتفضلي نور البيت ربا وماريا جالسين ماريا :هي تال ربا دقتها :اسكتي بعدين اقلك ماريا مهي فاهمه شي تالا جلست بدور :ياهلاا والله كيفكم اخباركم ؟ ربا :تمام والله الحمدالله انتي كيفك ؟ بدور :الحمدالله بدور :ايش هذا من زمان عنكم تالا :ايش نسوي تعرف الواحد واشغالو ماريا اتوحهت للمطبخ وبدور لحقتها ماريا :بدووروه أي عصير احط ؟ بدور تأشر :هذا وهذا وهذا امسكي ماريا تطالع وضحكت :حشا بتعشيهم عصير انتي ؟ بدور :ماريا انتي ايش عليك صبي وبس ماريا ماسكه العصيرات بدور ترتب الكاسات الجرس يدق ربا علت صوتها :بدوور لاتجي انا حفتح ربا قامت واتوجهت للباب فتحت الباب .... لحظه صمت حلت بالاثنين تطالع فيها وبلعت ريقها ماسكه الباب وماخلتها تدخل من الفجعه بدور جات :ميين ياربا ؟؟ ربا سابت الباب ودخلت بدور اتوجهت للباب وابتسمت :ياهلا والله ياهلا مروة ابتسمت مجامله ودخلت :اهلين فيك بدور :اتفضلي اتفضلي مروة دخلت بدور تحضن لمى :وحشتيييني لمى ابتسمت :وانت اكثر ياماما مروة اتوجهت للبنات وسلمت بدور لحقتها :اعرفكم مروة صحبتي تالا وماريا وقفو وابتسمو :اهلين ربا انتبهت على نفسها وقامت :هلا بدور تاشر على كل وحدة :تالا صحبت ماريا وهذي ماريا اخت مراد وهذي ربا بنت خالة تالا وصحبت ماريا كمان مروة :اهلين اتشرفنا تالا :واحنا زدنا شرف اكيد بدور ومروة وماريا يتكلمو تالا تطالع في ربا المتنحه :اشبك ربا همستلها :تعرفي اللي كنت اطالع فيه في الملاهي وقلتيلي لاتطالعي ؟ تالا تحاول تتذكر :ايوا ؟ ربا :هذي شفتها معاه تالا :طيب ؟ ربا :ايش طيب ؟ ربا :خلاص خلاص ولاشي لمى :ماما بدور مين هذولا ؟ ربا وتالا وماريا علامات الاستغراب على وجوههم من الاسم بدور :هذولا صحباتي لمى :اهاا تالا مسكت لمى :ايش اسمك ؟ لمى :لمى لمى :وانتي ؟ تالا :تالا لمى ابتسمت :زي اسم عمتي مروة :تعالي ياماما عيب تالا:لالاعادي خليها الجرس يدق بدور قامت جوالها يدق .... مسكت الجوال واستغربت من الرقم وردت :الو ؟ ماصدق انها ترد :الو ؟ مروة انصدمت وطالعت في ربا :ياااسر ؟؟؟ (انتهى البارت الرابع عشر ) |
رد: روايه نور في غسق الدجى البارت الخامس عشر.** يسوق السيارة بتفكير عميق ... قطع افكارو صوت الجوال* اخذ الجوال ورد :الو* مراد :ايوا الو* وليد :هلااا والله بمراد كيفك ؟* مراد :تمام الحمد الله وانت كيفك ؟* وليد :والله الحمد الله طيبين* مراد:ياهو فينك؟* وليد باستغراب :فيني ؟؟* مراد :اشبك ماجيت يعني* وليد استغرب اكثر :اجي فين ؟* مراد استغرب :اشبك ياهو ايش تجي فين ؟ نسيت اننا متواعدين نخرج نسهر سوا ؟* وليد افتكر :اووو والله نسيت اعذرني والله مررة نسيت انت قلي وينك ذحين؟* مراد :قريب من الديوانيه* وليد :طيب ولايهمك اوصفلي مكانها تعرف انا اول مرة اجيكم ياريت بس ترسلي العنوان* مراد :خلاص ولايهمك دقايق والعنوان عندك يالله نستناك لاتتأخر* وليد :ان شاءالله اكيد ..يالله مع السلامه* مراد:مع السلامه* وليد قفل وحط الجوال جنبو :اوووف استغفر الله انا كيف نسيت وبعدين ايش اقول لاهلي اللي يستنوني وقلك حنتفاهم خليني اكلم ابويا بعدين اشوف يقول ...... تطالع فيها باستغراب* قامت من مكانها وعيونهم على بعض اتوجهت لممر صغير :نعم ؟* ياسر صوتو تعب *:مروة انا محتاجك مروة خافت من الصوت :طيب؟* ياسر بترجي:مروة الله يخليك* مروة :لا والله ؟ ليش ماكلمت ربا ؟؟؟ ايش معني تبغاني ذحين؟ ياسر :ربا ؟ مين رباااا مروة عصبت :لابالله سوي نفسك ماتعرفها حتلعب على مين ياحبيبي* ياسر :مروة الله يخليك فهميني وقت ثاني انا محتاجك والله حسي فيا * مروة :انا مشغوله ياياسر ياريت انت اللي حسيت فيا لما جيتك مع السلامه* قفلت بسرعه وقلبها يدق صوتو يرن في اذنها باين انو محتاجلها ..... اخذت نفس واتوجهت للصاله وجلست بهدوء* بدور بكل براءه تطالع فيها وتبتسم :اشبك ؟* مروة ابتسمت مجامله :لالا ولاشي* بدور ماحبت تدخل مدت يدها وابتسمت :طيب ياجماعه يالله اتفضلو على العشا* مروة وماريا وقفو وبدور تاشر لتالا وربا :يالله اتفضلو* تالا وربا ابتسموا ووقفو* بدور ومروة وماريا مشيو* تالا بتمشي سحبتها ربا *انفجعت :اووف اشبك؟؟؟* ربا : اشبها ذيك تطل فيا وهيا تكلم* تالا مستغربه :انا ايش دراااااني وبعدين احسها يانااس مرررة طيبه* ربا رفعت حاجبها :انقلعي قلك ياناس امشي امشي بس* تالا مشيت غسلت يدها ودخلت الغرفه* ربا لحقتها وجلست تغسل يدها* لمحتها واقفه تغسل وقفت* بدور :اشبك على وين ؟* مروة :لالا بس بجيب شي وجايه* بدور :طيب لاتتاخري* بدور تضيف ماريا وتالا ومشغوله* ربا تغسل ومسررررحه المويه مفكوكة وهيا تفكر في الاسم والنظرات* وقفت جنبها :انتي من متى تعرفي ياسر ؟* ربا انتبهت وانفجعت من السؤال *بعد ثواني .... مين ياسر؟؟* مروة ابتسمت بخبث : افاا ياسر ماتعرفيييه ؟* ربا مستغربه : مين ياسرر ذا ؟* مروة غمزتلها :اللي مسك يدك في الملاهي* ربا عدلت وقفتها وقفلت المويه :لحظه لحظه انتي لازم تفهمي وتفهميني* اول شي انا ياسر ذا ما اعرفو ولا عرفت اسمو الاا دوبو منك وترا ما اعرف انتي مين ولا ايش تقربيلو واساسا مايهمني هوا مين ولاليا علاقه بيه هوا ما اتجرأ وكلمني الا عشان مرة قبل يوم الملاهي شفتو في مول وهوا اللي حاول يغازلني ولا انا لا اعرفو ولايعرفني* مروة تسمع ومهي مصدقه :امم ماشاءالله وعلى طول كذا مسكه يد وكلاااام* ربا :لو سمحتي احترمي نفسك قله الادب ذي اساليه هوا عنها* مشيت وسابتها ودخلت الغرفه بسرعه* مروة اعصابها واصله للاخير ومهي مستوعبه شي* منسدح على السرير ... اتنهد من قلبو : والله وحشتني ذي البنت* بس مني عارف كيف اوصلها واساسا ايش حتقول عليا اكلمها ذا الوقت لالا بلاش* بعد دقايق *من التفكير يتقلب يمين ويسار مو راضي يجيه النوم .....* طيب بس اتطمن مافيها شي* مسك جوالو وارسلها (مساء الخير)* معصبه ومهي مع اللي حولها ابدا* سمعت الجوال بس طنشت* جلس بتوتر وبدا يقلق:اشبها ذي ماترد* ارسلها (اسف اذا ازعجتك ) (بس حبيت اطمن )* صوت جوالها خلاهم يطالعو فيها* تالا اشرتلها تقفل الصوت* ربا مسكت الجوال وشافت المسجات* الرقم غريب* (مين ؟؟) طالع في اللي ارسلتو واستغرب :بسم الله اشبها ؟؟؟* ارسلها* (اشبك مسرع نسيتيني )* ربا مهي فايقه ابدا* (استغفر الله حتتكلمي او حتتكلم وتقولي مين ولا ترا حنزل )* مفجووع من كلامها* (اشبك ياماريا ؟ معقوله ماعرفتيني؟)* ربا تطالع وشهقت :ياااويلي* مروة وبدور يتكلمو* تالا وماريا طالعو فيها باستغراب *:اشبك ؟؟* * ارسلها (عموما اسف اذا ازعجتك بس حبيت اطمن واعرف ايش صار لجوالك تصبحي على خير يارب )* ربا مفجوعه ارسلت بسرعه (لالالا استتتتتنى)* اشرت لماريا* ماريا استغربت واشرت:ايش في؟؟؟* ربا نزلت للصاله وماريا وراها* ربا :تعالي الحقي دكتورك كلمني ورديت عليه خليتو يقول خلاص اسف اذا ازعجتك* ماريا شهقت : ااااااحمد ؟؟؟؟؟؟* ربا : ايوا حبيبك* ماريا دفتها : ياشيخه روحي بعدين نتفاهم* سحبت الجوال وعينها كل مالها توسع من الفجعه والمحادثة اللي بينهم* * ارسلت ( احمد اعذررني بس انا اول ارسلتلك من جوال صحبتي فهيا اللي ردت عليك اسفه والله انا اللي اعتذر )* احمد ارتاااح* ( لالا ماعليك حصل خير بس اصلا انا الغلطان ارسلت قبل لا اتاكد )* ماريا تشوف الرد ( ياااقلبي انت ) قالتها بشويش وكتبتها بدون ماتحس واترسلت* احمد يطالع مفجوووع وكل شويه يقرا يتاكد بلع ريقو وقلبوو راح فيها ماعمرو سمع كلام حلو تنح في الشاشه وماعرف ايش يرد* ماريا تطالع في الشاشه صرررخت *ورمت الجوال : رباااااااااا يااااااااويلي ربا الحقيني شوفي ايش ارسلت والله بالغلط انا مدري كيف اترسلت* ربا مفجوعه : هيييييي وجع يوووجع بليسك جواااااااااالي قدو مكسر خلللقه* ماريا يدها على قلبها : ارسلتلو بالغللللللط* ربا مسكت الجوال وتدورو تشوف في شي صارلو ولا لا* فتحت الجوال وقرت المحادثة * تطالع مفجوعه وضحكت : حررركات ايش ذا ؟؟ (غمزتلها) والله يطلع منك كلاام هذا وهوا محترم ومسكين مايتكلم* ماريا : رباااا مني نااااقصتك ذحين ايش اسوووي؟؟؟؟؟* ربا مستغربه : ايش ايش تسوي عاادي مسكين خليه يسمع كلمه حلوة منك تلاقيه فقد الامل* ماريا ملامحها خوف : من جد ما ارسل شي والله بيفهمني غل قاطع كلامها صوت الجوال* ماريا تطالع في ربا : رررد رددد* ربا مسكت الجوال تبا تفتحو* ماريا نطت فوقها : جيييييبي والله ماتشوفي* ربا تضحك وتبعد منها : وريني يالله* ماريا تحاول تاخذو بالقوه : ربااااا يا....سيبيه* ربا بعدت بقوه وجريت وتضحك : من جد ما اخليك تاخذيه لين اشوفو* ماريا تجري وراها : رباااااااااا خلااااص بلا هباله جيبيييي بشوووف* ربا تجري وتحاول تفتح الجوال* ماريا تجري واخذت المخده ورمتها عليها* جات في ربا : اااااااااه فجعتينييي* ماريا مسكت يدها بقوة وسحبت الجوال وجررريت على الحمام* ربا تلحق وراها* ماريا قربت من الحمام تبا تدخل* ربا مدت رجلها وكعبلتها* طاااحت على وجهها *وصرررخت* ربا خااافت وصنمت في مكانها* * ماريا مسكت الجوال وهيا تتالم وفتحت تقرا* ( ما ادري ايش ارد بصراحه وقفتي قلبي بكلمه يعني يمكن تستغربي مني بس ما اعرف والله من جد ما اعرف ايش ارد ومررة مني قادر اعبرلك عن اللي حاسو بكلامك )* ماريا : ااااه ياقلللببي فداااك الطيحه ياشييخ* ربا اطمنت واتوجهتلها بسرعه وسحبت الجوال* خرجت تالا مستغربه: هيي انتو اشبكم فضحتونا صوتكم واصل لين جووا* ماريا قامت :حسبييي الله على بليسك ياربا كسرتينييي* ربا تقرا ومبتتتتتتتتسمه : يااربي ياماريااا ارووووحلك كلااام اصيرلك جمممل طلع احسن منك* ماريا ارتبكت : ربا انكتمي* تالا تطالع فيهم : مين هوا ذا ؟* ربا استوعبت : يختي تعالي شوفي بالله ياتالا واحد قالب التويتر كلو بكلامو قامت ماريا مسويه انها تجاريه كتبت كلمتين ورد عليها بعشرة* ماريا تطالع وماسكه ضحكتها* ربا تقلب في الجوال ولارفعت راسها عشان لاتنفضح* تالا تحرك راسها باسف: صغااار وربي مررة* امشو قدااامي الحريم جوا وانتو هنا استهبال* ماريا دخلت بسرعه* تالا بصوت حازم : ربااااا* ربا قفلت الجوال : طيب طيب جااايه* قاعد مهموووم يفكر فيها ويفكر في اللي سواه فيها :ياارببي والله تعبااان مرررة مهي حاااسه بيااا* قام ومحتتتاج احد يواسيه يقرب منو يحسسوا بالامان ...حاسس بالوحده كانت ماليه عليه حياتو بس ساابتو وباين انها كرهتو .... رما نفسو على السرير وملامحو مهموومة* جوالو يدق ماعبررو ولاطل فيه* بعد دقايق الجوال رجع يررن* ويرن ويرن* مسك الجوال بطفش :استغفر الله ام الازعاج مرررة مني فايق لاحد* شاف الاسم وحاول يطنش بس رد يمكن شي يواسيه : الو* انس باستغرااب: ايوا الو* ياسر : ايوا انس* انس : اشبك ياواد اشبو صوتو كذا؟* ياسر :تعباان* انس: اشبك تعبان ايش في؟؟؟؟* ياسر : انس والله ياشيخ مرررة مهموم* انس : طيب طيب اسمع ايش رايك تجيني* ياسر :اجيك وين ؟* انس : امم في مركز انا موجود فيه انا حوصفلك اياه انت تعال بس في شغله ابا استشيرك فيها* ياسر بطفش: ياشيخ مررة مو وقت استشارة منت شاييفني شويه وارمي نفسي مرررة واصل ترا* انس يحاول يهديه: معليه ياهو بس دقايق لو ما ارتحت ارجع* ياسر اتافف : خلاص طيب يصير خير* انس : يالله استناك لاتتاخر* ياسر : طيب خلاص سلام* انس: سلام* قفل منو وقام واتجهز ونزل .... انس ارسلو العنوان ياسر يقرا ومستغرب : ايش ذا المكان غريبه* بعد دقايق وصل للعنوان *يطالع في المركز من برا ويقرا اللوحه *مفجوع : دار ايتام واحتياجات؟؟؟؟؟؟؟؟؟؟؟؟* مسك جوالو واتصل : ايوا الو انس انا تحت* انس نزل :طيب يالله اهو شايفك* قفل الجوال واتوجهلو وفتح الباب ودخل : سلااام* ياسر : وعليكم السلام* انس : اشبك ياهو والله اقلقتني عليك* ياسر : لالا ولاشي بس في كم شي جايبلي الهم المهم انت ماعليك ذحين قلي ايش ذا ؟* انس مستغرب : ايش ايش ذا ؟* ياسر طل في المركز* انس فهمو : اهاا قصدك المركز .. والله شوف انا صارلي فترة هنا* ياسر مستغرب : ايش تسوي ؟؟؟؟؟ انس : والله انت عارف يعني وضعي كيف ابويا وامي توفو ويعني خالي مايقدر يشيلني تعرف الظروف كيف* ياسر :طيب؟؟؟* انس : فوالله خالي عرض عليا اني اشتغل هنا وانا سالت وقالولي انو في سكن وجامعه وشغل في نفس الوقت فقلت ليش لا اشتغل وادرس واسكن ولا اثقل على خالي واهو الحمد الله ماشيه اموري* ياسر: وساكن كذا ببلاش؟* انس :لاهوا طبعا في شروط يعني اللي اصغر من الجامعه سكن ودراسه ببلاش طبعا بس انا اشتغل وادرس ونص راتبي يرجع للمركز* ياسر عين على الطريق وعين على انس: اهااا* انس : طيب المهم بسالك* ياسر : امم؟؟* انس : رائد ياشيخ مختفي مررة والله مو من عوايدو سمعت من حارس الشاليه انو مسافر بس غريبه اول مرة يسافر ومايقلي* ياسر : والله مني عارف بس من جد زمان عنو طيب ماحاولت تتصل ؟* انس : اتصلت كذا مرة مايرد او مغلق* ياسر : اهااا والله ما ادري بس الله يعينو على ما ابتلاه تلاقيه في مصيبه اعرفووو انا مايختفي الا في المصايب الله يستر بس* انس : الا على سيرة المغلق ومايرد عندك شاحن ايفون؟* ياسر : ايوا اهو ليش؟ غيرت جوالك؟* انس : غيرررت ميين لاياشيخ* مد يدو وطلع الجوال وشحنو* ياسر مستغرب : اجل جوال مين ذا ؟ انس : وحدة* ياسر مفجوع : جوال وحدددة؟؟؟* انس : اشبك اشبك اكلتني ايوا وحده اعطتني اياه* ياسر طالع في انس : انس مو عليا ذي الحركات جوال مين ذا وكيف صار معاك؟* انس : اعوذ بالله مافي شي يتخبى عليك* ياسر : انت اللي ماتعرف تخبي من شكلك اصلا مبين انو معاك مصييه* انس : في بنات جامعه يشتغلو في المركز مشاريع وكذا يعني مصممات ديكور وذي الشغلات وينفذو اعمالهم عندنا وفي بنت اخذت غرفتي وتصمم فيها بس طبعا وقت مانخرج احنا هما يدخلو يشتغلو بس اليوم الصباح اتاخرت عن الجامعه ولما خرجت من الحمام لقيت شنتطتها محطوطه على الطاوله واخذت الجوال وخرجت قبل ماتجي* ياسر يسمع وكل شويه ينفجع اكثر : ياسلام وتاخذ جوالها كذا ؟؟؟ سرقه؟* انس: سرقه ايش ياعمي انا بس اخذتو لاني مالقيت شي ثمين اخذو* ياسر : وليش تاخذ اصلاااا مين ذي البنت عشان تاخذ منها* انس:بيني وبينك البنت دخلت مزاجي بس مو مرررة يعني عاجبني اخلاصها في الشغل واندماجها بس مرة قلتلها بشتغل معاك او اساعدك بس رفضت واستصغرتني فحبيت اردلها اياها وبس* ياسر: وكيف حتردها؟* انس : تسالني انا ؟؟؟ انا جايبك ليش ؟ اصلا ما اعرف كيف استخدمو ذا الجوال* ياسر جنب سيارتو* ومسك الجوال ولما شحن انفتح* ياسر ماسك الجوال ويطالع : من جدك انت ايش جوال الهبل ذا ايش تبغا فيه اصلا عندك ميه طريقه وطريقه* انس : اقلك شوف شوف وبس* ياسر : اصبر خلينا نشوف اللي جاها والله البرامج ضاربه عندها تويتر واتس كيك ودنياا* فتح الكيك* يطالع في المحادثات مالقى شي* فتح التوبتر* لالا ايش ذا( دكتوري احمد ) بالله شوف ايش الكلام والدنيا* انس : ايووووووا هذا دكتورها في الجامعه شفتو اول يوم لهم والله شكلهم وراهم شي ذولا* ياسر يقرا: بس والله محترمين باين مرررة* انس : انت ايش دراك يمكن بينهم اشياء غير ذا* ياسر يقرا ومندمج : اقلك انت شفتو بعد ذا اليوم ؟* انس ؛ لا ليش؟* ياسر : باين انو سابها وراح اشتغل في مكان ثاني* انس : اووف* ياسر خرج وفتح الواتس : اايييهي عاد ذا الكلام فيه مايخلص بالله ايش تبغا منو* انس: انت مالك صلاح ورينا وبعدين يصير خير* ياسر يفتح المحادثات : والله امها ترا قالبه عليها عشان الجوال شكلها مهي داريه انو ضيعتو* انس يضحك : طيب اللي بعدو* ياسر فتح بدور : والله مدري مين ذي بدور بس تقول مستنيتها واتاخرت شكلها اليوم رايحه عندها* انس : طيب ؟ ايش حستفيد من ذا ذحين ؟* ياسر يقلب : انا ادري عنك* فتح المحادثة : ربا يالله ياكثر الناس اللي تلاقيهم في جوالات البنات المهم هذي تقول شوفي صور وقف كلامو لما شاف الصورة بعد الجوال من بينهم وجلس يطالع ومفجوع* انس : هييي انت اشبك كمل واشبك اخذت الجوال ؟* ياسر متنح ومستغغغررب : اسمها ربااا* انس يطالع فيه : ربا مين مارررريا اسمها ماريا* ياسر طالع فيه : هاا ؟* انس *اتأفف : اقلك جيب جيب الجوال انت مامنك فايدة وييينك يارائد والله محد يخارجني غيرو* ياسر مسك الجوال بقوه : استنى شويه* جلس يقرا المحادثة ومو مستوعب من وين تطلعلو ذي من كل مكان في الطريق ... مسك جوالو واتصل ..: الوو* جالس في الصاله بين امو وابوه *مسك الجوال ورد : الو هلا مراد* مراد : هلا وليد اسمع* وليد : ايوا ؟* مراد : ترا رحت الديوانيه والشباب راحو اغلبهم مشغولين ايش رايك نخرج نتعشى برا ؟* وليد : لا لا مافي داعي تسلم انا كنت حتصل عليك واعتذر منك عندي كم شغله مع الاهل وماحقدر والله* مراد؛ اهااا لالا عادي خذ راحتك يالله ان شاءالله مرة ثانيه* وليد: ان شاءالله* مراد : *طيب يالله مع السلامه * قفل منو .. ابو وليد وام وليد في الصاله على الكنبه ووليد مقابلهم* ابو وليد : ها ياولدي ايش قلت؟* وليد موطي راسو ومرتبك : والله انتو ايش رايكم ؟* ابو وليد طل في ام وليد :هذي امك شوفها اناا قلتلك رأيي* ام وليد انتبهت بعد ماكانت مسرحه : والله ياولدي مدري ايش اقلك بس يعنيي (وطت راسها واترددت في الكلام ) وليد خاف :ايش ؟؟* ام وليد : يعني ياولدي انت عارف تالا ابوها في الرياض يشتغل وامها في غيبوبه الله اعلم حتصحى ولالا ويعني اخوها وانخطف ويعني والله انا امك وابا مصلحتك اتمنالك البنت اللي يكون عندها اهل ام واب واخوان تحس انك خطبت بنت اهلها حولينها وكذا وبعدين ايش رايك عندي لك كم بنت ماشاءالله جمال واخلاق واهلهم طيبين يعني بنت ناس و قاطعها ابو وليد :بس يا ام وليد خلينا نسمع رأي وليد اكلتيه بالكلام* ام وليد : ايش اكلتو انا امو وابا مصلحتو وابالو الشي الكويس* ابو وليد : طيب اصبري* طالع في وليد ؛ ها ياولدي ايش رايك في كلام امك* وليد متنح ومو مستوعب اللي قالتو امو ماكان متوقع انها ترفض : بس يا امي ابوها موجود ايش يعني لو في الرياض وامها يا امي اختك اتفائلي بالخير وادعيلها وان شاء الله تقوم وبالنسبه لاخوها ذي قصه قديمه خلاص نسيناها ومحد عارف يمكن يجي اليوم اللي يلتقي بيهم ويعني ماكنت اتوقع تقولي كذا على بنت اختك احنا اهلها وانا حكون سندها تكفيني هيا مابا اهل ولاشي* ام وليد: بس ياولدي انا ابو وليد قاطعها : خلاص يا ام وليد خلي الولد على راحتو الموضوع ماحينحل كذا* طالع في وليد : اسمع ياولدي انت فكر اليوم وخذ راحتك واستخير وفكر في كلام امك وشوف ايش المناسب وبكرة نتفاهم* وليد قام مهموم : طيب ان شاءالله ..يالله انا داخل انام* ام وليد : وليد اشبك اختك مين حيجيبها ؟* وليد افتكر : طيب ان شاءالله ذحين حروح اجيبهم* اتوجه للباب وخرج للسيارة* فتح الباب وجلس ورجع راسو على ورا ويفكر ... فتح جوالو ويشوف الكلام اللي بينو وبينها وقلبو يوجعو مع كل جمله عمرو ما اتخيل انو في شي يوقف في طريقو* غمض عيونو وفي قلبو بقهر (يارب )* رما الجوال جنبو ومشي* طول الجلسه وهما يطالعو في بعض بحقد* اتوترت من نظراتها وقامت* بدور تطالع فيها : اشبك؟* مروة تطالع في ربا: يالله انا استأذن* بدور: ليييييش ؟؟ بدري والله ماشبعنا منك* مروة ابتسمت مجامله ؛ لالا حبيبتي خلاص مرة ثانيه ان شاءالله لازم نمشي* لمى قاعده بين تالا وبدور طالعت بحزن في امها : ماما مانبا نروح* مروة اعطتها نظرة : خلاص ياماما قومي* لمى قامت بحرن* بدور : ليش خللليها* ربا تطالع في الارض (في قلبها ) تخلخلت عظام بليسها* مروة ؛ لالا ماينفع* ربا (منفعه تنفع بليسك بالنار يارب )* بدور ماحبت تضغط عليها : طيب خلاص زورينا مرة ثانيه* مروة؛ ايوا اكيد حبيبتي* ربا ( حبه تحب بليسك وسلسبيل اهلو )* مروة سلمت على تالا وماريا* وقفت قبال ربا ومدت يدها : يالله سلام* ربا بصوت واطي : الله لايسلم بليسك* مروة : ايش قلتي ؟* ربا ابتسمت مجامله ؛ لالا سلامتك قلت بدري لسا* مروة : بدري من عمرك* ربا في قلبها ( ان شاء الله عمري اطول من عمرك )* مروة خرجت ووراها بدور* مروة تتصل على السواق ... مايرد* بدور ؛ اشبو السواق مايرد؟؟؟ * مروة : لالا ولاشي حرسلو رساله اصلا تلاقيه برا انا كلمتو اول* مروة لبست عبايتها وخرجت* وقفت *متكتفه وجنبها لمى * *تحاول كذا مرة تتصل بس مايرد ؛ استغفر الله وينو ذا* انوار سيارة في حيهم المظلم جات عليهم* مروة تطالع ؛ اهو شكلو جا* قربت من السيارة وشهقت* لمى لما شافتو ابتسمت* وقف السيارة وخرج منها ...* لمى جريت عليه : بابااا مرراد* مراد طالع فيها وابتسم : يااااهلااا والله بلمووو* حضنها وحملها : وحشتتتيني* لمى : وانت اكثثثر* مراد : فين حتروحي ؟ليش ماتجلسي عندنا لسا مالعبت معاك * لمى طالعت في امها : ماما ماتباني اجلس خلتنا نقوم بسرعه* مروة متفشللله مراد طالع في مروة : ليش بدري اشبكم ؟* مروة ارتبكت ؛ لالا خلاص ذحين جاي السواق* لمى كلمتو بشويش في اذنو : قلها ابا اجلس عندكم* مراد طالع في لمى وضحك* طالع في مروة : طيب خلي لمى تبات عندنا اليوم* مروة ؛ لالا ايش تبات مافي داعي خلاص حنروح* مراد : لالا انا حجيبها بكرا لين بيتكم* مروة ساكته مهي قادرة تقول شي* مراد : طيب اشبكم واقفين مستنين احد ؟* مروة : والله مستنيه السواق بس ما ادري اشبو ماجا* مراد حط لمى في الارض ومسكها من يدها* فتح باب سيارتو وجلس لمى جنبو وشغل السيارة : يالله انا حوديكم* مروة انفجعت : لالا السواق جاي ذحين* مراد بدون مايطالع فيها: اقلك اركبي ماعندنا احد يروح مع سواقيين ذا الوقت* مروة انبكمت وبعد ثواني اتوجهت للسيارة وركبت بتوتر* مراد مشي على طول* مروة : يعني ماكان في داعي خلا قاطعها مراد : وين عنوان البيت ؟* مروة انقهرت : في حي ...شارع ....* بعد ثواني ....* وصل للشارع* يطالع يمين يسار : وين اوقف بالضبط ؟؟؟* مروة اشرت على الفندق : تحت فندق .... مراد استغرب ووسكت واتوجه للمكان* وقف سيارتو ...* مروة : يعطيك العافيه تعبناك معانا* مراد : لاتعب ولاشي* مروة : يالله لمى انز قاطعها مراد : لمى حتبات عندنا* مروة نزات بدون ماتتكلم* وقف السيارة ونزل* يطالع من بعيد ومستغررب ويحارل يستوعب الملامح* مراد حرك سيارتو ومشي* طالعت في العمارة ولفت على الفندق طالعه* اتوجهلها لاشعوريا : مروة* مروة لفت بسرعه *وغيرت ملامحها للجديه ؛ نعم ؟* ياسر : مين ذا اللي نازله من سيارتو وبنتك ليش معاه ؟* مروة فتحت عينها : وانت ايش دخلك بصفتتتك مين تسال ؟؟؟؟؟؟* ياسر عصب : ردي عليا احسلك* مروة : لا والله تعال اعطيني كف احسن* ياسر طالع فيها واتنهد : مروة مين اللي كنتي معاه ؟* مروة. ساكته .... ياسر : منتي طالعه لين اعرف* مروة : لا والله ايش رايك احكيك يومي ايش سويت فيه وايش اكلت ومع مين اتكلمت ،؟* ياسر قرب منها* مروة رجعت على ورا بخوف : لو سمحت اوقف بعيد* ياسر : اذا ما اتكلمتي والله ماحبعد* مروة : مع نفسك* ياسر قرب اكثر* مروة ترجع على وراها : خلااااص خليك مكاانك* ياسر : مين ذا ؟* مروة : زوج صحبتي* ياسر : وزوج صحبتك تخلي بنتك تروح معاه ذا الوقت وكمان ترجعي معاه لحالك ؟* مروة *رفعت صوتها ؛ انكتم موو شغلك قله حيا خلصت كلامها علي كف تبعتو صرختها .....* ياسر اعصابو فلتتت ويتنفس بسرعه* مروة ماسكه مكان الكف والدموع في عينها ؛خلاص كذا اخذت حقك ؟؟؟؟ ارتحت كذا ؟ تباني اريحك اكثر ؟ اقلك مين ذا ؟؟؟؟ هذا حبيبي ياياسر حبيبي* اعطتو ظهرها ومشيت بسرعه طلعت الفندق وسابتو وراها واقف وكل اللي يدور في بالو (حبيبي ....حبيبي....)* * جالسه في الصاله وصوت ضحكهم مالي البيت* ماريا متحمسه : بنات اتخيلو امي كانت تكلم تلفون ومتوترة* خرجت اشرب مويه ولما شفت وجهها الا والا اعرف اشبها* المهم طال عمركم رايحه جايه مترت الصاله مابقي بلاطه ماعديتها* وامي وجهها كل مالو يصير احمر وفيها ضحك *: ان شاءالله اكيد انا حكلمها واشوف رايها وحردلك خبر* والله من ساعه ماسمعت ذي الجمله وانا خلاص افكر ايش حفصل موديل فستاني وايش اختار لون مسكتي* المهم امي قفلت السماعه ونادتني* انا هنا نطيت عندها وجلست* امي تطالع فيا وتضحك : اسمعي هذي ام عادل اتصلت* انا هناااا قلبي طاح : طيب؟* امي : لا بس اتصلت تخطب* انا عاد لساني سبقني : موافقه* امي فتحت عيونها : ايش موااافقه ؟* انا انبكمت ؛ لايعني اقصد ايش السالفه ؟* امي سلكتلي كالعاده: طيب اتصلت تبا ساسي لسواقهم اتخيلي وجلست تضحك* انا اتحطمت احلامي في لحظه انا قدني افكر اعزم مين وايش القاعه تقلي ساسي* المهم ساسي اتزوجت وانا اشتغلت بدالها* ماريا تطالع فيهم والكل ساكت* حطت يدها عند رقبتها : طيب اجبرو خاطري واضحكو* ربا تطالع في ماريا بحزن: اسمعي ماريا ترا* ماتضحكي ماريا : ربا جبهتي الله يحفظك مو قدام الناس * *ربا تطبطب على ظهرها : عادي حبيبي من يومك ماعندك كرامه* ماريا : خفيييييي علينا ياللي كرامتها محفوظه ومصانه* ربا : ايوا طبعا* ماريا ؛ وبخصوص اللي صار في بيتكم اليوم ؟* ربا جوال يرن *اخذت الجوال : ايوا وليد* وليد صوتو لايحسد عليه : انا تحت* ربا انفجعت من الصوت : طيب طيب ذحين نازلين* وقفت : يالله تالا وليد تحت* تالا وقفت : طيب يالله نشوفكم على خير* ماريا : هييي وانا مين حيرجعني* ربا : انت اول شي دوري كرامتك بعدين تعالي اتكلمي * ربا لبست عبايتها وجرررريت على الباب* تالا لبست عبايتها ولحقتها* دخلو السيارة* ربا تضحك : الله يستر بتذبحني شكلها* تالا تضحك : حرام عليك ماخليتيها في حالها* وليد في عالم ثاني كل اللي يسمعو صوتها وصوت ضحكتها* بعد دقايق* ربا تطالع في وليد : اشبك ساكت ؟* وليد : ايش تبيني اقول ؟* ربا وتالا استغربو : لا يعني استغربت سكوتك اشبك في شي ؟* وليد مايطالع فيهم : لا مافي شي* ربا حست انو موطبيعي سكتت* تالا بدات تقلق وتخاف اول مرة تشوفو كذا ماجا في بالها شي تموت وتعرف اشبو* بعد دقايق وصلو للبيت* وقف السيارة* تالا نزلت* ربا بتفتح الباب ...وليد بقهر : امي ماوافقت* ربا سابت الباب ودارت عليه بشويش طالعت فيه : على ايش؟* وليد : تالا رباا صنمت : كيف ماوافقت ؟* وليد ضرب بقوة على البوري* ربا بعدت يدو بسرعه : اشبك يااااهو فضحتنا* وليد سااااكت* ربا : طيب فهمني ليش ماوافقت ؟* وليد مد يدو لباب ربا وفتحو *: اخرجي* ربا مصنمه : هاا؟* وليد بحزم : ربا اخرررجي* ربا : *طيب فين رايح ؟* وليد : مو شغلك* ربا خرجت وعبايتها طارت من سرعه وليد* واقفه تطالع فيه وقلبها يوجعها : الله يستر* الغرفه باااااردة* نايم على الكرسي بتعب* حاطه يدينها على طرف السرير ونايمه* الهدووء مالي المكان* صوت جهاز القلب الصوت الوحيد .. عيون تنفتح باقل من مهلها ... ترمش بشويش وبتعب* اصابعها تحاول تحركهم بشويش* لحظات مرت وعيونها تدور في المكان* بعد ثواني .... بلعت ريقها وفتحت فمها بشويش صوت كلو تعب : انا ... وين ؟؟؟* رفعت يدها بشويش وتطالع فيها وتحرك اصابعها* تطالع في المكان وجات عينها على المنزله راسها على السرير* تفتح عيونها بشويش وتحاول تتكلم : انتي...* انتي مين ؟؟؟* حركت رجلها اليسار : اااه* رجولها متأثرة بالحادث والعمليات* فتح عيونو على صوت المها : يطالع فيها مستغرب : ريم اشبك ؟* دارت عيونها عليه وتحاول تفتحها : مين انت؟؟ وين انا ؟؟* قبل لاتروح عينو على مكان الصوت نبضات قلبو وقفت من الخووف ... بعد لحظه استيعاب عيونو جات عليها وانصدم: تالييييييين؟؟؟؟؟؟* قامت بسرعه وتدور راسها يمين يسار : ايش في ايش في؟؟؟* يطالع في تالين ومو عارف يوصف ولا يتكلم : تالين ؟؟؟* دارت عيونها عليها ووقفت بصدمه :تااااااااااالين ؟؟؟؟؟؟؟؟؟؟؟؟؟؟؟* (انتهى البارت الخامس عشر ) |
رد: روايه نور في غسق الدجى البارت السادس عشر تحاول تجلس بس مهي قادرة تغمض عيونها وتفتحها تبا تقوم من ذا الحلم :وين انااااا* تحس. بالم ومهي قادرة تتكلم جسمها وراسها يوجعوها (بدات تبكي) : وين اناا* حضنتها من قلبها وبكيت معاها : ياقللبي انتي واخيررررا اللهم لك الحمد الحمد الله الحمد الله* بعدت عن حضنها وطالعت فيها مسحت بيدينها دموعها ؛ لاتبكي ياتالين لاتبكي انا معاك* تالين بتعب ؛ريم تعباانه جسمي يوجعني وين اامي ؟؟* يطالع فيها مصنم صوتها ذكرو بمقاومتها مرت فترة وبدأ يتناسى بس ذحين تتكلم قدامو وصوتها تعب قلبو* تالين تبكي بالم : انا وين ياريم وين ؟* ريم: ياقلب ريم انتي في المستشفى لاتخافي ذحين اناديلك الدكتور ويروح الالم كلو انتي هددي بس طالعت في رائد واشرتلو* رائد استوعب وفاق من تتنيحو وراح بسرعه* تالين تحاول تحرك جسمها بس الالم مانعها :ايش جابني هنا انا ايييش صارلي ؟ وين اميي ؟* دخل الدكتور بسرعه ومعاه ممرضتين* ريم بعدت ودارت على السرير وجلست يسار تالين وماسكه يدها الدكتور يمين تالين ويفحصها *رائد واقف عند الباب ويطالع من بعيد تالين تطالع فيه مفجوعه : مين هذا ؟* ريم : الدكتور لاتخافي ذحين حيروح الالم* الدكتور مو قادر يكلمها ماحتفهمو الدكتور اتطمن عليها* اتوجه لرائد وفهمو وضعها بعد ماخرجو من الغرفه* الممرضتين خرجو بعد ماسجلو الملاحظات وكل شي* تالين تعبت من البكاا : ريم ابا ارجع انا وين ياريم حرام عليك ارحميني* ريم تعبت معاها : تالين الله يخليك هدي انا كيف حفهمك كل شي وانتي كذا انتي هدي وانا حفهمك كل شي وليش انتي في المستشفى وليش بتتالمي وايش صارلك* تالين تحاول تاخذ نفس* ريم : ايوا هدي حرام عليك تتعبي نفسك زيادة احنا ماصدقنا تقومي بالسلامه* تالين :ريم ارحميني الله يخليك وقوليلي انا وين ؟* ريم ماسكه يد تالين ويدها الثانيه على راسها : اسمعيني ياقلبي انتي ايش اخر شي تتذكريه ؟* تالين : ما ادررري ما اتذكر شي خلاص ولا ابا افكر بسرعه اتكلمي* ريم : طيب حاضر من عيوني بتكلم ذحين بس هدي انتي* تالين تطالع في ريم مستنيه الكلام* ريم اخذت نفس:انتي اخر شي تحطي لين الحديقه اللي في شاليه رائد* تالين :مين رائد ؟* ريم : المهم انتي اسمعيني هوا حاول يئذيك بس انتي الله يهديك مالقيتي الا تنطي من الشباك وتنطي للحديقه بس الحمد الله انك ذحين بخير حصلك نزيف وعامودك الفقري تأذى ويدك انكسرت وجروح ورضوض ودنيااا وحوسه صارتلك .... ريم تتكلم وتشرح وتالين تسمع وتحاول تتذكر* ريم تكمل كلامها : رائد شالك ووداك المستشفى في جده واتصل عليا وفهمني كل شي وجلستي يمكن يومين او ثلاثة ما ادري المهم انو الدكتورطلب نقلك لالمانيا ونقلناك* تالين مفجوعه : المااانيا؟ انا في المانيا؟؟؟* ريم : ايوا ياقلبي في المانيا* تالين ؛ امي فين ؟ ومحمد فين ؟ ابويا داري؟* ريم بلعت ريقها : شوفي انتي اللي صارلك مو شويه وماقدرنا نقول لامك بس محمد عارف وابوك في سفرو ولسا مطول ولا قلنالو* طبعا تالين تحس راسها يعورها* عيونها بدات تغمض وبدا مفعول المهدي* ريم وقفت كلامها ويدها تمررها على يد تالين وراسها لين اخذتها عينها* بعدت بشويش من فوق السرير* تطالع في الغرفه مو موجود* خرجت برا الغرفه .... جالس على الكنبه ويفكر مو مع احد ابداا* اتوجهتلو وجلست قبالو : رائد* رائد رفع راسو بفجعه : هاا؟* ريم مستغربه : اشبك بسم الله ؟* رائد : لالا ولاشي ...ذحين كيفها هديت؟* ريم : ايوا الحمد الله نامت* رائد سكت يفكر فيها* ريم : طيب انا كيف اتصل على محمد ذحين كذا مكامله منو ولارديت ولاطمنتو واكيد حيقلي بكلمها وانا لسا مافهمتها شي* رائد مسررح .... ريم : هيييي اكلمك انا* رائد انتبه ؛ هاا ايوا معاك* ريم طفشت : ايوا باين مررة* قامت وبعدت عن المكان واتصلت* جالس في الصاله على الارض وفاتح كم كتاب ويقرأ* مسك الجوال ورد بسرعه : الو وبينك انتي؟* ريم متوترة : محمد الحمد الله نجحت العمليه نجحت* محمد نط بقوة وقام للكنب وسلم على يد امو* امو ماسكه السبحه وتذكر ربها وانفجعت من تصرفوا* محمد : طيب وقامت ؟* ريم : ايوا قامت الحمد الله بس كانت مفجوعه ومهي مستوعبه شي ابدا وحاولت افهمها شويه من اللي صارلها بس قبل كذا اعطاها الدكتور مهدي ونامت* محمد مبتسم : الحمد الله الحمد الله* قام ودخل غرفتو :ريم انتبهيلها ياريم الله يخلليك ويارب يبلغنا وترجعولنا بالسلامه* ريم :امين يارب* محمد : ريم* ريم : نعم ؟* محمد :الله لايحرمني منك* ريم صنمت ولاردت* محمد:انا اسف كنت معاك سييئ في الفترة اللي راحت سامحيني بس ماكنت مستوعب شي ابدا* ريم ابتسمت : لاعادي عذرك معاك وماتنلام اي احد كان حيسوي زيك* محمد : طيب انتبهي على نفسك* ريم قلبها يدق مع الكلام : امم ان شاءالله* محمد : يالله مع السلامه* ريم : مع السلامه* قفلت الجوال ومسكتو بقوة وخوف* رجعت لرائد وجلست ومسرحه* رائد ؛ ها كلمتي محمد ؟* ريم ماردت* رائد مستغرب : هيبي اكلمك انا يامسرحه * ريم : ياشيخ روح حبكت عليا انا ما اسرح رائد : بسم الله وانا قلتلك شي لاياشيخه ماصدقت اسلوبك اتعدل* ربم : هي انت لايكون على بالك سامحتك لا طبعاااااا* رائد وقف ؛ اقلك انا رايح الفندق سلام* مشي وسابها في تفكيرها ومقهور بالمرة * * **في جده* تلبس عبايتها باستعجال: بدور الله يخليك ابغاه* بدور :طيب يابنت الحلال اصبري لين يجي اخوك وقوليلو انا مالي صلاح* ماريا :طيب اتصلي عليه* بدور تتأفف :طيب حاااااضر حتصل* مسكت جوالها ودقت عليه ..... في الطريق* يطالع فيها وهي نايمه بكل براءه وباين انها تعبانه* جوالو يدق ... اخذ الجوال ورد :الو بدور : هلا مراد كيفك ؟* ماريا تدقها بطفش :بسرررعه قوليلو بعدين اسالي عليه* بدور فتحت عيونها باستغراب : اسمع ماريا اختك رايحه ذحين بس تبا ايبادك ضروري* مراد : ليش ؟* بدور : ما ادري عنها* مراد : طيب خليها تاخذو بس قوليلها شويه شويه عليه بلاعفاشه* بدور تضحك : طيب يالله مع السلامه* مراد : مع السلامه قفلت الجوال : خلاص قال خذيه بس بدون عفاشه هوا قال مالي صلاح انا* ماريا اخذتو وبدون اهتمام : اسري بالله انتي وياه خليتلكم الرقه* خرجت جري* في السيارة .... غيرت كل الحسابات وخلتهم بحسابها .... مترددة ترسل ولالا* فتحت المحادثة : انا اسفه على الازعاج واني كتبت في وقت متاخر بس حبيت اقلك اني اخذت جهاز اخويا ودخلت منو فيعني انا موجودة للضرورة واكرر اسفي على الازعاج .... ماسك كاسه العصير ويشرب بروقان .... بعد دقايق طلع غرفتو* انسدح على سريرو ومسك الجوال بطفش ... عدل جلستو بسررعه لما شاف رسالتها* يقرأ.وابتسم نفسو يكلمها مايبا يرسل كلمتين وخلاص* يفكر وييفكر .....:ياربي كيف اخليها تكلمني* بجرب كذا وبشوف ايش يصير* ارسلها : ماريا ... ماريا ماصدقت تجيها رساله ارسلت :نعم ؟* احمد : انا تعباان .... ماريا عيونها شويه وتدخل وسط الشاشه مفجوعه : سلاااامتك اشبك ؟ ايش في ؟ ايش تحس؟* احمد مبتسم على الاخررر: ما ادري بس احس في شي يوجعني* ماريا متفاعله مع الموضوع بجديه : طيب ايش هوا ؟؟؟؟* احمد : يعني ساعات احس بالم في قلبي وكذا* ماريا انفجعت اكثر : قوم قوووم* احمد مستغرب : ايش قوم ؟ فين اروح ؟* ماريا : الدكتووووور* احمد : اي دكتور وذحين ؟؟؟؟ لالا مافي داعي* ماريا : اي مافي داعي طوااارئ طيب روح قيس الضغط سوي اي شي مايصير تجلس كذا* احمد : لالا مابا بس في شي يمكن يخفف عليا* ماريا ارسلت بسرعه : اييييييش؟؟؟؟؟؟* احمد مبتسم : انت* ماريا تطالع في الشاشه وعينها مارمشت :هاا؟* احمد يضحك : اشبك ؟* ماريا مهي مستوعبه *: كيف يعني انا؟* احمد : يعني خليك معايا ما ادري بس احس براحه ماتتخيلها لما اكلمك اصلا احسك صرتي جزء مهم في يومي يمكن عشان انا مالي احد* ماريا بيغمى عليها* السواق وجنبو الشغاله : مدام اعطيني منديل من ورا* ماريا متنحه ماسكه الجهاز ورافعه راسها : ياشيخ اصيرلك مناديل* االسواق : نعم ماما ؟* ماريا مسكت المناديل : خذ* السواق اخذو بخوف من شكلها المبتسم والمتنح* ارسلتلو : انا مني عارفه ايش اقول.... احمد خاف : انا اسف والله ياماريا ماكنت اقصد بس شكلو التعبير خانني انا اسف سامحيني اتعديت الحدود* ماريا مستغربه ؛ لالا مو قصدي كذا قصدي انو مني عارفه ايش ارد عليك اعجابا بكلامك يعني انا ما اتمنى ارفضلك طلب بس يعني تعرف احنا اتكلمنا على قصه تواصلنا وقلنا للضرورة بس* احمد : طيب اعتبريه للضرورة انا تعبان ومحتاجك ياماريا ...* ماريا قلبها طاااح : طيب ما ادري يعني* احمد : طيب بس فترة بسيطه لين اتحسن* ماريا : خلاص طيب* احمد بيطير من الفرح : الله لايحرمني منك* ماريا لو احد اداها كف ماحتحس فيه :ارسلت فيس خجلان وسكرت .... يمشي في الشوارع ومو عارف فين يروح* يلف ويمشي مو حاس بنفسو بس يفكر (في قلبو) : يارب يارب ساعدني يارب يارب اجعلها من نصيبي* جالسه على سريرها متوترة وخاايفه ارسلتلو : اشبك؟* مارد* اضطرت تتصل وهيا خاايفه * جوالووو يرن ويرن* بالقوه طالع في الجوال ولما شاف الاسم غمض عيونووو بقوة* اعطاها مشغول وارسلها : مافيني شي انا راجع ذحين البيت* اتصلت عليه مرة ثانيه* اضطر يرد :الو* تالا متوترة : تكذب على مين؟* وليد بطفش:ايش تبي ياتالا؟* تالا انفجعت من ردو وصوتو :ايش؟ايش قلت؟* وليد :استغفر الله العظيم واتوب اليه* تالا اتحطمت على الااخر:مابا شي منك اصلا انا وحدة فاضيه ادق واسال سلااااام* وليد قفل بدون مايرد* تالا دموعها نزلت من القهر :انا ايش سويتلو ؟؟؟ والله حرررام* انسدحت على سريرها واتغطت ودموعها تنزل ولاوقفت ..... (انطق الهم لساني رغما عني....* وذرفت عيناها رغما عنها .... فالقدر يقلب الموازين ويرغمنا على فعل مالانريد ) في الصباح* لبس ملابسو واترتب وخرج من بيتو* طلع سيارتو وقفل الباب* مسك جوالو وهوا مبتسم :صباح الخير* شغل السيارة ومشي ... نايمه ومهي داريه عن شي* صوت الباب يندق :ماريا قووومي جامعه قوميي* ماريا بتعب فتحت عين وعين مغمضه : طيب يا امي بس شويه* ام مراد فتحت الباب *وسحبت اللحاف : قووووومي قالت شويه لعبه هيا* ماريا قامت مفجوعه : امي لااااا الله يخليك الا سحبه اللحاف ترا كرامتي كلها في سحبتك ذي* ام مراد : ذحين بتقومي ولا اكب كاسه مويه* ماريا قامت وتتثاوب : طييب* تمشي بشويش* ام مراد خرجت* رجعت بسرررعه ومسكت جوالها تشوف اذا ارسل* ابتسمت وارسلت :صباح النور* يسوق ومرووق سمع صوت جوالو وفتحو : ياهلاا* ماريا مبتسمه : هلا فيك هاطمني كيفك ذحين احسن ؟* احمد بكذب : والله يعني لابأس يعني هوا اكيد بوجودك تمام بس مو مرة* ماريا : اها يعني خلاص وجودي زي عدمو* احمد : لااااااا طببعا استهبل معاك اكيد تمام افا عليك* ماريا : طيب انا استأذن ورايا جامعه يادكتوي سابقا* احمد افتكر : ليت الزمان يعود يوما* ماريا ضحكت وقفلت* مبتسم ومرتاح قفل الجوال ووقف سيارتو تحت باب الشركه ونزل وكالعاده في من يوقفها بدالو* داخل الشركه مبتسم* طلع المكتب ودخل* على فتحت الباب انفجعت وسابت الاوراق اللي في يدها* احمد مستغرب : صباح الخير ! السكرتيرة بتوتر : صباح النور ياهلا استاذ احمد* احمد : افضل دكتور احمد* السكرتيرة : حاضر يادكتور احمد* دخل المكتب وجلس على الكرسي ... اخذ نفس : يارب ساعدني تعبت من ذا الشغل الممل* بعد دقايق من تقليب الورق والملفات* يشرب قهوتو ويسمع اصوات وازعاج* استغرب : ايش ذا ايش في بسم الله ؟* الاصوات بدات تعلى ... قام من مكتبو وخرج يدور للسكرتيرة مهي موجودة استغرب اكثر :وينها هذذي* مسك قبضه الباب يبا يفتح يخرج يشوف ايش صاير* سبقو وفتح الباب ...* احمد انفجع ورجع على ورا :بسم الله* الرجال : انت احمد ؟ صاحب الشركه ؟؟؟* احمد اتوتر : ايوا نعم ايش في؟ ومين انت ؟* الرجال بحزم : اتفضل معانا للقسم تعرف ايش في* احمد انفجع ومو مستوعب الكلمه اللي قالها : ايش قسم ايش في ايش صاير فهمتي بس؟* الرجال : لو سمحت اتفضل معانا في بلاغ جاينا عليكم بتهمه النصب واحتيال وغش واصلا شركتكم غير قانونيه نهائيا* احمد مو فاهم شي ومو حاس بنفسو قلبو وجعو من الصدمه مشي بهدوء ووراه الرجال ومستينيهم جماعه رجال عند الباب* احمد يمشي ومو عارف فين رايح ولا ايش صاير* دخلوه السيارة ومسكو كبار المسؤلين في الشركه وحققوا مع الموظفين الباقيين* واحمد وكبار المسؤلين اتوجهوا للقسم .... في الطريق* تطالع في السيارات بطفش وتتأفف: يارررربي ارحمني الدوام بدأ وشغلي واقف متى بالله حبدأ واخلص اليوم الشغل مرررة زايد* السواق نزل من السيارة يشوف السيارات ليش واقفه طالع ورجع للسيارة : مدام هذا في سيارات شرطه كثير يمكن في حادث* ماريا بطفش : طيب طيب الله يصبرني يارب* مرت سيارات الشرطه من تحت المركز ... يطالع في المركز وقلبو يوجعو لما شاف اسم المركز كل اللي يرددو : يارب الله يستر* بعد دقايق وصلت *نزلت من السيارة : خلاص لما اخلص شغل حتصل عليك* السواق : طيب مدام* ماريا دخلت المركز مبتسمه مسكت جوالها : اتمنى تبدأ دوامك وانت مبسوط ومرتاح انا بصراحه مروقه رغم الزحنه اللي كانت في الطريق اتمنى من قلبي تجي وتشوف انجازاتنا* كلنا في انتظارك يادكتوري 3>* ابتسمت وقفلت الجوال قلبها يدق من الفرح تحس في احد يشجعها تكمل يومها مبسوطة ومرتاحه ..... وقفت السيارات ونزلوهم* ملامح وجهو مختفيه وجاامدة* طلع بكل هدوء وخطواتو تستمع في الممرات والدرج والخوف والقلق مملي قلبو* الرجال : استنى هنا دقايق* جلس على الكرسي وبجنبو رجالين واقفين* دق الباب* الضابط: ادخل* الرجال : وصل احمد* الضابط : دخلوه* الرجال : حاضر* نزل من الغرفه : قوم ادخل* احمد وقف واتوجه للغرفه ودخل بخوف : السلام عليكم* الضابط : وعليكم السلام* اشرلو على الكرسي : اجلس* احمد جلس ويطالع في اللي قدامو ومستغرب :لو سمحت ممكن تفهموني ايش في انا مني فاهم شي فجاه سحبتوني وايش من نصب واحتيال انا اساسا مالي الا فترة بسيطه في الشركه* يطالع فيه بحقد : حسبي الله ونعم الوكيل فيك مين انت وايش دخلك فيا انا ايش سويتلك* الضابط يهديه : اهدى يا ابو رائد اهدى* احمد طالع بسرعه في اللي جالس قدامو وكل. علامات الدهشه في وجهو : عميييي؟؟؟؟* (انتهى البارت السادس عشر )* |
رد: روايه نور في غسق الدجى البارت السابع عشر* يطالع فيه بعصبيه : عمممممك في عينك يالظالم حرام عليك حرراااام انت مين عشان تورطني معاك انا لاوقعت ذا العقد معاك ولا اعرفك* احمد يطالع في عمو نفسو يشوف احد من اهلو بس مو في هذا الموقف ابو رائد وقف وماسك في طرفين الكرسي : اسمع والله ثم والله اذا ماتقول للضابط عن كل شي وتعترف انو مالي علاقه فيك ولا اعرف ماتلوم الا نفسك* يتكلم ويسكت يتنفس ويرجع يكمل كلامو* الضابط : يا ابو رائد هدي حنتفاهم على كل شي بس مو زي كذا* احمد واقف ومو عارف يتكلم يسمع لعمو بس وقلبو محروق : انا* قاطعو ابو رائد : انت ايش؟ انت مجرم ياشيخ ماتخاف ربك نصب واحتيال ومدخلني شراكه* احمد رفع صوتو :ياعمي هددي انا مالي ابو رائد قاطعو بعصبيه : انا مني عمك ولا اعرفك* حسبي الله ونعم الوكيل فيك حسبي الله ونعم الوكيل* طاح على الكرسي بقوه ويحاول يفتح ازارير ثوبو حااس النفس انقطع عنو :موويه ادينني مويه* احمد مسكو بسرعه* ابو رائد يبعد يد احمد عنو بالقوه واحمد يرجعها * الضابط يناددي العساكر يساعدوه* بعد دقايق نقلوه المستشفى مع العساكر* الضابط ماسك الجوال : ها وصلتو ؟* الشرطي : ايوا نعم وصلنا وذحين الدكتور عندو الضابط : خلاص ما اوصيك على الحراسه والزيارات ممنوعه وبكرة ان شاءالله لو اتحسن حنكمل تحقيق* الشرطي : ان شاءالله* الضابط قفل الجوال ودخل مكتبو وجلس على الكرسي : ايوا قلي بالتفصيل انت متئ اتعينت وايش صار بالتفصيل* احمد مسرح ومتشتت مو فاهم شي : والله العظيم انا مني فاهم شي انت فهمني قلي انتو جايبيني هنا ليه ؟* الضابط : في عده بلاغات على شركتكم ولما بحثنا في الصفقات والمبيعات واغلب المستندات تدل على انكم من اكبر النصابين* احمد انفعل : نصابين مين حرام عليك* اصبر اصبر انا بحكيك ( يتكلم ويداتو تشررح من القها والخوف )ذحين انا كنت دكتور في هندسه الديكور في جامعه .... الحمد الله احب شغلي وماشي تمام جا ابويا قلي عندي لك شركه اباك تكون مديرها منها تأمن مستقبلك وتستفيد ويعني تجاره خاصه وانا ما احب شغل الشركات ولا اعرف فيه بس اصر عليا هوا وعمي وبعدين وافقت* الضابط يسمع ومندمج واحمد يشرح من قلبو الضابط :طيب وبعدين؟؟* احمد : بعدين وقعت العقد وكان فيه اسم عمي ابو رائد وانا استغربت قلتلهم ليه شراكه معايا ؟ قالو عشان الحلال الاكبر له وباسمو مدري ايش المهم انا مني فاهم شي وقعت وبدات اشتغل وكانت في سكرتيرة علمتني على الشغل يوم بعد يوم بس ماصارلي الا اسبوعين يمكن او اقلللل من اشتغلت وذحين فجاه ساحبيني وتقولولي نصب ومااعرف ايش* الضابط مو مصدق: لا والله ؟ عمك ها ؟ ومن متى العم مايعرف ولد اخوه ؟* احمد : اصلا اول مرة يشوفني وهذا قصه ثانيه* الضابط : اسمع انت اليوم حنحتجزك عندنا هنا ووبنكمل تحقيق وبنسمع الطرف الثاني* الضابط ينادي : ياعسكررري* العسكري فتح الباب* الضابط : خذه معاك وبكرة بنكمل تحقيق* احمد قام والهم مالي قلبو مو عارف ايش يسوي* يمشي بخطوات ثقيله ...انقفل الباب عليه* ماسك الباب بقووة من القهر* رجع على ورا بيأس وجلس على الارض وراسو يضربو في الجدار :ياررب يارب تصحيها : قومييي هيييي وقت متاخر مرررة مافي فايدة النوم كابس عليها سهرانه طول الليل* رجعت تصحيها : ياربي منك قوووووومي خلاص يكفي نوم* فتحت عيونها بشويش؛حرام علليك والله مانمت الا الساعه 7 الصباح* ربا انفجعت : اووف ليش؟* تالا بتعب وقهر اتنهدت : ماجاني نوم* ربا طالعت فيها بطفش: احلفيييي* تاالا مهي طايقه احد: ربا بالله قفلي النور واطلعي* ربا مفجوعه : لا والله والجامعه ياقلبي انتي؟؟؟؟؟؟؟* تالا بكل برود : مني رايحه* ربا : ياسلاام على كيفك هوا* تالا ماردت وغطت وجهها باللحاف* ربا جلست عند راس تالا :تالا اشبك ؟* تالا :...... ربا طفشت: تالا هي بالله اشبك تعبانه ولا احد سوالك شي؟* تالا :ربا مافياشي* ربا : تالا تضحكي علي مين انتي؟* تالا عصبت وجلست بقوه : ايش اضحك على مين خلاااااص قلتلك مافيا شي غصب يكون فيا شي انقلعي وقفلي النور والباب ولا والله مايصير طيب* ربا تنحت واتصلبت مكانها مافي اي ملامح* قامت بهدوء من مكانها واخذت شنطتها وقفلت النور وخرجت* تالا حست على نفسها حطت يدها على راسها ودموعها نزلت : انا ايش سويت ماتستااهل الادميه ياربي ساعدنيي* انسدحت وغطت نفسها وبدات تشهق بالبكاء* خرجت للصاله بدون اي ملامح ومزاجها قلب تماما* خرجت من غرفتها : ها رايحه؟* ربا : ايوا* ام وليد : طيب خلاص وليد نايم ولا يس قاطعتها : لالا وليد يستناني بره* ام وليد : اهاا* ربا اتورطت : ابويا موجود؟* ام وليد مستغربه : ليش ؟* ربا : لابس ابا فلوس عشان بشتري كتب للجامعه وحاجات* ام وليد اتوجهت للمطبخ ؛ ايوا في الغرفه* ربا جريت على الغرفه ودقت الباب ودخلت* ماسك جوالو : خلاص ان شاءالله انا حتصرف ...مع السلامه* جلست على الكنبه : ابويا* ابو وليد: نعم* ربا : ابويا بقلك شي بس لاتقول لامي* ابو وليد استغرب: ايش؟* ربا : وليد من امس من يوم ماجابنا من عند بدور مارجع للبيت* ابو وليد انفجع : كيييف؟* ربا : لاتخاف حيرجع اكيد يعني ماتعرف وليد بس شكلو متضايق كان ما ادري ايش فيه* ابو وليد فهم ولدو : طيب ذحين مين حيوديكم ؟* ربا : لا بس انا اباك توديني تاالا تعبانه شويه وماحتروح الجامعه* ابو وليد : اشبها ؟* ربا : لاتعب خفيف وكمان ماعندها محاضرات كثير اليوم ابو وليد : طيب يالله مشينا* ربا : طيب كيف مابا امي تعرف* ابو وليد : ولايهمك انا حروح المطبخ اتكلم معاها وانتي اخرجي بسرعه وانا حصرفلها اي عذر وحوديك* ربا : طيب* ابو وليد قام واتوجه للمطبخ : ها جاهز الفطور ؟* ام وليد تكسر البيضه : لا لسا شويه ويجهز* ابو وليد : ها فكرتي؟* ام وليد اتأففت : والله مني عارفه ايش اقلك تعبت من التفكير خلاص* ربا مرت بسرعه* ابو وليد : طيب انت فكري كمان واستخيري انا خارج مشوار بسيط وراجع* خرج بسرعه ودخلو السيارة* وقف السيارة واخذ نفس ونزل* فتح الباب ودخل* ماشي بسرعه ومتوجه لغرفتو* نزلت من المطبخ : ها جيت ؟* تطالع في وليد باستغراب : ماشاءالله مسرع *وديت البنات *على بالي ابوك جا* وليد مو فاهم شي: امم لامافي زحمه* كمل طريقو* ام وليد تطالع فيه باستغراب : وليد* وليد وقف ودار عليها : نعم يا امي* ام وليد ؛ تعال ياولدي بكلمك* وليد اتوجه لامو وجلس على الكنبه بتعب* ام وليد : اشبك كذا حالتك حاله انت مانمت امس؟* وليد يتكلم بالقوه : لا عادي المهم ايش في يا امي؟* ام وليد : امم والله مني عارفه ياولدي ايش اقلك بس بصراحه امس قعدت افكر والله ياولدي انت عارفني انا ماحقول شي الا وانا متاكده من اللي اقول بصراحه يعني انا مني مرتاحه انك تاخذ بنت خالتك يعني هيا صح بنت خالتك على عيني وراسي وتربيه وادب بس يارب يعوضها وتاخذ ولد الحلال اللي يسعدها اما انت ياولدي. عندي لك بنت تاخذ العقل صدقني حتبسطك وتنسيك تالا* وليد بدون اي ملامح وقف : طيب حاضر يا امي اللي تبغينو حيصير* ام وليد : فين رايح؟* وليد : رايح انام* مشي ويبا يوصل لغرفتو بسرعه* وقفتو غرفتهم طالع فيها ومر بسرعه من قدامها ... رجع كم خطوة لورا* صوتها يسمعوا بقلبو : تالا ؟؟؟؟؟* صوت بكيها وصل لبرا الغرفه وشهقاتها* فتح الباب بشويش ويطالع من فتحه صغيرة* *معطيه الباب ظهرها وتبكي* قفل الباب واتوجه لغرفتو قفل الباب بقوه* ورمي نفسو علي السرير حط ذراعو على عيونو بقوووه ودموعو نزلت (من القهر مو عارف ليش ماكان يتوقع انو متعلق فيها لذي الدرجه يمكن دموعها حرقت قلبو وصوت بكيها ماقدر يقاومو احساس الفراق وانها حتروح منو احساس ماينوصف تنزل دموعو بصمت يقهر ويحكي عن اللي في قلبو من الم ): اااااه ياتالااا فتحت عيونها.... تطالع حولينها وبعد ثوواني استوعبت انها ماتحلم :ريييم* ماسكه الجوال وتطقطق عليه ... علت صوتها : رريييييم* ريم انتبهت وسابت الجوال وقامت : نعم امرري* تالين بعدت جسمها شويه : تعالي اجلسي* ريم ابتسمت وجلست بسرعه : يااعيونها امري* تالين : ريم انا كيف جيت هنا ؟* ريم رمشت بسررعه : امم طيب تبيني اكملك ولا مالك نفس. وتعبانه؟* تالين : لاريم كملي اصلا حموووت لو مافهمت شي* ريم بردة فعل سريعه : لابسم الله عليك انا ماصدقت تقومي بالسلامه مت خوووف عليك والله لاليلي نهار ولانهاري ليل والكل سبتو عشانك اهلي جامعتي كل شي* تالين: طيب فهميني اول انا ليش هنا وليش انا وياك بس هنا* ريم بدات تحكي تالين القصه من البدايه وتفهمها وتوقف شويتين عشان تستوعب تالين الحكايه ..... ريم ابتسمت : ها ياقلبي فهمتي كل شي ؟؟* تالين مفجوعه ومهي مستوعبه :يعني هوا واطي فعلا والله ماتتصوري قد ايش شفت الموت(بدات دموعها تنزل) واتعذبت بسببو كنت اموت من الجوع والبكا والتعب وهوا يستغلني ويلعب فيا واتمنيت الموت على اني اجلس معاه او يسوي فيا شي* ريم تمسح دموعها : ياقلبي انا معاك وفاهمتك وعاذرتك بس في شي واحد مني مأيدتك يعني مهما كان اللي سويتيه غلط في غلط والله مايرضي ربك وكمان حتخسري دنيتك واخرتك* تالين بكيت زيادة :عارفه والله عارفه بس تعبت والله لاتلوميني من الخوف واللي شفتو مو شويه الله يسامحني يارب* ريم حضنتها :هدي ياتالين هدي خلاص استغفري ربك وربي بيغفرلك ان شاءالله انتي حاولي تنسي اللي صار وان شاءالله ذحين مافيك الا العافيه.وشويه شويه حتتحسني* تالين بعدت عن حضنها وقلبت وجهها للجهه الثانيه وتحاول تهدي وتفكر وتشهق بالبكا* ريم جلست تهديها لدقايق وبعدها قامت من عندها وخرجت من الغرفه عشان ترتاح ... تشتغل لساعات متواصله تروح وتجي تخرج وتدخل تزبط ذا وتعدل ذاك* بعد دقايق.... جلست على الارض بتعب والابتسامه ماليه وجهها : ااااه الحمد الله واخيرررررا خلصت الجزء الاهم وماباقي الا اللمسات البسيطه طالعت جهه شنطتها ومدت يدها وسحبتها لها* فتحت الشنطه وتفتش فيها : وينو ذا* تفتش جوتها بامانه وعيونها كل مالها تنفتح اكثر : ياويلييييي الجوال وينووووووو* دورت جوتها ومالقتو شهقتتت : ياربي الجوال وينوووو ايش ذاااااااا* قامت من الارض بسرعه وتدور حولينها مالقت شي* خرجت تجري للاستقبال : لو سمحت لو سمحت بسرعه بالله مممكن اتصل من هنا ؟* الرجال : اتفضلي* دقت بسرعه علئ الرقم وقلبها طااايح حتموووت خلاص شي يجيب الجنون مرتين يضيع* دقت ومستنيتو يرن وقلبها يدق معاه* سمعت صوت الجوال يرن في جيبها طالعت فيه وعيونها فيها دموع قهرر ؛ ياربي على الغبااااء* اوووف الحمد الله الحمد الله والله كنت حتجنن لو ضاع* مشيت بدون ماتشكر الرجال حتى تمشي راجعه للغرفه مسكت جوالها وارسلت * *(دكتوري ...كنت اتمنى تكون معايا وحلويني في هذي اللحظات انا تقريبا خلصت ديكورات الغرفه وماباقي الا شي بسيط والترتيبات واكون مخلصه تماما بالمررة متحمسه تشوفها ومتحمسه اشوف ردة فعلك اتمنى تكون متهني في شغلك وما اكوون ازعجتك ...) دخلت الغرفه وهيا مبتسمه* اختفت ابتسامتها فجاه* يدور ويطالع في الغرفه وهوا مبتسم ومعجب باللي يشوفو* اتحمحمت ... انتبهلها* ماريا : لو سمحت انت كيف تدخل الغرفه وانا لسا ماخلص دوامي ؟* انس ابتسم : والله صراحه شغلك عجييييب وباين من قلب* ماريا رفعت حواجبها مستغربه؛ عفوا ياريت ترد على سؤالي* انس يطالع في الغرفه : ايش قلتي؟؟؟* ماريا بلعت ريقها ومسكت اعصابها ؛ قلت كيف تدخل الغرفه وانا* قاطعها : اها ايوا قلتيلي ليش ...لا ابدا بس جيت باخذ شي من غرفتي وامشي عندك مانع يا انسه ماريا ؟* ماريا عصبت : اتفضل بره لين اخلص دوامي بعدين خذ االي تباه من غرفتك مو شغلي* بس ياريت تتفضل ذحين انا مشغوله وورانا افتتاح وحفل ولازم اخلص شغلي* انس حاط يدو في جيبو وابتسم بخبث : ليش خايفه دكتورك يزعل ؟ (ضحك بشويش)او اقصد حبيبك يزعل؟* ماريا فتحت عيونها من الفجعه ورفعت اصباعها بعصبيه ؛ لو سمحتتتت انا لين ذحين محترمتك فاحترمني احسلك وهذا مو دكتوري لحالي دكتور الجميع وياريت تتفضل بره وتحسن الفاظك وماتتدخل في شي مايخصك ولا والله حتشوف شي* قاطعها :بس بس اعوذ بالله انا مدري ذا كيف متحملك تبدا كلامها بلو سمحت وتشرشحك بعدو لين ماتقول امين وفي الاخير تقلك محترمتك مني شايف احترام انا* ماريا اتكفت : لا والله .. احمد ربك اني اقلك لو سمحت واتفضل على الاقل الفاظي افضل من الفاظك وعقليتي وتفكيري احسن من تفكيرك بمليون مرة* انس يمشي في الغرفه بدون اهتمام واتأفف ؛ على العموم انت غرفتي تشرفك انك تكوني فيها وما اوصيك اشتغلي زي الناس هاا مابا شغل حق مشي حالك تراها غرفتي يااا دكتور احمد* خرج من الغوفه بدون مايسمع رده فعلها* ماريا بلعت ريفها والعصبيه بتطلع من عيونها : رووووووح الله لايوفق بليسك منك لله عديم اخلاق استغفر الله بس انا ايش حطني عندك قلك غرفتي تشرفك روووووووح اصلا وجودي يشرفك سنين عمرك اللي ماعشتو ياعديم الادب والنخوه* جوالها يرن حملت الجوال بسرعه : نعم ؟* متضايقه ومهمومه : ماريا فينك؟* ماريا معصبه ومهي فايقه احد : عند البحر اتمشى ...ايش فيني ايش فينيييي يعني ويني بالله اكيد حكون في المركز اشتغل واكرف مو اصلا محد يكرف غيري انا انت وتالا قاعدين تتفرجو اساسا مدري انتو ايش تشتغلو طول السنه فاضيين* ربا متنحه ومهي مستوعبه شي : طيب انا ماقلت شي بس* ماريا قاطعتها : ربا بالله ترا مرررة مني فايقه احد كفايه الشغل واصلي هناااا وكمان ناس سافله كرهت امي في الشغل* ربا اتحطمت : طيب انا اسفه ازعجتك سلااام* قفلت الجوال وحطتو جنبها* رفعت رجلينها وحطت راسها عليهم متضايقه بالمرة الجامعه مظلمه بدونهم لاتالا لاماريا وكمان تالا مهزأتها من الصباح وماريا ماقصرت فيها : والله شكلو امي داعيه عليا اليوم .... جالسه في الصاله طفشانه* طالعت في جوالها وافتكرتها دورت اسمها واتصلت .... نايمه من العتب وماتبغا تقوم كارهه كل شي تبغا تنام وترتاح .. الجوال يرن وماوقف اتأففت وفتحت عينها شويه تشوف مين *...قرات الاسم وقفلتو ورجعت نامت* بدور استغربت : اشبها ماترد مو من عادتها ذا الوقت تكون نايمه* ارسلتلها ( اشبك ياهو لاحس ولاخبر ولادخلتي اي برنامج من زمان طيب طمنيني بس عليك واسفه اذا ازعجتك )* فتح الباب ودخل البيت ... سابت الجوال بسرعه وطالعت وراها* دخل الصاله : السلام عليكم* بدور ابتسمت : وعليكم السلام ياهلا* جلس جنبها : ها كيفك ؟* بدور باستغراب : تمام الحمد الله اشبك لسا باقي ساعتين على انو ينتهي دوامك ؟* مراد بعد يدها ونام على رجولها : تعبااان والله واستأذنت* بدور انفجعت : اشبك بسم الله من ايش ؟* مراد حط ذراعو على عيونو : منك* بدور انفجعت اكثر : مني؟؟؟؟* مراد : ايوا منك اجل سايبتني كم يوم ولاتسالين عني ولاتقولي زوجي اكلمو اطمن عليه خلاااص نسيتي الدنيا مع صحباتك* بدور ضحكت : اووف فجعتني حرام عليك* مراد : لا بالله احلفي* بدور بدات تلعب في شعرو : اولا يازوجي العزيز هيا كلها يومين اللي غبت فيها عنك عشان انشغلت بعزومة صحباتي واللي يسمعك يقول سنتين اهو ذحين انا تحت امرك وجنبك وعند الطلب* مراد : ايوا ذحين اتفضيتيلي من اول معاهم* بدور : طيب اسفه حقك عليا* مراد : ماتنفع* بدور : وبعدين يعني ايش اسويلك عشان ترضى؟* مراد : مدة ثلاثة ايام تهتمي فيا اهتمام غيرر* بدور : كيف يعني؟* مراد : انا اقلك .. اول شي ماتنامي الا لما تنوميني ثاني شي تاكليني بيدك ثالث شي تناديني باي اسم فيه احساس فيه حب اتصرفي مراد هذي ما ابا اسمعها وطول الوقت اشعري فيا* بدور انفجعت : لا والله انت اللي احلف؟ من وين اشعر ولا ايش عرفني بالشعر ؟* مراد : موشغلي بدل ماتكلمي صحباتك دوريلي شعر* بدور : طيب اي اوامر ثانيه ؟* مراد ؛ قومي جيبلي مويه* بدور بعدت راسو بتقوم* مراد : لالا خلاص بطلت اول شي نوميني بعدين جيبيلي مويه* بدور : وكيف تجي ذي؟* مراد : ما ادري اتصرفي* بدور اتأفتت : هي انت ترا ماصارت ذي مذلللله ترا مو عقاب* مراد ضحك علي طول حياتو ينرفزها : ياخي احبك ايش اسويلك؟* بدور : لا والله ايش من محبه ذي ؟* مراد : اقول اجلسي بس كيفي حقي* بدور كملت لعب بشعرو بقوه : استغفر الله العظيم ياربي صبرني* مراد يتألم : بشوووووووووووويش بدور ضحكت : طيييب خلاص فجعتني خرج من الحمام وينشف شعرو* لبس واتعطر ونزل للصاله بكل هدوء وجلس على الكنبه .... جوالو يرن* اخذ الجوال ورد : الو* ربا : يالله وليد وينك ؟* وليد افتكر : اووف نسيتك طيب ذحين جاي* ربا : عادي اصلا الكل ينساني* وليد : اقول اسكتي بس يالله سلام* ربا بطفش : سلااام* قام واتوجه للمطبخ يشرب مويه* خرجت من الغرفه وملامحها تعب وبكا* تمشي بطفش ومهي طايقه احد* دخلت المطبخ مضطرة تساعد خالتها ... سمع صوت احد جاي لف جهتو اول ماشافها. بعد الكاسه من فمو وقعد يطالع في شكلها التعبان* اول ماشافتو بعدت عينها بسرعه واتأففت وخرجت من المطبخ* وليد ساب الكاسه واتوجهلها : تالا* تالا تمشي وماكانها سامعه شي* وليد رفع صوتو: تالا اكلمك انا* تالا بدون ماتطالع فيه : وانا ما اكلمك* وليد يطالع يمين شمال خايف امو تجي : امشي معايا الجوش ابا اكلمك* تالا لفت عليه بطفش وعدلت طرحتها : ولو اقلك امي مني جايه* وليد اتنهد : تالا قلتلك كلمتين حقولها وامشي بس اسمعيني فيها* تالا : وعلى اي اساس اكلمك مو انا ما اهمك ومالي صلاح فيك؟* وليد : استغفر الله ياربي ...تالا امشي قدامي بسرعه* تاالا غمضت عينها واخذت نفس ومشيت قدامو* وليد لحقها* وقفل الباب وراه* تالا معطيتو ظهرها* وليد واقف : طيب ممكن تديني وجهك عشان اعرف اتكلم* تالا ؛ مو مهم اسمعك باذوني ترا* وليد ؛ تااااالااا* تالا خافت ودارت : نعم ايش تبا ؟ اهو لفيت* وليد : تالا انا اسف امس كلمتك بطريقه كنت وقح فيها بس لازم تعذريني تالا ضحكت بقهر ؛ كويس اعترفت* وليد: تالا الله يخليك اتفهميني* تالا : ايش افهم بالضبط؟ اني ما اهمك ؟* وليد قرب اتجاهها : لو ماتهميني ماكان نمت امس في السيارة من شارع لشارع ادور محتار مني عارف وين اروح لو ماتهميني ماكان وجعت راسي وتعبت قلبي وعقلي باني افكر فيك* قرب اكثر منها : تالا لما انا اقلك احبك ياريت تخلي هذي الكلمه في بالك ترا احبك عند وليد غير لما احب احب باخلاص واحب بكل مافيا مستعد اضحي واتعب عشان اللي احبو مستعد اسوي شي عشان ارضييه* تالا تسمع ومتنحه وقلبها يدق : طيب ؟وليش ذا كلو ؟* وليد بعد عنها واخذ نفس : امي رفضت* تالا مهي مستوعبه : رفضت ايش؟* وليد: انا كلمت اهلي اني اتقدملك وانتي عارفه ذا الشي ابويا وافق وكنت متحمس ومعنوياتي فوق وحاسس بسعاده مافي بعدها سعاده بس في لحظه وحدة اتحطمت واتحطمت معنوياتي برفض امي* تالا مفجوعه والدموع في عينها : خالتي ؟ خالتي رفضت؟؟؟ ليش طيب ليش؟؟؟؟* وليد بلع ريقو : ما ادري ايش اقلك تقول صح البنت تربيه واخلاق بس بلاقيك اللي احسن منها* تالا دموعها نزلت غصبا عنها* وليد يطالع فيها وقرب منها بدون مايحس على نفسو* رفع يدينو ومسح دموعها : لاتبكي* تالا ماتطالع فيه ودموعها ماوقفت* وليد : تالا ياقلبي انا احبك ومستعد اسوي اي شي عشانك انا ذحين ما ادري ايش ممكن يصير ولا ايش اقدر اسوي عشان نكوو لبعض بس انا اوعدك بسوي كل اللي اقدر عليه* مسك يدها : دموعك ههذي مابا اشوفها مرة ثانيه اذا بتنزل تنزل فرح بكوننا لبعض* يضحك من قلبو : الله يهديك بس والله ذكرتني بايام من جد ايااام ماتتنسي* فتح الباب والابتسامه مابعدت من وجهوو : اتفضل اتفضل والله نور البيت بوجودك* ابتسم من قلبو : منور بوجودك تسلم* عيونهم جات على الباب ....* واللي عند الباب اختفت ابتسامتهم في نفس اللحظه* وليد صنم ولابعد يدو* تالا عيونها مارمشت من الفجعه ودموعها وقفت سحبت يدها بسرعه* وليد مفجوع : ابوياااا؟؟؟؟؟* تالا صدمتها اكبر : بابااااااا؟؟؟؟؟؟؟؟؟* ( انتهى البارت السابع عشر ) * |
رد: روايه نور في غسق الدجى (البارت الثامن عشر ) لحظه صمت مرت .... الكل متجمد ومو عارف يتصرف* عيونها كملت تنزيل الدموع بس دموع فجع وخوف في هذي اللحظه* بلع ريقو واتوجه لمدخل البيت : وليد* وليد منزل راسو : نعم* ابو وليد يكمل مشيو لجوا : تعال معايا* وليد : على امرك* دخل البيت ودخل وراه وليد* تالا مصنمه بدون اي حركه الدموع تنزل بصمت وراسها في الارض* ابو احمد واقف عند الباب وما اتحرك* بعد ثواني استوعب : ليه ياتالا؟* تالا دموعها ماوووقفت : بابا والله* ابو احمد قاطعها : مالي كلام معاك ضيعتي تريبتي كلها حسبي الله ونعم الوكيل فيك* تالا جريت على ابوها وتحس قلبها بيطلع من الهم* نزلت عند رجلو تترجاه وتبكي من قلبها : بابا بابا الله الله يخليك افهمني لاتفهم غلط خليني افهمك بس والله مالي ذنب* ابو احمد يطالع فيها بقهر سحب رجلو ودخل المجلس وجلس على الكنبه* جلست تحتو تبكي وحالتها حاله طرحتها طاحت وشعرها نصو مفكوك ونصو ملموم :بابا الله يخليك اسمعني ترا والله* قاطعها بعصبيه : لاتحلفي مابصدقك اسكتي * (يبعدها من تحتو) قووومي روحي انقلعي مابا اشوفك قوووومي* قامت وتطالع فيه وتشهق بالبكاء* راحت تجري على الغرفه* فتحت الباب بقوة ودخلت ...رمت نفسها على السرير واتغطت ...... في غرفه ثانيه* واقفين قدام بعض والباب مقفل* واقف قدام ابوه وموطي راسو* لحظه صمت مرت وابو وليد ياخذ نفسو وماسك اعصابو* وليد ارتبك من نفس ابوه اللي يحاول ياخذو رفع راسو بشويش :ابوي قاطع كلامو (كف) وصل صداه برا الغرفه ... ابو وليد خرج من الغرفه بدون اي كلمه* وليد مو مستوعب شي واقف محلو حتي مكان الكف مامسكو* داخل المكتب جالسين قدام الضابط بكل ثقه* الضابط مسك التلفون وطلب منهم يجيبوه *بعد*ثواني ....* الباب يندق ..الضابط: اتفضل* دخل الشرطي ومعاه احمد* يطالع فيهم بفجعه :ابويا ؟؟؟؟* ابو حسين :ايش مسوي من مصيبه انت ؟* احمد مفجوع : والله يا ابويا ماسويت شي انت خليتني اوقع وشفت اسم عمي ابو رائد مكتوب جنب اسمي سالتك ليش وقلتلي عشان الحلال الكبير باسمو مدري ايش* ابو حسين بتصنع : انا قلتلك كذا؟؟؟؟؟ متئ خليتك توقع اصلا* احمد مفجوع : ايييش؟ ايش متى مين اساسا اللي اقنعني اسيب شغلي في الجامعه* ابو ريم: ياولد لاتخرف على ابوك عشان تنزل من ورطتك ابو حسين ؛ قله حيا هذا اخر تربيتي تتهمني ياقليل الادب* احمد مصنم* الضابط : خلاص ياجماعه هدو وخلونا نتفاهم* احمد بعد سكوت مطول : بعد امرك ممكن طلب* الضابط : اتفضل* احمد : ابا اكلم جوال ضروري* الضابط نادى الشرطي واخذ احمد يكلم برا * ابو حسين وابو ريم كملوا اقناع في الضابط* احمد مسك الجوال وجنبو شرطيين* احمد يدعي من قلبو : يارب يارب ترد احمد يدق على رقم ماريا القديم مو حافظ الجديد* جالس على السرير يقلب في الجوال* شاف الرقم غريب اتردد يرد وسابو* احمد اتأفف وارسل رساله (ماريا الله يخليك انا محتاجك بالمرة انا في السجن الله يخليك ردي ضروري وما ادري اذا لقيتي الجوال ولالا *)* اتصل مرة ثانيه اخر امل معاه* يقرا الرساله مفجوع وجاه الاتصال رد بسرعه* احمد ماصدق : الو الو ماريا الو تسمعيني ؟؟؟؟* خايف بالمرة ؛ ايوا الو* احمد انفجع: مين معايا ماريا فين ؟* انس : انا اخوها انت قلي ايش تبغا منها ومين انت ؟ * احمد هذا املو الوحيد ؛طيب الله يخليك تعال ذحين وانا حفهمك اللي ابغاه منك انا دكتورهاا في الجامعه وحصلت مشاكل لازم افهمك الموضوع* انس استوعب انو في السجن : طيب اي فرع انا جايك ذحين* احمد وصفلو وقفل الجوال ..... رجع احمد ومعاه الشرطي* الضابط : تعال اجلس* احمد جلس* الضابط : احمد اذا تبغا تخرج من هنا بسرعه قلي كل شي واعترف* احمد: الله يخليك الله يخليك افهمني ترا والله انا زي الاطرش في الزفه كنت اشتغل في جامعه ..... دكتور مجال هندسه اليكور* وفجاه ابويا قلي اباك تنزل من شغلك* الصابط ؛ ابوك اللي هوا ابو حسين؟* احمد : ايوا نعم* ابو حسين يطالع فيه بحقد* الضابط : طيب؟* احمد : وجا قلي اباك تشتغل في الشركه هذي وتأمن مستقبلك وهيا شركه على قدك وكون مديرها انا في البدايه رفضت تماما بعدين اقنعني عمي ابو ريم وابويا واقتنعت واشتغلت وكانت في سكرتيرة علمتني الشغل ولسا ماصارلي شهر الا وانتو ماسكيني نصب واحتيال وانا مني مسوي شي* ابو حسين : كذاب وستين كذاب* ابو ريم : وتتقول عليا كمان الضابط : لو سمحتو هدو* احمد مفجووع من تصرفهم* الضابط: طيب يا احمد مدامك تقول انو عمك ابو ريم هذا وهذا ابوك ليش عمك ابو رائد استنكر وجودك وماعرفك ولاعمرو شافك؟؟؟؟ ممكن تفسرلي ؟* احمد : انا حفهمك كل شي بس مو بوجودهم* الضابط : على كيفك هوا* احمد: طيب بتكلم بس ياريت محد يقاطعني* طال عمرك انا ابويا نزلني من المدرسه وانا سنه سادس ابتدائي اخذوني رجالين وشالوني عندو وعند عمي ابو ريم وجلس يفههمني ابويا ابو حسين وقلي انو متزوج اثنين ....(كمل الحكايه كلها ) عشان كذا مايعرفني عمي ابو رائد * ابو حسين وابو ريم بدأؤ يرتبكون* الضابط :ها يا ابو حسين ايش اقوالك ؟ * ابو حسين ؛ طيب كان زمان طيش وخليت ناس يربوه بعد ما اتوفيت امو* الضابط : اعطيني شهادة الوفاه واعطيني عقد الزواج* ابو حسين : دقايق اكلملك احد يجيبهم* الضابط : اتفضل* ابو حسين اتصل من مكانو* ودقايق ووصل واحد من السواقين ومعاه الورقتين* الضابط يطالع في الاوراق ؛ احنا حنشوف شغلنا ونتأكد من صحه الاوراق وصحه كلامكم وحنكمل التحقيق بس اليوم كلكم حتحتجزو لين نهايه التحقيق .... وصلت السيارة* دخل السيارة بسرعه : يالله يالله بسرعه* يطالع فيه مستغرب : طيب فهمني ايش في ؟* انس : بالله ياسر بحكيك بس امشي على .... ياسر : نفسي افهم ايش تبا من ذا المكان؟* انس حكى ياسر السالفه ... ياسر يمشي بسرعه : طيب وايش حتسوي كيف حتجيب الاوراق؟* انس : بستنى بكرة واكلم ماريا في المركز* ياسر : والرجال حيستناك مثلا ؟ ايش بكرة المفروض اليوم* انس : بالله من وين اجيب عنوان بيتها وبعدين من جدك نروح بيت البنت تبانا نفضحها ؟* ياسر : وانت ايش دخلك فيها ؟ اشوف بديت تحس!* انس طنشو وسكت* الباب يندق .. قامت من السرير وفتحت الباب* ابتسم : مساء الخير* استغربت من الابتسامه (ابتسمت): مساء النور* رائد مد يدو : اتفضلي* ريم تطالع في الشريحه وفرحت: تسللم والله مررة شكرا* رائد : لاعادي لاشكر على واجب* ريم :امم* رائد حس على نفسو وقفتو مالها داعي : امم ايش كنت بقلك* ريم ؛ ايش؟* رائد يدور كلام ؛ ايوا يعني متى حتروحي لتالين* ريم : انا ذحين كنت دقايق ورايحتلها* رائد : طيب مالك نفس بعد ماتتطمني عليها نخرج نتمشى ؟* ريم اتحمست : الا والله ياريت* رائد فرح : خلاص اجل بعد ساعه كذا ننزل* ريم ابتسمت : خلاص تمام* رائد مشي : يالله سلام* ريم : سلام* قفلت الباب* جوالها يرن* اخذت الجوال : هلا والله* جالس في السيارة : هلافييك* ريم : كيفك ؟* محمد : تمام والله الحمد الله ....وانتي؟* ريم ضحكت* محمد مستغرب *:اشبك؟ ريم : غريبه اول مرة تسالني عن حالي قبل تالين* محمد :انا اسف والله من جد مني عارف كيف اعتذرلك* ريم : لالاعادي امزح معاك من حقك تخاف على اختك ومعذور يا اخويا معذور* محمد اتنرفز من الكلمه : طيب يالله عن اذنك* ريم : طيب مع السلامه* محمد ؛ سللام وقفل* ريم قفلت الجوال ومسرحه(في قلبها) غريبه ماسأل على تالين* قطع تفكيرها صوت الجوال* تطالع في الجوال مفجووووعه ( قريبا حيتغير مسمى اخويا)* مهي فاهمه ايش يقصد وليش حيتغير* قامنت واتوجهت لتالين وهيا مسرررحه* ثواني ووصلت عندها* فتحت الباب وبالها مو مع احد تفكر في الرساله* طالعت في تالين وفتحت عيونها على الاخير : تااااالين؟؟؟؟؟؟* تالين سلمت : السلام عليكم ورحمه الله ...السلام عليكم ورحمه الله* رفعت يدينها تدعي .... بعد ماخلصت طالعت في ريم المنصدمه قدامها : اشبك؟ كنك شايفه ميت قدامك ؟* ريم دموعها نزلت وابتسمت على الاخير جريت وحضنتها : اخيررررا رجعتي زي ماكنتي* تالين تضحك : هبله من يومك اصلا* ريم مسحت دموعها : يالله ياتالين عندي لك حكاااايات مدري من وين ابدا* تالين : خفي علينا يا الف ليله وليله* ريم : لو تسبي لين بكرا راضيه* تالين : اسمعي ابا اكلم اهلي* ريم : من عيوني* مسكت جوالها واتصلت* يطالع في الجوال ورد : حتفهمي قريبا قلتلك مو ذحين* تالين : افهم ايش انت الثاني والله انكم عالم منتهي* محمد انفجع وفررح من قلبو : تاااااالين ؟* تالين : ايوا تالين شوف يئسفني اني اقلك وحشتتتتتتني* محمد ضحك : والله ايش اوصفلك ولا ايش اقلك من جد مني عارف اتكلم بس قوليلي كيفك ذحين احسن؟* تالين : تمام الحمد الله اسمع ابا اكلم امي* محمد : طيب دقايق وارجعي اتصلي انا قريب البيت* تالين: طيب يالله سلام* محمد : سلااام سلااام قفل الجوال وبعد ثواني وصل البيت .... فتح باب البيت والابتسامه مافارقتو : الحمد الله الحمد الله* ينادي بشويش: اميي امييي يا امييي* محد رد* اتوجه لغرفتها ودق الباب وفتحو بشويش* ساجده وتبكي من قلبها* واقف يطالع فيها مبتسم وماحب يقطع عليها* تدعي من قلبها(يارب يارب يامن ترد الضاله *رد علي ضالتي يارب بنتي تكون بخير وترجعلي يارب طمن قلبي عليها يارب املي فيك كبير مالي غيرك يارب )* خلصت سجودها ورفعت ودارت براسها عليه محمد انتبه *واتحمحم : تقبل الله يا امي* ام محمد: منا ومنكم .... ايش كنت تبغا مني؟* محمد ابتسم وقرب منها ومسك جوالو واتصل* جالسه تضحك وتتحكى معاها : جيبي الجوال يمكن امي* ريم اعطتها الجوال بخوف : محمد* تالين ردت بفرح : الو* محمد : ايوا الو امي معاك* ام محمد اخذت الجوال مستغربه : الو* تالين دموعها نزلت على طول لما سمعت صوتها : الو امي امي انا تالين مشتااااقتلكم والله* ام محمد جلست ثواني بدون ماترد حست لسانها ثقيل ماكملت رفع سجود الا وبنتها تكلمها* بعدت الجوال من اذنها وسجدت شكر لله* (اول نور في غسق الدجى) رجعت تكلمها : الو بنتي الوو ( عيونها تدمع )* وينك يابنتي حرام عليك والله قلبي تعب وحالتي حاله وينك ياتالين وين رحتي* تالين تمسح دموعها: يا امي انا بخير لاتشيلي هم وكلها اسبوع وتشوفيني ان شاءالله* ريم فتحت عيونها مستغربه كيف تدي امها موعد بدون ماتعرف متى ينتهي العلاج ام محمد بتطير من الفرحه : الله يرجعك يابنتي ليا بالسلامه بس انتي وين ؟؟؟ ووينك طول ذي المده* تالين ماعرفت ايش تقول لامها* محمد اخذ الجوال من امو : اعطيني شويه يا امي* محمد : ايوا تالين يالله انتبهي على نفسك ها* تالين : ياشيخ قول لامي اي شي* محمد : ولايهمك يوصل ان شاءالله ...سلام* قفل الجوال وسلم على امو في يدها وراسها* ها يا الغاليه ارتحتي؟* ام محمد تمسح دموع الفرح : الحمد الله الحمد الله الله يبلغني شوفتها والله قلبي بيطير من الفرح* محمد يسلم على يد امو : يالله يا امي نامي الوقت متأخر وبكرة ان شاءالله اخليك تطمني عليها كمان* ام محمد : حنام الحمد الله مرتاحه بس ماحتكمل راحتي الا بشوفتها محمد يقوم امو من الارض ويوديها السرير : ان شاءالله* انسدحت على السرير وغطاها : تصبحي على خير يا امي* ام محمد : وانت من اهل الخير ان شاءالله* قفل النور وسكر الباب وخرج* وصلو تحت المركز : يالله انزل* انس يطالع فيه : ليه ماحتنزل معايا* ياسر : لاطبعا ايش تبغاني اسوي* انس : ياسر اقوول انزل مجنون انت تخليني لوحدي* ياسر : انت ورطت نفسك يالله حلها بنفسك* انس : ياير ترا مرة مني فايق لكلامك قوم انزل قدامي بسرعه* ياسر : لا الله يخليك تعال اضربني كف* انس: يااااسر اشبك ترا مرة مو وقت استهبال* ياسر : خلاص اوف بنززل اكلتني* انس نزل : يالله استناك* وقف السيارة ونزلو* طلعو المركز وكل واحد خايف اكثر من الثاني* انس يسال ويسال لين لقى المكان* دق الباب ودخل* السلام عليكم* الضابط : وعليكم السلام* انس : لو سمحت ممكن اقابل احمد* الضابط: مين احمد؟* انس :امم اللي ذي اليومين لسا احتجز عندك اعتقد* الضابط: وانتو مين؟* انس : احنا اصحابو ونبا شي ضروري منو ياريت تناديه* الضابط : اذا في شي بينقال ينقال قدامي* انس ؛ حاضر على امرك* الضابط نادى الشرطي* الضابط: دقايق وحيجي* ياسر جالس قدام انس وكل شويه يطالعون في بعض والتوتر سيد الموقف عمرهم مااتعاملو معاه ولاكلموه* الباب يندق ....* الضابط: اتفضل* دخل احمد* الضابط: هذولا اصحابك ويبغو يكلموك اتفضلوا كلموه معاكم دقايق* ياسر قام وجلس جنب انس* احمد جلس مكان ياسر مقابلهم* احمد يطالع مستغرب ويحاول يفتكر شكل انس وين شافو بس مو متذكر* انس : طيب ايوا ايش الاوراق اللي تبغاها وايش دخل ماريا اختي؟* ياسر يطالع في انس مستغرب* احمد : اسمعني اباك تروح مع ماريا لبيتي* هيا تعرفو وتجيبو ورقه عقدي مع شركه دار الايتام وذوي الاحتياجات الخاصه وابا اوراقي الرسميه حق الجامعه وبطاقتي الشخصيه وفي صندوق في غرفتي كبير داخلو شنطه مدرسه جيبها معاك ضروري * انس عايش الدور : كمااااان تعرف بيتك ؟* ياسر انفجع وكلهم فهموا غلط* احمد : لالا افهمني هيا حادثة بسيطه بس صارت واضطريت اشيلها معايا في السيارة وانا رايح المركز لاول مرة مع الطالبات وهيا اتاخرت ذاك اليوم واضطريت اخذها معايا انس مشى الكلام مضطر خايف يتفشل:طيب بكرة حتكون الاوراق عندك ذحين الوقت مرة متاخر* احمد ؛ خلاص انا في انتظارهم ما ادري يمكن تفيدني* انس : اصلا انت ايش قضيتك ليش انت هنا* احمد : انا اشتغلت في شركه وفجاه مسكوني احتيال ونصب والله مني فاهم شي* انس انفجع وياسر يسمع بصمت الضابط: لو سمحتوا اخذتو الوقت الكافي تقدرو تتفضلوا* انس وياسر وقفوا : خلاص بكرة ان شاءالله نجيب الاوراق* خرجو من المركز وميه فكرة توديهم وتجيبهم ..... في الصباح* نايم .... فتحت الباب واتوجهت للستارة وفتحتها* غمض عيونو بقوه الشمس جات في عينو : قفلي النووور ايش ذا* بدور مبتسمه : قوم قوم قال نور هذي شمس ياروحي قوم ترا وراك دوام* فتح عيونو بشويش: الساعه كم ؟* بدور بكذب: تسعه* قام بقوة من السرير : اوووف وليش ماصحيتيني* بدور : صحيتك بس ماقمت ايش اسويلك* اتوجه للحمام جرري* بدور تضحك بشويش* ثواني وخرج من الحمام بدون ملامح* بدور تطالع فيه وابتسمت : اشبك؟* مراد طالع فيها بحقد :دوام ها؟* بدور بتصنع : ليش مو اليوم سبت؟* مراد : لاياشيخه نسيتي انو الاحد يبدا الدوام؟* بدور : اوف اسفه والله متعودة على النظام القديم خميس وجمعه* مراد : استغفر الله طيرتي من عيني النوم* بدور : امم اسفه* مراد : ماشاءالله دلع على الاخير بصراحه* بدور خارجه من الغرفه : انا بجهزلك االفطور مراد انسدح بطفش* التلفون يرن* بدور تنادي : مرررراد قوم رد انا مشغوله* مراد : طيب طيب* اتوجه للصاله : وين التلفون ؟* بدور من المطبخ تكلمو : شكلو في غرفه الضيوف* مراد اتأفف وراح فتح الباب بطفش.... يطالع في الغرفه : ايش ذا ؟؟؟؟؟؟* التلفون وقف رن ورجع يرن* استوعب ورد بدون مايشوف الرقم : الو* بدور تضحك : كل عام وانت بخير* مراد ضحك : يعني ذا الفيلم كلو عشان تخليني اقوم وارد واساسا بكرة عيد ميلادي مو اليوم* بدور : قفلت الجوال ودخلت الغرفه وماسكه يدها : عشان هذي تحضر معانا* مراد طالع فيها : لمووووو* لمى جريت وحضنتو : كل عام وانت بخير يابابا * مراد ابتسم : وانت بصحه وسلامه* حط لمى في الارض* وحضن بدور : الله لايحرمني منك* بدور وجهها احمر : مو قداامها عيب* مراد ابتسم : لاتخليني اسوي اكثر* بدور : لالالالا الله يخليك خلينا نفطر يالله* الغرفه كانت مرتبه وشموع ودنياا وصورة اول عيد ميلاد لمراد بعد زواجهم والورد والاكل اللي يحبو كلو مجهز ومرتب* مرت ساعه ولمى بينهم لقمه من بدور ولقمه من مراد ويضحكو ويلعبو معاها وطايرين فيها واحب كلمه واوجع كلمه على قلوبهم في نفس الوقت (ماما وبابا) من لمى.....* مستني في الغرفه بفارغ الصبر ماجاه نوم ومواصل من امس علي قد انو مايهموا الناس واللي في راسو يسويه حتى لو غلط بس متعاطف معاهم مو عارف ليش* دخلت المركز بطفش اليوم وبكرة بتبدا ترتيب الاثاث واكسسوارات الغرفه والافتتاح قرب واحمد ماجا (في قلبها ) : يمكن يباها مفاجاه او يمكن انشغل الله يعينو بس* فتحت جوالها وغيرت حالتها ( افتقدت وجودك *سانتظرك ....)* دخلت واتوجهت للغرفه وفتحتها* يطالع في الباب وماصدق يشوفها* طالعت فيه واتكفت : نعم ؟* انس قام بسرعه : ماريا الله يخليك اباك في موضوع ضروري* ماريا : هذا اللي ناقص ومين قلك اساسا اني ابا اكلمك او حسمحلك تتكلم معايا* ترا والله لو ماخرجت حروح اشتكي* انس عصب: اسممممممعيني قال اشتكي قال* ماريا طالعت فيه بحقد ومسكت قبضه الباب بتخرج* انس: احمد في السجن* ماريا يدها نملت مهي حاسه فيها انصدمت ولفت عليه : نعم!* انس : قلتلك اسمعيني* ماريا ؛ انت ايش تقول ؟* انس : احمد امس كلمني من السجن* ماريا : وانت ايش عرفك فيه وليه يكلمك اصلا* انس: اسمعيني ياماريا ركززي معايا ترا مرة الوقت مايساعدنا خلي كرهك وجدالنا على جنب دكتورك احمد مو حافظ رقمك فاتصل على الشركه وطلبني لانو الوقت متاخر وانتي ماحتكوني موجودة وقلي اكلمك عشاني الوحيد اللي حوصلك الكلام لانك في غرفتي ( حكاها القصه)* ماريا ضحكت باستهزاء: وانا الحمارة اللي حصدقك اصلا؟* انس : بكييييفك والله احمد يبا الاوراق ضروري وانت وضميرك الصراحه انا سويت اللي عليا فياتجي معايا نجيب الاوراق من بيتو ولاخليك مكانك وخليه في السجن مني متضرر شي انا* ماريا تحاول تصدق بس خايفه: وايش اللي يأكدلي كلامك انس : اسمعي اذا منتي مصدقتني روحي انتي وسواقك لين مركز الشرطه وشوفيه لو تبغي واتاكدي من كلامي اساسا لو اقدر حخليك تكلميه بس مو مسموح* ماريا صدقتو *والخوف بدأ يملي قلبها: طيب والمطلوب؟* انس : الاوراق طبعا* ماريا مفجوعه ومهي مستوعبه : طيب انا حتصل على سواقي وحروح معاه وانت الحقنا بس من وين اجيب مفتاح البيت؟* انس : انتي ماعليك خلينا نمشي بسرعه وانا حتصرف* ماريا مسكت جوالها واتصلت علي السواق* بعد دقايق وصل السواق* ماريا خرجت : يالله الحقنا* انس : استني شويه ذحين بتجي السيارة* ماريا مستغربه : ايش من سيارة ؟* انس: انا ماعندي سيارة طبعا صاحبي كلمتو وحيجيني* ماريا ركبت السيارة وفهمت السواق انو مايتكلم* ثواني ووصل ياسر* انس ركب* السواق حرك على وصف ماريا بعد دقايق * ماريا : يارب ما اكون غلطانه مني متاكده اللفه الاولى ولا الثانيه* السواق وقف عند اللفه الاولى : ها مدام هنا* ولا لا* ماريا : امشي شويه يمكن هناك* السواق لف من اللفه الثانيه* ماريا : ايوا ايوا هنا* في السيارة الثانيه : ها ايش في ضيعت الطريق ولا ايه؟* انس : مدري عنها اصبر خلينا نشوف* ياسر يطالع في الفلل : حركات والله حي راقي ودنيا* انس : ايش تتوقع دكتور في الجامعه سابقا ومدير شركه حاليا* ياسر : قصدك مسجون حاليا* انس : يالله وقف شوف وقفوا* ماريا نزلت من السيارة* انس فتح الباب ونزل* ياسر نزل من السيارة : وين المفتاح ؟* انس: اقول ياسر اطلع* ياسر يطالع في انس ومستغرب : اشبك انت وين طالع* انس طلع فوق سيارة ماريا عشانها عاليه: اطلع هنا اباك ترفعني من هنا* ياسر طلع : ايش من مساعده هذي كنك داخل تسرق* ماريا : بسرعه قبل لحد يجي يحسبنا بنسرق* انس : عادي بتهمك انتي مدامها سيارتك* ماريا انفجعت : لا والله* ياسر يدق انس : مو وقتك بسرعه* ياسر رفع انس واتعلق في الجدار ونط بصعوبه* وفتح الباب* ماريا دخلت وياسر نزل من فوق السيارة* ماريا قلبها يوجعها عاى احمد وبالمرة خايفه اول مرة تروح مع شباب لوحدها طول الوقت تستودع نفسها الله وتقرا وتدعي لاحمد* ماريا دخلت البيت وافتكرت المكان من ذاك اليوم* تطالع في الصاله مهي عارفه وين تروح* انس وراها وياسر يطالع في البيت ومستغرب مافي احد* انس ينادي بشويش: هيي اشبك داخله كذا مافي احد في البيت ولا ايه ؟* ماريا : لالا عايش وحدو* انس : اعوذ بالله كل شي عارفتو عنو* ماريا لفت عليه بعصبيه : ماحرد عليك ذحين بس ياريت تحترم نفسك لين نخلص من ذا الموضوع* ماريا تتلفت مهي عارفه من وين تبدا تدور* انس : اطلعي فوق غرفتو قال انو الاوراق في غرفتو* ماريا طلعت وانس وراها* تفتح وتسك في الابواب ...بعض الغرف فاضيه وبعضها فيها اثاث مرتب* فتحت الباب : واخيررررا لقيناها* انس يطالع في الغرفه* ماريا ترتجف من الخوف تبا تخلص بسرعه : يالله دور* انس اتوجه للصندوق الكبير وفتحو* يطالع في الشنطه القديمه وحالتها حاله* ماريا فتحت دولابو وتدور في الاوراق* ماريا مسكت ورقتين : هذي صورة من العقد مع الشركه وهذي حق الجامعه* انس : باقي بطاقتو الشخصيه مهمه* ماريا : ايش دراني وين مالقيتها* انس سحب ماريا من يدها عشان يبعدها: بعدي انا بدور* ماريا انصدمت من حركتو بس مررتها غصبا عنها وسكتت الحاله اللي هما فيها ماتسمح انها تتخاصم * انس لقاها بعد التعب : اهي لقيتها يالله بسرعه ممشينا* ماريا نزلت وانس نزل قبلها* ياسر مستنيهم تحت* كل واحد ركب سيارتو* واتوجهو للمركز* بعد ربع ساعه وصلو .... انس نزل من السيارة* واتوجه لسيارة ماريا* ماريا فتحت الشباك : انا حستناكم في السيارة بسرعه لاتتاخرو* انس : ايش دراني متى نخلص بكيفك استني زي ماتبغي* ماريا اقول روح بالله اتخارج الرجال يستني قفلت الشباك* باير وانس طلعو المركز* ماريا دقات قلبها ماوقفت اول مرة في حياتها توقف قدام مركز الشرطه* انس طلع ودق الباب* الضابط : اتفضل* دخلو وجلسو* انس : السلام عليكم هذي اوراق واثباتات احمد طلبها ضروري وقال انها بتفيدو لاثبات برأتو* الضابط مسك الاوراق يطالع فيها واستدعى احمد* بعد دقايق دخل احمد* جلس بسرعه : والله مني عارف ايش اقلكم من جد ماحنسالكم هذا المعرو انس : لاعادي اهم شي تفيدك* احمد طالع في الضابط : هذي بطاقتي الشخصيه اللي تثبت انو ابو حسين ابويا وهذا عقدي مع شركه دار الايتام وذوي الاحتياجات الخاصه اللي هيا في الاساس حق عمي بس انا متعاقد مع رجل اعمالو وتقدر تستفسر منو شخصيا وعشان تعرف اني صادق في كلامي وكنت دكتور في الجامعه هذا عقدي مع جامعه .... الضابط: طيب هذا كلو مايكفي عشان تثبت براءتك ومالو علاقه في اللي صار* احمد يفتح الشنطه : اصبر باقي هذا الشي الوحيد اللي اقدر اثبتلك فيه* طلع من الشنطه تقارير الدراسه حق صف سادس* ومد التقارير للضابط: هذي طال عمرك تقاريري قبل اكثر من عشرة سنوات* مسك التقرير ويقرا الاسم : احمد خالد .... ياسر يطالع باستغراب والاسم يتردد في بالو الاسم مو غريب وملامح احمد مو غريبه عليه يحس انو مو اول مرة شافو يحاول يفتكر كذا مرة* الضابط : ايش هذا ؟* احمد رجع يربط الاحداث للضابط* وياحضرة الضابط انا ماوقعت عقود مع شركات الا وانا متاكد منها واساسا اللي يسوي العقود والصفقات سكرتيرتي في الشركه واول ماجيت قالت انا كنت سكرتيرة ابو حسين* واتاكد من العقد لو تبغا اذا كان عمي ابو رائد ماوقع معناتو اثنينتنا انظلمنا والتوقيع مزور* الضابط بدا يربط الاحداث ويستوعب : عموما انا ححقق مع ابوك وعمك واشوف الكلام الصح واليوم حنروح لعمك ابو رائد وناخذ منو الكلام* العسكري اخد احمد ورجعو للحبس* انس وياسر : احنا نستأذن* الضابط : اتفضلوا* انس وياسر نزلو* ياسر مسررررح وفي عالم ثاني والا يبا يفتكر الاسم ووين شافوا* خرجو من المركز* انس يطالع فيه: يالله الحمد الله سوينا اللي علينا معني ماكنت اتخيل اني في يوم حسوي خير لاحد* ياسر مو معاه ابدا* انس : هييييي انت اهرجك انا ياسر فتح السيارة ودخل* انس اتوجه لماريا وطمنها* ماريا اتطمنت ومشيت بسرعه لانو وقت دوامها حيخلص وماسوت شي* *انس رجع للسيارة : يالله مشينا* ياسر حرك...* بعد دقايق في الطريق* انس : ياهو اشبك مسرح من يوم خرجنا* ياسر: ياشيخ هذا احمد مو غريب عليا والاسم اللي قالو الضابط ابدا مو غريب عليا بس مررة مني مفتكر فين شفتو ولامين هوا* انس : يمكن تشابه اسماء* ياسر : لالا (يحاول يفتكر) احمد خالد ... احمد خالد ....* انس : اساسا مني عارف ايش دخل شنطه المدرسه حقو قبل عشرة سنين ولما كان سنه سادس نفسي افهم ايش معنى سنه سادس والله مني فاهم* ياسر افتكر وقاطع كلامو بسرعه : انس انس انسسسسس افتكرت* انس انفجع : اشبك بسم الله* ياسر متلخبط : اسمع بالله انت متاكد انو قال قبل عشرة سنوات وكان سنه سادس؟* انس مستغرب: ايوا اشبك ماسمعتوا* ياسر : لاااا مش معقول* انس : ياشيخ اشبك تستهبل انت ؟* ياسر : تعرف انو هذا احمد من يوم دخلت المدرسه وهوا كان معايا كنا اصحاب بالمرة لين سنه سادس يوم من الايام نزلنا برا المدرسه لسا كنا واقفين عند الباب والله ما انسى ذاك اليوم وجاو رجالين واخذو احمد معاهم ومن بعدها محد عارف وين هوا ولا وين اختفى وامو دخلت في غيبوبه واصلا مني عررف هيا حيه ولاميته ولاعاد عرفت عنهم شي وماعندو الا اخت وحدة* انس يسمع ويحس انو يحلم : دقيقه دقيقه انت تستهبل ولامن جدك ؟ ايش الفيلم ذا؟* ياسر : انس بالله لازم نخرج احمد بالله ياشيخ والله مستحيل اخليه يجلس في السجن ولايروح فيها مستتحيل الكل فقد الامل انو يرجع وكملو حياتهم واعتبروه ميت* انس : ياسر بلا استهبال ايش تباني اسويلو وبصراحه مرة مني مستوعب اللي تقولو ولا مرة حكيتني اصلا* ياسر : اصلا ماقد حكيت احد الا محمد صاحيي* انس : ومين محمد ذا كمان ؟* ياسر : اقول اقلب وجهك مررة مني فاضيلك والله مني مستوعب شي احس اني احلم ما اتخيل بعد اكثر من عشرة سنين يرجع احمد اصلا نسيتوا ولاعمري افتكرت ذي السالفه* بس قلي كيف نخرجوا* انس : وانا ايش درا اهلي ؟!!* ياسر : اساسا انا نفسي افهم هوا كيف عايش في ذيك الفله ومسكوه وكان مدير شركه من وينلو دا كلو معقوله يكونو خاطفينو واشتغل حرامي* انس : هي انت بلا هباله روح البيت ونام شكلك مواصل انا مواصل وماخرفت زيك* ياسر : اسال ماريا* انس : نعم ؟* ياسر : بالله بالله انس اسالها مدامها تعرف احمد اكيد حتعرف عنو كل شي* انس : ياشيخ سري بالله* ياسر : جيب الجوال انا حكلمها انس : لا بالله احلف عشان تعرف اني اخذت الجوال* ياسر : اديني الرقم طيب* انس: لاخلاص امشي ادخل معايا المركز هيا هنا واتفاهم معاها* ياسر : حيخلوني اكلمها؟* انس: والله ما ادري بس حكلم المسؤول* صحيت من النوم بتعب ،......* تطالع في الساعه : اووف انا نمت يوم كامل ولا ايه اصلا ذحين صباح ولا ليل* تطالع جهه السرير اللي جنبها ومستغربه : اشبها ذي نايمه اكيد ليل* اقول خليني ارجع انام احسن* يدق باب الصاله : ابو وليد ( اتحمحم) يا اهل البيت* ام وليد: قوووم شوف الباب يدق* ابو وليد قام وفتح الباب : ايوا ياخالد ؟* ابو احمد موطي راسو : العفو بس خلي بنتي تلم اغراضها في الليل الرحله للرياض ان شاءالله* ابو وليد بدون اي كلمه: ان شاءالله * ابو احمد خرج واتوجه للمستشفى .... ابو وليد : سمعتي الرجال يالله قومي* ام وليد مستغربه : ليش طيب ايش في ؟* ابو وليد: ياحرمه اسمعي الكلام ولانجادلي الرجال حر ويبغا بنتو ترجع معاه* ام وليد : طيب البنت ماكلمت دراستها ومافي اجازة ذحين كيف ب قاطعها بعصبيه : اقللللك حتقوليلها ولا انا حقلها ترا* ام وليد انفجعت من العصبيه ومهي فاهمه شي : طيب خلاص* اتوجهت للغرفه ومهي فاهمه شي* دقت الباب وفتحتو* تطالع في الغرفه* الغرفه بارردة والنور مقفل : اوف ذولا لين ذحين نايمين ؟* فتحت النور واتوجهت لسرير تالا* اترددت تصحيها ...* *وبعد تفكير ... : تالااا تالا حبيبتي قومي* تااالا صاحيه ووجها مفقع بكا ماتبغاا خالتها تشوفها ربا سامعه امها بس ماقامت مدامها ماتصحيها* ام وليد : يابنتي قومي ابوك يباك تتجهزي وتيافري معاه يقول رحلتكم اليوم للرياض والله مني عارفه اشبو فجاه كذا* تالا انفجعتتتت وتحس نفسها انقطع فجاه* ربا بعدت الغطا بسرعه وجلست مفجوعه : تساااااااااافر؟؟؟؟؟؟؟؟؟* ام وليد انفجعت : بسم الله انتي صاحيه ؟* ربا قامت بسرعه : ايش تسافر وليش ؟* تالا اتوقعت ذا الشي بس ما اتوقعتوا بذي السرعه* جلست بشويش وقامت للحمام بدون اي كلمه ربا تطالع فيها وفي امها : ايش في اشبكم ؟* ام وليد : وانا ايش دراني فجاه ابوها قال بياخذها معاه وخليها ترتب اغراضها واللي مستغربه منو اكثر انو ابوك ماعلق وعلى طول قلو طيب* ربا مااقتنعت وحست انو في شي* اتوجهت لغرفه وليد بسرعه ودقت الباب* محد رد* رجعت الغرفه اخذت جوالها وخرحت للصاله تدق عليه* تسمع صوت جوالو في الغرفه يرن بس محد يرد* ربا بدا قلبها يدق خافت اكثر : الله يستر ايش في ؟؟؟* ارسلت رساله لوليد ( هي افتح الباب بكلمك ليش تالا بتسافر الرياض وتلم اغراضها كلها ؟ )* نايم على السرير ولاطل في الجوال* انتبه لصوت الجوال وخاف تكون تالا ارسلت شي* مسك الجوال وفتحو يقرأ وعلامات الصدمه في وجههو : تالااااااا؟؟؟؟؟؟؟؟* بدون مايحس خرج من الغرفه واتوجه لغرفتهم* ربا راحتلو بسرعه : ايش في اشبكم ؟* وليد مو فايق لاحد: وين تاالا؟* ربا : جوه في الحمام في غرفتنا ليش؟ وليد مسك تالا من كتوفها : رربا ابا اكلمها ضروري ترا لو سافرت ماحترجع صدقيني ربا مفجوعه : لييش ايش في؟* وليد : بعدين افهمك* تالا نزلت من الغرفه وملامحها تعب وبكا وحالتها حاله شافتهم واقفين رجعت ورا الجدار تتخبى من وليد : ربا ابغا شنط عشان ارتب اغراضي* ربا تطالع في وليد وفيها بكا وليد اشرلها براسو( ايوا)* تالا رجعت للغرفه* ربا دمعت : وليد الله يخليك لاتخليها تسافر وليد ايش في ايش سويتو ؟* وليد سابها وخرج برا البيت .... دخلو المركز والاغلبيه خلص دوامهم وخارجين* ياسر : يالله بالله ناديها هنا* انس : لالا تعال الغرفه* ياسر : طيب يالله* مشيو للغرفه* انس دق الباب* ماريا ماسكه المخده ومسررررحه مهي مع العالم ابدا* فتح الباب بشويش واتحمحم* ماريا انتبهت وعدلت طرحتهاا* انس: ماريا معليه على الازعاج بس نباك ضروري* ماريا تكلمو بدون ماتطالع فيه: ليش ايش في؟* انس: مو انا اللي ابغاك ياسر صاحبي يبا يكلمك في موضوع* ماريا : طيب؟* ياسر : اسمعي يااختي ياماريا انتي تعرفي شي عن حياه احمد ؟ قد قلك انو كان مع عيله ثانيه وخطفوه ؟* ماريا كل ملامحها تعجب : نعم؟* ياسر : يعني ماتعرفي ذي السالفه ؟ ولاتقدري تفيديني فيها ؟* ماريا ؛ عفوا اخويا انا مني فاهمة شي انت ايش قاعد تقول ؟* ياسر اتأفف : طيب تعرفي اختو تالا ؟* ماريا فتحت فمها وعيونها وسعت : تاااالا؟؟؟؟؟ (انتهى البارت الثامن عشر ) * |
رد: روايه نور في غسق الدجى ( البارت التاسع عشر ) واقفين قبالها ومستنين جواب بفارغ الصبر* رمشت بسرعه : مين تالا ؟ يعني لحظه لحظه ممكن تفهمني السالفه انا مني فاهمه شي* ياسر اتأفف : ذحين يعني ماتعرفي عن احمد القصه هذي؟؟؟* ماريا باستغراب : ولاقد حكاني ولاشي كل اللي اعرفو انو عايش لوحدو وامو اتوفيت على ولاده بيه* ياسر : كذذذاب ذا يكذب عليك* ماريا انفجعت : نعم ؟* ياسر : ترا احمد امو في غيبوبه بس مني متاكد اذا صحيت منها ولا اتوفيت وعندو اخت اسمها تالا* ماريا جات علي بالها تالا بس ما اتوقعت انها تكون هيا ابدا : يعني انا عندي صحبتي اسمها تالا بس ماقد سمعت ذي القصه منها* ياسر خاف يبفقد الامل ومايعرف يوصل لاهل احمد : طيب ويعني ايش نسوي؟* انس: اقول ياسر امشي بالله خلينا نروح وفكر على كيفك* ماريا عصبت : استنى هنا ايش يروح قلي اول ايش احمد يكذب مايكذب حكيني بسرعه ياسر طالع في ماريا ومو فاضيلها ابدا : ياشيخه مرة مو وقتك اقلك اذا عرفتي شي عن احمد قوليلي سلاام* نزل من الغرفه وانس لحقوا* ماريا مصدومة ما اتوقعت انو احمد يكذب عليها جلست على الارض بقهر وتفكر في كل لحظه مرت بينهم .... جوالو يرن .... فتح عيونو واخذ الجوال باستغراب : ايش تبغا ذي ؟* رد بصوت كلو نوم : الو* الخدامه الخاصه : الو* رائد : نعم ايش في؟* الخدامه الخاصه : ابوك تعبان في المستشفى لازم تجي وتشوفو* رائد انفجع : ابويا ؟ اشبو ؟* الخدامه الخاصه : جاو الشرطه واخذوه مني عارفه ايش في وبعدها ارتفع الضغط وراح على المستشفى* رائد قام من السرير مفجوع : ايش في وليش ماتتكلمي من اول* الخدامه الخاصه : حاولنا نتصل عليك بس ماترد على اتصالاتنا* رائد *اتأفف : خلاص انا ححاول اجي على اقرب طيارة واذا صار شي اتصلي* الخدامه الخاصه : حاضر* قفل الجوال ولبس وخرج على مكتب الحجز .... في الطريق ...* جوالو يرن* اخذ الجوال ورد : ايوا الو* ريم : وينك اشوف سحبت عليا قال تمشيه قال* رائد : تمشيه ايييه انا وين وانتي وين* ريم عصبت : لا والله والله حبيبي مو انا اللي قلتلك مشيني انت عرضت عليا* التاكسي وقف ..* رائد : يالله يالله بعدين اكلمك سلام* قفل الخط* ريم انفجعت من حركتو : انا اوررريك قله حيا يعزمني ويسحب عليا ويقفل في وجهي كمان* قفلت الجوال ودخلت الغرفه معصبه وجلست على الكنبه بدون اي كلمه* ماسكه الريموت : استغفر الله مني فاهمه شي كل امو كلام مو مفهوم* تطالع فيها : هي اشبك ؟* ريم طفشانه : ولاشي* تالين ردت بنفس طريقتها : لا بالله احلفي ؟* ريم : يختي عزمني وقلك بيخرجني وسحب عليا ولما كلمتو قفل في وجهي* تالين متعجبه : خير حبيبي مين هوا ذا من متى تعرفي تتكلمي الماني ؟* ريم : الماني اييييه* تالين : اجل متعرفه على مين انتي ؟* ريم افتكرت انها ماقالت لتالين على وجود رائد معاهم : لالا ولاشي ... اسمعي انا نازله اشتري من تحت تبغي شي؟* تالين انقهرت : هبل اصلا من متى تخبي عليا انتي ... لاشكرا مابا منك شي شكلي طولت في الغيبوبه الناس اتغيرت* ريم اخذت في خاطرها وكان نفسها تحكيها بس خبت السالفه عشان خايفه تالين تروح فيها لو دريت انو معاهم* ريم خرجت بدون ماتتكلم .....* واقفه عند الباب مستنيه* وقف قدامها : اتفضلي معايا* مشيت بخوف وقلق* دخلها غرفه صغيرة مرة واشر بيدو : اجلسي هنا ذحين حيجي* جلست وتطالع في المكان بخوف واشمئزاز* بعد ثواني دخل ومعاه عسكريين* دخلوه وجلسوه فوق الكرسي* ووقفو عند الباب* تطالع فيه : كيفك ؟* بدون مايطالع فيها : ايش جابك ؟* ام حسين : ايش ايش جابني ماتباني اتطمن عليك ؟* ابو حسين : مابا احد يتطمن عليا ايش حتطمني ولاجايه تتريقي* ام حسين عصبت : خيرر اشبك ايش اتريق هذا جزاتي اني جيت واتطمن عليك* ابو حسين مارد* ام حسين : طيب ذحين ايش صار ؟* ابو حسين : ما ادري عنهم ماطلعوني* ام حسبن : اول كلمت حسين بس ماقلتلو قلت بقلك اول* ابو حسين : لالا لاتقوليلو ولاشي ولاتجيبي سيرة اذا سالك عني قوليلو تمام وماكلمك مشغول* ام حسين : ليش طيب ؟* ابو حسين : يعني ماتعرفي ولدك حيسيب دراستو ويجي* ام حسين : طيب خلاص* الشرطي: انتهت الزيارة ام حسين : خلاص انا كلمت محامي واداني موعد وفي اقرب فرصه حشوفو* ابو حسين : لاتتأخري وطلعيني من العفن ذا* ام حسين : انت دخلت نفسك فيه تجري ورا الفلوس جري* ابو حسين عصب : قومي انقلعي من قدامي قلك اجري وراها جري مدري مين كل ماحك راسو سويلي فله هنا وسويلي بيت هنا* ام حسين نزلت بدون ماترد* الشرطي اتوجه لابو حسين ومسكو من يدو* ابو حسين بعد يدو بقوه : سيب انا اعرف اقوم لحالي ..... الغرفه بارده وهاديه* دخل الدكتور ومعاه الضابط* جلس بهدوء فوق الكرسي* ابو رائد مغمض عيونو* الضابط يأشر للدكتور : كيفو اليوم نقدر نتكلم معاه ولالا؟ الدكتور يطالع في ابو رائد : ها يا ابو رائد كيفك اليوم ؟* ابو رائد فتح عيونو بشويش : الحمد الله* الدكتور : شوف الضابط هنا يباك يكلمك كلمتين بس وحيمشي* ابو رائد مارد .... الضابط: كيفك يا ابو رائد* ابو رائد اشر براسو ( ايوا)* الضابط حكى ابو رائد كل مستجد من التحقيق* ابو رائد : انتو لازم تتأكدو من صحه الاوراق اكيد مزورة وبعدين ما اعرف ولد غير حسين من وين طلع احمد ذا ؟* الضابط : والله هوا وضحلنا القصه اللي صارت بينهم وذحين جاري التحقيق ونتأكد من صحه كل الاوراق* ابو رائد يسمع ومستغرب* الضابط:يالله انا استئذن* ابو رائد مهموم ويفكر .... تحضنها من قلبها : حتوحشيييني* لمى : وانت اكثثثثر ياماما* بدور سابتها وماتبغا تسيبها* مراد مسك يدها: يالله نمشي؟* لمى اشرت براسها( ايوا ) مراد نزل وركبها السيارة وركب السيارة ومشي ...* في الطريق ... * لمى تطالع في مراد* مراد استغرب : اشبك حبيبي تبغي شي؟* لمى : بابا ماما ليش ماتجي تعيش معانا يعني ماما ماعندها بابا بس ماما بدور عندها* ليش مانجلس كلنا مع بعض ؟* مراد ارتبك وبلع ريقو مو عارف اي يرد : لا حبيبي لا بابا حيجي من الرياض ان شاءالله وتشوفيه وتجلسي معاه* لمى ما اقتنعت بالكلام وملامحها تحولت للزعل* مراد مايبا يكلمها خايف انها تبكي ... مسك جوالو واتصل :الوو* بدور ردت :ايوا الو* مراد عين على الطريق وعين على لمى : قولي لمروة تنزل تاخذ لمى انا تحت*** بدور: ماترد عليا من اول اتصل خلاص انت طلعها فوق* مراد: ايش اطلعها ياهو دقي انت* بدور : من جد اشبك كم مرة اتصل وارسلها ماترد* مراد اتأفف : طيب* قفل منها ووقف السيارة : يالله حبيبي بطلعك فوق* لمى بدون اي كلمه نزلت* مراد بيقطع الشارع مد يدو يمسك يد لمى : اديني يدك* لمى بعدت يدها : مابا* مراد اتأفف ومسك يدها بقوة ومرو* لمى زاد العناد : خلاص سيبني بطلع لوحدي ماباك* مراد طالع فيها واستغرب : طيب يالله روحي لوحدك* لمى خافت وجريت * تطلع الدرج قابلها بودوقارد عند باب الفندق* طالع فيها وهيا تجري مد يدو يهديها لاتطيح من الجري* لمى خافت وصرخت رجعت بسرعه لمراد وحضنتو* مراد فك ضحك عليها : بتطلعي لوحدك ها* لمى بكيت* مراد شالها واتوجه للاستقبال : السلام عليكم* الرجال: وعليكم السلام* مراد سال الرجال عن غرفه مروة والدور* مراد : طيب شكرا* الرجال *ابتسم : العفو* مراد طلع الدور الخامس* واتوجه للغرفه ودق الباب* يطالع في لمى اللي سانده راسها على كتفو ..سلم عليها* يستنى الباب ينفتح .... مرت اكثر من ثلاثة دقايق وهما يستنو مراد طلع جوالو واتصل : الوو* بدور : ايوا الو خلاص حطيتها ؟* مراد : اي حطيتها مهي راضيه تفتح الباب ذي انتي متأكده انها موجودة بدور : ما ادري بس انا اتصل عليها من امس ماترد* مراد حب يتأكد : طيب طيب انا حتصرف* قفل جوالو ونزل الاستقبال* مراد: لو سمحت انا طلعت الغرفه ودقيت الباب ومحد رد بس بسالك اذا موجودين ولالا* الاستقبال استغرب : لا ابدا ماخرجت المدام لازم تحط البطاقه عندنا قبل لاتخرج بس البطاقه معاها يعني وانا متاكد ماشفتها خرجت* مراد استغرب اكثر: استغفر الله طيب يعني نايمه ولا ايش* مراد : المهم ممكن تديني نسخه من البطاقه* الرجال : بس اديني بياناتك* مراد اداه بياناتو* والرجال اتاكد انو بنتها تعرف مراد* طلع واحد من البودوقارد مع مراد* لمى تغمض عيونها عشان لاتشوفو* مراد طلع وفتح الباب* الغرفه هدوء دق باب غرفتها برضو محد يرد* فتح الغرفه بشويش وانصدم* طايحه علي الارض* حط لمى وجري عليها : يامروة مرروة* البودوقارد : انادي الاسعاف ؟* مراد : لالا انا حشيلها المستشفى معايا* لمى تدقها وتبكي: ماما قومي مااما* مراد اتطمن انو في نبضات قلب وعرف انو مغمي عليها* سحب عبايتها المرميه على الكنبه وغطاها وحملها* لمى تمشي وراه وتمسح دمعتها وتشهق كل شويه* خرج للسيارة بسرعه* واتوجه لاقرب مستشفى* اعصابو متوترة يسوق وهوا يفكر في كذا شي* بعد دقايق وصل المستشفى* حملها بسرعه ودخل للطوارئ* دخلوها الممرضات ودخل عندها الدكتور* مراد مستني برا مع لمى* لمى حاضنتو وتبكي : ابا ماما مراد اتنهد : طيب حبيبي بس ماما تعبانه شويه * بدور تتصل .. مراد شاف اسمها بس مارد عارف لو قلها حتقيم الدنيا وحتخاف* ارسلها رساله( ياقلبي خلاص حطيت لمى بس عندي كم شغله اخلصها وارجعلك )* بدور اتطمنت* الدكتور نزل* مراد : ايوا يادكتور طمني* الدكتور : والله زوجتك الحمد الله كويسه بس الضغط كان نازل جدا وسببلها حاله اغماء* مراد مشى كلمه زوجتك عشان الموقف مايساعد : اها طيب الحمد الله* الدكتور : بس اهم شي عشان صحتها لاتعرضوها لاي ضغط ولا لاي فجعه لازم تداروها لانو لو صار واتعرضت لشي مايسرها حتسببلها جلطه* مراد يسمع الدكتور وشايل همها : طيب ان شاءالله* بعد نص ساعه الممرضه تنادي مراد* مراد اتوجه للغرفه وجلس* مروة تطالع فيه وانفجعت ايش جابو* لمى جريت على امها: ماااامااا* مروة ابتسمت بشويش : لمى؟* لمى: ماما وحشتيني* مروة : وانت اكثر* مراد متنح* مروة طالعت فيه : تسلم والله تعبناك معانا* مراد : لالا ابدا مافي لي تعب احنا في الخدمه* وسلامتك ماتشوفي شر* لمى تضحك* مروة تطالع فيها : اشبك ياماما ؟* لمى: ماما هذا بابا مراد زوجك انا سمعت الدكتور قلو كذا* مروة قلبها يدق من الاحراج* مراد وجهو راح فيها وطالع جهه الباب* مروة : عيب ياماما* لمى :مو انا هذا الدكتور قال كذا وكمان قلو لاتزعلها* مراد نفسو يخنق لمى* مروة حست في مراد : خلاص مشكور تقدر تمشي سامحنا تعبناك معانا* مراد : لالا مافي تعب قلنالك خلاص الدكتور كتبلك خروج الليل وحستناكم* مروة مهي عارفه ايش تقلو .... ينزل الشنط للحوش* ابو وليد واقف : خلاص انا حوديكم المطار* خالد: مشكور جزاك الله خير* تالا تقفل الشنط وعيونها ماوقفت من الدموع* ربا تطالع فيها مهي عارفه ايش تقلها* تالا وقفت تشيل عطورها من فوق التسريحه* حطت الاول وطالعت في الثاني دموعها نزلت اكثر ضحكت بقهر ولفت على ربا* ربا ماصدقت تالا تطالع فيها* تالا مبتسمه والدموع تنزل : هذا العطر اللي اعطيتيني اياه هديه لما اتخرجت وقلتيلي بخي بخه ورجعيه* ربا ما ابتسمت ودموعها نزلت بسرعه صوتها كلو بكاء : تالا لاتروحي* تالا اختفت ابتسامتها ونزلت راسها* ربا تشهق : تالا الله يخليك الله يخليك لاتروحين انا ما اعرف ايش حسوي بدونك كيف حنام في ذي الغرفه كيف حروح الجامعه كيف حضحك كيف حاكل حتى* تالا جات حضنتها* ربا مسكت تالا بقوتها كلها وتبكي بصوت عالي* مرت الثواني ولا وحدة تبا تسيب الثانيه* الباب يندق* اتحمحم: ربا يالله قوليلهم يتجهزو بعد ربع ساعه حنمشي المطار* ربا تخبي صوت البكاا : طيب يا ابويا تالا وقفت وكملت ترتيب اشياءها وقفلت الشنط* ربا اتوجهت لغرفه وليد مالقيتو** طالعت في جوالها لقت مكالمتين منو* اتصلت عليه بسرعه* وليد رد : وييييينك انتي* ربا : *والله ماسمعتو وليد : يالله بسرعه انا تحت* ربا : ايش تحت ايش في ؟* وليد : خليني اشوف تالا ضروووري اكلمها اتصرفي* ربا انفجعت : طيب ايش اسوي؟ كيف؟* وليد : انا ورا البيت مستحيل احد يشوفها* ربا : طيب دقيقه اناديها* وليد : بسرعه استناك* قفلت جوالها* واتوجهت لغرفتهم* تالا : ربا شوفي هذي بلوزتي اللي تخاصمنا واحنا نشتريها وكنتي تبيها حخليها ذكرى* ربا مهي معاها ابدا : تالا* تالا : نعم ؟* ربا : تعالي معايا شويه* تالا : وين ؟* ربا : انت تعالي بس شويه* تالا مشيت مع ربا .... تطالع في العلبه : هيا بالله ذا حيسافر وحيخلينا كيف اعرف ذا حلال ولاحرام المشكله ما افهم* تتأفف وطلعت جوالها تحاول تترجم* فجعها صوت الجوال وهوا يرن* ردت بدون ماتشوف الرقم : الو* ام ريم : ايوا الو* ريم تحس نسيت صوتها : امم ايوا ؟* ام ريم: كيفك ؟* ريم: تمام الحمد الله* ام ريم : متي راجعه؟* ريم : لما تتحسن صحبتي* ام ريم : اقوول بطلي لعب وتعالي ترا ابوك في السجن* ريم مهي حاسه في رجولها تحسها نملت* جلست بسرعه : ايش؟؟؟؟؟؟* ام ريم ؛ والله هوا محتجز ومني عارفه ليه كانو بيحققو معاه ومعد رجع* ريم : وانت مارحتي تشوفيه؟* ام ريم : لا والله اخر عمري اروح السجن ايش تبغي الناس يقولو لو احد شافني* ريم : طيب سلام* قفلت الجوال* حسبي الله على بليسك انتي ام والله حرررام ياربي يعيينني عليها ( دموعها نزلت من القهر )* خرجت من المحل بسرعه واتوجهت للفندق * تتصل عليه مايرد* طلعت بسرعه وتحس الطريق بعيددد بعد ثواني وصلت غرفتو تدق الباب بقوة : رائد افتح راااائد انا ريم افتتتح* رائد فتح بكل برود : اشبك؟* ريم دخلت : بالله رائد احجززلي معاك برجع* رائد انفجع ؛ نعمم؟ ليش ؟* ريم : ابويا في السجن يارائد* رائد انفجع اكثر : في السجن ؟ ليش؟* ريم ماسكتو من كتفو تترجاه : ما ادري يارائد الله يخليك بروح* رائد يطالع في الساعه : مستتحيل باقيلي ساعتين واروح المطار* ريم تبكي : رائد الله يخلليك احجزلي ذحين* رائد اتأفف :طيب دقيقه* ريم فرحت* رائدمسك جوالو واتصل* رائد حجز وكل شي وقبل مايقفل شهق* ريم انفجعت وتأشر اشبك؟* رائد : طيب شكرا* وقفل بسرعه* ريم : اشبك ايش في!* رائد : احلفي نسييتي تالين ؟* ريم افتكرت وانفجعت : يالله ذحين ايش نسوي* جلست على الكنبه وتبكي : والله ابا اشوف ابويا انت تعرف كيف انا متعلقه فيه وتالين ماحقدر اسيبها* رائد : قومي رتبي اغراضك بعد ساعتين ترا حنروح المطار* ريم ساكته* رائد : خلاص لقيتا قومي رتبي نفسك* ريم : ايش؟* رائد : نخلي حسين عندها* (انتهئ البارت التاسع عشر )* |
رد: روايه نور في غسق الدجى (البارت العشرين ) تمشي معاها ومستغربه : فين موديتنا انتي اشبك ؟x ربا مستعجله فتحت الباب ودقت على وليد بسرعهx تالا تطالع في ربا وما انتبهت للي واقفx ربا واقفه عند الباب تشوف لو احد جاx تالا تطالع فيها باستغراب : اشبك ان قاطعها بصوتو : تالاx تالا لفت بسرعه على الصوت وبلمت وجهها احمر ومفقع من البكا وصوتها رايحx رجعت كم خطوة ورا لانها بدون طرحهx وليد وطى راسو مايباها تروح : خليك ابا اقلك كلمتينx تالا وقفت خطواتها وراسها موطى : ايش في كمان ياولد الناس كفايه اللي صار فينا حرام عليكx وليد غمض عيونو: تالا اسمعيني اباك تسامحيني اذا غلطت عليك او غلطت في حقك امنتك بربك تسامحيني على كل اللي سويتو فيك وليد اعطاهم ظهرو ورفع راسو للسماء ( عيونو كلها دموع ) تاالا يمكن هذي اخر لحظه بيني وبينكx تالا دموعها رجعت تنزل بقهر اكثر وكارهه فراقوx وليد : انتبهي على نفسك يابنت خالتي واباك تدعي من قلبك انو ربي يكتبلنا نصيب واذا ربي ما اراد استودعتك ربي والله يوفقك ويسعدك في حياتكx تالا ماتقدر تتكلم ( صوت بكيها بدأ يعلا ومشيت بشويش بترجعx وليد : تالاx تالا وقفتx وليد اتنهد ودقات قلبو تتسارع : احبكx تالا غمضت عيونها ودارت عليه وابتسمت بين دموعها : وانا اكثر .. انتبه على نفسك ياوليد ترا مافي قلبي اغلى منكx دخلت بسرعهx ربا كانت عند الباب وانفجعت من دخلت تالا السريعه : بسم اللهx تالا رجعت للغرفه وقفلت الباب وبكيت من قلبهاااااx ربا خرجت وتطالع في اخوها : وليد ايش صار ؟x وليد مشي بسرعه واتوجه لغرفتو وبدون مايطالع فيها : ربا روحي شوفيها واحضنيها تراها محتاجتكx ربا ما انفجعت من الكلام قد ما انفجعت من عيونو المليانه دموع ماكانت تتوقع في يوم اخوها يتعلق في احد لذي الدرجه وبذي السرعه .... يطالع في المكان اللي حوله ومسرحx (في قلبو ) ياربي انا ايش جابني هنا كنت في حال سبيلي محد داري عني ومني داري عن احد ...x اتنهد : اااه ياماريا وحشتيني نفسي اتكلم معاك اشكيلك كم يوم ماشفتك ولاسمعت صوتك ولا ااعرف ايش سوالك اخوكx غمض عيونو ورفع يدينو وقلبو اللي يتكلمx ( يارب يامن لاترد عنده دعوه المظلوم اجب دعوتي ياربي لا اله الا انت سبحانك اني كنت من الظالمين ربي اغفرلي اذا كان عقاب وصبرني اذا كان ابتلاء ربي فرج عني كربتي فقد ضاقت بي حيلتي اللهم اسالك بكل اسم سميت به نفسك ان لاتطلع الشمس الا وانا مفرج عني يارب ....اللهم احفظها ولاتجعلني سبب في اذاها وان كان قربي منها اغضبك فقربني اليها برضاك يارب واجمعنا ياربي بالخير )وختمت دعاؤ دموعو على خدو ... يدق عليه بالجوال : ايوا الو بسرعه انا تحتx نازل من الدرج بسرعه : ياشيخ فجعتني ايش فيx يستناه في السيارة : انت انزل وانا حفهمكx فتح باب البيت ونزل : طيب يالله سلامx قفل الجوال واتوجهلوx فتح باب السيارة ودخل : ايوا اشبك؟x ياسر يطالع فيه وابتسم : وعليكم السلامx محمد اتكى علي الكرسي: وانت خليتني افتكر شي استغفر الله ؟x ياسر : المهم وين تبانا نروح ؟x محمد : ياسر ترا مرة مافيا صبر ياشيخ اقرب مكان لو تجنب السيارة عاديx ياسر وقف عند اقرب كوفي ونزلوx دخلو وجلسو على الطاولهx ياسر : ايش تشرب؟x محمد: مسوي كرم انت ووجهك اقول اخلص عليا وقول ايش عندكx الجرسون مستني ...x ياسر طالع فيه : اثنين ليمونx محمد عقد حواجبو : كان وديتنا بوفيه داخل كوفي واثنين ليمون ؟x ياسر : عشان تفكر في اللي حقولو بروقان وتجبلي حل المهم اسمعx محمد xعدل جلستو ويسمعو باهتمامx ياسر حكى محمد السالفهx محمد مررة متعجب : طيب وكيف نقدر ننزلو ؟x ياسر : وانا جايبك عشان اتفرجلك ؟x محمد: طيب انا ايش دراني كيف نخلصو من ذي القضيهx ياسر يفكر : طيب بالله كيف نعرف اساسا كل اللي قالو عمي ابو ريم وعمي ابو رائد ايش درا اهلي مين ذول وكيف حسالهمx محمد انفجع : ايش قلت؟x ياسر اتأفف : اشبك انت الثاني ؟x محمد : تالين اختتتتي والله وجبناهاx ياسر مستغرب : نعم ؟ خير حبيبي ضرب الفيوز ؟x محمد : اسمع ذحين اختي تالين عندها صحبه اسمها ريم ( محمد ابتسم ) وريم هيا هذي بنت ابو ريم وابو رائد يصير عمها وهما اصحاب شركات ورجال اعمال كبار في البلدx ياسر : احللللللللف؟x محمد : قوم قوم بسرعهx ياسر : وين ؟x محمد : بكلم ريم ياللهx ياسر ومحمد قامو بسرعه وخرجو ... في السيارة ....x يتصل كذا مرة مافي ردx محمد اتأفف: ماتردx ياسر : حاول طيب مرة ثانيه ياشيخ مني مصدق لقينا خيطx محمد : طيب استنى ... رجع يدقx واخيرا ردتx محمد : ايوا الو ررريمx ريم شايله هم تالين وترتب اغراضها ومررة مشتته : امم؟ ايوا محمد؟x محمد : ريم اسمعي بالله بسالك على شي ضروري ..تعرفي واحد اسمو احمد خالد .... ريم مستغربه اول مرة تسمع الاسم : مين ذا اول مرة اسمع الاسم ذاx محمد مايبا يفقد الامل : هذا يعرف عمك وابوك بالله تقدري تكلمي ابوك او عمك تساليهم عليه هوا حاليا في السجن ومحتاجين كم معلومات عنوx ريم جا في بالها ابوها والسجن : خلاص محمد قلتلك ما اعرفو xومن متى عمي يفضى يكلمني بالله لو لقيت فرصه حسال ابويا يالله سلام معليه مرة مشغولهx قفلت الخطx محمد اتحطم وياسر يستناه بفارغ الصبر : ها ايش قالت ؟x محمد : ماتعرفو تقول اول مرة تسمع بذا الاسمx ياسر انقهررر واتحطم وبدأ يفقد الامل ... نايم على الكنبه وهي جالسهx فتح باب البيت ودخل ...x يطالع فيها : ياقلبي مستنيتنيx طلع جوالو المقفل وفتحوx يطالع في الجوال : اوووف 20 مكالمهx اتوجهلها ويدقها بشويش : بدور بدورx بدور فتحت عينها وقامت بسرعه : بسم الله متى جيت ؟x مراد : دوبي اشبك نايمه هنا؟x بدور : والله حرام عليك شويه مابقي احد ما اتصلت عليه من اهلك وينك ايش من شغل لين ذي الساعه وجوالك مقفل حرام عليكx مراد : والله اسف ياقلبي بس من جد كان شغل ضروري ومررة مايحتمل التأجيلx مسك يدها : يالله قومي نامي جوا والله ماشفتي شكلك وانتي نايمه ( مراد يضحك )x بدور عصبت وسحبت يدها : هذا جزاتي خايفه عليك .. ماتستحيx مشيت للغرفه وقفلت البابx مراد وقف مكانو : ييالله مررة تعبان وبكرا لسا عندها مراجعات وحوسه اقول خليني انام احسنx رجع لنفس الكنبه وانسدحx بعد عشرة دقايقx ماجااها النوم بالمرة فتحت الباب بشويشx وشافتو نايمx مسكت الغطا واتوجهتلو تمشي بشويشx غطتو باللحاف تمام وجلست تتأمل فيه وهي مبتسمه : ياقلبي تعباانx شالت الاشياء والاوراق اللي معاه تطالع في الاوراق ( مستشفى ...)x استغربت بالمرة وقفت وشالت الاوراق معاها وتقرأ ....x وقف التاكسي ودخل ودق عليها بسرعهx تمشي في ممرات المستشفى بسرعه مسكت الجوال وردت : ايوا الوx رائد : بسرعه لاتتاخري حستناك في السيارةx ريم : طيب طيب سلامx قفلت جوالها ودقت باب الغرفه بخوفx فتحت الباب وشافتها منسدحهx حست بدخول احد فتحت عينها وتطالع : ريم ؟x ريم : خليك خليك ارتاحيx تالين جلست : لاعادي بس طفشت لحالي وقلت انام اصلا في ناس ماتستحي سايبتني لوحديx ريم : حقك عليا والله بس تالين ابا اقلك شي مرة ضروري اسمعي الدكتور وصى لادويه مرة ضروريه لعلاجك من منطقه ثانيه وحروح تقريبا ثلاث اربعه ايام او اسبوع بالكثير لانو المنطقه مهي قريبه مرة ولاتخافي ماحسيبك لوحدك وبيني وبينك تواصل دايماx تالين مفجوعه : خيرررر ايش تسيبيني لوحدي وين تسافري وتخليني مجنونة انتيx ريم : تالين حبيبي الله يخليك افهميني انا عندي هنا صاحبي واحد يدرس هنا خلوق ومؤدب وحينتبهلك وكل شي اطلبيه منو بس فترة بسيطه على بال ما اجيx تالين ؛ وانا ايش دخلني في اخلاقو جاي يخطب هوا ؟ انا اباك انتيx ريم : تالين بالله اعقلي شويه خلاص قلتلك بجيب علاجك وارجع ماحطولx تالين طالعت فيها بحقد ولفت راسهاx ريم اخذت نفس واتوجهلتها وحضنتها : لاتخافي حكون جنبك دايما بس ساعديني عشان نرجع وتشوفي اهلك وتتعافيx تالين مسكتها بقوة : ريم الله يخليك ارجعي بسرعه والله مررة خايفهx ريم : تالين ياقلبي انتبهي تقولي لمحمد اني سبتك لوحدك او اني خليت احد عندك تعرفي اخوك كيف وحيسوي مشاكلx تالين : طيب طيبx رريم سلمت عليها وخرجت بسرعهx دخلت التاكسيx رائد : وييينك انتي ايش التاخير ذاx ريم : ياشيخ بالقوه اقنعتها المهم خليني اشوف حسين بالله اتخيل قال مشغولx رائد عصب : لو مشغول حتجلسي انتي عندها تراها امانه بلا هبالهx ريم عصبت : احلف دوبك تعرف الامانه قول لنفسك سبحان الله تاب فجاهx ريم سكتت لما رد حسين : ايوا ياهلا والله ببنت عميx ريم : اهلين فيكx حسين : كيفك وينك انتي قطعتي فجاهx ريم : مشاغل وكذا المهم حسين اسمعني تقدر تطلع المطار ضروري ذحين ؟x حسيت استغرب : ليش ايش في ؟x ريم ؛. في موضوع ضروري بقلك اياه وانا مسافرة اصلا ولازم اتفاهم معاك فيه ذحين بس بالله عجلx حسين : طيب طيبx ريم : يالله انا في الطريق رايحه استناكx حسين : طيب يالله مع السلامهx ريم : مع السلامه تحضنها بقوه :لاتنسي كل شويه طمنينيx عنك ترا ماحنام حستناك تطمنينيx تالا : ان شاءالله خالتي سامحيني اذا قصرت ولا اذيتكx ام وليد : لايابنتي حرام عليك انت اللي سامحينا مو احناx سلمت عللى راسها : خالتي عندي لك طلب لاترديني فيه ام وليد : امري يابنتيx تالا: زورو امي لو مرة في الشهر امانه ياخالتيx ام وليد : افا عليك لاتوصيني في اختي ولاتشيلي همx وقفه بجنب امها وتطالع في الارض وتدمعx تالا حضنتها بقووووة : انتبهي على نفسك وسلمي على مارياا كثيررررx كل وحدة دموعها تملي الثانيه ...x خالد يدق بوريx تالا بعدت عن حضنها ومسكت يدها : حتوحشينيx ربا سابت يدها وتمسح دموعهاx تالا مسكت شنطتها وتسحبها وخرجتx ربا جريت على غرفتها وقفلت الباب وبكيت باعلى صوتهاااx في غرفه ثانيه ...x منسدح على السرير مو قادر يقوم اطرافو باررردة ومغمض عيونو ويدمع جسمو ثقيل وحاار ...x منسدح على سريرو ويفكر ....x جوالو يدقx مسك الجوال ورد : ايوا الوx انس : ايوا ياسر كيفك ؟x ياسر ؛ الحمد الله انس : ها بشرx ياسر : اي ابشر ياشيخ فجاه جاني امل وخلااص حنوصل للي نبغاه كل شي اتحطم بعدهاx انس : ليش ايش صار ؟x ياسر : بكرة حمر المركز واحكيك ومنها اصلا بعد دوامك حنروح المركز لازم نتطمن عليهx انس : خلاص ان شاءاللهx ياسر : يالله سلامx انس : سلامx مستنيه بفارغ الصبرx دخل يدور ويطالعx دقت عليه : ها وينك ؟x حسين يطالع ويحاول يدور : انا في المطار بس فينك بالضبطx ريم وصفتلو المكانx حسين ؛ خلاص طيب ثواني وجايكx بعد ثوواني ....x جا باتجاهها : السلام عليكمx ريم : وعليكم السلام xاجلس بسرعهx حسين جلس : اشبك بسم الله وليه بتسافري لوحدك ؟x ريم ؛ معايا رائد بس يخلص اجراءات هناكx حسين استغرب العلاقه اللي بينهم بس سكت ريم : ابا اطلب منك طلب مرة ضروريx شوف ياحسين ترا احنا جينا هنا علاج مو للتمشيهx حسين استغرب : ليش ايش في اشبكم ؟x ريم : مافينا شي بس صحبتي صارلها حادث واضطرينا نعالجها هنا x حسين مستغرب : نعم ؟ وايش دخل رائد طيب؟x ريم ماتتعب من تأليف القصص : بيني وبينك رائد صدمها بالسيارة بس الحمد الله هيا ذحين مرة اتحسنت وانا ورائد رايحين عشان عمي ابو رائد تعبان وابويا يبغاني ضروري فمضطرة اروح ومحد بيجلس عندها غيرك وقلتلها اني رايحه اجيب علاج من منطقه ثانيه ماقلتلها اني رايحه جده ولاماكانت سابتني اروحx حسين : طيب هيا يي ايش من مستشفى ؟x ريم حكت حسين عن التفاصيل ووضحتلو حاله تالينx حسين ؛ خلاص لاتشيلي هم جامعتي حقدر اربط بينهمx ريم جبل وانزاح من فوق راسها : الحمد الله مررة تسلم واي شي تحتاجو انا في الخدمهx حسين سلم على ريم ومشيx وريم قامت لما سمعت نداء رحلتهم... في الصباحx الباب يندق ... ماسكه جوالها بطفش: اتفضلx دخل واتحمحم وموطي راسوx طالعت فيه واستغرربت سحبت طرحتها من طرف السرير وحطتها على راسها : اول مرة اشوف الماني مو اشقر ويتحمحم شكلو يعرف عاداتناx حسين ماقدر يمسك ضحكتوx تالين تطالع ومفجوعه : بسم الله الرحمن الرحيم ايش مدخلين عليا مجنون ؟x حسين حس على نفسو : عفوا اختي بس انا حسينx تالين فتحت عينها ووجهها احمممر : طيب؟x حسين : اعتقد ريم كلمتك عني !! x تالين : امم ايوا طيب اخوي تقدر تحط رقمك وتتفضل برا وقت ما احتاجك حتصل عليكx حسين كرامتو ضاعت : عفوا اختي بس ريم حرصت عليا اكون عندك في الغرفه عشان لو احتجتي شي مع الدكاترةx تالين : ياخي قلتلك لو احتجت شي بتصلx حسين ماحب يضغط عليها : طيب حاضر كتب الرقم في ورقه وحطو على الطاوله : اتفضليx تالين تطااااالع فيه بما انو موطي راسوx حسين : تامري على شي ؟x تالين : شكراx حسين خرج من الغرفه ... تالين مسررحه : مالت عليك ياريم من وين تطيحين على ناس زي كذا لا ومؤدب كمان مدري كيف صارت صحبتو والحياه حلوة ماشاءالله صحبتوx رجعت انسدحت على السرير تكمل تفكيرها .... صحي من النوم ويتمدد ويتثاوب : اعوذ بالله من الشيطان الرجيمx يطالع في ساعه الجوال بنص عين : اوف والله راحت عليا نومهx حط الجوال واتوجه لغرفتوx الباب مفتوح دخل على الحمام مباشرةx اتروش واتجهزx بدور تناديه : مراد الفطور جاهزx مراد خرج للصاله : صباح الخير طيب؟x بدور ماردت .. جلست على الطاوله وماسكه كاسه الحليب وماتطالع فيهx مراد جلس : يالله لسا زعلانه؟x بدور تحاول تفتكر : على ايش؟x مراد : يعني اني ما اعرفx بدور افتكرت : اها اذا على امس لالا عادي واصلا اخرتك نمت في الكنبه واساسا مايهمني نام في اي مكانx مراد ابتسم : باين اصلاا لدرجه اني غطيت نفسيx بدور حطت الكاسه بقوة : مراد تقدر تقلي ايش الاوراق اللي فيها ادويه ضغط؟x مراد اتوتر فجاه : ايش ادويه ضغط؟x بدور بلعت ريقها : مراد لاتستعبط انت عارف ايش قصديx مراد : اها انت قصدك على ذيك اوراق المستشفى لا بس في تعاقد مع الشغل وكذاx بدور سكتتx مراد قام : طيب يالله انا اتاخرت اشوفك بعدين ان شاءاللهx بدور : ان شاءاللهx مراد اتوجه للباب وخرجx في السيارةx مسك الجوال واتصل ... تطالع في الجوال وابتسمت : ايوا الوx مراد : صباح الخيرx مروة : صباح النورx مراد : اليوم المراجعه بعد ماارجع من الشغل على طول حجيلكم ياريت تكونو جاهزين عشان لانتاخرx مروة : xلاتخاف مدامك انت ماحنتاخرx مراد استغرب : كيف؟x مروة : لايعني اقصد لمى ماحتخليني حتستعجلنا عشان تشوفكx مراد : اها يسعدها طيب يالله مع السلامهx مروة : مع السلامهx الباب يندقx نايم علي السرير : اتفضلx دخل والابتسامه على وجهو : السلام عليكمx ابو رائد طل فيه وشال عيونو بسرعه : وعليكم السلامx الضابط: ها يا ابو رائد كيف حالك اليوم ؟x ابو رائد : الحمد الله من ربي بخيرx الضابط : عندي لك خبر حيفرحكx ابو رائد ساكتx الضابط : احنا اتأكدنا من الاوراق وطلعت مزورة وتقدر تروح بيتك اول ماتتحسن صحتك سامحنا على الازعاج اذيناكx الضابط اتوجه للبابx ابو رائد : واحمد ايش صار عليه ؟x الضابط لف عليه : لا احمد لسا ماخلصنا معاه هوا وابوهx ابو رائد ماهمو : بكيفهم الحمد الله انو ظهر الحقx الضابط ابتسم وخرج ....x دخل الدكتور على طول : السلام عليكمx ابو رائد يحمد ربو من قلبوx الدكتور : ها يا ابو رائد متى تبانا نكتبلك خروجx ابو رائد : ذحينx الدكتور ضحك : لا مو لذي الدرجه ان شاءالله على المغرب xاو العصر تخرج باذن اللهx ابو رائد : ان شاءاللهx وقف سيارتو عند المواقف وخرج يمشي لين وصل للمركز ... دخل واتصل عليه : ايوا الو وينكx انس : خليك مكانك ذحين جايx جا باتجاهو وسلم عليه : ياهلا واللهx ياسر جلس على الكنبه : اهلين فيكx انس جلس : ها حكيني ايش صار ؟x ياسر : خلصت محاضراتك ؟x انس : لا باقيلي محاضرة بعد الظهر المهم اخلص حكيx ياسر حكى انس ...x انس : انت متاكد انو قال عمي ابو رائد؟؟؟x ياسر ؛ ايوا اشبك انت الثاني ماسمعتx انس مستغرب ومبتسم: لا والله ما انتبهتx ياسر مستغرب : طيب؟x انس : يااهبل وانا في مركز مين ؟x ياسر : وانا ايش دراني حق مينx انس : انا في مركز ابو رائد ياذكيx ياسر : احلف ؟ يابختك ماشاءالله وانا اتحطمت وخلاص فقدت الامل وطلعت انت الحل حسبي الله على بليسكx ياسر : طيب قووم ودينا بيتوx انس: احلف؟ على بالك اي واحد يدخلونو عندو هذا رجل اعمال كبير واحنا مين عشان نروح بيتوx ياسر xاستغرب اكثر : يعني هوا نفسو ابو رائد رائد رائد صاحبنا ماغيرو ؟؟؟؟x انس : اجل مين ياذكي ياسر : لاااامستحيل ايش جاب احمد عندهم وليش يناديه عميx انس : ايش دراك يمكن عمي حق احترام مو قرابهx ياسر : امم طيب يالله قوم نجرب ايش حنخسر ؟x انس : طيب بس اخلص محاضرتي واجي معاكx ياسر اتافف : الله يصبرنيx جالسه في غرفتها : ياخي والله طفش ايش ذاx مسكت الجوال واتصلت: رررردي باللهx مسكت الجوال وردت بصوت مبحوح : الوx ماريا استغربت : ربااا؟x ربا : لا اختهاx ماريا : تستهبلي؟x ربا : ايش دراني عنكx ماريا : طيب اشبو صوتك كذا ؟x ربا : تالا سافرتx ماريا انفجعت : نعمممممممم؟x ربا : اسمعي بالله تاالا مدامو اليوم اجازة انا جايه عندكx ماريا : ايوا بالله استنااك ضروري تجي كمان عندي لك كلام لازم نتفاهم عليهx ربا : والله هرا المفروض ما اجي بما انك قليتي ادبك اخر مرةx ماريا : ياشيخه طيرري باللهx ربا : حسبي الله ماتحس.... سلامx ماريا : سللاامx نزل من المركز وركب السيار. واتوجه لبيتوx فتح الباب السواق : نورت البيت طال عمركx اتوجه للباب ودخلx نازله بعبايتها من الدرج وانفجعت : انت ايش جابك ؟ متى نزلت ؟x ابو ريم يطالع فيها : هذا اللي هامك؟x ام ريم كملت نزول : المهم انا نازله مع صحباتي تبا شي عندك الخدمx ابو ريم مشي : مابا شي منك واسمعي لاترجعي خليك معاهم لانك طالقx طلع على غرفتو بدون مايطالع فيهاx واقفه مكانها مصدووووومة نزلت جري ودموعها في عينها ماعمرها اتوقعت يطلقهاx خارج بسرعه : يالله خلصتx ياسر : اوووف واخيرررا يالله مشيناx نزلو وركبو السيارةx ياسر : اسمع انت متاكد انو رائد مو موجود ؟x انس : ايوا اشبك مسافرx ياسر : اامم طيبx انس وصف لياسر المكانx بعد نص ساعه وصلوx ياسر يطالع ومبهووور : بالله احد يسافر ويسيب ذا البيت ؟x انس : ياعمي احمد ربك وامشي مالك في الناسx انس دق البابx فتح الحارس : نعم ؟x انس : العم ابو رائد موجود ؟x الحارس : مين انتو x؟x انس : احنا عندنا موضوع مهم مع العمx الحارس: ما اعتقد عندكم موعد لانو لو عندكم حتكونو عارفين انو في المستشفىx ياسر مايبا يتحطم ويحسها اخر فرصه ؛ في ايش من مستشفى باللهx انس يهدي ياسر : ياشيخ اصبرx الحارس : هوا راجع اليوم بعد العصر او بعد المغربx انس : طيب فين نقدر نستناه ؟x الحارس : ممكن تستناه هنا عندي لانو ماحقدر ادخلك ابداx ياسر : خلاص طيب حنستناهx انس : هي انت من جدك ؟ دوبنا ظهر ايش نجلس لين المغرب ؟x ياسر : بالله اسكت هذي اخر فرصه تباني اسيبها؟x انس اتأففx ياسر وانس دخلو وجلسو عند الحارس ....x وقف السيارة : متى اجيلك ؟x ربا : انا حتصل عليكx وليد بطفش : طيبx ربا خرجت xوليد مشي بسررررعهx ربا في قلبها (الله يحفظك يارب ويهديك)x دقت الجرسx الشغاله فتحتx ربا دخلت : وين ماريا ؟x الشغاله : فوقx ربا طلعتx فتحت باب غرفتها بقووووووةx ماريا انفجعععت : بسم الله الرحمن الرحيمx ربا : خير حبيبي نايمه لين ذحين ؟x ماريا : من قلك اني نايمه اصلا ؟x ربا جلست فوق السرير وملامحها طفش : خلاص تالا سافرت الرياضx ماريا شهقت؛ كذااااااااااابهx ربا : والله من جدx ماريا : ليييش طيب؟x ربا ؛ انا ما ادري ليش كل ما اسال احد محد رد عليا واللهx ماريا : من جدك انتي ؟x ربا حكت ماريا باختصارx ماريا دمعتها في عينها : ولاودعتها حتيx ربا : تسلم علليك كثثثيرx ماريا نزلت دمعتهاx ربا تضيع الموضوع ضربتها على كتفها : هي انتي اشبك اول كلمتيني كذاx ماريا : وجع يوجع بليس ظهررري كسرتيهx ربا : فاشله حسبي الله اعتقد هذا كتف مو ظهرx ماريا تمسح دموعها: تخيلي ربا احمد في السجن وتخيلي طلع يكذب عليا وطلع عتدو اهل واخت وحدة وامو في المستشفى في غيبوبه ولاقلي شيx ربا شههههههههقت : نعم ؟ ايش ذا كلو ومتى صار ؟x ماريا : والله ما ادري انا مرررة مصدومةx ماريا حكت ربا السالفهx ربا مفجوعه : ذحين ذا كلو يصير وانا مدريx ماريا : مالحقت احكيك مرة انشغلتx ماريا تطالع في الارض : والله مررة صدمني بحكايه اهلوx ربا : هوا قلك يعني؟x ماريا :لا انس وصاحبو جاو ويستفسرو مني قالولي اذا اعرف شي عن اختو تالا ولا عن اهلو...( ابتسمت بحزن) تصدقي جا في بالي تالا لما قال انو اسم اختو تالا ..يالله مرة حتوحشنيx ربا قامت من فوق السرير مفجوعه ؛ ماريا اسالك بالله انتي متاكده انو قال اختو تالا وانو امو في غيبوبه ؟؟؟؟؟؟؟؟؟x ماريا مستغربه : ايوا اشبك ؟x ربا مهي مستوعبه ؛ احمد ؟؟؟؟؟؟!! رجع؟؟؟؟؟ x ( انتهى البارت العشرين )x |
رد: روايه نور في غسق الدجى (البارت الحادي والعشرون) تطالع فيها بطفش: خير حبيبي ايش دخل احمد؟* ربا ماسكه راسها ومفجووووعه : لالا ماريا ما اصدددق* ماريا وقفت قبالها : هي انتي فهميني اشبك؟* ربا : ماررريا اتخيلي هذا احمد دكتورك هوا ولد خالتي* ماريا بنظرة استهبال اعطتها كف خفيف: اسمعي ربا اعرف سفر تالا اثر عليك انتي شاربه شي ؟* ربا مسكت ماريا من كتوفها وجلستها على السرير : اسمعيييني انتي منتي عارفه احنا خبينا عليك مو عشان شي بس كذا تالا. ماتبا احد يعرف المهم هي ابوها موجود وانتي عارفه ذا الشي وامها في غيبوبه مهي ميته واخوها مخطوف من هو صغير واتخيييلي هو ذتا دكتورك اخو تالا بنت خااالتي* ماريا تدمع وتضحك : ربا ربا الله يخليك ذحين انا مو مستوعبه شي لو تخرفي ترا مرررة مو وقتك* ربا عصبت: ياخي افهممممي والله ما اكذب عليك* ماريا : انقلعي مابصدقك لو تجلسين لين بكرا تفهميني واللي اعرفو تالا امها متوفيه وماعندها اخوان* رربا : ياهبله اعرف انك فاهمه الموضوع كذا قلنالك خبيناه ومحد يعرف* ربا تترجى ماريا : ماريا الله يخلللليك اتصلي باحمد ذحين ذحين* ماريا : احلفي ذا اللي ناقص اكلم واحد يلعب عليا* ربا : ماريا الله يخلليك جيبي انا بكلمو بس اتاكد اذا هو احمد ولالا ( نزلت دموع من عينها) ترا والله من هو صغير وامو دخلت غيبوبه عشانو انخطف انتي ماتفهمي ؟؟؟؟* ماريا قلبها وجعها حضنت ربا وتبكي معاها : ربا والله مني مصدقه مستتتحيل احب دكتوري وهو نفسو اخو تالا* ربا بعدتها عن حضنها : هيا يالله اتصلي* ماريا : كيف اتصل هو في السجن* رربا استوعبت : هو في السجن ؟؟؟؟؟ ليش؟؟؟؟* ماريا : صباح الليل قلتلك تراني ليش* ربا مسكت جوالها وتتصل : ياخي ررررد* ماريا: تكلمي مين انتتي ؟* ربا بحماس: وليد وليددددددد لقينا احمد ولد خالتي اخو تالا والله والله وليد لقيناه* وليد مفجوع : انتي ايش تقولي لقيتي مين وفين ؟* ربا : بسرررعه تعال تعال بالله* وليد : طيب جاي انتي فين ؟* ربا : في بيت احممد اقصد في بيت مارياااا* وليد : طيب طيب ذحين جااي* نايم على الارض بتعب* الباب ينفتح بشووويش وجا النور في عينو* فتح عيونو بشوويش وحط يدو على عينو من النور* يطالع فيه ومبتسم : احممد؟* احمد جلس بسرعه : ايوا* الشرطي : تعال بسرعه* احمد قام ومستغرب من ابتسامتو* قفل الباب واخذو معاه للضابط* دق الباب ....اتفضل* فتح الباب ودخل* الضابط مبتسم : هلا والله باحمد* احمد جلس على الكرسي* الضابط : اسمعني يا احمد عمك ابو ريم افرجنا عنه لانو مالو علاقه في اي شي وكان مساند بس* احمد مايهمو : طيب؟* الضابط: احنا اتاكدنا من الاوراق اللي جابها ابو حسين* احمد يستمع بانصاات شديد* الضابط: وطلعت مزورة وورقه العقد مزوره والسكرتيرة اللي معاك في الشركه تتعامل مع ابو حسين في التزوير وكل شي واعترفت لنا وسجناها* احمد مو مستوعب : ها؟* الضابط ضحك ...: اسمعني تمام لسا ماوصلنا للمهم* شوف يا احمد ترا ابو حسين مهو ابوك وابو رائد وابو ريم مهم اعمامك* احمد فتح عيونو من الفجعه : ايش تقول ايش تقول ؟ ؟؟؟؟* الضابط : والله يا احمد انت افراج من ذحين تقدر تمشي( مد يدو ) وهذي اشياءك* احمد دموعو في عينو *وقام من كرسيو وطاح على الارض ساجد ( الحمد الله الحمد الله يارب الحمد الله) ثاني نور في غسق الدجى ...* قام ويمسح دموعو* الضابط مبتسم ؛ يا احمد لاتنهار ولاتزعل نفسك اعرف انو الصدمه كبيرة عليك بس الحمد الله انك عرفت الصح واوعدك اوعدك اني ادور على اهلك وماراح نسيبك كذا احمد سلم على الضابط: ماحنسالك جميلك تسلم* الضابط مبتسم : العفو والله ماسوينا الا الواجب ( مسك كتف احمد) وانت لاتشيل هم يمكن خيره تلاقي اهلك ويكونو احسن من اللي خاطفينك* احمد ابتسم مجامله ؛ ان شاءالله* وخرج ..... وقف السيارة قدامهم* وقفو ويطالعون منبهرين لفخامتها* الحارس فتح الباب : الحمد الله على السلامه والله.نور المكان* ابو رائد يخرج بجهد شويه ومبتسم : الله يسلمك* جات تجري وفرحانه : الحمد الله على السلامه عم رائد* ابو رائد مبتسم : الله يسلمك يارب* يطالع في اللي واقفين ومستغرب* الحارس انتبه لنظرات ابو رائد : طال عمرك هذولا والا يبغون يقابلونك يقولون موضوع ضروري وشخصي* ابو رائد تعبان : هلا اخواني ايش عندكم ؟* انس وياسر اتقدمو وسلمو عليه؛ الحمد الله على السلامه* ياسر : العفو ياعم نعرف انك خارج من المستشفى وتعبان بس والله موضوع ضروري ومابناخذ من وقتك الا دقايق.* ابو رائد يأشر للخدامه الخاصه : دخليهم جناح الضيوف* طالع فيهم: انتو اتفضلو وانا شويه واجيكم ان شاءالله* الخدامه دخلتهم* ياسر بصوت واطي: ماشاءالله ماشاءالله ايش ذا* انس : اسكت عيب لاتطالع* ياسر : خف علينا يالمتعود على ذي الاماكن* دخلتهم وطلبت من الخدامات يقومون بالواجب* بعد دقايق من الانتظار ... دخل عليهم ابو رائد متشيك وعطرو ينتشر قبلو : ياهلا والله* جلس قبالهم ؛ اتفضلو* ياسر : مشكور ياعم ماتقصر على الاستقبال بس الموضوع مهم* ابو رائد ابتسم : العفو هذا اقل الواجب* ياسر : انا مني عارف كيف ادخل بالموضوع* بس نبا نستفسر اول شي منك تعرف واحد اسمو احمد خالد .... ابو رائد استغرب : ايوا اشبو ؟؟ ومين انتم ؟* ياسر : انا صاحبو من واحنا صغار بس ابا اقلك هو ذحين في السجن والسبب مشكله في شركه ابوه مدري ايش والله مني عارف ايش في بالضبط بس انهم ماسكينها نصب واحتيال وطلب مننا اوراق جبنالو. اياها من بيته ولما جبناها سمعنا قصه عنه وقال للضابط انا احمد خالد .... وقال انه ابو حسين اللي هو ابوه وهو صغير جابه وقاله الحقيقه انه ولده بس كلف واحد يشتغل عنده. اسمه خالد... انه يربيه عشان من زوجتو الثانيه ومايبا فضيحه* واحنا بنتاكد منك اذا تعرف شي عنو بصراحه انا صاحبه من هو صغير ويوم من الايام جاو رجالين واخذوه معاهم من المدرسه ومن ذاك اليوم محد يعرف عنهم شي لاهو ولا اهلو* ابو رائد يسمع وكل علامات الدهشه فيه : يا ابن الحلال شوي شوي عليا انت متاكد من الكلام اللي قلته؟؟؟؟؟* ياسر : اكيد متاكد* ابو رائد : لاحول ولاقوة الا بالله حسبي الله عليك يا ابو حسين حسبنا الله ونعم الوكيل* ياسر وانس يطالعو في بعض مستغربين* ابو رائد بكل حزن : ياولدي ربي جابك وارسلك لي اسمع اللي بقوله لك تمام* انا واخواني ابو حسين وابو ريم عندنا شركه من ورث ابوي وخالد ابو احمد يشتغل عندنا واخواني كانو حاقدين عليه عشاني مسلمو مهمات كبيرة في الشركه وفجاه صار يغيب ويهمل في شغله واضطريت اخرجه وهذا اللي كانو يبغونه اخواني بس والله ذحين فهمت* ياسر ارتبك : انا مني فاهم شي* ابو رائد : اخوي ابو حسين ماعندو ولد غير حسين ومهو متزوج احد ثاني وهذا احمد ولد خالد مهو ولد ابو حسين* ياسر الفرحه ماليه عيونو : الحمد الله يعني ظني صحيح وهذا هوا صاحبي* ابو رائد : طيب ذحين لازم نخرجو من السجن* *ياسر : مني عارف كيف والله مانبغا نفقده* مرة ثانيه* ابو رائد افتكر : هو نفسه اللي شفته وترجاني لاحول ولاقوه الا بالله الله يكون بعونك يا خالد* انس يسمع وشي فاهمه وشي لا* وقفت السيارة ونزل بسرعه* دخل البيت وقابلتو الخدامه باستغراب : الحمد الله على السلامه* رائد *: وين ابوياااا ؟* الخدامه : عندو ضيوف في جناح الضيوف* رائد بدون مايفكر اتوجه للجناح* فتح الباب بدون مايدق* ياسر وانس عينهم علئ الباب* ابو رائد معطي الباب ظهرو* انس وياسر مفجوعين : رائد؟؟؟؟* رائد يطالع ونسي ابوه : انس وياسر ؟؟؟؟ ايش جابكم هنا ؟؟؟* ابو رائد لف عليه : رائد؟* رائد اتوجه لابوه : ابويا كيفك ؟* ابو رائد؛ بدري دوبك تسال عني* رائد : يا ابويا مسافر ومحد قالي واول ماقالتلي خدامتك جيت على اول طيارة* ابو رائد : الله يهديك بس* رائد وقف: ايش جابكم هنا ؟* ابو رائد: استحي على وجهك هذولا ضيوفي وبعدين من وين تعرفهم ؟* رائد: هذولا اصحابي يا ابويا* ابو رائد استغرب : طيب روح غير ملابسك وكل ونام انا عندي موضوع مهم معاهم* رائد كرامتو راحت : يا ابويا بس* ابو رائد قاطعو : رائد* رائد طالع فيهم بحقد ومشي* نزل من الغرفه وقفل الباب* *مسك جوالو وارسل لانس* ( يا....ايش جابك انت وياه هنا ؟)* انس مسك جوالو ويطالع وفيه ضحك* ارسل ( اقول لقط وجهك انت وفشلتك )* ياسر مندمج في الكلام مع ابو رائد* رائد اتنرفز ( اقول يا.... انا اوريك انت انزل بس )* انس ماسك ضحكتو ( انت هي احتترم نفسك احنا ضيوفك وتسب المهم ترا امزح معاك ياسر معاه موضوع مهم ويتفاهم مع ابوك *فيه ) رائد يقرأ وطلع لغرفتو ينام.... نازل من المستشفى* ماسكه يدها اليسار وماسك يدها اليمين * *يطالع فيها : ها حبيبي مبسوطه ؟* لمى بفرحه : ايواامررة* مروة : والله ماكان في داعي تشتريلها ذا كلو* مراد ابتسم : حرام عليك اهم شي عندي فرحتها* ركبو السيارة* في الطريق،.... مروة مسرحه* مراد كل شويه يستهبل ويضحك مع لمى ومروة تطالع وتسمعهم وتضحك* الجوال يرن يطالع في الجوال ورد : هلا حبيبي مروة انقهرت مهي عارفه ليش ومهي حابه ذا الاحساس * بدور : ايوا هلا وينك ؟ مراد: مشغول شويه* لمى تغني ومبسوطه* بدور مستغربه : صوت مين ذا؟* مراد حط يدو على فم لمى : لا بس قاعد امشي قي الشارع* بدور : اها طيب اسمع ابا اروح لاهلي اليوم* مراد : طيب ابشري بس اخلص شغل اجيك* بدور : حاضر* مراد: يالله ياقلبي انتبهي على نفسك* بدور : امم وانت كمان* مراد : مع السلامه* بدور : مع السلامه* مراد وقف السيارة : يالله اذا تبو شي اتصلو عليا* مروة : مشكور ونزلت* مراد استغرب كانت مروقه وفجاه معصبه* لمى سلمت عليه في خدو ونزلت* جالسه بطفش قاتل وتتافف* الباب يندق* تالين : اتفضل* اتحمحم ودخل* تالين مسكت الطرحه وحطتها على راسها* حسين : السلام عليكم* تالين : وعليكم السلام* حسين حط الكيس : اتفضلي هذي شويه اشياء تسليك واسف على التقصير* تالين تطالع في الكيس : يعني ماكان في داعي بس مشكور ماتقصر* حسين ابتسم :بالعافيه يارب* حسين خارج* تالين : لو سمحت* حسين التفت : نعم؟* تالين موطيه راسها : اممم ماعندك اخوات ؟* حسين استغررب من السؤال : لا والله ماعندي لا اخوان ولا اخوات* تالين اتأففت* حسين : عفوا اختي في شي او محتاجه شي؟* تالين : لا والله بس بموووووت طفش خلاص تعبت وطفشت من جلسه السرير* حسين حس فيها : طيب ولايهمك انا بشوف الدكتور اذا سمحلي انزلك بنزلك* تالين وجهها احمر : اممم طيب* حسين اتوجه للدكتور وكلمو وفهمو حالتها* حسين بترجي : دكتور ما اقدر انزلها ؟* الدكتور ابتسم : الا تقدر بس بالعربيه حاليا لين تتحسن حالتها شويه شويه* حسين فرح : طيب شكرا* اتوجه لغرفتها ومن الفرحه فك باب الغرفه بسررعه : تالللين* تالين انفجعت وسحبت الطرحه بسررعه وحطتها على راسها* حسين وطى راسو : اسف والله مادقيت الباب* تالين : لالاعادي* حسين ابتسم: ابشرك الدكتور سمحلي انزلك بس ذحين طبعا ماحتعجبك الاماكن بكرة ان شاءالله من الصباح بنزلك واوريك المانيا* تالين فرررحانه : تسلللم والله ماقصررت* حسين : خلاص انا بعد ما اخلص دوام جامعه حجيك ان شاءالله يالله عن اذنك* تالين ابتسمت : ان شاءالله* حسين خرج وهو مبتسم فرحان انو بيسوي شي كويس لاحد من يوم جا المانيا وهوا يرسب في الاختبارات او بالعافيه ينجح* تالين انسدحت وسررحت كيف بتخرج معاه وهي ماصارلها الا كم يوم معاه يدخل ثواني وينزل وماتعرف عنه شي ..... نايمه اربعه وعشرين ساعه ماتاكل ابدااا ونفسيتها تعبانه* يدق الباب....محد رد* فتح الباب* الغرفه بارردة ومظلمه* حط صينيه الفطور وفتح الستاير .... يطالع فيها( في قلبو) الله يهديك ياتالا جيتلك مشتاق وصدمتيني وغصبتيني اغير معاملتي معاك* قام بيخرج* حست بوجودو وفتحت عينها : بابا؟؟* ابوها لف جهتها : بدري احد ينام لين ذحين ؟* بعدت اللحاف وقامت بسرعه وحضنتو* ابوها انفجع ما اتوقع تحضنو ولا تقرب جهتو* حضنتو بكل قوتها* يدو نازله ولارفعها* تالا : بابا سامحني واوعدك ما اسوي الا اللي يرضيك انا غلطت واعترف بغلطي* رفع يدو بشويش وضغط على قلبو وحط يدو على شعرها وصار يمرر يدو عليها* تالا ظلت في حضنو مبتسمه* بعدها عن حضنو : يالله تعالي نتغدى* تالا ابتسمت : حاضر تامر امر* جوالو يدق ...طلع جوالو ورد : الو* ابو وليد : السلاااام عليكم* ابو احمد : وعليكم السلام* ابو وليد : يا ابو احمد عندي لك بشاااارة* ابو احمد استغرب من يوم انخطف ولدو ينادونو خالد : بشر؟* ابو وليد : احمد ياخالد احمد لقيناااه* ابو احمد مو مستوعب : هاا؟ ....ابو وليد ايش تقول ؟؟؟* ابو وليد : بالله ياخالد تعالو جدة وبفهمك كل شي* ابو احمد ساب الجوال وعيونو مليانه دموع* تالا تطالع في ابوها : ابووويا* ابو احمد جلس في الارض من الفجعه* تالا جريت وجابت مويه ...جابته وتشربه : بسم الله يا ابويا اشبك ايش في؟* ابو احمد مو قادر ينطق بعد تالا من قدامو* وسجد ( قلبو اللي يتكلم يتكلم مع ربه بكل خشوع وتذلل فرحتو ماتنوصف لسانو ماوقف حمد وشكر ودموعو ماوقفت نزول وطووول سجودو )* تالا جالسه جنبو وخاااااايفه تطالع فيه مهي عارفه ايش تسوي ومهي فاهمه شي .... وقفو سياراتهم* نزل من السيارة* ربا : بسرعه لاتتاخر* نزل من السيارة الثانيه * ام وليد : طمني يا ابو وليد* ابو وليد ؛ ان شاءالله* ربا مهي عارفه تبكي ولاتفرح : ماريااا تخيلي اكثر من عشرة سنييين* ماريا مسرررررررررحه ( في قلبها مقهورة وفرحانه ومهي مستوعبه احاسيس اتجمعت مهي فاهمتها )* ربا ؛ اكللللمك انا* ماريا عصبت : ربا خلااص طيب مو وقتك* ربا ما اهتمت : ياخي ادق على تالا ماترد* ماريا جربي دقي ذحين ربا تدق....* قامت من جنب ابوها ومهي فاهمه شي سمعت هزة الجوال* مسكت الجوال وخرجت من الغرفه ؛ الو* ربا باعلى صوتها : تاااااااااااالااااا تالا انفجعت : بسم الله ايش في هااا ايش ؟ ربا فرررحانه : تاااالا احمد احممممد ياتالا احمد* تااالا : مين احمد ؟* ربا : دكتور ماريا* تالا : طيب؟* ربا : تخيلي في السجن* تالا مهي فاهمه ليش حماس ربا ذا كلو : اوف ليش ؟* ربا : تااااااااااااالااااااا تالا بعدت الجوال عن اذنها : وجع يوجع بليسك ياربا فقعتي طبلتي* ربا تضحك : تالا ياتالا يااتالا احمد دكتور ماريا هو نفسو احمد اخوووووك* تالا شهقت : اييييييييش؟؟؟؟* ربا : تااالا اسمعيني ابويا دق على ابوك اشبك ماقالك ؟* تالا فهمت اشبو ابوها : ربا اسالك بالله انت من جدك ؟* ربا : والله ياتالا والله احمد رجع خلااص* تالا قفلت الجوال وجريت علي غرفتها* ربا : تالا تالاااا* تطالع في الجوال : مااالت عليك تقفل في وجهي هذا وانا مسمعتها خبر لو تجلس عمرها كلو ماتسمعه* ماريا : ياخي اتأخرو* وقفو التاكسي ونزل* يفتح الباب ومسرح مو عارف يفرح ولايزعل* دخل وجلس علي الكرسي اللي في الحديقه* ورجع راسو على ورا : (ااااه يارب والله محتار يارب لك الحمد فرجت همي فساعدني ربي في اكمال طريقي ويارب اشوف اهلي )* ياترا وينهم ولا ايش يسسون كيف الاقيهم* قام من مكانو وطلع دخل الحمام واتروش واتجهز على الاخير* ونزل ...... بعد دقايق وصل وقف سيارتو ونزل* يمشي بدون مايلتفت* دق بوووووري بسرعه : خير ذا مايشوووف* انس يطالع *ورفع صوتو : ياااااااسر احمد احمد احمد شوف احمد* ياسر يطالع بسرعه نزل وساب السيارة مفتوحه* احمد وقف مستغرب من ذولا* ياسر وقف ومو مصدق : ااااااااااااحمممممممممممممممد* الناس في الشارع تتفرج* احمد كل علامات وجهو استغراب ( اتذكرهم بس مو فاهم ليش الحماس ذا كلو ) ياسر حضنو : احممممد* بعد عن حضنو : من يصدق بعد ذي الفترة كلها ترجع* ياسر حس بملامح احمد التسليكيه : احمد انا ياسر ياسر صاحبك.... صاحبك اللي معاك في الابتدائي ماتفتكر ؟ لما جاو الرجالين اخذوك كنت انا واقف جنبك .. احمد افتكر وحضنو *: ياااااسر* ياسر يضحك : يالله يا احمد مني مصدق* احمد : ولا انا والله الحمد الله رجعت لاحد اعرفو* انس يحس نفسو مالو داعي *ومايبا احمد يكفشو : طيب انا بدخل جوا خذو راحتكم* ياسر سحب انس : تعاال هنا وين رايح* انس متلخبط ويطالع في احمد : لالا بس داخل جوا* احمد يطالع في انس : انت اخو ماريا؟* انس ارتبك : ها ؟* ياسر يحاول يصرف انس : يالله يالله ادخلو جوا* دخلو الثلاثة وياسر ماسك في احمد* جلسو على الكراسي وانس اتوجه لغرفتو ياسر : ماقلتلي ايش جابك هنا؟* احمد : والله مشاغل وانت ؟* ياسر ؛ انا صاحبي هنا في السكن* احمد بالو مشغول *: اممم * *ياسر : احمد* احمد: نعم ؟* ياسر : انت عرفت طبعا بسالفه اهلك ؟* احمد اشر براسو ايوا* ياسر : طيب ذحين تعرف اي معلومات عنهم ؟* احمد : لا* ياسر : ولايهمك ماحسيبك وخطوة بخطوة بنلاقيهم* احمد : ان شاءالله الله يسمع منك* احمد : ياشيخ صاحبك ذا مو غريب عليا ومتاكد مو اول مرة اشوفو لما جيتوني السجن ياسر ماعرف ايش يقول : امم قلتلك هو في المركز هنا سكنو اذا كانت لك اشغال هنا فاكيد شفتو هنا* احمد حاول يتذكر* ياسر : طيب قوم ناكل شي* احمد وقف : اصبر تعال بروح اشوف غرفه من الغرف تجي معايا؟* ياسر : ايوا يالله* احمد ووياسر اتوجهو لغرفه انس* احمد دق الباب* انس جالس ويطالع في الجوال ومو عارف ايش يسوي فيه* قام وفتح الباب* احمد دخل وياسر وراه* انس خبى الجوال بسرعه في جيبو* احمد يطالع في الغرفه ومبهور ؛ ماشاءالله تبارك الله يسعدك ربي كل شي احسن من اللي اتوقعتو* طالع في انس وحلس يطالع فيه* انس نزل راسو* احمد : مو انت اللي جينا انا وطالبتي واخترنا غرفتك وكنت فيها ؟؟؟* انس خلاااص راح فيها : امم كيف ؟ متى ؟* احمد طالع فيه تمام واتاكد من كللامو : انس بلا هباله تلعب عليا انت ؟* انس : امم يمكن ماشاءالله* احمد : يعني منت اخو ماريا* انس ساكت مو عارف ايش يقول* احمد اتكتف: وايش خلاك ترد على جوالها ؟ ( انتهى البارت الحادي عشر )* |
رد: روايه نور في غسق الدجى (البارت الثاني والعشرون) بلع ريقو ويطالع فيه بقلق : اصلا هيا نسيت جوالها هنا وكذا* ياسر طالع فيه بنص عين* احمد : بالله علييييك نسيت جوالها ها من ذاك اليوم لين ذحين وهي ناسيه جوالها* انس : وايش دراك لين ذحين رجعتو لها خلاص* احمد بتحدي : طيب نشوف* مسك جوالو ودق عليها* انس بكل هدوء يحاول يقفل الصوت بس خايف احمد يحس بحركتو* الجوال يرن وقلب انس يرن معاه* احمد رفع حاجبو : رجعتو ها؟* انس اتأفف : ياخي خلاص مارجعتو طيب ؟* احمد عصب *: وليش اخذتو اصلاا ؟؟؟* ياسر : احمد احمد اسمعني انا حفهمك* انس ماكان قصدو يئذيها بس يقول مرة قلت ادبها عليه ويبا يأدبها فاخذ جوالها* احمد ما اقتنع : ماريا ماتقل ادبها على احد* ياسر : الله الله الملاك الطاهر* احمد طالع فيه بحقد* ياسر انبكم* احمد مد يدو : جيب الجوال* انس طلعو من جيبو واعطاه الجوال وخرج من الغرفه* احمد يطالع في الجوال وحطو في جيبو* ياسر : طيب ذحين هدي بعدين اتفاهمو اهم شي ذحين قلي ماتفتكر اي احد من اهلك وين ساكن* احمد جلس فوق السرير : انت من جدك اكثر من عشرة سنين ما ادري عنهم اكيد حيغيرو مكانهم* ياسر : طيب والحل ؟* احمد ؛ ما ادري والله ياياسر بس تبا الصراحه انت مدامك رجعتلي يكفيني* ياسر جلس جنب احمد وحط يدو على كتف احمد : افا عليك بس ولاحسيبك ان شاءالله* وقف السيارة : يالله حبيبي لما تبيني اجيلك دقي عليا* بدور : انا حبات عند اهلي* مراد : حتباااتي؟* بدور : ايوا اشبك ؟* مراد : لا ولاشي طيب تتهني يارب* بدور استغربت كانت تمزح معاه بس رضاه بسرعه يعني مايهمو مرة وجودها في البيت ... نزلت من السيارة وقفلت الباب* مراد مشي من القهر *قبل لايستناها تدخل* بدور دخلت مهموومة ... بعد دقايق وصل بيت اهلو* وقف السيارة ودق الجرس* فتحت الشغاله مراد : وين امي* الشغاله : جوا* مراد دخل ولقاها في الصاله سلم على راسها ويدها : كيفك يا امي ان شاء الله بخير ام مراد ابتسمت : الحمد الله ياولدي اهم شي انك بخير* مراد انسدح على الكنبه : امم وين ماريا وحشتني والله من زمان عنها* ام مراد : خرجت مع صحبتها ربا* مراد : اهاا* ام مراد تطالع في مراد كل شويه وتشيل عينها* مراد لاحظ : خير يا امي تبي تقولي شي ؟* ام مراد : لالا ولاشي سلامتك* مراد جلس واتوجهلها ..جلس جنبها ومسك يدها : يا امي قولي اللي في قلبك محتاجه شي تبي مني شي* ام مراد بدون ماتطالع فيه : ايوا* مراد سلم على يدها : امريني* ام مراد ملامحها كلها حزن : ياولدي برضايا عليك ابا اشوف عيالك والله نفسي اشوف احفادي قبل لاربك ياخذ منيتي* مراد اخذ نفس : بعيد الشر يا امي* ام مراد دمعتها في عينها* مراد يطالع في امو : خلاص يا امي مايصير خاطرك الا طيب* ام مراد ابتسمت : الله يرضى عليك ياولدي* مراد قام : تامري على شي* ام مراد : سلامتك* مراد مسك مفتاحو وخرج* فتح باب السيارة ودخل وقفلو بقوة* رجع راسو لورا واتنهد : يارررب* جوالو يرن ...* مسك الجوال ورد : ايوا الو* بدور حست في صوتو : ايوا الو مراد* مراد : نعم ؟* بدور : اهلي يبونك تجي للغدا بكرة هنا* مراد : خير ان شاءالله* بدور : طيب يالله مع السلامه* مراد : مع السلامه* بدور قفلت الجوال وصوتو في قلبها ماقدرت تسالو خافت يتضايق اكثر ...* مراد حط الجوال بجنبو وزاد همو ماحست فيه ولاسألتو معنو نااادرا مايكلمها بهذي النبرة* دقايق والجوال رجع يرن* مسك الجوال ورد على بالو بدور : ايوا الو* مروة : الو السلام عليكم* مراد انتبه : وعليكم السلام* مروة : اشبو صوتك فيك شي؟* مراد استغرب : لالا ولاشي* مروة : اممم طيب بس كنت بسالك الادويه يعني جبتها ولا كيف عشان الورقه معاك ماقدرت انا اشتريها ولا انت اعطيتني خبر* مراد افتكر : اهااا طيب دقايق وتكون عندك اسف والله انشغلت ونسيت ما اجيبها* مروة : لالاعادي ماقصرت تعبناك معانا* مراد : قلتلك لاتقولي ذي الجمله مافي تعب ابدا* مروة ابتسمت : طيب يالله مع السلامه* مراد : مع السلامه* يدق الباب بحماس* مستنيه بفارغ الصبر: اتتفضل* دخل والابتسامه شاقه وجهو : صباح الخير* تالين ردت الابتسامه : صباح النور* حسين : ها جاهزة ؟* تالين : ايوا* حسين رجع للباب وسحب العربيه لجوا* تالين وجهها احمر مهي عارفه كيف حيشيلها ويحطها في العربيه* حسين وجهو احمر منها* وقف دقيقه قدامها وكل واحد مسرح ويطالع في الثاني .... حسين انتبه : امم دقيقه بس* خرج ونادى النيرس* ثواني ودخلو سوا* اتوجهت النيرس لتالين وساعدتها وحطتها في الكرسي* تالين تتالم بس ساكته عشان حسين* حسين : ها تمام؟* تالين : ايوا* خرجو من الغرفه* تالين من يوم خرجت من باب الغرفه وهيا عيونها مارمشت* اشتاقت تشوف اوادم اشتاقت تشوف الدنيا تحس انها كانت في عالم لوحدها وماصدقت ترجع لذا العالم* مبتسمممه على الاخير وتطالع يمين ويسار* حسين يطالع فيها ومبتسم على ابتسامتها خرجو من المستشفى* حسين: ها يا اختي فين تبغينا نروح ؟* تالين تتنرفز لما يقول اختي: مني اختك وانا ايش دراني شايفني كل يوم اتمشى* حسين انفجع من رده فعلها : طيب حاضر هدي بس سالتك عشان بحر ولاحديقه ولا سوق* تالين : بحر* حسين ابتسم : طيب حاضر يتمشو في الشوارع وتالين تطالع وتحس انها تحلم من زمان تتمنى تروح المانيا* * وقفو قدام البحر* تالين تطالع في البحر والناس اللي حولينو : الله يجنن* حسين : سبحان الله* تالين تطالع ومسرحه* حسين انسحب بهدوء من المكان* بعد دقايق ... تالين تطالع يمين ويسار ووراها تدورلو وين راح* خاافت بالمرة : ياااويلي ذا وين راح* مرو بنات من جنبها شكلهم يخووف وراكبين دبابات يروحو ويجو ويبتسمو بطريقه اشمئزازيه* تالين قلبها يدق* حست بحركه من وراها ...صررخت* اللي في البحر يطالعو كلهم ومستغربين* حسين اتففففشل : اشبك تالين اشبك ؟* تالين اتفشلت واطمنت انو جا : احلللف وين رحت انت تخليني عند ذي الاشكال وتروح على بالك اقدر اتحرك ولا ماشاءالله من فصاحتي في الالمانيه* حسين انفجع من ردة فعلها : طيب اسف والله اسف خلاص ماحسيبك مرة ثانيه بس شفتك مندمجه رحت اجيب هذا العصير والحلويات اللي تحبيها* تالين معصبه تطالع في الكيس واستغربت عين على الكيس وعين عليه ؛ ايش دراك اني احبو ؟! حسين ابتسم : لما اجيبلك الاشياء اول يوم جبت من كذا نوع وثاني يوم جيت شفت اللي خلص وشفت اللي تخليه وثالث يوم لقيت نفس اللي جبتو خلص والباقي ماتمسكيه فعرفت* تالين مهي عارفه ايش تقول : خير انت تقرابني؟* حسين طفش: خلاص انا اسف* حسين جا وجلس قدامها بس بعيد شويه يطالع في البحر* تالين حست على نفسها ومهي عارفه ليش تعاملو كذا بس خلاص اتعقدت من رائد وكرهت الرجال كلهم* جلسو ساكتين مدة طويله* تالين طفشت ونفسها تروح مكان ثاني* حسين ولا اتحرك من مكانو ولاطل فيها* تالين بهدوء : خلاص طفشت بنروح مكان ثاني* حسين مارد عليها* تالين : هي اكلمك انا* حسين مارد* تالين : وبعدين؟* حسين بدون مايطالع فيها :ماحقوم لين تتأسفي* تالين ؛ وانا ايش سويت عشان اتأسفلك* حسين : ما ادري اسالي نفسك* تالين : ولو قلتلك مني متأسفه* حسين : اجل ماحنتحرك من هنا الا واانا مرجعك المستشفى* تالين كلو الا ترجع المستشفى* سكتت تفكر واول مرة تسوي شي غصبا عنها دايما الكل يسمع كلامها : خلاص اسفين يالله قووم* حسين ابتسم وقام واتوجهلها* تالين : وديني اي مكان حلو* حسين : حاضر* مرت ساعتين بين حدايق ومتحف ولفلفه في الشوارع* مرو على ملاهي كبببير ومن زمان نفسها تروحو* حسين يطالع في نظراتها للملاهي وهما ماشيين جنبو : ان شاءالله حيجي يوم وتنبسطي فيه* تالين : ومين قلك اني اروح ملاهي شايفني بزرة* حسين ساكت* تالين : المهم مررة جيعانه* حسين سكت ولارد عليها وقف العربيه وجلس على كرسي في الشارع قدامها وحاط يدينو في جيوبو* تالين مستغربه : اشبك جلست ؟* حسين يطالع في الناس ولارد عليها* تالين : تستهبل ؟؟؟* حسين : ...... تالين اتأففت : ياربي هذا اللي بيجنني انت ماتفهم اقلك جيعانه.* حسين :...... تالين عارفه انو يباها تتأسفلو : خليك ماحتأسف لو ايش تسوي* حسين ابتسم بدون مايطالع فيها واتكى على الكرسي : بصراحه الجو يجنن يبالي اطول الجلسه* تالين تشتعل من جوتها لفت راسها على الجهه الثانيه* مرت نص ساعه* تالين اصوات بطنها طلعت* مسكت بطنها ووجهها احممر ( في قلبها تدعي عليه لين قالت امين )* حسين ماسك ضحكتو* بعد كم دقيقه* تالين خلاص مهي قادرة تصبر* مر ولد صغير في يدو اسكريم ويتلذذ بيه على الاخر* تالين تطااااالع ولاشالت عينها وشويه وتبكي* جيعانه خلاص من امس ما اكلت شي *(حسين يراقب)* الولد يطالع في الملاهي من برا لين راحت امو* انتبه وجررري .....وطاااح الاسكريم* الولد زززعل بالمرة وامو تسحب يدو* تالين ابتسمت : تستاهل* حسين فك ضحك مو طبببببببببببيعي لين لاحظوه الناس* تالين تطالع فيه ووجهها راح وتدعي انو مايكون لاحظها* حسين وقف ورفع يدينو :حصنت نفسي بالله* تالين فتحت عيونها من القهر وطالعت فييييه بحقققد : مع نفسك* حسين رحمها واتوجهلها وحرك العربيه لمطعموا المفضل* وقف العربيه* تالين : ايش كمان اتأسفلك عليه؟* حسين اشر للسيارة ووقفت قدامهم* تالين انبكمت مهي عارفه ايش تقول* حسين مافي يدو حيله المنطقه مافيها مطاعم كثير ومايعرف طبيعه اكلها* وجهو احمر مضطر يشيلها* رجع العربيه لورا وفتح الباب* تالين جسمها كلو تحسو يدق مو بس قلبها* حسين فكر يرفعها من رجولها وهيا تساعدو بيدها بس المشكله ماتقدر تحرك الا اصابيعها ويدها تئلمهااا اذا حركتها* السواق : بسرعه* حسين بلع ريقو* وشالها على يدينو : بسم الله وحطها في السيارة وقفل الباب ورجع العربيه ورا وركب قدام ووصفلو المكان* تالين طول الطريق ساااكته ماكانت متخيله انو حيلمسها حتى بس مافي يدها شي* بعد دقايق وصلو المطعم .... حسين اعطاه الفلوس : شكرا* السواق ابتسم للطفو : عفوا* حسين نزل ونزل العربيه وفتحها وفتح الباب وبدون مايطالع في تالين عشان لاينحرج ولاتنحرج حطها في العربيه* تالين سااكته ووجها احمر* حسين دخل المطعم* الجرسون ابتسم لما شافو بس استغرب لما شاف تالين* تالين تطالع في اللي موجودين معنهم قليل وديكور المطعم مرة عجبها* حسين سلم على الجرسون ووداهم طاوله مناسبه* تالين تطالع في المنيو ومهي فاهمه كلمه* حسين : اساعدك ؟* تالين مارفعت عينها : لاشكرا* حسين نادى الجرسون* الجرسون جا واخذ طلبو* تالين تأشر للجرسون على اللي تبغاه* الجرسون استغرب* حسين قلو يجيبلها زيو* حسين : ها عجبك المكان : امم تمام* حسين : طيب كويس في شي عجبك* تالين : ليش ايش شايفني مايعجبني العجب؟ حسين : اممم بدينا لاتخليني اقلب عليك* تالين.: لا الله يخليك لاتقلب اخاف اصلا* حسين : امم طيب نشوف* تالين بدون ماتطالع : هي انت ترا امزح وي محد يمزح معاك حسين : تمزحي ها* الطلب جا ... تالين تطالع في طلبها وطلبو: خيرر مقلدني ؟* حسين : انتي اللي مقلدتني* تالين : اجل ماباه* حسين : اهجدي بالله تراك طلبتي *وجبات اطفال وبدلتلك طلبك* تالين اتفشلت : ايوا طيب كيفي انا احب اكل الاطفال* حسين : وبخصوص اللي ماتلعب في الملاهي عشانها مهي بزرة* تالين : في فرق* حسين : ايش؟* تالين ماعرفت ايش ترد* حسين مسك الملعقه : اجل لما تلاقي الفرق قوليلي* تالين :....... نزلت من غرفتها تعباانه ومافيها حيل* مرت على غرفه ابوها ودقت الباب* ابو ريم : ادخلي ياريم * ريم دخلت : كيف عرفت اني انا* ابو ريم : من دقتك* ريم سلمت على ابوها : كيفك ؟* ابو ريم ؛ الحمد الله مدامك تمام انا تمام * ريم *ابتسمت : طيب الحمد الله* ابو ريم اتغيرت ملامحو* ريم باستغراب : اشبك يابابا؟ ابو ريم : ريم انا طلقت امك* ريم انفجعت وجلست دقايق في حاله ذهول* ابو ريم اخذ ريم في حضنو : معليه يابابا بس انتي كوني متفهمه* ريم: بس مهما كان هذي امي* ابو ريم : اعرف والله* ريم : ويعني حتتزوج؟* ابو ريم يمرر يدو على شعر ريم : لا يابنتي* (بعد ريم من حضنو ) اتزوج وعندي عرروسه زيك ؟ ازوجك اول وافرح فيك ان شاءالله ريم : ويعني حتزوجني ووحتتزوج ؟* ابو ريم ؛ قلتلك ما افكر حاليا* ريم : طيب وكيف ذحين هيا حتعيش فين* ابو ريم : عندها فله باسمها والخدم والسواق وحساب في البنك وعندها ايش تبا كمان* ريم : امم طيب* ريم قامت : عن اذنك* ابو ريم : اذنك معاك* ريم خرجت من غرفة ابوهاواتوجهت لغرفتها قفلت الباب وجلست على السرير مسكت جوالها واتصلت .....* يمشو في الشارع متوجهين للمستشفى* مسك جوالو ورد : هلا والله* ريم: هلافيك* حسين : كيفك ؟* ريم : تمام الحمد الله وانت كيفك وتالين كيفها؟ حسين : والله الحمد الله كلنا بخير* ريم : لااتنسى انا مارجعت انا في منطقه اجيب الدوا* حسين : ايوا صح طمنيني ايش اخبار الادويه ؟* ريم : ايوا تمام عشان لاتحس* حسين : وانت ايش دراك اصلا* ريم : ايش دراني انها معاك قصدك ؟* حسين : ايوا* ريم : شفتها كاتبه في حالتها* حسين يطالع في تالين اللي حاطه جوالها على رجولها وتضغط عليه بالقوه : اهاا* ريم : طيب يالله بس حابه اتطمن عليها اديني اياها اكلمها* حسين مد يدو من وراها وحط الجوال علئ اذنها* تالين انفجعععععععت وتحاول تطالع وراها بس سمعت صوت ريم : الو الو تالين ؟؟* تالين وجهها احمر وقلبها يدق : امم ايوا ؟* ريم : هلاا والله بصالوت وصحبه الصوت* تالين : اهلين ريم : اشببك كذا ردي زي الناس * تالين : اممممممممم* ريم ضحححكت : اشبك مستحيه؟* تالين : لا ابدا بس في ناس مايستحوا راحو وخلوني* ريم : ياقلبي والله انتي عارفه ليش انا رحت* الشغاله تدق الباب ...* ريم : تاالين اسمعي اكلمك بعدين يالله اهم شي اتطمنت عليك* تالين : طيب* ريم : مع السلامه* تالين : سلام* سحب الجوال وقفلو* تالين مستحيه ولااتكلمت كلمه...* حسين وقفها عند محل اسكريم الرجال يلعب بالاسكريم لعب ويطيرو والناس حواليه ووتالين اتجننت لما شافتو مبتتتسمه وتطالع باندماج* حسين : ها ايش تبي؟* تالين تأشر : ذا وذا* حسين اشرلو* الرجال بعد من الناس وجا عندهم* وقف قدام تالين ومعاه النوعين اللي اختارتو ويطيرها وهيا تضحك* حسين يحاول يمسكو مو قادر* وكل مرة يمد يدو ويتفشل* وتالين ميته ضحك* حسين اخذ نفس ومسكو بسرعه* اعطاها اياه : تضحكي هاا * ومسكتو بشوويش وحاولت تثبتو وكملت ضحك* مشيو ورجعها لين البحر اللي كانو فيه كان قريب من المستشفى شويه* تالين اتذكرت البنات : خلاص مافي داعي نجلس* حسين : لاتخافي شوفي مافي ناس كثيير وانا ماحروح مكان* تالين : ترا مايهمني وجودك بس حاجتي اجبرتني* حسين حزن عليها: ياشيخه انتي جالسه ولسانك ماشاءالله اجل لو قمتي ايش حتسوي فيا* تالين : ومين قال اذا قمت بكون معاك* حسين : لاتسبقي الاحداث* تالين : مع نفسك طيب* حسين سكت منها ولف راسو جهه البحر* حسين جالس على الحاجز وهيا قدامو في الكرسي مقابله البحر وهوا معطيه ظهرو* تالين : ايوا صح انت من متى تعرف ريم؟* حسين دار عليها : من واحنا صغار* تالين استغربت : نعم ؟ مستحيل* حسين ؛ ليش؟* تالين : لاني ولا مرة سمعت شي عنك* حسين : طيب مو شرط يمكن كانت مخبيه عليك* تالين : احلف؟ اصلا مستحيل تخبي عليا شي* حسين : بصفتك ايش ؟* تالين: اعز صحباتها* حسين : طيب في فرق بيني وبينك انت صحبتها انا اقرب من كذا* تالين اتنرفزت : مع نفسك طيب؟ ترا مرة شايف نفسك وواثق بزيادة واصلا انت شكلك ماتعرفها ولاشي شكلها استاجرتك على بال ماتجيب الدواء* حسين : ولد عمها* ريم رمشت بسرعه وبلعت ريقها ووطت راسها* احساس انها مهي مستوعبه ومتفشله : طيب مني داريه* حسين بكل وثوق ؛ ومافي اسفه؟* تالين : اممم* حسين : اممم تالين ماتطالع فيه : امم اسفه* حسين : طيب كويس اتعلمتي درس اليوم* تالين : مع* حسين قاطعها : خلاص خلاص مع نفسي اعرف* تالين ضحكت* حسين قام وحرك العربيه ووداها المستشفى* جالسه فوق الكنبه مستنيه بفارغ الصبرر* دخل البيت* ماصدقت تسمع صوت الباب راحت جري: ها ايش قالو ؟* ابو احمد : مافي حجز مررة مليان* تالا : طيب ايش حنسوي* ابو احمد : المشكله اتصل على ابو وليد مايرد مني عارف ايش صار معاهم* تالا : وانا ادق على ربا وعلى خالتي ومحد يرد* ابو احمد زاد القلق : الله يستر يارب* تالا : طيب ايش حنسوي كيف حنرجع جده ؟* ابو احمد: بر طبعا* تالا : طيب يالله انا حجهز الاغراض* ابو احمد :طيب اليوم نصلي المغرب ونمشي يعني ساعتين كذا ان شاءالله * تالا : ان شاءالله* ماسك الجوال يكلم : ايوا ها مافي اخبار ؟ وليد : انا رايحه للجامعه وحسالهم عن سكنو ابو وليد : طيب طمنا بالله* وليد : ان شاءالله * ربا في غرفتها مهي عارفه كيف تصرف تالا خايفه تقلها رحنا المركز ولقيناه خرج .... ام وليد جنب التلفون في الصاله : ان شاءالله خير بس زي ماقلتلك احنا هذي الايام نمر بظروف شويه فان شاءالله اول ماتهدا الاوضاع ابلغك ونتكلم من جديد ومايصير خاطرك الا طيب* الحرمه : ان شاءالله يا ام وليد بس اهم شي الخبر قدو عندك ام وليد : ان شاءالله ولايهمك* الحرمه : مع السلامه* ام وليد ؛ مع السلامه* ام وليد قامت وجلست جنب ابو وليد* ابو وليد يفكر* ام وليد : امم هذي ام يوسف اتصلت* ابو وليد بدرن اهتمام : طيب؟* ام وليد : طلبت يد بنتك لولدها يوسف* ابو وليد : طيب وانتي ايش قلتيلها ؟* ام وليد : انا قلتلها هذي الفترة عندنا ظروف واول مايهدأ الوضع نتكلم في الموضوع ابو وليد : طيب خير ان شاءالله الله يجيب اللي فيه الخير خلاص لاتكلمي بنتك لين نرجع الولد لاهلو ويهدا الوضع عشان نفكر برواق* ام وليد : ان شاء الله* دخل الجامعه على امل يلاقي احد من الادارة موجودين** وليد مسررح ( في قلبو) سبحان الله مع اختو في نفس الجامعه ومادريو عن بعض* وليد يمشي ودق الباب على غرفه الحارس* محد رد* ورجع يدق ويدق محد رد* وليد : استغفر الله ذحين ارجع الصباح ولا ايه* جا من وراه : السلام عليكم* وليد لف عليه : وعليكم السلام* الحارس : ايش تبغا؟* وليد : العفو بس مافي احد جوا ؟* الحارس : لا طبعا خلاص كلهم راحو ذحين بعد المغرب* وليد : طيب عادي احيانا يجلسو* الحارس : طيب تبغا مين؟* وليد ؛ اي احد من الادارة* الحارس : والله مافي احد تعال بكرة* وليد : لا والله انا مستعجل واباهم ضروري ...طيب ماعندك رقم احد فيهم؟* الحارس : الا دقيقه انا اديك الرقم* وليد مسك جوالو يبا يسجل* الحارس : 0 5* وليد يسجل : ايوا؟* الحارس : 3 8* وليد : امم ... جوالو دق : دقيقه شويه* وليد مستغرب من الرقم غريب : الو* الرجال : وليد ...؟؟؟* وليد : ايوا العفو مين معايا؟* الرجال : انا اكلمك من المستشفى اللي فيها خالتك* وليد باستغراب شديد: خاااالتي ؟؟؟؟؟* ( انتهى البارت الثاني والعشرون ) * |
رد: روايه نور في غسق الدجى (البارت الثالث والعشرون) فصل الخط .... يطالع في الجوال مفجوع *رجع اتصل بالرقم وركب سيارتو ومشي على المستشفى* طول الطريق يدق على اللي اتصل عليه ومحد يرد ....... في طريق الرياض* طول الطريق تدعي من قلبها ( يارب تتم على خير وبلغنا شوفتو يارب )* ابو احمد متوتر بالمرة فرحه على خوف على توتر مو عارف يسوق زي الناس .... وقف السيارة وخرج بسرعه* طلع الدور اللي فيه خالته يجري *وسأل الاستعلامات : لو سمحت في احد اتصل عليا وقلي على خالتي وفجاه قطع الاتصال* الرجال : ايوا انت احمد ولا ؟* ووليد : لالا انا ولد اختها* الرجال : طيب راجع دكتورها وحيبلغك* وليد ؛ مشكور ماتقصر* مشي بسرعه واتوجه لمكتب الدكتور ودق الباب* الدكتور : اتفضل* وليد دخل وقفل الباب: السلام عليكم* الدكتور : وعليكم السلام اتفضل* وليد جلس على الكرسي : دكتور ايش في اشبها خالتي طمني* الدكتور : ام احمد؟.* وليد : ايوا ام احمد اللي في غيبوبه* الدكتور : والله مني عارف ايش اقلك بس زي كل يوم الممرضه تدخل وتشوف حالتها واذا في اي جديد تبلغني وكل يوم حالتها نفس الشي الا اليوم قبل المغرب بالضبط دخلت الممرضه كالعاده ولقتها تفتح عيونها بشويش وتغمض خرجت تجري ونادتني وماصدقت الا سمعتو اصلا بصراحه فترة غيبوبتها مهي بسيطه اعرف ناس زي كذا بس اغلبهم اذا طولو كم سنه اما هيا سنيين وكنا نتوقع لو شلنا الاجهزة منها حتفقد حياتها بس سبحان الله ربي كاتبلها تعيش مرة ثانيه* وليد مو مستوعب : طيب يادكتور وذحين ايش في يعني ايش صاير اشبها؟ *قامت؟* الدكتور ابتسم : هدي انا اقلك دخلت عندها بس كانت نايمه وكل شويه ندخل نلاقيها نايمه بس اطمنك مهي في غيبوبه يعني وهذا اهم شي* وليد يتنفس بسرعه : طيب اقدر اشوفها ؟ الدكتور : تقدر ايوا اتفضل* وقف الدكتور ووليد وراه* خرجو واتوجهوا لغرفتها بعد ماخرجوها من العنايه* فتح الباب ودخل ووليد يمشي ومو مستوعب شي نسي احمد ونسي كل شي ودخل* الدكتور وقف عن يمينها ووليد وقف يسارها* نزل لمستواها وسلم على يدها وراسها* سحب الكرسي وقربو منها كثير* مسك يدها بشويش : الحمد الله الحمد الله يارب. * الدكتور :ونعم بالله* وليد : خاله ياخاله خاله اريج ام احمد ياخااله* تسمعيني ؟* ام احمد تفتح عيونها بشوووييش وتغمض وتفتح وتغمض* تحرك اصابيعها وتحاول تحس يد اللي ماسكها* وليد ابتسم وعيونو فيها دموع : خاله انا وليد ياخاله تسمعيني* ام احمد غمضت عيونها ورجعت نامت* الدكتور بصوت هاادي: خلاص خليها* وليد سلم عليها ووقف* الدكتور خرج* ووليد جلس يطالع فيها شويه وخرج* الدكتور ووليد يمشو في الممر* الدكتور : وين زوجها وبنتها نتصل عليهم بس مغلق* وليد : والله حاليا هما مسافرين يمكن مافي شبكه بس انا ححاول اتصل تسلم والله مشكور* الدكتور : العفو هذا واجبنا* وليد : يادكتور ما اوصيكم خالتي واي شي بلغني فيه * الدكتور ؛ لاتشيل هم رعيناها بعدالله سنيين ماحنهملها بعد ماقامت * وليد : طيب يالله مع السلامه* الدكتور : مع السلامه* وليد خرج من المستشفى* اتوجه لسيارتو وفتح الباب ودخل* جالس في السيارة يفكر ومسرح يبا يستوعب اللي صار (في قلبو ) ( سبحان الله كيف كذا تقوم بعد هذي السنين وايش حيصير لما يعرفوا الحمد الله الله يتمم على خير )* مسك جوالو واخذ نفس وارسل ( تالا ... ياريت تعجلو في الطريق في موضوع مهم ابغا اقلكم اياه محد يعرف فيه بس لاتشيلي هم خبر بيسعدك وبينسيك الهم ان شاءالله انتبهي على نفسك )* ماسكه القران وتقرأ وابوها يسوق ويذكر ربو ويحمدو ولسانو ماوقف حمد ( اللهم ادم علينا نعمتك واحفظها من الزوال )* انتبهت لجوالها* فتحت الجوال وقلبها مع الاسم اتحررك* تقرأ وابتسمت وبرضو. قلبها يدق *اتحمست تعرف ايش في وحمدت ربها على الاخبار اللي تتجيهم* ارسلت ( احنا في الطريق على الفجر حنوصل ان شاءالله دعواتك بس ايش في شغلتلي بالي )* وليد ابتسم من زمان ماشاف اسمها في جوالو* ( بعدين ياقلبي حتعرفي بعدين )* تالا تحس نفسها اتوقف اشتاقت للايام اللي جمعتهم وكانت تشوفو وتسمع صوتو كل يوم* ( ان شاءالله ... يالله انتبه على نفسك )* قفل الجوال وشغل السيارة ومشي وهوا مبتسم .... بعد دقايق وصل البيت* نزل من السيارة ودخل البيت* واتوجه للمطبخ* اول ماشافتو نطت بسرعه : وييينك ها لقيتو ؟* وليذ انفجع : اعوذ بالله اشبك انتي* ربا مستغربه ؛ ايش اشبي اقلك احند وينو لقيتو ؟* وليد افتكر وشهق : يالله نسيييييييييتو* ربا : اهبل انت ايش نسيتو ؟ ذحين بلا استهبال ترا مرة مو وقتك اخذت رقمو ولالا؟* وليد : ربا اسمعي بقلك شي* ربا قربت وجهها عليه : هااا* وليد : ولا اقلك خلاص خلاص بعدين* ربا عصبت : هييي انت ايش في اشبك كذا مني فاهمه منك ولاكلمه* وليد خرج من الكطبخ واتوجه للباب بسرعه* ربا جررريت على غرفتها وسحبت العبايه ونزلت جري وراه* وليد ركب السيارة واول ماشغلها فتحت الباب : استتتنى* وليد انفجع : خيررر اشبك؟؟؟؟* ربا؛ مااحتحرك لين تقلي اشبك* وليد *عصب : ربا اقفلي الباب وارجعي البيت كبرري عقلك شويه انت منتي شايفه احنا كيف مربوشين تالا وابوها بيجو الفجر ايش تبيهم ينصدموا لو ماسافو ولدهم ؟* ربا خرجت وقفلت الباب وليد مشي بسرعه* ربا اتكتفت : هيا من جد ما ادخل البيت* مر رجال هندي ويطالع فييها* ربا شمقت* الرجال ابتسم* ربا خااافت وتدق الجرس واهلها نايمين* تدق وتددق* وتحاول تطالع وراها والرجال لسا يمشي بشويش ماراح* ربا تضغط بسرعه على الجرررس وخوفها كل شويه يززيد الرجال وقف فجاه ويطالع فيها* ربا طالعت فيه وماتت خوف* صارت تدق الباب بيدها : امممممممممممممميييييي* انفتح الباب* ربا جريت جرررررررري على غرفتهاااااا* ام وليد مفجوعه قفلت الباب بسرعه ولحقت بنتها* ربا جلست على سريرها وحاطه يدها على قلبها وتتنفس بصعوبه : اووف الحمد الله حسبي الله على بليسك ياوللليد* ام وليد دخلت الغرفه : اشببك ؟* ربا اتورطت : لاولاشي* ام وليد : ايش نزلك ذا الوقت اصلا ؟* ربا ارتبكت : لا بس وليد جاب حاجات وقلي انزلي خذيها مني* ام وليد : ياسلاااام وليش مانزلها بنفسو ربا ؛ ايش دراني عنو *قال مستعجل* ام وليد :طيب ماقالك شي عن احمد ؟* ربا : لا* ام وليد راحت لجوالها واتصلت عليه ..... ربا جوالها يرن* اخذت الجوال وردت : ايوا الو* ماريا قمه في الطفش : الو* ربا مستغربه : اشبك؟* ماريا بصوت فيه بكاا : رباا* ربا ؛ بسم الله اشبك ؟؟؟؟* ماريا : بكرة الحفل في المركز * ربا : وجع يوجع بليسك فجعتتتتتيني على بالي فيك شي ....طيب ويعني؟* ماريا : اباك تجي* ربا : ذحين شويه وتبكي عشان تبيني اجي ؟ اصلا حتى لو قلتي لاتجي بجي* ماريا : مع نفسك طيب؟* ربا : طيب اشبك ؟* ماريا : بكرة الحفل وانا تعبت واشتغلت وكل شي وفي الاخير افتتاح بدون دكتوري؟* ربا : اهااا قولي كذا من البدايه* ماريا : يختي مقهورة منو اصلا ماباه يجي لو جا بيندم انو شافني لاني ماحكلمو حتى* ربا : ليش؟ ذا كلو عشان ما اعترفلك* ماريا : احلفي وذا شي بسيط؟ قلك دكتوري كمان * ربا : لو سمحتي هذا ولد خالتي ما اسمحلك* ماريا : رباااا اقلبي وجههههههك* ربا تضحححك : امزح معاك بس ادعي اقدر اجي يختي تالا بتجي الفجر وشوفي الحاله اللي احنا فيها مين حيجيبني عشان اجيك* ماريا : طيب برسل السواق* ربا : احلفي؟ اها وام وليد بترضى اصلا* ماريا : طيب مراد وبدور كلمتهم يجو وما ادري اذا ادوني وجه اقلهم يمرولك* ربا : يصير خير* ماريا : يالله سلام لازم انام بكرة ورايا شغل كثير* ربا : مع السلامه طيب مصدقه نفسك مهندسه* ماريا : ربااا لاتخليني اغلط* ربا قفلت في وجهها وتضحك* ارسلتلها ( احببك والله مدري ليه يعجبني لما تعصبي بسرعه )* ماريا ( انقلعي طيب )* ربا مبتسمه وقفلت الجوال وانسدحت وتفكر ايش ممكن يصير في ايامهم الجايه....* قطع حبل افكارها وشهقت لما افتكرت : ااااحمممد ومارريا ؟؟؟؟* اتصلت عليها بسرعه* ماريا : نعم؟* ربا : ماااريا اديني رقم احمد شف الهباله انت عررفه انو وليد يدور رقم احمد وعنوانو من زمان وهوا يدور في الشوارع من* عند حارس جامعه لادارة لمدري ايش شكلو* ماريا : يااابختك وانت نسيتي انو دكتوري ولد عمك ؟* ربا : يالله ياويلي لو وليد دري انك تعرفي شي عن احمد ومخليتو ضايع في الشوارع كذا والله نسيت وخلاص حاطه في بالي دكتورك هبل ياخي خلاص لاتلوميني ارسليه بسرعه* ماريا : ولايكون بتكلميه ؟* ربا ؛ ذحين هذا اللي همك اقول ارسليه ولا والله ما ازوجك اياه* ماريا فطست ضحك : خير حبيبي من قال اني افكر اتزوجو* ربا : ماريا بسرعه مو وقتك* قفلت السماعه وارسلتلها الرقم* ربا مهي عارفه كيف تتصرف لو ارسلتو لوليد بيلطشها مافي حل الا انها تتصل هيا عليه وقف سيارتو وطفشاااان .... نرل من السيارة واتوجه للفندق* طلع الاصنصير ويطالع في نفسو في المرايا ( في قلبو ) انا ايش اللي شغلت نفسي فيه معاهم ذولا فتح الاصنصير وخرج يمشي بشويش ويفكر* دق الباب* بعد ثواني ؛ مين ؟* مراد : مراد* فتحت الباب* مراد مد يدو : اتفضلي هذي الادويه واسف على التاخير* مروة من ورا الباب بس راسها اللي طالع ولابسه طرحه : لا والله تسلم ماتقصر تعبناك معانا بالمرة* مراد اول مرة ينتبه لملامحها تمامتنح دقيقه ولارد* مروة استغربت ووطت راسها* مراد انتبه : امم طيب فين لمى* مروة : نايمه جوا* مراد : طيب بوسيلي اياها* مروة : امم ان شاءالله* مراد ؛ مع السلامه* مروة : مع السلامه* مراد مشي من قدام الباب واتوجه للاصنصير* مروة قفلت الباب وابتسمت : يابختك فيه يابدور يجنن الله يرزقني واحد في طبعو وحنانو* مراد نازل من الفندق *بشويش ومسرح* وقف السيارة : يالله انزل* احمد يطالع في العمارة : انت ساكن هنا ؟* ياسر : يعني مو عشان ساكن في فله تستصغر شقتي* احمد : لا بالعكس حلو الحي وراقي حرام عليك* ياسر : طيب يالله اتفضل* احمد نزل وياسر نزل* ياسر جات عينو اللي نازل من الفندق* احمد : يالله اشبك وقفت* ياسر : دقيقه بالله* ياسر اتوجه لمراد* واحمد يراقب ومستغرب وين رايح ياسر* ياسر مد يدو : السلام عليكم* مراد : وعليكم السلام* ياسر مو قادر يتحمل : ممكن استسفر من شي ؟* مراد مستغرب : اتفضل* ياسر : انت عندك احد هنا ساكن في الفندق؟* مراد : نعم ؟ وليش السؤال ؟ * ياسر ؛ لا بس شايفك ماشاءالله داخل نازل* مراد : وانت ايش دخللللك؟؟؟؟؟* ياسر : لاترفع صوووتك* مراد : انقللع هذا اللي ناقص* ياسر : ايش عرفك بمروة؟* مراد انصدم : مروة؟* ياسر : احلف؟ يعني انك ماتعرفها؟* مراد : وانت مين اصلا؟* ياسر : انت مالك صلاح وانت اخر واحد تسالني مين انا* مراد مسك ياسر من بلوزتو : احترم نفسك انا الين ذحين محترمك* احمد انفجع واتوجهلهم بسرعه* ياسر : نزززززل يدك لا اكسرلك اياها* احمد : ياجماعه هدو ايش فيي* ياسر : شوف هذا قليل الادب طالع نازل مع بنات الناس* احمد سكت مو فاهم شي* مراد : ماناقص الا انت تحكم بادبي ومحعديم ادب غيرك* احمد : ياهو اشبكم تراكم في الشارع فهموني ايش في* احمد يطالع في ياسر: ياسر مين ذا ؟* مراد : اقلك بعد من قدامي منيفاضي لاشكالك* ياسر ؛ ماحمشي لين تقلي انت من وين تعرفها؟* مراد : مو شغلك ولو اقلك اخوها ؟ * ياسر ضحك باستهزاء : انا عارف اخوانها اكثر من نفسي* *مراد دف ياسر : ابعد بالله* مشي وفتح سيارتو بقوة وقفلها ومشي* ياسر : خوااااف خااايف تعترف انك حبيبها يا..... احمد ماسك ياسر من يدينو : ياابن الحلال هدي ايش لك فيلو خليه يروح* ياسر بعد احمد عنو واخذنفس : انا اوريه عديم الادب * احمد : لا حول ولاقوة الا بالله امشي بالله فهمني السالفه* ياسر واحمد اتوجهو للعمارة وطلعو ومعاهم عشاهم* ياسر جلس يحكي احمد من البدايه قصته واحمد يسمعه* احمد : يالله ياياسر هذا كلو يصير معاك* ياسر *اتنهد : واكثر يا اخوي* احمد : طيب ايش دراك انو حبيبها يمكن تبا تقهرك بس* ياسر : ما ادري بس هيا مالها احد هنا غير عمتها وعمتها كبيرة في السن واخوانها اعرفهم يعني مين حيكون ذا* احمد يفكر : والله ما ادري ايش اقلك* ياسر : لاتقول شي المهم بكرة محمد بيجي وبتتعرف عليه شخص محترم وبيعجيك* احمد : امم والله ليا الشرف بس متى بيجي لاني الصباح مشغول* ياسر : اهاا رايح الجامعه صح؟ احمد استغرب : بسم الله ايش دراك* ياسر ابتسم بخبث : علينا الحركات هذي* احمد : اشبك انت اي حركات بكرة الحفل وانا المسؤول وماتباني احضر ؟* ياسر : انت بتحضر عشان الطالبات كلهم ؟* احمد : اجل عشان عيون صاحبك* ياسر ضحك : لا بس قلت يمكن احد ثاني رايح عشانو* احمد : ياسر تستهبل ؟ انت ايش قصدك ؟* ياسر ابتسم : امم لا ولاشي كمل كمل عشاك * احمد : لا الحمد الله شبعت اكرمك الله* ياسر : اشبك ياهو كمل* احمد قام : لا والله الحمد الله كمان الوقت متأخر* ياسر : طيب براحتك* احمد اتوجه للمغسله وبعدها سلم على ياسر : اشوفك بكرة ان شاءالله بعد الجامعه* ياسر : ليش ماتباني احضر حفلكم؟* احمد : لا لاتتعب نفسك مايحتاج* ياسر في قلبو ( بجي غصبا عنك واشوفك مع حبيبتك ) : اممم ان شاءالله يصير خير* احمد : نع السلامه* ياسر : مع السلامه ياسر في قلبو ( ورينا كيف بترجع بيتك) ** احمد خرج .... * احمد يفكر في ماريا ومتحمس يشوفها مررة مشتاقلها ومشتاق يجلس معاها* نزل ويطالع في الشارع فاضي والناس نايمين حتى التاكسي مافي ...* احمد : يالله انا كيف نسيت* مسك جوالو واتصل ... *رد وجا من وراه مبتسم:لذي الدرجه ماخذة تفكيرك ماريا* لف عليه بسرعه : ايش؟* ياسر يفتح السيارة : اركب اركب* احمد ركب ومبلم مو عارف من وين ياسر يعرفها* ياسر شغل السيارة ومشي* احمد يطالع فيه : ايش عرفك فيها ؟* ياسر : وناوي تخبي عليا كمان ها ؟؟؟* احمد : ايش اخبي عليك المهم ايش عرفك فيها ؟* ياسر : عرفتها من انس* احمد : لا ماشاءالله ونعم المعرفه* ياسر : انت ليش مو طايقو* احمد : ايش مو طايقو سارق جوالها وعرّف صاحبو عليها وكل شويتين يعرض خدماتو عليها ايش تباني اشيلو على راسي؟* ياسر : اوف لذي الدرجه حامل عليه* احمد : مني حامل على احد* ياسر : تحبها؟* احمد : مين ؟* ياسر : انس * احمد ضحك: ايوا احبها* ياسر : ماشاءالله بكل صرااحه* احمد : ما اعرف اخبي* ياسر : واضح اصلا من غيرتك عليها احمد : تصدق يا ياسر والله ماكنت اعرف للحب معنى ولا اعرف اغار على احد عايش لوحدي اشوف البنات ايام دراستي ومواي بنات بنات مستوياتهم الماديه عاليه ولاعمري فكرت اطل فيهم مو عشان شي بس كذا كنت وحيد وما احتك في احد* ياسر : طيب وبعدين ايش اللي غيرك؟* احمد : ماريا غيرتني ( ضحك )* ياسر : وايش اللي يضحك؟* احمد : تعرف اني اول مرة شفتها سبتني على طول* ياسر انفجع : اوف ..وانت من سبك حبك ولا ايش؟* احمد : لا مو كذا بس ثاني يوم لقيتها وحدة من طالباتي ولو تشوف وجهها لما عرفت اني ادرسها والله ياشيخ شويه وتطيح من كرسيها ياسر ضحك : طيب وبعدين ؟* احمد : بس صارت بيننا مواقف كثير بينتلي احترامها واثبتتلي اخلاقها واحسها تفهمني بدون ما اتكلم* ياسر : الله الله ذا كلو في ماريا* احمد : لو سمحت اسمها حرم الدكتور احمد* ياسر فطس ضحك* احمد طالع فيه بحقد : ماقلت شي يضحك* ياسر : وماشاءالله من متى صارت حرمك ؟* احمد : من* قاطع كلامو صوت الجوال.... احمد طلع الجوال من جيبو ويطالع في الرقم مستغرب* ياسر : اشبك رد ولا ماتبا ترد قدامي ( غمزلو )* احمد : اسكت بالله ....رد* احمد: الو* ربا بتموت خوف : اللو* احمد استغرب من الصوت : مين معايا؟* ربا بلعت ريقها: اانتت احمد؟؟؟؟؟ احمد: ايوا نعم العفو مين؟* ربا : انا ربا* احمد مستغرب: مين ربا؟* ياسر طل في احمد بسرعه* ربا : بنت خالتك* احمد : بنت خالتي؟؟؟؟؟؟؟* ربا تبا تخفف قلقها : ايوا اشبك ماعرفتني ولانسيت انو عندك بنت خاله اسمها ربا* احمد ضحك ومو مستوعب: يالله ياربا واخيرا لقيت احد من اهلي* ياسر ابتسم* ربا : امم طيب انت وين ترا وليد ماخلا مكان مادورلك لما عرف انك موجود* احمد : ومين قلكم عليا؟* ربا : امممم سالفه طويله بعدين حتعرفها بس المهم ذحين انا حتصرف انت اهم شي بكرة تعاال ضروري في المركز* احمد : ليش انت جايه؟ ربا : ايوا جايه خلاص يالله سلام انا بتصل بوليد يرجع بس خايفه * احمد : خايفه يسالك؟* ربا : اعوذ بالله ايش دراك ؟* احمد ضحك: خلاص ارسليلي رقمو انا حكلمو* ربا : طيب مع السلامه* احمد : مع السلامه* قفل الجوال واخذ نفس : الحمد الله* ياسر : مين ربا؟* احمد ابتسم : اعوذ بالله من يوم يسمع اسم بنت مايصدق* ياسر : لاا مو كذا بس اسال يعني* احمد : بنت خالتي* ياسر وقف السيارة : اهااا طيب يعني خلاص لقيت اهلك* احمد : ما ادري ياشيخ تعرف ابا اقابل ابويا ابو حسين قبل ما اشوف ابويا خالد* ياسر مستغرب : نعم وليش ؟* احمد : والله ابا اعرف اشياء كثثثير مني فاهمها ياشيخ احس بالي مشتت وبالنسبه لابويا خالد قد ايش اقلك كرهني فيه* ياسر : استهدي بالله اشبك انت خلاص مو قلك الضابط وقهمك انو ابو حسين نصاب وورطك بلا هبل انت كمان حرام عليك تلاقي ابوك بيموت ويشوفك واحمد ربك انو امك وابوك واختك عايشين احمد : امم الحمد الله ...فتح الباب : يالله اشوفك على خير* ياسر : الين متى؟* احمد : ما ادري متى بس شكلها حق محمد حتتأجل مدام لقيت اهلي* ياسر : طيب خير ان شاءالله يالله تصبح على خير* احمد : وانت من اهلو (قفل الباب ) ويطلع المفتاح يفتح باب بيتو ....* ياسر ابتسم : والله منت داري بكرة بجي قبلك .... في الصبااح ... وقف السيارة : الحمد الله* يصحيها بشويش: تالا تاالا* تالا فتحت عينها : هاا ؟* ابو احمد : يالله قومي وصلنا بيت خالتك* تالا عدلت جلستها بسررعه : الحمد الله الحمد الله* ابو احمد ميت تعب مواصل مانام بس فرحتو مخليتو يتحمل* تالا خرجت ونزلت شنطتها وتسحبها* ابو احمد ينزل الشنط تالا تدق الجرس وقلبها يدق تتخيل اخوها يفتحلها* كل اللي في البيت صلو الفجر واستنوهم* ام وليد وابوه نامو وذحين يستنوهم* ربا ووليد مواصلين ووليد قبل الفجر بساعه رجع البيت ...* وليد يسمع الجرس وقام* ابو وليد ماخلاه لحالو لحق وراه* وليد فتح الباب وابوه وراه* تالا طالعت في وليد وما اتكلمت ولا كلمه تطالع في عيونو تحتها سواد ومتغير شكلو نحفان وباين انو تعبان* وليد استوعب وبعد من الباب* تالا دخلت* وليد اخذ الشنطه منها ودخلها جوا* ابو وليد نزل وحضن ابو احمد* ابو وليد : الحمد الله الحمد الله ابو احمد : ربي كريم يا ابو وليد ولدي رجع ولدي احمد رجع* ابو وليد يطبطب على ظهرو : ربك كريم ومافي عند ربك بعيد* ابو وليد ساعد ابو احمد في الشنط ودخلو جوا* تالا اول مادخلت جريت علي خالتها وحضنتها وتبكي : خاله احمد جا ياخاله احمد جا* ام وليد تبكي : ايوا يابنتي الحمد الله رجع احمد* ربا من غرفتها تجري لما سمعت صوتهم : تااااااااالاااا* تالا بعدت عن حضن خالتها وحضنت ربا وبكيت اكثر* ربا دموعها نزلت على طول : واخيرا ياتاالا* تالا تبكي ومبتسمه : اااه ياربا الحمد الله الحمد الله اخويا رجع *وينك يا امي تشوفي ولدك ( تبكي اكثثر وبدات تشهق بالبكاء) ربا حضنتها اكثر وتبا تخفف عليها ( ايوا المزه رجع) تالا ضحكت بين دموعها وضربتها في ظهرها* ربا : اضربيني لين بكرة والله وحشتتتيني* تالا بعدت عن حضنها* ام وليد مسكتها ودخلتها غرفتهم* وليد يسمع صوتها وهيا تبكي ويتمنى يمسح دموعها وتبكي في حضنو ويخفف عليها .. نادي ربا : رباااا تعالي خذي الشنطه* ربا جات باتجاهو : ها جات الحبيبه ؟* وليد وطى راسو ومدلها الشنطه: اييييه ياربا* ربا : سلامة اذني من سماع الااه* وليد : ما اقول الا انقلعي ووديلها الشنطه* ربا تضحك : طيب هات* ربا راحت* ووليد رجع المجلس* دخل المجلس* وسلم علي راس ابو احمد وعلى يدو* وجلس جنب ابوه* ابو احمد : ها يا ابو وليد كيف ذحين متى حنشوفو* ابو وليد: اسال وليد والله طول اليوم وهوا يلفلف في الشوارع يدورلو ويسال لين وصلو ورجع قبل ساعتين يمكن* ابو احمد : ها ياولدي يا وليد ايش اخر اخبارو؟* وليد : والله ياعم انا رحت للجامعه اللي يشتغل فيها هو دكتور فيها *وكنت ابا رقمو من الادارة بس مالقيتهم ورحت ادور لعنوان بيتو اقلها وكذا وجلست ادور واستفسر لين ما اتصل هو عليا* وجلس وليد وابو وليد يحكوه كيف عرفو بوجودو ورجعتو ...* ابو وليد ؛ خلاص انت ذحين نام وبعد كم ساعه اكيد بيجيك ان شاءالله* ابو احمد : ايش انام والله عيني مهي راضيه تغفى* ابو وليد : لا يا ابو احمد اتطمن ولدك وعندنا رقمو والحمد الله بخير بس ارتاح كم ساعه مهو كويس لصحتك مواصل من امس* ابو احمد انسدح وابو وليد ساعدو* وقامو وسكرو الباب والانوار وخرجو* ابو وليد قبل مايدخل البيت يمشي في الحوش اتغيرت ملامحو للجديه : وليييد* ( انتهى البارت الثالث والعشرون )* * |
رد: روايه نور في غسق الدجى (البارت الثالث والعشرون) فصل الخط .... يطالع في الجوال مفجوع رجع اتصل بالرقم وركب سيارتو ومشي على المستشفى طول الطريق يدق على اللي اتصل عليه ومحد يرد ....... في طريق الرياض طول الطريق تدعي من قلبها ( يارب تتم على خير وبلغنا شوفتو يارب ) ابو احمد متوتر بالمرة فرحه على خوف على توتر مو عارف يسوق زي الناس .... وقف السيارة وخرج بسرعه طلع الدور اللي فيه خالته يجري وسأل الاستعلامات : لو سمحت في احد اتصل عليا وقلي على خالتي وفجاه قطع الاتصال الرجال : ايوا انت احمد ولا ؟ ووليد : لالا انا ولد اختها الرجال : طيب راجع دكتورها وحيبلغك وليد ؛ مشكور ماتقصر مشي بسرعه واتوجه لمكتب الدكتور ودق الباب الدكتور : اتفضل وليد دخل وقفل الباب: السلام عليكم الدكتور : وعليكم السلام اتفضل وليد جلس على الكرسي : دكتور ايش في اشبها خالتي طمني الدكتور : ام احمد؟. وليد : ايوا ام احمد اللي في غيبوبه الدكتور : والله مني عارف ايش اقلك بس زي كل يوم الممرضه تدخل وتشوف حالتها واذا في اي جديد تبلغني وكل يوم حالتها نفس الشي الا اليوم قبل المغرب بالضبط دخلت الممرضه كالعاده ولقتها تفتح عيونها بشويش وتغمض خرجت تجري ونادتني وماصدقت الا سمعتو اصلا بصراحه فترة غيبوبتها مهي بسيطه اعرف ناس زي كذا بس اغلبهم اذا طولو كم سنه اما هيا سنيين وكنا نتوقع لو شلنا الاجهزة منها حتفقد حياتها بس سبحان الله ربي كاتبلها تعيش مرة ثانيه وليد مو مستوعب : طيب يادكتور وذحين ايش في يعني ايش صاير اشبها؟ قامت؟ الدكتور ابتسم : هدي انا اقلك دخلت عندها بس كانت نايمه وكل شويه ندخل نلاقيها نايمه بس اطمنك مهي في غيبوبه يعني وهذا اهم شي وليد يتنفس بسرعه : طيب اقدر اشوفها ؟ الدكتور : تقدر ايوا اتفضل وقف الدكتور ووليد وراه خرجو واتوجهوا لغرفتها بعد ماخرجوها من العنايه فتح الباب ودخل ووليد يمشي ومو مستوعب شي نسي احمد ونسي كل شي ودخل الدكتور وقف عن يمينها ووليد وقف يسارها نزل لمستواها وسلم على يدها وراسها سحب الكرسي وقربو منها كثير مسك يدها بشويش : الحمد الله الحمد الله يارب. الدكتور :ونعم بالله وليد : خاله ياخاله خاله اريج ام احمد ياخااله تسمعيني ؟ ام احمد تفتح عيونها بشوووييش وتغمض وتفتح وتغمض تحرك اصابيعها وتحاول تحس يد اللي ماسكها وليد ابتسم وعيونو فيها دموع : خاله انا وليد ياخاله تسمعيني ام احمد غمضت عيونها ورجعت نامت الدكتور بصوت هاادي: خلاص خليها وليد سلم عليها ووقف الدكتور خرج ووليد جلس يطالع فيها شويه وخرج الدكتور ووليد يمشو في الممر الدكتور : وين زوجها وبنتها نتصل عليهم بس مغلق وليد : والله حاليا هما مسافرين يمكن مافي شبكه بس انا ححاول اتصل تسلم والله مشكور الدكتور : العفو هذا واجبنا وليد : يادكتور ما اوصيكم خالتي واي شي بلغني فيه الدكتور ؛ لاتشيل هم رعيناها بعدالله سنيين ماحنهملها بعد ماقامت وليد : طيب يالله مع السلامه الدكتور : مع السلامه وليد خرج من المستشفى اتوجه لسيارتو وفتح الباب ودخل جالس في السيارة يفكر ومسرح يبا يستوعب اللي صار (في قلبو ) ( سبحان الله كيف كذا تقوم بعد هذي السنين وايش حيصير لما يعرفوا الحمد الله الله يتمم على خير ) مسك جوالو واخذ نفس وارسل ( تالا ... ياريت تعجلو في الطريق في موضوع مهم ابغا اقلكم اياه محد يعرف فيه بس لاتشيلي هم خبر بيسعدك وبينسيك الهم ان شاءالله انتبهي على نفسك ) ماسكه القران وتقرأ وابوها يسوق ويذكر ربو ويحمدو ولسانو ماوقف حمد ( اللهم ادم علينا نعمتك واحفظها من الزوال ) انتبهت لجوالها فتحت الجوال وقلبها مع الاسم اتحررك تقرأ وابتسمت وبرضو. قلبها يدق اتحمست تعرف ايش في وحمدت ربها على الاخبار اللي تتجيهم ارسلت ( احنا في الطريق على الفجر حنوصل ان شاءالله دعواتك بس ايش في شغلتلي بالي ) وليد ابتسم من زمان ماشاف اسمها في جوالو ( بعدين ياقلبي حتعرفي بعدين ) تالا تحس نفسها اتوقف اشتاقت للايام اللي جمعتهم وكانت تشوفو وتسمع صوتو كل يوم ( ان شاءالله ... يالله انتبه على نفسك ) قفل الجوال وشغل السيارة ومشي وهوا مبتسم .... بعد دقايق وصل البيت نزل من السيارة ودخل البيت واتوجه للمطبخ اول ماشافتو نطت بسرعه : وييينك ها لقيتو ؟ وليذ انفجع : اعوذ بالله اشبك انتي ربا مستغربه ؛ ايش اشبي اقلك احند وينو لقيتو ؟ وليد افتكر وشهق : يالله نسيييييييييتو ربا : اهبل انت ايش نسيتو ؟ ذحين بلا استهبال ترا مرة مو وقتك اخذت رقمو ولالا؟ وليد : ربا اسمعي بقلك شي ربا قربت وجهها عليه : هااا وليد : ولا اقلك خلاص خلاص بعدين ربا عصبت : هييي انت ايش في اشبك كذا مني فاهمه منك ولاكلمه وليد خرج من الكطبخ واتوجه للباب بسرعه ربا جررريت على غرفتها وسحبت العبايه ونزلت جري وراه وليد ركب السيارة واول ماشغلها فتحت الباب : استتتنى وليد انفجع : خيررر اشبك؟؟؟؟ ربا؛ مااحتحرك لين تقلي اشبك وليد عصب : ربا اقفلي الباب وارجعي البيت كبرري عقلك شويه انت منتي شايفه احنا كيف مربوشين تالا وابوها بيجو الفجر ايش تبيهم ينصدموا لو ماسافو ولدهم ؟ ربا خرجت وقفلت الباب وليد مشي بسرعه ربا اتكتفت : هيا من جد ما ادخل البيت مر رجال هندي ويطالع فييها ربا شمقت الرجال ابتسم ربا خااافت وتدق الجرس واهلها نايمين تدق وتددق وتحاول تطالع وراها والرجال لسا يمشي بشويش ماراح ربا تضغط بسرعه على الجرررس وخوفها كل شويه يززيد الرجال وقف فجاه ويطالع فيها ربا طالعت فيه وماتت خوف صارت تدق الباب بيدها : امممممممممممممميييييي انفتح الباب ربا جريت جرررررررري على غرفتهاااااا ام وليد مفجوعه قفلت الباب بسرعه ولحقت بنتها ربا جلست على سريرها وحاطه يدها على قلبها وتتنفس بصعوبه : اووف الحمد الله حسبي الله على بليسك ياوللليد ام وليد دخلت الغرفه : اشببك ؟ ربا اتورطت : لاولاشي ام وليد : ايش نزلك ذا الوقت اصلا ؟ ربا ارتبكت : لا بس وليد جاب حاجات وقلي انزلي خذيها مني ام وليد : ياسلاااام وليش مانزلها بنفسو ربا ؛ ايش دراني عنو قال مستعجل ام وليد :طيب ماقالك شي عن احمد ؟ ربا : لا ام وليد راحت لجوالها واتصلت عليه ..... ربا جوالها يرن اخذت الجوال وردت : ايوا الو ماريا قمه في الطفش : الو ربا مستغربه : اشبك؟ ماريا بصوت فيه بكاا : رباا ربا ؛ بسم الله اشبك ؟؟؟؟ ماريا : بكرة الحفل في المركز ربا : وجع يوجع بليسك فجعتتتتتيني على بالي فيك شي ....طيب ويعني؟ ماريا : اباك تجي ربا : ذحين شويه وتبكي عشان تبيني اجي ؟ اصلا حتى لو قلتي لاتجي بجي ماريا : مع نفسك طيب؟ ربا : طيب اشبك ؟ ماريا : بكرة الحفل وانا تعبت واشتغلت وكل شي وفي الاخير افتتاح بدون دكتوري؟ ربا : اهااا قولي كذا من البدايه ماريا : يختي مقهورة منو اصلا ماباه يجي لو جا بيندم انو شافني لاني ماحكلمو حتى ربا : ليش؟ ذا كلو عشان ما اعترفلك ماريا : احلفي وذا شي بسيط؟ قلك دكتوري كمان ربا : لو سمحتي هذا ولد خالتي ما اسمحلك ماريا : رباااا اقلبي وجههههههك ربا تضحححك : امزح معاك بس ادعي اقدر اجي يختي تالا بتجي الفجر وشوفي الحاله اللي احنا فيها مين حيجيبني عشان اجيك ماريا : طيب برسل السواق ربا : احلفي؟ اها وام وليد بترضى اصلا ماريا : طيب مراد وبدور كلمتهم يجو وما ادري اذا ادوني وجه اقلهم يمرولك ربا : يصير خير ماريا : يالله سلام لازم انام بكرة ورايا شغل كثير ربا : مع السلامه طيب مصدقه نفسك مهندسه ماريا : ربااا لاتخليني اغلط ربا قفلت في وجهها وتضحك ارسلتلها ( احببك والله مدري ليه يعجبني لما تعصبي بسرعه ) ماريا ( انقلعي طيب ) ربا مبتسمه وقفلت الجوال وانسدحت وتفكر ايش ممكن يصير في ايامهم الجايه.... قطع حبل افكارها وشهقت لما افتكرت : ااااحمممد ومارريا ؟؟؟؟ اتصلت عليها بسرعه ماريا : نعم؟ ربا : ماااريا اديني رقم احمد شف الهباله انت عررفه انو وليد يدور رقم احمد وعنوانو من زمان وهوا يدور في الشوارع من عند حارس جامعه لادارة لمدري ايش شكلو ماريا : يااابختك وانت نسيتي انو دكتوري ولد عمك ؟ ربا : يالله ياويلي لو وليد دري انك تعرفي شي عن احمد ومخليتو ضايع في الشوارع كذا والله نسيت وخلاص حاطه في بالي دكتورك هبل ياخي خلاص لاتلوميني ارسليه بسرعه ماريا : ولايكون بتكلميه ؟ ربا ؛ ذحين هذا اللي همك اقول ارسليه ولا والله ما ازوجك اياه ماريا فطست ضحك : خير حبيبي من قال اني افكر اتزوجو ربا : ماريا بسرعه مو وقتك قفلت السماعه وارسلتلها الرقم ربا مهي عارفه كيف تتصرف لو ارسلتو لوليد بيلطشها مافي حل الا انها تتصل هيا عليه وقف سيارتو وطفشاااان .... نرل من السيارة واتوجه للفندق طلع الاصنصير ويطالع في نفسو في المرايا ( في قلبو ) انا ايش اللي شغلت نفسي فيه معاهم ذولا فتح الاصنصير وخرج يمشي بشويش ويفكر دق الباب بعد ثواني ؛ مين ؟ مراد : مراد فتحت الباب مراد مد يدو : اتفضلي هذي الادويه واسف على التاخير مروة من ورا الباب بس راسها اللي طالع ولابسه طرحه : لا والله تسلم ماتقصر تعبناك معانا بالمرة مراد اول مرة ينتبه لملامحها تمامتنح دقيقه ولارد مروة استغربت ووطت راسها مراد انتبه : امم طيب فين لمى مروة : نايمه جوا مراد : طيب بوسيلي اياها مروة : امم ان شاءالله مراد ؛ مع السلامه مروة : مع السلامه مراد مشي من قدام الباب واتوجه للاصنصير مروة قفلت الباب وابتسمت : يابختك فيه يابدور يجنن الله يرزقني واحد في طبعو وحنانو مراد نازل من الفندق بشويش ومسرح وقف السيارة : يالله انزل احمد يطالع في العمارة : انت ساكن هنا ؟ ياسر : يعني مو عشان ساكن في فله تستصغر شقتي احمد : لا بالعكس حلو الحي وراقي حرام عليك ياسر : طيب يالله اتفضل احمد نزل وياسر نزل ياسر جات عينو اللي نازل من الفندق احمد : يالله اشبك وقفت ياسر : دقيقه بالله ياسر اتوجه لمراد واحمد يراقب ومستغرب وين رايح ياسر ياسر مد يدو : السلام عليكم مراد : وعليكم السلام ياسر مو قادر يتحمل : ممكن استسفر من شي ؟ مراد مستغرب : اتفضل ياسر : انت عندك احد هنا ساكن في الفندق؟ مراد : نعم ؟ وليش السؤال ؟ ياسر ؛ لا بس شايفك ماشاءالله داخل نازل مراد : وانت ايش دخللللك؟؟؟؟؟ ياسر : لاترفع صوووتك مراد : انقللع هذا اللي ناقص ياسر : ايش عرفك بمروة؟ مراد انصدم : مروة؟ ياسر : احلف؟ يعني انك ماتعرفها؟ مراد : وانت مين اصلا؟ ياسر : انت مالك صلاح وانت اخر واحد تسالني مين انا مراد مسك ياسر من بلوزتو : احترم نفسك انا الين ذحين محترمك احمد انفجع واتوجهلهم بسرعه ياسر : نزززززل يدك لا اكسرلك اياها احمد : ياجماعه هدو ايش فيي ياسر : شوف هذا قليل الادب طالع نازل مع بنات الناس احمد سكت مو فاهم شي مراد : ماناقص الا انت تحكم بادبي ومحعديم ادب غيرك احمد : ياهو اشبكم تراكم في الشارع فهموني ايش في احمد يطالع في ياسر: ياسر مين ذا ؟ مراد : اقلك بعد من قدامي منيفاضي لاشكالك ياسر ؛ ماحمشي لين تقلي انت من وين تعرفها؟ مراد : مو شغلك ولو اقلك اخوها ؟ ياسر ضحك باستهزاء : انا عارف اخوانها اكثر من نفسي مراد دف ياسر : ابعد بالله مشي وفتح سيارتو بقوة وقفلها ومشي ياسر : خوااااف خااايف تعترف انك حبيبها يا..... احمد ماسك ياسر من يدينو : ياابن الحلال هدي ايش لك فيلو خليه يروح ياسر بعد احمد عنو واخذنفس : انا اوريه عديم الادب احمد : لا حول ولاقوة الا بالله امشي بالله فهمني السالفه ياسر واحمد اتوجهو للعمارة وطلعو ومعاهم عشاهم ياسر جلس يحكي احمد من البدايه قصته واحمد يسمعه احمد : يالله ياياسر هذا كلو يصير معاك ياسر اتنهد : واكثر يا اخوي احمد : طيب ايش دراك انو حبيبها يمكن تبا تقهرك بس ياسر : ما ادري بس هيا مالها احد هنا غير عمتها وعمتها كبيرة في السن واخوانها اعرفهم يعني مين حيكون ذا احمد يفكر : والله ما ادري ايش اقلك ياسر : لاتقول شي المهم بكرة محمد بيجي وبتتعرف عليه شخص محترم وبيعجيك احمد : امم والله ليا الشرف بس متى بيجي لاني الصباح مشغول ياسر : اهاا رايح الجامعه صح؟ احمد استغرب : بسم الله ايش دراك ياسر ابتسم بخبث : علينا الحركات هذي احمد : اشبك انت اي حركات بكرة الحفل وانا المسؤول وماتباني احضر ؟ ياسر : انت بتحضر عشان الطالبات كلهم ؟ احمد : اجل عشان عيون صاحبك ياسر ضحك : لا بس قلت يمكن احد ثاني رايح عشانو احمد : ياسر تستهبل ؟ انت ايش قصدك ؟ ياسر ابتسم : امم لا ولاشي كمل كمل عشاك احمد : لا الحمد الله شبعت اكرمك الله ياسر : اشبك ياهو كمل احمد قام : لا والله الحمد الله كمان الوقت متأخر ياسر : طيب براحتك احمد اتوجه للمغسله وبعدها سلم على ياسر : اشوفك بكرة ان شاءالله بعد الجامعه ياسر : ليش ماتباني احضر حفلكم؟ احمد : لا لاتتعب نفسك مايحتاج ياسر في قلبو ( بجي غصبا عنك واشوفك مع حبيبتك ) : اممم ان شاءالله يصير خير احمد : نع السلامه ياسر : مع السلامه ياسر في قلبو ( ورينا كيف بترجع بيتك) احمد خرج .... احمد يفكر في ماريا ومتحمس يشوفها مررة مشتاقلها ومشتاق يجلس معاها نزل ويطالع في الشارع فاضي والناس نايمين حتى التاكسي مافي ... احمد : يالله انا كيف نسيت مسك جوالو واتصل ... رد وجا من وراه مبتسم:لذي الدرجه ماخذة تفكيرك ماريا لف عليه بسرعه : ايش؟ ياسر يفتح السيارة : اركب اركب احمد ركب ومبلم مو عارف من وين ياسر يعرفها ياسر شغل السيارة ومشي احمد يطالع فيه : ايش عرفك فيها ؟ ياسر : وناوي تخبي عليا كمان ها ؟؟؟ احمد : ايش اخبي عليك المهم ايش عرفك فيها ؟ ياسر : عرفتها من انس احمد : لا ماشاءالله ونعم المعرفه ياسر : انت ليش مو طايقو احمد : ايش مو طايقو سارق جوالها وعرّف صاحبو عليها وكل شويتين يعرض خدماتو عليها ايش تباني اشيلو على راسي؟ ياسر : اوف لذي الدرجه حامل عليه احمد : مني حامل على احد ياسر : تحبها؟ احمد : مين ؟ ياسر : انس احمد ضحك: ايوا احبها ياسر : ماشاءالله بكل صرااحه احمد : ما اعرف اخبي ياسر : واضح اصلا من غيرتك عليها احمد : تصدق يا ياسر والله ماكنت اعرف للحب معنى ولا اعرف اغار على احد عايش لوحدي اشوف البنات ايام دراستي ومواي بنات بنات مستوياتهم الماديه عاليه ولاعمري فكرت اطل فيهم مو عشان شي بس كذا كنت وحيد وما احتك في احد ياسر : طيب وبعدين ايش اللي غيرك؟ احمد : ماريا غيرتني ( ضحك ) ياسر : وايش اللي يضحك؟ احمد : تعرف اني اول مرة شفتها سبتني على طول ياسر انفجع : اوف ..وانت من سبك حبك ولا ايش؟ احمد : لا مو كذا بس ثاني يوم لقيتها وحدة من طالباتي ولو تشوف وجهها لما عرفت اني ادرسها والله ياشيخ شويه وتطيح من كرسيها ياسر ضحك : طيب وبعدين ؟ احمد : بس صارت بيننا مواقف كثير بينتلي احترامها واثبتتلي اخلاقها واحسها تفهمني بدون ما اتكلم ياسر : الله الله ذا كلو في ماريا احمد : لو سمحت اسمها حرم الدكتور احمد ياسر فطس ضحك احمد طالع فيه بحقد : ماقلت شي يضحك ياسر : وماشاءالله من متى صارت حرمك ؟ احمد : من قاطع كلامو صوت الجوال.... احمد طلع الجوال من جيبو ويطالع في الرقم مستغرب ياسر : اشبك رد ولا ماتبا ترد قدامي ( غمزلو ) احمد : اسكت بالله ....رد احمد: الو ربا بتموت خوف : اللو احمد استغرب من الصوت : مين معايا؟ ربا بلعت ريقها: اانتت احمد؟؟؟؟؟ احمد: ايوا نعم العفو مين؟ ربا : انا ربا احمد مستغرب: مين ربا؟ ياسر طل في احمد بسرعه ربا : بنت خالتك احمد : بنت خالتي؟؟؟؟؟؟؟ ربا تبا تخفف قلقها : ايوا اشبك ماعرفتني ولانسيت انو عندك بنت خاله اسمها ربا احمد ضحك ومو مستوعب: يالله ياربا واخيرا لقيت احد من اهلي ياسر ابتسم ربا : امم طيب انت وين ترا وليد ماخلا مكان مادورلك لما عرف انك موجود احمد : ومين قلكم عليا؟ ربا : امممم سالفه طويله بعدين حتعرفها بس المهم ذحين انا حتصرف انت اهم شي بكرة تعاال ضروري في المركز احمد : ليش انت جايه؟ ربا : ايوا جايه خلاص يالله سلام انا بتصل بوليد يرجع بس خايفه احمد : خايفه يسالك؟ ربا : اعوذ بالله ايش دراك ؟ احمد ضحك: خلاص ارسليلي رقمو انا حكلمو ربا : طيب مع السلامه احمد : مع السلامه قفل الجوال واخذ نفس : الحمد الله ياسر : مين ربا؟ احمد ابتسم : اعوذ بالله من يوم يسمع اسم بنت مايصدق ياسر : لاا مو كذا بس اسال يعني احمد : بنت خالتي ياسر وقف السيارة : اهااا طيب يعني خلاص لقيت اهلك احمد : ما ادري ياشيخ تعرف ابا اقابل ابويا ابو حسين قبل ما اشوف ابويا خالد ياسر مستغرب : نعم وليش ؟ احمد : والله ابا اعرف اشياء كثثثير مني فاهمها ياشيخ احس بالي مشتت وبالنسبه لابويا خالد قد ايش اقلك كرهني فيه ياسر : استهدي بالله اشبك انت خلاص مو قلك الضابط وقهمك انو ابو حسين نصاب وورطك بلا هبل انت كمان حرام عليك تلاقي ابوك بيموت ويشوفك واحمد ربك انو امك وابوك واختك عايشين احمد : امم الحمد الله ...فتح الباب : يالله اشوفك على خير ياسر : الين متى؟ احمد : ما ادري متى بس شكلها حق محمد حتتأجل مدام لقيت اهلي ياسر : طيب خير ان شاءالله يالله تصبح على خير احمد : وانت من اهلو (قفل الباب ) ويطلع المفتاح يفتح باب بيتو .... ياسر ابتسم : والله منت داري بكرة بجي قبلك .... في الصبااح ... وقف السيارة : الحمد الله يصحيها بشويش: تالا تاالا تالا فتحت عينها : هاا ؟ ابو احمد : يالله قومي وصلنا بيت خالتك تالا عدلت جلستها بسررعه : الحمد الله الحمد الله ابو احمد ميت تعب مواصل مانام بس فرحتو مخليتو يتحمل تالا خرجت ونزلت شنطتها وتسحبها ابو احمد ينزل الشنط تالا تدق الجرس وقلبها يدق تتخيل اخوها يفتحلها كل اللي في البيت صلو الفجر واستنوهم ام وليد وابوه نامو وذحين يستنوهم ربا ووليد مواصلين ووليد قبل الفجر بساعه رجع البيت ... وليد يسمع الجرس وقام ابو وليد ماخلاه لحالو لحق وراه وليد فتح الباب وابوه وراه تالا طالعت في وليد وما اتكلمت ولا كلمه تطالع في عيونو تحتها سواد ومتغير شكلو نحفان وباين انو تعبان وليد استوعب وبعد من الباب تالا دخلت وليد اخذ الشنطه منها ودخلها جوا ابو وليد نزل وحضن ابو احمد ابو وليد : الحمد الله الحمد الله ابو احمد : ربي كريم يا ابو وليد ولدي رجع ولدي احمد رجع ابو وليد يطبطب على ظهرو : ربك كريم ومافي عند ربك بعيد ابو وليد ساعد ابو احمد في الشنط ودخلو جوا تالا اول مادخلت جريت علي خالتها وحضنتها وتبكي : خاله احمد جا ياخاله احمد جا ام وليد تبكي : ايوا يابنتي الحمد الله رجع احمد ربا من غرفتها تجري لما سمعت صوتهم : تااااااااالاااا تالا بعدت عن حضن خالتها وحضنت ربا وبكيت اكثر ربا دموعها نزلت على طول : واخيرا ياتاالا تالا تبكي ومبتسمه : اااه ياربا الحمد الله الحمد الله اخويا رجع وينك يا امي تشوفي ولدك ( تبكي اكثثر وبدات تشهق بالبكاء) ربا حضنتها اكثر وتبا تخفف عليها ( ايوا المزه رجع) تالا ضحكت بين دموعها وضربتها في ظهرها ربا : اضربيني لين بكرة والله وحشتتتيني تالا بعدت عن حضنها ام وليد مسكتها ودخلتها غرفتهم وليد يسمع صوتها وهيا تبكي ويتمنى يمسح دموعها وتبكي في حضنو ويخفف عليها .. نادي ربا : رباااا تعالي خذي الشنطه ربا جات باتجاهو : ها جات الحبيبه ؟ وليد وطى راسو ومدلها الشنطه: اييييه ياربا ربا : سلامة اذني من سماع الااه وليد : ما اقول الا انقلعي ووديلها الشنطه ربا تضحك : طيب هات ربا راحت ووليد رجع المجلس دخل المجلس وسلم علي راس ابو احمد وعلى يدو وجلس جنب ابوه ابو احمد : ها يا ابو وليد كيف ذحين متى حنشوفو ابو وليد: اسال وليد والله طول اليوم وهوا يلفلف في الشوارع يدورلو ويسال لين وصلو ورجع قبل ساعتين يمكن ابو احمد : ها ياولدي يا وليد ايش اخر اخبارو؟ وليد : والله ياعم انا رحت للجامعه اللي يشتغل فيها هو دكتور فيها وكنت ابا رقمو من الادارة بس مالقيتهم ورحت ادور لعنوان بيتو اقلها وكذا وجلست ادور واستفسر لين ما اتصل هو عليا وجلس وليد وابو وليد يحكوه كيف عرفو بوجودو ورجعتو ... ابو وليد ؛ خلاص انت ذحين نام وبعد كم ساعه اكيد بيجيك ان شاءالله ابو احمد : ايش انام والله عيني مهي راضيه تغفى ابو وليد : لا يا ابو احمد اتطمن ولدك وعندنا رقمو والحمد الله بخير بس ارتاح كم ساعه مهو كويس لصحتك مواصل من امس ابو احمد انسدح وابو وليد ساعدو وقامو وسكرو الباب والانوار وخرجو ابو وليد قبل مايدخل البيت يمشي في الحوش اتغيرت ملامحو للجديه : وليييد ( انتهى البارت الثالث والعشرون ) |
رد: روايه نور في غسق الدجى (البارت الرابع والعشرون الجزء ظ، ) رفع راسو بخوف: ايوا ؟ ابووليد : انا مسافر ياسر : امم طيب؟ ابو وليد : يعني انت فاهمني حركات من هنا ولامن هنا بطلها ولا والله بتخسرني ياوليد وليد مشي وسلم على راس ابوه : ماعاش من يخليني اخسرك يالغالي ابو وليد : يالله روح على شغلك اشوف وليد مشي : ان شاءالله وليد سبق ابوه للبيت ابو وليد يطالع فيه (في قلبو) : الله يوفقك يارب دخلت عليها بالفطور وساعدتها تجلس تالين جلست والنيرس راحت جاها اتصال ... ردت : هلاا بالغاليه ام محمد : هلا ببنتي والله تالين : هلاافيك كيفك ؟ ام محمد : الحمد الله طيبه بس يابنتي متى بشوفك يابنتي تالين : قريب يا امي قرريب دعواتك بس ام محمد : ياررب يوفقك ويرجعك لي بخير يارب مرت دقايق وهما يتكلمو ... تالين :طيب يا امي سلمي على محمد ام محمد : حاضر يابنتي يوصل تالين : يالله مه السلامه ام محمد : مع السلامه تالين قفلت جوالها وكملت فطور .. دق الباب ودخل تالين لبست طرحتها حسين دخل الكيس وهوا مستجعل : صباح الخير هذي الاشياء اللي طلبتيها واتوجه للباب خارج تالين استغربت : دقيقه طيب حسين لف : نعم؟ تالين ؛ اشبك ماحتنزلني اليوم حسين : والله يالتالين عليا اختبار اليوم وانا افشل شخص في الاختبارات العمليه فمستجعل براجع قبل الاختبار تالين : امم طيب انت اصلا ايش مجالك حسين : طب بيطري تالين ابتسمت : والله؟ حسين بطفش ؛ امم ايوا تالين ؛ طيب اشبك ممتع مررة حسين : امم مرررة على بالك نلعب مع الحيوانات والله لو تشوفي الاختبارات تغسلين يدك تالين : طيب الله يخليك بروح معاك حسين استغرب : ايش تجي معايا وين ؟ تالين : الجامعه حسين : اي جامعه يابنت الحلال خلاص انا بعد ما. اخلص الجامعه حجيك تالين : مابا ابا ذحين حسين بصوت واطي : ام البزرنه تالين : صح اني ماسمعت بس بربر زي ماتبا بروح يعني بروح حسين : طيب دقيقه نادى النيرس وساعدتها حسين راح يشوف الدكتور وسمحلو رجع للغرفه تالين جالسه على الكرسي متحممسه : يالله حسين جا ودفها ونزلها معاه برا المستشفى... حسين : طيب بنجلس هنا في ذي الحديقه ابا اراجع شويه تالين : طيب بس بسرعه حسين حطها قبالو بس مميله وبعيد منو شويه : كمان بسرعه تالين : اقول اخلص يالله حسين مسك كتابو وبدا يقلب صفحاتو تالين تطالع في اللي يمرو بجنبهم كل واحد مع كلبو : طيب انت من جدك بتشتغل في جده ؟ شوف هنا حيوانات هناك مافي كثير حسين : انا ادرس عشان افيد مجتمعي مو عشان افيد مجتمعات ثانيه تالين : بكيفك نش الذباب في محلك محد بيجيك حسين : انتي حتجيني تالين طالعت فيه: لا والله وايش اللي معطيك الثقه حسين : حماسك للحيوانات اكيد معاك حيوانات تالين تكابر: مو شرط لا ماعندي حيوانات حسين : اول كذبه تالين : وايش دراك اني كذابه خير انت تسوي نفسك صاحب قديم حسين مد لها الجوال : شوفي تالين تطالع في محادثتو مع ريم ((ريم : طيب كيف الجامعه معاك ؟ حسين : الحمد الله كويسه ريم : ترا تاالين تحب شي اسمو حيوانات ودايما ابوها يجيبلها حيوانات حسين : اممم)) تالين وجهها احمر وجبهتها راحت : امم طيب ذاكر ذاكر ترا ضاع الوقت على اسئلتك حسين ضححك : ايوا ايوا على اسئلتي ها ؟! حسين رجع يذاكر تالين تحرك يدها وفرحااااانه بتموت من الفرحه واخيرا تقدر تحرك يدها بدون الم حسين يطالع وابتسم من قلبو على عافيتها وفرحتها حسين وقف : يالله حنروح الجامعه تالين : طيب يالله بعد دقايق من المشي ركب تاكسي وراح للجامعه ... في الجامعه ... يمشي داخل الجامعه ودخل حديقه الجامعه تالين تطالع في الحيوانات اللي حوليها :الله تجنن حسين اتنهد : بس والله الاختبار مايجنن تالين : حسين الله يخليك جبلي هذي البسه حسين : نعم ؟ تالين : حسين بالله يالله جيبها حسين : امم قولي لو سمحت يادكتور حسين تالين : انقلع فاشل في الاختبارات وتباني اقول دكتور ؟ حسين : هيا خليك مابجيب شي تالين اتأففت وتطالع في اللي مر بجنبها تالين : لووو سمحت لو سمحت انت هييي يووو يووو حسين مستغرررب. الرجال لف عليها مستغرب تالين : والله مدري عنك تفهم عربي ولالا بس جبلي هذي البسه ( تأشر على البسه) الرجال مو فاهم شي حسين عصب واتوجه للبسه : انا حجيبها بس لاتقولي لاحد ثاني تالين استغربت ( في قلبها) خيررر ذا كمان يتأمر بس على جمالك ورزتك انا صابرة حسين شال البسه بطريقه غلط واعطاها تالين الرجال مشي وسابهم ... تالين تمسك البسه : هييي انت مو كذا حرام عليك شيلها من هنا ( توريه كيف) لا وكمان منت داري ليش ترسب حسين مو داري ليه عصب : طيب شكرا فتح كتابو بدون نفس ويقرا تالين طالعت فيه وحزنت عليه؛ حسين انا اسفه ترا ماكان قصدي ازعق او اغلط عليك اسفه والله حسين فرح بأسفها بس مابين ..قفل الكتاب ؛ طيب عادي انا بدخل الاختبار وانتي استنيني هنا تالين خايفه : وبتخليني لحالي؟ حسين ؛ ها اجل ادخلك تختبري؟ تالين : طيب بس من بعيد والله مستحيل اجلس هنا ا حسين قاطعها؛ طيب طيب دقيقه بشوف الدكتور اول اذا ينفع ولا لا دخلو الجامعه ووقف عند غرفه الدكتور ودق الباب الدكتور : اتفضل حسين دخل ودخل تالين معاه الدكتور يطالع وابتسم حسين : صباح الخير الدكتور: صباح النور تالين مستتحيه وماتطالع حسين فهم الدكتور حاله تالين وانو مضطر يخليها عندو الدكتور وافق واشترط تكون برا القاعه عند الباب والباب زجاج عشان لاتخاف مشيو للقاعه وفعلا حطها ورا الباب : ها تمام؟ تالين ماتبا تشغلو عن الاختبار : ايوا تمام حسين قلقان عليها: طيب انتبهي علي نفسك وخلي اللقافه ولاتكلمي احد تالين : اقول ادخللل اختبارك بس حسين اتأفف ودخل تالين تصلح طرحتها وتطالع في اللي داخلين القاعه : ياربي كلهم شقر خلاص طفشت ابا اشوف احد اسمر غير ذا اللي معايا ( في قلبها) انا ليش اعاملو كذا؟ ياربي هوا مؤدب ومايغلط عليا بس مو ذنبي والله مو ذنبي ( افتكرت رائد) قاعده عن المرايا ومتزبطه على الاخير بس نفسيتها متحطمه تماااما جوالها يدق... ماريا: الو ربا : اقلك متى نجي احنا ترا تعبانه بنام مني فاضيتلك ماريا: تعالي على الظهر او قبل بشويه ربا : ذحين الساعه كم ؟ ماريا :ظ،ظيمنع الا ربع ربا : طيب سلام بنام ماريا بردة فعل سريعه : استتتتني استتتني ربا : اشبك؟ ماريا: تعالي ايش صار امس ماحكيتيني ربا : انقلعي اقول على بالي عندك سالفه ماريا: اخلصي عليا ايش صار؟ ربا : اسمعي تالا تناديني بعدين بعدين سلام قفلت الخط ربا عصبببت : انا اورررريك قال تالا تناديني ربا قفلت وهيا مبتسمه تالا بين النايمه والصاحيه فرحانه ومهي مستوعبه شي وبالها مع احمد بس ربا خرجت من الغرفه بشويش واتوجهت لغرفه وليد دقت الباب ودخلت وليد منسدح وحاط يدينو ورا راسو ويفكر .... ربا جلست على طرف السرير : هيي وليد طالع فيها بعينو بدرن مايحرك راسو ربا : اهرجك انا وليد: سامعك ربا : ذحين احمد لما كلمك امس ايش قلك؟ وليد : وانت ايش لك صلاح؟ ربا اتنرفزت : هيي انت احترم نفسك معليه اخلاقك بذييئه وليد: ارحمينا يالاخلاق الكريمه ربا : اقول اخلص عليا ايش قلك وليد: قال بيقابلني في مركز مدري ايش يشتغل فيه ربا بلعت ريقها ماحتقدر تاخذ راحتها ابدا : طيب ليش ماتستناه يخلص شغلو ويجيكم وليد: ايوا اصلا انا قبل امس شايفو فعادي يعني حستنى لين يخلص شغلو ربا: طيب لاتتريق اعرف ترا اكثر من عشرة سنين بس قلت يمكن الرجال مشغول يمكن شي وليد: ربا ربا ؛ نعم وليد: قومي اطلعي برا ربا وجهها سخن وماعرفت ايش تقول وليد: قومي بالله لاتسبيني ولا اسبك ربا وقفت من القهر مهي عارفه ايش تسوي سحبت جوالو ورمتو في الارض ونزلت من الغرفه وليد عصب من حركتها واتوعدلها ... تجرري على غرفتو وفتحت الباب بدون ماتدق ... انفجع من دخلتها : بسم الله ريم جريت علي ابوها تبكي : مابااا اروووح الله يخليك ابو ريم حضنها : ريم حبيبي هدي يابابا هدي ريم : مابا الله يخليك ابا اجلس هنا ابو ريم: طيب خلاص محد حيغصبك خلاص بس انتي هدي ريم تمسح دموعها وقامت بدون ماتتكلم وخرجت من الغرفه .. تمشي في الممر ( في قلبها ) كيف بالله ارجع لتالين كيف والله نفسيتي مافي اخس منها استغفر الله امي من جهه وذا الرائد ما ادري اذا حيسافر ولا لا ... دخلت غرفتها ورمت نفسها فوق السرير ونااامت من التفكير والهم .... نزل يفطر مع ابوه ... نازل من الدرج : صباح الخير ابو رائد : صباح النور رائد جلس على الطاوله : يالله من زمان عن ذا الفطور ابو رائد: انت على نفسك محد قلك اتشرد من مكان لمكان رائد : امم ( يكمل اكل ) ابو رائد: اسمع اليوم تروح تناديلي اصحابك رائد وقفت اللقمه في حلقو (يكح) ابو رائد: اشبك بسم الله ( ناولو المويه) رائد يشرب ويفكر فيهم: احم احم مين قصدك ؟ ابو رائد: ياسر وانس يعني مين وبعدين انا مدري انت كيف متعرف عليهم الشباب باين عليهم اخلاق وحقون شغل والله لو مو متوظفين بوظفهم اذا سوولي اللي ابغاه رائد انفجع؛ نعمم؟ انت تتكلم عن ياسر وانس ؟ ابو رائد: اجل على مين ياولد ؟ رائد( انقهر): اممم لا ولاشي ابو رائد: ولا اقلك اديني ارقامهم بالله انت ماحتخارجني رائد: يا ابويا وانت ليش مهتم فيهم اول مرة اشوفك مهتم في احد كذا ابو رائد : مو شغلك رائد وقف: الحمد الله شبعت ابو رائد: اشبع بكيفك جيب ارقامهم وبعدين روح رائد : بعدين بعدين يا ابويا انا حكلمهم خلاص نزل بسرعه واتوجه لبرا البيت يمشي في الحديقه ويفكر في تالين ايش ممكن صارلها السواق شافو اتوجه للسيارة وجابها لعندو وسلمو المفتاح رائد دخل : افتح الباب بسرعه الحارس فتحها رائد متكشخ على الاخير جوالو يدق ... رائد يطالع ورد بسرعه : نعم انس: نعم الله عليك رائد: اخلص ايش تبا ؟ انس : افاا والله اشبو الحلو زعلان رائد: بطل بالله شغل البزرنه ايش تبا؟ انس : لا ولاشي بس كنت بقلك اليوم ياسر بيجيني الجامعه رائد ضحك : وانت من متى تدرس ؟ انس: من بعد ماسافرت انصلحت اعوذ بالله انت كنت خاربني رائد: اقول لايكثر وايش المطلوب؟ انس: ياذكاء انا في مركز وداخلو الجامعه واليوم في جامعه بنات بيسو افتتاح مشاريعهم رائد: مزز؟ انس : مالت عليك وذا اللي هامك رائد: اجل يهممني وجهك الجميل؟ انس : اممم ايوا على كيفك انت تعال ولو ماعجبك امشي بس اقلها نشوفك صراحه انا ما اضمن الاقيك في البلد رائد ضحك : طيب طيب ومتى اجيكك؟ انس يطالع في اللي داخل : انت كلم ياسر وهوا يقلك وأسالو على المكان كمان انا مشغول شويه يالله يالله سلااام ( قفل الخط) رائد: مالت عليك يال..... اتصل بياسر واتفقوا .... انس اتوجهلها : صباح الخير ماريا بدون ماتطالع فيه؛ اهلا انس: كيفك ؟ ماريا : معليه انا مشغوله ذحين انس : ياهو ترا بباركلك بس لاتحسبي ميت على كلامك ماريا: الله يبارك في شغلي ومجهودي (مشيت) انس علا صوتو : البركه في غرفتي يادكتور احمد ماريا لفت عليه بعصبيه وجات قبالو : احترم نفسك في ناس حوليك انس: الا ايش اخبارو نزل من السجن ولا؟ ماريا : انا ايش دخلني روح أسألو انس: افااا بس اتزاعلتو؟ ماريا اتأفتت : ناااس فاضيه مشيت بسرعه وسابتو انس مبتسم وناوي يطفشها اليوم ... دخلت الغرفه حطت اغراضها وبدأت تحط اخرر اللمسات والترتيبات وتعطر الغرفه وتجهزها على الاااخر في الطريق ... جوالو يرن ... اخذ الجوال ورد : ياهلا والله ربا بخوف: امم اهلين احمد :كيفك ان شاءالله طيبه؟ ربا: الحمد الله .. اسمع بقلك انت ايش قلت لوليد؟ احمد: عن ايش؟ ربا : يعني عن ايش مثلا ؟ احمد : ااا قصدك على تصريفتك ؟ ربا ضحكت : ايوا احمد: لا افا عليك خلاص ماعليك صرفتو وبس ربا اتحمست :كفو والله طالع على بنت خالتك احمد ضحك: مدري مين اللي طالع على الثاني ربا ضحكت : طيب المهم خلاص حنلتقي في الجامعه ؟؟ احمد: ايوا ان شاءالله .. امم ربا ربا : نعم؟ احمد : بالله خليك معايا والله احس اللحظه اللي حشوفكم فيها كذا صدمه عليا ابا احد يوقف جنبي ربا : افا والله دكتور وخواف؟ احمد: بسم الله ايش دراك اني دكتور؟ ربا اتفشلت : امم لا يعني انت حتكون في المركز ليه طبيعي عشانك دكتور احمد: ايوا انت ليش جايه ؟ ربا : حسبي الله على بليسك ماتباني اجي؟ احمد ضحك : لا مو على كذا بس من قبل مانتفق على المركز قلت طبعا بتجي ربا: اها لا بس صحبتي هناك وعزمتني احمد: اممم تالا صحيت .. ربا : طيب يالله على خيرر احمد : ان شاءالله ربا : مع السلامه احمد : مع السلامه تالا تتثاوب : تكلمي مين؟ ربا: ماريا تالا: امم ونعم الصادقه ربا : خيرر حبيبي اشبك ؟ تالا: من متى تقولي لماريا يالله على خير ربا اتفشلت: امم اليوم بس عشان اعطيها معنوياات تالا: ليش ايش في اليوم ؟ ربا : ياارباااه انت منتي مع العالم تتالا: يحقلي يختي ربا: اقول اليوم الافتتاح حق المركز وكذا تالا: اهااا يسعدها ربي مررة كان نفسي احضرو بس يالله نشوف الصور بعدين ربا: اممم ان شاءالله تالا : فين ابويا وعمي ؟ ربا : ابويا راح المطار تالا انفجعت: متى ماشاءالله لسا استقبلنا قبل كم ساعه ؟!! ربا : يقول شغل ضرورري مررة وراجع ماحيطول تالا : امم ربا : وعمي في المجلس تالا وقفت : انا حروح اشوفو وبالله قولي لوليد متى حنروح عند احمد؟ ربا: ترا رايحين بعد الظهر تاالا بتتشقق من الفرح قامت وحضنت ربا : والله مني مصدقه شوفي كيف يداتي ترجف ربا : حشا والله لو توم كروز تالا ضربتها في راسها : هيي انت هذا احمممد اولا وثانيا ترا ماتو اللي يقولون توم كروز تالا قامت ورايحه لابوها ربا قامت للحمام متحمسه لليوم ايش بيصير فيه تالا نزلت ولابسه طرحتها مرت من غرفتو ومشيت بخطوات سريعه من عندها وخرجت للمجلس دقت الباب ودخلت ابو احمد : السلام عليكم ورحمه الله .... السلام عليكم ورحمه الله ،.... تالا جات لعندو وسلمت على راسو : تقبل الله ابو احمد : صليتي الضحى ؟ تالا : امم لا ابو احمد : روحي صليها وادعي ربك وبعدين تعالي ابغاك تالا : ان شاءالله تالا خرجت من المجلس ودخلت جوا نازله من المطبخ : ياهلا والله صباح الخير تالا : هلا خالتي صباح النور ام وليد : تعالي حبيبتي افطري قبل ماتروحو تالا : طيب ياخاله بس بصلي الضحى وبجي ان شاءالله ام وليد ابتسمت : الله يتقبل يابنتي وبالله اسحبي التحفه اللي في الغرفه معاك خليها تصلي مهي لاصلاه ولاعباده تالا تضحك : ان شاءالله يطالع في الورق اللي قدامو ويحاول يعصر مخو اسئله كثيرة ماحلها ... اخذ نفس ويطالع عند الباب بتسريح ... بعد ثواني عيونو كل مالها تنفتح اكثر واكثر : تاااللين الدكتور واللي في القاعه يطالعو فيه حسين رفع يدو : اعتذر ( اشر للدكتور) الدكتور جا عندو حسين : لو سمحت البنت اللي كانت على عربيه اللي قلتلي احطها عند الباب مهي موجوده الدكتور : دقايق انا حشوفها الدكتور اشر لمساعدو الدكتور فتح الباب ويطالع يمين ويسار مافي احد والممرات فاضيه رجع للقاعه واشر لحسين حسين انفجع وقلبو مو معاااه مو عارف فين راحت واختفت فجاه حسين استأذن من الدكتور الدكتور : لو خرجت انت المسؤول وبلغي اختبارك منت حال شي حسين مو معاه ابدا : دكتور الله يخليك انا حعتمد على اعاده بكرة بس والله ما اقدر اسيبها ضروري لازم اشوفها الدكتور سمحلو وهوا المسؤول .. حسين يمشي بخطوات سريعه : ياررربي وين راحت يطالع يمين ويسار يسأل اللي ينظفو ومحد شافها اتوجه للحمامات استنى اي بنت تنزل وبيسألها واخيرا نزلت حسين سألها : لو سمحت ماشفتي بنت بالعربيه لابسه حجاب وكمل وصف ....... البنت تحرك راسها يمين ويسار : لا حسين هنا خلاااص زاد خووفو : ياربي ايش اسويبها حتى جوال ماجابتو خرج للحديقه يدور ورجع دخل جوا ويسال ويسال فتح الاصنصير وطالع الدور اللي بعدو خرجت من الاصنصير وفوق رجولها بسه صغيررة ووراها دكتورة تدفها ومبتسمه تالين تطالع : خلصت اختبار؟ حسين مسح على وجهو بيدينو بقوه واخذ نفس جاامد تالين : اشبك رسبت كمان؟ حسين سكر الدكتور ودفها وهوا واصل حدو مو قادر يكلمها تالين مستغربه وساكته ومتوقعه السبب الاختبار حسين خرج من الجامعه ووقف تاكسي ودخلها بدون مايطالع فيها حتى تالين دخلت واتنرفزت من اخلاقو: هي انت ترا ماصار اختبار وبعدين انت تقول دايما ترسب خلاص ايش حتسوي نصيييبك كذا حسين : اكرمينا بسكوتك بالله تالين : احلف؟ مع نفسسسسك وهذا جزاتي اواسيك انقلع بالله حسين : رسبت بسببك تالين انفجعت : وانا ايش دخلني؟ حسين : كم مررة نبهتك وقلتلك للاتتحركي خرجت من الاختبار ومني حال شي لما ماشفتك عند الباب ايش اسمي اللي سويتيه استهتار ولا شغل بزرنه؟ تالين : اولا شفت دكتورة وهي حامله ذي البسه واشرتلها وجات وبالقوه كلمتني انجليزي واخذتي معاها فوق ورتني بعض الحيوانات وبعدين انا طفشت فطبيعي اروح معاها حسين: لا بالله وانا ايش درا اهلي مو احد خاطفك ؟ تالين افتكرت وحست بخوفو عليها ( دموعها نزلت ) حسين ساكت وماشافها وقفت السيارة تحت المستشفى .. حاسب الرجال وفتح الباب بيخرج تالين يطالع فيها وهيا تشهق بدون صوت وتمسح دموعها حسين انفجع وحطها في العربيه ويمشي معاها لداخل المستشفى حسين كسرت خاطرو ونسى في لحظه انو رسب عشانها : تالين انا اسف ماكان قصدي ازعلك و تالين قاطعتو : لاعادي مو ذنبك انا اللي اسفه رسبتك في الاختبار حسين: امم لاعادي متعود على قولك دخلها غرفتها ومانادى النيرس حتى حطها على السرير: طيب تامري بشي؟ تالين موطيه راسها ووجها احمر من البكاء : لا شكرا حسين : اوهو صرنا نقول شكرا تالين : لاياشيخ من يومي ذوق ترا حسين : وانا اشهد تالين:تتريق ياحضرة الدكتور الراسب؟ حسين ضحك : بسم الله عليك يالجامعيه الناجحه انتي حتى جامعه ماكملتيها تالين وطت راسها وملامحها اتحولت للحزن حسين انتبه : امم انا اسف تالين : لاعادي حسين : تاالين اذا تسمحيلي ممكن سؤال؟ تالين : امم؟ حسين : انت صارلك حادث ولا ايش بالضبط؟ تالين افتكرت طيحتها واللي صار فيها (دموعها رجعت تنزل ) حسين : خلاص خلاص اسف مش لازم تحكيني انا ذحين رايح واجيك الليل ان شاءالله اجيبلك الاشياء اللي تبغيها ... اتوجه للباب بيخرج تالين: حسين حسين لف عليها : نعم؟ تالين اشرت على الكنبه : تقدر تجلس وحقلك حسين اتردد مو متعود يتواجد مع بنت لوحدهم في غرفه: امم طيب تالين تتكلم ووموطيه راسها : بس اباك توعدني وعد انك تفهم كلامي مزبوط وتخليني اخلص كلامي حسين : طيبان شاءالله تالين : في يوم عيد ميلادي اتصل عليا واحد وقال انو عندو طلبيه ويباني انزل اخذها ومايقدر يسلمها لغير صاحب البيت انا وقتها ماكنت فاضيه ابدا وبس ابا اخلص قلت طيب ونزلت بسرعه حسين حس انو وراها قصه فانسجم اكثر ... تالين : لما نزلت ادور لقيت سيارة عاديه وداخلها واحد قلتلو فين الطلبيه قلي ورا اباك تشوفي ايت وحده لما رحت دفني ودخلني بالقوه في شنطه السيارة وانا طبعا ماخليت صراخ ولابكا ولااي شي ماسويتو جوالي ما اخذته ولاشي وما ادري وين بيوديني ولا ادري مين هذا وبنص الطريق اغمى عليا ومافتحت عيني الا وانا على سرير حسين فتح عيونو مفجوع تالين : المهم كان محد في ذا المكان غيري انا وياه كانت حالتي حاله جلست ثلاثة ايام بكااء وبدون اكل كنت تعبانه واشوف الموت قدامي حسين : سوالك شي؟؟؟؟؟ تالين ؛ في اليوم الثالث حاول يقرب مني وانا الحمد الله قدرت ادفو وهربت جهه البلكونه وساعتها مافكرت في شي غير اني اهرب منو ولو مت افضل اني اعيش حسين بلع ريقو : نطيتي؟؟؟؟؟؟؟؟؟ تالين حركت راسها بايوا حسين : طيب وبعدين؟ تالين : مادريت بنفسي ولاحسيت بشي دخلت في غيبوبه مدري كم يمكن اسبوعين يمكن ثلاثة يمكن شهر المهم من يوم طحت مادريت عن نفسي الا وانا افتح عيوني ويقولونلي اني في المانيا وكنت مع ريم حسين مو ميتوعب الحكايه : يالله هذا كلو صار فيك تالين ابتسمت بحزن : الحمد الله يمكن ربي عاقبني او يبا يحذرني لاني كنت مستهونه في حجابي ومعني مرتاحه ماديا ماكنت احمد ربي على اي نعمه واتذمرر دايما وكنت احسب السعاده بالفلوس حسين : عمر الحاله الماديه ماكانت هي السعاده انا ابويا اكيد عارفه شركتو وتجارتو نفس تجارة ابو ريم بس عمري ماحسيت ان السعاده في الفلوس بس دايما كنت اشوف عمي ابو رائد غير عننا ابويا وعمي ابو ريم يجرو ورا الفلوس من يومهم وتجارتهم ما اتوسعت بالعكس خسارة في خسارة اما عمي ابو رائد لا من كثر انو يتصدق وماهو الفلوس بس الحمد الله ربي يحبك وانعم عليك تالين : امم الحمد الله دخل المركز بابتسامه عريضه وقلق بسيط يمشي بخطوات هاديه... خارج من المحاضرة وماسك كتبو ولمحو داخل اتوجهلو بدون تردد وقف قبالو ومد يدو : هلا بالدكتور احمد بدون ابتسامه : اهلين احمد سحب يدو ويبا يمشي انس يمشي وراه احمد يمشي ويسمع خطوات انس وراه بعد ثواني ... وقف قبال الباب احمد : اشبك تبا شي؟ انس : ايوا ابا احط اغراضي وابا شي من غرفتي احمد مو قادر يتكلم لانها غرفتو احمد دق الباب وانس وراه فتح الباب تصلح مسكه الستاره : نعم ايش تبا؟ انس انقهر لانو عارف الرد عليه اثنينهم ساكتين ماريا لفت على الباب بوجه طفشان : قلتل وانفجعت لما شافتو واقف قبالها ماقدرت تنطق شي احمد ابتسم وماريا مفجوعه ... انس انقهر كل واحد عايش جو مع الثاني وومكانو غلط ( اتحمحم ) ماريا طلت فيه وابتسمت : ايوا انس تباني اخدمك في شي انس بلم واتردد : ااا .. ايوا ابا احط اغراضي بس ماريا اتوجهتلو انس مد يدو واعطاها الكتب ماريا اخذت الكتب : طيب وين تباني احطها ؟ انس يطالع في احمد اللي عينو على ماريا : خلاص عادي اي مكان .. اسف على الازعاج ( خرج يجرري ) ماريا حطت الكتب ودارت عليه : نعم اقدر اخدمك؟ احمد: اشبك؟ ماريا : اشبي مافيني شي وي احمد طلع الجوال من جيبو وحطو على الطاوله وملامحو جددديه : اتفضلي هذا جوالك كان مع انس ( خرج بسرعه وقفل الباب بقوه) ماريا مصدووووووومه ومهي قادرة تاخذ الجوال ولاتستوعب كلامو ولاتصرفها ...... جلس على الكرسي وكل فرحو وحماسو اتحطم انس يطالع فيه من بعيد واتصل بياسر ياسر : ايوااا انس خلاص قرريبين ايش جاو الناس خلاص؟ انس : الحق علياااا صارت مشكله بين ماريا واحمد ياسر : ليش؟ ايييش في؟ ايش صار ؟ انس: انت تعال وشوف بنفسك ياسر زاد السرعه .... وبعد دقايق وصل نزلو من السيارة رائد يطالع في المركز : ايش ذا اول مرة اشوفو ؟ ياسر : امشي امشي دخلو جوا ياسر اول ماشاف احمد اتوجهلو ونسي رائد رائد دخل ومو فاهم شي يمشي ورا ياسر بس الناس بدأت تتوافد والمكان بدأ يتملى بالطالبات واهاليهم ... ياسر جلس : هلاا والله بالدكتور احمد : هلا ياسر ياسر جلس انس اشر لرائد ورائد اتوجهلو انس : تعال ياشيخ رائد: ممين ذا؟ انس : هذا الدكتور المسؤول عن مشاريعهم رائد : ماشاءالله ومن متى ياسر يعرف دكاتره انس : صاحبو المهم ماعلينا تعال نتجووول رائد : ايوا والله بسم الله نبدأ رحله الاستكشاف ياسر : احمد احمد : نعم ؟ ياسر : اشبك ياهو اشبك ؟ احمد : لا سلامتك ولاشي ياسر : انت من جدك ؟ المفروض اليوم تكون اسعد انسان اهلك حتشوفهم واعمال طالباتك قدامك احمد : امم ياسر : تستهبل انت بالله استحي على وجهك طالباتك قدامك يطالعو في ملامحك فشلتتنا بالله كيف بتلقي الكلمه اصلا احمد افتكر : اوووه ماعندي ترا كلمه اقولها والله مررة مني مجمع ياسر : ليش؟ احمد : ما ادري تعبان شويه ياسر طفش: هي انت ذا كلو عشان ماريا ؟ احمد انفجع: نعم؟ ياسر : شوف لاتحسبني مني داري عنك ايش صار بينكم ؟ احمد : ايش دراك طيب!؟ ياسر : بعدين بحكيك قصه طويله احمد: اقول حكيني ذحين مني ناقص صدمات ماشاءالله شايفها طاقه صحبه مع الشباب ياسر : لالا احمد افهم حرام عليك ترا ماسوت شي ... انت هدي واسمعني (ياسر حكاه كيف عرف وحكاه موقف انس) احمد مصدوم : وخيرر ذا قلك يبا يردلها الللي سوتو ياسر : ياشيخ امسحها في وجهي هذا تجيلو طياشه احيانا بس ترا والله طيب وحق فزعات ولو كان ندل ماكان ساعدك وانت في السجن احمد : طيب انت ماشفت دوبو ايش صار احمد يحكي ياسر ياسر مقابل. الباب واحمد معطي الباب ظهرو ياسر يطالع في اللي داخل وعيونو. ترمش ويحاول يركز في الملامح احمد : هيا بالله قلي ايش افسرها ؟ ياسر مو معاه ابدا احمد : هييييي اكلمك انا ياسر : هاا ! احمد يطل مكان مايطل ياسر : اشبك انت متنح في الناس عيب استحي على وجهك تطالع في البنات كذا ياسر مو معاه مصدددوم جوال احمد يدق احمد اخذ الجوال ورد : ايوا هلا ربا ربا : احمد انا دخلت انت وين ؟ احمد وقف ويدور براسو : طيب جيتي مع مين ؟ ربا : جيت مع اخو صحبتي وزوجتو عشان ابا اجي قبل تالا ووليد وابوك هما في الطريق احمد رفع يدو : انا رفعت يدي شايفتني ربا تطالع وشافتو وطاح الجوال من يدها لما شافت اللي جنبو ياسر عين علي ربا وعين علي مراد احمد يشوف البنت اللي جايه باتجاهو وقلبو يدق ربا وقفت قبال احمد وعينها على احمد وعلى ياسر مراد وبدور مشيو وراها مراد مفجوع : انتتتووو؟ ربا بتردد : انت احمد؟؟؟؟ ياسر : انت ايش جابك هناااا ! ( انتهى البارت الرابع والعشرون الجزء ظ،) |
رد: روايه نور في غسق الدجى ( البارت الرابع والعشرون ج2)* احمد يطالع وقلبو في رجلو ابتسم : ايش في ذحين ؟* ربا ضربتو على ظهرو : والله مني مصدقه انو انت ولد خالتي ايش ذا مني فاكره ملامحك غير من الصور وانت صغير* احمد مسك يدها بقوه : والله مني مصدق عيني ايش ذا اتغيرتي ويييين كنتي بزززززره* ربا عيونها فيها دموع وفرحانه ( خرجت من الغرفه تستطلع وتشوف الاجواء لمحتو ماسك يد وحده ومهي شايفه وجهها انصدمت ورجعت خطواتها لورا ورجعت الغرفه بدون ماتنطق كلمه ) * ياسر واقف مصدوم يطالع في اللي قدامو (في قلبو): ربا بنت خالة احمد؟؟؟؟؟ ولمح بدور مغطيه وجهها واستتتتتتتغرب ( في قلبو) مستحيل مروة تغطي وجهها اصلا باين من العيون مهي هيا ابدا* وخير ماشاءالله بتجي مع ربا ( طالع في ربا وسرح وابتسم )* ربا انتبهت واحمد ساب يدها* احمد يطالع في مراد واستغرب* ربا شافت ملامح احمد : امم احمد هذا اخو صحبتي مراد وهذي زوجتو طبعا* احمد سلم على مراد ومو مستوعب شي كل مالها تصير اشياء ينصدمو منها اكثر* * ربا : طيب يا احمد بس ثواني اروح لصحبتي وراجعتلك ابا ارتب معاك قبل جيتهم لانهم قريب* احمد : طيب استناك مراد (في قلبو ) ؛ ربا هذا ولد خالتها ؟؟؟؟؟؟؟ ومين ذا حسبي الله ايش الصدفه الهم ذي* مروة : مراد مراد* مراد انتبه : ها ؟ بدور : انا رايحه لماريا تبا شي؟* مراد : لاسلامتك* بدور راحت* ياسر مشي جنبو وبدون مايطالع فيه : تخون عيني عينك* مراد بلع ريقو وغمض عيونو ماسك اعصابو لانو المكان عام ومحترم وزحمه وتصوير ومررة ماينفع للخصام ...* احمد يمشي ويطالع في الاعمال واللي تسلم عليه واللي تسألو وهوا يشكرهم وينبهر بأعمالهم* يمشي وابتسم : مسويه ثقيله ؟* البنت شمقت ...* انس : طيب رد الابتسامه واجب* البنت ؛ ياربي يألف دين من عندو* رائد: ماعليك منو ممكن نتعرف ؟ البنت : خير ايش ذاا ؟ مررريض انت؟* رائد : افاا بس وجعلناكم شعوبا وقبائل لتعارفو* البنت مشيت* انس فطس ضحك : انت مسوي توثق كلامك بادله* رائد مبسوط على الطقطقه : اصبر بالله هوا انت شفت شي؟ معنو مو مستواايا اجلس اتعرف عليهم بس عشان من زمان ماطقطقت على احد* انس: ترقع لنفسك انت ؟ مسوي الذي لايعاكس* رائد ضحك : اتكلم زي الناس بالله لا اتبرأ منك انس : امشي اقول شوف شله البنات هناك ياكلو * رائد : يالله بس يعني اننا جايين نشتري واثقل ها* انس : اقول امشي بس* شله البنات* البنت الاولى: يارباه بناات طالعو في اللي جايين* البنت الثانيه طالعت : ويين؟* البنت الثالثة ضربتها: الله يفشلك اقلبي وجهك* البنت الاولى مبللللمه والثانيه تدور* البنت الثالثة طفشت : اقول انا بقوم اتمشى وانتو خلوكم مبحلقين كذا* البنت 3 تمشي* انس يغني ....* رائد: اسكت بالله بتزعج المخلوقه ( اشر عليها)* البنت طالعت فيهم : نعم؟؟؟* رائد ابتسم : اشبك احد كلمك؟* انس جلس يضحك* البنت : قله ادب اصلا* البنات ماصدقوو جاو جري* البنت الاولى : رزان امسكي بطاقتك نسيتيها* البنت الثانيه : رزان اديني جوالي حطيتو عندك* رائد؛فاتحه *امانات حسبي الله* انس : انت شوف الشنطه ياواد جايبه بيتهم كلو* ( يتكلمو بدون مايطالعو فيهم )* البنت3: للاسف الادب انعدم شكلو من فئة الشباب* رائد: لووووو سمحتي لاتعممي* البنت 3 : احد كلمك!* رائد: اهاااا اوووووووووكي ماي جبهه* البنات مشيو وفيهم ضححححك* انس قدو عند ياسر شرد* رائد انسحب من المكان بهدوووء ويطالع الاعمال املا في استعادة جبهتو ....* تطبل على الباب ودخلت* مترت الغرفه تمتير : لالا ما اصددددق هذا يطلللللع منك اصلا عادي هذي خبراتي وانا اتبرعتلك بيها* ماريا جالسه على السرير وتقلب في جوالها ومسرحه* ربا جلست علي السرير بقوه* ماريا انفجعت : بسم الله* ربا غمزتلها : تفكري في ولد خالتي؟* ماريا تقلدها ؛تفكري في ولد خالتي ؟؟ اقول انقلعي بالله من زينك انت وولد خالتك* ربا : ها ها لو سمحتي مدامي بنت خالتو معناتو للجمال عنوان* ماريا تطالع فيها باشمئزاز : ربا قومي اطلعي برا مرررة مني فايقتلك* ربا : مااريا اشبك؟* ماريا مقهوورة : ولاشي خلاص امشي لازم تنفتح الغرف ذحين* ربا قامت : طيب* ربا فتحت الباب : بسم الله* انس: شايفه جني؟* ربا افتكرت نفسها وجلست تضحك* انس ابتسم ما اتوقع كذا رده فعلها* ربا شافتو مبتسم كشرت : لو سمحت بعد بمر* انس : بسم الله دوبك مبتسمه* ربا : وانت ايش دخلك ؟* انس : اقول انت اللي بعدي هذي غرفتي وابا ادخل* ربا ما اتوقعت يكون من الايتام : اها طيب اسفه* خرجت* ماريا تلم اغراضها وخارجه ..* انس: شكرا على اللي سويتيه* ماريا طالعت فيه باستغراب : ايش سويت ؟* انس : لا بس انو شلتي كتبي بكل ذوق وكذا* ماريا : اهاا* ( خرجت وماعبرتو )* انس : اعوذ بالله ايش البنات ذولا نفسيااات* معليه ربا تمشي وجنبها ماريا : وين بدور ؟* ماريا: ما ادري خرجت قالت شويه وراجعه* ربا :اهاا* ربا : طيب يالله خلينا نلحق ذحين شويه وتوصل تالا* ماريا : بكيفك روحي انت* ربا: ماريا بلاهباله بكيفك بتفوتي لحظه زي كذا ؟؟* ماريا : انا مشغوله ذحين سلااام* ماريا راحت* ربا واقفه مصدومه ( في قلبها) ايييش هذا ذا كلو عشان ماقلها انو عندو اهل ؟ والمشكله احنا اهلو ...* ربا تدور احمد* ماصدق شافها جا باتجاهها : احمم* ربا طالعت فيه* ياسر : اممم ماشاءالله ايش الصدف هذي ؟* ربا ابتسمت : امم ما ادري* ياسر : امم ربا ابا منك طلب* ربا استغربت ؛ ايش؟* ياسر : كلمه احمد اللي بيقولوها مو مرتبها فتحي ترتبيها معايا؟* ربا : انت تعرف احمد؟* ياسر ابتسم : هذا صاحب الطفوله كيف ما اعرفو* ربا : والله انا انفجعت لما شفتك معاه* ياسر : بسم الله عليا انا اللي ما انفجعت لما شفتك بنت خالتو* ربا ضحكت* دق جوالها ....* ربا : الو ايوا وليد* وليد : ها وينك ؟* ربا تجرري تدور لاحمد :وصلتو ؟؟؟؟؟* وليد : ايوا داخلين احنا* ربا : خلاص جااايتكم* وليد قفل* ربا تدورلو واتصلت عليه ....* الجوال يدق ومايرد* ياسر يناديه : احمممممد* احمد لف : نعم ؟* ياسر : شايف ربا ؟* احمد استغرب : ايوا ؟* ياسر : روحلها بسررررعه تراها تدورلك* احمد راح باتجاهها* ربا تدور بسررعه : ياربي وين رااح* احمد : ربا اشبك؟* ربا مسكتو من يدو : امممممشي معايا* احمد يمشي ومو عارف فين موديتو ربا : اشبببك ياهو اصبري شويه* ربا تسحبو للبوابه : بسررررعه يا احمد* احمد : طيب استني باخذ نفسي اشبببك ؟* ربا وقفت ورا احمد : خليك واقف هنا* احمد لف راسو عليها : انت اشبك ؟* ربا ابتسمت : طالع قدامك* احمد لف راسو* ربا تأشر بصباعها على احمد* وليد اتقدم خطوة : احمد؟* احمد يطالع في وليد ومو قادر يبتسم* وليد بعد* ابو احمد اتقدم بخطوات بطيئه : ااا احمد؟؟؟؟* احمد مصدوم ومو قادر يتحرك* ابو احمد جررري على ولدو : احمممممد* ( حضنو)* احمد مااتحرك ولارمش بعينو* كلهم يطالعو* ابو احمد يبكي من قلبو : اااه ياولدي يا احمد وينك يا احمد وينك الحمد الله يارب* دمووعو على ملابس احمد تنزل* احمد عيونو دمعت دمعه ورا دمعه ورفع يدينو وضم ابوه ويبكي* ابو احمد يبكي من قلبو* ربا تطالع وتبكي* تالا مغطيه يداتها بعيونها وتبكي : الحمد الله الحمد الله* وليد موطي راسو* الناس يمرو ويطالعو* واللي بعيد مشغول ومو داري عن الدنيا* والمكان زحمه *احمد يسلم على راس ابوه ويدو ويطالع فيه : ابويا* احمد من زمان ماحس بهذي الكلمه كبر ويقولها ومايحس فيها* ابو احمد : ياعيون ابوك* احمد : ابويا اشتقتلك وينك يا ابويا ضعت بدونك* ابو احمد يبكي ويحضن ولدو وكلمات الاه تطلع من قلبو* مرت ثواني ..* ابو احمد بعد عن ولدو ويمسح دموعو* احمد مد يدينو وعيونو فيها دموع : تالااا* تالا رفعت راسها ورمت نفسها في حضن اخوها وصوت بكاها ماينسمع* احمد مبتسم بين دموعو : والله وكبرتي وصرتي طولي يا اختي* تالا : واخيرا جيت واخيرا رجع سندي* احمد يمسح على ظهرها : رجع ياتالا رجع* تالا بعدت عن حضنو وجات جنب ربا* احمد ابتسم اكثر : حيا الله ولد الخاله* (حضن ووليد )* وليد ابتسم : الله يحييك* حاضنين بعض بقوة* احمد : والله وصرنا رجال* وليد : احلف ؟* احمد ضحك* احمد مسك ابوه ومشي معاه وتالا ماسكه يد اخوها* ربا تمشي وراهم ومبتسمه ومسحت دموعها* وليد مر جنبها : شوفي الاخت تحضن اخوها مو زيك* ربا : انقلع* وليد يضحك : امشي امشي بس* ابو احمد جلس وولدو بجنبو وربا جنبهم* وليد وتالا واقفين قدامهم* ياسر يطالع فيهم من بعيد ويبا ربا تطل فيه باي طريقه* ربا مارفعت راسها* ياسر قرب منهم وكح ..* ربا رفعت راسها بسرعه وانسحبت من المكان بشويش* ياسر : الحمد الله على سلامه احمد* ربا : الله يسلمك* ياسر : طيب اسف قطعت الجلسه عليكم بس باقي دقيقتين ويقول احمد كلمتو وهوا مو داري عن الدنيا* ربا : طيب ايش نسوي !* ياسر مسك ورقه وقلم : يالله فكري في كلام نكتبوا* ربا مستحيه وفي بالها مروة وحاسه انو لعاب : طيب اكتب انت انا رايحه معليه* ربا بتمشي ... مسكها من يدها : ربا استني* بالله اقلك انا فاشل ما اعرف اكتب شي* ربا : لو سمحت سيب يدي وبعدين مين قلك اني اعرف اكتب* ياسر ساب يدها : اقلك اكتبي معايا ذحين اي شي وبعدين روحي اشتكي عليا عند ولد خالتك* ربا اتأفتت : بعد طيب* ياسر بعد* ربا مسكت القلم وبدأت تكتب سطر ورا سطر ياسر يحاول يقرأ* ربا قفلت القلم : خذ* ياسر يقرأ الكلام وضحك : ماتعرفي تكتبي ها ؟* ربا : مجالي اعلام ايش تتوقع مني؟* ياسر : طيب لايكثر يالاعلاميه وروحي اديها ولد خالتك* ربا ؛ روح انت* ياسر : نعم ؟* ربا : مابا استحي* ياسر : الله الله تستحي وقبل شويه ماسكين يد بعض* ربا : لحظه لقا بعد عشرة سنين ايش تتوقع* ياسر : ايوا رقعي رقعي* ربا : انت ايش تبا ؟* ياسر : شوفي بما انو الصدف جامعتنا معانتو حظي معاك حلو* ربا :ها ؟* ياسر : اقوولك بعدين بفهمك امسكي اعطيها احمد* ربا سحبت الورقه لاتفهمني شي ترا اخويا هنا تبا تذبحني انت ؟ وبعدين مررة مطيح الميانه وانا اصلا كتبت ال ياسر قاطعها : ربااا امشي بالله كلامك كثيررر روحي اديه الورقه بعدين تعالي خاصميني* ربا اتأففت ومشيت* الايتام وذوي الاحتياجات الخاصه نزلو* انس بدأ يرتبك رائد مو عارف انو يتيم ولاعارف انو ذا مركز ابوه .....* انس : امم خلاص طفش ايش رايك نروح* رائد يطالع في *جمال البنت اللي جالسه على الكرسي ومبلم* انس: هييي امشي نروح* رائد افتكر تالين : لا اصبر ابا اشوف ردت فعلهم لما يشوفو غرفهم* انس : انا حروح شويه وجاي* رائد مارد ورجع يطالع في البنت ويتخيلها تالين ....* رجل الاعمال ابو رائد وقف ومسك المايك وبدأ يتكلم عن المركز ويعرف عنو : السلام عليكم * انا مدير مركز ..... يشرفني حضوركم في البدايه بعرف عن المركز باختصار *هذا المركز جزاه الله خير رجل الاعمال الكبير : عبدالله ...... وحب ينشر الخير ويساعد الناس (وجلس يبين ايش في المركز ومتى تأسس ونبذه عنو) رائد انصدم مع الاسم : ابوويا؟؟؟* يطالع يمين ويسار يدور انس مالقيه* رجل الاعمال: يتفضل الدكتور احمد ويعرفكم على المشروع* الناس تصففق بحرارة* احمد ماسك الورقه ومو عارف ايش فيها اصلا* ابو احمد يدعي لولدو من قلبو ويحمد ربو* تالا مفتخره في اخوها وصفقت من قلبها ودموع الفرح في عينها ماجفت* ربا تدور ماريا بس مالقيتها تعبت ووقفت مكانها بتسمع كلمه احمد ....* احمد مسك المايك : بسم الله الرحمن الرحيم ( يطالع في الورقه ومو فاهم شي من الخط باين انو انكتب بسرعه* ساب الورقه وبدا يتكلم ويعبر : بصراحه هذا المشروع حبيت اجمع فيه عمل طالباتي ومشاريعهم الجامعيه والخير في نفس الوقت* فاقترحت هذي الفكرة عليهم وجزاها الله خير وحده من طالباتي ادتني افكار واقترحت انو الاطفال بنفسهم يساعدو في تصميم غرفهم باللي يحبوه وبصراحه انبهرت من اعمالهم لاني للاسف ماتابعتها اول باول لظروف خاصه بس بصراحه طالباتي ماقصرو جزاهم الله خير واتوقع هذي السنه الكل ناجح عندي ( يتكلم وهوا مبتسم)* والاهالي صفقو من قلبهم )* رجل الاعمال مسك المايك : اسمحولي اكرم الطالبات على الجهد اللي سووه بهذه التذكارات البسيطه من المركز ومن سكانو* الدكتور احمد ....* احمد وقف واستلم التذكار والفلاشات ماليه المكان والتصفيق من سكان المركز والحاضرين ....* وجلس يعدد اسامي الطالبات وتطلع تستلم جائزتها من دكتورها ...* اسم ورا الثاني لين وصل لاسمها ...* ماريا .....* ربا وتالا يصفقو وربا تصفففر* مراد وبدور يطالعو مستنينها تطلع ومو عارفين مكانها* ماريا تزبط طرحتها وطلعت* ربا رجعت تصففففر* احمد مدلها التذكار* ماريا مسكت التذكار وطالعت في الحضور وابتسمت غصب عشان الصور* احمد بدون مايبتسم : مبروك ياطالبتي* ماريا : الله يبارك فيك يادكتوري* ماكملت جملتها وعيونها بدأت تتملى دموع* نزلت بسرعه* احمد حس فيها ونفسو يتفاهم معاها *لكن مضطر يخلص التكريم ....* ربا حاولت تلقط مكانها ومشيت بسررعه* ماريا اتوجهت للحمامات ومن حظها كانت فاضيه ... فتحت المويه وبدات تغسل وجهها وتمسحو* وتبكي ....* ربا تدور ومالقيتها* جا من وراها : تدوري على مين ؟* ربا لفت عليه : بسم الله فجعتني* ياسر : مسكينه محد سحب على كلمتها* ربا انقهرت : مع نفسك* ياسر ضحك* ربا : ذحين انت بتجي ورايا لين متى؟* ياسر : ومين قال اني اجي وراك* ربا ؛ وهذا ايش تسميه* ياسر : صدفه* ربا : احلف ؟* ماريا نزلت* ربا لفت عليها : ماااريا* ماريا رفعت راسها* ربا حضنتها : مبررروك* ماريا ساكته* ربا ضربتها : هيي انت اشبك ؟ فهميني اشبو مزاجك قالب كذا ؟ هذا كلو عشان ماقلك انو عندو اهل ؟هييي صحصحي ترا احنا اهلو * ياسر يطالع في ماريا : كمان هذي صحبتها؟؟؟؟؟؟؟؟؟؟* ماريا اتأففت : هذا لعاب ياربا لعاب* ربا مصدومه : نعمممم؟* ماريا مقهورة: شفتو بعيوووني ماسك يد وحده من البنات ايش تبي اكثر من كذا تبيني اضحك ؟* ربا وياسر فطسو ضحك* ياسر بعيد منهم شويه فمحد انتبهلو* ربا ماسكه بطنها : هبله ياربي هبله* ماريا معععععصبه : ترا ماقلت شي يضحك قله حيااا* ربا : انت كيف تفكري؟ ترا انا اللي كان ماسك يدي* ماريا نفسها الارض تنشق وتبعلها مهي عارفه ايش تقول : ياسلام وعادي كذا يجلس يمسك يدك ؟ اذا عندك عادي ترامو عادي عندي * ربا اعطتها كففففف : ماررريا صحصحي ترا احمد ماشفتو امس ولاكل يوم معاه عشان تلوميني من حركه بسيطه هذا شعورو من عشرة سنين فاقد اهلو ايش تتوقعي لو شاف احد منهم تبي يحط حاجز ويكلمني من وراه ؟ انت كيف تفكري* ماريا حضنتها وتبكي* ربا : هبله ياربي انا ايش مصبرني على هبالتك* ياسر يطالع من بعيد ومبتسم على كلاامها* ربا : اسمعي* ماريا رفعت راسها* ربا : روحي اعتذريلو* ماريا : لا والله* ربا : احلفي ؟ ايش تبيه هوا يعتذر ؟* ماريا : ما ادري بس ايش اروح انا والله ما اقدر اتخيلي مراد شافني تلاقيه ذحين يدورلي* ربا احتارت مهي عارفه ايش تسوي* ياسر اتحمحم : لو سمحتي اختي ممكن اكلمك شويه ؟* ربا استغربت وارتبكت : نعم ؟* ماريا تطالع فيه( ايش جابو ذا) * ربا اتوجهلتو* ياسر بصوت واطي : اسمعي انا بجيب احمد وانتي صرفي اخوها* ربا ماعندها حل غير تتعاون معاه : كيف اصرفو من جدك انت ؟* ياسر :طيب وريني شكلو وانا بتصرف* ربا : طيب خلاص انا حجيب احمد وانت صرف اخووها بس دقيقه* ياسر : ايش؟* ربا : انت ليش تسوي كذا ؟ يعني ايش حتستفيد ؟* ياسر : ربا بالله امشي انت عقلك مفرمت كم مرة اقلك احمد صاااحبي* ربا: اااهاااا* ياسر : يالله انا استناك هناك وانت خلصي معاها* ربا : طيب* ياسر مشي بعيد شويه* ربا رجعت لماريا* ماريا : ايش يبا منك ذا ؟* ربا : مدري عنو يقول كانت واقفه بجنبي بنت صغيرة ويوصفلي شكلها ولبسها وهيا ضاعت عليه* ماريا : طيب خليه يروح لاستقبال حيساعدوه* ربا : ماعليك منو المهم ترا ماباقي وقت شوفي ذحين الايتام والاطفال كلهم راحو على غرفهم* ماريا: ياااويلي اجل لازم اوقف على غرفه انس* ربا : طيب اسمعي انا بروح اجيب احمد وانت خليك عند الغرفه* ماريا : طيب بس ياويلك تورطيني وساعديني* ربا : اسكتي اصلا احمد مو داري اني اعرفك* ماريا ضحكت : حررام عليككم انت بتجلطوه اليوم بفجعاتكم* ربا : يالله يالله انا رايحه* ماريا راحت من جهه وربا من جهه .... ربا اتوجهت لياسر : اسمع انا بمشي وانت امشي بعيد شويه وبعدين بأشرلك عليه* ياسر : طيب يالله بسرعه* ربا تمشي بخطوات سررريعه وتدور مراد* ياسر يمشي وراها* ربا تدور ومالقت وقفت مكانها * ياسر يأشرلها (اشبك؟)* ربا اشرتلو (دقيقه)* مسكت الجوال واتصلت ببدور* بدور ردت : ايوا ربا* ربا : بدور وينك ؟* بدور : رايحين على الغرفه اللي مسؤوله عنها ماريا* ربا : طططييب انتو وين بالضبط* بدور جنب ثلاجه العصيرات* ربا : طيب دقيقه بجيك* ربا قفلت واشرت لياسر يمشي* ربا تمشي بسرعه ولمحت مراد* ربا جات باتجاه ياسر مرت بجنبو بدون ماتطالع فيه : اسمع شايف الرجال اللي لابس ثوب وجنبو حرمه ماسك يدها ؟* ياسر يدور وانفجججججججع : هذااااا؟* ربا: اشبك مفجوع كذا يالله روح انا رايحه لاحمد ما اوصيك اشغلوو* ربا راحت بسرعه تدور لاحمد* ياسر واقف مكانو مصدوم كيف بيتفاهم مع ذا؟* (ربا اتصلت على بدور واعتذرتلها انها خلاص انشغلت مع تالا )* ياسر مافي يدو حيله مضطر يساعد ربا لانها اعتمدت عليه وكذا ولاكذا مروة خانتو وماتباه* مشي عند مراد : لو سمحت* مراد لف عليه وكشر : خير؟* ياسر : لو سمحت ابا اتكلم معاك ضروري* مراد : ومين انت عشان اتكلم معاك* بدور مستغربه من.رده فعل مراد* ياسر : لو سمحت هيا كلمتين واذا ماعجبتك امشي* مراد اتأفف : خلاص روحي انت عند ماريا وانا جاي ....* خلصت الصلاه وجالسه تدعي ربها ....* دخلت النيرس وجلست فوق السرير* ( كالعاده من يوم صحيت من الغيبوبه وهيا كل يوم على العلاج الطبيعي )* جوالها يدق ...* اخذت الجوال : الو* حسين : مساء الخير* تالين : مساء النور* حسين ؛ كيفك اليوم.؟؟* تالين : الحمد الله كويسه* حسين : امم طيب كالعاده تبي تخرجي؟* تالين : والله المفروض تكون اتعودت على ذا الشي* حسين : طيب انا اليوم في اختبار ثاني عندي واذا نجحت فيه حتزيد فرصي للنجاح هذي السنه* تالين : طيب؟* حسين : فبما انك خبيرة حيوانات اليوم حنزلك تعلميني وتنورينا من خبراتك ضريبه رسوبي* تالين : لا بالله احلف* حسين : والله من جد* تالين : لا ياشيخ تستهبل انت* حسين : ليش ايش في ؟* تالين : مو اليوم المفروض توديني السوق* حسين افتكر : اوووه نسيت* تالين: الحمد الله والشكر* حسين : طيب ما اقدر اختبااار لازم تقدري تالين اتأففت : خير ان شاءالله يصير خير.... طيب متى جاي ؟* حسين : يعني بعد ربع ساعه كذا* تالين : طيب اذا جيت ابا اكلمك في شي* حسين استغرب : طيب ان شاءالله* تالين ؛ يالله سلام* حسين : مع السلامه افضل* تالين : ياربي انت قاعدلي على الوحده* حسين : عشان تصيري احسن وحده* تالين قلبها دق مع الكلمه : امم طيب وليش؟* حسين ؛ عشانك معايا* تالين : ويعني؟* حسين : يعني لازم تصيري زيي* تالين : ومين قلك انك احسن واحد ؟* حسين : مو شرط اكون انا احسن واحد بس اقدر اخليك احسن وحده* تالين : شوف انا مني فاهمه انت ايش تقول خلاص يالله مع السلامه* حسين ضحك : ايوا كذا مع السلاامه* تالين قفلت وجلست مسرررحه ...... فتحت عيونها على صوت القران ....* تطالع في الغرفه .... رفعت يدها بكل هدوء وشافت الابر ...* مهي عارفه هيا فين ومهي متذكرة شي....* بلعت ريقها وبالقوه طلعت صوتها : اميي .... ابويااا ... فااطمه ...* واقف قبالو مو عارف ايش يقول : اممم انت متزوج؟* مراد: وانت ايش دخلك؟* ياسر : ياولد الحلال انت اشبك كذا ؟* مراد: ايوا متزوج وزوجتي اللي كانت بجنبي* ياسر : اممم طيب ومر مراد قاطعو : انت ايش علاقتك بيها؟ ياسر : مو مهم تعرف* مراد : اجل خلاص مو لازم تعرف ايش علاقتي بمروة* ياسر (في قلبو) يالله ياربا بسرعه ماعندي كلام اقلو اياه ...* ياسر اتحمحم : طيب بس ابا اعرف انت متزوجها ولا؟* مراد : لاحول ولاقوه الا بالله .. انت ممكن تقلي مين انت؟* ياسر بدون مايحس: حبيبها سابقا* مراد انصددددم : نعم؟؟؟؟* ياسر حس على نفسو : امم اقصد قبل ماتكون متزوجه* مراد : اجل فكني انا مني حبيبها* ياسر : طيب وايش افسر روحتك وجيتك لها* مراد : شوف هوا مو شغلك انك تعرف بس انا ابا ابري ذمتي وعشان لاتفهم غلط انا ما اخون زوجتي وروحتي وجيتي على قولك عندها كلو لوجه الله واروح وارجع باحترامي واذا بتسال كيف عرفتها هي صحبه زوجتي* في مكان اخر من المركز ....* تالا تااالا* تالا لفت عليها : اسمعي قولي لاحمد يجي ضروري بس انتبهي وليد يلاحظ* تالا استغربت : احمد بيروح مع الاطفال غرفهم* ربا : تالا بالله ضروري بس شويه* تالا : طيب ايش في ؟* ربا : انت قوليلي رربا تبغاك ضروري وبس* تالا : كمممان مطيحه الميانه* ربا : تالا مو وقت اخوتك ذحين بسرعه مافي وقت* تالا : طيب دقيقه* تالا راحت لاحمد وبصوت واطي؛ احمد ربا تبغاك ضروري تقول* احمد : ايش في؟* تالا رفعت كتوفها (ما ادري)* احمد : طيب هيا وينها ؟* تالا اشرت لاحمد...* احمد: طيب* تالا : احمد انتبه وليد يلاحظك* احمد : طيب* احمد مشي لربا ...* وليد مسررح وفي بالو ميه فكرة وفكره ...* تالا كل شويه تطالع فيه وتشيل عينها خلاص ماتقدر تمشي حتى حواليه بعد ماكانت تجلس جنبو ولوحدهم ....* وليد اتوجه لابو احمد القاعد فوق الكرسي : ياعمي ماتبا ترجع البيت ؟* ابو احمد: ابا اصلي الظهر من زمان اذن* وليد: طيب قوم اوصلك ترتاح واول مايخلص احمد شغلو يجينا* ابو احمد : ليش مافي مصلى هنا* وليد يبا يصرفو : الا في بس شكلو مقفل* ابو احمد : طيب وينو احمد ابا اقلو اني رايح اصلي وبرجع ناخذو معانا* وليد: عادي هو معاه سيارة ذحين انت قوم حوديك تصلي وبرجعك البيت تتغدى وانا حروح الشغل* ابو احمد : طيب والبنات؟* وليد طفش : خلاص ياعمي مع احمد يرجعو* ابو احمد بالقوه قام مايبا يسيب احمد : طيب وينو احمد ابا اقلو اني رايح اصلي* وليد يدور براسو : شكلو مشغول خلاص انت تعال معايا وبنتصل عليه من السيارة* ابو احمد : يالله بسم الله اتوكلنا على الله* وليد ماصدق: يالله اتفضل* ابو احمد يمشي ووليد وراه* تالا تطالع فيهم ومستغربه وتبا تلحق ابوها* وليد لف واشرلها من بعيد بيدو (استني شويه)* بعد ثواني خرجو من المركز ...* وليد : استني شويه بس اقربلك السيارة* ابو احمد: طيب يالله* وليد يمشي بسررعه وركب السيارة ووقف تحت المركز* ابو احمد يركب السيارة *: بسم الله* وليد مشي على المسجد* وليد مسك جوالو وارسلها ( تالا دقايق عمي يبا يصلي بحطو في المسجد وجاي )* تالا تقرا وابتسمت وراحت لبدور ....* * في جهه ثانيه ...* ربا : اسمع احممد اباك تجي معايا شويه* احمد : وين؟* ربا : في وحده اباك تشوفها* احمد استغرب : مين ؟* ربا : انت حتشوف المهم ذحين الله يخليك اذا وريتك اياها اباك تسمعها للنهايه* احمدمو فاهم شي : طيب يالله * ربا واحمد مشيو* ربا قربت من غرفه ماريا* احمد مستغرب مو عارف وين موديتو ذي...* ربا اشرت على ماريا : هذيك اللي واقفه عند باب الغرفه* احمد يأشر ومفجوع : هذذذذي؟؟؟؟؟؟؟* ربا : احمد الله يخليك اسمع ايش حتقلك ولاتفهمها غلط ماريا صحبتي وبعدين بفهمك كل شي* احمد مالحق يرد وربا شردت* احمد اخذ نفس واتقدم كم خطوة ...* ماريا واقفه عند الباب وموطيه راسها ومسرررحه* وقف قبالها على طول واتحمحم ماريا رفعت راسها بسرعه : بسم الله فجعتني* احمد : انا ولا انس؟* ماريا ملامحها كلها حزن : احمد انا اسفه حصل سوء فهم ولازم تفهمني* احمد : اتفضلي اشرحيلي* ماريا : لما كنت في السجن جاني ياسر وانس وكانو معصبين يبو يعرفو عن اهلك شي وعلى بالهم عندي المعلومات الكافيه وصدمني ياسر لما قلي انو عندك اهل وقلي امك عايشه وعندك اخت* ولما عرف ياسر انو انا ما اعرف شي عن اهلك قلي ترا احمد يكذب عليك هوا عندو اهل واهلو مهم ميتين* احمد دوبو يفهم ...* طيب وانس؟* ماريا : انس والله انو مابيني وبينو شي ولما ابتسمت وقلتلو اديني كتبك كل ذا عشاني قهورة منك بس* احمد : بس ايش؟* ماريا : انا والله مني عارفه ايش جاب جوالي معاه ومو ذنبي لاتفهم غلط وتحسب اني اعطيتو جوالي او صار شي بيننا* احمد جلس يضحك* ماريا اتنرفزت ؛ ترا ماقلت شي يضحك* (يمشي متوجه لغرفتو يفكر في حالو وشارد الذهن تماما)* احمد: اصلا انس اللي اخذ جوالك وانت منتي داريه* ( انتبه لاسمو ووقف يسمع)* ماريا : حسبببببي الله ماكنت عاررفه انو بذي النذاله* احمد : انتي المفروض تنتبهي على اشياءك* ماريا : ياربي انا كيف ماحسيت عليه* احمد : طيب خلاص انسيه ذحين بس قوليلي كيفك وايش اخبارك والله وحشتيني ياماريا ماتتصوري قد ايش مشتاقلك* ماريا بللللللللمت مهي حاسه باللي حوليها وطت راسها وتحس الدنيا سوووداء ولاردت* احمد ضحك : مسويه تستحي ها ؟* ماريا رفعت راسها ووجها احمر : انقلع* (انس يسمع واتحطم ومشي محد فاهمو محد عارف ليه اخذ جوالها محد حاس فيه )* رائد يدور في المركز لانس يدق عليه ومايرد* اتصل بياسر ....* ياسر رد : ايوا الو* رائد: وينك انت انا ادور لحالي في مركز ابويا* ياسر : فرحان يعني انو مركز ابوك صير زيو اقلها* رائديضحك : تصدق انس ماقلي ولا ابويا قلي طبعا* ياسر عرف ليش انس ماقلو : طيب انت وين انا شويه وحجيك* رائد : قريب من الباب* ياسر : طيب دقايق واكون عندك ....* مراد : اقدر امشي؟* ياسر : ها.؟* مراد اتأفف : انت ايش تبغا ايش وراك ؟* ياسر : لالا ولاشي ايوا اتفضل خلاص* مراد مشي* ياسر في قلبو : ياشيخ رووح كني ميت علئ جلستك بس لاجل عين تكرم مدينه* اتصل على ربا بسرعه* ربا مهي عارفه ايش الرقم الغريب ذا : الو ؟* ياسر : ربا مراد راح كلمي ماريا ونبهيها* ربا مهي مستوعبه : هاا ...طيب طيب* ربا قفلت وتفكر من وين جاب رقمها* ( ياسر سجل رقمها من جوال ماريا لما اخذو انس)* ربا اتصلت باحمد بدون ماتنتبه: الوو ماريا ترا مراد جاي* احمد استغرب : نعم؟* ربا بعدت عن اذنها الجوال وشافت اسم احمد *شهقت وقفلت بسرعه* اتصلت على ماريا* ماريا تطالع في احمد اللي ييطالع في جوالو ومستغرب* سمعت جوالها وردت : ايوا ياربا* ربا.: هيييييي انت يافرحتي فيك مراد ترا جاي عندك بسرعه بعدي من احمد* ماريا انفجعت : احلللفي؟* ربا : لا استهبل* ماريا قفلت في وجه ربا : احمد اعتذر بروح اشوف اخويا ومرتو* احمد : طيب خذي راحتك* ماريا مشيت بسرعه* ربا : انا ليش دايما ينقفل في وجهي ....* يمشي بسرعه جنونيه وماصدق وصل* وقف السيارة بشكل غير نظامي من استعجالو ونزل* دخل المركز واتصل ...* تطالع في الاسم وقلبها يدق بعدت عن بدور وردت : الو ؟* وليد: تالا وينك؟* تالا : قريب من غرف الاطفال ليش؟* وليد : تعالي بسرعه جهه البوابه* تالا : ليش ايش في؟* وليد: انت تعالي وبس بعدين اسالي* تالا :طيب* وليد قفل* تالا خايفه ومهي فاهمه شي* اتصل بربا* ربا : ايوا وليد؟* وليد : ربا اسمعي اذا احد سال عن تالا صرفيه وقوليلي في الحمام في اي شي خلاص؟* ربا : نعععم؟ ليش هيا *وينها ؟؟؟* وليد : مو شغلك انتي صرفيهم وبس ياويلك انتبهي* ربا مالحقت ترد قفل في وجهها* تالا جات : ايش في؟* وليد مسكها من يدها وسحبها جررررررري* تالا مفجوعه : ولللليد اشبك ايش في* وليد مارد عليها* تالا : وليد بشويش ايش في فهمني طيب ؟* وليد فتح السيارة ودخلها قدام وقفل السيارة* ودخل السيارة وقفلها بالامان* تالا ملصقه عند الباب وبتموت خوف : هي ااانت اشبك؟؟؟؟؟؟؟* وليد شغل السيارة ومشي بسرعه جنونيه* تالا خلااص بتموت خوف مهي عارفه ايش صاير: وليد الله يخليك مابا مشاكل* وليد مايرد* تالا شويه وتبكي : وليد انا ماصدقت ابويا يرضى عليا انت مجنون ؟* وليد بدون مايطاللع فيها : تالا تحبيني؟* تالا انصدمت من السؤال : ايش دخل ذا ذحين وليد خلاص رجعني* وليد ؛ ردي عليا اول* تالا : ايوا احبك ايش رايك انت ؟* وليد ابتسم : خلاص اوثقي فيا* تالا : بس انا مابا مشاكل وبعدين فين حنروح احنا ؟* وليد يتصللل ....* تالا تطالع فيه* وليد : ايوا الو ياهلا* الرجال : ايوا نعم* وليد : ها جهزتولها الغرفه ؟؟ الرجال: ايوا حسب طلبك* وليد : كويس طيب الدور الكم وغرفه رقم ايش؟* الرجال : الدور الثاني غرفه (115)* وليد طيب مع السلامه* تالا حطت يدها على فمها ونزلت دموعها مصدومه من الكلام اللي تسمعوا ومهي قادره تنطق* وليد زاد السرعه دقايق ويوصل* وقف عند الاشارة : تالا غطي وجهك بنفس طرحتك* تالا : انت هييي ايش تبا خلاااص رجعنييي انت ايش حتسوي* وليد حس انها ماحتسوي شي* فتحلها طرحتها وحطها على راسها وبدا يلفها* تالا يداتها مهي قادرة تحركها دموعها وقفت وعيونها مهي قادرة ترمش فيهم* وليد غطا وجهها تمام وساعدتو طرحتها الثقيله* تالا مهي شايفه شي* وليد مشي : تالا اسالك بالله لاتفتحيها وهدددي وحتعرفي وين حوديك* تالا تدمع ومهي قادرة تسوي شي : وليد انت ليش تسوي كذا؟؟؟* وليد عصب *مو قادر يسوق : تالا خلاااااص انتهينا* تالا تحاول توقف بكاها بس صوت شهقاتها تنسمع* وليد ماصدق انو وصل* نزل من السيارة* تالا مهي شايفه شي* وليد فتح الباب ومسكها من يدها : تالا لاتخافي حبيبي انا ماسكك* تالا نزلت وتعبانه خلقه مانامت ابداااااا ومافيها على الفجعات تحس قلبها مو مستحمل سلمت نفسها له وفي قلبها تدعي (يارب اعطيني خيرو واكفيني شرو )* طلعو الدرج ويمشوو في الممرات* تالا تشوف بس مهي مركزة مهي عارفه وين دخلو الاصنصير ...* وليد ماسك يدها ويمرر اصابعو عليها عشان تتطمن* بس تالا كل مالها تخاف اكثر......* انفتح الاصنصير ومشي يدور على الغرفه* يمشي في الممر وقلبو يدق معاها* وصل للغرفه وفتح الباب بشوويش* تالا مشيت وقلبها بيطيح مع فتحه الباب* وليد ساب يدها وفتح طرحتها* تالا مغمضه عيونها وخااايفه تفتح وتنصدم باللي متوقعتو في بالها ...* وليد ؛ تالا افتحي عينك اشبك؟* تالا فتحت عيونها ....* وطاحت على رجلها لما شافتها تطالع فيهم : اميييييي* ( انتهى البارت الرابع والعشرون )* * |
رد: روايه نور في غسق الدجى (البارت الخامس والعشرون ج1)* تطالع فيها وتطالع فيه واتحولت دموعها لصدمه وفرح : وليد هذي امييي وليد امييييي* وليد عيونو اتملت دموع وابتسم ...* تالا في الارض ماسكه في ثوبوو : ولليددد امي ياوليد قلي انا احلم ولا صاحيه وليد امييييييييي ( تبكي من قلبها )* نزل لمستواها وحضنهااا* تالا مهي حاسه الا بالحضن يحتويها ...* ماسكه فيه وتبكي تعبااانه مصدومه فرحانه كل الاحاسيس اتجمعت فيها .....* وليد ضامها ويمسح دموعها .. تالا بعدت من حضنو ووقفها وليد* تمشي ومتكيه عليه .. وصلت للسرير ومسكت في الحديده : امييي امييي* ام احمد تطالع فيها ومستغربه : اميي فاطمه ....* تالا بكيت اكثر لما سمعت امها : امي انا. تالا يا امي تالا بنتك* وليد سحب الكرسي وجلس تالا عليه وخرج بسرعه ...* اتصل بربا اللي لقا سته مكالمات منها ...* ربا معصبه: انت وييييييييينك وووين تالاااا ؟؟؟؟؟ ترا امي تتصل ميه مرررة تقول ابوهاا عندنا في البيت ويتصل عليك وماترد* وليد مو فايق لاحد : ذحين جايين* ربا : يابرررررودك وانا حرجع مع مين ان شاءالله؟* وليد: مع احمد يالله مع السلامه (قفل الجواال)* واتوجه للدكتور دق الباب ودخل...* الدكتور : اتفضل ياوليد اجلس* وليد جلس: اشبها يادكتور خالتي هذي بنتها وماتفتكر الا امي وامها وابوها ؟؟؟؟؟؟* الدكتور : والله خالتك للاسف صار عندها زهايمر نتيجه الادويه والغيبوبه اللي دخلت فيها اثرت عليها وكويس انها تفتكر احد هيا من يوم قامت وماعلى لسانها الا ابويا وفاطمه وامي* وليد: ايوا فاطمه امي اللي هيا اختها* الدكتور : بالنسبه لصحتها وهذا اهم شي تحتاج للرعايه منكم حكتبلك ادويتها والنظام الغذائي حيكون عادي زي اكلكم لانو ماشاءالله صحتها كويسه بس طبعا الضغط اللي حتنتبهولها منو ويمكن ربي رحمها بالزهايمر عشانها ذحين اي صدمه ماحتأثر فيها ،..* وليد: امم الحمد الله ... طيب متى حتكتبلها خروج ؟* الدكتور : والله بالنسبه للخروج اعطينا يومين نتأكد من سلامتها تمام وبعدها نكتبلها خروج *ان شاءالله* وليد: امم طيب ان شاءالله* وليد قام : طيب مشكور يادكتور* الدكتور: العفو* وليد خرج ورجع للغرفه فتح الباب بهدوء* الغرفه هاااااديه ...* حاطه راسها فوق سرير امها ونايمه وامها تلعب بشعرها ومهي عارفه مين هيا .....* وليد يطالع في تالا (تعبانه وتحت عينها سواد مانامت يومين تقريبا بس كانت احلى يومين علي قلبها)* وليد خرج وسابهم ورجع البيت.....* واقف عند الباب : يالله ياماريا بسرعه* ماريا : اسمع انا بروح مع ربا هيا بتوصلني مراد : ليش طيب؟* ماريا : خلاص ياخي بروح معاها طفش انتو* مراد : الله يادنياا ذحين احنا طفش؟؟؟* ماريا سلمت على بدور : يالله يامرت اخويا سلاام* مراد: وانا؟* ماريا : انت خلي حرمتك تسلم عليك* مشيت بسرعه ماصدقت يوافق ..* واقف يطالع في الساعه : يالله ياهو اتاخرنا نادي تالا ويالله ابويا يستنى* ربا ارتبكت : امم دقايق طيب ذحين بشوفها* جات من وراها : هيي* ربا ؛ بسم الله فجعتيني* ماريا : اقلك بروح معاكم* ربا : اعوووذ بالله قطه ايش دراك يمكن احنا مانباك ؟ معلليه الكرامه معدومه* ماريا : اقول انقلعي مني مستنيه اذنك يالله وين تالا؟* ربا : اسممعي اذا سالك احمد عن تالا قولي راحت مع بدور طيب؟* ماربا: ليش وينها !؟ * ربا: مو شغلك انتي* احمد يطالع في ماريا وابتسم : ذحين. كيف انتو صحبات ؟* ربا : وانت وياسر كيف اصحاب ؟* احمد ؛ نعمم؟* ربا : ها لا اقصد انو من. زمان من المتوسط يعني* ماريا: بلاكذب من الثنوي* احمد : ذحين من الثنوي ولا المتوسط ؟* ربا : ياشيخ كلو واحد اهم شي صحبات* احمد : طيب وين تالا يالله ؟* ربا تدق ماريا* ماريا : امم تالا راحت مع مرت اخويا عشان عندهم شغل حق الجامعه وكذا ...* ربا بصوت واطي: اووف يالكذب* احمد استغرب ؛ طيب اشبها ماقالتلي وبعدين ايش الشغل ذا اللي مايتأجل* ربا : ياخي خلاص حتجي ماحتتأخر ويمكن تلاقيها في البيت قبلنا* احمد ابتسم : طيب يالله ياربا ( طل في ماريا) نشوفك على خير ياصحبه بنت خالتي* ماريا وجهها راح* ربا : لا ماريا حتجي معانا *بنحتفل فيها انا وتالا وكذا* احمد : والله؟ اجل يالله ياطالبتي* ( طل في ربا) خليك هنا يمكن الايتام يحتاجو شي ولاشي* ربا عصبببببت: انقلللع ذا الللي ناقص اقول بعد من قدامي ( مشيت وخرجت من المركز قبلهم ) * ماريا تتتتضحك .....* ااحمد : حنشوف كيف حتعرف السيارة* ماريا تضحك: حرام عليك احمد وماريا نزلو وراها ....* ربا واقفه متكتفه ومعصبه* احمد مر من جنبها : ها عرفتي السيارة؟* ربا ماردت* احمد مبتسم اتوجه لسيارتو وفتحها واشر لربا* احمد اشر لماريا على الكرسي اللي جنبو :اركبي هنا* ماريا تطالع فيه باستغراب : هناااااا؟* احمد : كوني جنبي فيها شي؟* ربا جات بسرعه فتحت الباب ودخلت : يالله ترا اتاخرنا ياروميو وجولييت* احمد ؛ ايش دراك اني احبها ؟* ماريا دخلت جنب ربا ووجهها احمممر ...* ربا : احلف؟ وبخصوص الايتام اللي يحتاجوني ؟؟؟؟* احمد يطالع ماريا من المرايا اللي عندو : هذي مو بس احبهاا هذي ... ولابلاش اخاف قلوبكم ماتتحمل* ربا : انت هيييييي ترا صريح بززياده وبعدين ماشاءالله مسرع حبيتها* احمد : والله يابنت خالتي الحب مالو وقت معين عشان يكثر يكفي انها في قلبي وعلى بالي ...* ربا اتأففت : هي انت مابتسكت؟؟؟ ترا الادميه ماتت* احمد طل ورا ورجع راسو وجلس يضحك .... جوال احمد يدق ... احمد: الو ايوا ابويا* ابو احمد: ياولدي ويننك اتاخرت ماصار. غداء ذا عشا خلاص قدو بعد العصر* احمد: حاضر يا ابويا على امرك دقايق واكون عندك* ابو احمد : يالله الله يرضى عليك انتبه في الطريق وانت جاي* احمد مبتسم : ان شاءالله* ابو احمد : مع السلامه* احمد ؛ مع السلامه يا ابويا طول الطريق وهما يتكلمو عن يومهم وصدفهم وفرحتهم وزعلهم وربا تعلق وتضحك وماريا وجهها يحمر من الحيا والضحك واحمد مبسوووط على الاخر ....* واقف قدامها متكتف : وذحين ماحتعلميني ولا ايش ؟* تالين : وديني السوق اول* حسين : لا حول ولاقوه الا بالله اقلك الليل اختبار يعني ذحين لازم تعلميني بكرة ان شاءالله اوديك السوق* تالين تتأفف : عنيد الله يعين اللي بتتزوجك* حسين : امييين ويعيين اللي بيتزوجك* تالين : طيب شوف مثلا هذي البسه حتشيلها من هنا مو تسوي كذا* حسين : امم ايوا طيب ؟؟؟* تالين جلست تتكلم عن الحيوانات وعن اللي يحبوه وكيف يتعامل معاهم وكيف يعتني فيهم* حسين يسمع بانصات ومستغرب من خبرتها* حسين : طيب ذحين ذا كلو ماشاءالله من وين اتعلمتيه ؟* تالين : خبررة* حسين : امم ماشاءالله طيب باقي بس جزء النظري براجعو ادعيلي من قلبك الله يخليك* تالين رفعت يدينها : يارررب ينجح ويتوفق ياااارب* حسين رافع يدينو : اميييين* تالين ؛ ياررب ياكريم ينجح ويوديني السوق وافتك من عنادو* حسين نزل يدو : نعممم؟؟؟؟* تالين ضحكت : اقول تراني جيعانه يالله بنروح مطعم* حسين اتنهد : حاااضر* تالين مبتسمه اتعودت عليه اتعودت كل يوم قدامها يتخاصمو يتناقرو يضحكوا يتعلمو بدأت تعيد نظرها في الرجال *... وصلو بيتهم ...* دخل مهموم طفشان اتعود على حسها حواليه تلعب تناديه بابا مراد نفسو يلعبها يلعب معاها يحضنها* بدور انتبهتلو : حبيبي ماتبا غداء؟* مراد : لا كلي لحالك مابا* بدور شالت في خاطرها متغير عليها ذي اليومين بالمرة ...* دخل غرفتو وسكر ونام ...* بدور استغلت الفرصه وخرجت من البيت .....* يتغدى هوا وياه : اسمع ابوك معد سأل علينا ولاقال شي؟* رائد افتكر :امم لا ليش؟* انس : بالله عليك ماذكر شي ؟* رائد: ااموت واعرف ايش بينكم وبين ابويا؟* انس: شكلو جاب سيرتنا* رائد : ايوا جابها ويباكم ضروري بس طفشني فيككم بس يمدح ومو داري عن بلاويكم انس : يااااشيخ ليش ماقلتلي ( اتأفف) استغفر الله بس* رائد: طيب فهمني ايش في؟* انس: قوووم قوووم* رائد: وين اصببر بكمل اكل* انس وقف : ياشيخ قوم قال اكل* رائد: اوووف طيب خلاص بقوم* حط الفلوس وقام* دخلو السيارة ...* انس يتصل بياسرر* ياسر طالع العمارة : نعم ؟* انس: وييينك ؟* ياسر : طالع البيت ليش؟* انس : ارجع بسرعه على بيت ابو رائد* ياسر: لليش؟* انس : ترا ابو رائد يبانا بس ولدو الكريم ماقلنا* ياسر انفجع : طيب طيب يالله انا جاااي* انس قفل الجواال: يالله امشي رائد: سواق ابوك انا* انس : رائد بالله بسرعه على بيتكم تبا تعرف ايش في تعال معانا وخلصنا* رائد اتأفف وحرك السيارة على بيتهم ..... خرج من الجامعه وركب سيارتو ...* مسك جوالو واتصل عليها .... * تاكل ومندمجه بالاكل وتطالع في الناس ومستمتعه* طالعت في الاسم وردت بسرعه : الووووو* محمد: ايوا الو* تالين ابتتسمت ؛ هلاا والله عاش من سمع صوتك* محمد : عاشت ايامك يا اختي* حسين يطالع فيها ومبتسم وفي قلبو ( الله يستر)* تالين : كيفك وكيف امي ؟* محمد : الحمد الله .... تالين اسمعي* تالين ؛ امم ايوا؟* محمد : انا جايلك في اقرب رحله* تالين انصدمت وماعرفت ترد* حسين يطالع فيها ومستغرب وقف اكل ويطالع فيها* تالين سااكته وماردت* محمد: الوووو* تالين : ها* محمد : اشبببك ؟ ذا كلو فرحه* تالين استغربت من شعورها المفروض تبكي فرح اشتاقتلهم ومهي مصدقه ترجع بس مهي عارفه سر الضيق هذا ؛ ايوا* محمد استغرب : تالين اشبك ؟* تالين ترقع: ايوا محمد مررة مني مستوعبه فاجأتني الصراحه* محمد: وحجيب امي كمان لاني ماحقدر اخليها وحدها الا اذا ابويا رجع* تالين : امم* محمد: هيي انتي مو طبيعيه* تالين فيها دموع : لا بس مررة وحشتوني ومني مصدقه* محمد مقفل على واحد بسيارتو ويبا يخرج : تالين اسمعي بعدين اكلمك يالله انتبهي على نفسك ولاتقولي لريم ( ضحك) خليها مفاااجاه* تالين : طيب* محمد قفل* تالين حطت جوالها بكل هدوء* حسين : اشبك؟* تالين : حسين* حسين اشر براسو ( ايش؟ )* تالين : محمد ..* حسين اشر براسو (ايوا؟؟)* تالين : امم لا ولاشي* حسين : تالين اشبك ؟ اشبو محمد؟* تالين افتكرت : ررريييم* حركت العربيه بسرعه واتوجهت للحمام ...* حسين مستغرب ومو فاهم شي* تالين تتصل عليها ...* ريم في السيارة مع السواق رايحه لرائد ...* تالين : يالله ررررردددي* ريم ماسمعت الجوال ..* تالين : اووووووف ذحين ايش اسوي اناااا ؟؟؟* ارسلتلها رساااله وخرجت من الحمام ..* حسين حاسب ومستنيها متكي على الجدار ..* خرجت وبالها مشغوول تطالع في الارض ..* حسين عدل وقفتو : تالين ؟* تالين مسرحه ..* حسين دقها : تااالين* تالين انتبهت : هاا ؟* حسين : اشببك ؟* تالين : الساعه كم ؟؟؟* حسين استغرب: نعمم؟* تاالين : حسين اختبااارك* حسين افتكر : يالله باقي عشره دقاااايق* تالين : يالله بسررررررعه* حسين جا وراها ودفها بسررررررعه* حسين وقف تاكسي ..* تاالين تساعدو وتحرك نفسها بكل قوتها وركبها السيارة* ركب جررري* السواق : وين؟* حسين : المستشفى بعدين جامعه ... تالين مافهمت شي : حسين بروح معاك الجامعه* حسين : لا محد حينتبهلك* تالين : حسين الله يخللللليك مافي وقت اشبك ومني صغيرة ترا* حسين : خلاص ودينا على الجامعه على طول* السواق غير الطريق ..* بعد دقاااييق وصلو الجامعه ...* حسين عطاه الفلوس وخرج* تالين تحاول تنزل بسرعه عشان لاتأخرو ماباقي غير دقيقتين ..* تحرك نفسها وتحرك ... طاحت من السيارة* ودار على صوت المها ....* حسين : تاااااالين* السواق نزل* تالين تحاول تحرك يداتها والحمد الله اتحركت* حسين ماسك فيها : تالين اشبك ايش يعورك ؟* تالين ماردت من الالم* حسين : خلينا نوديها المستشفى بسرعه* حسين بيحمل تالين ..* تالين تطالع فيه: حسين روح اختبارك* حسين : نعم ؟ مجنونه انتي شوفي كيف تتألمي* تالين : حسين الله يخليك عشان خاطري روح اختبارك* حسين : مستحيل اخليك* تالين : حسين اذا ليا خاطر عندك روح اختبارك انا حروح لحالي معاه* حسين : مني مطمن* تالين مسكت يدو وهوا حاملها : حسين اباك تنجح اذا مانجحت حتحطم انا مابا اكون سبب في رسوبك لاخر فرصه .. حسين ماباقي الا دقيقه وبتتقفل القاعه حسين انا حستناك في المستشفى وماحنام لين تقلي انك ناجح الله يخليك ( عيونها اتملت دموع) يمكن هذي اخر ( وطت راسها )* حسين : تالين* تالين مررت اصابعها على يدو بهدووء : حسين روح* حسين اتنهد وحطها ووصف للسواق المكان* السواق اخذ الفلوس وركب* حسين قفل الباب ويطالع من الزجاج (استودعتك ربي)* تالين تطالع فيه ونزلت دموعها وابتسمت* السيارة مشيت* حسين اخذ نفس وجرررررررررري* جري جري عمرو ماجريه من قلبو يجررري* دخل بسرعه وصدم في كذا واحد وكمل طريقو ...* الدكتور دخل القاعه ..* حسين يجرررري ومو قادر يطالع في الساعه الباب ثواني وبينقفل ...* حسين يجرررري الجامعه كبببيرة ....* الباب بدا ينقفل ...* حسين يطالع في الباب من بعيييد ..* يجرررري ويبا ياخذ نفس مو قادر ..* الباب انقفل على اصباعو* الباب طلع صوت وفتح : حسين حط يدينو على ركبو ويتنفس بصعووووبه* الدكتور وكل اللي في القاعه يطالعو فيه* حسين : الحمد الله الحمد الله* الدكتور : حسين* حسين رفع راسو* الدكتور : حتعالج حيوانين ...* حسين انفجع : وانا ناااااقص حسبي الله هوا واحد ورسوووب* الدكتور مو فاهم *: نعم؟ * حسين وطى راسو *: طيب* بدأ الاختبار ...* حسين يدعي من قلبو ويحاول يفتكر معلومات تالين...* الدكتور يمشي مع مساعدو ويسجل الدرجات بهدوء ...* دخلت وجالسه في الصاله : متى حيجي؟؟؟* الخدامه : ما اعرف* ريم اتأففت ..* يدق الباب ...* الخدامه فتحت ..* دخل : وين ابويااا؟* الخدامه: فوق* رائد مستعجل وطلع الدرج* ريم : هييييي انت* رائد انفجع ولف عليها : ايش هذا متى جيتي انتي؟؟؟* ريم: وهذا اللي هامك ؟؟؟ وينك انت ولاتسأل على تال قاطعها ونزل بسررعه : اوووووووص بتفضحيني انتي ؟؟؟* ريم اتكتفت : لا والله ؟ وهذا اللي هامك؟* رائد : دقيقه استتتتني بنادي ابويا بس وبجيلك* ريم: وماشاءالله ايش يضمني انك تجي؟* رائد: لا حشاا مجانين انتو اشبو الكل يخاف اني اختفي لذي الدرجه مهم؟* ريم : رائد بالله روح شوف شغلك ترا استناك انا* رائد: طيب حروح خلااص طيب اتوجه للدرج ..* نازل من الدرج : بدري ؟ اشبك ماطلعت تقلي ؟* رائد ؛ اهوو والله كنت طالع بس ريم بنت عمي كانت هنا ووقفت اسلم عليها بس* ابو رائد : خلاص قد قالولي الخدم* رائد اتنرفز : انا طاااالع** ابو رائد : هللا ريم* ريم سلمت على عمها : هلافيك* ابو رائد: وينك محد يشوفك ولاتزوري عمك ولاشي* ريم: اممم اعذرني والله بس انشغلت مع الجامعه* ابو رائد: يالله الله يوفقك .. انا استئذن عندي ضيوف شويه* ريم: اتفضل* ابو رائد نزل ...* ريم اتأففت : باااااين حيرجعلي* طلعت الدرج بسرعه* مهي عارفه فين جناحو حتى ...* ريم واقفه ومهي عارفه وين تروح اتأففت وطلعت جوالها ...* تطالع في جوالها مفجوعه من المكالمات* تقرأ ( ريييم الحقيني محمد حيجي في اقرب رحله ويمكن امي تجي معاه متى حترجعي ذا كلو ادويه؟؟؟؟؟)* ريم تقرأ ومفجوعه* اتصلت عليها ... ماتررد واتصلت عليه وبرضو مارد * نزلت جررري واتوجهت للخدم وسالت عن جناح رائد ...* ورجعت طلعت جرررري* تدق البااااب : راااائد افتح رائد بسررررعه رائد* رائد فتح : نعم ؟* ريم : رائد الللحق حنروح فيها رائد انفجع : ايش في؟* ريم : محمد حيسافر المانيا في اقرب رحله ويمكن مع امو كمان ايش حنسووووي ؟؟؟؟* رائد : طيب؟* ريم دفتو : ايييش طيب ؟؟؟ مجنون انت ؟؟ ترا ذي صحبتي والله لو صارلها شي ماحخليها تتنازل وحوقف معاها وبعدين زي ماغلطت صلح غلطك* رائد مسكها من عبايتها : انتي مين عشان تهدديني ؟؟؟؟؟* ريم بكيت على طول : سيبببببني يا........* رائد رماها على الارض ...* ريم سحبت شنطتها وخرجت بسرعه ....* رائد رما نفسو على السرير : اااااااه....* ريم خرجت تجررري وركبت سيارتها* السواق انفجع من بكاها ...* ريم : ودددددديني البيت* السواق اتحرك بسررعه .....* بدون مايحس مسك جوالو واتصل. ( احجزلي على المانيا )* مو عارف ليش سوا فيها كذا ومو عارف ليش ضميرو حي مع ريم وتالين ومو قادر ينساها ولا قادر مايرضي ريم ...* دخل المجلس : ياهلا والله* انس وقف : هلافيك طال عمرك* ابو رائد : وين ياسر؟ * انس : والله جاي ذحين في الطريق* ابو رائد جلس : اتفضل اجلس* انس جلس ..* ابو رائد : ايش صار على احمد؟* دخل : السلام عليكم* طلو فيه : وعليكم السلام* ابو رائد : تعال اتفضل* ياسر اتوجهلهم وجلس : اعتذر عن التاخير* ابو رائد: لا ياولدي معذور ... ايوا ايش صار علئ احمد ؟* ياسر : والله احمد التقى باهلو اللهم لك الحمد ابوه واختو واولاد خالتو* ابو رائد ارتاح : الحمد الله ... طيب وذحين وينو ؟* ياسر : والله راح بيت خالتو اعتقد* ابو رائد موطي راسو : امم* انس وياسر مستغربين من اهتمامو في احمد ..* ابو رائد : في موضوع قديم لازم يعرفو احمد* وانا حقلكم اياه عشان ما اضمن نفسي ربي يعطيني العمر ولا ياخذ منيتي ..* ياسر وانس: الله يطول عمرك ان شاءالله* اابو رائد : امين وياكم وجميع المسلمين ان شاءالله ... المهم حقلكم هذا الموضوع لاني ما اقدر اصارح احمد فيه مباشرة الا بتمهيد منكم ..* ياسر وانس يسمعوه باهتمام ...* ابو رائد : احمد يصير ولد اخويا ...* انس وياسر انفجعوا واتصلبو في مكانهم مو مستوعبين اللي يسمعوه : احمد ايش؟؟؟؟* اترمى بحضنها ...* تبكي وماسكه فيه ..* احمد : ااااه ياخاله اااه فيك من ريحه الغاليه خالتو بكيت اكثر : ياولدي الحمد الله على سلامتك والله مني مصدقه نفسي انك قدامي رجال بعد ماكنت اربيك مع وليد* احمد ابتسم ... تمسح على راسو : ادعي لامك ادعيلها* احمد دمع ومسح دموعو بسرعه : شوقو كان لامو واتحطم وانكسررر لما عرف بغيبوبتها* خالتو جلست وهيا حاضنتو ويبكو على امو .....* ربا تدقها : لاتسرحي عارفتك تتمني مكان امي* ماريا : انقلللعي انتي وتفكيرك عيب ترا عيب ربا : لا الله يخليك تعرفي العيب انتي* ماريا : استغفر الله يارب لسانك متبري منك* ربا : احد قلك تصيري صحبتي؟* ماريا : والله هذا اسوأ شي سويتو في حياتي* ربا تضحك : واتحداك تتراجعي عنو* ماريا ؛ هيا ذي المشكله* ربا وماريا دخلو الغرفه...* ربا جالسه فوق السرير* ماريا : وين تالا ؟* ربا ارتبكت : مو مع بدور؟ ماريا : احلفي ؟ تستهبلي انتي ؟ كذبتي الكذبه وصدقتيها ؟* ربا: ايش دراني وين يمكن مع ابوها* ماريا: اها وبخصوص اللي في المجلس امها مثلا؟* ربا : اوووف ياخي ماتفوتي شي انتي ؟* ماريا جلست جنب ربا : ربا وين تالا بسرعه؟* ربا : مع وليد* ماريا شهههههههقت ؛ نعمممممممم؟؟؟؟؟* ربا : انكتتتتتتمي يا..... بتفضحينااا* ماريا : كيييف وليش وويين؟* ربا : ما ادرري والله علمي علمك بالنسبه لوين* اما ليش وكيف سالفه طووويله* ماريا : بسرررعه حكي ايش مستنيه ؟* ربا اخذت نفس وابتسمت: تالا ووليد حبو بعض* ماريا شهقت : حسبببببي الله على بليسكم تااااااالا تحب وانا اخر من يعلم ؟؟؟؟؟؟؟؟؟* ربا : هي انتي كل ماقلتلك شي شهقتي ؟ خلاص ترا عرفنا انك تعرفي تشهقي * ماريا ضربت ربا بالمخده : اقول كملي وانتي ساكته* ربا : كيف اكمل وانا ساكته؟* ماريا عصبت : ربااااااااااا* ربا تضحك : طيب خلاص ( حكت ماريا المواقف والسالفه كلها باختصار )* ماريا : ااااه مافيا اشهق خلاص مني قادرة ايش ذا لااا مرة مني مصدقه انتي من جدك ؟* ربا : والله يمكن استهبل ؟ ما ادري يعني ما ادري يعني انتي اشبك؟ اجل هذا كلو اخترعتو مثلا؟* ماريا : ربا طيب وانتي ايش موقعك من الاعراب ؟* ربا ؛ فاعل؟* ماريا: اممم حسوي اني ماسمعت المهممم ليش ماسويتي شي يعني مازدتي الموضوع اكشن* ربا: ومين قلك انا مضبطتهم اصلا انا اللي خليتهم يحبو بعض* ماريا : احلللفي ؟ كيف؟* ربا بدأت تخرش على ماريا ساااعه كامله* وماريا مهي عارفه تصدق ولا لا ..... فتحت عينها وافتكرت امها .. قامت بسرعه * تطالع في امها واتاكدت انها ماكانت تحلم* سلمت على امها وتبكيي : امييييي امييي انا تالا ياامي* ام احمد تطالع فيها وتمسح دموعها : ليش تبكي؟* تالا بكيت اكثر* الدكتور دخل : السلام عليكم* تالا عدلت طرحتها : وعليكم السلام* الدكتور: الحمد الله على سلامتها* تالا تمسح دموعها *: الله يسلمك يارب* الدكتور: اعتقد ماعرفتك ..* تالا اشرت براسها لا وملامحها بكاا الدكتور : والله هي عندها زهايمر محتفتكر احد الا اللي قاعده تكرر اساميهم واللي مستغرب منو حتى زوجها مانطقت اسمو* تالا تطالع في امها ودموعها تنزل* الدكتور: ياالله يابنتي الحمد الله انها قامت بصراحه انا من يوم دخلت الطب وانا قايم على حالتها وذحين صارلي عشره سنين دكتور ومامر عليا حاله زيها فالحمد الله انها قامت هذي نعمه من رب العالمين* تالا تحرك راسها بايوا* الدكتور مع الممرضه كشف عليها ويتأكد من سلامتها وخاصه الضغط...* وخرج ..* مسررح ... جوالو يدق ....* اخذ الجوال ورد : ايوا الو ؟* تالا : وليد وينك ؟* وليد ما انتبه لاسمها : تالا؟* تالا: ايوا وليد اشبك ؟* وليد : تالا اسمعيني لاتقولي لاحد على خالتي* تالا انفجعت: ليييييييش؟* وليد : خليها ياتالا في الوقت المناسب انا في كم شي في بالي بس خليها شويه* تالا: طيب وينك ؟* وليد: حجيك ذحين* تالا : طيب انا بجلس عند امي كيييف ؟* وليد : ماحينفع حبيبي والله ماينفع كيف بالله تجلسي ايش تبي ابوك ينجن؟؟* تالا: طيب الله يخليك والله مني قادرة اسيبها* وليد: تالا خالتي عندها زهايمر يعني مهي عارفه مين انتي ومهي متذكرة شي غير ايام زمان مهي فاكره غير امي وابوها وامها فاهمتني ؟* تالا دمعت وطالعت في امها: عارفه قلي الدكتور.. * وليد اتنهد : تالا حبيبي قولي الحمد الله هي صحيت وذا شي مررة كان مستحيل بالنسبه للكل* تالا: الحمد الله الحمد الله* وليد: يالله دقايق واكون عندك* تالا: امم طيب وليد:يالله انتبهي على نفسك* تالا : طيب .... وانت كمان* وليد ابتسم : طول منتي بخير انا بخير .. يالله مع السلامه تالا قفلت وحضنت امها وتسلم على يدها كل شويه* المكان هدوء فتح عيونو وطالع في الساعه : اوووف* يطالع في الغرفه مافي احد* خرج من الغرفه برضو مافي احد* استغرب واتوقع انها في الحمام ...* قعد في الصاله ورمى نفسو على الكنبه واخذ نفس : يارررب تعبت ابا احد يملي عليا البيت يارب ساعدني وارزقني يارب ربي لاتذرني فردا يارب يارررب* مسك جوالو ويطالع في اسمهاا ...* كل اللي في بالو امو والطفل اللي يتمناه* انضغط الرقم بدون مايحس ...* فتح عيوووونو من الفجعه وقفل بسررعه؛ اووف كنت حروح فيها* حط الجوال ... الجوال يرن ...* يقرأ الاسم( مروة)* رد وقلبو يدق : الو* مروة : ايوا الو مراد انت دقيت معليه ماسمعت اعذرني* مراد : اممم ايوا بس وحشتوني* مروة تسمع ومهي مستوعبه : ها ؟* مراد : مروة ابا اكلمك في موضوع شخصي ومصيري ومهم مرة* مروة خافت وبدا قلبها يدق: ايش ؟؟* مراد :ماينفع جوال لازم اقابلك* مروة : امم طيب* مراد : انا ححدد وين واكلمك* مروة : طيب* ( دخلت البيت )* مراد : كيف لم انتبهلها داخله* مروة : ايش قلت؟* مراد : اسمع شويه واكلمك* مروة استغربت : طيب* مراد قفل ... بدور دخلت : انت صحيت؟* مراد ماصدق يختلق مشكله : وانتي خرجتي؟* بدور : امم ايوا بس كان مشوار ض مراد قاطعها : والمزهريه اللي في البيت ايش وضعها ؟؟؟* بدور: لاحبيبي حشاك بس* مراد : ايش بس ايش؟؟؟ تخرجي بدون ما اعرف ؟ وانا نايم كمان عشان تحلالك الخرجه* بدور : طيب اسمعن مراد : مابا اسمع شي قله حيااا خارجه بدون علمي وكمان تتفلسفي احمدي ربك ماطلقتك* بدور واقفه محلها مصددووومه من اللي تسمعوا عيونها دمعت بسرررعه بدون اي صوت* مراد قرب عندها ومسكها من يدها : والله اذا مرة ثانيه ( انتبه لدموعها)* ساب يدها واخذ نفس : استغفر الله بس* بدور: مراد* مراد مارد* بدوررفعت راسو : انا حامل ..* عيونو اتصلبت قلبو وقف جسمو دفي فجاه وارتخا بالكامل* بدور: مراد انا رحت المستشفى وكنت ابا اتاكد وكنت عارفه ماحتوديني فرحت بنفسي .. اعتذر* مراد دمعت عيونو ..* بدور ماتبا تطالع فيه ...* مراد سحبها وحضنها بقووووة وبكي زي الطفل الصغير* بدور تدمع بصمت كالعاده وماتبا تحتويه* مراد يبكي ومو مصدق اللي سمعو* بعد ثوانيي بعدها عن حضنو ويطالع في بطنها ويحسها بشوييش : بدور انتي حامل؟؟؟ بدور حركت راسها بايوا* مراد : يعني حصير اب ؟* بدور وطت راسها : ان شاءالله* مراد رفع راسها : اشبك؟* بدور : ولاشي* بعدت يدو وراحت للغرفه ..* مراد واقف مصدوم مو عارف اشبها راح للغرفه بسرعه ..* جالسه فوق السرير واول مرة يسمع صوت بكاها داايما بكاها بدون صوت* جلس جنبها : بدور حبيبي اشبك ؟؟؟* بدور : ابعد عني مراد ابعدددد* مراد : لييييش؟؟* بدور تبعد يدووو...* مراد : اشبببببك ؟؟؟؟ * بدور انفجررت : انت شفت نفسسسسك شفت نفسسسك ؟؟؟ انت لك فتررة وانت تعاملني معامله زفت لاتاكل ولاتجلس معايا بالعافيه ترجع البيت تنام واحيانا في الصاله اسلوبك صار ماينطاااق ودايما تخرج وتسيبني لحالي في البيت وترجع ولاتسااال ولاكانو في ادميه في البيت انا المزهريه يامراد اناا مو انت ولو شفت نفسك قبل شووويه والله لو اتكلمت كلمه حتطلقني ليش هذا كلو ؟؟؟ قصرت معاك في شي ؟ غلطت عليك في شي ؟؟؟ قايمه فيك باكمل وجه بسسسس عشاني ماخلفت اكثر من خمسه سنين ؟؟!! بس عشاني ماحملت؟ ليش يامراد انت المتعلم والفاهم والعاقل تبا تطلقني لسبب عادي عشان ماحملت ؟ ليش انا ايش ذنبي؟؟؟ هوا بيدي عشان تسوي كذا؟؟؟؟* مراد مرت عليه الفترة اللي فاتت كلها قدام عينو ودوبو حس على نفسو مسك يدينها بيدينو : بدور سامحيني بدور والله ماكنت حاس في نفسيي والله بدور انسدحت على السرير : قوم اخرج وقفل النور تعبانه بنام* مراد وطى راسو : حاضر* خرج من الغرفه ويافرحه ماكملت.....* الكل مشغول ومشدودة اعصابو ...* صوت واحد انسمع ( انتهى الوقت)* كل واحد ساب اللي في يدو وسلم الورق وخرج من القاعه بدون اي كلمه....* الكل منتظر في اماكن مختلفه من الجامعه* طيران راح واتصل عليها : الوووووووو* تالين ردت : هلاا والله* حسين: هاطمنيني كيفك؟* تالين : طمني انت ايش سويت؟* حسين : انتي اهم عندي* تالين : وانت الاهم .. ايش سويت؟* حسين : حركات اتورطنا بعد الطيحه؟* تالين : مع نفسسك هذا جزاتي ؟* حسين : اصلا مو لله مو عشان السوق؟* تالين افتكرت محمد: حسين متى جاي في شي لازم اكلمك عليه* حسين : حاضر بس اخذ النتيجه لاني منتظرها دقايق ويعلنو عنها* تالين: طيب انت ايش حاس نفسك ؟* حسين؛ اممم ما ادري والله انا سويت اللي قلتيلي عليه واللي حفظتو طبقتو والله يستر* تالين : ااممم الله يوفق الجميع* حسين : طيب عادي ترا لو قلتي الله يوفقك مابيقلل من قيمتك* تالين : مو على كيفك* حسين بهدوء: اممم شكرا من ذوقك* تالين حست فيه: اممم خلاااااص الله يوفقك ياربي تسوي من الحبه قبه* حسين : عارفه ايش احلى شي فيك؟* تالين قلبها دق بسرعه : امم ايش ؟؟* ( نداء النتايج)* حسين: تاالين اسمعي نادو النتايج شويه واجيك ادعييييلي يالله سلام (قفل)* تالين: اووف حبك ينادي ذحين عند الشي الحلو اللي اول مرة اسمع مدددح منو ....* قفلت الجوال وشافت مكالمه ريم* اتصلت عليهااا ...* تبكي فوق سريرها ومهي عارفه ايش تسوي ... شافت جوالها واتحمحمت وردت : الو* تالين : ريم؟؟؟؟* ريم : امم ايوا هلا* تالين : اشبك؟؟؟؟؟ ريم : لا بس هنا الجو باررد فتعبت* تالين : وانتي من جدك ؟؟؟ ايش هذا كلو علاج ؟؟ خلاص مابا شي الله يخليك ارجعي والله محمد لو جا حيذبحني لا وجالسه مع رجال كمان معنو والله انسان عمري ماشفت زيو من الاحترام* ريم : اامم واخيرا ؟* تالين : والله تقرررريبا* ريم : من جدك ؟؟؟* تالين : ليش لا؟* ريم ضحكت بين دموعها* تالين : اشبك تضحكي مامعايا قلب!* ريم : لا بس ما اتوقعتك تحبي* تالين : ومين قلك حبيتووو ؟ ترا احنا اخوان لا اقل ولا اكثر من جد اتكلم بس بالنسبه لتقريبا انو يعني اتقبلتو* ريم ماصدقت : اهااا* تالين ؛ بكيفك عساك لاصدقتي* ريم ضحكت : طيب انا حجي* تالين : عجلللي الله يخليك مدري في اي لحظه الاقيه عندي بس الحمد الله مطمنه انك في نفس البلد ماحتتاخر سفرتك ريم شااالت هم : امم ان شاءالله* تالين : يالله مع السلامه* ريم : مع السلااامه؟؟ من متى الذوق؟* تالين : احم من يومي* ريم : والله وغيرك الدكتور تالين ضحكت : ايييي دكتور ياشيخه انا اعلمو* ريم ضحكت : طيب طيب سلام ( قفلت ) دق الباب ودخل* حاضنه امها وماسابتها كبررت واتربت بعيد عنها ....* وليد ابتسم : يالله عشان نلحق نرجع ترا كلهم يتصلو* تالا تطالع في امها : حرجعلك يالغاليه والله مني قادرة اسيبك* ام احمد تطالع فيهم : فين فاطمه ؟؟* وليد: حتجي ياخاله حتجي* تالا سلمت على امها ومشيو ....* يدق الجرس ..* فتحت الشغاله ...* دخل : فين امي؟* الشغاله : جوا في غرفه* اتوجهلها ودق الباب* ام مراد : اتفضل* مراد دخل مبتسم *: السلام عليكم* ام مراد: وعليكم السلام ورحمه الله وبركاته* مراد : عندي لك يا امي بشااارة* ام مراد ابتسمت : سمعنا الله يبشرك بالخير* مراد : بدور حامل* ام مراد : ماشاءالله تبارك الله الحمد الله يارب* ( دمعت عينها من الفرحه ) مني مصدقه والله مراد سلم على راس امو : ولا انا يا امي* ام مراد : يالله الله يبلغنا شوفتو يارب* مراد: ان شاءالله* ام مراد: وينها بدور؟* مراد: في البيت رجعنا من المستشفى وكذا وقالت بتنام شويه* ام مراد: يسعدها انتبهلها وانتبه لاكلها وكل شي اسمع ايش رايكم تجو عندنا هنا انا حنتبهلها* مراد ضحك : ان شاءالله يا امي خير* ام مراد: انا ابشر ابوك ولا انت حتبشرو ؟* مراد : لا انا حكلمو* ام مراد : خلاص انا حصلي العشا* مراد: تقبل الله* مراد خرج وجلس على الكنبه ماسك الجوال* لقى رساله ( مروة)* لمى مشتاقتلك ...* مراد انفجع وافتكر الموعد واللي قالو لها ..* راح للشغاله : فين ماريا؟* الشغاله ؛ ماريا ماجات من الجامعه ماما تقول راحت عند ربا* مراد : طيب طيب* اتصل عليها ...* اذنها عند الباب تسمع احمد مع خالتو ..* ربا تطالع في جوالها اللي دق : هييي تعالي شوفي اخوك يتصل* ماريا جات مستغربه: مراد؟؟؟* ربا : ايوا ليه عندك اخو غيرو وانا مدري *؟* ماريا ردت : الوو ؟* مراد: ايوا مارريا اسمعي ابا منك خدمه* ماريا : ايش؟* مراد: ابا رقم احمد ولد خاله ربا صحبتك جيبيه من عندها* ماريا انفجعت: هااا ؟؟؟ ليش؟؟؟؟؟* مراد: وانت ايش دخلك؟* ماريا: هيا اسري ماحجيبو قلي ايش في؟* مراد: ماريا ما استهبل انا اباه ضروري مابا منو شي هوا ابا رقم صاحبو* ماريا: صاحبو مين؟* مراد: اقسم بالله اذا ماسكتي بلطشك وانتي ايش دخلللللك اعوذ بالله لقافه* ماريا : اووف خلاص طيب هدي دقايق وحرسلك اياه* مراد : يالله اشوف* ماريا : طيب يالله مع السلامه* مراد: اقلك ترا بدور حامل يالله مع السلامه (قفل)* ماريا شهقتتت : احللللف؟؟؟؟* طالعت في الجوال لقتو قفل : وجععع يوجع بليس* ربا : هي انت اذننني ترا صوتك عالي بيشرد منك ولد خالتي مسكين انا اتخيل اذا بتجي تصحيه بعدين ايش حتسوي ؟؟* ماريا طالعت فيها بحقد : انقلعي بس احد قلك ميته على ولد خالتك؟* ربا : اممم طيب طيب الزبد اشبك؟* ماريا : تخيلي بدور حامل !!!!!!* ربا الابتسامه شقت وجهها : والله؟؟؟؟؟؟ مبررررروك مبرروك تستاهل يسعدها* ماريا: يالله مني مصدقه واخيرا حصير عممه* ربا : الله يعينو عليك يارب* ماريا : انقلعي بس ... ايوا صح مراد يبا رقم احممممد* ربا : ليش؟؟؟* ماريا : ما ادري والله انا انفجعت واستغربت ليش يباه بس قلي ضروري وقلتلو ليش قال يبا منو رقم واحد ... وقلك يباني اخذ الرقم منك مو داري الرقم معايا قبلك* ربا: وفرحانه كمان* ماريا ارسلتلو الرقم ...* ربا نطت من فوق السرير : تاااالا جات* ماريا : ايش دراك ؟؟؟* ربا : منتي سامعه ؟* ماريا سابت الجوال وراحت للباب تسمع* انفتح الباب بقوووه : ااااه وجع يوجع بليس* ربا فطست ضحك* تالا : احد يقعد عند الباب ياهبله* ماريا وربا : تااااااالا ؟؟؟؟؟* تالا : بسم الله اشبكم* ربا وماريا سحبوها : تعااالي والله مانسيبك* تالا : دقيقه ترا انا سلكت لابويا واحمد : ايش بدور ؟؟؟ متى رحت عندها ؟؟ ماريا : مو عشان نخببيي مصايبك يالفالحه* ربا : يالله يالله ايش صار ؟* ماريا : ايش سواالك ايش صار بينكم ايش كذا سويتو فين رحتو يعني ذا الوقت كلو اكيد مو من فراغ وكذا* تالا تطالع فيهم وضحكت : الحمد الله والشكر اشبكم انتو مفاجيع ؟* ربا : انتي حتحكي ولا نطلع الكلام بالقوه ؟* تالا عين على ربا وعين على ماريا : ماشاءالله وماريا ايش دراك* ماريا : طببببعا الصديق الصدوق* تالا: لا والله وانا ايش؟* ماريا: لا افاااا بس انتو اثنينتكم الله لايحرمني منكم* ربا : دقيقه بس اجيب الجوال واسجل الجمله الاخيرة اول مرة تقول شي عدل* ماريا: انقلعي* تالا تضححك* ربا وماريا يطالعو فيها : خير حبيبي انجنيتي؟* تالا مبتتتتسمه: اااااااه بس مجنوووونة ومجنونه لين الصبببباح والله* ماريا : لالا ما اقدر انا* تالا: عساك ماقدرتي انا اليوووم في عالم ثاني اطللبو اللي تبوه حنفذووو اااه بس حطيييير من الفرحه اللهم لك الحمد* ربا : اوف والله ما اتوقعت اخويا رومنسي لذي الدرجه* تالا ضحكت....* ماريا : اقووول ذي شكلها بتقضي اليوم كلو ضحك* ربا : اقلك انا حقوم اشوف وليد وارجع يمكن يطلع منو شي* تالا بكل ثقه: روحي* ماريا: اموووت على الثقه اللي بينكم مسرع ماشاءالله صارت اسرار الزوجيه* تالا: نعمممم؟؟؟؟* ماريا : ياررربا استني انا جااايه* تالا : على وين ؟؟* ماريا : بشرب مويه* تاالا : انا حجيبو استني هنا* تالا راحت عند ابوها واخوها وسحبت عليها ....* وليد جالس مع ربا وامو في الصاله* ماريا دقت على السواق يجيها وبعد دقايق جاها ...* خرجت تمشي بشويش وتدعي ربها تشوفو قبل ماتخرج* تمشي وتمشي ومحد طلع قربت للباب* شافها من المجلس ونزل : طيب قولي مع السلامه اقلها* ماريا دارت عليه وانفجعت : بسم الله فجعتني* احمد: لاياشيخه* ماريا : طيب مع السلامه* احمد جوالو يرن* اخذ الجوال واستغرب من الرقم ورد : الو ؟؟* مراد : الوو السلام عليككم ..* احمد يأشر لماريا تستنى .. وعليكم السلام * ماريا وقفت وخاايفه احد يشوفهم ..* مراد: احمد!؟ * *احمد : ايوا نعم العفو *مين معايا. ؟* مراد : انا مراد اخو الطالبه ماريا واللي اتضارب معايا صاحبك ياسر تحت الفندق* احمد افتكر : مراد؟؟؟ اخو ماريا؟؟* ماريا اول ماسمعت الاسم قلبها طاح في رجولها وملامح وجهها خوف* مراد: ايوا افتكرتني؟؟ احمد : ايوا ايوا افتكرت اتفضل ؟؟* مراد : العفو بس كنت ابغا رقم صاحبك ياسر ضروري لاتخاف ماحأذيه هوا ابغاه في موضوع ومحد يقدر يساعدني فيه غيرو* احمد : طيب حاضر ذحين حرسلك اياه تامر بشي ثاني؟* مراد: لاتسلم مايامر عليك عدو* احمد : الله يسلمك يارب* مراد؛ مع السلامه* احمد : مع السلامه* ماريا ترتجف من الخوف مهي عارفه ايش في ..* احمد يطالع فيها : اشبك خايفه!!؟* ماريا: مراد كلمك؟؟؟؟* احمد جلس يضحك : ايوا والله لو يدري انك قدامي* ماريا : اييييش في؟؟؟* احمد : يابنت الناس اشبك خايفه طلب مني رقم واحد وبس* ماريا اتطمنت ؛ اووف الحمد الله* احمد : طيب اسف اخرتك* ماريا : لالاعادي ( خرجت )* احمد رجع للمجلس ...** * ربا جالسه في غرفتها وتالا تصلي ..* ربا طفشانه مافي احد تكلمه .. سابت الجوال وانسدحت وتفكر في اليوم واللي صار فيه ...* سلمت : السلام عليكم ورحمه الله ... السلام وعليكم ورحمه الله* ربا : ياخي طفش * تالا مبتسمه: مستحيل اكون طفشانه في يوم زي كذا الله يدوم الفرحه يارب* ربا: لايعني مافي احد اكلمو مدري فين الناس تروح* تالا تلم السجاده :ايش رايك نخرج ؟ دق جوال ربا * ربا اخذت جوالها بطفش وفتحتو: مع مين؟* تالا: مع احمد طبعا* ربا تطالع في الرقم غريب ( مساء الخير )* ربا بنفس ملامح استغرابها *: فرحانه باخوك ؟؟؟ تالا: اكيد الحمد الله الله لايحرمني منو* ربا( مساء النور )* الرقم (كيفك؟ )* ربا( الحمد الله تمام)* تالا: طيب ها ايش قلتي؟* ربا مهي معاها ...* الرقم: امم دوم ان شاءالله* ربا: امين وياك تالا: اكلمك اناااا!!!* ربا: دقيقه بالله في رقم غريب يكلمني* تالا اتأففت: اقول انا بروح اتكلم مع احمد احسلي* ربا ( العفو مين معايا؟ )* الرقم ( امم حقلك بس اخاف لو عرفتي ماتردي )* ربا ( وليش يعني؟ مين ممكن تكوني؟)* الرقم( تكون مو تكوني )* ربا انفجعت ( امم طيب ومين انت؟ )* الرقم ( اباك توعديني تسمعيني للنهايه بعدين لو ماعجبك اقفلي)* ربا ( اممم وايش يضمنك ما اخلف الوعد؟)* الرقم( امم والله عاد احساسي مايخيب)* ربا( طيب مين يا ابو احساس؟)* الرقم( ياسر )* ربا شههههههقت : ياااااااسر* ربا ( امم ياسر مين؟)* ياسر( مسويه ماتعرفيني؟)* ربا ( ومين انت عشان اعرفك ؟)* ياسر ( انا الوحيد اللي تجمعني الصدفه بيك في كل مكان )* ربا( والله عاد من سوء حظي)* ياسر( ومن حسن حظي ) ربا بلعن ريقها ومبتسمه ( امم طيب وايش اللي خلاك تفكر تكلمني؟ )* ياسر( امم ما ادري ) ربا( اها ماشاءالله انا ادري مثلا؟ )* ياسر( ضروري تعرفي يعني؟ ) ربا ( اكيد ايش رايك انت؟ )* ياسر ( والله شوفي بقلك كلمتين ماعمري قلتها لاحد ومني من النوع اللي اعترف بسهوله عن كل شي بس للاسف مضطر اقولها .. منتي راضيه تروحي من بالي ) ربا تقرأ وقلبها مع كل كلمه يطيح ( ايش افهم من كلامك؟ )* ياسر( شوفي اباك تفهميه مززبوط انا مستحيل اكلمك لاني ابا العب معاك خصوصا انو احمد ولد خالتك ومني مستعد اخسرو بعد كل هذي السنين لو كنت افكر أذيك )* ربا ( طيب؟)* ياسر ( اقلك لاتحيريني ترا انا مروة كرهتني في كل البنات بس انت مدري كيف خليتيني اعيد حساباتي يعني عجبتني عفويتك مرة )* ربا ( ترا مافي اي سبب من اللي قلتو يخليني اكلمك وهذي مروة اكبر دليل على لعبك وانا ما اعرفك ولامحتاجه اعرفك واسمحلي ما احب اكلم الجنس الاخر ) ياسر ضحك ( وليه ماتقولي ما احب اكلم اولاد ؟ ولاماتو اللي يقولو كذا؟؟)* ربا ( مالك صلاح )* ياسر ( طيب انتي ليه معصبه ؟ )* ربا(برضو مالك صلاح )* ياسر ( هذا كلو غيره من مروة ؟؟؟)* ربا ( انقلع ماناقص الا اغار من ذيك اصلا مني عارفه ايش عجبك فيها )* ياسر ضحك من قلبو ( ربا لاتنكري انك قد فكرتي فيا )* ربا( هيي انت مجنون؟؟ مسوي انك مدركني؟؟)* ياسر( طيب اسمحيلي بس احكيك قصتها )* ربا ( ومين قلك ابا اسمع؟ ) ياسر ( مو على كيفك حتسمعيني غصب )* ربا ( لا والله احلف؟؟؟)* ياسر ( بدأ يحكيهااا ومنطلق في الكلام وبعد ماخلص قصه مروة مباشرة حكاها عن صدفو مع ربا وكيف كانت تطلعلو من كل مكان )* ربا تقرا ومقهوره من مروة وضحكت *وهدأت على الصدف ...* ربا ( طيب وليش ما رحت لمروة لما رجعتلك ؟ )* ياسر ( ربا انا ضحيت عشانها كثير وهيا راحت واتزوجت ولافكرت فيا ولما شافت انها ماحبت زوجها رجعتلي مو عشاني عشان تبا ترتاح من اهلها وماتبا ترجعلهم )* ربا ( طيب وايش يضمني انك نسيتها ؟)* ياسر ( ربا اسالك بالله لو كنت افكر فيها ولالسا احبها تتوقعي حكلمك؟؟ *ترا هيا لين ذحين في جده وبإمكاني اكلمها واراضيها باي طريقه بس انا ماباها خلاااص )* ربا ( ياسر شوف انا اختصر عليك الوقت انت لما فكرت تكلمني كلمتني ليه عشان ايش وعلى اي اساس؟؟ كلمتني عشان انا ايش بالنسبه لك ؟؟؟)* ياسر اتوتر من السؤال ( امم )* ربا ( لو قيت جواب رد عليا .. مع السلامه )* قفلت وقامت للصاله مسرررررحه ....* جلست فوق الكنبه وتطالع في وليد المبتسم ..** ربا تدق وليد المررروق : اشبك مروق اليوم؟( غمزتلو)* وليد يطالع فيها بنص عين ويغني بشوويش* ربا: اقللك هي ايش صار اليوم ؟؟* وليد بصوت واطي: مين قال اني بحكيك؟ ربا : انا اختك غصبا عنك تحكيني* وليد: عشم ابليس في الجنه ..* ربا : وجعععع يوجع بليس انا اوريك اذا ماخليت تالا تحكيني كل شي وبالتفصيل ما اكون ربا* وليد: اذا فيك خير قومي واذا قالتلك شي بخرجك المكان اللي تأشري عليه* ربا اتحمست : احللللف؟* وليد: والله* ربا: تتحداني؟* وليد: ايوا* ربا قامت وشمرت اكمامها ومتحمممسه بتنادي تالا* ام وليد: ربااا* ربا : ايوا ؟؟؟* ام وليد: اجلسي ابا اكلمك* ربا : ها؟ ام وليد استغربت: اشبك اجلسيي* ربا جلست و انقهرت كانت متحمسه تروح :ها ايش ؟* ام وليد: اتكلمي زي الناس يابنت تراك كبرتي وبنزوجك* ربا : امم طيب ام وليد بجديه : ربا في واحد اتقدملك* ربا تطالع في امها وفمها مفتوح* وليد رفع حواجبو باستغراب : مين؟ ام وليد ابتسمت : يوسف* ربا: يوسف مين؟* ام وليد: ولد ام يوسف اشبك؟ ربا: ماشاءالله عرفتو !!! ايش دراني مين ولد ام يوسف* ام وليد: استحي على وجهك حتى حيا مافي احنا زمان وجهنا مايرتفع من الارض والصوت مايطلع وانتو تسألو عيني عينك* وليد : يوسف عبدالله؟* ام وليد: ايوا* ربا : امممممم .. برضو ماعرفت * ام وليد : يابنتتتي ولد عم ابوك* ربا انفجعت : هااااا* ام وليد: المهم الولد ماشاءالله عليه ينضرب فيه المثل ادب واخلاق واهلو طيبين وانا عن نفسي موافقه وبكرة حشوف رد ابوك حيرجع العصر ان شاءالله * ربا : وانا؟* ام وليد: ايش انتي؟* ربا : رأيكم مايهمني؟؟؟؟؟ ام وليد ؛ نعممم؟* ربا : اقصد رأيي مايهمكم ؟؟* وليد ضحك : بدأت تخبص* ربا: اسكت انت خليك في ( سكتت)* وليد طنشها؛ والله انا في المناسبات ما اسمعلو صوت مسكين حالو حال نفسو وهادي وذوق مو زي ذي الله يعينو عليها* ام وليد تضحك ..* ربا طالعت فيه وبصوت واطي: مايضحك ترا* وليد: احد قلك اضحكي؟* ربا: انقلع طيب؟؟؟؟* وليد : والله محد بينقلع غيرك البيت بيهدأ ...* ربا قامت غرفتها مفجووعه ومهي قادره تستوعب ( اتصلت على تالا تجيها الغرفه بسرعه)* ثوانيي والباب ينفتح :اشبك ؟ * ربا :تالا تعالي ابا اقلك شي * تالا جلست جنبها على السرير مستتتغربه: ايش في؟؟؟؟* ربا :تالا اتخيلي امي ايش قالتلي* تالا : ايش؟* ربا : في واحد اتقدملي* تالا شهههقت : نعممممممم؟؟؟؟؟* ربا : والله والله ما اكذب* تالا : ميين ؟* ربا : يوسف ولد عم ابويا* تالا فررررررحانه : من جدك ربا ولاتمزحي؟؟* ربا : تالا ايش امزح بعقلك انتي؟ تالا حضنتها : لاا مستحيل ياخي مررة ما اتخيلك متزوجه* ربا: احلفي؟؟؟؟* تالا تضحك ...* ربا تفكر ومسررحه ..* تالا سجدت في الارض ( اللهم لك الحمد الحمد الله يارب الحمد الله اللهم ادمها علينا من نعم واحفظها من الزوال )* تاالا رجعت جلست : ربا حبيبي قومي صلي استخاره* ربا: ترا مو عشان انخطبت تصيري ذوق* تالا ضربتها على كتفها : اجل انقلعي وقومي صلي* ربا ضحكت : طيب ان شاءالله بس مو ذحين خير كذا على طول اخر الليل ان شاءالله* تالا: طيب براحتك .. ربا اسمعي ايش رااايك نخرج *انا عازمتك بمناسبه كل المناسبات* ربا : والله مدام فيها اكل بجي غصبا عنك* تالا : يالله انا بقول لاحمد وحتجهز* تالا خرجت جري ...* دخلت المجلس : احممد* احمد ماسك كتاب وجنبو ابوه* احمد : امري* تالا : ايش رايك تخرجنا نتعشى والله نفسي اخرج معاك يا اخويا طول هذي السنين ما اخذ راحتي في الخرجه* احمد طل في ابوه وابوه اشرلو راسو ( ايوا)* احمد طل في تالا( حاضر يالله روحي اتجهزي )* تالا : نشيل ربا طبعا؟؟؟؟* احمد : اكيد مايبالها* تالا جريت وفتحت باب الصاله بقووه *...* رجع على ورامفجوع : بسم الله* تالا حطت الطرحه على راسها : اسفه والله* وليد ابتسم : اشبك طايره *كذا ماشاءالله انتبهي .. تالا : حنخرج مع احمد* وليد: امم خلاص جا اللي يخرجك؟ استغنيتي عني ؟* تالا وطت راسها : انت مستحيل استغني عنك* وليد ابتسم : طيب يالله روحو انبسطوا بس حتوحشيني* تاالا ابتسمت وراحت للغرفه : ربا وينك ؟؟* ربا خرجت من الحمام لابسه* تالا تطالع فيها : ماشاءالله مسرع* ربا : هذي خرجه عشا وتمشيه وكذا تبيني اطول؟* تالا ضحكت : الحمد الله والشكر ولا كانها مشغول بالها بسالفه الخطبه ولاشي والله لو انا منك حتى اكل ما اكل* ربا تصلح بلوزتها قدام المرايه : وليه ان شاءالله هوا متهني وياكل وينام وانا اشغل نفسي ؟؟؟؟* تالا شالت اشياءها وداخله الحمام : ما اقول الا الحمد الله والشكر ...* دق الباب ..* جالسه فوق سريرها وتتفرج تلفزيون ..* فتح الباب : السلام عليكم * طالعت فيه وحطت الطرحه : اهلين* حسين جلس: وعليكم السلام مو اهلين* تالين : عادي نفسو* حسين : مين قال؟ رد السلام واجب ترا* تالين : طيب المره الجاايه* حسين : تالين لاتقولي شي مستقبلي حتسويه الا لما تقولي ان شاءالله* ترا يمكن انتي اتمنيتي تسافري هنا بدون ماتقولي ان شاءالله وربي كتبلك تجي بس بطريقه منتي حابتها ابدا* تالين *في عيونها دموع : طيب ان شاءالله* حسين ابتسم : تتعلمي بسرعه ومهما عاندتي تفضلي طيبه وقلبك ابيض بس محتاجه احد يوجهك هذا احلى شي فيك* تالين ابتسمت : امم طيب شكرا* حسين : العفوو ولو* تالين : ها بشرني* حسين : اشبك تقوليها ببرود وكانك عارفه اني راسب* تالين : وليش ما تفسر برودي باني مطمنه بنجاحك* حسين : تالين ياتالين لو اشكرك من اليوم لين بكرة ماحوفي الحمد الله نجححححت* تالين كل ملامحها فرحه واستغراب: احللللللف؟؟؟؟* حسين : شوف الكذب دوبك تقولي مطمنه نجاحي* تالين ضحكت : عشان مااحطمك ياذكي* حسين ضحححك* تالين تطالع فيه وتضحك على ضحكو : خلاص يادكتور ماصار نجاح ماشاءالله* حسين : الله يازين اللقب منك* تالين وجهها احمممر* حسين : امم اسف مو قصدي احرجك* تالين : انت هي على كل شي تتاسف انا اعرف انو الواحد يتاسف على الغلط مو الصح* حسين طالع فيها وابتسم: يعني شايفتو صح؟* تالين بدون ماتطالع فيه: مالك صلاح* حسين ضحك على شكلها المنحرج : طيب نغير الموضوع ايش كنتي حتقوليلي ؟؟؟* تالين لفت عليه واختفت ابتسامتها : حسين محمد حيجي* حسين انفجع : محمد جااي؟؟* تالين حركت راسها ب( ايوا)* حسين : متي ولييش؟* تالين : ما ادري قال في اقرب رحله* حسين وطى راسو : امم يوصل بالسلامه ان شاءالله* تالين موطيه راسها : امم الله يسلمك* حسين : طيب انا استأذن واخليك تنامي يالله تصبحي على خير ( وقف)* تالين : حسين * حسين : ايوا؟ * تالين ؛ لالاخلاص ولاشي* حسين قرب عندها بس بينهم مساافه *ونزل لمستواها : تالين في شي مخبيتو وتبي تقوليه ؟* تالين : ايوا* حسين : طيب قولي اسمعك * تالين: بس اول بعرف ليش لما عرفت انو محمد جاي اتضايقت وقمت* حسين وطى راسو واتنهد: ما ادري* تالين : الا تدري* حسين : امم اخاف اتكلم وماتتقبلي اللي اقولو* تالين : قول اي شي اتقبلو منك* حسين : ما ادري ليش حسيت بضييق مو طبيعي لما قلتيلي وكل يوم يزيد خوفي من اليوم اللي حفارقك فيه .. في البدايه كنت اعاملك زي اختي وبعدها صحبتي اللي انصحها وتنصحني وبعدها ماقدرت افسر تفكيري فيك واهتمامي فيك وماتتخيلي الساعات اللي اقضيها وانا افكر فيك تالين موطيه راسها وفيها بكا * حسين وقف : انا اسف يمكن اتماديت بكلامي* تالين : لاعادي بس اكذب عليك لو اقلك ما احس بشي اتجاهك* بس الوقت اللي اقضيه لوحدي احاول اشغل نفسي لين اشوفك وارتاح انت غيرت فكره الرجال من بالي وكنت احسك واحد تستعطف معايا لا اقل ولا اكثر بس خفت من مشاعري تكون من طرف واحد واكون ما اعنيلك شي عشان كذا سالتك اول وعشان كذا مافرحت الفرح اللي لازم افرحو بجيه اخويا لاني حسيت انو اللحظه اللي حشوف محمد فيها حتكون اخر لحظه بيني وبينك* تالين نزلت دموعها* حسين ابتسم ومد يدو ومسح دموعها* تالين قلبها دق من حركتو* حسين : لاتبكي يمكن ماتكون اخر لحظه يمكن تكون اول لحظه* تالين رفعت راسها : كيف؟؟* حسين ابتسم : بعدين حتعرفي كيف انا لازم امشي ذحين .. تصبحي على خير وانتبهي على نفسك ...* حسين خرج بسرعه* تالين انسدحت وتفكررر لين نامت .....* دخل البيت ...* جالسه في الصاله تتفرج تلفزيون* اتوجلها : السلام عليكم* بدور : وعليكم السلام* مراد جلس جنبها : ها كيفك ارتحتي؟ بدور بدون ماتطالع فيه : الحمدالله* مراد : طيب ايش اسوي عشان ارضيك ؟* بدور : لاتسوي شي عادي* مراد: طيب لو كنت زي ماتقولي ما احبك وبس حهتم فيك عشانك حامل حتكوني غلطانه انا مني حاس بالفرحه اللي مفروض احس فيها ولاحيكتمل فرحي لين ترضي* بدور : طيب؟* مراد دفها بشريش: خللااص ياهو ترا شكلك معفن وانتي زعلانه* بدور : احلف؟* مراد: والله من جد* بدور ضحكت غصبا عنها : وتحلف كمان؟* مراد: اجل استهبل ؟* بدور قامت المطبخ : تبا عشا ولا اتعشيت؟ مراد : يكفي شوفتك شبعتني* بدور : يالله بسم الله بدينا ترقيع وتسليك مراد ضحك : حرااام عليك من متى ارقع انا ؟* بدور : والله شوف *ترقع ماترقع طلباتي حتتنفذ ذحين وبعدين وانا اللي حسمي وانا اللي حختار الملابس والاشياء وانت اللي حتستعدني في التربيه* مراد : الله اكبر هذا كلو عقاب؟؟؟* بدور : احمد ربك كمان* مراد قاك وحضنها : اللي تبيه حيصير* بدور : بعد ريحتك معفنه* مراد : نعممممممم؟؟؟* بدور تضحك : امزززح والله* مراد: احسب فجعتيني ترا نسيت انو في شي اسمو وحام* بدور: لسا ياحبيبي ماشفت شي لسا لاحقين مراد: اه بس الله يستتر* دخل غرفتها : امييي* ام محمد منسدحه على السرير : بسم الله اشبك* محمد: امي ابويا راجع بعد بكرة* ام محمد شهقت : ماكلمني كلمك؟؟؟؟* محمد: ايوا انا كلمتو ذحين الحمد الله هذي السفره كانت طويله ولاكان راح فيها بسم الله عليه لو دري بتالين* ام محمد: وايش حنسوي ايش حنقلو ؟؟؟* محمد: اامي انا حجزت الاحد لالمانيا* وحروح اجيبها* ام محمد: والله؟؟ الحمدالله بس ايش اقول لابوك انا ؟* *محمد: ماعليك انا حتصرف انت ادعيلنا بس* ام محمد: الله يوصلك بالسلامه وتجيب اختك وافرح بشوفتكم يارب* محمد: امين يارب .. يالله خلينا نتعشى ....* ركبو السيارة وطايرة من الفرحه جنب اخوها ..* ربا جالسه ورا : اكشخ ياللي جالسه جنب اخوها وباعتني* تالا: بسم الله عليك انتي مابعتيني وجلستي جنب اخوك* احمد يضحك : وين تبونا نروح؟* ربا : والله على كيفكم اي مطعم* تالا : ايوا ودينا على ذوقك* احمد طيب ...* في الطررريق .....* ربا تدق تالا بشويش من ورا : اقلك شكلو اخوك بيودينا مطعم من مستواه اخاف اتفشل لو رحت* تالا ضحكت : وليش يعني اللي يسمعك يقول وليد ماكان يودينا مطاعم كشخه؟؟* ربا: الا ياخي بس مو من الطبقه العاليه اخاف اكلهم غير وطريقه اكلهم غير* تالا: اقول اسكتي واحمدي ربك ايش حياكلو بايش غير الملاعق والشوك ؟ حسبي الله على بليسك وجه فقر* ربا: انقلعي طيب!؟!* تالا: طيب يامرت يوسف.* ربا انبكمت* جوالو يدق ...* ااخذ الجوال ورد : ياهلا والله* ياسر : اهلين فيك* احمد : كيفك ؟* ياسر : تمام والله الحمد الله وانت كيفك؟* احمد : والله الحمد الله طيب* ياسر : اسمع ابا اقابلك ضروري* احمد استغررب: ليش؟* ياسر : بالله ياشيخ في موضوع مهم لازم اقلك عليه هوا انا وانس لازم نقلك عليه بس انس اليوم مشغول مع المركز والجامعه واختباراتو وماحيقدر يخرج* احمد: ليش ايش في ؟* ياسر : فينك انت طيب؟* احمد : مع الاهل برا والله* ياسر : الله يالدنيا صرنا نخرج مع الاهل* احمد : لاياشييخ* ياسر : مين الاهل بالضبط؟* احمد ضحك : استحي على وجهك وانت ايش دخلك ؟* ياسر: افاا بس انا صديق الطفوله احمد: والله معايا اختي وبنت خالتي حنروح نتعشى وراجعين ان شاءالله* ياسر ماااااصدق بيتشقق فرح : مر عليا اجل* احمد: نعم!؟؟* ياسر : يالله ياشيخ مر عليا والله بس بقلك الموضوع ترا من جد موضوع يخص عيلتكم وكويس انو اهلك معاك عشان لهم دخل بالموضوع كمان* احمد؛ استغفرالله ياذا الموضوع طيب خلاص معنك بعيد بس اتجهز وياويلك تأخرنا* ياسر : حاااضر دقيقه واكون جاهز احمد: ايوا دام فيها بنات دقيقه ها؟* ياسر ضحك : افا والله ذولا اخواتي احمد: طيب طيب .. غصبا عنك اصلا.. يالله سلام* ياسر : سلاام* تالا تطالع فيه : حتمر لاحد؟؟؟* احمد : ايوا والله اعذروني بس ياسر صاحبي يبا يكلمني في موضوع مهم وقلي مضطر يخرج معانا قلتلو معايا الاهل بس لزم يخرج قال الموضوع يخص عايلتنا الله يستر ربا من سمعت الاسم مهي قادرة تستوعب حتخرج هيا وياااه مستتتحيل وهيا لسا تحاول تبعدو من مخها بعد سيرة الخطوبه ....* بعد عشره دقايق وصل تحت بيتو ...* ياسر قدو مستني تحت متشييييك اخر شياكه والعطر ينشم من بعييد* تالا رجعت ورا* وياسر ركب : السلام عليكم اسف على التاخير* احمد يطالع فيه وابتسم : اي تاخير هوا انا لحقت اوقف السيارة الا ملاقيك في وجهي* ياسر : امممم احمد فضحتني ضيعت كرامتي الله يحفظك* احمد ضحك : لالاعادي كلنا اخوانك ( غمزلو)* ياسر اخذ نفس : امم ان شاءالله ان شاءالله* احمد : ايوا حتقول الموضوع في السيارة ولا في المطعم؟* ياسر : والله افضل في المطعم* احمد : طيب براحتك ..* تالا تطالع في ربا اللي ماترمش بعينها وسااااااااكته* تالا تدقها بشويش وتأشر : اشبك؟* ربا تأشر براسها ( ولاشي)* تالا : كذابه* ربا سكتت ولاردت* ياسر اذنو فاتحها تمام ويحاول يسمع اي همس من وراه ..* الجوال يرن .. ويرررن* ياسر : رد ياشيخ ازعجنا* احمد: ايش دخلني انا جوالك ذا* ياسر اتفشل وسحب الجوال* ربا ماقدرت تمسك ضحكتها ..* ياسر رد بدون نفس: نعم ؟* مراد : الو السلام عليكم* ياسر : وعليكم السلام مين معايا ؟* مراد : انا مراد* ياسر: مين مراد؟* مراد ؛ انا اللي كلمتني اليوم في المركز عن مروة ..* ياسر افتكر *: طيب؟؟.* مراد: والله شوف في موضوع ابا اكلمك فيه يخص مروة ومحد حيقدر يساعدني غيرك ياسر : ايش في؟* مراد: والله ما حنقدر نتفاهم عليه كذا بكرة العصر فاضي؟* ياسر : والله ما ادري* مراد: الله يخليك ياسر ماحاخذ من وقتك شي* ياسر : طيب ان شاءالله* مراد : خلاص بكرة بعد ما اخرج من الشغل اتصل عليك* ياسر : طيب ان شاءالله مراد : ان شاءاالله( قفل)* احمد : مراد صح؟* ياسر : ايوا* احمد : ترا اخذ رقمك مني* ربا فهمتت ليه مراد يبا رقم احمد بس استغربت ليش يبا ياسر ؟؟؟* ياسر : والله مني عارف ايش يبا* احمد: ليش ماقلك؟* ياسر : لا بس قال يباني في موضوع وحيقابلني بكرة* احمد : الله يستر انتبه على نفسك* ياسر : امم ان شاءالله* احمد : بس ترا الرجال احسو محترم يعني ماحيأذيك* ياسر : ايوا اعرف ربا استغربت ايش السالفه وليه يأذيه ؟؟ * دقايق ووصلوو .... * احمد نزل : يالله ترا ساعتين كذا ويقفل* ياسر وربا وتالا نزلو* تالا تطالع في المطعم ومبهورة من شكلو من برا* ياسر وربا مو مع احد* ربا خايفه وقلقانه من وجودو* ياسر يحاول يلاقي جواب لسؤال ربا ...* دخلو المطعم واخذو طاولتين قريبه من بعض ..* كل واحد طلب طلبو ...* احمد : ها ايش موضوعك ؟؟؟* ياسر اخذ نفس : اسمع يا احمد وانتي يا اختي ياتالا .. تالا وربا واحمد مركزين معاه* ياسر : ترا عندكم اعماام* ( انتهى البارت الخامس والعشرون ج1)* |
رد: روايه نور في غسق الدجى (البارت الخامس والعشرون ج2)* يطالعو في بعض باستغراب شديد ..* يطالع فيهم : اشبكم؟؟؟* احمد : ياسر ايش تقول انت!!؟؟* ياسر اخذ نفس: ياهو ركزو معايا* يا احمد اقلك عندكم اعمام* احمد: احلف ؟؟ اقول خلينا نطلب مويه بالله مرة عطشان* تالا مسكت جوالها بدون اهتمام وتقلب فيه* والكل طنشو الا ربا ..* ربا مبلمه تطالع فيه* ياسر مستغررررررب رده فعلهم واشر لربا (اشبهم؟)* ربا ماردت عليه وشالت عينها ...* الجرسون بدأ يجيب الاكل ...* ياسر : هيييي انتو اشبكم تستهبلو؟؟؟؟* احمد طالع فيه ببرود: تكلمنا؟؟؟* ياسر : انتو على بالكم استهبل معاكم ؟؟؟* احمد مسك جوالو وارسل لياسر ،. احمد اشر لياسر يشوف جوالو .. ياسر مسك جوالو ويقرأ ( ياسر لاتستهبل اذا مالقيت عذر عشان تنزل معانا لاتخرف ترا بتطيح من عين البنات انصحك)* ياسر يقرأ وجلس يضحك باستغراب .. حط الجوال* وعدل جلستو : احمد اقسم بالله اني ما اكذب وانو عندكم اعمام واعمامكم هما ابو رائد واخوانو طبعا ما اعرفهم الزبده ابو رائد صاحب المركز اللي اشتغلتو فيه وبكيفكم عنكم مماصدقتو ترا ابو رائد قلي انا وانس لما كنت في السجن وتراها سالفه طويله* احمد بدأ يهتم : ياسر انت من جدك ؟؟؟؟* ياسر عصب: احمد والله العظيم ما اكذب عليك يعني بالله ايش غرضي اكذب؟؟؟؟؟* احمد وتالا يطالعون في بعض* ربا : امم بخصوص المزهريه اللي هنا* تالا : انكتمي مو وقتك* ياسر ضحك غصبا عنو من كلام ربا* احمد : ياسر والله لو اعرف انك كذاب ماحيحصل طيب* ياسر : ياررربي بكيفك روح اسال ابوك تراه داري ومخبي عليكم* تالا انفجعت ومهي قادرة تستوعب : طيب ليش ماقلنا ؟؟؟؟ ( طالعت في احمد) يعني احنا عندنا اعمام؟!!!؟ يعني عندنا عيله كذا وعيال اعمام وبنات وكذا؟؟؟؟* ياسر: ايوا* ربا : الله بنكتشف ناس جدد ( وطت صوتها) يارب يكون منهم مزز* تالا سمعتها دقتها: استتتحي ياربي انخطبت وتتغزل* احمد ساب الملعقه وتنح ..... ياسر يدق الطاوله : ااااااحمد* احمد انتبه : هاا* ياسر: اشبك؟* ااحمد : والله ياشيخ مرة مهي داخله بالي من جد ليش يخبي علينا ايش مصلحتو من ذا الشي* ياسر حرك راسو بمادري .. احمد اتأفف : استغفر الله* ياسر : يعني والله ما ادري ايش السالفه انا كنت مفجوع وانفجعت اكثر منكم* تالا مفجوعه ومهي مصددقه متنحه ولاتتحرك ربا مهي مصدقه ومو داخل بالها فمطنشه* احمد وقف : اللي يبا يمشي معايا انا استناه في السيارة* ربا استغربت* ياسر : اشبك ؟؟ احمد معصب : خلاص اللي قلتو سمعتوه* نزل من جيبو الفلوس وحطها علي الطاوله وخرج ...* تالا سحبت شنطتها بعصبيه ونزلت ..* ياسر وربا يطالعو في بعض باستغراب* ياسر : اشبهم ذولا؟* ربا رفعت كتوفها ( ما ادري )* ياسر : بالله خبر زي كذا يعصب؟* ربا رفعت كتوفها ( ما ادري)* ياسر : انت ايش الشي اللي تدريه ؟؟؟؟* ربا : اللي ادريه انك تقوم تدفع الفلوس وتمشي لانو لو ماقمنا ذحين حيروحو علينا* ياسر : خليهم احسن* ربا ؛ نعممممم؟؟؟؟* ياسر ابتسم : ايش عليك منهم خليهم* ربا: هيييي انت* ياسر وقف وراح يحاسب ورجع للطاوله يمشي بشوويش * في السيارة* احمد معععصب وماسك الدركسون : وينهمممم ذولاا؟؟؟؟؟؟* تالا : ايش دراني* احمد مشي السيارة وراااح بسررررعه معصب وماهمو شي ...* تالا كل شويه تاخذ نفس ماتبا تبكي يكفي دموووع اليوم ....* ربا جالسه على اعصابها : سااااااعه تحاسب؟* ياسر مبتسم : اعصابك ياخي ليش دايما معصبه* ربا: مالك صلاح* ياسر ضحك : ماعندك غير كلمتين مالك صلاح وما ادري* ربا : مالك ( سكتت)* ياسر : كمليها مالي صلاح* ربا وقفت : انا ما ادري ايش مخليني مستنيتك* ياسر : ولا انا والله ما ادري ايش مجلسني معاك* ربا طالعت فيه باستغراب* ياسر ابتسم : عرفت عشان تجلبيلي السعاده* ربا وجهها حمر مشيت بسرعه لبرا* واقفه برا المطعم تطالع يمين يسار وشهقت : ياااااااويلي راااحو* ياسر خرج وراها : اشبك واقفه ؟ وينهم ؟؟؟* ربا دارت عليه : شفففت راحو وخلونا كلوو منك* ياسر : طيب ؟* ربا: يارباااه بررود ربي ارررحمني* ياسر : طيب امشي نتمشى الجو حلو اليوم* ربا : هييي انت مجنووون* ياسر : ياخي امزح محد يمزح معاك؟؟؟* ربا : ماتضحك ترا وين المزح في الموضوع* ياسر مشي شويتين ووقف تاكسي ..* ركب قدام وركبت ورا بخووف ( في قلبها) الله يستر لو يدرو اهلي اني جايه لوحدي بيذبحوني* ياسر : طيب ايش حتقولي لاهلك؟ ولاعادي ماحيلاحظو؟* ربا؛ ما ادري بس طبعا موو عادي فيها ذبح ذي* ياسر : طيب والحل ؟* ربا : لاتتريق بس ما ادري* ياسر ضحك ..* ربا : بدال ماتضحك حلها اشوف* ياسر : طيب مافي محل قريب من بيتكم ؟* ربا : في صيدليه* ياسر : خلاص اجل وقفي عند الصيدليه واشتري اي شي* ربا : انقلع انت وحلك ياسر : عندك غيرو ؟* ربا: لا* ياسر : اجل اسكتي واسمعي الكلام يدق الجرررررس بقووه* خرج من المجلس مستغرب: طيب طيب* فتح الباب* دخل جري على المجلس* تالا وراه .. *وليد لسا واقف عند الباب مستتتغرب .... منسدح بيناام .. دخلو بسرعه: ابوويا* ابو احمد قام مفجوع: اشبببكم بسم الله ؟؟ ايش في* احمد : حررام عليك والله حرام* تالا : ليش ماقلتلنا خليتنا نعيش كذا كننا مقطوعين من شجره* ابو احمد مو فاهم شي: اشبكم انتو ايش تقولو؟* احمد : عندنا اعمااام وماتقلنا؟* ابو احمد انفجع : ومين قلكم؟؟؟؟ احمد: هذا اللي همك يا ابويا؟؟؟ ابو احمد : اجلسو مني قادر اتفاهم معاكم كذا* احمد : استغفر الله* جلس وتالا جنبو .. ابو احمد؛ ذحين فهموني ايش السالفه !؟؟ احمد حكى ابوه باللي قالو لهم ياسر .. ابو احمد: انت متاكد انو ابو رائد بنفسوو قال لصاحبك!؟؟؟ احمد : ايوا متاكد* تالا: ابويا ليش ماقلتلنا يعني اعمامي يطلعو من كبار رجال الاعمال في البلد واحنا مانعرفهم حتى الحمد الله مو ناقص علينا شي بس يبقوا اهلنا* احمد: يعني نفسي افهم ايش صار عشان تخبي علينا ومن احنا صغار فهمتنا مالنا احد* ابو احمد موطي راسو: يا اولادي تراها قصه قدييمه وانتو رجعتوا وفتحتوها .. احمد: يعني صح كلامو* ابو احمدموطي راسو:ايوا انا ابويا اتزوج اثنين الاولى جابت ثلاثة وهما ابورائد وابو حسين وابو ريم والثانيه جابتني انا وماتت امي على ولادتي وعشان ابويا كان يحب مرتو الاولى خبا عليهم واتزوج امي بالسر ولما مرض قال لابو رائد عليا ووصاه عليا عشان كذا اشتغلت في شركه ابويا بس كموظف عادي عشان ابو رائد خاف على اخوانو وخاف تصير مشاكل لانو ابو رائد وابو ريم يا اولادي مهم سهليين وحقون مشاكل .. احمد وطى راسو ودمع غصبا عنو دموع قهرر ودموع مظلووم* ابو احمد مصدوووم : احمد احمد والله ماكنت ابا مشاكل خبيتها عليكم عشان ابو رائد مايباكم تعرفو وتروحو تقولو لاعمامكم الباقيين* احمد : ابويا ترا اخوك خطفني وحرمني منكم عشره سنين خلاني اتربى لوحدي ومنعزل عن العالم يعاملني بظلم ويعاتبني بدون سبب دخلني في مشاكل ودايما يحاول يفتك مني ومو داري اني ولد اخوه ؟؟؟!* ابو احمد: احمد عمك ؟ عمك يا احمد؟ انت متاكد ؟؟؟؟* احمد : عمي ابو حسين يا ابويا* ابو احمد حضن ولدو وكل واحد دموع القهر والظلم على كتف الثاني تنزل ... تالا تطالعهم وتبكي نفسها تفهم ليش وايش قاعد يصير بس ساكته من الصدمه وعيونها تدمع بس ....* مرت دقايق وهما ساكتين ...* ياسر : اشبك ساكته؟* ربا: ايش تباني اقول؟* ياسر : اي شي ربا: ماعندي كلام ياخي شايله هم اللي صار ترا اكذب عليك لو قلت صدقت كلامك قسم ولا كلمه دخلت عقلي* ياسر لف عليها : انا نفسي افهم انتو هبلان ولاتستهبلو؟ بالله ايش ابا منكم عشان استهبل في ذي الاشياء ترا انا بنفسي ماصدقت بس عمهم قال هذي امانه ولازم اوصلها* ربا: طيب كيف من وينلهم اعمام* ياسر : قلنا انو جدهم كان متزوج اثنين الاولى جابتلو ثلاث اولاد اللي هما اعمامهم والثانيه هيا جدتهم ماتت على ولاده بزوج خالتك وبس* ربا: اهاااااا .. يالله والله ذولا تطلعلهم مواضيع من تحت الارض الله يعينهم* ياسر : هذا ابتلاء من ربك الا قولي يابختهم واحمدي ربك* ربا: تصدق* ياسر: امم؟* ربا ؛ اول مرة اسمعك تقول شي صح* ياسر : انقلعي* ربا: والله من جد اللي يسمعك تتكلم عن الابتلاء مايشوفك وانت تغازل في السوق* ياسر : هيي انا لازم افهمك شي ترا ذاك اليوم كنت مع صاحبي وذاك المحل محلهم ترا *وكان بيشيك على العمال وكنت في قمه الطفش ومحد دخل المحل غيرك وعجبتيني ايش اسويبك ؟* ربا انفجعت : استحي على وجهك* ياسر : المفروض تنحرجي مو استحي على وجهك ايش من ردود معاك انتي؟؟؟؟؟ ماتعرفي تردي حتى ربا : مالك صلاح خليت الرد والذوق لك* ياسر : اعرف لو اني مني ذوق ماكان اتعرفت عليك* ربا: مين قال اننا اتعرفنا ؟* ياسر: اتعرفنا *وخلصنا وبنتعرف اكثثثثر واكثثثثثر* ربا افتكرت يوسف : ما اظن* ياسر : مش لازم تظني انا احساسي مايخيب* ربا : ولو ما اتعرفنا ايش تسويلي؟* ياسر : بسويلك اللي تبغيبه* ربا: طيب* ياسر : واذا صار واتعرفنا اكثر واكثر حتسويلي اللي ابغاه* ربا بكل وثوق : طيب بنشوف* السواق : اوقف هنا ؟* ياسر : عند الصيدليه هنا* وقف السيارة* ربا نزلت* ياسر : استنى شويه وجاي* نزل من السياره : على وين ؟* ربا: خيرر اشبك؟* ياسر : داخله لوحدك بدون محرم؟* ربا فطست ضحك: احلف ولايكون انت محرمي!* ياسر : غصبا عنك* ياسر مشي قدامها ودخل الصيدليه وربا وراه* ياسر يدور في الصيدليه: مزكمه؟* ربا: لا* ياسر : مسخنه ؟* ربا: بسم الله عليا .. لا* ياسر : عندك قولون؟* ربا: اعوووذ بالله خير انت غصب تمرضني؟* ياسر : طيب تصلي ؟ ربا : نعمممممممممممممم؟؟؟؟؟؟؟؟؟ ياسر فطس ضحححححك* ربا اتكتفت ومشيت جابت معجون وفرشه شعر وفرشه اسنان وحطتو عند الحساب : تعال حاسب* ياسر جا عند الكاشير: ايش هذا* ربا: مالك صلاح حاسب وانت ساكت* ياسر : حتى معجون ماعندكم؟* ربا: انت هييي اخلص عليا مالك صلاح حاسب وبس* ياسر: اعوذ بالله الكرامه ماافي عيني عينك حاسب هذا وهيا تقول ما اتعرفنا لسا* ربا طالعت فيه وفيها ضحك بس مابينت* ياسر حاسب* ورجعو السياره* ربا: خلاص بمشي* ياسر : اجل حمشي معاك* ربا : ماشاءالله ومين سمحلك؟* ياسر : اقول ماعندنا بنات يمشون في الليل لوحدهم ربا: اها ماشاءالله وانا اصغر بناتك؟* ياسر دخل السياره : ربا يالله* ربا دخلت السياره ...* وصلها وخرجت* ياسر : هييي* رباواقفه عند الباب: نعم ايش تبا خلاص روح لو احد شافك ياويلي* ياسر مد يدو واعطاها الكيس: معجونكم نسيتيه* ربا اخذت الكيس بقوه : اسكت مالك صلاح* ياسر: متى بتتعلمي الذوق* ربا : لما تتعلمو انت* ياسر :مدامني اشوفك اكيد متعلم قدني* ربا اعطتو ظهرها: مسوي ترقعها* ياسر ضحك ورااح ... تدق الباب *.. ربا ماخلت سورة ماقراتها واتحصنت ... تسمع الخطوات جايه باتجاه الباب بتسحيب* فتح الباب .. ربا قلبها يدق خايفه يطلع وليد* احمد : مين جابك؟* ربا دفت الباب : ولسا تسال ياقليل النخوه مين حيكون اكيد صاحبك* احمد ابتسم مع انو وجهو مفقع ومشي على المجلس بدون مايتكلم ... ربا مستتتتتغربه: ياربي مجانين انا عايشه معاهم* نزلت عبايتها في الحوش وحطتها وسط الشنطه وخبت الشنطه عند النخله ... لفت الطرحه ودخلت البيت .. تمشي بخطوات سررريعه .. نزل من المطبخ : بسم الله الرحمن الرحيم* ربا لفت عليه: خلااص ترا عرفت اني جنيه* وليد: من وين جيتي؟* ربا: يعني من وين من الحوش* وليد: وايش تسوي في الحوش؟* ربا: اتمشى ... يعني ايش اسوي جبت ذي الاشياء* وليد : من وين جبتيها؟؟ ربا اتأفتت : انقلع ناقصه تحقيق منك* وليد : الحمد الله والشكر الله يعينك يايوسف* ربا دخلت الغرفه : اقول رووح انت ويوسف حقك ... حطت الاشياء وقفلت الباب* اخذت بجامتها واتوجهت للحمام ....* دقاايق ونزلت ..* جلست علئ السرير ومسكت جوالها تشوف مين ارسل .. محد ارسل شي ...* دخلت على صفحتو اخر ظهور 10 الليل* ربا نزلت من صفحتو على طول : انا ليش دخلتها اساسا وليش كذبت عليه اني حذفتو وماحذفتو؟؟؟ اتاففت وقامت من فوق السرير* فرشت السجاده وسحبت شرشف الصلاه* رفعت يدها بتكبر ... رن الجوال .. رجعت على الجوال جررررري فتحتو وفمها ماقفلتو من التناااحه ( رباا انت بالنسبه ليا اكثر من صحبه واكثر من مجرد اخت اول مرة اشوف احد فاهمني قدك ربا الله يخليك انا لقيتك ومابا اخسرك لاتحطميني)* ربا ماقدرت تطنش قلبها يدق وفيها بكوه ( ربا اتقدملها واحد ياياسر )* ياسر حس بالخنقه فجاااااه : ربا ايش تقولي انت؟* ربا ( اليوم لما كلمتني بعد ماقفلت ممنك رحت وجلست مع اهلي وامي قالتلي ولد عم ابوك اتقدملك ) ياسر( حتوافقي؟)* ربا ( ما ادري ) ( افتكرت تعليق ياسر على ما ادري .. ابتسمت ونزلت دموعها)* ياسر( ربا يعني خلاص ؟ )* ربا ( ما ادري والله)* ياسر ( طيب الله يهنيك ) قفل الجوال ... ربا سابت الجوال ومسحت دموعها بهدوء مستغربه من نفسها ليش تدمع ؟؟؟ *في الصباااااح .....* قايمه من بدري ونزلت ... جالس على الطاوله ياكل بهدووء... سحب الكرسي وجلست : صباح الخير* يطالع فيها باستغراب : صباح النور* ريم : كيفك ؟* ابو ريم : تمام الحمد الله وانتي كيفك؟* ريم: الحمدالله طيبه* ابو ريم : اشبك قايمه بدري اليوم متى محاضرتك؟* ريم : امم لا مو ذحين المحاضره بس صحيت عشان بكلمك في موضوع* ابو ريم : امريني؟* ريم : اباك تحجزلي على اقرب طياره لالمانيا* ابو ريم باستغراب : ليش؟ دوبك راجعه* ريم : ابويا تالين هناك سبتها ابو ريم : قلتيلي مع حسين وحسين ماينخاف عليه* ريم : بس ضروري اروح عشان اخوها حيسافر ولو عرف اني سايبتها مع رجال غريب حتصير مشاكل مررة كثيرة* ابو ريم : طيب وكم حتجلسي. ؟؟ ريم: ما ادري والله بس حرجع وتالين معايا ان شاءالله* ابو ريم : ان شاءالله* ريم : ذحين اتصل* ابو ريم: ذحين ايش لسا بدري يابنتي* ريم: الله يخللليك والله خايفه انا ومحمد نكون في نفس الرحله لو اتاخرت.وننفضح* ابو ريم : طيب ذحين انا رايح ( وقف) اكلمك من الشغل واقلك يالله انتبهي على نفسك* ريم : ان شاءالله* ابو ريم مشي .. ريم طلعت فوق جري واتصلت* جوالها يررن ....* فتحت عينها وسحبت الجوال بدون ماتشوف : اممم* ريم: تالين؟؟؟ اشبك صح النووم* تالين : ريم؟.* ريم: بالله عليك ؟؟؟؟ اجل مين حكون حسين؟* تالين : انقلعي بالله* تالين جلست واتحمحمت : اشبك متصله من بدري كذا ؟* ريم: عشان ابشرك اني جايه* تالين فرحت: والله ؟؟؟؟؟ متى؟؟ ريم: ااممم ما ادري بس بكرة او بعدو* تالين؛ ريم الله يخليك عجلي والله ما ادري في اي لحظه يطب عليا محمد* ريم : طيب ان شاءالله ولايهمك اتطمني* تالين : طيب يالله مع السلامه* ريم : اووف ايش الطرده ذي؟* تالين : مو طرده ابا الحمام وي احد يدق ذحين اصلا؟؟؟ معدوم الذوق حسبي الله علي بليسك* ريم تضحك: ايش حستأذنك عشان ادق مثلا؟* تالين : ريم اخلصي بقوم انا* ريم: طيبب خلاص مع السلامه* تالين : مع السلامه* ( قفلت)* تالين ضغطت الزر ونادت الممرضه ... دق الباب ودخل ... مالقى احد على السرير ... سمع صوت المويه ...* حط اللي في يدو على السرير* وراح.....* بعد دقايق نزلت من الحمام .... اتوجهت للسرير ومسكت في الحديده تبا تطلع ( انتبهتها فوق السرير)* استغربت ومدت يدها وحملتها وتقرأ البطاقه **(الحمد الله على سلامتك يا احلى اخت ساعه وحجيك ...) * *انفجععععت وشهقت : جاااااا؟؟؟؟؟؟* حملت جوالها واتصلت بسرعه ... مسك جوالو وشاف اسمها ورد : الو ؟* تالين بفجعه : حسسييييين الحقني محمد جااااااا* حسين : نعم؟ كيف جاا ؟* تالين : دخلت الحمام ونزلت لقيت باقه ورد وفي بطاقه مكتوب انو جا بس شكلو انشغل قال ساعه وجاي* حسين : طيب ؟* تالين رمشت بسرعه: كيف طيب؟* حسين : كيف كيف ؟ خلاص جا اخوك ؟ ايش تبيني اقابلك مثلا؟* تالين ملامحها لانت وهدي صوتها فجاه : نعم؟ حسين : تالين معليه مشغول شويه اكلمك وقت ثاني* تالين قفلت السماعه وتحاول تستوعب مهي قادره ..* مصدووومه ... وعلى طول خدها شرفتو دموعها ....* الباب يندق ...* فتح الباب ودخل* تالين ارتبكت وعدلت جلستها وحاولت تمسح دموعها .. رفعت راسها بابتسامه متصنعه ... عينها جات في عينو اختفت ابتسامتها وقلبها تحسو وقف اطرافها بردددت فجاه ... اتلكك في الكلام : امم انا اسف ماكنت اعرف انك هنا اقصد يعني ما ادري انو ..* تالين تطالع فيه : ايش جابك؟* يتكلم وموطي راسو : برجعك عند اهلك* تالين لمت نفسها على نفسها وضمت رجولها لصدرها : رووووح مااابا روووح مابا اشوووفك رووووح ( تبكي من قلبها )* فتح الباب بابتسااامه : صباح ال( قطعت ابتسامتو لما شافهم )* حسين يطالع فيه : رائد؟* تالين بكيت اكثر : رووووحو يا.... انتو كلكم كذا كلكم كذااا انا الهبله انا اللي وثقت فيك حرام عليكم روحووو انتو متفقين عليا انا ايش سويتلكم حراام عليكم واكيد ريم معاكم ريم معاكم* حسين : تالين اشبك. ؟؟؟؟ اشبك خايفه كذا ايش سوينالك؟* تالين : اخرررررجووو والله الم العالم عليكم رووووحو مابااا اشوفكم يا ........* رائد اتأفف وفتح الباب وخرج* حسين قرب منها : تالين اشبك ؟ تالين اهدي ترا والله كنت امزح معاك حطيت الباقه وفيها كرت مني لك منتي مصدقتني اقريه من ورا بس لما شفتك منتي موجوده قلت بستهبل وبشوف رده فعلك لو جا اخوك* تالين تبكييييي وتلم نفسها اكثر واكثر* حسين قرب منها : تالين فهميني* تالين صرخت : بععععععععددددد* حسبي الله عليكم حسبي الله عليكم والله مني مسامحتكم ولامحلله اللي تسوه فيا* حسين مفجوع مو فاهم شي : ايش سوينا تالين فهميني ايش سوالك رائد؟* تالين تبكي : انا هنا بسببكم هذا ال.... هوا اللي حرمني امشي واكمل حياتي طبيعيه وانت وياه متفقين عليا لييييش؟؟؟* حسين انننننصدم : رائد اللي سوا فيك كذا؟؟؟؟؟؟؟؟* تالين : تسوي نفسك ماتعرف ماتعرف ؟؟؟؟؟؟ روووووح اقلك اطللللع براااااا رووووووح * حسين شويه ويبكي من القهر مو عارف يهديها ويفهمها ولايستوعب اللي سواه رائد فيها ؟؟* طلع برا ..... تالين انسدحت وغطت نفسها وجلست تبكييييي .....* فتح الباب : بسم الله .. مشي كم خطوه ودق الباب .. وفتحو* يكلم جوال : ايوا .. خلاص ان شاءالله حرسلها عبر الفاكس ... اكيد ان شاءالله ... يعطيك العافيه ..مع السلامه ..* ابتسم: السلام عليكم* ابو احمد طالع وابتسسسسسم وقام : وعليكم السلام ورحمه الله وبركاته الحمد الله على السللاامه* ابو وليد: الله يسلمك يارب كيف الحال ؟ وكيف الاولاد ؟* جلسو على الكنبه ..* ابو احمد: الحمد الله كلهم طيبين . انت كيفك وكيف السفره عسا ماتعبت؟؟* ابو وليد: لا الحمد الله كل شي تمام* ابو وليد يطالع في الشنط : ايش هذي؟* ابو احمد: والله خلاص اليوم المغرب باذن الله حنروح بيت احمد ولدي ماشاءالله كبير وفاضي محد فيه* ابو وليد: لاا بالله مايصير اشبكم لايكون اتضايقتو والله البيت بدونكم مايسوى اتعودنا على حسكم* ابو احمد: والله ماقصرتوا سويتو اللي عليكم واكثر والله يقدرنا نرد جمايلكم* ابو وليد : مابيننا يا خالد افا عليك دخل المجلس: اووووه عمي ( اتوجهلو وسلم عليه ) ياهلا والله الحمد الله على السلامه* ابو وليد: وعليكم السلام الله يسلمك ياولدي يا احمد* احمد: كيفك ياعمي متى جيت ماشاءالله؟؟* ابو احمد: دوبو جا قبل ماتدخل بدقايق* ابو وليد مبتسم؛ ايوا والله خلصت الشغل الحمد الله وان شاء الله هذي الفتره ماتكون فيها سفرات كثيرة* ابو احمد: ان شاءالله .... يالله روح ارتاح ولاتشيل همنا احنا معدين البيت بيتنا لاتشيل هم* ابو وليد ضحك : الله يحييكم يارب ( قام ) يالله انا استأذن* اتوجه للباب .. وافتكر ..: ابو احمد نسيت ما اقلك* ابو احمد طالع فيه: امر؟ ابو وليد : والله بنتي اتقدملها يوسف ولد عمي والين ذحين ما اعطيناهم خبر بس ان شاءالله خير* احمد انفجع بس مابين : ماشاءالله مبرووك مبرووك* ابو احمد: مبروك الله يكتب اللي فيه الخير ان شاءالله ابو وليد: ان شاءالله ( خرج)* احمد : ابويا اليوم حتجي معايا ولا؟* ابو احمد: لا والله ياولدي حروح لشركه عمك هوا كلمني قبل شويه* احمد انسدت نفسو : ابويا كيف ترضى تشتغل عندهم بعد اللي سووه فينا ؟؟* ابو احمد: ياولدي مهما كان هذولا اخواني وثاني شي مستتتتتحيل يكون ابو حسين عارف انك ولد اخوه ويسوي فيك كذا لكن الله يهديه ايش تبغاني اقول ؟ وعمك ابو رائد قال انو بكرة حيجمعنا بس طبعا ابو حسين في السجن ماخرج لسا وحيقلهم ومنها تتعرفوا على اهلكم* احمد ماعجبو : طيب براحتك يا ابويا انا الظهر حروح لامي ان شاءالله ازورها* ابو احمد: ان شاءالله* دخل غرفتو وبعد ما اتروش وبدل انسدح بينام* جالسه جنبو : ها فكرت ولا؟* ابو وليد: يابنت الحلال دوبني جاي خليني انام اول الله يحفظك بعدين نتفاهم* ام وليد : طيب اسفه* قامت وقفلت النور وخرجت ....* نازلين من المحاضره يمشو في ممرات الجامعه : يالله وحشتني الجاامعه وجوها* ربا : طبببعا محد يداوم غيري كل وحده ساحبه* تالا: بلا كذب ماريا تداوم في مكان ثاني وانتي ايش من دوام يوم تروحي وعشره غايبه* ربا: والله عاد كيفي غيرااانه مثلا؟* تالا سحبتها من يدها : امشي امشي بس تلاقي ماريا مستنيتنا نخرج* ربا افتكرت وشهقت* تالا تطالع فيها باستغراب : ايش فييي؟* ربا تجرررري ..* تتالا تلحقها وتطالع يمين يسار الكل يطالع وربا ولاهمها احد.... واقفه تشتري.... اخذت الكوب بشويش مررة حار ولفت بشويش صقعت فيها بقوه واتكب اللي في يدها وشهقوا اثنينتهم ... ماريا تمسح عبايتها بالمنديل: ااااح يا....... اشبك انتي؟؟؟؟ ماتشوفي ياربي هبل مو طبيعي ورجه وكل شي سيء فيك* ربا واقفه بكل براءه: اسفه والله لازم تقبلي ياخي اسفي اول مرة اتاسف* الزبده مسحي بسرعه بحكيك اشياء والله ولامسلسل* ماريا بكل برود: انا غسلت يدي من عيلتكم كل واحد فيكم له قصه ومغامره حشا فيلم مو حياه* ربا: غيرانه؟* ماريا دفت ربا : انقلعي* ربا : ولو اقلك انخطبت؟* ماريا : ما اصدقك* تالا جات جلست:صدقي يختي ربا انخطبت* ماريا تطالع في تالا: ها؟ كذابه؟* ربا طالعت في ماريا بحقد: ليه مني مالليه عينك ؟ ايش مستقبلي ضايع؟ ماحتزوج مثلا؟* ماريا دفت ربا: اقول بعدي خليني اتفاهم مع الصادقه مو زيك خرش في خرش حسبي الله* ماريا جلست جنب تالا: بسرعه تالا من جد ولا تستهبلو؟* تالا: قد استهبلت في امور زي كذا؟* ماريا: اامممم لا* تالا: اجل خلاص صح* ربا اتكتفت: الحمد الله والشكر لسا مهي مصدقه مشكله الناس اللي ماتقدر الجمال* ماريا : ربا انكتمي بسمع السالفه* تالا تضحك: اشبك وليش ماتسمعيها منها ؟؟ ماريا بدون ماتطالع في ربا ومعطيتها ظهرها: هذي اكبر خراطه في العالم وكل ام سواليفها بهارات ياشيخه احس لو شفتها بفستان الزفاف قدام عيني مابصدقها* ربا : مالت حتى مالت منك لله اللي يسمعك يقول انتي القلب الطهور توزعي حسنات بس* مو اساسا تعلمنا على يدكم ..* ماريا طنشت* تالا تحكي ماريا السالفه وربا تدخل عرض وتكمل وكل وحده تكمل للثانيه ...* ماريا: لا ياااهو ايش ذا؟ ( طلت في ربا) ايش تحسي طيب يعني مرتاحه وكذا؟ صليتي استخاره ؟ طيب يعني متى حتردو ؟ اسمعي فكري مزبوط وخلي الهباله ترا ذا شي جدي* تالا وربا يطالعو في بعض : اشبها ذي؟* ربا: اسمعي اكتبي اسالتك في ورقه ولما افضى ارد .. حسبي الله سبع التحاسيب ايش ذا ؟ ستميه سؤال خليني اتكلم اعبر عن شعوري بلا اسالتك* ماريا: اقول الزبده ايش راايك خلصينا ؟ بزغررررط* ربا بلعت ريقها : ياخي ما ادري* تالا: ترا حتى انا امس صارت اشياء وانشغلنا ومافضيت اجلسلها واتكلم معاها فما اعرف ايش ردها؟* ربا: والله بنات اقلكم بجد يعني ما ادري احس ساعات اوافق وكذا وهوا طيب وحيفهمني ويسعدني ان شاءالله وساعات احس بالهم مدري ليش* تالا: طيب صليتي ولالا؟* ماريا: اتحدى صلت باين من وجهها* ربا ضربت ماريا : اسكتي انتي كنت بصلي بس شسمو ذا* تاالا: ايش؟* ربا : لا بس انشغلت شويه الزبده بصلي اليوم ويصير كل خير ان شاءالله* جا باتجاههم : السلام عليكم* طلو فيه : بسم الله ..... من فين طلعت .... ايش جابك ؟؟.* احمد: ايش هذا محد رد السلام* تالا: وعليكم السلام بس استغربنا جيتك* احمد: خلصتو؟* تالا: ايوا* احمد : خلاص انا جاي اخذكم* تالا : اها طيب كان اتصلت* احمد: لا انا اول قدمت استقالتي ( طل في ماريا وابتسم) وذحين حرجع اشتغل* ماريا ابتتتتتتتسمت : والله؟* ربا: يووه الله يعين ذحين بيجلس يراقبنا محرم في الجامعه احمد: اسكتي اول شي خلي يوسف يوافق انك تكملي بعدين تعالي اتأففي ربا انفجعت : اعوذ بالله مسرع انتشر الخبر تالا ضحكت : طيب الله يوفقك يارب* احمد : استنوني في السيارة* ماريا : طيب بنات انا رايحه اشوفكم بكرة ان شاءالله* احمد: تقدري تجي معانا؟ ماريا: ها ؟ وين* احمد: حنروح مشوار صغير بصراحه اتمنى تجي معانا حااولي* ربا: وين حنروح مطعم ؟ مالت عليكم امس حرمتوني من الاكل* احمد ضحك؛ طيب ولايهمك حوديك وين ماتبغي بس قبلها حنروح نزور امي* تالا اننننننفجعت ...* ربا وماريا: طيب يالله نستناك في السياره* احمد: طيب دقايق وجاي ..، ( اعطى ماريا المفتاح) وابتسم وراح* ربا طلت في ماريا: امشي امشي بس الله يعينني عليكم بس * تالا واقفه مكانهاا... ربا: هييي مرت وليد يالله* تالا: اسمعوا بروح الحمام شويه وبجي* ربا وماريا: طيب نستناك ..* تالا جريت على الحمامات واتصلت عليه ...* وليد في المكتب ...* اخذ جوالو ورد : ياهلا والله** تاالا: وليييد اسمعني* وليد عدل جلستو: ايش ؟؟ ايش في؟؟* *تالا: ذحين انا وربا وماريا في الجامعه واحمد جا ياخذنا وقال بيشيلنا معاه نزور امي ايش نسوووي ذحين؟* وليد: طيب طيب هدي انا حجي حقابلكم هناك لاتخافي . تالا: نفسي اعرف ليش مخبي عليهم ايش في راسك* وليد: حتعرفي قريب يالله حبيبي مع السلامه* تالا قفلت الجوال وخرجت .... استأذن وخرج بسرعه ...* طلع السياره واخذ نفس وساق بسرعه غير معتاده ....* اشاره وسيارات وناس يعديها ....* شارع ورا شارع لفه مع لفه .... (في نفس اللحظه في سياره ثانيه)* نزل وركب السياره : اسف والله اتاخرت عليكم* ربا : لا ابدا ما اتاخرت مين قال ؟ بس عفنا واحنا نستناك ومتنا جوع* تالا: لالاعادي اهم شي خلصت شغلك * احمد يطالع ورا يدورلها وابتسم لما شافها* ماريا طالعت فيه ووطت راسها وهيا مبتسمه* ربا تطالع فيهم باستصغار: الحمدالله والشكر* ناس منتهيه ..* احمد: انتي ايش دخلك ياخي واحد وطالبتو انتي ايش حشرك بيننا؟* ربا عصبت: مالت عليك انت وياهاااا وبعدين تعال هنا طالبتك ها؟؟؟ قول حبيبتك ولامستحي ولامسوي مؤدب؟؟؟* احمد طالع فيها : ايوا حبيبتي عندك شي؟* تالا تضحك* وماريا وجهها في الارض خلاص مهي قادرة ترفع راسها حتى* ربا تطالع فيها : وانت هي اشبك شويه وتجلسي تحت الكرسي ماناقص الا تستحي من حبيبك* احمد يضحك على قهرها* ماريا ضربت ربا* ربا : وجع يوجع بليس* احمد بدون مايطالع: احسسن ربا : تااالا سكتي اخوك بالله* تااالا مسرررحه وخايفه .. ربا : ايوا ياجداررر؟؟؟؟؟* تالا: ها ها* ربا: بدري* تالا: نعم اشبك؟* ربا: اشبك ساكته شوفي اخوك* تالا: خلاص يا احمد سيبك منها* تالا مسكت جوالها ومررة شايله هم وتفكر في ايش مخطط وليد ( وليد وينك ترا احنا في الطريق )** * وصل ووقف السياره في نص الشارع * فتح الباب ودخل* يجرري في البيت* وفتح باب الصاله : اميييي يا امييي* جالسه فوق الكنبه سمعتو ينادي: ايش في ياساتر* وليد وقف قبالها : امي بسرعه بالله البسي عبابتك وتعالي معايا* ام ولبد وقفت : بسم الله ايش في وين نروح؟ وليد : امي بسرررعه بعدين بقلك لاتخافي مافي شي عندي مفاجاه لك يالله بسرعه مافي وقت* ام وليد راحت لغرفتها: طيب طيب* اخذت عبايتها ونزلو بسرعه* البواري طالعه صوتها سيارتو موقفتهم .. وليد رفع يدو اعتذار ودخلو السياره وحركها بسرعه* فتح جوالو وارسلها( جاي في الطريق لاتخافي)* بعد دقايق ...* وصلو وتالا قلبها يدق مهي فاهمه شي وخايفه من صدمتهم لو شافو امها ...* طلعو .. احمد متوتر بشوفه امو يطلع الدرج مع كل درجه يزيد توترو ..* ربا وماريا طالعين عادي ومعتبرينها زياره ...* قربو من الغرفه....* احمد وتالا خايفين وكل واحد مشاعرو مختلفه ... احمد دق الباب ودخل ... احمد يتقدم بشويش ووراه البنات ...* منسدحه ومغمضه عيونها بس صاحيه وحاسه بالحركه اللي حولها ...* قرب من السرير وبلع ريقو : امي* ام احمد فتحت عيونها ورمشت بعيونها كذا مرة* تالا ماتبا تشوف صدمتهم* احمد يطالع في امو وعيونو مارمشت* ام احمد جلست بشويش وتطالع فيهم ومبتسمه ... ربا حاطه يدها على فمها من الفجعه ... احمد مو مستوعب شي مصنننم مكانو* تالا واقفه مكانها مهي عارفه ايش تسوي ... ماريا تطالع فيها وتطالع فيهم ومهي فاهمه شي....* دخلو الغرفه : احمد اليوم خالتي حننزلها من المستشفى...* كلهم دارو وراهم ... ام وليد عيونها على اللي جالسه فوق السرير رجولها مهي قادره تحركها من الصدمه* وليد ماسك امو: امي خالتي قامت من غيبوبتها* ام وليد بعدت يدو عنها وجريت على اختها وحضنتهاااااااااا وتتتتتبكي تبكي بصوت عااالي ... ام احمد تربت على ظهرها وتمسح دموع اختها : فاطمه لاتبكي* ام وليد: ياعيوون اختك ياحبيبتي والله ابكي من فرحتي يا اختتتي ياا اختي الحمد الله الحمد الله يارب يارررب لك الحمد ( تشهههق)* وليد وربا اول مرة يشوفو امهم تبكي بذي الطريقه .. تالا دمعت وماريا وربا دموعهم نزلت من دموع ام وليد ...* تالا حضنت اخوها الواقف ومو عارف ايش مشاعرو .. احمد حضنها بقوه وغمض عيونو اللي اتملت دموع ...* بعد ثواني* واحد ورا الثاني يحضن ام احمد ... وام احمد مستغربه بس مبتسمه ...* جا الدكتور مبتسم : الحمد الله على سلامتها وليد واحمد: الله يسلمك يارب* الدكتور : ها يا ام احمد بتروحي بيتك؟؟؟* ام احمد هزت براسها ايوا : ان شاءالله* الدكتور اشر لوليد واحمد* وخرجو معاه توقيع خروج وصرف ادويه وتطمين على حالتها ...* ام وليد وربا وتالا فوق السرير .. ام وليد اتصلت على ابو وليد وبشرتو ولزمت عليه لايبلغ زوجها لين يجيبوها البيت ... وماريا جالسه فوق الكرسي تفكر في ذي العيله واللي يصير معاها ... منسدح فوق سريرو دوبها غمضت عيونو طول الليل صاحي يفكر ....* الجوال يدق .... فتح عيونو وجلس ثواني يستوعب مو داري يحلم ولا حقيقه يسمع صوت الجوال بس مو مستوعب* فرك عيونو ورد : الو* مراد : السلام عليكم اسف اذا اتصلت في وقت غلط* ياسر غمض عيونو : لالاعادي * *مراد : طيب بالنسبه للموعد زي اتفاقنا تراه موعد ضروري نتكلم في الموضوع ياسر : طيب طيب ان شاءالله* مراد : يالله ان شاءالله ساعتين ونتقابل* ياسر : ان شاءالله* مراد : مع السلامه ياسر ؛ مع السلامه* قفل الجوال وفتح الجوال يشوف اخر ظهور لها ...* رجع لقلبو الهم ضبط المنبه وحاول يرجع ينام عشان ينسى...* خرج من الشركه والابتسامه على وجهو استرجع وظيفتو وبدوام اريح لعمرو ..* ركب التاكسي وراجع البيت ...* خرجو من المستشفى ومو مصدقين نفسهم* احمد: خلاص انت خذ خالتي واسبقونا للبيت* ام وليد: بيتنا طبعا؟* احمد : لاياخاله خلاص بيتي كبير وقدنا المغرب رايحين فبلا مانتعبها من هنا لهنا* ام وليد : طيب بروح اجيب اغراضي وبجي* احمد: ايوا طبعا مستحيل نروح بدونك ياخاله* وليد اخذ المفتاح من احمد ومشيو على بيت احمد ...* احمد ركب امو ورا وجنبها ماريا وربا* وتالا قدام ولافه على ورا تشوف امها .. احمد يسوق ومو قادر يتكلم من فرحتو* تالا واحمد لسانهم بالحمد ماوقف ...* اتوجه وليد لبيت احمد ...* ام وليد : اللهم لك الحمد يارب مني مصدقه ياولدي والله اختي بعد ذي السنين تقوم* وليد مبتسم: الحمدالله مافي عند ربك بعيد* ام وليد: الحمد الله* وليد: خلاص ماشاءالله كملت عيلتهم اخوهم جا وامهم قامت الحمد الله وابوهم رجع يشتغل هنا ويعني ماشاءالله عيله كريمه يسعدهم ربي* ام وليد طلت فيه : ايش قصدك؟* وليد ابتسم: ها؟ لاماقصدي شي* ام وليد سكتت وابتسمت وجلست تفكر في اللي *في بال وليد ... بعد دقايق وقف تحت بيته ونزلو : ماشاءالله بيته كبير* وليد: ايوا ماشاءالله* وليد فتح الباب ودخل* ام وليد دخلت وتدور راسها : يالله خلينا ندخل ندور غرفه مناسبه نرتبها قبل جيتهم* دخلو البيت ووليد يفتح الابواب واشر لامو على غرفه : تعالي يا امي هذي غرفه مرتبه بس يبالها تنظيف* ام وليد فسخت عبابتها واتوجهت للمطبخ : تعال بجيب اشياء التنظيف ساعدني واول ماتجي ربا روحو جيبولي ملابس* وليد: ان شاءالله دخلو المطبخ* ام وليد تفتح الدواليب تدور* وليد فتح الثلاجه : ومسك العصير : اوف تلاقي الاشياء منتهي تاريخها* ام وليد: انت ايش عليك تعال خذ ذا وحط الديتول ومويه فيه* ام وليد مسكت المكنسه اللي لقتها في نص المطبخ : احد يحط مكنسه هنا حرام والله عايش لوحدو مسكين* وليد: امي ايش اسوي ما اعرف* ام وليد : حط ديتول* وليد فتح العلبه وكبها : خلاص؟* ام وليد انفجعت : هيييي بسسسس الناس تحط شويه* وليد وقف: ايش دراني انا كيف تحط الناس* ام وليد: تعلم عشان تساعدها* وليد: مين هيا؟* ام وليد سحبت الاشياء واتوجهت للغرفه وطنشتو* وليد ابتسم واستغرب في نفس الوقت ....* ام وليد فتحت الستاره وفكت الطاقه عشان تتهوى الغرفه* نزلت فرش السرير وغيرتو ومسحت ونظفت ورتبت مع وليد ...* الباب يدق* وليد اتوجه للباب وفتح* دخلو كلهم ووليد شاق الابتسامه* ربا شافتو فطست ضحك: ضيعت الحمام وسويتها على نفسك ؟؟؟ وليد يطالع في ثوبو المبقع واعطاها نظرررره : ديتول يالمعفنه ديتول استحي على دمك* احمد وتالا ماسكين في امهم* ام احمد: سيبوني اعرف امشي* تالا فررررررحانه بامها وبصوتها ماتصدق انها تتكلم* احمد نفسو يحملها على راسو : حاضر يا ام احمد حاضر* وليد اشر لاحمد على الغرفه* ام وليد تعدل في السرير* دخلو : ماشاءالله يعطيك العافيه ياخاله ربا : الله ريحه مستشفى* ام وليد مشغوله باختها تحطها على السرير* وليد: اسمع يا احمد انا وربا حنمشي ذحين البيت بنجيب اغراض لامي *وبجيب الغدا وبعدين امي حتكتبلك الاشياء اللي ناقصه في البيت* احمد: طيب ان شاءالله* وليد: وعمي ؟* احمد: اكيد رجع روح الحقو لاينفجع محد في البيت* وليد: الا ابويا في البيت بس اقصد كيف !* احمد: عادي لو سال عننا قلو راحو ينظفوا البيت* وليد: طيب* وليد وربا وماريا خرجو* احمد لحقهم وليد نزل وربا وراه* ماريا تمشي بشويش تبا تشوف احمد وين بيروح* احمد كان طالع غرفتو وقف : ماريا* ماريا ماصدقت لفت على طول: نعم؟* احمد: اسف اشغلتك عن كل شي بس كان نفسي تشوفي خاالتك مقدما * ماريا وجهها احممممممر: امممم* وطت راسها : لاعادي* وراحت* احمد ابتسم وطلع* تالا وام وليد جالسين مع ام احمد ...... يدق عليه ....* مارد ..* رن المنبه* قام منزعج وقفلو ويطالع في الجوال : اوووف* قام بسرعه على الحمام اتروش ولبس واتجهز وخرج ... يتصل عليه ... : الو* مراد : ايوا الو وينك؟* ياسر : معليه اتاخرت انا في الطريق وين تبانا نتقابل ؟* مراد : انا استناك في ...... ياسر : خلاص دقايق واكون عندك ان شاءالله* يتصل عليها ... ترتبت اغراضها قامت وشافت الرقم استغربت اتصالو: الو؟؟* حسين جالس في كرسي قدام البحر القريب من المستشفى :الوو ريم* ريم انفجعت من صوتو : حسين بسم الله ايش فيه؟ اشبو صوتك؟* حسين : تالين ياريم* ريم وقفت من الفجعه وحطت يدها على قلبها : اشبببببها؟* حسين : هدي صحتها بخير بس في شي ثاني* ريم اخذت نفس: فجعتتتني حرام عليك اشبها طيب؟ حسين : ما ادري انا اتصلت اباك تفهميني ايش جاب رائد هنا ؟؟؟* ريم انفجعت: رائد، في المانيا؟؟؟* حسين : ايوا ليه منتي عارفه؟* ريم : لااا مني عارفه والله اصلا ما اكلمو من زمان* حسين : ريم من جدك انتي؟ اجل ليش اخر مرة كنتي انتي وياه هنااا وانتو كلمتوني على تالين وقلتو نباك تجلس عندها* ريم: حسين ايش صار طيب* حسين : جاوبيني على سؤالي اول ايش دخل رائد بتالين* ريم ارتبكت: خلاص حسين ايش دراني* حسين عصب: انتي ماشفتيها كيف لما شافتو بكيت وانلمت على نفسها ونفسيتها اتدهورت وخايف عليها والله* ريم بكيت: حسين لاتخليها الله يخليك انا مني عارفه كيف ذا ال..... جا عندها* حسين: ريم اسالك بالله اسالك بالله جاوبيني ولاتكذبي رائد هوا اللي اذى تالين ووصلها لذي الحاله؟؟؟؟؟ وهوا اللي اخذها وحاول يأذيها؟؟؟؟؟* ريم مهي عارفه كيف عرف بالموضوع: ها* حسين عصبببببب : اقسم بالله مابيصيرلو طيب ذا الرائد حسبي الله ونعم الوكيل انسان بلا دم بسرعه وين نزلتو المرة اللي فاتت في ايش من فندق بسرررررعه اديني العنوان* ريم بكل خوف: في فندق المستشفى* حسين قفل في وجه ريم* واتوجه لفندق المستشفى وكل عروقو يغلي فيها الدم ومو حاس بنفسو* وصل الفندق ودخل للرسبشن وسال عنو ولقاه* الرجال يطالع في حسين ومفجوع من وجه حسين وعصبيتو اعطاه الدور ورقم الغرفه وجلس يطالع في شكلو* حسين جري وطلع الدرج ما قدر يستنى الاصنصير من الغل والحقد والعصبيه اللي بتطلع من عيونو* وصل للغرفه ويدقها من كل قلللللبو* ناايم ...* فتح عيونو مستغرب ومنزعج من صوت الباب* قام من السرير بكسل وفتح الباب ومارمشت عيونو الا وهوا بين يد حسين* رائد مفجوع ومو فاهم شي* حسين قفل الباب برجلو وماسك بيدينو رقبه بلوزه رائد : انت ايش من انسااان ياعديم الادب والنخوه ياللي ماتستحي على دمك محد ربااااااك حسبي الله ونعم الوكيل* عيال الشوارع فيهم ادب اكثر منك انت متئ تبطل وتخاف ربك منك لله* رائد مو مستوعب شيييي : اشبك ااانت بعد سييييبني* حسين يضغط اكثر* رائد يصرخ في وجهو : سييييب يال...... بعد يدك محد عديم ادب غيرك خير داخل كذا وتضارب وتسب* رائد بعد يد حسين بالقوه* حسين نزل يدو ورفعها بكف على خد رائد رائد فتتتتتح عيونو مفجوع من الكف* حسين يتنفس بسرععه : حسبي الله بنت مالها ذنب خاطفها من بيت اهلها ومأذيهاااا ليه ايش من قلب معاك حتى الحيوانات ماتسوي زيك ضميرك ميييت رائد دفو : انت ايش دخلك اطلع برا ماناقصني الا انت* حسين يدف ورائد يدف اكثر وكل واحد يرمي بالثاني على دولاب وسرير وارض* وجوههم حمراء : ابعدد يال.....* حسين: محد .... غيرك اتعلم الادب هذي المرجله في نظرررررك تسترجل على بنت ؟؟؟! رائد بعد حسين : اطللللع براااا* حسين : مني طااالع لين اخذ حقها* رائد: انت ايش دددددخل اهلك اطلع اقلك ولا والله اتصل علئ الشرطه* حسين: اتصل عليها انا لو انسجنت انسجن بشرف وادافع عن وحده بريئه مالها ذنب خليتها تفقد اهم اساسيات حياتها وشردتها عن اهلها وكنت بتضيع شرفها* لكن انت لو دخلت السجن بتدخل وتزيد ذل فوق ذل* لكن ما اقول غير حسبي الله ونعم الوكيل* حرام فيك يكون ابوك عمي ابو رائد حرام والله حرام* حسين فتح الباب وخرج وقفلو بقوه* رائد جلس على الارض وياخذ نفس ويتوعد لحسين ....* ريم تدور في غرفتها من القلق وميه اتصال على تالين وتالين ماترررد* مهي قادره تصبر لليل رحلتها باقيلها كممم ساعه...... وصلوها بيتها ومشيو لبيتهم .... * بعد دقايق وقفو تحت بيتهم ...* * وليد : بسرعه جيبي اغراضها ورتبيها في شنطه وانا بروح اجيب الغدا واول ما اخلص حمرلك واتصل عليك تنزلي* ربا: طيب* ربا خرجت ووليد مشي* ربا تدق الجرس* ابو وليد خرج من المجلس: طيب طيب* فتح الباب .. ربا دخلت : السلام عليكم* ابو وليد وطئ صوتو: ها بشري كيف خالتك؟ خرجوه؟ ربا: ايوا وديناها بيت ولدها* ابو وليد : طيب اشبك راجعه لوحدك؟* ربا : امي تباني اجيبلها اغراض بتبات هناك* ابو وليد : اهاا* ربا دخلت وابوها لحقها* ربا دخلت غرفه امها وفتحت الشنطه والدولاب وتنزل اغراض وترتبها* ابوها يطالع فيها : ربا* ربا : نعم ؟* ابو وليد: يابنتي ما اعطيتينا خبر الجماعه منتظرين عيب طولنا* ربا قلبها يددق: مم ما ادري اللي تشوفونو* ابو وليد: ايش اللي نشوفو الشور شورك وهذا مستقبلك وهذا الشخص انتي بتعيشي معاه لازم تفكري بعقلك وفي كل الامور فكري قبل لاتتخذي اي قرار* ربا موطيه راسها وتنزل اشياء من الدولاب ومهي عارفه ايش تنزل* ابو وليد يضحك : هييي ثيااابي ذي مو ثياب امك* ربا وجههها احمر تطالع في اللي في يدها ورجعتو الدولاب* ابو وليد ضحك ورجع لابو احمد في المجلس* ربا متضايقه وخايفه ومنحرجه في نفس الوقت مهي عارفه ايش ترد ولاهيا عارفه تحدد احساسها بس الاغلب انها حتوافق بس بتتاكد لما تصلي الاستخاره ....* فتح الباب ودخل ... البيت هااااادي* سمعت قربعه انفجعت وخرجت من غرفتها : بسم الله* ابو محمد ابتسم : السلام عليكم* ام محمد : وعليكم اللللسلامم ورحمه الله الحمد الله على السلامه* ابو محمد سلم على راسها : وحشتيني والله* ام محمد استحت وابتسمت : وانت اكثر والله* ابو محمد: وين العيال ؟؟ اشتقتلهم والله بالمره اول مرة اتاخر زي ذي الفتره* جلس فوق الكنبه والشغاله جابتلو مويه وعصير .. ام محمد جلست جنبو مرتبكه: العيال سافرو* ابو محمد يشرب المويه ووقف شرب: ساافرو؟* ام محمد : اليوم الصباح سافرو* ابو محمد : وين ؟ وليش محد قلي شي ؟* ام محمد: والله سفرتهم موعدها جا فجاه بس راحو الرياض في اوراق جامعه حقهم مدري ايش ومحمد ابحاث مدري ايش المهم اني مني فاهمه بالتفصيل بس كم شغله يخلصوها وقالو حيجو ماحيطولو ان شاءالله* ابو محمد مستغرب: طيب كان يكلموني اقلها* ام محمد: حيتصلو اول مايوصلو ان شاءالله اتطمن وهما ماسافرو الا لما عرفو انك جاي اليوم عشان محد عندي حيجلس لو راحو* ابو محمد وام محمد: جلسو يتكلمو ويتحكو ويوريها الصور والاشياء اللي جابها ... ام محمد ارسلت لمحمد رساله لايجي البيت لانو ابوه جا ويروح المطار من بدري واستودعتو الله ...* جالسه فوق سريرها واعطوها مهدي عشان تتنام وترتاح ...* جالس برا غرفتها وكل شويه يفتح بشووويش يشوف شكلها وهيا نايمه وتعبااانه ....* قلبو معوورو وبيتقطع عليها* خرج واتوجه لبيتو ....* جالسه فوق الكرسي وماسكه كتاب تقرؤ عند مدخل بيتها......* وقفت السياره وراحت خرج بلوزتو مبهذله وازرار مقفل وازرار مفتوح مهمووم طفشان تعباان* يمشي زي السكران مسرح ويفكر* ويطلع درج بيتو بشويش ...* تطالع فيه ومستتتتتتغربه* بعد مادخل بيتو* قامت ودخلت بيتها جابت كيك وحليب وعصير وراحتلو ودقت الباب ...* اول مرة مافتح* انتظرت شويه* ودقت الباب ...* ومافتح* ثالث مرة دقت الباب ... استنت شويه ومافتح* لفت ظهرها ونزلت درجه درجه ..* فتح الباب .. لفت عليه وابتسمت* رجعت طلعت وقفت قدامو : تسمحلي ادخل؟* حسين اشر براسو ايوا وساب الباب ودخل قبلها ..* قفلت الباب وحطت اللي في يدها على الطاوله* جلس فوق الكنبه* وجلست في الكنبه اللي قدامو ..* مرت دقايق وهوا يفكر ومسررح ولا كانو احد قدامو* وهيا مبتسمه وتطالع فيه ...* بعد ثواني قامت وصبت الشاهي وجابت الكيك وحطتو قدامو : كل* حسين : لاشكرا مالي نفس* الحرمه المسنه : ليش؟* حسين حرك راسو بنفي : ولاشي بس تعبان شويه* الحرمه المسنه : اتضاربت مع احد ؟ حسين يطالع فيها واستغرب ..* الحرمه المسنه : اعتبرني امك واحكيلي * حسين وطى راسو: ايوا اتضاربت* الحرمه المسنه : قبل اي شي انت راضي عن الشي اللي سويتو وتحس سبب المضاربه يستاهل اللي صار ؟؟؟؟* حسين : ايوا يستاهل* الحرمه المسنه : واتوصلت لحل مقنع ولصالحك بعد هذي المضاربه؟؟* حسين : لا الحرمه المسنه : معناتو ماتستاهل هذي المضاربه* حسين : الا تستاهل* الحرمه المسنه وقفت واخذت مخده وحطتها في نفس الكنبه اللي جالسه عليها : اذن انت محتاج تنام عشان تجاوب وتهدأ وتفكر صح* خرجت وسكرت الباب ...* حسين انسدح وكل شويه ياخذ نفس وياخذ نفس .... ويفكر ومقهور وتعبان ... دقايق وغلب عليه النوم ....* * وقف السياره ودخل .. نزل النظارة ويدورلو* لقاه في طاوله على اليسار ... اتوجهلو .. وقف قبالو : السلام عليكم* مراد اشر على الكرسي: وعليكم السلام اتفضل* ياسر جلس .. مراد : امم والله مني عارف كيف ابدا بالموضوع* ياسر : ايش في لاتقلقني؟* مراد: انا سويت شي وورطت نفسي فيه بالاصح وندمت عليه ومحد حيساعدني غيرك* ياسر مستغرب: ايش هوا؟* مراد: اسمعني ياياسر لين الاخر واتمنى تتفهمني* ياسر : حفهمك لاتخاف اتكلم* مراد: انا متزوج ليا تقريبا سبعه سنين* وزوجتي ماقدرلها ربي وتحمل بس الحمد الله علاقتي مع زوجتي تمام وكل شي الين ظهرت مروة في حياتنا واتعرفت عليها زوجتي بالصدفه في الشاليهات المهم واتعلقت ببنتها وكلنا اتعلقنا ببنتها وصارت مروة تجيب بنتها وتبات عندنا وثاني يوم ارجعها عند امها* بالصدفه عرفت من زوجتي حكايتها وانها مطلقه وكذا فيوم من الايام ضاق فيا الحال وامي ياياسر تزن وتبكي تبا تشوف احفادها وسويتها واتصلت على مروة وطلبت منها اننا نتقابل وبكلمها في موضوع خاص وماقلتلها ايش واتفقت على اليوم اقابلها في الليل* ياسر : طيب تبا تتزوجها يعنيي؟* مراد مستغرب من برود ياسر : ايوا كنت بس سبحان الله يمكن عشان زوجتي مالها ذنب اول ماحلصت مكالمه قالتلي زوجتي انها حامل وبيني بينك حسيت انو مروة شاكه في الشي اللي بفاتحها فيه فنفسي اسعدهم ومافي الا طريقه وحده* ياسر: ايش؟* مراد: انت تعرف زوجها صح؟* ياسر استغررررب: طيب؟؟؟* مراد: انا اليوم بكلم مروة وبقلها عندي لك مفاجاه واباك تكلم زوجها يجي هنا ولما اتواعد اقابلها يكون زوجها في انتظارها بالاساس مو انا وعشان نرتب الموضوع* حخلي مرتي تروح تزورها وتمسك جوالها وترسلو كلام مرتب تستلطفوا فيها* ياسر: طيب وانا ايش دخلني بعطيك الرقم وانت اتصرف* مراد: انا مستغرب منك ومن برودك اصلا* ياسر: ايش تباني اسوي؟* مراد: لا بس اللي يشوفك وانت تتتضارب ذاك اليوم عشانها مايشوفك اليوم ولاكانك تعرفها* ياسر بدون اي تعابير وجه: ماضي وانتهى وغلطه وبنصلحها ان شاءالله* مراد : طيب اديني رقمو* ياسر اعطى مراد رقم ابو لمى* ياسر: تبا شي ثاني؟* مراد: اجلس طيب بنشرب شي ياسر وقف: لالا شكرا مستعجل شويه* مراد : طيب براحتك ( وقف مد يدو )* ياسر سلم ومشي....* ركب سيارتو ونزل كرسيو لورا اخرر شي وانسدح وحط يدو على عيونو واتنهد....* ما اتوقع بذي السرعه يتعلق فيهاا وبذي السرعه تروح منو* صورتها مهي راضيه تروح من بالو* مسك جوالو وفتح لقاها داخله .. ارسلها بدون اي مقدمات ( رديتي خبر لاهلك ولا لا)* ربا انفجعت لما شافت رقمو وانفجعت اكثر من العباره ( لا)* ياسر اخذ نفس ( اسالك بالله ياربا لاتردي اليوم خليها بكرة )* ربا استغربت وخافت( مني عارفه ليش بس طيب)* ياسر قفل الجوال وشغل السياره واتوجه لطريق مو معتاد يروحو .....* يدق بوووري* استوعبت الصوت *بعد التسريح وسحبت الاغراض ونزلت* نزل من السياره شال الاغراض منها وحطها ورا* ركبت وكملت تفكيرر* وليد : ها شفتي ابويا؟* ربااشرت براسها ايوا* وليد: ماقالك شي عن عمي خالد؟* ربا : لا* وليد مشي ... اتوجه للمطار... وبعد نص ساعه وصل ....* دخل وخلص اجراءات وصلى المغرب وجلس في صاله الانتظار ...* طلع بالاصنصير لغرفتو ....* اول مافتح الباب قابلتو بشنطتها ..* ابو ريم : بسم الله اشبك؟* ريم : لا بس بنزل الشنطه تحت* ابو ريم: كان خليتي وحده من الخدم تنزلها* ريم: لاعادي خلاص* ابو ريم : طيب يابنتي بدري رحلتك 10* ريم: طيب يا ابويا بعد ساعه حمشي وعلى بال اوصل والاجراءات يكون مر الوقت* ابو ريم: انت اجلسي وهما يخلصولك كل شي وانتي اطلعي الطيارة على طول ايش لك في الانتظار* ريم: لا خلاص حروح اصلا خلصت واصلا بمر على محل بشتري كم شي* ابو ريم : اها طيب ( حضن بنتو) انتبهي على نفسك اول ماتوصلي بلغيني* ريم : ان شاءالله* دخلت الاصنصير ومعاها شنطتها ونزلت* نزلتها الخدامه لبرا ودخلها السواق السياره* ريم نزلت وشايله هم مرة .. كل شويه تتصل وتالين ماترد* دخلت السياره ومشيت على المطار ...* يتصل عليه .. : الو ايوا احمد وينك من اول ؟ احمد: انا يا ابويا مع خالتي نرتب البيت واجيب اغراض ناقصه تعرف البيت من فتره محد دخلو* ابو احمد: طيب يالله انا جاي مع عمك ابو وليد بعد العشا ان شاءالله انتبه على نفسك ولاتسرع في الطريق* احمد : ان شاءالله يا ابويا* نزل السوبر ماركت وجلس ساعه يقضي الطلبات لين اذن العشا الورقه ملياانه ماباقي احد ماطلب اشياء .. احمد يقضي ويتحسب على البنات وطلباتهم ...* نزل من السوبر ماركت واتوجه لبيتو بسرعه يبا يوصل قبلهم... ابو وليد يماطل ويمشي بشويش* ابو احمد مستغرب: اشبك ماشي على الستين تخارج نبا نوصل الله يسعدك* ابو وليد: طيب هدي بالك الله يحفظك على ايش نسرع* ابو احمد : لاعادي بس مستغرب منك دايما مسرع* ابو وليد زارها شويه : يالله قريب ونوصل ان شاءالله* بعد دقايق وصلو* ابو وليد وقف السياره ويضرررررب بورري* وليد نزل وفتح باب البيت عشان يدخل السياره جوا* وليد اتصل باحمد على طول : وينك ابوك جا* احمد : جااااااي قريب عند اللفه بس رحت مشوار انتبه يدخل استنى لاتقفل الباب بدخل السياره* وليد : يالله على بال انزل شنطكم* وليد وابو احمد وابو وليد كل واحد معاه شنطه ودخلوها الصاله* ابو احمد: احممم يالله يالله* ابو وليد: طرييق ياحريم ام وليد في غرفه اختها* وربا وتالا في المطبخ* تالا : ادخل يا ابويا الصاله مافيها احد* وليد معاه شنطتين ومستني برا* دخل سيارتو ونزل : اقول هي نادي الثنائي المرح ينزاو الاشياء ياشيخ ماشي بعربيتين الله وكيلك كنو رمضان* وليد ضحك: وانت من جدك تسمع كلامهم* احمد: ياشيخ حرام خليهم ينبسطوا* وليد : يالله خلينا نلحق اللحظه المفاجاه صور بالله* احمد ضحك : اللي يسمعك يقول فيلم راحت عليهم ياشيخ* احمد نزل بعض الاكياس ووليد معاه الشنط ودخلو الصاله ...* احمد اتوجه للمطبخ وحط الاشياء* ربا تحت الطاوله : بسرررعه خارجيني انكتمت* احمد حط الاكياس وراح : فاضيلك انا اطالع ؟ اقول روحي انتي وياها جيبو الاكياس اللي برا* ربا؛ جبت اللي قلتلك عليه ؟* احمد: جبت كل شي يالله انزلو* ربا فرررحت : مابا بشوف اللحظه الحاسمه بعدين بنزل* احمد ضحك : الله يعيينا عليك بس* تالا واحمد نزلو وربا لحقتهم ..* ابو احمد وابو وليد في الصاله* ربا دخلت الغرفه : امي يالله ذحين بيدخل عمي خالد* ام وليد تعطر اختها* وام احمد مبتسمه وتشم العطر : والله ريحتو حلوه* ام وليد ضحكت وراحت* ابو وليد قام وراح للمجلس * وليد واحمد في الصاله* ام وليد وربا وتالا في غرفه مقابله لغرفه ام احمد* احمد: ابويا ادخل ذيك الغرفه بس شوف دولابك وسريرك وهيا غرفتك اصلا وبعدين بنستناك في المجلس* ابو احمد يطالع في البيت: ماشاءالله فيه خير كتب ذا البيت باسمك* احمد ابتسم مجامله ومايبا يفتكر .. ابو احمد قام : بسم الله* سحب شنطتو* احمد : خليها يا ابويا انا بسحبها لك* ابو احمد مشي واحمد وراه* ربا وتالا عيونهم مايبوها ترمش متحمسين لرده الفعل* ام وليد تسحب ربا: لقافه ياربي ايش لك في الرجال وحرمتو* ربا : طيب طيب يا امي دقيقه* ابو احمد فتح الباب ...* احمد وراه مبتتتتتتسم * *يطالع في اللي جالسه فوق السرير تقرا مفجووووع ومو قادر يطلع كلمه من فمو* احمد حط الشنطه ومسك بكتف ابوه* ابو احمد اتقدم خطوه : اريج؟؟؟؟؟؟؟؟* طلت فيه وابتسمت .. ابو احمد جري على سريرها جلس ومسك يدها يحسهاا ورفع راسها ومسكو بيدينو عيونو اتملت دموع مو مصدق عينو : احمممد هذي امك احمد امك يا احمد* احمد: ابويا كتبلها الدكتور خروج اليوم الحمد الله وشكلها لها فتره بسيطه من قامت* ابو احمد عقلو طااار مو معاه حضنننها بقوووه ونزلت دموعو : اشتقتلك يا اريج اشتقتلك يابعد قلبي والله كان حلم انك تقومي تعبت يا اريج بدونك تعبت* ام احمد تمسح دموعو : لاتبكي* ابو احمد ابتسم : اشتقت لصوتك والله* الحمد الله يارب رجعتلي اياها الحمد الله* احمد رجع بشويش وخرج وقفل الباب ....* تالا مبتتتتتتتتسمع مسحت دموعها وخرجت الصاله حضنت اخوها* وليد يطاااااااالع ومنسجم بالحضن اللي قدامو* تالا نسيت وجودو ...* ربا فاطسه ضحك* وام وليد تصلي ...* تالا استوعبت بعدت عن حضن اخوها ورجعت على ورا وشررردت للغرفه* وليد متنننح* احمد ضحك على فشلتها* *وسامع ضحكت ربا من مكانو : رووحي جيبي اشياءك بدل ماتضحكي على اختي* ربا : مالك صلاح انت* تالا وجههها احممممر* ام وليد تدعي وهيا ساجده ...* ربا لبست عبايتها ولفت الطرحه ونزلت وتالا معاها* وليد نزل يساعدهم* احمد جالس فوق الكنبه ومسك جوالو وكتب حالتو ( اللهم ادمها عليان من نعم واحفظها من الزوال)* ام وليد خرجت من الغرفه : احمد في احد على الطريق ؟* احمد: لاياخاله ابويا عند امي خذي راحتك ام وليد خرجت واتوجهت للمجلس* ابو وليد جالس يكلم جوال ... دخلت وجلست جنبو* ابو وليد: طيب اسمع اكلمك بعدين ان شاءالله ... يالله مع السلامه ..* قفل الجوال ويطالع فيها : الحمد الله على سلامه اختك * ام وليد: الله يسلمك يارب* ابو وليد: اشبك شكلو معاك كلام بتقوليه* ام وليد قالت لابو وليد اللي في خاطرها ...* برا في الحديقه* فتحت الكيس ولقت الحلويات والشبسات وكل اللي تحبو* سحبت الكيسين : الله الله يجنننننننن ياخي ذا ذا وينو عني من زمان* وليد: مني مالي عينك انا* ربا جلست فوق الكرسي وتفتح الاشياء وتاكلها* تالا وطت تجيب اكياس ووليد وطى معاها وصقععت روسهم في بعض* تالا رجعت على ورا : ااسفه في نفس اللحظه رجع على ورا : اسف اتعورتي* تالا ابتسمت : لا* وليد : ابتسم* ربا تاااكل ومندمممجه* وليد يطالع في تالا ومسرررح* تالا ابتسمت اكثر : امشي ولا لسا؟* وليد انتبه ووطى راسو : امم ايوا* تالا: اول مرة اشوفك مستحي* وليد : ضحك ورفع راسو* تالا : بس شكلك احلى* وليد حمر وجهو : نعم ؟ ايش قلتي؟* تالا ضحكت: ولاشي* وليد مد يدو : جيبي ذي الاكياس بعطيك اخف* تالا مدت يدها ونزلت الكيس من يدها واعطتو اياه مسك يدها وماسابها ..* تالا حمممر وجهها ووطت راسها* وليد طالع فيها وابتسم: ها كيف اعرف اردها؟* تالا ابتسمت وسحبت يدها ودخلت جوا* ربا تصوور الاكياس وترسل لماريا* وماريا بتمووووت احمد جايب لربا ذا كلو* * احمد جالس في الصاله وارسلها ( انزلي تحت عند الشجره اللي قدام بيتكم ودوري وراها شي )* ماريا ( ايش وراها ؟ وليش انزل؟ )* احمد( انتي انزلي وبس )* ماريا نطت ونززززلت جرررررري* تجرررررري وخرجت فتحت الباب تشوف في احد ولا لا* نزلت بشويش وتدور ورا الشجره وااااابتسمت ( باقه ورد مكتوب فيها ( اذا ذبل الورد بينتهي حبي لك )* اختفت ابتسامتها ورجعت وقفلت الباب وطلعت بسرعه فوق* وكتبتلو ( شكرا على الورد ماكان في داعي تهديني شي مؤقت )* احمد ضحكك ( ايش دراك انو مؤقت يمكن الورد مايذبل طول الحياه)* ماريا( تستهبل انت ؟ ) احمد( ههههههههه)* ماريا (ترا مافي شي يضحك)* احمد ( طالعي في الورد زي الناس) ماريا تطالع في الورد ولمحت الورده من بينهم غير عنهم مسكتها وابتسمت ( امم طيب؟ ) احمد( لما تذبل الاصطناعيه ذي ازعلي طيب؟)* ماريا ( اممم )* احم( ماعندك شي تقوليه صح هههههههه)* ماريا ( انقلع لاتضحك اصلا ليش جالس تكلمني عندك اهلك كلهم ماشاءالله روح اجلس معاهم )* احمد( انتي اهلي وناسي )* ماريا سكتتت وتطالع وتبتسم كل شويه ( اممم ما ادري ايش اقول؟)* احمد( ينفع ترا لو قلتي احبك)* ماريا ( ههههههههه)* احمد ( طيب احبك انا شكلك ماحتقوليها لو جلست لين بكرا)* ماريا ( امم انت اشبك اليوم؟ )* احمد( اشبي؟)* ماريا( شارب شي شكلك منت على طبيعتك مجنوون )* احمد( مجنون فيك وجنوني عاجبني)* ماريا ( احمد خلاص الله يخليك شويه شويه )* احمد( ايش شويه شويه انا قلت شي اصلا ثانيا لاتشوفنا ربا تقول ماماتو اللي يقولو كذا؟ )* ماربا( هههههههه انت حاط دوبك دوبها)* احمد( الله يسعدها يارب)* ماريا( طيب يالله قوم نام )* احمد ( ايش حتنيميني من 10 ؟ )* ماريا ( عادي بكرا وراك شغل لاتنسى )* احمد( ايوا والله اتعودت على الاجازه )* ماريا( اجل روح نام واشوفك بكرا ان شاءالله يادكتوري )* احمد( ان شاءالله ياطالبتي )* ماريا ( سلام )* احمد( ماريا )* ماريا( امم؟؟)* احمد ( احبك )* ماريا ( روح نام شكلك سبت عقلك وجالس تكلمني)* احمد ( ههههههههه انتي اشبك اللي يحب بدون عقل ؟ )* ماريا( سلاااام يا احمد سلااام)* احمد( سللاااام )* يتصل عليها ماترد ...* طلبت عصير ...* دفعت ومستنيه الفاتوره* مر جنبها : لو سمحت اعطيني قهوه تركي* سكعت صوتو وقف قلبها وطت راسها وبشويش تطالع فيه من بعيد ... تبا تتاكد* اتاكدت واتمنت عيونها تغلطها : ممممحمد معايا في نفس الرحلللله؟؟؟؟؟؟؟؟* مشيت بدون ماتاخذ شي لا العصير ولا الفلوس* مشيت بخطوات سريعه وغطت وجهها باللثمه حيعرفها ...* الرجال يناديها تاخذ طلبها* سوت نفسها ماتسمع وسرعت في خطواتها اكثر ...* جلست قدام على الزاويه ومغطيه ووجها وموطيه راسها خاييفه ينتبهلها ...* بعد دقايق نداء الرحله ...* قامت بسرعه وخرجت* ثواني وهيا في الطياره درجه اولى كالعاده ...* دخل درجه رجال اعمال ...* صحيت من النوم وفتحت عيونها ناسيه بالضبط ايش صار حوليها ...* مسكت جوالها تشوف الساعه ولقت المكالمات لاتعد ولاتحصى* اتصلت على ريم* ريم مغلق ...* اتصلت على محمد مغلق ..* قلقت بس رجعت نامت ....* صحي من النوم ويطالع في نفسو مسح عيونو واتوجه للحمام اتروش واتوضا* لبس وصلى وركع ركعتين وجلس على السجاده يدعي ويستغفر ...** نزلت وركبت السياره : ها اتاخرت ؟* مراد: لالا عادي* بدور : ايش سر الاقتراح ذا ؟* مراد : مجرد اقتراح تروحي عن نفسك بدل القعده في البيت* بدور : ايوا والله بديت امل ( طالعت فيه ) مو اصلا بعض الناس مشغولين عني* مراد: ياقلبي والله سبب اتشغالي سالفه طويله حفهمك اياها في الوقت المناسب* المهم ذحين ايش حتشيليهم معاك* بدور : عادي اي محل* مراد : طيب* مرو على محل حلويات ...* ووصل تحت الفندق* مراد اعطاها الدور ورقم الغرفه ...* اسمعي بدور ابا اطلب منك طلب* بدور: ايش؟* مراد : اباك تستغلي انشغالها عنك وتمسكي جوالها وترسلي لزوجها رساله تعبر عن شوقها له وانها ماتقدر تعيش بدونو* بدور استغربت: نعممم؟* مراد: بالله مهي صحبتك؟* بدور : طيب؟ ويعني؟* مراد: خلاص سوي ذا الشي يمكن ربي يقدر ويرجعو لبعض زي منتي عارفه هوا يحبها* وهيا االي طلبت تبعد* بدور: طيب حاضر* مراد: يالله لما تخلصي المهمه ارسليلي وطمنيني ...* بدور خرجت وطلعت ...* دقت الباب ...* فتحت الباب : ياهلا والله* بدور دخلت وسلمو على بعض* حضنت لمى: وحشتيني* لمى: وانت اكثر ماما بدور* جلسو وراحت تجيب التضيف ...* بدور : لمى حبيبي ايش رايك تروحي ترسمي رسمه حلوه بعدين تجي توريني اياها* واذا طلعت حلوه حعطيك شي حلو* لمى اتحمست وراحت ..* بدور اخذت الجوال بسرعه* وكتبت الرساله ( مساء الخير ...* كيفك؟ يارب تكون بخير .. يمكن مستغرب من رسالتي بس اشتقتلك ويعلم ربي اني ضعت بعدك تعال جده انا ولمى محتاجينك )* حطت الجوال بسرعه* جات : نورتي والله* بدور متوتره : منوره بوجودك والله* مروة انتبهت: اشبك؟* بدور : ولاشي بس حرانه شويه* مروة قامت وزادت التكييف بدور : مروة يمكن بكلف عليك بس مصدعه شويه ممكن تسويلي قهوه اروق فيها شويه ؟ مروة قامت : ولايهمك لاتعب ولاشي* بدور اخذت الجوال ومسحت الرساله وارسلت لمراد تطمنو...* مراد يفكر وخايف يردلها الرساله ويتورطوا* ارسلو ( اذا حاب ترد عليا ارسلي على ذا الرقم هذيك الشريحه اتخربت مني عارفه اشبها )* بعد ربع ساعه بالضبط ...* وصلت رساله ( دوبك تحسي فيا ؟ دوبك تحتاجيني ؟ انا ضحيت عشانك كثير واشتريتك وبعتيني حرام عليك اتاخرتي كثير)* مراد اتافف وارسل ( لا الله يخليك انا اسفه واتمنى تقبل اسفي اعرف اتاخرت بس اتعلمت من غلطي اتمنى ترجعلنا حنتظرك )* ارسل( اتاخرتي كثير واقدر في ذي اللحظه اقلك مني قابل اسفك ايش حتسوي؟ )* مراد( حتحطم الله يخليك بنتي محتاجتك وانا محتاجتك اكثر خلينا نرجع سوا لمى مالها ذنب ساعدني اصلح غلطي)* ارسل( اعطيني فرصه افكر )* مراد( فكر بس لاتطول معد اقدر اصبر )* ارسل( يصير خير ان شاءالله )* في مكان ثاني ...* قام من السفره : الحمد الله اكرمكم الله* ابوه : امين والجميع* راح للمغسله ودخل المجلس ...* دخل وراه وجلس : ايوا ماقلتيلي ايش عندك ؟* ياسر: جاي اشوفك* ابو ياسر: بطل كذب ياولد* ياسر : ابويا بسالك سؤال* ابو ياسر : ايش؟* ياسر : ايش تتمنى ولدك يكون ؟* ابو ياسر : اتمناه يصير شي عظيم يفيد مجتمعوا* ياسر : هذا في حياتو المهنيه وفي حياتو الشخصيه ايش تتمناه؟* ابو ياسر : اب ناجح يعلم ذريه صالحه* ياسر : ولو اقلك ححققلك اللي تتمناه* ابو ياسر : كيف؟ حتدرس؟* ياسر : لالا حكمل نص ديني* ابو ياسر انفجع : انت؟؟؟؟؟؟* ياسر : ايوا* ابو ياسر : وايش اللي خلاك تحط الفكره براسك* ياسر : تعبت يا ابويا انا عشت في علاقه اسريه فاشله انتو انفصلتو وانا تحملت نتايج الانفصال وانا مالي ذنب انا حاط في بالي اتزوج واكون اسره وابنيها صح وأسسها صح* ابو ياسر : ما اصدق ذا الكللم يطلع منك* ياسر : والله يا ابويا اكلمك من جد* ابو ياسر : طيب وكلمت امك ؟* ياسر: لا قلت اكلمك واستشيرك اول* ابو ياسر : وحاط احد في بالك؟* ياسر : بصراحه ايوا* ابو ياسر: مين؟* ياسر : بنت خاله احمد صاحبي اللي انخطف وهوا صغير* ابو ياسر : احمد؟؟؟؟؟* ياسر : رجع احمد يا ابويا* ابو ياسر انفجع : اسالك بالله رجع ؟؟؟؟؟* ياسر : ايوا يا ابويا* ابو ياسر : متى وكيف؟* ياسر : ححكيك كل شي بس وافق اول تخطبلي اياها* ابو ياسر : طيب حفكر ان شاءالله* ياسر : تفكر ايه البنت ذحين في ناس اتقدمولها ولسا ماردولهم خبر الله يخليك يا ابويا بكرة من بدررري نكلمهم ونروحلهم للبيت ومنها تشوف احمد وابوه* ابو ياسر: ياساتر ولازم تبا نفس البنت ماينفع وحده ثانيه طيب؟* ياسر : لا يا ابويا الله يخليك مافي وقت* ابو ياسر: خلاص على بركه الله بكرة نروحلهم* ياسر سلم على راس ابوه* ابو ياسر : روح بلغ امك* ياسر : ان شاءالله* ياسر قام وخرج واتصل علي اموو ....* اتصل عليها ماترد ....* *اتوجه لبيتها .....* وصل بيتها ودق الجرس ..* فتحت الباب .. يطالع فيها مستغرب نزل لمستواها : مين انتي؟* تطالع فيه بكل برراءه : انت ياسر ؟؟* ياسر استغرب : تعرفيني؟؟* البنت حركت راسها بايوا* ياسر : بس انا ما اعرفك* البنت : ماما دايما تقلي عندك اخو اسمو ياسر* ياسر : انتي حلاا؟؟؟؟* وقف ( في قلبو) يالله هذي ماشفتها من هيا في اللفه* حلا ماسكه بلوزه احمد تشدها وتطالع فيه* ياسر: ايوا حبيبي ؟؟؟* حلا : انزل* ياسر نزل لمستواها ... حضنتو ..* ياسر انفجع ما اتوقع ابدااا .. ضمها له* جات باتجاههم : حلا ياماما مين عند* ماكملت كلامها لما شافتهم* وطت راسها : ياسر؟؟؟* حلا مسكتو من يدو ودخلتو جوا* ياسر مشي معاها وعين عليها وعين على امو* دخلتو غرفتها : اانا محد يلعب معاياا* ياسر مو عارف ايش يقول : امم ولايهمك حجي مرة ثانيه واخرجك معايا* حلا مسكت الورقه وجلست ترسم ..* ياسر جالس فوق سريرها وامو واقفه متكيه على الدولاب : امي اتصلت عليك ماتردي* ام ياسر : كنت مشغوله ما انتبهتلو* ياسر : امي انا جيت بفاتحك بموضوع مهم* ام ياسر اشرت براسها ايوا ؟؟* ياسر : امي انا اباك تخطبيلي* ام ياسر : ها؟؟؟* ياسر : والله من جد يا امي اكلمك* ام ياسر متنحه* ياسر: اممي اميي* ام ياسر : ها ايوا؟؟* ياسر : اشبك اكلمك انا ؟* ام ياسر : لا بس فاجئتني مرة* ياسر : امي ترا مافي وقت* ام ياسر : ليش انت في في بالك احد معين؟* ياسر : ايوا تفتكري احمد صاحبي اللي انخطف وانا في الابتدائي؟* ام ياسر تحاول تفتكر : امم ايوا ايوا ؟؟* ياسر : لقيناه ورجع لاهلو الحمد الله المهم هيا بنت خالتو امي بنت خالتو في ناس اتقدمولها* *ولين ذحين ماردو فالله يخليك من بكرا كلميهم الله يخليك ترا اذا ما اتزوجتها مابا غيرها* ام ياسرمتلخبطه : طيب ياولدي يعني مني عارفه ايش اقلك* ياسر: لاتقولي شي خلاص كل اللي فيه الخير بيصير ان شاءالله* ام ياسر : كلمت ابوك؟* ياسر: ايوا كنت عندو* ام ياسر : امم* ياسر يطالع في حلا : حلا* حلا طالعت فيه .. ياسر : يالله انا حروح* حلا قطعت الورقه من الكراسه واعطتو اياه مطبقه* حلا: لاتفتحها ذحين* ياسر : حاضر* سلم على امو وراح ....* يطالع في المستشفى من برا وتحديدا عند طاقتها مسك جوالو واخد نفس وارسلها* ( حبيبي*تالين ياريت تفهميني انا اعتذر ميه مرة قبل كل شي جا ضدي وانا مالي ذنب* انا حبيت استهبل معاك واشتريت بقه الورد وكتبت في البطاقه من قدام اني حجي بعد ساعه وانا اخوك محمد بس لو قلبتيها حتعرفي اني كنت امزح بس انتي اتصلتي وانا كملت المقلب عليك لكن ماكنت عارف انو رائد بيجي بس اصلا مالي علاقه فيه اسمحيلي اجي عندك وافهمك اعطيني فرصه الله يخليك وماحتندمي اوعدك )* نايمه ....* دخلت عليها الممرضه تطمن عليها ..* فتحت عينها بشويش* الممرضه جات تقيس ضغطها وجالسه تكتب النتايج* تالين مسكت الجوال وفتحت الرساله ...* طالعت على الطاوله اللي جنبها *لقت الورد اخذت البطاقه وقرت اللي وراها ..* خرجت الممرضه .. انسدحت تالين وحطت يداتها ورا راسها وجلست تفكر وبعد تفكير ارسلت ( ايش علاقتك برائد ؟؟؟)* حسين كان مسرح وانفجع مع صوت الجوال .. اخذ الجوال وفتح كلامها ..* حسين بدون اي تردد ( اسمحيلي بس اجي عندك وخلينا نتفاهم ) تالين ( وايش يضمني ماتأذيني ؟ )* حسين ( تالين اذا حأذيك حأذيك من زمان وانت معايا لحالك )* تالين ( تعال )* حسين ابتسم وراح* ثواني وهوا عندها ...* دق الباب ودخل* تالين متضايقه ومهمومه وتفكر .. حسين جلس على الكنبه .. تالين بدون ماتطالع فيه : جاوب على سؤالي* حسين : ولد عمي* تالين طالعت فيه مفجوووعه : راااااااائد ولد عمممممممممكم ؟؟؟؟؟؟؟؟؟* حسين خاف من رده فعلها : دقيقه خليني افهمك* انا كنت ما ادري عن شي انا جاي دراسه ومالي صلاح في شي واجلس بالاشهر ما اشوفهم ويمكن بالسنه يوم من الايام صادفتهم هنا وقبل ماايسافرو كلمتني ريم واترجتني انتبهلك قبل ماتسافر وانا كنت مستتتتغرب وجودها مع رائد لحالهم هنا سالتها وماردو عليا لكن في الاخير قالتلي عشان علاج بس ماحبيت ادخل في التفاصيل اكثر وماكنت اعرف انو رائد مسوي فيك شي* تالين دمعت *: دقيقه دقيقه انت قاعد تصدمني في رفيقه عمريي في اللي امنتها على نفسي في اللي طول عمري ماحبيت غيرها اخت وصحبه تسوي فيا كذا؟؟؟* حسين : لالا تالين دقيقه ريم مالها ذنب كمان انا ما اعرف ايش االي جابها هنا مع رائد بس هيا كل شويه تتصل وتطمن عليك ولو شفتي كيف قبل ماتسافر شكلها وهيا حتسيبك لوحدك* تالين : طيب لييييش ؟؟ انا لازم افهم لااازم* ضمت رجولها وجلست تبكي ...* مقهوره ومهي. فاهمه شي* حسين قام ويمشي بخطوات هاديه لها ...* وصل عندها وحضنها ... تالين زي الطفل الضايع عن اهلو في حضن حسين تبكي وماسكتو* حسين يمسح دموعها ويهديها ..* تالين : حسيين الله يخليك لاتخليني الله يخليك مالي احد لاتخليني* حسين ضمها اكثر له : ماحسيبك ياروح حسين وياقلبو انت كل شي عند حسين كيف يسيبك ؟؟* تالين تبكي ومرت الدقايق ودقيقه ورا دقيقه هديت لين نامت ...* حسين قفل النور اللي فوقها وغطاها وراح...* في الصبااح ....* *قامت من النوم على صوت الملاعق والكلام ...* اتوجهت للحمام وخرجت للصاله بعدها ...* تطالع فيهم* جالسين فوق الطاوله وضحكهم واصل لين اخر البيت* احمد جنبو تالا وامها وخالتها ..* تالا تحط لامها واحمد يصبلها الحليب* وام وليد كل شويه تحطلها شي وتتكلم معاها عن الماضي...* وتالا واحمد يضحكو على تعليقات امهم ...* ربا تنادي من بعيد : امييييييي ابا فطور جيعانه* ام وليد لفت عليها : بسم الله الناس تقول صباح الخير وانتي ( تقلدها) *امي جيعاانه* *ربا : امي الله يخليك اي تفشيله وتضييع جبهه خليها بيني وبينك مو قدامهم* ام وليد تضحك : طيب روحي المطبخ* ربا : عدلت السرحه ومرت* واحمد مايطالع اصلا ...* احمد بجديه : خاله* ام وليد : ايوا ؟* احمد : خاله اباك تخطبيلي * ( انتهى البارت الخامس والعشرون ج2 )* * |
رد: روايه نور في غسق الدجى (البارت السادس والعشرون ) وقفت مشي ولفت عليهم بتتنيح .. وقفت اكل وابتسمت : ماشاءالله وتباني ادورلك؟ تالا ابتسمت وسكتت ... احمد : لاياخاله مايحتاج تتعبي نفسك العروسه موجوده ام وليد: ومين ماشاءالله؟ ربا : تعيسه الحظ اللي بتاخذو ام وليد لفت مفجوعه: استحي يابنت عيب ربا مشيت للمطبخ بشووويش .. احمد: ماريا ام وليد ابتسمت اكثر : ماشاءالله والله بنت ماشاءالله عليها ماعليها قاصر طيب كلم ابوك وان شاءالله مايصير خاطرك الا طيب احمد ابتسم وكمل اكل تالا فرحانه من قلبها : الله يتمم على خير .. ربا متوقعه يقول ماريا جريت على المطبخ ونسيت الفطور ومسكت جوالها ترسلها بس ماترد تكلمها على كل البرامج وبرضو ماترد اتصلت عليهااا ... ماريا نزلت من الحمام وردت : الو ربا متحمممسه : ماااااريااااا الحقي ماريا انفجعت : بسم الله ايش في؟؟؟؟ ربا : احممممد كلم اميي تخطبك ماريا صنمت مكانها ... ولاردت .. ربا : هييي انتي وين رحتي؟؟؟؟ ... ماريا: ربا بلا استهبال ربا تحلف وكل تعابير وجهها معاها مشدودة: والله ياماريا والله ما اكذب علللليك ماريا وجهها احمر : يعني ؟؟ رباابتسمت : اااه تخيلي تصيري مرت ولد خالتي الله يجنن معني بطفش من وجهك كل يوم قدو خلقه كل يوم في وجهي بس حيكون اكثر ماريا: نسيتي انك حتتزوجي يعني مو كل يوم ربا اختفت ابتسامتها تدريجيا .. ماريا: يالله مني عارفه كيف حقاابلو في القاعه ربا: بعدين اقلك انا ذحين بلبس يالله سلام ماريا: سلام ربا قفلت وفتحت تشوف ياسر داخل ولالا؟ اخر ظهور من زمان ... شالت هم يلعب عليها ومهي عارفه في ايش يخطط اتوجهت للغرفه واتجهزت وتالا لحقتها ... احمد اتشييك واتجهز على الاخر ... وليد في شغلو من بدري ... ابو احمد وابو وليد فطرو وكل واحد اتوجه لشغلو ... في السياره يطالع في الساعه كل شويه : وينها ؟ غريبه مو من عوايدها مسرحه : ها؟ احمد : اشبك اليوم منتي طبيعيه ؟ ربا: خف علينا ياللي مراقبني اربعه وعشرين ساعه احمد ضحك : الله يهديك بس ربا : احمد بسالك سؤال بس لاتفهمني غلط وترا ابدا ماعندي غرض من السؤال احمد: اتفضلي ربا: ياسر صاحبك ايش رايك فيه ؟ احمد: ليه بتخطبيلو؟ ربا: احمد انا ايش قلت؟ رد لو سمحت احمد: امم شوفي ياسر احيانا يكون لعاب بس مو بدرجه كبيرة يعني مايضر احد بضرر كبير يعني كيف اقلك ؟؟ ربا : كمل كمل فهمت احمد: امم طيب وحق فزعات لاصحابو صح ابوه وامو منفصلين بس ما اثر على حياتو كثير يعني ممشي امورو تمام تعرفي انو يطبخ ويسوي شغل البيت كلو ربا: ماشاءالله من جدك؟ احمد: ايوا ربا: وماقد عرفت ايش حالو مع اهلو احمد: امو متزوجه وعندها بنت وابوه متزوج وعندو ولدين ربا:طيب مدام ما اثر عليه انفصال اهلو ليش ماعاش مع واحد منهم احمد: ياسر من النوع اللي مايحب يثقل على احد ويهرب من المشاكل مع اقرب الناس له عشان لايقاطعهم بس معاك حق لما صار عايش لوحدو قصر معاهم كثير صار نادر يروحلهم واحيانا يشوف امو او ابوه برا بيوتهم واخوانو مايعرفهم الا وهم صغار ربا تفكر : اممم احمد: اقدر اعرف ليش الاستفسار ؟ دخلت تالا : معليه اسفه والله اتاخرت احمد يطالع في ربا من المرايا: لالاعادي ربا لفت وجهها مهي عارفه ايش تقلو بعد دقايق وصلو الجامعه ... نزلت تالا وربا بتنزل .. احمد: لاتحسبيني نسيت استفسارك ربا طالعت فيه بدون اهتمام ونزلت احمد نزل : يالله اشوفكم بعدين ان شاءالله تالا : ان شاءالله يالله الله معاك ربا ابتسمت : انتبه لاتنسى انك دكتور في الجامعه لاتطالع في ماريا كثير احمد ابتسم : دامك طالعتي في صاحبي حطالع في صحبتك اقلها اذا اراد ربي بتكون زوجتي اما انتي ليش الاستفسارات ذي كلها؟ ربا لحقت تالا: مالك صلاح احمد اتوجه لقاعتو مبتسم .. نزلت بسرعه .. اتوجهت للمطار وخلصولها اجراءاتها... نزل من درج الطياره بهدوء ويطالع في الاجواء ... في المطار... يمشي ويخلص امورو بكل هدوء في ناحيه ثانيه مستتتعجله تمشي بسرعه وماصدقت نزلت من المطار واخذت شنطتها .. ركبت السياره المنتظرتها واتوجهت للمستشفى... خلص اجرأتو ونزل وقف تاكسي ووصفلو المكان ... بعد دقايق وقفت السيارة ريم شهقت : اشبك؟؟؟؟ السواق : ما ادري مهي راضيه تشتغل ريم : حاول الله يخليك بسرعه السواق يحااول .. ريم جالسه على اعصابها ... السواق: مهي راضيه بالمره ريم: طيب وايش حنسوي ؟ السواق : دقيقه اوقفلك تاكسي ريم : بسررعه ريم ارسلت رساله ( تالين انا قريب دقايق واجيك اذا لاقدر الله جا محمد قولي اني رحت الصيدليه يالله دقايق وجايتك ) وقفلها التاكسي وكملت طريق .... وصل المستشفى .. نزل من السياره وطلع وهوا مبتسم .. متشيك ومتزبط طلع الاصنصير وهوا مرتاح وخايف في نفس الوقت انفتح الاصنصير ودخلو سوا ... محمد يطالع في المرايا ويزبط الجاكيت... نزل من الاصنصير يدور رقم الغرفه .. اتوجه للغرفه طوالي حافظها انتبه للي يمشي وراه معاه شنطه ( انننفجع ) وعرف انو محمد حسين اتوجه للدكتور وطلب منو الكوت ضروري ... لبس الكوت ... دق الباب ودخل .. نايمه ومهي داريه عن شي ... دخل وحط الشنطه ويطالع فيها بابتسااااااامه : تالللين؟؟؟؟ تالين فتحت عيونها بشوويش وبكسل .. رمشت بعينها ورا بعض وحاولت تستوعب ..جلست بسرعه : محممممممد محمد جا باتجاهها بسرعه وحضنننهاا .. دق الباب ودخل .. محمد لف واستغرب نفس اللي شافو في الاصنصير ... حسين وقف قدام تالين واتكلم الماني ... تالين مصننننننمه وفيها ضحك مع خووووف مو طبيعي ساكته وماترد واصلا مهي فاهمه شي محمد يحاول يكلمو انجليزي حسين مسموي انو بالقوه يفهم : امم .. ايوا .. محمد : دكتور انا اخوها هيا كيفها؟ حسين : امم : كويسه الحمد الله اتحسنت كثير محمد يحاول يفهم وحسين يتقصد يكسر في كلامو ... تالين خلااص من شكل محمد الجدي مهي قادره تستحمل جلست تكح عشان تضيع الضحك ... محمد طل في تالين: اشبك؟ تالين مبتسمه : ولا شي محمد : طيب ايش يفهمني ذا ايش يقول ؟ تالين ابتسمت اكثر وتطالع عين على محمد وعين على حسين : ما ادري ما افهم لغتهم محمد : طيب اشبك لحالك وين ريم؟ تالين اتقلب لون وجهها حسين رجع كم خطوه لورا بهدووووء وياشر لتالين تقلو تحت تالين طلت فيه : امم راحت تجيب دواء اظن قبل ما انام خرجت ماحتطول اكيد المهم انت اجلس خلينا نتكلم لاتخاف ذا الدكتور بيروح من نفسو حسين طالع فيها بنص عين : انا عمري ماشفت طرده زي كذا تالين مهي فاهمه بس من تعابير وجهو المقهوره ضحكت محمد يطالع فيه وفيها: هي اشبك تضحكي ؟ تالين افتكرت انها ماتقدر تاخذ راحتها وجا اللي يراقبها ويراقب تحركاتها وخافت ماتشوف حسين كل يوم او يمكن ماتشوفو ابدا... تالين سكتت وسرحت .. حسين مايبا يروح مايبا يفارقها خايف تكون اخر لحظه بس نظرات محمد طفشتو .. سوا نفسو يكتب واتوجهلها ومسك يدها بتوتر وقاس الضغط .. تالين وجهها احمر وحسين احمر منها .. محمد جاب كرسي وجلس جنبها تالين نسيت وجودو تماما وتفكيرها على اللي يقيس ضغطها ... حسين طالع فيها وطالعت فيه وسرحو سواا ... محمد يطالع في جوالو ويتصل على امو وابوه ... حسين مرر يدو على يدها وضغط بشويش عليهاوسابها وراح .. تالين عينها عليه وعلى الباب لين خرج .. محمد مبتسم يكلم اهلو وعطاها السماعه . تالين مسكت الجوال ومهي مستوعبه اصلا ابو محمد: الو تالين: الو ابو محمد: تاللين ؟؟ تالين استوعبت : ايوا ابوي هلا كيفك الحمد الله على السلامه ابو محمد: الله يسلمك بس كذا ياتالين تسافري وماتقولي لابوك ولاتتصلي حتى تالين: اعذرني والله انشغلت مررة الجامعه هالكتني ام محمد اخذت السماعه وكلمتها ... دقايق وقفلو الجوال ... محمد وتالين اتكلمو عشره دقايق .. محمد: كانها طولت ريم ؟ اتصلي عليها تالين : امم طيب تالين اتصلت .. ريم مغلق ... تالين ارتبكت : مغلق شكلو خلص شاحنها محمد قلق: كيف طيب منتي عارفه فين راحت؟ تالين : قالت صيدليه بس شكلها ماحصلت الدواء راحت صيدليه ثانيه ابعد محمد : امم اتصلت عليه : ها وينك ؟ حسين؛ انا تحت المستشفى وقف التاكسي.. نزل الشنطه حسين سلم عليها على السرريع حسين اخذ الشنطه واعطاها كيس دواء : يالله عجلي ترا محمد يسال عليك ريم خايفه : طيب يالله ريم طلعت جري ... دخلت الاصنصير وطلعت للغرفه بسرعه .. ريم ماسكه الكيس واخذت نفس وزبطت نفسها ودقت الباب ودخلت :السلام عليكم تالين طالعت وبتموت من الفرحه على شوفتها وحشتها بالمره محمد يطالع وابتسم : هلا والله ريم تطالع في تاللين ومهي قادره تحضنها وتسلم عليها عشان لايشك .. ريم : هلافيك نورت محمد وقف : والله منور بوجودك ريم استحت ووطت راسها .. تالين جوالها رن فتحت تلاقي رساله ( وحشتيني ايش وضعي انا تحت لوحدي؟ ) تالين وجهها احمر ( وانت اكثر انت في قلبي) حسين ابتسسسسم على الاخر واول مرة يطلع منها كلام كذا بس يمكن عشان اخوها وحاسه بالفرق ( تالين اهجدي لاتخليني اطلع واتكي عندكم ) تالين(هههههههههههه) محمد وريم جلسوا على الكنبه ويتكلموا ويتحكوا وتالين تسرح شويه وتكلمه شويه .. واقف ويشرح ويتكلم والابتسامه مهي مفارقته بس مايطالع فيها . ماريا تطالع فيه ومستحيه مررة ومهي مستوعبه ولاكلمه يقولها ... احمد سلم وخرج.. متكيه على الجدار اول ماخرج جات من وراه : بشر احمد لف مفجوع : بسم الله ربا : امم والله شي طبيعي الكل ينفجع مني مو جديد احمد: انتي تفجعي الواحد ربا: اخلص لاتضيع الموضوع( ابتسمت) كيف كانت المحاضره ؟ احمد: ايش دخلك ربا: انا اوريك والله لا افتن بينكم احمد: والله ما استبعدها منك ربا: اجل يالله قول احمد: يعني كنت اشرح وانا ماسك يدها وكذا.. تستهبلي انتي ايش حنسوي يعني ماطليت فيها حتى ربا ضربتو على كتفو : انقلع بالله ماتشفي غليلي احمد مشي وضحك : الحمدالله والشكر الكل نزل من القاعه وربا مستنيه ولانزلت ماريا... جلست خمسه دقايق تستناها وماخرجت خافت ودخلت القاعه ... ماريا راجعه على ورا ومسرررررحه ... ربا جات من وراها ونزلت لعند اذنها : مرت احمد ترا خلصت المحاضرة ماريا غمضت عيونها من الفجعه : حسببببببي الله قلعه يقلع بلبسك فجعتيني ربا : الحمد الله ماقالت بسم الله ولاكنت شكيت ان امي متوحمه في جني ماريا وقفت : خيرررر احد وكلك تفجعيني ربا وقفت نفس وقفه ربا : طلي وراك بعدين تعالي كلميني ماريا تطالع حوليها القاعه فااضيه ماريا سحبت نفسها من المكان بهدوء ربا : اسمعي اسرعي بالله في المشي عشان جبهتك يمكن تلاقيها برا وكذا ماريا اعطتها نظرة تسكيتيه ربا جات وراها : اسمعي فطوري على حسابك ماريا: من قال بفطرك ربا: ياا احممم ماريا مسكت فم ربا : انكتمي يابنت الايه ربا بعدت يدها وتضحك : يالله اقول ثلاثه ساندويشات واسكريمين وعصيرين واذا نسكافيه مع دونت يكون احسن ماريا: اعوذ بالله ايش من بطن ربا قامت فوق الكرسي: قووووووولي ماشاءالله تف تف تف بتذبحني ماريا تضحك مر جنبهم : لاتصرخي على مرتي .. وراح ربا تطالع فيه وكشرت : انقلع اقول انت وياها ماريا ضحكت اكثر وانحرجت ربا مشيت وسابتها .. ربا تمشي وتمشي ومهي عارفه فين رايحه .. جوالها يرن .. مسكت الجوال وتطالع في الرقم مفجووعه تطالع يمينها ويسارها ووقت على جنب وردت ياسر : الو ربا بصوت خوف : الو ياسر : كيفك ؟ ربا: تمام الحمدالله مرت ثواني.. ياسر : ايوا كيفك ياسر؟ والله تمام الحمدالله ربا ضحكت .. ياسر : واخيرا سمعنا صوت ضحكتك ربا: انقلع ايش شايفني كئيبه ياسر: يارباه عديمه احساس ربا : زيك ياسر : احبك ربا وقفت رمش عيونها وقلبها اسرع منو مافي وجهها حر فجاه .. ياسر : ايوا ياجدار اقلك احبك ربا ابتسمت وفي عبونها دموع : اتاخرت.. سلام وقفلت الجوال لحظات واقفه تستوعب .. حطت يداتها في جيبها وتمشي بشويش.. كلمه ياسر تردد في بالها .. والين ذحين تفكر ليش الدموع ؟؟.. جات من وراها :وينك انت ادورلك لفت عليها وابتسمت : لابس كنت ادور تطالع فيها مفجوعه : اشبك ؟ ربا باستغراب متصنع: اشبي؟ تالا: لا بس هاديه وخشمك احمر وتمشي لوحدك اكيد فيك شي ربا : يعني منتي شايفه البرد اللي احنا فيه اكيد حيحمر خشمي تالا : ربا بلا هباله ما اعرفك انا ربا: اقول اسكتي وامشي قدامي الحقي على اخوك متر الجامعه تمتير عشان يشوف ماريا كل شويه تالا: احللفي؟ فضحنا ذا ربا وتالا مشيو ... ياسر مفجوع من القفله وقلبو يوجعو على اتاخرت اتصل بامو .. ام ياسر ردت : هلا حبيبي ياسر : امي اباها يا امي ام ياسر : اشبك من هيا ايش في؟ ياسر : ربا يا امي ربا اباها حتضيع مني ام ياسر : حبيبي والله حسوي كل اللي اقدر عليه انت لاتشيل هم اذا هيا من نصيبك حتكون لك ياسر ساكت يسمع بس .. ام ياسر: ياولدي هدي ومايصير خاطرك الا طيب كلها كم ساعه وقدنا عندهم وان شاءالله ححاول اقنعهم .. ام ياسر : يالله انا شويه مشغوله ذحين وترا اختك عندها حفله تخرج اليوم وماحروح عشانك لازم تعوضها بخرجه اقل شي ياسر : ان شاءالله ام ياسر : مع السلامه ياسر: مع السلامه ياسر حرك السياره طيران ... دق الباب ابو رائد مبتسم : اتفضل ابو احمد: السلام عليكم ابو رائد: وعليكم السلام ورحمه الله وبركاته ابو احمد: ناديتني؟ ابو رائد: اكيد والله مشتاق اجلس معاك يا اخوي ابو احمد مو متعود علئ الكلام اللي كذا وفرحتو اكبر منو : الله يسعدك ان شاء الله ابو رائد: اليوم ياخالد موعدنا جيب العيال وبجمع العيله ابو احمد ابتسم : ان شاءالله .... جالس يتفرج التلفزيون.. الجوال يرن .. مسك الجوال ببرود وبيرد .. شاف الاسم انفجع... قام جررري على المطبخ تقطع الخضار وانفجعت من دخلتو : بسم الله اشبك مراد : قوليلو مرروة في الحمام رد وحط الجوال على اذنها : الو بدور : ايوا الو ابو لمى باستغراب: مروة؟ بدور : لا انا صحبتها مروة في الحمام مين اقلها ؟ ابو لمى: لا بس قوليلها صاحب ذا الرقم دق عليك وهيا بتعرف بدور : ان شاءالله ابو لمى : مع السلامه بدور : مع السلامه مراد قفل الجوال : ها ايش قال بدور: مين ذا ؟ مراد: هوا زوجها ياذكيه بدور : اهاا مراد: طيب ايش قال بدور : لابس سال عنها وقال قوليلها صاحب ذا الرقم اتصل مراد : امم بدور : طيب ايش حتسوي ذحين اتخيل دق مرة ثانيه مراد: لالا انا حصرفو بالرسايل مراد راح للصاله وارسل( حبيبي اسفه والله بس كنت في الحمام الله يكرمك وانا عند صحبتي عندها عزومة غدا فماحقدر اكلمك مع الزحمه بس ابا اعرف ردك مني قادره استنى ) ثواني وتوصله رساله( انا يامروة حعطيك اخرفرصه وحجي والم شمل عيلتنا مرة ثانيه واتمنى ماتضيعي هذي الفرصه لاني ماحسامحك بعدها ) مراد الفرحه مهو قادر يعبر عنها(الحمدالله.ان شاءالله ماحخيب ظنك وحعوضك عن كل اللي راح والله يجمعنا في خير بس متى جاي ؟ ) ابو لمى( اليوم الساعه عشره الليل اكون واصل جده ) مراد ( استناك بفارغ الصبر ) ابو لمى ( طيب حلاقيك عند عمتك؟) مراد ( حبيبي ابا اقابلك في مطعم ... ممكن تلبي طلبي ؟ ابو لمى ( ان شاءالله خير مع السلامه ) مراد ( مع السلامه) مراد من الفرحه نط من فوق الكنبه بابتسامه عريضه بدور خارجه من المطبخ بالصحن ومستتتغربه تاشر بيدها ( مجنون؟؟؟ ) مراد : بحبببك والله جا لعندها وباسها في خدها : والله اني احبك بدور مازالت علامات الاسنغراب على وجهها : غدا يامراد غدا لاتجلطني تعال نتغدى مراد ضحك واخذ الصحون منها وجلسها على الكرسي وجاب الصحون الباقيه.... وصل ووقف السياره واتصل عليه ... نازل من مكتبو ورد : هلا والله ياسر: احمد وينك احمد: نازل ذحبن خلاص رايح البيت ليش؟ ياسر : اسمع اباك في فزعه احمد : صار بس انادي البنات واجيك انت فين ؟ ( احمد يأشر لربا وتالا يالله ) ربا وتالا مشيو وراه ربا تفكر و تعبت من التفكير احمد: اشبك اكلمك انا وينك؟ ياسر: انت انزل وانا اقلك نزلو ولسا ماقفل منو : ايش اللي ياخي خلصني وينك ؟ ياسر متكي على سيارتو : قدامك احمد رفع راسو وقفل الجوال : اشبك؟ ياسر : مشغول ؟ ربا رفعت راسها بشووويش تستوعب الصوت .. ياسر عين على احمد وعين على ربا احمد يطالع في عيونو وشك في الموضوع :ايوا فاضي تقريبا بس والله ما ادري يمكن تطلع شغلات بس لعيونك افضى ياسر : تسلم عيونك ربا مهي قادره تطالع فيه مفجوووعه ايش جابو ياسر : ماينفع على جنب ؟ احمد : طيب اسمع اوصل البنات وانت الحقني وبعدين بجي معاك بسيارتك لمطعم نتغدى فيه وقول اللي عندك ياسر : قدام احمد : يالله يابنات ركبت ربا وهيا مهي حاسه بنفسها وتالا جنبها في عالم ثاني بس مروقه احمد ركب وحرك السياره وياسر وراه يفكر في نفسو شي مو طبيعي تعلقو فيها في اقل فتره ممكنه مايعرف ليش بس يحس بالراحه لما يكلمها تفهمو علي طول ومايبا يخسر راحته بعد دقايق وصلو البيت ... ربا وتالا نزلو ودخلو البيت وربا تحاول ماتطالع فيه احمد وقف السياره وياسر مستنيه احمد خرج من السياره وقفل الباب ربا استوعبت ورجعت بسرعه لاحمد وهوا ماشي لياسر : احمد احمد لف عليها : نعم ربا : اسمع افتح السياره نسيت شنطتي احمد استغرب : ايش بالله احد ينسى شنتطو وين عقلك من الصباح منتي طبيعيه ياسر يسمع وحاس فيها ربا موطيه راسها : احمد افتح السياره وبس احمد فتح السياره ربا اخذت شنتطها وقفل السياره من مكانو ودخل مع ياسر ياسر مسرح في ربا احمد جنبو يطالع فيه : يالله حرك هيي ياسر انتبه : طيب ياخي اشبك مستعجل احمد: انا اللي مستعجل ولا انت ؟ ياسر : وين تبانا نتغدئ؟ احمد : عادي اي شي ياسر : بوديك مطعم ايطالي حلو احمد : يالله طيب في الطريق ... احمد : طيب اشبك اعطيني نبذه عن اللي بتقولو ياسر : خلاص لما نوصل ان شاءالله احمد : ياسر تحب؟ ياسر وقف فجاه واستغرب من سؤالو : نعم ؟ احمد : سؤالي واضح تحب؟؟؟ ياسر جلس يطالع في احمد ثواني وهوا ساكت ... بعدها ... ايوا .. حرك السياره ويطالع في الطريق وملامحو مهمومه احمد : من جد يا ياسر اكلمك حب حب مو لعب ياسر بدون مايطالع فيه : يا احمد ترا حكلمك بكل جديه ذحين مافي اي مجال للاستهبال احمد استغرب من صوت ياسر الجدي : طيب واشبك مهموم كذا ومعصب ياسر : لانو اللي احبها حتروح م احمد قاطعو : ربا ياسر طالع فيه وشال عينو بسرعه : ايوا احمد اتأفف : وماحبيت الا ربا ياسر : ترا انت منت عارف ايش السالفه ربا هذي قابلتها في كذا مكان بالصدفه وعاد الصدفه الاخيره انها بنت خالتك احمد : طيب ليش حبيتها؟ وانت واثق من حبك لها؟ ياسر : شوف يا احمد انا فكرت في ذا السؤال ميه مرة قبلك وسألت نفسي كذا مرة ياخي مهي راضبه تروح من بالي ارتاح معاها بشكل مو طبيعي معنو فترات بسيطه اللي صادفتني بها وبما اني اول مرة احس بذا الاحساس اكيد حكون واثق من حبي لها احمد : حبيت مروه قبلها ياسر : ايوا حبيت مروة ما انكر بس ذحين مروة مالها مكان بقلبي واعرف بتسال اذا انا واثق برضو من ذا الشي ولالا الا واثق واتاكدت بنفسي كمان ياسر وقف السياره ودخلو المطعم ... جلسو على الطاوله وكل واحد منهم طلب احمد : طيب ليش مافكرت تتقدملها من قبل ياسر : ماكنت اعرفها دوبني عرفتها من طريقك احمد : طيب وحبكت ذحين استغفر الله البنت مخطوبه ياسر : لا لسا ماردو خبر احمد طالع فيه مستغرب وابتسم : نعم وانت ايش دراك ؟ ياسر : مالك صلاح احمد ضحك : والله وصرنا نخبي ياسر : المهم ذحين ساااعدني اباها احمد : والله ياشيخ مرة حيكون صعب ياسر اتحطم : لييييش احمد : اسمع خلينا نكون واقعيين يوسف اللي اتقدملها ماشاءالله ماينعاب رجال اخلاق ومكون نفسو وضامن حياتو انت ماكملت جامعه وماتشتغل صح الحمد الله عندك شقه وسياره ومو ناقصك شي بس ابوك يصرف عليك واذا لاسمح الله توفي ابوك بعيد الشر مين تباه يصرف عليكم ؟ ياسر : حشتغل عشانها اذا كان ذا هوا العذر احمد : ايش حتشتغل وانت ماكملت دراسه ؟ ياسر : شوف انا مستعد ابدا من جديد وادرس جامعه واتخرج واشتغل وخلال ذي الفتره ححكون نفسي وكل شي احمد ابتسم : ايش الحب ذا ؟ ذا كلو من ربا؟ ياسر : كمل مو شغلك احمد ضحك : طيب ياسر : اسمع نسيت ما اقلك احمد : ايش؟ ياسر : ترا اليوم اهلي جايين وبيخطبوها احمد انفجع : نعم ؟؟؟ ياسر : ايوا لاتفتحلي عيونك ولاتستغرب احمد : انت من جدك ؟ ياسر : اقلك اسكت لسا ماردت خبر لذاك يعني في احتمال توافق عليا احمد : ماتبا حتى تنطق اسمو ياسر : ذا اللي ناقص احمد : طيب هدي ياسر : شوف اختي الصغيره من امي حفله تخرجها اليوم من التمهيدي ومحد حيروح فحرام يعني كلهم مع امهاتهم وامي في بيت خالتك احمد: المطلوب؟ ياسر : يعني تخلي اختك او بنت خالتك يروحو بالله ياشيخ طلبتك احمد ؛ طيب بشوف كيف ان شاء الله جالسين على الطاوله بسرحان كل واحد يفكر في شي .. تالا: خاله متى بتخطبي ماريا لاحمد؟ ام وليد : والله مني عارفه شوفو ابوكم كيف اول مايوافق حروح ان شاءالله تلا: امم ان شاءالله ربا مسرحه في عالم ثاني ... ام وليد: متى بتخلصو الجامعه؟ تالا: يعني بعد اسبوعين ان شاءالله بنبدأ اختبارات ام وليد : يالله شدو حيلكم الله يوفقكم تالا : امين يارب ام وليد تطالع في ربا : اشبك انتي كلي زي الناس تاكلي لقمه وتفكري ساعه مسرع سرحتي فيه ترا لسا ماردينالهم خبر على فكره بعد ماتخلصي اكل روحي كلمي ابوك ضروري ربا : ها ؟ تالا دقتها من تحت الطاوله ربا استوعبت : طيب طيب ان شاءالله تالا قامت وقامت وراها ربا ام احمد : اشبهم قامو ؟ ام وليد: ماعليك فيهم يا اختي مدلعين ام احمد ضحكت .. تالا تحط الصحن في المغسله : هي انتي اشبك ربا جلست في طاوله المطبخ : اوووف ياتالا ما ادري بموت تالا جات وراها وصقعتها في ظهرها بشويش : تستهبلي؟ اشبك ؟ سحبت كرسي وجلست جنبها : اشبك فهميني ايش مضايقك لك كم يوم منتي على بعضك ربا دمعت عيونها : احبو ياتالا خلاص ؟ متى تفهمو ؟؟؟؟ اتاففت وقامت تالا متنحه مكانها مهي فاهمه ذي تحب مين ؟؟؟ لحقتها للغرفه بسرعه دخلت وقفلت الباب : ربا مين ؟؟؟؟؟ ربا رمت نفسها على السرير وغطت وجهها بالمخده : واحد تالا: ربا بلا استهبال ايش اللي واحد اجلسي كلميني عدل ربا جلست : ياخي مابا يوسف ماباه تالا انصدمت : نعمممم؟ ربا : اشبك غصب هوا؟ تااالا: طيب ليش؟؟ ايش االلي مو عاجبك فيه ؟ ربا تفكر : ما ادري ياتالا اعرف ماينعاب ومن ذا الكلام بس ياخي مدري ليش مني قادره اتقبلو تالا: طيب مين اللي في بالك؟ ربا : بقول بس لاتعصبي تالا اخذت نفس : قووولي وخلصيني ربا : ياسر تالا ابتسمت مع صدمه : ياسر؟؟؟؟ ربا : بسم الله اشبك .. ايوا ياسر تالا : ليش وكيف ومتئ؟ ربا : انا مني عارفه ليس ولاكيف ولامتى تالا: ربا فتحي عقلك شويه بلا هباله ذحين احنا في واقع ويوسف حتتقبليه مع الوقت ترا مو شرط حب قبل الزواج بس بطلي حركات حب وافلام ربا صقعت تالا بالمخده : خفي عليناا ياالي ماتحب وليد تالا : ياخي ذا شي غير ربا: احلفي؟؟؟ وين الغير في الموضوع ؟ تالا: ربا محد خطبني ثاني وانا قاعده افكر في وليد ربا: يعني بالله لو جاك واحد زي حالتي و تالا قاطعتها : حوافق ياربا حوااافق ربا انسدحت واخذت نفس تالا قامت وخرجت من الغرفه ... ربا تفكرر من قلبها طلعت الجوال وشافت محادثاتها معاه ... وقلبها يوجعها اكثر واكثر اتصلت على ابوها .. ابو وليد: ايوا الو ربا: ايوا ابويا امي قالت انك تباني ابو وليد: ابا اسمع رايك بسرعه ايوا ولا لا ربا قلبها يدق بسررعه : ايوا. ردت ومهي عارفه كيف ردت ابو وليد: مبروك يابنتي وعلى بركه الله قفل الجوال ربا بعد ثواني استوعبت ورمت الجوال وتبكي من قلبها مهي عارفه اشبها ليش هيا كذا وايش التعلق ذا ؟؟؟ منسدح يفكر .. يبا يريح ضميرو ويشيل نفسو ويرجع وهوا بكرامتو ومن غير مايشوف احد فيهم ... قام واتجهز وخرج .... دخل المستشفى وطلع للدكتور ... يتكلم مع الدكتور ودفع مقدم للعلاج والمراجعات ورتب كل الامور للفتره الجايه وخرج .. يمشي في الممر مخنوق يفكر طفشان من يوم شاف تالين وهوا ماشاف خير ماصار رائد الاول ماصار يخرج ينبسط مع اصحابو نفسو في شي يغير حياتو ويعيدلها الحياه ..... فتح الاصنصير ويستنى اللي فيه يخرجو وهواموطي راسو ... شافتو ريم وانفجعت وماتبا محمد يشوفو .. خرجت وسحبت محمد من طرف كمو ... محمد انفجع وطالع في ريم باستغراب ريم انحرجت من حركتها طالعت فيه ووطت راسها ؛ اسفه بس كان واحد بيدقك وانت منت منتبه محمد ابتسم : لاعادي مايحتاج تعتذري (اشر بيدو ) اتفضلي حبيبي تعبناك معانا ريم رفعت راسها : ها ؟؟؟؟؟؟؟ محمد ضحك ومشي قبلها : تعالي تعالي ودق الباب ودخل تالين تطالع فيه ؛ ضحكنا معاك ريم واقفه مكانها ولسا مستغربه من كلمه محمد واذا من جد من قلبو مطلعها تالين : وين ريم؟؟؟ محمد رجع للباب وفتحو ويطالع فيها واقفه مكانها وضحك اكثر : مطوله؟ ريم استوعبت وابتسمت ودخلت تالين : اشبك ؟ واشبو وجهك ؟ ريم تطالع في محمد محمد : ما ادري فجاه صارت كذا بسم الله ريم. طالعت بحقد: نعم؟ تالين : الحمدالله على نعمه العقل محمد: خفي علينا يام العقل الكامل تالين طنشتو ومسكت الجوال ( اقسم بالله يجيبو المرض اللي عندي نزلني اشتقت لتفشيلاتك ) حسين يمشي لحالو في الشارع ( واقسم بالله اني بموت طفش عادي اتفشل بس اشوفك ) تالين : طيب ابا اشوفك كيف؟ حسين ( طيب شوفي اكيد اخوك بيكون ميت تعب من السفر يروح يرتاح في الفندق وانتي خليك مع ريم وانا حتصرف بس انتي صرفيه) تالين اتحمست ( طيب) تالين تطالع في اخوها : محمد وجهك خلاص رايح فيها شكلك مره تعبانه محمد: عشانك كل شي يهون تالين : دقيقه بس استوعب اللي قلتو .. محمد: انتي مو وجه احد يقلك شي كويس مدري كيف صرتو صحبات تالين : ايش قصدك؟ محمد : لاسلامتك تالين : طيب خلاص روح نام ترا الفندق قريب وانا بجلس مع ريم محمد : طيب واذا احتجتوا اي شي دقو عليا تالين : طيب ريم : ان شاءالله انت اتطمن ماعليك محمد ابتسم وخرج .. تالين جلست بسرعه: تعااااااالي اول شي احضننننننك ريم نطت على السرير وحضنو بعض ريم : اشبك طردتيه ايش وراك؟ تالين بحماس: حسييين بيجي ريم انفجعت: كذاااابه .. بسرعععه حكيني ايش صااار تالين : استني برسلو انو محمد راح تالين ارسلت لحسين وحكت ريم كل شي .. يرتب الشنطه وقفلها .. يتاكد اذا نسي شي .. يمشي في الغرفه ويدور وسكر الانوار ونزل .. يسحب شنطتو .. يمشي في المرر حق الفندق ومعاه شنطتو ويطالع في ارقام الغرف .. يسحب الشنطه ومر من جنبه ... محمد يكمل طريقه وميت تعب يدور رقم الغرفه .. رائد انفجع ولف يتاكد من اللي مر من جنبو .. محمد حس ان اللي وراه وقف طل على ورا رائد دار وجهو على طول ونزل .. محمد استغرب وحس انه في شي .. لقى الغرفه .. يجرب البطاقه مهي راضيه تفتح يحاول بس مهي راضيه اتافف : استغفر الله ايش ينزلني تحت مشي متوجه للاصنصير ونزل الاستقبال .. رائد يحاسب وخلص كل شي مسك شنطته ويمشي متوجه للباب الرئيسي نزل من الاصنصير وشاف نفس الرجال يسحب شنطته وخارج اتوجه للاستقبال : لو سمحت البطاقه ماتشتغل الرجال : اعطيني اشوفها ؟ ... اها اسف غلطت في البطاقه محمد : لالاعادي .. لو سمحت ممكن سؤال ؟ الرجال : اتفضل محمد: هذا اللي خرج دوبو عربي؟ الرجال : ايوا محمد : ايش اسمو الرجال : رائد ال..... محمد انصصصصدم من الاسم اخذ البطاقه وطلع وبالو مهو معاه ابدا ميه فكره توديه وتجيبه دخل غرفته وجلس على الارض يدعي ربه ( ياارب انا عبدك اشكو بثي وحزني اليك ياربي ربي قد ضاقت بي حيلتي ففرجها علي ربي اني لا اعلم ما ابتليت به اختي ولكنني اعلم انه خير من عندك اللهم صبر اهلي واشفي اختي وانرني بالصواب ) افضل شي سواه محمد في وقت غضبه انه نزل اعصابه كلها واتوجه فيها لربه .... اتوجه للمحطه وانتظر القطار يجي .. مسرح متضايق يفكر ايش حيسوي لو راح منقطه ثانيه في المانيا قطع تذكره ومهو عارف ليش رايح ؟ ماسك يد امه ويسحبها: ماما متى بيجي بابا القطار بيجي الام : طيب حبيبي ذحين حيجي لاتخاف رائد يطالع فيهم وسرح واكثر شي انتبهله مسكة يد الطفل لامه وكلام الام لولدها .. الطفل انتبه لرائد وطالع فيه وابتسم ابتسامه عريضه رائد انتبه وابتسم نص ابتسامه وشال عينه الام يدق جوالها تدور عليه في الشنطه وردت .. الولد ساب يد امه واتوجه لرائد .. رائد انتبه للي جاي عنده لف عليه واستغرب .. الطفل رفع تذكره رائد من الارض واعطاها رائد بابتسامه رائد مهو عارف ايش يقول مايعرف يتكلم الماني اكتفى بابتسامه صغيره .. الولد جلس جنبه ويطالع في رائد وهوا مبتسم .. الام تدوور الولد وتناديه .. رائد انتبه للام : هنا هنا ولدك ( ضرب يده على جبهته ) واشرلها وكلمها انجليزي الام جات وابتسمت وانحنت بشوويش لرائد على لطفه رائد مستغرب وارتبك اشرلها براسه ( لالاعادي ) الولد مهو مع امه ولا مع احد حوليه كل تفكيره في كلام رائد لما كلم الام بالعربي قببل لاتنتبه .. قام لامه ويسحبها من يدها ويطالع في رائد : ماما ماما مسلم الام تطالع في الولد مستغربه حملت ولدها وتحاول تفهم منه الولد ياشر على رائد ويقول مسلم مسلم رائد مهو فاهم غير كلمه مسلم ارتببك وخاف يككون في شي .. الام تسال رائد بسرعه : انت مسلللم ؟؟؟؟ رائد خاف اكثر ورد بارتباك : ايوا الام ابتسمت اكثرررر : من وين ؟ رائد من السعوديه الام بتتشقق من الفرح : مكه كعبه مدينه؟؟؟( قالتها بطريقه مكسرره). الولد ساب يد امه وحضن رائد والابتسامه على وجهه .. رائد انفجع ومهو فاهم ايش في ؟؟ في نفس اللحظه يناديهم من بعيد وجاي باتجاههم : انا ادورلكم من اول يالله القطار باقي دقيقه ويتحرك ( ينزل الاكياس من يده ويطالع فيهم مهم معاه الام تطالع رائد ومبتسمه والولد الصغير حاضنه ) رائد نزل لمستوى الولد ومسح على راسه وعيونو بدات تتجمع فيها الدموع عمرو محد حضنو يتمنى من قلبه اخ صغير بس ماعنده هوا الوحيد ويحب الاطفال ونادرا مايشوفهم في هذي اللحظه عايش عالم اخر ) الام تدمع وقال للاب : مسلم من السعوديه .. الاب يطالع في رائد وابتسم ابتسامه اللي لقى حاجته بعد ضياعها وحضنه بقوه .. رائد حضنه بقوه ( كان تحت تأثير احتياجه) الاب يبا يبعد عن حضن رائد ورائد متمسك فيه ... ( صوت توقف القطار ...) رائد فتح عيونو واستوعب وبعد عن حضن الرجال .. الاب مسك يد رائد وفي يده الثانيه اكياس والام ماسكه ولدها ودخلو القطار سوا .. الأب يكلم رائد بالانجليزي : متى جيت المانيا ؟؟ رائد: يمكن من اسبوع كذا الاب مبتسم : كيف شفت بلدنا ؟ رائد: حلووه بصراحه جميله جدا الاب : لالا اكيد هذا لطف منك ما اعتقد في مكان افضل من مكه والمدينه ( دخل يده في جيبه ورفع صوره ) الاب : هذي السنه حنحج انا وزوجتي وولدي ( سلم على الصوره ) رائد يطالع في الصوره ( صوره مكه ) رائد مستغرب ومهو فاهم لين ذحين ليش مره فرحانين بشوفته الاب : لازم تجلس عندنا وان شاءالله حنعاملك بالطريقه اللي تليق فيك رائد : بس ليش ؟ يعني انا مني فاهم ليش اهتمامكم فيا كذا معنكم ماتعرفوني ؟؟ الاب رد بسرعه: انت مسلم ومن السعوديه يعني من اهل مكه والمدينه ماصدقنا نشوف احد عشان يعلمنا الدين احنا دخلنا الاسلام من ثلاثة اشهر وكان في شيخ في مدينتنا يعلمنا بس سافر لمدن ثانيه ينشر الاسلام ومااصار احد ثاني يعلمنا ونباك تعلمنا وتحكينا عن الاسلام اكثر .. رائد دوبو فهم واستوعب لكن خاف بطريقه كبيره كيف ممكن يقلهم شي عن الاسلام وهوا مايعرف الا الصلاه وكمان متهاون فيها مره : بس انا الاب : لاتقول شي انت حتجلس عندنا ( مسك يد رائد ) الله يخليك لاتسيبنا متلهفين كذا على الاسلام رائد : طيب ليش مابحثتوا في النت ؟ الاب : لالا الشيخ قال لاتاخذو شي الا من مصادر موثوقه والنت مهو موثوق رائد سكت وجالس يفكر كيف ممكن يتصرف وتحركاته كلها حتكون مراقبه ..... جالسه مع امها وخالتها في الصاله .. ام وليد : تالا وين ربا من اول ماشفتها ولاخرجت من غرفتها تالا : انا قايمه اشوفها ياخاله ام وليد : يعطيك العافيه ام احمد : اصيله ماكذبت امي وهيا تمدح فيها ام وليد : مين هيا؟ ام احمد تاشر على تالا : سعاد بنت خالتك ام وليد ابتسمت بانكسار : امم تالا ابتسمت وجات حضنت امها وباستها بيدها وراسها وتطالع فيها وجالسه عند رجلها : يكفيني ياخاله انها عايشه جنبنا والله يكفيني ( سلمت على يدها ) وقامت لربا .. منسدحه فوق سريرها مسررررررحه دقت الباب ودخلت .. ربا غمضت عينها بسرعه .. تالا واقفه قدام السرير : يالله نايمه اتوجهلتها وغطتها وسكرت النور وخرجت ربا فتحت عينها واخذت نفس وقلبها يوجعها .. جوالها دق .. مسكت الجوال ( احمد) ردت : الو احمد : اوو نايمه ؟ ربا : لا ايش تبا؟ احمد : شكلك طفشانه خلاص كنت ابا منك شي بس خلاص شكل المزاج مو رايق ربا : طيب مع السلامه احمد : هيا ذحين حشوف مين يساعدك ياياسر .. امم بسيطه بحلها يالله اسف على الازعاج مع السلامه ربا اول ماسمعت سيره ياسر: دقيييييقه استنى جلست : ايش في ؟ امم يمكن اقدر اساعدك احمد ابتسم كان يبا يتاكد اذا ربا تبادل ياسر نفس الشعور : لا خلاص ربا عصبت : احمد بتتكلم ولاكيف ؟ احمد : بسم الله طيب حتكلم رائد كان يبا احد يروح حفله التخرج حق اخته عشان امه مهي فاضيه رايحه تخطب لولدها.. ياسر دق احمد بقوه احمد : اااااي ( اشر لياسر ) اشبك؟؟؟ ياسر سحب الجوال من احمد وخلاه على السبيكر واشر لاحمد يكمل احمد ابتسم .. ربا كانت في حاله صمت من اللي سمعته : تخطبله! ماشاءالله على مين؟ احمد : ما ادري وحده من جماعتهم شكلها ربا الشياطين بدات تحوم حولينها خلاص وجهها حمر من العصبيه ونبره صوتها اتغيرت : هي انت اسمعني بارك لصاحبك طيب ؟؟؟.وانقلع مني فاضيه لمشاوريك انت وصاحبك احمد ماسك الضحكه وياسر ضرب يدو على وجهو ومعصب من احمد .. ربا : ولا اقلك انا رايحه الحفله وانا بباركله بنفسي فاهم ؟ مع السلامه ( قفلت الخط ) امد قفل الجوال ومات من الضحك ياسر : هيييييي انت تستهبل ؟ ذحين كيف افهمها ياشيخ تخيل سوت عناد واتصلت على ابوها ووافقت على يوسف احمد : والله باين المحبه من الطرفين اممم شوف ما اعتقد تسويها وحتى لو سوتها في النهايه امك حتجي اليوم عندنا وحتكلمهم وهيا حتقرر يا انت يايوسف ... ياسر : طيب ذحين بدات الحفله وزوج امي ودا اختي الحفله متى حتروح ربا؟ احمد جوالو يرن : هلا والله بابو احمد اابو احمد: هلا ولدي كيف حالك؟ احمد : الحمدالله طيب يالغالي انت طمني كيف صحتك ؟ ابو احمد : الحمدالله بخير دامكم بخير .. طيب يا احمد اباك تمر علي اختك وتجي على بيت عمك ابو رائد انا في بيت عمك ومنتظرينكم كلنا احمد : ان شاء الله تامر امر ساعه بالكثير ونكون عندكم .. مع السلامه ( قفل الخط ) ياسر : ايش في فين حتروح؟ احمد : حروح عند عمي انا واختي ياسر : والحفله وربا؟ احمد : اشبهم ؟ ياسر : مين حيودي ربا؟ احمد : انت ياسر : نعممم ؟ وكأن ابوها بيوافق احمد : لاتخاف ابوها مايرجع من الشغل قبل عشره وانا حكلم خالتي اني انا حشيلها ياسر : ايش تقول انت مني فاهم؟ احمد ؛ بعطيك سيارتي وحتروح بيتنا تاخذ ربا حكون جالس بجنبك وانت حتسوق واول ماتنزل تالا حاخذ سيارة ابويا ونروح عند عمي وطبعا ربا حتكون في السياره قدها وانت اول ما انزل حرك .. ياسر : طيب تمام بس ابوك راح الشغل بايش من سياره ؟ احمد: راح مع زوج خالتي احمد اتصل على ربا وقلها تتجهز وكلم تالا تتجهز كمان ... في بيت احمد .. ربا خرجت من الحمام ولبست وواقفه قدام المرايا تبا مكياج بس مافي كل مكياجها في بيتهم وماجابت شي معاها خرجت من غرفتها تنادي تالا : تااالا ام وليد : بسم الله وين رايحه مو كنتي نايمه؟ ربا : بروح حفله استني بقلك كل شي بس تالا وينها ؟ ام وليد : فوق في غرفتها ربا طلعت فوق جري وفتحت الباب بدون ماتدق تالا كانت تلبس وماخلصت لبس شافت ربا ( صرخت استتتتني البس ) ربا انفجعت وقفلت الباب على اصباعها وزععععععععععقت تالا خرجت بدون ماتلبس بلوزتها من الفجعه ومسكت اصباع ربا : ايش في؟؟؟؟؟ ربا تتالم : قفلللت على اصباااعي يالله احس العالم اسود ويدورر والله مره يألم ام وليد طلعت جري : ايش في ايش الصراخ ذا ؟ تالا ما انتبهت على نفسها ام وليد : تطالع في تالا ومستغربه .. تالا انتبهت على نفسها ودخلت الغرفه وقفلت الباب بسرعه .. ربا مع الالم ضحككت .. ام وليد : ايش في؟ ربا : قفلت الباب على اصباااعي شوفي كيف صار احمممر ام وليد اتاففت : استغفر الله وليه ماتنتبهي انا نازله اشوفلك عسل ولامويه بارده ولا اي شي يخفف الالم .. ربا تدق على تالا : هي انت ماخلصتي؟ تالا : ادخللي ربا دخلت وافتكرت شكلها وضحكت .. تالا : اضحكي اضحكي هذا جزات اللي ينسى نفسه عشانك ربا : انا افدى اللي ينسي نفسو لالا ما اصدق اول مره احس اني مهمه كذا تالا : انقلعي طيب ومره ثانيه اتعلمي تدقي الباب قبل ماتدخلي ربا : طيب نسيت تالا : ايوا صح ايش كنتي تبغي؟ ربا : ايوا ذكرتيني ابا روج ومسكرا وكحل وبلاشر وهكذا تالا تطالع في ربا : ايوا صح اشبك لابسه؟ مو كنتي نايمه ؟ ربا : بروح حفلللله تالا تصلح نفسها قدام المرايا وتكلم ربا في نفس الوقت : حفله مين؟ ربا تدف تالا : وسعي شويه طيب ابا المرايا ( تفتح شنطه المكياج وتاخذ اللي تباه ) حفله اخت ياسر الصغيره تالا وقفت اللي في يدها : نعممم؟ ربا : اشبك مصدومه احمد اخوك كلمني وقال يباني اروح حفله اخت ياسر عشان امو رايحه تخطب لياسر وحده من جماعاتهم ( قالتها بقهر ) تااالا مصدومه : انتي من جدك؟ وعادي كذا بتروحي ؟ واصلا ماتعرفي البنت وليش تبي تروحي وهوا راح يخطب وحده ثانيه وين الحب ؟ ربا : انا اصلا ماوافقت الا عشان اقهره واسوي انو مايهمني وبباركله بنفسييي انا اوريه ... ايوا صح وانتي وين رايحه؟ تالا : عند عمي ربا استغربت : وكيف حاسه؟ تالا : والله ما ادري ياشيخه مررره خايفه مدري ليه احسهم ناس شايفين نفسهم ومايكلمو الا اللي في طبقتهم ربا : مع نفسسسهم لاتخافي ولاشي انتي بنت عمهم ترا منتي وحده من الشارع ولاتخافي اخلاقك تفرض عليهم يحترموك وانت اتصرفي على طبيعتك ولايهمك احد ( ربا اتحمست) يالله نفسسسي اشوفهم واشوف بيتهم وكيف اشكالهم وجمعتهم وايش حيصير لما تشوفيهم تالا: واشبك متحمسه واذا يعني ايش حيصير لو كانو من طبقه غير عننا تماما حتى لو ايش حيكونون مخلوقين من شي ثاني ربا : لاياخي مو كذا قصدي .. خلاص انتي فاهمتني مايحتاج اشرح تالا كملت اللي في يدها ولبست اكسسواراتها وبعدين استوعبت : دقيقه دقيقه ربا تحط روج : امم؟ تالا : انتي كيف تكلمي احمد والحياه حلوه؟ اتصالات وعادي ؟ عايشين حياتكم انتي وياه ربا طالعت فيها : مالك صلاح حطت اللي في يدها وخرجت من الغرفه تالا ابتسمت : الله يوفقك في حياتك ( للجزء بقيه ) |
رد: روايه نور في غسق الدجى يعطيك العافية يارب ولك مني باقات من القرنفل تحمل في شذاها اسمي معاني الاحترام |
رد: روايه نور في غسق الدجى تتميز دائما باطروحاتك سلمت روحك والانامل لا عدم ي نقاء مودتي |
| الساعة الآن 09:49 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010