شبكة همس الشوق - نار المحبة

http://www.maktoobblog.com/userFiles...m20z8eunst.gif

ياخل يومك مرهف القلب حساس
......................قلبي مثل قلبك شكى البعد والشوق

نار المحبة تحرق القلب لا باس
......................لكنها تـعـطيـك بالشعر طـاروق

تحيي عروقٍ داخل القلب يباس
.................... نبضاتها رعاد وإحساسها بروق

ياصاحبي نسيت أنا جملة الناس
......................لاصار وصلك سر يحفظ بصندوق

يانورعيني وأنت للحب نبراس
..................من كثر شوقي لك أسوق القدم سوق

من قربك لعيني لك الرمش حراس
.......................واغفى معك بالحلم ماودي أفوق

بقول كلمة حطها بين الأقواس
.......................وأن كانني ماصنتها جعلي العوق

لايدخلك شكٍ ترى الوصل نوماس
........................بيـني وبيـنك باقي العـلم مفهـوق

غلاك عندي ماله أمثال وقياس
...................وكانك تبي تعرفه شوف السماء فوق

عرشك تعلا لك مكانٍ ومجلاس
......................في ذمـتـي مـايــاصله أي مخـلوق