شبكة همس الشوق - يايمه اخوك تحرش بي اطفالنا والتحرش الجنسي

يايمه اخوك تحرش بي اطفالنا والتحرش الجنسي

السلام عليكم ورحمة الله وبركآته..

صبآحكم /مسآئكم سعاده ورضى من الرحمن بإذن الله ...

قد يكون موضوعي هذآ جريئ في نظر البعض ..
لكن لابد لأطفالنا نصيب من نقآشاتنا ..فالطفل إذا نشأ في بيئه سليمه فله مستقبل زآهر بإذن الله..
والعكس صحيح ..

أغلب موآضعينا تتمحور حول المرأه والسيآسه ونسينآ الأهم أطفآلنا...
لو نلاحظ اغلب الشخصيآت المضطربه لو رجعنا للأسبآب وجدناها منذ الطفوله ..بأي سبب كآن ..

لكن أنا حبيت أتكلم عن سبب من الاسبآب وهو التحرش الجنسي ...
وعنواني يآيمه اخوك تحرش بي ..خصيت الام لان اغلب من يتحرشون بالاطفال لهم صله بالأم ..
سواء زوج او أخ او إبن أو أخو زوج او او ..............

طبعا هالموضوع كثير من الامهات غافلات عنه بسبب الثقه العميآء جدآآآ..
والله أصبحنا في زمن تزعزعت فيه الثقه ..

طبعا انا انسانه دايم عندي نظريه مااحب جلسة البنت مع الولد على قلة سناعه ..
>>وتعرضت لمن خآلفني الرأي ويقولون انتي تفطنيهم على شي هم مآيدرون عنه ..؟؟
النقطه هنآآ يعني يمكن المرآهق يتحرش بأخته وهو فعلا مآيدري عنه سلبياته ..

بعض الامهات تخلي اولادها بزران وسوق وزيآرات واللي بالبيت مرآهقين وقنوات فضآئيه ماهي مقصره ..؟؟>>وإذا تكلمتي قالت سلامات أشك في ولدي

أسآسآ انآ أعرف الشك مرض لكن نطلب مو الحذر نطآلب بالفطنه فقط ..

والأهم متى مآ أسست طفلي منذ صغره تمام بعدها يمكن ماأخآف...؟؟

نرجع للتحرش والله نسمع قصص تدمي لها القلوب
بنت تتملك وعلاقتها مع زوجتها كلها خوف تصآرحه ولا تصدمه ولا تخليها على ربك ...
حتى لو ربي كتب لها وتزوجت تلاقيها متخوفه من اول ليله أنا بكر ولا لا ....
وزوجي هل يتقبلني انسانه تعرضت لتحرش او بيرميني ويزيد الطين بله هم فوق هم ..

يعني تخيلوا انسانه عآشت طفولتها كلها خوف وتحرش وكبرت وهالخوف في دمها يمشي ..
حتى فرحة عمرهاا نآقصه ..؟؟

طبعا انا أعرف معلومه تخص الاطفال لكن اعتذر عن ذكرها خوفا من إستخدام البعض لصالحه..

والله تسمع وحده تقوول ابوي تحرش فيني بل اغتصبني والان على وجه زواج ايش اسوي ؟؟

ولو رجعنا لسبب وربي الام مأخذتها دجه وسآيبه البيت والرجال يعوض في بزرانه .

طبعا انا ماأبرئ الابو لا بس إذا هو مريض لازم أم فطنه تحافظ على عيآلها ..

وكم بنت تعزف عن الزواااااج بالمرآ خآيفه من زوج يزيد همها هم ولايقبل لها عذر ..

وحده تدعي تقول جعل اخووي للعذآآآآآآآب

لو بأذكر قصص ....لأصبح موضوعي قصصي ..

يكفي ان التحرش يعتبببببببر قتل طفووووله

سؤآلي ..؟؟

من المسئول عن قتل الطفولة ؟

التحرش الجنسي ينعكس على مستقبل الطفل الصغير حين يكبر فيغدو رجل أو امرأة كيف يكون تأثير التجربة المّرة عليه ؟

هل مجتمعنا بحآجه إلى دورات تخص التربيه فقط ..؟؟

_وانا اللي الاحظه اغلب البنات قبل الزواج الرومنسيه وكيف اكسب زوجي ...
رغم اشوف الرومنسيه وطرقها مافيه احد بيجهل عنها ولاعن كسب الزوج..
عكس التربيه السليمه للأطفال كثير نجهل عنها ؟؟>>هل من مؤيد بهذه النقطه او يوجد من يخالف ...

طبعآ النقآآش مفتووح ..

ودمتم بخيييييير ..