تعالوا واسمعوا مني وش اسباب الحزن فيني

#1 14 - 8 - 2022, 02:14 AM

كثير من البشر يسأل عن اسباب الحـزن فينـي
وكثير من البشر وده يعرف بدنيتـي وش صـار

وعلام اللي يقابلني يشوف الدمـع فـي عينـي
وانا توي صغير السن حزيـن وشـارد ومنهـار

انا بحكي بقول الحين عن اللي صار فـي سنينـي
ولكن قبل لا اتكلم ابيكم تحكمـو يـا اخيـار

تعالو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلي طـار

انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار

تعالو واسمعوا منـي وش اسبـاب الحـزن فينـي
وشنهي سبة دموعي وش اللـي بدنيتـي اسـرار

يتيمٍ ايه انـا عايـش يتيـم محـدٍ يراعينـي
ولحدٍ عني جاء يسـأل وحيـدٍ جالـسٍ بالـدار

يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرار

يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار

يتيمٍ صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار

شهادتكم تـرى بكـره وابوكـم لازم يجينـي
بسلمها انا بيده وشهـادة شكـر مـع ازهـار

وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار

وكنت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـه كثـار

مقصر زادها الاستاذ مـا بـارك صـار يعزينـي
شهاده كانت بيدي احسهـا جمـرة مـن نـار

ترى هذا سبب واحد من اسباب الحـزن فينـي
يكفي يابشـر ولا اكمـل وافشـي الاسـرار

ابحكي عن سبب ثاني سبـب زاد الحـزن فينـي
حبيبٍ مـت فـي حبـه ولكنّـه طلـع غـدار

انا رغم اليتم حبيـت عشقـت بكـل مافينـي
عشقت وكنت له وافي واذا اخطأ اجيب اعـذار

انا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار

انا صدقـت حلفانـه وهقيـت انـه بيغلينـي
ومثل ماني احبـه مـوت توقعتـه يجينـي بـار

ولكـن خيّـب ضنونـي توقعتـه بيحميـنـي
توقعته حبيبي يكـون ولكـن صاربـي غـدار

اثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لـي مقـدار

قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنـار

خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار

ومع غـدره وطعناتـه غرامـه ساكـنٍ فينـي
ولا ظني انا بنساه لـو اتعالـج بوسـط شهـار

عرفتو يابشر هالحيـن ليـه الدمـع فـي عينـي
عذرتوني على جسمي عذرتو عقلي اللـي طـار

وامانـه يابشـر تكفـون اذا منكـم يلاقينـي
لايسألني وش الباقي من اللـي بدنيتـي اسـرار

لاني لو انـا بحكـي جميـع اللـي انـا فينـي
ياناس عقولكم والله بتلحق عقلـي اللـي طـار

الموضوع الأصلي : تعالوا واسمعوا مني وش اسباب الحزن فيني || الكاتب : النورسيه || المصدر : شبكة همس الشوق

انشر Facebook Twitter WhatsApp Telegram Copy Link

14 - 8 - 2022, 02:24 AM

سَلآمٌ يَتَقَاطَرُ
شَهداً علىْ مُتَصفحكُم
لِـ نَلتَحِفُ بَينَ شَهَقاتِ ألأبِداعِ
دُمتُم رَمزاً لِـ العَطَاءِ والرووعة
شُكرأً بِـ حَجمِ السَمـآء وَأكِثرَ
وَلكم الود أّمَدأً,,‘

[/QUOTE]

14 - 8 - 2022, 06:56 AM

رووووعه الله يعطيك العافيه

14 - 8 - 2022, 01:16 PM

سلمت الأيادي ..
ويعطيك العافية لـ جمال الآنتقاء
لروحك جنائن الورد .

17 - 8 - 2022, 11:57 AM

وقف قلبي متحيراً امام كلماتكم
حروفكم اشرقت واضاءت حروف قلوبنا
اسعدت كلماتي لمروركم
شكري وتقديري لكم

18 - 8 - 2022, 02:44 AM

آختيَآرَ جَميلَ جِدآ
سَلمتم علىَ هذهِ الآطَروحهَ الآنيقَهَ
وَسَلِمتَ يُمنَآكم المُخمليِهَ لِ جلبهآ المُتميزَ
جَزيَلِ شُكِريَ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه لموضوع: تعالوا واسمعوا مني وش اسباب الحزن فيني لموضوع: تعالوا واسمعوا مني وش اسباب الحزن فيني
الموضوع	كاتب الموضوع	المنتدى	مشاركات	آخر مشاركة
اسباب تمنعني اقول عن اللي فيني علي نجم	نجوم همس	همس لمقاطع اليوتوب	5	19 - 6 - 2020 03:49 AM
يابحر فيني من الحزن	الصافي	همس عذب الكلام والخواطر المنقوله	20	11 - 4 - 2014 11:38 PM
الازاد فيني الحزن	انيقه	همس عذب الكلام والخواطر المنقوله	1	11 - 12 - 2013 12:15 AM
كثير من البشر يس ل عن اسباب الحزن فيني	خفايا الروح	همس الشعر والقوافي	10	18 - 11 - 2011 11:53 PM
الحزن فيني	ملكة الثلج	همس المواضيع العامة	6	23 - 10 - 2011 05:08 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟