6 - 5 - 2023, 06:07 PM
|
| |
|
بين الحنايا مجلسك حط مركاك
 
شبه المطر عشقي من أقصـاك لادنـاك
وماكنه الاّ سيل حدر بوادي
يامـا حمستـك شـوف ليـن آتقهـواك
حتى يطيـب البال كيـف المبـادي
وآعـن لك جـزل القصايـد بيمناك
شعــــرٍ يتوه بعالـمك ياودادي
ليلك بحر ياسيدي ويـن مرساك
وأزرق نهارك صار ماهوب عادي
طيفك معي من وين مـاروح ألقاك
مـن وين ماروحت طيفك ينادي
جيتك مشاعر همهـا اليوم لاماك
جيتك طموح وفيـك غاية مرادي
وسط الليالي ولع الشمـع ذكراك
في زحمة الافكار حليت بادي
في ذمتي من دون ذولا وذولاك
إنت الوحيد اللـي عطيته فؤادي
بين الحنايا مجلسك حط مركاك
ماغير أنا وإياك والجو هادي
فل الحجاج وأطرب اللي تمناك
مالك ومال الناس حضر وبوادي
أبغى ارتفع فوق المجره والافلاك
واقطـف ورود الحب مـن كل وادي
وتقول إكتبني وانـا آقول أبقراك
حرف القصيد اللـي عليه اعتمـادي
إن جيت وإن ماجيت والله فلا أنساك
فـي غيبتك كل المناظر سوادي
ياسيدي عطر القصايد تنصاك
بسمك قصيدي ريـح مسك وكادي
ما قلت لك يلعن أبو ليل فرقاك
حبك بوادي والخلايق بوادي
الموضوع الأصلي :
بين الحنايا مجلسك حط مركاك || الكاتب :
الــســاهر || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري