اخي الزائر لديك رسالة خاصة من شبكة همس الشوق للقراءة ! اضغط هنا ! 
  
\r\n \r\n\r\n\r\n\r\n\r\n\r\n\r\n\r\n\r\n \r\n \r\n\r\n \r\n\r\n\r\n\r\n\r\n\r\n\r\n\r\n\r\n \n . \r\n \r\n \r\n\n اليوم الثاني العصر .. \n ببيت زياد .. \n كانت أم محمد (الحرمة اللي بدبي) تناظر بسارة :اسم عليها وحديتك ؟ \n أم طلال: لا عندي غيرها .. بس نجد بشغلها .. \n ام محمد : ماشاء الله تبارك الله ..وماعندك يام عبدالله غير العنود \n أم عبدالله : عندي وجن بس انها متزوجة وعندها ولد .. \n أم محمد: الله يسعدها .. \n قامت سارة ودخلت للعنود المطبخ .. \n سارة : ياحليها تجنن سوالفها .. \n العنود : بجد .. احس امي وعمتي استانسوا معها .. \n سارة تأكل من الحلا : اقول ليه ماجيتي اليوم.. \n العنود: مانمت امس عاد ماعندي الا محاضرة وخالتي الدكتورة كلمتها وقلت لها تعبانة احسها راح تذبحني لان كله غيابات .. \n سارة:هههههههههههههههه ايه سألت لما نادت بالاسامي قالت وين العنود ..عاد قلنا ماجات أكيد ظروف .. \n أم محمد : عاد أبيها ومن شفت العنود بدبي وأنا طايريتن فيها وابغى سارة لولدي محمد ..وأدري اني عجولة لاكن الله لايضرها هالزين ماتقعد.. \n أم طلال: يشرفنا هالشي وراح اكلم أبوها ونشوف رأي البنت .. \n . \n . \n . \n ببيت أهل شهد .. \n شهد كانت تسولف مع عمها :وحششششتني كثثثير .. \n عناد: وأنا أكثر يانور عيون عمك .. بس توني راجع من السفر وجيت من المطار لبيتك ..طمنيني عنك .. \n شهد: الحمدلله بخييير.. عمي تخيل حامل بتوأم .. \n عناد صارخ من الفرحة .. \n ضحكت شهد: ونااااسة .. ربي عوضني بخير.. \n عناد كان فرحان كثثثير: يالله لك الحمد.. صبرتي ونلتي .. عمك درى.. \n ضحكت: أبوعبدالله .. \n عناد ضحك: اييه .. \n شهد: مدري لان ماكلمته وعبدالله مسافر.. \n عناد : آييه واخبارك تتعبين مع الحمل .. \n شهد: شوي موب كثير .. وحتى شغلي مثل ماقلت لك تركته ..طيب طمني عنك كيفك مع ريما .. \n عناد ابتسم : بخير الحمدلله .. ماشفتها وبعد شوي بمر أخذها من عند اهلها .. بس شهد أحسها متعلقه باهلها واجد .. لان من تزوجنا ورجعنا من شهر العسل انساه ليلة الاربعاء ومقدر أخذها الا فجر الجمعة ..عشان تحب تبات عند اهلها ولااحب ازعلها بس مهيب حاله .. \n شهد: طيب كلمها .. لان متعوده ياعمي دائم خواتها يتجمعون .. بس صدقني عمي أذا كلمتها راح تتفهم وعادي ماراح تقول شي فديتها .. \n عناد: كلمتها مره وجلسنا بس اخواتها ماخلونا ذيك الليلة نرتاح مثل الناس كل شوي يدقون وينك وينك .. يعني اختهم ماقلنا شي بس عيب فيه ذوق .. بس الله يستر لان بصراحه ودي ارتاح مع زوجتي خاصة ان رحلاتي الجوية كثير .. \n . \n . \n . \n ببيت زياد .. \n العنود جلست بعد ماراحت الحرمة ووصلتها للباب .. \n سارة :ها ؟ \n امها: اقولك خطبتس الحرمة لولدها وتبي ردك .. \n سارة : ومن وين تعرفنا .. \n ام عبدالله : النصيب مايعرف هالاشياء.. الحرمة حبيبه ويازينها وتبيك لولدها .. \n أم طلال: صادقة عمتك .. بكلم أبوتس يسأل عنهم وأنتي فكري .. \n سارة : مابي .. \n امها: وبعدين كل مره تردين لتس واحد .. تعبت منتس .. \n سارة: يمه بجد مابي .. بعدني صغنونه .. \n ام عبدالله: لا اسم الله عليك مره هذي هي العنود كبرتس اعرست .. خلينا نفرح فيتس .. \n العنود : استخيري وقرري .. \n سارة : أوك .. \n . \n . \n . \n اليوم الثاني .. \n ببيت أبو طلال .. \n سارة : وشوووووو .. وراهم العرسان هاليومين كثير.. \n امها: بدال ماتحمدين الله على النعمه .. معك يافارس يامحمد .. \n نجد: خذي فارس أحسن دايم شهدوه تسولف عنه وتقول بالحيل طيب وحنون .. \n سارة جلست عند امها: مااما ماابي .. \n امها :ياساره ياحبيبتي لازم توافقين .. خلاص كبرتي عمرك 20 سنة سنك مناسب للزواج .. خلاص حتى أبوك يقول توافق لانهم كلهم ماينردون بصراحه محمد الله لايضره وحتى فارس .. \n سارة حطت راسه على فخذ امها وهي تبكي : يمه اخاف .. \n امها : ليه يادلوعه ابوك.. \n سارة:يمه محمد مانعرفهم والناس مالهم الابالظاهر وش يعرفني عن اهله خواته كلهم اخاف .. \n امها: وفارس.. \n سارة: راح يسافر .. يعني يمه غربه .. \n نجد : ياعيوني ماتدرين يمكن خيره لتس .. \n سارة: لا اخاف .. \n نزل ابو طلال من مكتبه ابتسم وقوم سارة ولمه بحنان الابوه : دلوعه ابوها شفيها .. \n ام طلال : ماتبي العرس .. \n أبو طلال: ليه كبرتي .. \n سارة: بابا ماابي.. \n أبوها : اثنينهم من خيره الشباب ولا ودي تردينهم .. \n ام طلال: ها ياسارة .. \n أبو طلال : بصراحه محمد ماعليه كلام .. لاكان غُرب ولانعرفهم .. لاكن فارس أعرف أبوه من معرفته باخوي فهد الله يرحمه .. وافقي عليه يابوك.. \n أم طلال: سارة عاقلة مهيب رداتنا ولاهي بمزعلتك .. كلم أبو فارس وعطه رأيك .. دامه كلمك وأنا بكلم امه .. \n . \n . \n . \n المستشفى .. \n صفا طلعت من العناية الفائقة .. والكدمات بدت تروح شوي شوي مع الكريمات والعلاجات .. \n امها ماسكه يدها وتبوسها : ياروح امك .. كيفك الحين ..؟ \n صفا كانت تعبانة يالله تتكلم :بخير .. \n باست يد امها: لاتبكين يمه .. \n غمضت عيونها .. ورجعت لعالم الالم .. \n دخل فهاد وكان مستانس انها طلعت من العناية :لآآآ نامت.. \n عمته تمسح دموعها: آيييه .. تعبانة لو طلعوها .. شوف هالكدمات بجسمها .. \n فهاد كان يناظرها وهو يهوجس بكل شي وحتى لو صحت .. وعيونه تناظرها هلت وفضحته .. \n \n إلا مني نسيت الهم ساعه \n تحدني همومي وأذهلني \n وهوجس كل ما حولي جمااعه \n دموع العين هلت وافضحني \n . \n . \n . \n \n ببيت أهل أنفال .. \n أم أنفال: أنا رديت على خالتس ورايك مهوب مهم عندي ولاعند أبوك.. عمر يبيك وانتهينا .. \n أنفال ضربت برجلها الارض وطلعت لغرفتها وهي تبكي .. \n . \n . \n . \n ببيت أهل عمر .. \n عمر كان مستانس حيل .. :طيب بجد ليه واقفت وغيرت رأيها ؟ \n غيد ابتسمت: لانها تبيك بس كانت تتغلى .. \n عمر: تتغلى بهالامر ..بس فديتها كلي فداها .. المهم بنزل لامي تخليها تقول لخالتي تسوي تحاليل نفول.. \n غيد : حلو .. \n نزل عمر وقال لامه .. وتالي طلع يحجز قاعة .. \n امه: فديته الله يسعده .. \n أبو عمر: ههههههههههه ماخلت فيه بنت اختس عقل .. \n . \n . \n . \n ببيت أبو فارس .. \n فهاد: ممكن تروق .. \n فارس: أنت مستوعب .. الحين كيف اقدر على ذي .. وبعدين ليه وافقت.. \n فهاد: وليه تقدمت .. وطاوعت أبوي ؟ \n فارس : لانه قالي أذا رفضت سافر ولاعاد بقولك تزوج .. \n فهاد: ماتدري يمكن تلقى ضالتك فيها .. وبعدين ترآ بنات ذيك العايلة مزايين يقطون الطير من سماه ..شوف شهدوه الله لايضرها .. وش تبي أكثر راح تناسب دكتور شهرته بالافاق والكل يعرفه ويشهد له بالخير وأخوانها مايحتاج .. وأمها دكتورة بالجامعة .. والبنت مزيونة.. \n فارس خزه بطرف عين : كأنك وسعت صدرك عليها مزيونه .. \n فهاد:ههههههههههههههههههههههههه اهم شي الغيره .. توك ماتبيها.. قوم بس ياشيخ خل نفصل ثياب الملكة الاسبوع الجاي .. \n فارس: ان شاء الله ماتضبط التحاليل.. \n فهاد: خخخخخخخخخ دامك ماتبي راح تضبط ..امش يبو .. \n طلعوا .. \n فارس: كيف زوجتك ؟ \n فهاد: الحمدلله طلعت من العناية وبدت تروح الكدمات ..خفت أحسن من أول .. بس لما تناظرني نظرتها تهزني تنرحم .. \n فارس: الله يحفظها لك .. \n فهاد: امين .. وتسامحني على سواتي.. \n فارس: مالك ذنب .. أمها بصراحه قوية اشتكت ابوها والحين يقولون بالسجن .. \n فهاد: بنت رجال .. بس الشرطة تقول راح يطلع بكفالة .. بس اهم شي جرب السجن .. \n . \n . \n . \n ببيت أهل شهد .. \n شهد : عبدالله صرب دبه صح ؟ \n عبدالله ابتسم :لا.. جعلني ماعدم هالجسم كلك تجننين .. \n شهد : خلك صريح \n عبدالله:ههههههههه والله أني صادق ميت عليك وعلى جسمك.. وبعدين أبيك يزود وزنك ..لانك حامل بتوأم .. \n شهد: يعني ماراح اصير شينه بعيونك.. \n عبدالله حط راسه بين نحرها وذقنها وبهمس : واللي خلقني مايساويك أحد فديت هالزين كله .. \n حمر وجهها وسكتت .. \n . \n . \n . \n ببيت زياد .. \n كان الوضع بينهم عادي مافيه احتكااكات .. بس زياد يبي يكلمها .. \n زياد: سارة كلمتك .. \n العنود: آييه .. \n زياد: طيب راح تمرين بيت اهلي .. \n العنود : آييه لان راح نطلع للمشغل عشان العرس(عرس نورة) .. \n زياد: أنا راح اوصلك .. \n العنود: اوك .. \n جلست لان الدوخة ماتركتها .. \n زياد مسك يدينها: فيك شي.. \n العنود : احس بدوخة غريبة تو جايه هاليومين .. \n زياد خلاها تمدد على السرير : مافيه طلعه دامك دايخه .. \n العنود: لا أنا وعدت سارة اكون معها بطلع .. \n زياد يمرر يده على خدها : لاهدت الدوخة تروحين .. \n العنود: متضايق الليلة ؟ \n زياد: أنا .. \n العنود: آييه .. \n زياد: متضايق عشانك وعشان علاقتنا .. \n العنود: موب متضايق عشان شي ثاني .. \n زياد : وفيه شي يضيق الصدر غير علاقتنا .. \n العنود : آنا آسفه .. لان أنا مضيقة صدرك بتصرفاتي .. \n ابتسم وبخاطره تغيرت .. :وجودك معي يغني عن كل شي.. بس ودي نرجع مثل قبل .. \n العنود جلست :خلاص خل نروح لسارة .. \n زياد :خفت الدوخة .. \n العنود: آييه .. \n زياد ساعدها عشان تقوم .. وطلعوا .. \n . \n . \n . \n القاعه .. \n عرس عبدالالة ونورة .. \n العنود جنب وجن : مدري شاكة اني حامل ميته خوف لان ظهري يألمني.. \n وجن: يامجنونة مفروض ماتحملين الحين .. خطر الحمل بعد الاجهاض.. \n العنود :يعني بيروح البيبي .. \n وجن: لا ان شاء الله .. بس ليه مااخذتي مانع .. \n العنود : وش يعرفني عن زياد .. أنا ماعرف شي .. \n وجن: الله يهديكم مفروض دامه دكتور واخصائي نساء وولادة ينتبه للشي ذا ..طيب يدري زياد \n العنود : لا .. بس شاكه .. بس تدرين لما طحت قبل يوم وسويت تحليل دم ماطلع شي .. \n وجن: مدري بس ترى يبان بوقت محدد .. أخذي لتس جهاز تحليل منزلي وتأكدي .. \n العنود : وشو ذا بعد .. \n وجن: ذا جهاز تشوفين من خلاله بالبيت أنتي حامل او لا ..اسألي زياد عنه .. \n العنود: مدري ميته خوف .. تدرين خلي اكلم جيتا تروح للصدلية وتجيبه .. \n وجن: لاتخافين قلبي .. الله يكتب لتس كل خير .. \n . \n . \n . \n اليوم الثاني .. \n ببيت زياد .. \n جلست العنود ومهيب عارفه وشو ذا اللي طلع لها .. \n زياد : عنود ماوراك جامعة ؟ \n العنود: منيب دراسة اليوم .. عندي آوف .. \n جلس زياد :وشو ذا .. جهاز تحليل حمل ؟ \n العنود: آيييه خليت الشغالة تجيبه لي البارح لما كنت بالعرس لان مرآ شاكة وجربت اليوم الصباح والحين وشو ذا .. \n زياد قدم الين صار جنبها وهو يطالع بالجهاز خطين واضح وغامق ..ابتسم : مستعدة تصرين ام .. \n العنود ابتسمت : قول والله حامل.. \n زياد ضحك .. \n نطت وتعلقت برقبتها وكان جالس على طرف السرير رجع ظهره على السرير وهي بحضنه ..:ونااااااااااااااااااسة .. \n ضحك وهي على صدره : فرحااانة.. \n العنود :كثثثثير .. \n استوعبت الوضع وجات تبعد .. \n زياد:خليك .. \n بعدت ووجهها أحمر .. \n زياد فارد يدينه على السرير :حطي راسك هنا (يأشر على ذراعه) \n العنود :لآ .. \n زياد: حطيه .. \n العنود :لا .. \n ضحك وقعد : مافيه امل .. \n العنود :لا .. \n زياد : ههههههههههه يازين لا من فمها .. البسي عباتك خلي نمر المستشفى ونسوي تحاليل وافتح لتس ملف عندي .. \n العنود: يعني تصير أنت الدكتور المشرف على حملي.. \n زياد ابتسم: أي نعم .. \n قام يبدل وقامت العنود معه .. \n . \n . \n . \n المستشفى .. \n مكتب زياد .. \n العنود :يؤ تألم هالابر.. \n زياد: بس سحبت دم بسيط .. \n العنود: ليه ماتسحبه أنت.. \n زياد : ياروحي ليه ماقلتي لي كان سحبته أنا لتس .. الحين فتحنا ملف والتحاليل بعد عشر دقايق راح تطلع .. \n العنود: اطلب لي عصير.. \n زياد: من عيوني .. \n طلع يجيب لها بنفسه طلبها ورجع ومعه ساندوش لها :لازم تأكلين .. \n العنود: بس عصير.. \n زياد: لازم الحين تأكلين عنك وعن هالبيبي .. \n حطت كفها على بطنها : هنا بيبي .. \n ابتسم : آييه .. اكيد راح يطلع على امه قمر.. \n العنود :تبيه يشبهني ؟ \n زياد: آبييه نسخه منتس .. \n العنود :وناسة يعني تحبني .. \n زياد وهو جالس على الكرسي مقابلها : أحبك .. قولي وش كثر تحبني .. \n العنود :طيب وش كثر تحبني .. \n زياد: كبر هالدنيا وهالسماء .. آحببببك كثير .. يمكن لما تزعلين تقولين أنت ماتحبني بس ربي يالعنود يشهد ماحبيت مثلك وياكثر ماتغاضيت لاجلك وياما انذليت عشانك وياما مشيت لتس أشياء مايممرها غيري.. \n ابتسمت وقامت باست خدها : ميانيو.. يعني آسفه .. \n زياد كان راح يتكلم دق الباب وجلست العنود دخلت الممرضة .. \n زياد أخذ اوراق التحاليل وابتسم : ياجعلننني ياروح زياد مبروك الحمل.. \n ضحكت وعضت أصبعها :ربي يبارك بعمرك .. تعال نروح لنجد فديتها أبيها تفرح .. \n عدلت غطاها وقومته معها وهو خاق معها .. \n ... \n مكتب نجد .. \n نجد فرحت حيل: لا هالخبر يبي له احتفال .. \n كلمت وطلبت لهم .. \n زياد : بصير أبو .. \n العنود : وأنا بصير ام .. \n نجد:ههههههههههههههههههه ربي يسعدكم توسعون الصدر.. لما يسافر أبوي وطلال تعالوا عندنا بالبيت .. \n زياد: لاتعالوا للبيت عندي .. \n العنود: آيييه عاد عيشوا معنا وقت .. \n . \n . \n . \n المغرب .. \n المستشفى .. \n صفا :بعد لاتلمسني .. ماكفاك اللي صار .. \n \n ماكفاك إني نزفت .. \n ومت .. مت \n وضاع صوتي وأنتهيت .. \n وإنت .. إنت \n ضعت منك ماندمت .. \n وإنصدمت .. \n \n فهاد :وش ذنبي.. \n صفا: ذنبك أنك اجبرتني على الروحة.. ذنبك أنك مارديت علي.. \n فهاد مسك كفها : صفا اسمعيني .. وقرري وسوي اللي تبينه .. \n باس كفها :تبين تطلعين من المستشفى .. \n صفا : آيييه .. \n فهاد : الحين اروح اكلم الدكتور .. \n صفا: أبي اسافر لامي ليه راحت ؟ \n فهاد: لان اخوانك بتبوك وحدهم ..بس أنا وعدتها أوديك لها بعيد الضحية.. والله يعيني بفقد تؤمي وروحي .. \n صفا: عشان الذنب راح توديني .. \n فهاد :صفا وعد مني لانسيك هالجرح .. بس عطيني فرصة .. \n صفا دمعت عيونها وصدت عنه .. \n . \n . \n . \n بعد اسبوع .. \n ملكه وزواج فارس وسارة .. \n كان فارس باينه على الضيقة .. \n دنقت له شهد : فارس ابتسم الكل عيونهم عليك أنت وسارة.. \n ابتسم مجاملة لاخته .. \n فارس : رحلتنا الصباح لـ بريطانيا .. \n ماقدرت سارة تتكلم .. \n فارس : تقومين الحين .. \n سارة ماقدرت تتكلم على الصامت .. \n فارس من الذوق مسك كفها ووقف وبدت الزفة لهم .. \n . \n . \n . \n الفندق .. \n فارس نزل الهدية وقام : هذي هديتك .. ومعليش عليها .. بروح انام وافضل لتس تنامين لان رحلتنا الصباح .. \n دخل للغرفة فك ازارر الثوب : معليشش مادوي اجرحك يابنت الناس منيب أبغاك .. \n رمى نفسه على السرير وغمض عيونه يتناسى كل اللي صار .. \n \n بصالة الجناح .. \n دمعت سارة وناظرت نفسها بالمراية الكبيرة ووابليس بدأ يلعب بأفكارها وثقتها بنفسها اهتزت من تصرف فارس .. \n قامت فتحت شنطتها ودخلت تأخذ لها شاور.. \n . \n . \n . \n ببيت طلال .. \n سمع طلال همس صوت بكاها وهالليلة ليله فراقهم لانه بيسافر لامريكا..وهالسفرة لعيون أبوه عشان يتطمن عليه ومقدر يرفض له هالطلب .. برغم كرهه للسفر والغربة .. \n \n ليلة فراقك .. ودمعـك لمّـا بعيونـك بـدا \n من لمحته قبل أسافر .. ماهنا لي مرقـدي \n قلت لك :"أيام وارجع" ، والحكي ضايع سدى \n لاْن - بالأيام هذي - حتى هالقلب يغـدي!! \n ياوطن روحي أماااانه كفكفي هـذا النـدى \n واعذريني والله إن الوضع ماهو فـي يـدي \n كل شيّ ٍممكن إني أرفضه لجلك .. عَـدا.. \n [شايبي] لامن زهمني قلت: "أبشر يابعـدي" \n انتي أكثر من عرفني ماهو من طبعي الردى \n وآنا اعرْفك طووول عمرك ماتحبين الـردي \n رحت.. لا قلبي.. ولا فكري.. ولا بالي هدا \n رحت.. وهمومي تجر أحزان درب ٍسرمدي \n المصيبه.. كثر ماني والسفـر أكبـر عِـدا \n كثر ماربي كتب لي معه أجدّد موعـدي!!! \n \n تحرك من مكانه وقرب لهاعلى جهه نومها بالسرير :ا آحنا مااتفقنا نبطل دموع .. \n دلت يدينها من ورى رقبته وضمته وهي تبكي .. \n طلال دمعت عيونه :وجن .. \n كانت تبكي وبصوت مسموع وتشهق .. \n طلال : وجوتني ..خلي نستانس بهاالليلة .. \n بعدت عنه :آسفه روحي بس مجرد طاري البعد يهد حيلي .. \n طلال يمسح دموعها : ماعندك وقت هالدموع شلال .. \n كان عزوز بغرفته اللي تفتح على غرفتهم فتح الباب ومشى وكان يمشي ويصكع باللي قدامه .. \n وجن: عزوز حبيبي .. \n شغلت الابجورة الثانية عشان يزيد النور .. \n طلال : وش اللي مصحيك الحين .. \n ناظر ابوه ومطلع على السرير .. \n طلال ضحك من كل قلبه :مشكلة القزم ناظري شلون يرقى للسرير.. \n شالته وجن وهي تبتسم : ليه صاحي الحين .. \n قام من حضن امه وانسدح بالوسط .. \n طلال : آآآوه خطير شوفي بعد راح ينام بالوسط .. \n وجن ضحكت برغم شهقاتها .. \n انقلب طلال وصار جنب وجن وجلس جنبها وهو يبوسها : خلاص لاتبكين كلها ايام وارد للرياض وراح اخذ اجازة واجننك فيها.. \n وجن: حلاللللللك سوى اللي تبيه فيني بس لاتتركني .. \n طلال ميل نفسه عليها :جد .. \n ضحكت: جد .. \n طلال : الله لايخليني منك ياوجن .. \n وجن باست كفه :ولامنك ويخليك لي .. \n . \n . \n . \n ببيت زياد .. \n العنود : شلون راح اعيش من غير سارة مقدر.. \n زياد ماسك يدينها: أنا بعد راح افقدها بس لازم نصبر.. وان شاء الله راح تجي بالاجازات ..خلاص لاتبكين أدعي لها ان ربي يسعدها .. \n العنود: حس فيني أنت اخوها صح ..بس أنا اختها وصديقتها وانا وهي روحين في روح .. كل طالعتنا سوى حتى بالجامعة داخلين نفس التخصص نروح سوى للجامعة نغيب سوى كلاسنا واحد .. ياكثر مانمنا ولعبنا وهسترنا سوى .. الحين معناها راح امشي وحدي بالجامعة .. زياد سارة عمري .. حتى الليلة مقدرت ارقص بعرسها برغم أني سبق ووعدتها بس عشان الحمل .. زياد قولي شلون بعيش اعيش من دونها.. \n زياد كان حزين لفراقها حزن اكثر .. لم العنود لجهته تسوايه ويواسيها.. \n . \n . \n . \n الفندق .. \n الساعة 7 الصباح .. \n صحى فارس وماشاف سارة على السرير جنبه .. استغرب ياحيا هالبنات.. \n طلع للصالة ولاقها ضامه نفسها وشكلها حيل كيوت لابسه بلوزة وجاكيت عليها شتوي مع برد الرياض وبلوزة ميد جنيز ..:صباح الخير.. \n عدلت جلستها لما شافته : صباح النور .. \n كانت تنقل عيونها بين جوالها والارض .. \n فارس : مانمتي ؟ \n سارة : ها .. \n فارس كان يتمغط(بتمطط *_^) :اقول مانمتي \n سارة : مافيني النوم .. \n فارس: اقولك نمتي البارح .. أو بعدك ماجات عينك النوم.. \n سارة:لا.. \n فارس: ماتدرين ان ورانا رحله طويلة .. \n سارة ماردت عليه .. \n فارس: طيب ليه ماصحيتني للفجر.. \n سارة : صحيتك .. بس ماصحيت .. \n فارس : آييه نومي ثقيل .. \n دخل لداخل يوضي ويصلي وتالي يأخذ شاور ويطلعون للمطار.. \n . \n \n . \n \n \n \nببيت طلال .. \nرجع طلال يودع وجن بعد ماعطى السواق الشنطة .. \nوجن كانت تناظره وهو يفتح الباب ويدخل عشان يودعها .. \n \nجآ يودعني يحسـبني قد الودآع .. \nهو بقآ بي حيل حتى أجمعه ..؟! \nشـبـ فـيـ روحـي جـنـونـ و \nإنـدفـآع .. \nو مدت عروقي يديهآ " تمنعه " \nقآل : أحبكّ \n \nو أبتدا ً الغيم أجتمآع \nقلت : أحبك \nو المطر في أضلعه \nترشف عيونه دموعي بـ التيآع \nوتعطش عيوني \nوتشرب أدمعه \nيوم قـفآ و \nأنطفـى ذآكّ الـشعآإع طاإر قـلبي من ضلوعي .. يتبعه .. \nقلبي اللي .. كلمآ يـ لقآهـّ ضآع كلمآ يغفي بحضنه روّعه .. \nوين أوجّه ..؟ \nكـل وجهآتي ضياإع \nكـل أحـآسيسـي \nتوجهني معه .. \n \nوجن وهي بحضنه وهو مندق : انتبه لنفسك .. \nطلال :من عيوني .. كلمت متعب وراح يمر يأخذتس أنتي وعزوز ..يالله اشوفك على خير .. \nلمها أكثثر وهي تتحاول قد ماتقدر تتماسك على الاقل تخفي صوت شهقاتها .. \nبعد عنها وطلع بسرعة مايبي تشوف دموعه .. \nجلست على الارض وهي منهارة ميته خوف على طلال والشكوك اللي تروداها بعدم رجعته .. \n \nهل ّ دمعي فوق خدي وانتثر .. \nيوم عزم نور عيني بالرحيل \n \nمادرى بي عايش هم وسهر.. \nبعد ما قفى وأنا قلبي عليل .. \n. \n. \n. \nالفندق .. \nفارس كان لابس قميص من أرماني ووجاكيت وجينز : بالنسبة للفستان (فستان الزفاف) راح يمر فهاد يأخذه بعد شوي ويوديه لاهلك .. \nماردت عليه لبست عباتها وشالت شنطتها والشنطة الثانية .. فارس لم أغراضة وطلعوا .. \nشافها موظف من الفندق وتقدم وشال الشنطة من سارة ومشى وراها الين وصلت لسيارة فهاد لانه كان ينتظرهم ..فارس لما شاف هالمنظر تقدم لسارة وبهمس :هذا شلون الشنطة..؟ \nسارة: شافني وجا شالها .. \nفارس: ماشاء الله وأنا ورى ماتقولين لي .. \nماردت عليه وركبت السيارة ودموعها بدت تتساقط .. \nركب فارس وبد يسولف مع أخوه .. \nوسارة كانت تناظر لكل شي بالرياض ودموعها تتساقط بهدوء على فراق الرياض وأهلها .. \n \nالله اكبر يالرياض .. \nيانور ساطع بالبياض.. \nدمعي من الاعيان فاض .. \nلاغبت عنك يالرياض.. \n \n. \n. \n. \n \nالمطار .. \n \nزياد ودع أخوه وأبوه ودخلوا لداخل :يارب أحفظهم .. \nجلس بصالات الانتظار عشان يشوف سارة قبل ماتروح .. دق على فارس وقال له قربوا من المطار .. \nراح يأخذ له شي دافي .. شرب شوي ودق عليه فارس نزل القهوة الفرنسية وقام .. \nدمعت سارة لما شافت أخوها جاي كان لابس ثوب أسود وغتره بيضا رامي طرف الشماغ على الكتف الاخر( تشخصية الصقر,المتواضع ) .. سلم على فهاد وفارس وتالي مشى لاخته باس راسها :صباح الخيير .. \nسارة صوتها متغير: صباحك نور .. \nزياد مسك يد أخته وصار يمشي معها: شفيه صوتك .. \nسارة : توني صاحية .. \nزياد : تلعبين علي .. ياعيون أخوك لاتشلين هم .. بأذن الله راح تمر بسرعة هالسنين .. \nسارة : مابببي اسافر .. \nابتسم زياد : افا .. وتخلين فارس يسافر وحده .. ماتغارين عليه .. \nسارة : لا .. أبيييكم .. \nضحك زياد : وأحنا نبيك أكثر بس الحين ربي يوفقك .. \nوقف لما شافهم قربوا :انتبهي لنفسك ولفارس .. ولاتمهلين مستقبلك .. اتفقنا .. \nشهقت .. \nسلم عليها وضمها وعيونه مغرقة بالدموع : مايصلح طول وبعوض وابكي .. \nابتسم وباس راسها ثاني مره : بفقد ملاسنتك .. \nسلم على فارس وطلع مايبي أخته تشوف حزنه وتنهار أكثر .. \nفهاد :مااكان ودي تسافر لاكان حكمه الله .. الله يوفقك وأنا أخوك وترجع لنا ومعك الشهادة .. اهم شي حافظ على دينك والباقي ربك لاحفظت دينه بيحفظك .. \nضم اخوه :أشوفك على خير .. \nمشى وهو ثاني الشماغ مايبي أحد يشوفه دموعه لفراق فارس تؤمه وروحه وكل كله .. \nناظر فارس فهاد وهو يغارد صالات المطار ويطلع لمعت عيونه وتماسك:تعالي سارة .. \nمشى وخلص الاجراءت ودخلوا للصالات المخصصة للمسافرين .. \n. \n. \n. \nببيت زياد .. \nكانت العنود تبخر الغرف عشان عمتها ونجد .. خلصت ونزلت تشوف القهوة .. \nخلصت القهوة وطلعت تأخذ لها شاور سريع .. ماطولت وطلعت عدلت شكلها ونزلت تتنظرهم شوي وهم داخلين .. \nالعنود قامت: هلا والله .. \nسلمت عليهم وجلسوا.. \nالعنود: الله يحيكم .. \nعمتها :الله يحيك حبيتي كيفك .. \nالعنود: الحمدلله بخير.. أخباركم.. \nعمتها: الحمدلله .. \nقامت العنود تجيب القهوة والحلا .. شوي وجابتها قعدت تصب القهوة وتعطي عمتها ..:تسلمين يمه .. \nالعنود مبتسمه: حزينة على عمي من قده .. \nضحكت عمتها : والله كلهم .. وخاصة سارة بفقدها آخر العنقود .. وطلال يابعد عين امه مدري وش اللي بيصير الله يحفظه من كل شر .. \nجلست العنود جنب نجد : غريبة وين زياد .. \nعمتها: تو طلع .. العنود ودي ارقد من امس مانمت .. \nالعنود: فديتك يالغالية تعالي معي لغرفتك فوق .. \nعمتها: لاعيوني بجلس بجناح الضيوف .. \nالعنود : أفا .. هالبيت بيتك وتجلسين بجناح الضيوف .. فديتك تعالي معي لغرفتك .. \nكان زياد داخل وسمع كلام العنود ابتسم بحب لها .. \nطلعت مع عمتها .. \nزياد: أحبببها .. \nضحكت نجد .. : وينك؟ \nزياد: تو واحد يبي أغراض وعطيته .. \nنجد : بطلع لهم تطلع معي.. \nزياد: آييه طلعنا .. \nطلعوا .. \nسكرت العنود الباب ..: بسم الله وين اختفيت .. \nزياد: اعطيت واحد اغراض.. \nالعنود تطلع لسانها باستهبال : يالبييييه يخقق أخوتس .. \nضحكت نجد .. \nزياد ضحك ودخل لجناحهم .. \nالعنود: تعالي اوريك غرفتك .. \nمشت هي ونجد ودخلت نجد للغرفة وعاد حبت تنام لان وراها دوام العصر.. \nدخلت العنود للجناح .. \nزياد : ممكن ترتاحين لان الحركة مهيب زينة لك .. \nجلست العنود : لاتخوفني تراني ميته خوف .. لو راح احس راح يجيني شي.. \nزياد: اسم الله عليتس .. كل شي مقدر ومكتوب .. \nالعنود حطت كفها على بطنها: ياررب احفظه ..تدري دايم ادعي ربي يحفظه واحصن نفسي عشانه .. \nضحك ولمها :فديتتتتتها هالعسل .. \nالعنود :لآ زياد لاتلمني أخاف تعوره .. \nضحك الين دمعت عيونه .. \nالعنود: يؤ ليه تضحك ؟ \nزياد مامسك نفسه على الضحك .. \nالعنود: زياااااااااااااااااااد .. \nزياد كح بخفيف من الضحك .. \nالعنود خافت عليه :حبيبي اسم الله عليك .. \nناظرها زياد : عنود تذكرين لما قلتي أحبك.. بعدك على هالكلمة وبجد تحبيني ؟! \nالعنود تفتح ازار ثوبه العلوية وتسكرها : ياشيخ طحت وماسمت علي أمي .. \nابتسم على تعبيرها العفوي .. وانتظرها تكمل .. \nالعنود: ماكنت اتوقع أني أحبك لان ماحبيت اذل نفسي وأحبك وأنت بقلبك أنسانه ثانية ماتعشقها لمجرد العشق بينكم قواسم كثيرة مشتركة .. سرحت كثير بخيالك وأحنا سوى فيها .. ناديني باسمها .. الكل يعرف عشقها لها وعشقها لك .. بس قلبي لقى فيك نصفه الثاني .. قبل ماكنت اتضايق ولااغار بس جا وقت صرت اغار عليك بجد بس كنت اكذب شعوري نمى بداخلي ويأكد لي أني أحبك .. آخر مره يمكن عصبت عليك كثير وانقهرت منك وحتى تعبت لان خلاص .. \nطالعها زياد أكثر ودقق بملامحها وهي تتكلم وتلعب بازارر الثوب لانها جالسة على فخوذه .. \nالعنود : صح أنت صرت لي حقي محد يطالعك ولايقولك أو فيك شي .. \nضحك : أنا لك .. \nالعنود: وحدي .. \nزياد :وحدك .. \nالعنود : بس قلبك أنا مو وحدي فيه .. \nزياد رفع ذقنها بيده : طالعي عيوني .. وشوفي وش تقولك .. \nالعنود بألم : ياكثر ماانخدعت بناس بسبب عيونهم ونظراتهم .. \nزياد : وشلون اثبت لتس مقدار وصدق حبي .. \nالعنود: الايام راح تثبت .. \n. \n. \n. \nببيت أبو فارس .. \nجناح فهاد وصفا .. \nفهاد جلس لان توه داخل للجناح ناظر صفا وباينه الضيقة بعيونه والدموع اللي بكاها : سااااااافر .. \n \nسافر عساه يعود لي بالسلامــــه \nعسى السلامه في طريقه تخاويه \n \nصفا ماكانت تتكلم تتكلم معه ولاتناظره بس رحمته : ان شاء الله يرجع قريب ومعه الشهاده .. \nفهاد :بشتاق له .. فارس أخوي وأمي وأبوي وصديقي وتؤمي وكلي.. فارس مو أخو بسس .. \nصفا سكتت ماعرفت وش تقول .. \nفهاد غطا وجهه بشماغه ودخل بنوبه بكا .. كأن فارس تحث الثرى مهوب فوق الارض .. \nصفا قامت من مكانها :فهاااااد تكفى لاتبكي .. \nفهاد مارد عليها .. \nصفا لمسته وتحاملت على ألمها وقومتها من السرير عشانه .. :خلاص فهاد .. \nدف يدها المكسورة بعصيبه الين ارتطمت بذقنها :خليييييييييييييني .. \nدمعت صفا وقامت عنه والالم بيدها اشتد .. \nطلعت للصالة ومسكت يدها بيدها الثانية وترتب على الالم لعل وعسى يخف .. \nكان شكلها يكسر الخاطر شوي تربت على يدها وشي تمسح دموعها وتخفي صوت شهقاتها .. \n. \n. \n. \nالطيارة .. \nفارس : تبين شي .. \nسارة كانت ميته نوم بس ماحبت تنام :لا .. \nفارس بصوت هامس بينهم: كلي منيب فاضي تطحين علي .. \nانصدمت من قسوه كلامه .. ببالها هذا الحنون والطيب .. أذا ذا حنون وطيب وش يطلعون اللي موب حنونين وطيبين .. \n. \n. \n. \nالرياض .. \nببيت أبو فارس .. \nجناح فهاد وصفا .. \nطلع فهاد من الشاور عشان يهدي اعصابه شوي ويروح الصداع .. \nجلس جنب صفا وشافها مغمضه عيونها وباين من طريقة تغميضها أنها تتألم ..: صفا .. \nماردت عليه .. \nفهاد : صفا آسف مااكان قصدي .. \nلمسها وحاول يبعد يدها على عيونها .. \nصفا :تأأأألم بعد .. \nفهاد : آسف صفا .. \nصفا : ودي اموووووووت واخلص منك ومن أبوي .. أكرهني لانكم بحياتي .. (بضعف والم ) ليه سويت فيني كذا حرام عليك يدي تألمني.. \nحاول يقربها له بس صدته : ارجع لابوي والذل والهم ولا اعيش معك يافهاد .. \nفهاد فهى :صفا وش تقولين ؟ \nصفا: مابيك ولا بي أبوي بس نار ابوي وظلمه ولااعيش معك واجيب عيال ويتعذبون مثلي .. \nفهاد : صفا مافيه رجعه وحتى أبوك لما يتعدل راح تشوفينه ..وبقولك شي لاتخافين لاني محرم على نفسي قربك الين تتعدل حياتنا .. \nصفا: وتبيني اصدق .. مستحيل أنا الى الان مستغربه منك .. \nقامت للغرفة وصكت على نفسها .. \n. \n. \n. \nاليوم الثاني .. \nشقة ماجد .. \nانصدم وهو يسمع وجدان تكلم امه بلجهه جافه جدن .. \nدخل :سلام .. \nوجدان عصبت ودخلت لغرفتهم .. \nماجد باس يد امه : كيفك يالغالية ؟ \nامه: بخير دامي اشوفك يانظر عيني .. \nماجد: الله لايحرمني منك يايمه .. وتين وش تسوين .. \nامه ضحكت : تهمز رجولي .. ولاودي تهمزها تعب عليها .. \nماجد: ياجعلني فدا رجولك يمه خليها تمهزها ..عن اذنكم ياحبايب قلبي أنتم .. \nقام من عند امه وبنته .. \nدخل للغرفة وصك الباب : ممكن اعرف ليه تكلمين امي بهالاسلوب الجاف.. \nوجدان : أجل تخلي وتين تهمز رجولها ..! \nماجد: عشان كذا زعلانة ؟ \nوجدان: تراها بنتي وجلستها عن رجول امك وتهمزها مذله .. \nماجد كان يخزها بنظره .. \nوجدان: ليه ان شاء الله تناظري كذا ؟ \nماجد : الصمت يوفي عن الكلام ببعض الاوقات .. \nطلع من الغرفة وراح لامه وبنته .. \n \n \nبريطانيا .. \nشقه فارس .. \nسارة تطالعه : شلون يعني راح تتأخر .. \nفارس معه اوراق: يعني راح اتأخر .. \nسارة: بس اخاف .. \nفارس: اجيب لتس رضاعه واحط فيها حليب يعني .. منتب بزر ..عشان تخافين .. وبعدين كل العمارة عرب حاولي تتعرفين عليهم وناصر وعبدالرحمن زوجاتهم هنا يعني تعرفي عليهم .. أنا وراي دراسة ومستقبل منيب فاضي لدلع البنات .. \nسارة تعلقت عيونها بعيونه والصمت سيد الموقف.. \nفارس : أنتي ليه وافقتي على الزواج هالشي ابغى اعرفه ليييه ؟! \nطلع وصك باب الشقة بأقوى ماعطاه ربي .. \nدمعت عيونها من القهر صرخت ومارد صوت صداها سواه : آي حننننننننننننان فيه .. زززفت .. \r\n الموضوع الأصلي :\r\nرواية وين برمي ها الجسد وانساه || الكاتب :\r\nالبارونة || المصدر :\r\nشبكة همس الشوق \r\n\r\n\r\n\r\n\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n\r\n\r\n \r\n \r\n\r\n\r\n\r\n\r\n\r\n \r\n \r\n \r\n\r\n\r\n\r\n \r\n\r\n
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي
العرض الشجري
