أحبك يا بعد روحي - قصائد حب
د . عدنان جواد الطعمة
أحبك يا بعد روحي وصالك بلسم جروحي
تناغيني بعذب صوتك تبادلني بهمس بوحي
بوسه من القلب أنطيك شمّه من بعد نوحي
أحبك يا بعد روحي
* * *
يا عمري القلب يهواك ما يقدر على فراقك
يتمنى العمر وياك يقضي دوم بودادك
تعاتبنا و تصافينا تعانقنا و تراضينا
أحبك يا بعد روحي
* * *
عمر اللي قضى بلياك ما ينحسب من عمري
بس اللي قضيته وياك هو العمر لو تدري
لا تبعد يبعد الروح تالي العمر و الصحبه
وتخليني وحدي دوم روحي شكثر متعذبه
أحبك يا بعد روحي
* * *
ما تدري الفراق شلون يعمل بينا دواره
تتعذب نفسنا يوم وتبقى الروح محتاره
ما ينفع بعد هيهات لو عاندت ما رديت
لا يفيد العذر بعدين و بحالي تره شسويت
أحبك يا بعد روحي
* * *
تدري للصبر احدود لا تجزيها ولا تزود
قلبي مل من صبره يمته تجي يمته تعود
نتهنه بفرح بايام باقي العمر نتهنه
ونخلي المضى والراح ونتراضى بفرح حبنه
أحبك يا بعد روحي
* * *
ألمانيا في 11 نوفمبر 2014
الموضوع الأصلي :
حبك يا بعد روحي قصائد حب || الكاتب :
د .عدنان الطعمة || المصدر :
شبكة همس الشوق
الأعضاء الذين قاموا بتقييم هذا الموضوع : 0
عضويتي
أحبك يا بعد روحي قصائد حب 
العرض الشجري
