عشق بدويه لبدوي

#1 22 - 9 - 2016, 05:03 PM

لولا البكا ما ينشرح خاطر ولاينزاح ويل
خل الكدر يطفي سعير الليلــتين اللي خلت
.
دام العيون اليا اهملت تشفي القليل من الغليل
الله يبارك فالعيون اللي ليا ضقت اهملت
.
دمعة قهر تثبت لي ان اللي يحبوني قلـــيل
ولاضحكه بوجيه ناس لي تضايقت انكــلت
.
البارحه يوم الهموم تحط فالصدر وتشيل
والشاهد الله ماحبــست فمحجري دمع وفلت
.
الدمعه اللي ماتهز صدور ربعــــي لاتسيل!!
اكنــها مثل الجمر ولايقولون انزلت
.
اللي وهو ما فزلي وده يحملني جميل
اجيه برجولي عشان اشكي له الحال ؟ اكملت
.
ماكل من شافك قوي يحزن ليا جيته ذليل
الناس ليا من حست بضعف الشجاع استنذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي وإن ضف صدري من ليالي الحزن ليل
ياكـــثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرجاجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
ما فالرجال اللي حمل حزني مثل ماستحملت
.
لو كل خلق الله ملو ماتمل وماتميل
لان الرجال في هالزمن قلو هذيك استرجلت
.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت
.
خانوا وهي ماخونت عالو وعيت لاتعيل
تبدلتت كل الوجوه وذيك ما تبدلت
.
لانه ليا عز الرجا ما للخليل الا الخليل
ماقد قرت في محجري قصة عن الحزن وسلت
.
كن الذي يجري معي يجري على الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها اعرف اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تظهر بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت

رائعه من روائع الشاعر المبدع /حامد زيد

دمتم بوود

الموضوع الأصلي : عشق بدويه لبدوي || الكاتب : همسة الشوق || المصدر : شبكة همس الشوق

22 - 9 - 2016, 06:38 PM

صح لسان قايلها
الله يعطيك العافيه ع
حسن ذائقتك
بإنتظار جديدك بكل شوق
ودي وعبق الورد

22 - 9 - 2016, 06:57 PM

~||طرح جميل ومميز
سلمت يمناك ع الانتقاء والسرد
لاحرمنا الله من عبير تواجدك
دمت بسعادهـ بحجم السمآء
لقلبك طوق من الياسمين||~

24 - 9 - 2016, 07:05 PM

بتي
آشكرك لروعـة توآجـدك

24 - 9 - 2016, 07:05 PM

جوهرة العراق
آشكرك لروعـة توآجـدك

4 - 12 - 2016, 07:30 PM

متصفح مترف بـ الرووعة
تسربلُ الجمآل منكم
وللبَهاء أن يَعتلي القمة ها هُنا بكم
لـ روحكم النقيةُ كثيفُ المُنىَ

4 - 12 - 2016, 08:24 PM

اشكرك ضامي الود لهذا المــــرور
الذي أســـعدني
والــــرد الذي أدخل
البهجـه الى قلبـــي

المواضيع المتشابهه لموضوع: عشق بدويه لبدوي لموضوع: عشق بدويه لبدوي
الموضوع	كاتب الموضوع	المنتدى	مشاركات	آخر مشاركة
ملصق مبدئي لمسلسل حب بين السطور كيف ظهر بطاله	همسه الشوق	همس للاخبار الفنية العربية والعالمية وصور المشاهير	5	4 - 4 - 2025 08:57 PM
يعاني من اعتزاز متدني للذات	همسة الشوق	همس المواضيع العامة	8	20 - 5 - 2021 05:05 AM
كلمت والصوت مبحوح الحروف	شيخة الزين	همس الشعر والقوافي	6	25 - 5 - 2019 11:34 PM
صوت الحزن مبحوح	سجات التهاويل	همس الشعر والقوافي	3	29 - 4 - 2014 04:26 PM
مهما الليالي والزمان متحني	ريم	همس الصوتيات و المرئيات الإسلامية	10	16 - 5 - 2013 11:04 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟