6 - 2 - 2017, 10:09 AM
|
| |
في ذمتي ذمه وذمه وذمه
 
ليه ما أنده كل ساعه وأناديه =وليه ما أنشد عنه وأشيل همه
وأنا ياخوا راسي لصوته وطاريه=واحاول أعيده براسي وألمــــه
وان غاب رحت أحرق خفوقي واحاتيه=واقول وين الديره اللي تضمــــه
عطره بمسباحي شريدة بواقيه=مغير اشيله في يميني واشمه
مانيب متولع لكن ميتن فيــــه=في ذمتــــي ذمه وذمه وذمــــه
لو ان حبــــه ســـم وتمده إيديه=علي الحرام إني تقهــــويت سمه
هذا مجنني غــــلاه وتغليـــه =شوف العيون من أزرق الدمع جمه
من كثر ما أنشد عنه وأتبع خطاويه=كنه غريم الي وطلاب دمه
قدام يولد ليتني عارف ابيه=ولا إني أكبر من كذا وأعرف آمه
حتى اليا من قيل ويش أنسميه=أقول هــم المولــــع وغمــــه
صرت أسمعه وأصغي لهرجه وأجاريه =صلى بوجهي شرق والناس يمه
وأحب منهو جايزله ويبغيــه=وأذم منهـــو مايبيه وذمـــه
يعني بصراحه صايرن منه وفيه=كني من اللا اذيه ولا أبن عمه
وليه ما أنده كل ساعه وآناديه=وليه ما أنشد عنه واشيل همه
ولا أذا ناده علي قلت لبيه=ولبى البلاد اللي ثراها يضمه
|
|
|
|
الموضوع الأصلي :
في ذمتي ذمه وذمه وذمه || الكاتب :
سجات التهاويل || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري
