مجموع الأوسمة: 17

ماهو خطآ

ماهو خطاعشان ادور معاذير

ولاهوغلط عشان ادور صوابه

اليوم توه عود لوكره الطير

واصبح يشوف العالم اكثر رحابه

مستغربين انه ملى قلبي الخير

ليه الغرابة! وين وجه الغرابة؟

تعبت ادور للخطاوي مشاوير

لين التعب زاد الليالي رتابة

يبكي فرح من شاف بعض التباشير

معذور لو دمعه يبلل ثيابة

من كنت بأول خامسة طفل صغير

كنت امتلي حزن وغموض وكأبه

كنت أشعر اني غير والمدرسه غير

هيمان في جو النبي والصحابة

كنت المح بوجه الليالي تعابير

وأقراء همومي قبل أعرف الكتابة

والشعر غاااب وله محبة وتقدير

اول غيابه شلت هم لغيابه

بالنفس كان لبعض هالأمر تأثير

والليلة اهون من جناح الذبابه