شبكة همس الشوق - معمول الحليب المحلى

https://up.hamsalshok.com/do.php?img=46610
#المقادير
كيلو طحين ( ٧ أكواب معيارية )
بضيف عليه ٥٠٠ غرام سمنة بحرارة الغرفة ( كوبين )
ممكن اضافة ٤٠٠ غرام سمنة و١٠٠ زبدة حيوانية مثل لورباك
وممكن ٢٥٠ غرام سمنة و٢٥٠ غرام زبدة
بضيف ملعقة صغيرة محلب مطحون ،
وملعقة صغيرة مستكة مطحونة ،

#الطريقة
بعجن الطحين بالسمنة لتصير عندي العجينة كريمية
بضيف ربع كوب ماء زهر ،
وعلبة حليب محلى مكثف وزن ٣٩٥ غرام ،،
بقلب العجينة تقليب من تحت لفوق حتى تتشرب كل كمية الحليب ،
بغلفها منيح مايدخلها الهوا وبدخلها التلاجة ترتاح ساعتين ،

• بحضر الحشوة : بيلزمني كيلو تمر مطحون بضيفله
ربع كوب ماء ، ملعقة كبيرة مليانة سمنة ،
ملعقة صغيرة هيل مطحون ، نصف ملعقة صغيرة قرفة ناعمة ،
بعجن التمر منيح مع باقي المكونات
وبكور العجينة كرات صغيرة ليسهل علي الحشي ،
باخد قسم من العجينة وبرجع الباقي للتلاجة
بعجنها كويس وباخد كورة منها بحشيها تمر
وبسكرها وبشكلها اما بمنقاش المعمول واما بمكبس المعمول ،
بسخن الفرن من فوق وتحت وبدخل المعمول
نار من فوق يتحمر بعدين بحمره من تحت ،
مع الانتباه الشديد لانه بسرعة بياخد لون وبيتحمر
بسبب وجود الحليب المحلى بالعجينة

"وبألف هنا..♥️🍯"