27 - 1 - 2023, 08:32 PM
|
| |
|
دخيلك في نصف درب جمعنا لاتخليني
 
دخيلك وش ورى كثر العناد الاجفا وابعاد
دخيلك لاتعذنبي وتتعني وتشقيني
ترفق في خفوقن منك ماهو لزعل معتاد
ترى بسمه من شفاتك بنظرة حب تكفيني
انا لاغبت عن ليلي بدى ليلي حزن واحداد
اعاني قسوة ايامك وحيد ومن يواسيني
فلا تحسب ليالاً غبتها تحسب علي وتعاد
زماناً غبت به عني مهو من جملة سنيني
سكن حبك وسط فج الضلوع الناحفات وساد
بدى ينبض غلاك بكل عرقٍ من شراييني
يكفي ياغلا روحي زعل ومعاتبه وعناد
انا لوتهت بدروبك تجاهلني عناويني
على قو التحمل والصبر والجد والاجهاد
ياليت اللي عطا قلبك قسى ينصف ويعطيني
احبك واعترفلك بالخفى وابعد عن النقاد
احسب انك معي تشقى كثر ماانته مشقيني
ملكت الروح لك وحدك فلا تسمع ولاتنقاد
ورى ناسٍ تحاول عنك تشغلني وتغريني
يمنيني غرامك بالسعد والود والميعاد
واقول انه يجيلك يوم تنصفني وتوفيني
اعاني لاهب الشوق الغريب الحارق الوقاد
وليال العمر لوطالت بقربك ماتكفيني
مدام استوطنت روحي بروحك والسنين امداد
دخيلك في نصف درب جمعنا لاتخليـني
الموضوع الأصلي :
دخيلك في نصف درب جمعنا لاتخليني || الكاتب :
الــســاهر || المصدر :
شبكة همس الشوق |
عضويتي
العرض العادي
