13 - 3 - 2023, 10:09 PM
|
| |
ياللي تركت المنطقه قلي وش اخبار الحنان
 
ياللي تركت المنطقه قلي وش اخبار الحنان عادك تحب المنطقه والا هويت العاشره
فارقتنا خليتنا نندم على ذاك الزمان
يوم ان عاد قلوبنا ياصاحبي متخاشره
ياليتها مرت كذا واقول انا كبوة حصان
حتى اتحاشا الصدمه اللي في الصميم مباشره
ماكل شخص تعرفه ترتاح له في ذا الزمان
والمشكله ماتبخص الانسان ليت إتعاشره
انا اشهد ان الحزن وسط الروح عين له مكان
والجرح يسكن في حشا روحي واخاف اقاشره
ياليت ذاك الوقت يرجع والدقايق والثوان
والقا البعيد اللي قطع حبل الهوا واباشره
مريت بالبيت القديم واقول يابيت الامان
جيتك تسع مرات ثم بكره تراها العاشره
يابيت احبك من محبة صاحبي صافي الثمان
اللي غلاه إمقطع قلبي وعاده ناشره
اهديت لك كل الوفا واحمل عظيم الإمتنان
جيتك وانا اشيل المشاعر في الصدر متحاشره
لكن انا بسألك بالله ليه خليتوا ( بيان )
وخليتوا وجيه الليالي في حياتي كاشره
حمد سعد المسرع
الموضوع الأصلي :
ياللي تركت المنطقه قلي وش اخبار الحنان || الكاتب :
الــســاهر || المصدر :
شبكة همس الشوق |
عضويتي
العرض العادي
