11 - 5 - 2023, 04:59 PM
|
| |
|
بري حالي
 
(بــــري حـــالـــي)
بري حالي لا أنتهى العصر و أعلن الإنسحاب
وخلّت الشمس الصداره و مالـت للغـروب
و أذن المغرب و ساد الفضاء مثل الضبـاب
وأنتهى و الليل لبس الأماكـن لبـس ثـوب
وردة همومي على قلبي الصلـب الخـراب
وردة حيام الضوامـي علـى عـدٍ جـذوب
كلهـا هانـت و لا هنـت يـا هـم الغيـاب
من محبة صاحبك صرت يـا هـم محبـوب
أخذ ليلك بأوّله و أكل و أشرب فـي رحـاب
قلـب مـن شـدة طهارتـه تجفـاه الذنـوب
ايه و الدنيـا مساكـن و رحلـه و أغتـراب
والغلا فـي الوقـت هـذا مميّـز بالعيـوب
أشمل بجسمي و عدي على روس الهضـاب
وكل ما ضيعت وجهي دريـت أنـه جنـوب
ويش أسوي فيك يـا عـم تلعـات الرقـاب
وأنت واقع و التمعان فـي عيونـك هـروب
أنت مجرم حب لا ويش جاب لويـش جـاب
أنت عذبٍ عـذّب رجلـي بشـوك الـدروب
صرت أهاب التزاحم و أنا ما كنـت أهـاب
وأمشي بكيفك لو إني على المشي مغصـوب
صرت أجمع من جروحك و كلماتـك عتـاب
وقبل أقول شفيك تجرحني و أستغفر و أتوب
صرت أحسب لناسٍ ما كنت أحسب لها حساب
وصرت أكذب لأجل ترضى و أنا ماني كذوب
شوف مهما صـار بـي إنحنائـي إنتصـاب
ألعب بعمري و بعثـره بيـدك يـا اللعـوب
أدري أن إن الجاذبيـه تسبـب الإنسـكـاب
وأدري إني منسكب و أدري إن أيديك كـوب
سلت فرضك و أرتوّتْ بي وفاضت بي عذاب
لين حبتنـي قلـوب و تعـادت لـي قلـوب
فأعرف إن زولي غدير و حكاياهـم سـراب
والمقادير الأيـادي و شيـن الحـظ طـوب
يعني اليـا مـن رمونـي حقيريـن الجنـاب
صار زولي عشرة أزوال و عيوني قـروب
أتعدد لأجل أداريـك عـن طيـش الشبـاب
وآتوحد لين يطغى علـى وجهـي شحـوب
ماني أستاهل كذا منـك يـا وبـل السحـاب
لا تبللنـي و أنـا ودي إنـك مـا شـروب
ايتني و أدخل في قلبي يا قلبـي بـاب بـاب
وأخطر عروقي برجليك يا أسمـر دوب دوب
جـل مـن ولـع عروقـي بقينينـة تـراب
نوب تضحك من عذابي و تبكي منـه نـوب
لو لـي دعـوه وحيـده و هـي بتستجـاب
قلـت يـا ربـي ليـا مـر خالفـه الهبـوب
زوي قلبي كل ما أزويت خصـرك بإنسيـاب
و وقف العالم يرد البحر مـن كـل صـوب
يا خلاصة شهد و عذوق مـا لـذا و طـاب
يا مغلبني و أنا مـا بعـد صـرت مغلـوب
يـا مسفرنـي لوجهـك ذهـاب بـلا إيـاب
يا معـزز بالغـلا يـا مقـدّر يـا محسـوب
ايتني و أذهب بي بعيـد يـا مـال الذهـاب
ضمني بيديك أبجمد علـى صـدرك و أروب
أنت لو ضميـت تمثـال مـن ضمتـك ذاب
كيف لو ضميت صدرٍ علـى ذكـرك يـذوب
الموضوع الأصلي :
بري حالي || الكاتب :
ملآئكيـة || المصدر :
شبكة همس الشوق  |
عضويتي
العرض العادي
