10 - 4 - 2025, 12:25 PM
|
| |
مثل ماهذي ريشتي هذي بعد مساحتي
 
ماجيت أرجع شي أبد جيتك وعندي كلمتين
هذي ترى صراحتي لو توجعك صراحتي
ماجاك جا من طيب خاطر بس بآخذ حاجتين
أباخذ الباقي من شعوري وأباخذ راحتي
إلى متى وأنا آتسامح وأخفي الوجه الحزين
وإلى متى عوجاك تتمرد على سماحتي
وضحت لك والظاهر إنك ماتحب الواضحين
حتى إن شوقك قام يستعجم على فصاحتي
دلة وصالك يوم جيت تصبها لي باليمين
قبضت قلبي دونها من قبل لا أقبض راحتي
عطيتك الجنة لجل تهنا ب جنة عاشقين
وتركت كل أطيابها وأكلت من تفاحتي
لا تجيب طاري للوفا ولا تلوّح بالحنين
ما لك بها هذي شعاراتي و هذي ساحتي
وإن قلت وين الطيبين أقول باقي طيبين
من وين ما أمتد الضيا تكبر معه مساحتي
تكشف لك الأيام لا كثروا عليك العابرين
وكني أشوفك تقطع الرمضا و تنشد واحتي
أنا رسمتك حلم يزهى لوحتي طول السنين
مثل ماهذي ريشتي هذي بعد مساحتي
الموضوع الأصلي :
مثل ماهذي ريشتي هذي بعد مساحتي || الكاتب :
الــســاهر || المصدر :
شبكة همس الشوق |
عضويتي
العرض العادي
