رواية مجاديف العمر - الصفحة 4

15 - 6 - 2025, 12:39 AM

24 .. روايـــــــــــــة
{ مجاديف العمر }

ابتسم سعود: اول شي دخول ابوك الي المستشفي بمزاجي عشان ابيه يصحي واعلمه من سعود ثاني شي ابي بس اعلمك انك مو اول زوجه لي عشان ادبك ثالث شي انا سعود اللي ابيه يجيني زيك
ملك صمتت وهي تدرس في ذهنها كيف الان تقنع نفسها كيف تهرب أصبحت الآن كحلما مستحيلا
فعلاً سعود حقق ما عجزت هي عن تحقيقه الا و هو الاستغلال الغدر والكذب هذا المتفاخر المتكبر الذي حتى وإن كان يظن نفسه منجز فهو لا يعرف نفسه كما تعرفه الان قد يحطم هو العالم بينما هي راح تعصاه و راح تتركه يتمنى ماوقع على تلك الورقه نعم ياملك الان انتي في بير ماله قاع همست بخبث وهي تحس بجنون من حالها وكلمات رحيق باذانها ماني مرتاحه له التفت لهم : اوكي اجل وانا اعرفكم على نفسي : زوجته ظ¤ واللي راح تكون جحيم بحياته ونار بقلبه وجهنم بعقله
التفت لها بابتسامه شرسه كالشجرة التي لا تعرف الانحناء رفضت أن تنحني له أو أن ينزل رأسها
هتف سعود بنبرة مدروسة تماما تخبئ خلفها خبثا كبيرا: اهلا وسهلا فيك في عالمي يامسوده الوجهه هههه
ملك احمر وجهها وهي تغالب ثورة قادمة هتفت بشراسه: سواد الوجه مهوب لي اكرم انا عن الدنايس
سعود وابتسامة مخفية ترتسم في وجهه
يعرف هذا البنت كما يعرف نفسه ولكن الحوار دائما كان يقف قبل أن يصلا لهذه المرحلة مابيه يوصل يبي يقهرها يبي يتركها تموت حسره وقهر حقد بقلبه لها وهو بس يذكر ابوها يحس بنار تحرقه
•

فله سهم
ضحكت روان وهي تخرج مع صديقتها اللي وقفت وهي تناظر في نواف
روان هنا قلبها وقف وهي تناظر في غلا اللي تناظر بخجل
نواف اللي كان واقف وعيونه على روان وناسي اللي حولها: يا هبله الساعه ظ،ظ ماشفت بشاميل
غلا التفتت بحقد لروان اللي حركت راسها
نواف التفت للبنت اللي مع بنت عمته تراجع بفشله وهو يهمس : روانووو تعالي
روان حست بخيبه وهي تناظر في غلا اللي نطقت: تكفين عطيني رقمه بزعل
رفعت الجوال وعطتها رقم مو رقمه وغلا فرحت وباستها وراحت تركض لسيارتها شافها تطلع التفتت له ونطقت بخبث: اخذت رقمك غلا قالت تبيه
نواف فتح عيونه بقهر:وجع يوجع العدووو كيف تمشين مع هذي الاشكال ومن سمح لك يازفته تعطيها رقمي وبعدين شفتي شكلها استغفر الله كيف تمشي معها ابي اعرف سهم لو دري ويش بيسوي فيك
روان تحس بحزن ماتدري ليه وهي عارفه عطتها رقم غلط همست: شوف نواف تراها دلوعه اهلها ف يعني لا تحكم بالعبايه على ناس والله تراها متربيه
ضحك بغبنه: متربيه وهي اخذت رقمي
روان حست بقهر وصرخت :اي لانها تحبك وتبيك ويش اللي موقفني انا بينكم ويش دخلني انا انقهر ابي اعرف ايش دخلني ركضت لبيت وضربت الباب بقوه
نواف صمت من هجومها ناظر فيها وصرخ :روووانو
فتحت الباب بسرعه بستعجال بابتسامه وفرحه: ها ويش تبغي
نواف بضحكه: تغاري علي
روان ابتسمت :اي اغار لانو لو اخذتك هذي ماعاد بلقا لي سواق
نواف بقهر سحب الحجر وروان تخبت ورا الباب ضرب الحجر بالباب: طيب ياروان طيب روان البشاميل طيب جوعان
انتظر دقيقه يناظر الباب شاف فتحت الباب وطلعت صحن بايركس ابتسم وهو يسحبه ويفتح الغطا ويأكل بشراسه حتي الملعقة والعصير حطتها له جلس على الدرج ونطق: روان خلاص افكر أن اتزوجك بعد المغربيه لانو بصراحه طبخك يفوز
كانت ورا الباب تسمع له جاء صوتها له يشق صمت ينساب كنسمة باردة تداعب غصنا أخضر نطقت إسمه متسائلة وتبي تختبره : نواف لو دقت غلا بترد عليها

نواف كان إسمي ينبعث بين شفايفها كقبله
نواف هكذا نطقتها مستفهما تستجلي الأمر قالته بصوت ناعم مستفسره راحت أذني تستقبلها كما لو كان يسمع اسمه أول مره كان إسمي جميلا حسيت بإني أحمل الإسم الأجمل في المملكه همست به في إحساسا لم أفهمه ولم أعرفها : لا
نطقت كلمتي الأخيرة وأنا لا أدري كيف أبدأ أو ماذا أقول وكأني طفل يتعلم المشي بعد الحبو لا يانواف اهدا تحبك هه هه هههه لو كانت كذلك ما رمت بهذا السؤال لكانت تنطلق في مرافعات الغضب يبي يسمع مزيد من سماع صوتها العذب بمزاح : لاااااا وبعدين من انتي متاكده روان
روان بجنون ضحكت كأنما تقول لي أيها الكذوب أنا روان
نواف بهدوء : آها روان سؤال آخر اطمح لسماع الجواب
روان أجابته فورا :إمممهه
هكذا لم تجب بكلمة فقط همهمت بهذه النغمة في غنج علامة الإيجاب
نواف كنا غارقين في السكوت كأنها جمدت الألسن كأنها انتهت المكالمة كاني أضعت السوال ..

15 - 6 - 2025, 12:39 AM

25 .. روايـــــــــــــة
{ مجاديف العمر }

بالسياره

كان يسوق بصمت
سجى تنهدت وهسمت: كان ماتعبت نفسك تري اعرف اسوق
تافف طلال:وانا مابي زوجتي تسوق
صمتت سجى وهي عارفه يدور شكله مشكله: يعني رضيت فيني و انا اسوق الحين تمنعني
التفت لها : عندك مانع مثلا
ضحكت بخفه وهسمت لنفسها: احب ثقته في نفسه ان انا ميته عليه
طلال رفع حاجبه:ليه ماتردي
سجى بهدوء: طلال مابي مشكله وانت شكلك تدور مشكله
طلال رفع حاجبه: على شنو ادور مشكله كلامي به شي غلط مثلا
سجى بقهر التفت له: ياشيخ ايش الثقه اللي عندك وايش البرود هذا
طلال بغضب:لاترفعي صوتك
سجى بجنون: مارفعته انت انسان مريض
طلال وقف السياره ببريق والتفت له : شنو قلتي
سجى بتعب التفتت للجهه الثانيه
طلال بصراخ وهو يضرب الدركسون: شنووووو قلتي على ما اعتقد ما اكلم جدار انا اكلمك ردي
سجى ظنت انه من النوع الذي يعتمد عليه في فتح آفاق الحوار توقعت أن عليها فقط أن تتحاور وتترك أمر النقاش له ولكن صدمها ارادت تحرير لسانها ارادت دفع الحديث لأي وجهة فتعثرت بحجارة الرهبة ووقعت ماذا يحسبني امرأة مالها اي كلمه متفاجئه ومصدومه على ثمار جملتها الغبيه تبي تفتح موضوع معه إذا فسوف احصد ثمار ما زرعت وقف حركة السيارة اصابت عقلها ولسانها بالعدوى فكرت : لا مزيد من الخجل معه لامزيد تذكر الإنطباع الأول معه هذا كل شي بياخذ برجوله
صرخت بغضب من ضربه البريك ونطقت:رجعني البيت لو طلعت مع اسامه كان ابرك من هذا الشي رجعني ياطلال
طلال بغضب: اقولك شي انا وانتي ماننفع لبعض
سجى التفت له بصدمه وذهول: شنو قلت ؟

تنهدت سجى لما مالقيت منه رد رفعت راسها بهدوء له نظراتها تعبر عن اللي بداخلها تكلمت بهدوء وهي تحدد نظرها عليه : ممكن اعرف سبب هاذي السخافه اللي قلتها
طلال بنرفزه سكت ولا رد وهو عارف جاب العيد
سجى ببرود :رجعني البيت
طلال لف طاره راجع للبيت

مرت ربع ساعه وصلو نزلت بسرعه سجى وضربت الباب بقوه
نزل طلال بغضب وهو ينطق: يامرأة
وقف نواف وهو يسحب صحن ويأكل ويناظر بصمت ماعاد قدر يكمل كلماته لروان حس في مصيبه جايه اكيد مادام في طلال
انفتح الباب بقوووه
وروان ورا الباب تدحدرت على وجهها وهي ترفع راسها لوجه سجى
سجى بعصبيه: ويش تسوي هنا
روان حركت راسها ولا شي
سجى بكت بقهر: يمممممه
روان فزت وهي تناظر لااختها اللي لاول مره تبكي سجى الكتكوته الهاديه ماعمرها نزلت دموعها
نزلت ام سهم بفجعه:يمممه سجى ويش فيك
روان بصدمه تناظر في اختها التفتت لدقت الباب وصراخ طلال بسمها بالحوش
ركض نواف لابوه يتصرف مع ذا الخبل: يبه يبه الحق مصيبه يبه طلال مسوي بسجى شي
فز ابو طلال يشوف ويش صاير و اسامه فتح عيونه بصدمه
•

فله سعود
جلس وهو يرفع ايدينه والثلاث الحريم جلسو جنبه
ضحكت ملك وهي تقضم شفايفها بجنون وهمست: انا الحين وين غرفتي
سعود بخبث: امممم بغرفتي
تنهدت بنفسها وهمست: امم طيب
تحركت طالعه لفوق وهي ماهي عارفه وين غرفتها اصل كل شي تحسه زي الحلم بلعت ريقها لو تكلمت لرحيق بتعذب صديقتها فعليها تبلع العافيه التفتت لجهة المكنسه الهوايه ابتسمت وهي تحس ان شي يحركها والله ماعاد تعرف ويش تسوي شدت خطواتها لجهة المكنسه وسحبت عود المكنسه وهي تفصل منها وتقرب صوبهم
سعود امتسحت ابتسامته : ويش تسوي
رفعت المكنسه بجنون وضربت برجوله طاح من الكنبه بالم صرخو حريمه
ملك بجنووون: طلقني
سعود بجنون فز وسحبها بشعرها و صرخو البنات وهم يشوفونها بين ايديه وكف ورا كف لم طاحت مغمي عليها تراجع بجنون وهو يتنفس بشراسه صرخ بغضب:انقلعو عن وجهي
•

فله سهم

قاطعه ابو طلال بعصبية : انت اسكت ولما اسمح لك تتكلم وقتها تكلم
ناظر ابوه طلال بقهر كتم غيضه وناظر ابوه يشوف وش اخر هاذي المهزله
ام سهم بحده : ممكن تتكلم وتقول سبب هاذي السخافه
طلال ناظر ابوه وبلع العافيه عمته معصبه وبعدها ناظر في سجى بعد ما اخذ نفس وهو يرتب الكلام : الصراحه انا اعترف انا اخطيت
قاطعته سجى بقهر وعيونها يتطاير منها الشرار : بكل سهوله تقول كذا اخطيت
طلال صوب لها نظرات ناريه
ام سهم بعصبية : اعطوني سبب واحد لسخافتكم هاذي انت وهي والتفتت لبنتها وبعدين من سمح لك تطلعي معه ..

15 - 6 - 2025, 12:40 AM

26 .. روايـــــــــــــة
{ مجاديف العمر }

بلعت ريقها سجى وهي خايفه تدري امها: ماقالك سهم كنت ابي اروح المكتبه و طلال رفض اسوق قال بيوصلني
ابتسم طلال بخبث
فتحت عيونها يعني ابلعها
ابتسم بخبث ونطق وهو يحرك حواجبه
ابو طلال شاف نظراتهم وكل واحد ماسك على ثاني شي واضح نطق بجديه : يالله انت اعتذر
طلال ارخى ملامحه شوي :يبه حنا مو قصدنا
ابو طلال بقهر وعفس ملامحه : ما شاء الله الحين قصدك اجل ويش قصدك فسره لي اخلص اعتذر لها
سجى رفعت رجل على رجل وابتسمت بخبث
طلال قضم شفايفه بقهر وهمس: اعتذر
سجى بخبث:ماسمعت شنو قلت
طلال بقهر رفع راسه وبصوت عالي:اعتذر اعتذر
ابتسمت وهي تحرك حواجبها بس حست بضربه براسها من امها التفت لها
ام سهم بخبث:اعتذر اعتذري له
سجى بقهر: انا ماغلطت هو اللي غلط
ام سهم: بنت
سجى بقهر وهي تناظر فيه وهو مبتسم: اعتذر
رفع ايده طلال لذونه: ما اسمع
ابو طلال بقهر:اقسم بالله انكم بزران تحرك هو وام سهم تاركينهم
•

بشقه سهم
كانت منتظره اختها على كلام سهم ولكن اختها ماجت حست بطفش وهي تتحرك تناظر لشقه المقابلة لها ابتسمت بخبث فكرت تروح تتعرف علي البنت اللي اسمها ملك وتغيض بنت عمتها خخخخ
رفعت الساعه وهي تناظر الساعه ظ،ظ الليل تحركت وهي تسحب عبايتها وتطلع قربت من باب الشقه ودقت الباب مره مرتين سمعت صوتها الناعم فزاد الفضول عندها انها تشوفها
انفتح الباب وشافتها اخيرا بلعت ريقها وهي تناظر لجمالها وبياضها الناصع تبسمت بهدوء
رحيق رفعت حاجبها وهي تبعد طرحتها من شعرها استغربت من بيجي بس ماتوقعت تجي هذي اهي ناقصة عمر تنهدت ونطقت: هلا
وجد: اممم في بنت جت
رحيق قاطعتها وهي تبي تخلص وتقفل الباب:بيت زوجها
وجد بحزن: اها متزوجه بس قالت ساكنه عندك المهم اذا ماعندك مانع اقدر ادخل
رحيق رفعت حاجبها ونطقت: اسفه بكره معي دوام وقفلت الباب بوجهها
وجد بحقد رفعت ايدها وضربت الباب بقهر : ويش الحركات هذي صدق و صمتت وهي تتحرك تبي ترجع البيت ومعها بكيه سهم مو هنا وفيها الضيق والخوف دخلت الشقه وجلست وبكت لا ارادياً شافت الجوال يرن حست بفرحه بس رقم غريب مين : الو
ابو طلال : هلا يبه انا خالك
ابتسمت بغصه لرجال الطيب هذا: هلا خال انا وبكت
ابو طلال بحزن: أنا لله يبه انا جاي لا تبكي يبه
اسامه كان بجنب ابوه حس بحزن على حال هالبنت سهم اكيد بيطول وهي وحدها يارب كيف عمتي قلبها
ابو طلال وقف وهو يتحرك واسامه تحرك معه وهمس بجي معك
حرك راسه بغضب ابو طلال يعني لا
•
بعد ساعه ..

اسامه كان يناظر في ابوه اللي معصب عليه ويش معه يجي مايدري
كان واقف هو وابوه عند الشقه يبيها تطلع
اسامه بهدوء: يبه وين نروح فيها عمتي مستحيل توافق
ابو طلال بهدوء: عارف باخذها بيتي
اسامه بهدوء وعقلانيه: يبه مايصير البيت كله شباب وسهم بيزعل على اخته مهما يصير برضو احس صعبه
ابو طلال بقهر: اجل نتركها هنا وحدها مايصير يايبه
وجد كانت تسمع ودموعها غصب عنها تنزل

بالجهه ثانيه تنهدت بتعب وفتحت الباب وهي من اول تسمع لهم: خال
التفت لها ابو طلال بفجعه ويش جابها هنا : يبه رحيق
فتح عيونه اسامه وهو يناظر فيها
رحيق حركت راسها بهدوء: خلاص انا بتركها عندي لما يجي زوجها
رفع حاجبه ابو طلال ؛ زوجها
وجد فتحت الباب بسرعه : اي زوجي خلاص مادام رحيق قالت بجلس عندها لما يجي سهم انا اسفه ياخال اقلقتك معي بس تعرف سهم مو هنا
ناظر ابو طلال فيهم وكلمات رحيق باذانه زوجها التفت لولده وحرك راسه : على خير يايبه اي شي تبينه دقي علي
حركت راسها وجد بفشله والبكيه طلعت غصب عنها

مرت نص ساعه

وجد تناظر فيها وهي عينها على التلفاز ولا ردت عليها تتكلم مع نفسها ضحكت ونطقت: قبل امس قبل مايسافر سهم قال عنده بنت عمه
التفتت لها رحيق بابتسامه وخبث: بس قال كذا
ضحكت وجد بخبث وقربت منها: قال انها تحبه بس هو مايحبها
رحيق شدت ايدها بقوه وهمست:امممم انا بنام وانتي اجلسي هنا نامي لم يجي زوجك روحي
تحركت تاركتها ..

15 - 6 - 2025, 12:41 AM

27 .. روايـــــــــــــة
{ مجاديف العمر }

مرت يومين وصل سهم وانذهل لم قالت له وجد وليه رحت لها ياوجد
وجد بضحكه:والله مو خوف بس ابي اشوفها ياولد ابوي طلعت مش هينا البنت تهبل تهبل والله انها تسولف وانا خاقه عليها
سهم رفع عيونه لها
وجد صمتت من عيونه اللي حست فيها لمحه حزن ابتسمت تبي تغير الموضوع: اسمعني بكره بروح لامي
رفع سهم عيونه لها بصدمه: امك
وجد بخبث: امك امي بروح عندها
سهم حرك راسه بحزن: وجد لاتروحي نصيحه مني ياوخيتي امي
وجد قاطعته بهدوء: بروح الى متى بتجلس معي مشتت اتركنا ننام وبكره صبح نصبح
•

فله سعود
فتحت عيونها بالم لها يومين تحس دخلت بغيبوبه تقوم على طراق وتمسي على طراق الله لايوفقك رفعت الجوال وهي تناظر بصدمه بلعت ريقها وهي تنزل دموعها ظ¢ظ ظ مكالمه دقت على طول جاها صوتها الغاضب :هلا رحيق
بالجهه الثانيه بغضب: تعرفي بقي تكه وادق على الشرطه وينك يابنت وينك مختفيه قلبي مو مرتاح ويش صار عليك
بلعت ريقها ملك وهمست: طلع متزوج ظ£ قبالي
شهقت بفجعه رحيق: ياويلي ويش تقولي يابنت ولا علمك
ملك وهي تحاول تنطق: لا الرجال يا بنت حاقد مدري ويش سواء ابوي فيه المهم بدق عليك لم اشوف لي فرصه لا تخافي تعرفيني ذيبه اخذ حقي كانت تنطق ودموعها تنزل الحين تطمني
رحيق ناظرت للجوال ودموعها تنزل غصب عنها يالله ويش راح تعمل معه غمضت عيونها وهمست حين نبكي على بعد من نهوى يستبد بنا الحنين والالتياع البعد ماء يسقي أشجار الاصدقاء فتعلو يتضخم ككرة الثلج هذا الحب يكبر مع أوجاعنا ويقتات على أقدارنا
سحبت عبايتها تبي تطلع تبي هواء ياخذ هذي الضيقه فتحت الباب وعيونها تلاقت بعيونه قفلت بابها ونزلت

سهم كان يبي يروح لامه بعد ماقنع وجد انها تجلس يبي يكلم امه هو شافها قباله ونسى وجد على امه كانت تمشي قباله شد خطواته وراها نزل الدرج وهو يناظر لمشيتها ابتسم ولكن شهقت وصدمتها فيه لم طاحو سواء كان الكلب قبالها
رفعت نظرها وتجمع الدمع بعيونها وهي تتذكر اللي صار بحياتها البعيده وسيرته وارتجفت شفايفها وهي على حافة الانهيار من جديد همست لنفسها : ماعاد فيني اتحمل ليه هالخوف يارحيق نزلت دموعها و انفاسها الحارة تلهف وجهها
سهم شافها ارتاحت وكأنها تلوذ به من شي وتركها على قرب صدره دقايق وهو تداهمه احاسيس مختلفه ويجتاحه شعور مجنون انه يضمها ويلمها من راسها لرجولها في حضنه الجو مشحون بالعواطف الجياشه حنان وخوف وشعور بالانجذاب والانجراف ورغبه بالاحتواء والاحتضان وخوفه ان رغبته تدفعه لها اكثر تحت تأثير العاطفه بس لابد يدور على مفر ومنفذ للهروب قال بعد تنهيده معبرة : وقفي الدموع يابنت الحلال
رحيق ناظرت فيه وهي توقف ساعدها ابعدت ايده وهي فعلاً ملت هالأمور اللي أصبحت معلقه في حياتها
ساحبة معهآ التوتر لكل اللي حواليها وأولهم ملك وسهم الان تعبت من قلبها وهي تسمع له على أمر يخصها على أمر بات مستسلمه له وقف عند مدخل الباب سهم يناظر فيها بصمت التفت له تحسه يخنقها تبي شي يصير ويختفي ويبعد ماسكن الا قبالها كفايه وجع فراقه الحين وجع زواجه تعبت وهي تظل معلقه بقلبها اللي صار أشبه بالكابوس دموع وحزن مخيم على حياتها ضمت شفايفها وفي بالها موال كان عليها تنهيه في كل لحظة تحس أنها تحترق في كل لحظة تشتعل مشاعر هايجة ماتموت غير داخلها تحركت بسرعه صوب سيارتها
•

الساعه ظ¤ العصر
ملك شافت ثلاث البنات داخلين باكل تراجعت وهمست: يمممه لايكون قال لهم حطو لها سم الله يجعلك بسم يارب
الاولى : اقول يازوجته ظ¤ سويت لك اكل وسعود ياعمري عليه تعبان بينام
ملك كشت بوجهه:ياعمري عليه وجع يوجع جعل نومه اهل الكهف
شهقت الثانيه: بسم الله عليه لو مات مين بيدفع لنا بالله
ضحكت ملك بجنون: اجل ماخذينه يدفع لكم اي ماهو حديثه النعمه وبعدين تعالو هنا اوو صح أسماكم ياطبايني
ضحكت الاولى: انا خلود الاوله عمري ظ£ظ
همست ثانيه وانا : ريماس عمري ظ£ظ¢
ضحكت الثالثه وانا اسمي سناء ياقلبي عمري ظ£ظ¨ اكبر من الحب ظ¨ سنوات
ملك بذهول صرخت: ويش لكم بالشقا ليه تزوجتوه بالمسيار

15 - 6 - 2025, 12:42 AM

28 .. روايـــــــــــــة
{ مجاديف العمر }

خلود: ياحبيبتي انا مابي رجال يتحكم فيني ابي واحد متي ما ابيه ادق عليه يدلعني ويعطيني فلوس و بعدها بينا عقد لا عيال ولا وجع راس ومتي مابيه بيطلقني بإيرادته
ريماس بهدوء: انا مالي احد ولا اعرف احد غيره ورضيت بزواج المسيار
سناء بهدوء: نفسها يعني ما نبي مسئوليه
تنهدت ملك وهي تناظر فيهم بخبث وجلست ورفعت ايدها يعني تعالو: اقول لكم مافكرتو تورثو من ورا سعودكم
التفو كلهم لبعض وبصوت عالي : ويش قصدك
ملك بخبث: اسمعووو ياحلواتي أنتم بس ورقه الورقه هذي خلي حقك فيها قول له ابي ارض ابي فله ابي فلوس فوق خمس ميه مليون ياخبلات اضمنو حقكم لم يطلقكم
الثلاثه التفو لبعض بس سمعو صفق بيدين وقفو الكل بفجعه وهما يشوفوه يصفق بيدينه ونطقو بصوت واحد: مالنا شغل اهي اللي قالت
رفعت رجولهاا و نزلتها بالارض وقفت مقابله له وابتسمت بخبث: عندك مانع لاسمح الله ماحست الا هي طايحه بالارض من قوه الكف الي جاها
جلست على حيلها وهي تلامس خدها وبجنون وقفت وتحركت وهي تقفز على ظهره كان بيطلع ولكن ملك جن جنونها
صرخو البنات يحاولو يبعدوها لايقتلها
سعود هنا جني اركبه يبيها تبعد عشان يكمل عليها ولكن لاحياة لمن تنادي صرخ بغضب لحريمه: ابعدوووها
خلووود بخوف: يابنت انزلي لايقتلك
ملك وهي تسحب شعره بقهر والله ما اتركه يعرف يمد يده اانا كمان اعرف امد ايدي راح اكسر ايده والله ما اتركك
•

بعد ساعات
سهم رافع حاجبه بصدمه: انت تزوجت والا انضربت
سعود بقهررر: طحت
سهم ناظر فيه وفي وجهه اللي بخش: طحت اها
سعود بهدوء: سهم تعرف ان حبيت هل البنت وتزوجتها
سهم ببرود: انت ياسعود عمرك ماحبيت الا نفسك تصدق ودي اصدق انك اخذت البنت عن حب عارف ليه عشانها رفضتك انقهرت واخذتها عشان تكسر راسها صح بس ويش بتستفيد احس اللي تسويه غلط
سعود ناظر في سهم وليت كل اللي قلته يطلع صدق ياسهم اللي بقلبي ماغير الحقد والكررره لها ولا ابوها والله لاخليها تعيش بجحيم وراح اخليها تدفع ثمن ابوها وفي اللي عملو فيني وفي صمت بقهرر وحرك راسه
•

فله سهم

كان واقف بالحوش يناظر في عمته همس:سهم جاك
ام سهم: جاء مسود الوجه امس ماطلعت له
ابتسم طلال :عمه انتي عارفه بوضعه ياعمه اتركيها تعيش هنا احسن مايتشتت ولدك وناس ماتحرم الرجل مايسلم منهم
ام سهم وقفت بزعل وهي تتحرك
طلال تنهد وهو يشوفها ماقبلت كلامه ولا عجبها بس لازم تقتنع شاف سجى تطلع وقربت منه وهي تسحب الصحون وكان عليها طرحه بغيض نطق: ليه مالبستي حجابك
تاففت وهي عارفه يدور مشكله طنشته وهي تسحب الفناجيل
طلال بخبث نطق: ابي قهوه صبي
سجى رفعت عيونها له تاففت وهي تسحب الفنجال وتصب لها وتناوله تبي تتحرك
طلال بسرعه:ابي تمره
سجى ناظرت فيه بقهر سحبت الصحن وناولته
طلال بضحكه: اكليني
رفعت عيونها بصدمه له
طلال ناظر فيها: لاتقولي ممنوع عندك
سجى ابتسمت بخبث وقربت منه وهمست :غمض عيونك عشان اكلك صح
طلال ابتسم لاول مره بفهاوه وطاوعها غمض عيونه وحس بتمره في فمه بس واضح فيها شي تفل بسرعه وهو يطعم طعم الزرع والتراب
ضحكت سجى وهي تتراجع بعد ماغرست التمره في التراب وحطتها في فمه بس عمرها مافكرت ردت فعله كذا
فز بجنون سحب ايدها وصرخ: ويش قصدك ردك تاكليني ترااااب
شهقت برعب وهي تشوفه انقلب ميه وثمانين درجه بكت بيدينه وهي تتراجع برعب
طلال على بكيه سحب نفسه لايقتلها
•

بالمستشفى

اسامه: يعني مناوبتك اليوم
وجد بهدوء وهي تبي تتخلص منه اهي خاقه عنده ولو جلس تكلم دقيقه بتضيع لازم تصرف نفسها
اسامه شافها تتحرك:اقول وجد سهم بيجي لك اذا تبيني اروحك
وجد تاففت بنفسها: اي سهم بيجي لا تتعب نفسك يعطيك العافيه
اسامه زم شفايفه شكلها تبي الفكه وانا طاق سوالف
•

15 - 6 - 2025, 12:42 AM

29 .. روايـــــــــــــة
{ مجاديف العمر }

بالسياره
نواف يسوق بصمت
غلا وهي تناظر في المرايه
وروان تناظر فيها وفيه بصمت كانت مخلصة الجامعه خلاص بتروح طبعاً سيارتها اخذها سهم امس وداومت مع نواف لانو اصل الجامعه قريبه من جامعته تنهدت وهي تحس بهدوء طاغي عليها وغلا دريت انها بتروح معه دقت على سواقها وقالت لا يجي
غلا بدلع وبصوت عالي : رواني قولي لولد خالك يمر السوبر ماركت ابي اغراض
نواف بطفش: روان قولي لصديقتك ماني سواق عندها
وروان كتمت ضحكتها
غلا بقهر قرصت روان
وروان: اه وجع اشبك هذا عندك لا تجلسي تصجيني
نواف رفع عيونه لروان إللى كانت فعلاً معصبه تنهد مشاعره لها ممكن اخويه يحس مشاعر غريبه واكيد انها مشاعر اخويه مستحيل يفكر فيها كشي ثاني له ظ£ أيام وهو يجلس مع نفسه ومن تلك المشاعر اللي جته عابره وراحت تافف وهو ينطق قربنا صح
غلا بدلع نطقت: اي نواف
نواف بقرف وبصوت ينسمع وهو ناسي نفسه: لاعت سبدي انزلي
غلا بقهر نزلت وضربت بالباب بقوه
نواف وجع التفت لروان : اقسم بالله ياروان ان عاد تسحبي معك احد مايصير خير
وروان بتاففف:اخلص روحنا بموت جوع
نواف تحرك وهو ينطق بتردد: اممم روان بقولك شي وهو يبي يصارحها يخاف تفكر في شي ثاني: تعرفي اني زي اخوك واي شي تبينه انفذه واللي تبينه انا حاضر يعني
وروان رفعت عيونها له فهمت قصده قربت شوي وبخبث همست: والله يانواف لا تفكر أن لم قلت لك ان غلا تبيك غرت اي اعترف غرت بس مو انو ابيك لا اغار لانو فعل انت اخوي اللي ماجابته امي فلا تخاف لانو لو وايش مابصوم وافطر على بصله
رمى المنديل بقهرر: وجع وبخبث: اصل ابي المغربيه والكل يعرف

وصلو البيت
نزلت روان وتحس بضيق وقهر مستحيل عاد تفكر فيه مستحيل اصل اهي عارفه ان نواف مو يم حب ولا خرابيط ممكن اهي غارت عليه كونو اخوها وتعتبره زي سهم اكيد اكيد مستحيل مستحيل تفكر بشي ثاني بتقفل قلبها وعقلها
•

المستشفي

كان يلتفت بفجعه والكل يركض ناظر في وجد اللي كانت تركض تبي تطلع فتح عيونه وهو يشوف كيف انسحب برقعها حس بقهر من قوه الزحمه الكل يبي يطلع ويخلص نفسه إللى واضح انو صاير حريق حس بقهر وهو ركض وراها يحاول يوصلها ولكن طلعت لبرا وهي تحاول تحجب على وجهها بيدينها اسامه ركض وهو يسحب المعطف يبي يغطيها والكل طلع من المستشفي والحريق اللي نشب فيه كان يلتفت يبي يشوفها ضاعت منه سمع صوتها وهي تنادي رفع عيونه لها صوتها اي والله صوتها وجد ركض لجهتها وقف وعيونه بعيونها
كانت تقف وجهها مكشوف تأمل ملامحها يشعر بالإنجذاب ناحيتها رمى المعطف على وجهها اخذته وتغطت به وذهبت تبحث عن صديقاتها تركته شعر وكأن روحه انسحبت منه يفكر كيف ستكون حياته غداً ..
•

يوم الثاني
فله سعود

تافف البيت مافي الا هي زوجاته كل وحده روحت بيت اهلها ابتسم وقف تحرك لفوق وثواني وهو يفتح الباب عليها
ملك ناظرت فيه وابتسمت
ضحك سعود وماتوقع انها تطلع بهذا القوه والشراسه هو اصل خايف يقرب منها والله لاتقتله كانها تتغداء صرخ بغضب: فزي ابي غداء يالله
ملك بخبث تحركت وهي تحرك ايدينها بعيونها: من عيوني
سعود بلع ريقه وهو يتراجع شافها تنزل بهدوء وهو وراها والله انه خايف تصفقه باي شي شافها تدخل المطبخ همس بقهر لنفسه:ياسعود يادلخ مدخلها المطبخ كله واجهتها موجوده هذا موقعها واسلحتها عندها يعني بس تحتاج العدو و انا قبالها ه ها هاي رحت خبر كان والله تقتلك مااحد يحس فيك ياسعود التبن كان يبرر على نفسه وناسي بس سمع ضربت السكين رفع راسه ورفع حاجبه بلهجه جافة : نعم

ملك بابتسامه: خفت لا تكلمني كذا وهي ترفع السكين

سعود بلع ريقه كانت تهدد اوكي بدات اقرب منها ومع كل خطوه أخطوها كان قلبي ينقبض وأنفاسي تتلاحق من محاولة أخيـره بحجم غضبي الذي يتظاهر به وقف امامها متكا علي الطاوله
ملك بخبث قربت منه أكثر لم أقترب منه منذ حربنا امس لم نتحدث حركت خده بيدها وهي تقرب منه وطبعت عليه قبلة قبلة هتفت له وأبرقت بقلب سعود كأنه كان ينتظرها
سعود بلع ريقه تحول رأسه يمين باتجاه باب المطبخ بسرعة كانت لطمة منها للحد الذي حس بخيبه من قلبه اللي عمره مادق لا اي بنت ولا حتي لزوجاته وهذي معها ضرباته تعالت مباشرة كانت حرارة الدم تلسع خده و عيونه استحالتا دائرتين من بياض كعادته كان يتصاعد في جسمه شاب العشرين فجأة سحبها بجنون وناظر فيها وفي دلعها وتمايل جسدها رماها بعيداً عنه بكل قوة وسقطت أرضا ويده وسبابته ترتعد غضبا تشير إلى الباب : براا اطلعي براااا انقلعي برررا

15 - 6 - 2025, 12:43 AM

30 .. روايـــــــــــــة
{ مجاديف العمر }

تعالت ضحكتها وهي توقف على حالها والله انها ماقدرت تتحرك من قوه الالم بس وقفت على حيلها عشان تغيضه اهو اكيد اخذها لسبب اهي جاهلته المسأله مش مسألة يا ملك فلوس اكبر من الفلوس في شي يخبيه
•

فله سهم

نواف وروان بالحوش
وهو فوق الجدار وهي بالارض جالسه يم كتبها مدت فرشتها وتراجع
نواف وهو يسحب المزمار الي يلحن فيها وجلس يزمر
ابتسمت روان : ياشايب الناس تركو المزمار وانت لسا
وقف نواف وناظر فيه بتافف: المشكله انك تخربي كل شي اهرب من الدنيا القاك قبالي اسمعي انا بزمر وانتي غني
وروان بحماس وهي تبعد الكتاب: يالله يالله
نواف رفع المزمار لجهت شفايفه وبدأ وروان بدات
وروان بصوت عالي : يابابا سناني واو وداني عند طبيب ماعاد بدي شكولاته
نواف وقف وناظر فيها بقهر : بقره
ضحكت روان وهي تشوفه يقبل لجهة بيتهم تحركت بهدوء وهي تسحب خيزرانه وضربتها في ظهر نواف لم طاح بالارض ركضت
نواف فز وهو يركض لبيته يحسب طلال ولا التفت
وروان وقفت وضحكت بجنون وهي تشوفه يركض لبيتهم ماتت ضحك خبل وربي خبل التفت لدخول سيارتها ركضت لجها سهم ولكن وقفت وهي تشوف نزول بنت اكيد اختها بلعت ريقها بتصير مصيبه مصيبه شدت خطواتها لهم شافت وجد نزلت وسهم معها قربت من سهم وبضحك:أنتم ناوين على نفسكم
سهم بهدوء: بنت ويش اللي مجلسك في الحوش لا و نواف جالس فوق الجدار ولم شافني هرب
بلعت ريقها روان لانو واضح معصب : لا ماهرب انا ضربته وهو صمتت من نظراته
سهم قرب منها وهمس: اي ويش الميانه هذي ياروان اي نعم ولد خالك بس مو من حقك تسولفي وتجلسي معه مو اخوك وبصوت صارم انا واثق فيك ثقه عمياء بس لم أحد يشوفك بهذا الشكل ويش بيحسب
حركت راسها بهدوء:ابشر تحركت وهي تهمس: ياويلي
تحركت وجد وهي تناظر فيه: بيت خالك
ضحك سهم : اب ويش بك ضيعتي
ابتسمت بخوف وهي تناظر في البيت ودها تدخل وتشوف تلك الروان دخلت ولا التفت لها بلعت ريقها وهي تشد خطواتها لبيت خال سهم قال له اسامه ابوه ضغطه مرفوع ورفض يروح المستشفى وحتى هو رفض يتركه يعالجه فجيت لا عل يوافق
اسامه كان واقف وعيونه لوجد
سهم قرب من اسامه: وينه
اسامه بهدوء: بغرفته
تحركت وجد وهي تناظر لأغراضها
اسامه شاف سهم و وجد يدخلو ابتسم بخبث وركض لجهة بيت عمته يمكن خطة ابوه وخطته تمشي ماوافق الا بعد ماقنع نواف الخبل دق الباب بقوه
سجى وأمها وروان كانو بصاله
•

بالغرفه
: اااااه يايبه ااااه ياحبيبي ياقلبي عليك يايبه
ابو طلال جلس وهو يصفقه وهو يسمع خطواته همس: صلفت دماغي انت عارف انو كذبه يا يا
نواف بضحكه همس: منا عارف بس اسوي المشهد عشان ترتفع المشاهدات
ابو طلال بقهررر: والله أن ضغطي ارتفع والله ارتفع منك مايحتاج اكذب
ضحك نواف وهو جالس بالارض دخل سهم و وجد ونواف صرخ :اااااه يايبه بيمووووت قرب من إذن ابوه وهمس: يبه اذا مت كم ورثك يعني كم لي نصيب
ابو طلال غمض عيونه نار ولعت براسه
قربت وجد وهي تسحب ايده: سلامتك ياخال
سهم يناظر بصمت في نواف وحركاته مستغرب ناظر لخاله واضح انو تعبان

مرت ظ£ دقائق
وجد: ضغطك شوي مرفوع ياخال
التفت ابو طلال وابتسم بقهر:والله مارفع ضغطي الا هذا شيلوووه عني لاقتله

بالحوش
اسامه مبتسم وهو يشوف خالته تركض بخوف وبناتها معها يبون يطمنو

بالغرفه

رن جوال سهم رفع جوال وهو يرد :هلا اي سهم امر ها لا ماني بالشقه اي اي ليه شنووووووو العماره انحرقت
شهقة وجد
دخلت ام سهم وبناتها على شهقة وجد

اما سهم وما ادراك ماسهم
تساقطت عبرات وهو يهتف بقلبه رحيق رحيق كأنها كانت تودعني من تلك النظرات كأنها تعلم بانتظاره لها رغم مرور كل ذلك الوقت تعلقت عيونه بالكل عله يجد فكره ما ينقذ حبيبته من الحريق بلهفة وعيونه تمر على الكل ليحس بالصقيع يغزو قلبه احس بها قبل أن أتأكد احس بها كما حسيت بحبك قبل أن أدرك أنني أحبك ..

18 - 6 - 2025, 11:31 PM

31 .. روايـــــــــة
{ مجاديف العمر }

سهم لا يتحكم في قلبه الغريب وعقله الذي لايتحكم به لا البعيد ولا القريب جسد آخر أليس غريب حياته تلعب فيه كيفما تريد تجعله موحش وبائس هكذا دون أن يكون له في الأمر قدرة لماذا امرأة تتحكم في قلبه وتصادر حريته الأمر أصعب من مواجهة الخبر بكثير من كل مشاعره اللي يحمله لها لم تغادر خياله لحظة ولم يغب طيفها عن فؤاده ساعة رغم مضي الايام وتعاقب السنين كيف ينساها وقد حلـف لها أمانة ثقيلة كلما نظرت لها تذكرتها ترعرعت تلك اليتيمه على عيونه وتحت رعايته وفي كنفه الدافئ نال جهـدا في تربيتها والاهتمام بها فهي امتلكت كل حواسه حب حنانها وقلبها أيضا ولكن رحيلها صابته الدهشة و الحيره وعقد المفاجأة إذ أنه لم يعد لذلك السؤال جوابا ولم يدري بخلدها بأنه سيدرك ذلك في تلك السنوات وألان سعود يقول احترقت العماره والكل مات يعني ماتت ركضضض بجنووون والكل فزززز وراه
•

نبعد شوي ونروح جيزان وبالاصح الخوبه
منطقه جبليه
كانت تحرك راسها بالم وترجع ذكرياتها اللي مرت الان عليها ظ£ شهور تبكي بصمت في الفندق بكت بحزن بكت وهي خسرت اغلا اثنين بالدنيا راحو وتركوني مالي احد غير خاله أخت امي اللي عمري ماشفتها ابوي امي تركوني لدنيا وحيده غمضت عيونها وتلك الايام المولمه تعود لها وأتفتت قلبها شظايا مولمه

ابوي قنديل ظلامي ونور ايامي رحلت أمي فلم يعد بعدها قلب يضخ الحب والعفو بلا حساب ولا صدر يحتوي فينفث عطر الأمن والأمان بلا مقابل هي المعنى الذي صنعه الله من رحمة خالصة ومن حب خالص ومن غفران خالص لا يغيره كدر ولا يبدله عقوق رحلت سر أسراري ودليل حيرتي وترجمان كياني كنت أشعر أن العالم كله على صدر أمي فإذا وضعت فيه رأسي كنت ملكه أمسك بمفاتيح العالم بأسره فقدت كل معاني الحب والعطف والحنان رحلتي يا أمي وروحي لم تفارق روحك رحلتي وجزء مني بين ضلوعك في مرقدك الطاهر أبحث عن أثرك هنا وهناك ولم أروي عطشي بعد ولم أشبع نهمي من كل شيء فيك
ورحل ابي ذهب إلى جوار ربه
فزت وهي تسحب عبايتها وتلبسها تبي تروح تبي ترجع اي اي ابي ارجع مااحد يقدر يوقفني انا مالي احد غير هذي المدينه ماراح انحرم منها زي مانحرمت من اغلا شي بالدنيا
غاليه: العمر ظ¢ظ¦سنه
معلمه بمدرسه اهليه
•

كان يناظر وهو يشوف الكل انزاح وجابو العسكر صارت هالمدينه الجميله منطقه عسكريه ابتسم وهو يتذكر دعاء امه وهو وحيد امه تنهد لاول مره يحس بفخر بنفسه أنه جندي
منصور
العمر ظ¢ظ§ سنه
جندي
رفع راسه وهو ينطق؛ سم
راشد ركض لجهته: يارجال به مرأة تبي تدخل نقول لها ممنوع جلست تبكي تقول تبي ديارها ماتدري انو ديارها صارت خلاص منطقه عسكريه
منصور تحرك وهو يشوف العسكر يحاولو يقنعوها تبعد همس لنفسه كيف وصلت هنا اصل ممنوع تدخل قرب من اخويانه وهما يحاولو يفهمونها
منصور بصرامه : يامراة الله يرضا عليك امشي من هنا لانو عندنا امر هالمنطقه مايدخلها الا العسكر ف
غاليه : ابي بيتي
منصور بذهول:مابه بيوت هنا ماتشوفي الخلا
غاليه بقوه: لا ماشوف ولا ابي اشوف
منصور بصرامه: يااختي امشي الله يرضا عليك ماني مسؤول اذا صار شي ما يعجبك عندنا امر مااحد يدخل واصلاً كيف دخلتي ممنوع ممنوع بتضري نفسك
غاليه بكت وهي تجلس بالارض وغصه بقلبها اهي تعرف انها غلطت انها جت بس ويش تسوي مافي احد تعرفه هذي منطقتها وكيف تطلع منها اصل اهي مادخلتها بعيده المنطقه شوي تحركت وهي ترجع وتجلس على سكه

منصور بذهول ناظر فيها
راشد بذهول: هذي لو هي داخل كان صارت علوم زين وقفناها هنا والله مايمسي عليها مساء لو جلست
منصور ناظر فيها ويشوف حالتها معقوله فقدت غالي شافها تناظر بصمت وهي تتحرك وجلست تحت الخزان تبع المويه يالله ويش البلشه اللي ابتلشو فيها
غاليه تنهدت بحسره وهي تهمس: ويش تسوي ياغاليه بتتحدي الحكومه قومي تحركي وقفت وهي ترجع وتناظر لديارها اللي كانت تبعد شوي والشرطه وقوفها ممنوع تدخل تحركت وهي تهمس يالله يالله وين اروح وين مين لي عندي خاله في الدمام هل اروح لها واصل ماعرف احد هناك غيرها كيف اوصلها ومين بيوصلني لها وانا ما اعلم شي عن تلك الديار
منصور تحرك وهو يشد خطواته لها قلبه حن عليها ماتعرف احد وين بتروح قرب منها : ماتعرفي احد هنا
وقفت غاليه وهمست: اثنين لي وراحو وماعرف اي احد هنا وين اروح مادري
منصور بذهول ناظر فيها: وكيف طيب وين بتروحي
غاليه حركت راسها :عندي خاله بالدمام انا حتي الدمام ماعرف وينها وكيف بوصل لها ..

18 - 6 - 2025, 11:31 PM

32 .. روايـــــــــــــة
{ مجاديف العمر }

منصور سحب مفتاح الشقه ورفع لها :اسمعي انا عارف انو اللي بقوله لك بيكون جنون شوي بس حاب اساعدك هذي شقتي ايجار ماخذها شهر في صامطه راح اخلي احد من السواقين يوصلك هناك وإذا رجعت انا راح اوصلك لديار خالتك يشهد الله حاب اساعدك لوجه الله ف لاتخافي
غاليه حركت راسها: أخاف من شنو اصل ماعاد بقي لي احد اتمنا الموت في اللحظه هذي
منصور شافها تشد خطواتها ولا التفت له ولا اخذت المفتاح يعني رافضه تنهد وهو يرجع لمكانه
•

العماره
انحرقت كامله
وصل سهم وهو يركض يبي يدخل صرخ بجنون وسط نظرات خاله وعيال خاله اللي يحاولو يبعدوه والعسكر اللي كان يرفضو اي احد يدخل
صرخ بجنون: رحححححححححيق
حاولت توقف و الدم يسيل من يدينها من اثار الحريق وضرب الباب الدريش فيها كيف طلعت سالمه ماتدري ربي رحمني حاولت تزحف بعد ماطاحت من الالم وهي تسحب عبايتها تحاول تستر نفسها اللي حطتها على راسها تتلفت كانت تناظر لسعود بس الصوت صوت سهمي سهمي صرررخت:سسسسسسسهم
التفت بجنون وهو يركض بين الناس ويسمع صوتها لحظة ذهول حين أرتد صوتها نحو أذنه اقتحم المكان و الناس يناظرو فيها وزحفها ليجدها جمد الدم بعروقه رحيق على الأرض و الدماء تحيط بها قرب منها وهو يجلس على رجوله وسحبها لتسقط فاقدة الوعي بين يديه فاقدة الوعي ووجهها شاحبا كالموتي ارتجف بقوة وهو يحملها بين ذراعيه والدماء تسيل منها أسرع بها ..

ساعات مرت
كاد قلبه يتوقف وهو ينتظر الطبيب يخرج يطمنه وبجانبه وقف باقي عايلته
•

فله سعود
ملك كانت تكسر كل شي قبالها اهي عارفه انه راعي الشقه دق عليه كان حاط سبيكر قال العماره انحرقت يعني رحيق ماتت صرخت بجنون وهي تبي تطلع ولكن الحراس اللي برا ماتركوها تطلع
كانت تصرخ بجنون وسط نظرات حريمه اللي يحاولو يهدونها
•

فله ابو طلال
وجد كانت تناظر في سجى اللي جالسه بجنبها مبتسمه وروان اللي كانت بحضن امها
ام سهم بقهر:طيب انحرقت العماره اذلفت ليه يروح لها
سجى بذهول: يمممه
ام سهم صمتت بهدوء
وجد كانت تناظر فيهم وهي تبلع ريقها
ام سهم وقفت: قومو خلونا نروح البيت قال خالك مابيرجعو لم تصحي مغمي عليها واسمعيني انتي ياسجى والله ان فكر اخوك يجيبها والله لاقتله واقتلها وافتك من ذي العيشه
روان: طيب يمه خلينا نروح
تحركو البنات وسجى تمشي بخطوات بطيئه قلبها مع اختها بس خايفه تتكلم تقتلها امها
ام سهم وقفت والتفتت لوجد ومن اول ومااحد قدر من بناتها يتجرا يتكلم معها نطقت: امشي والا بتجلسي هنا
حركت راسها وجد بهدوء وهي تتحرك
ابتسمت سجى وروان بفرحه وهما يسحبوها بيدين بعض ويحضنونها امهم عطتهم الضوء الاخضر
•

مر اليوم
فله سعود
فتحت عيونها وهي تناظر فيه جلست بجنون
سعود بطفش: ماتعبتي بكي
ملك بجنون وتحاول تهدا اعصابها همست: عمرك فقدت غالي
سعود ابتسم بهدوء: اممممم عارف بهذا الشعور حلو أن اشوف العدو لي يفقد غالي بس صديقتك مش غاليه عليك واجد زي ابوك جعلني اشوفك تفقدينه وتحسين بشعور الفقد صح
شهقت وتراجعت من كلمته وهي تناظر فيه بصدمه: انت بني ادم مستحيل انت شيطان على هيئه انسان حقير وحقود
سعود بجنون سحبها بشعرها
صرخت بالم وهي تبكي : ابعد الله ياخذك
سعود بضحكه: تونا قلنا بسم الله يا حلوه بوريك بشعور الفقد وبعدين ابشرك صديقتك ماتت
ملك راجعت دموعها تنزل همست برجفه : بروح دوام وبشوفها ما ما ماتت
ابتسم بهدوء قرب منها : ماقلت لك جتني صفقه حلوه للخارج لمدت ظ£ سنوات يعني شغلك من اليوم و رايح بح
ملك ناظرت فيه لم ترد عليه فهي في عالم آخر من ألم عاود اجتياحها حتى نخر النخاع عالم أعاد لها الألم الساكن في حناياها والوجع الكثير من الوجع وجها احمر من البكا وآثار الدموع معلمه على وجهها ملك وهي توقف وبحزن: ماتت جعل هالروح تروح لو راحت
طالعت فيه بألم وهي تشهق وتبكي
سعود أرتجف وما عرف اش يقول والصدمة شلت لسانه من كلمتها بعدها جلس بهدوء ومسح دموعها بخبث بصوت هادي : جهزي نفسك بقي ساعتين على رحلتنا حبيت اصدمك وهي صديقتك الى ماتت
تنهد وبخبث وهمس لها:ربي يكون بعونك يا حياتي خلاص انسي وحاولي تجهزي امورك
ملك وهي تضغط على ايده بجنون : تكفي لا تقول ماتت تحاول تكابر ألم ينهش في قلبها ما تدري ليه وجع قلبها يزيد تحاول تتجاهله بس ما في فايده ..

18 - 6 - 2025, 11:32 PM

33 .. روايـــــــــــــة
{ مجاديف العمر }

بعد ساعات
ابتسمت سجى بحب : اعرفك على نفسي انا :سجى اختك صغيره
وروان بضحكه: يالعجوز مضيعه انا صغيره
ضحكت وجد بحب وهي تناظر لغرفتهم : اخيرا صار عندي خوات كنت اتمنى اشوف بنت خالتي اللي بالجنوب اهي قريبه من عمري تقول امي بس بسبب زواجها من برا العايله العايله طردتها ولا عمري شفتها بس ربي عوضني بخوات يهبلون
ابتسمت سجى بحب: سمعت سهم يقول اختنا دكتوره
وجد بحب : كل شي أعالج فيه الا الحب
روان ضربت بقلبها بخبث: اه ياوخيتي عالجيني منه احبه و انا مدري وين نصيبه أعشقه ولا ادري مين بذلف احب
ضحكت وجد على الخبله هذي: من جدك يالبزره تحبي
روان وقفت وهي تقبل للمرايه : بذمتك هذا وجه يحب انا احب الاكل احب الاندومي احب الشيبس احب ورق العنب
وجد بضحك: خبيثه تهرب بالهرج
حركت راسها بخبث
•

بعد ساعتين
بالطياره
ملك لا تعلم لـم توارد لذهنها الذي كان مثقلا بالأسى إحساسا أنه في اختياره لهذا المكان بالتحديد كأنه يهدف لدمارها لكنها نفضت أفكارها الغريبة ورجعت لهمها ماتت رحيق مااحد بقي لها الا ابوها اللي بالمستشفى تركته وهي مع هذا الشخص المختل العقليه رفعت عيونها وهاهي تنتظر اقلاع الرحلة وتتمنى أن يحدث شيئا ما يقنعها أن في معجزة تقدر تنزل من هذي الطياره ولكن غمضت عيونها وهي تسمع كفرات الطياره تعلن الطيران ولكنها لا تشعر بشيء كل ما تشعر به الاختناق ، بصداع ، بوجع وحزن متزايد لم تعد تريد ان تعود لهذا المكان مرة أخرى لقد اخذ احبابها ..
وقفت وصرخت بجنون
•

جيزان
كانت تمشي وتناظر لناس تنهدت لها يوم كامل تمشي في هذه الشوارع ماتبي ترجع للفندق تبي تموت وترتاح تبي تسافر بسرب الأماني ب أخر الليل لين ينهد حيلها وتروح هذي نفس لخالقها
حاولت توقف وتعدي الشارع من امس ماكلت شي ولا نامت رفعت ايدها وهي تغمض من شمس اللي ضربتها ولكن ضربت البوري تركتها تلم نفسها
مسك بريك ونزل بسرعه :صار بك شي تبين اساعدك تبين المستشفي تحسي بشي
رفعت رأسها غاليه وهي تتحقق هذا العسكري
منصور تراجع شوي وهو يناظر فيها همس: انتي اللي جيتي امس قرب الحدود
غاليه حركت راسها
منصور قضم شفايفه بحزن وهو يبي يساعدها مو عارف ولا هو محرم لها همس لها: تبيني اساعدك
حركت راسها غاليه وهي ماهي عارفه تمسك في مين وتروح لمين: أي
منصور يبي يساعدها قرب منها شافها تبعد وتلم نفسها ماعرف شنو يسوي
غاليه بلعت ريقها قصدها يوصلها لاي فندق: ابي فندق ابيك توصلني من امس امشي ماقدرت عاد اخطي
حرك راسه وهو يبعد ويفتح الباب وناظر فيها شاف العبايه راس والقفازات بهذا الزمن نادر يشوف بنات محتشمات ابتسم على نفسه هو اكيد فيه بس انا ما شافهم

مرت اربع ساعات ولا لقيو فندق يستقبلها
منصور بتنهيده: انتي عندك ورقه يبون اثبات
بلعت ريقها غاليه: ماعندي الا هالورقه كرت عايله تبع ابوي راح معه وبطاقه شخصيه ضايعه عليه من قبل وبلغت بس صار السيل على ديرتي وكل شي اختفى هناك
تنهد منصور هو معه يومين اجازه يبي يرتاح فيها ابتلش بذي يبي يرتاح بشقته ولكن الظاهر مابه راحه : اسمعي يابنت الحلال انا راح اعطيك مفتاح شقتي
غاليه بخوف: لا
منصور كمل وطنشها: اسمعيني خذي مفتاح الشقه انا عارف انها شقه عزاب ولكن بحاول اكلم راعي العماره أن شاء الله يمشي لنا ولا تفتحي لااي احد انا باخذ لي شقه بجنبك لما بكره وراح امشي معك نروح نطلع لك بطاقتك
غاليه بخوف:لا ماقدر اجلس في عماره عزاب معي الشارع اجلس فيه
منصور بتنهيده وتعب:طيب اسمعي اجلسي بالسياره وانا راح اكون برا السياره لم بكره ما معك احد
غاليه: عندي خاله بالدمام انا الدمام ماعلم وين اهي اصل
منصور زفر بتعب : لاحول ولا قوة الا بالله العلي العظيم طيب ويش بتسوي تجلسي كذا
غاليه بكت وهي ترفع ايديها لوجهها وتشوف حالتها مع رجال غريب راكبه معه ولا هي عارفه تروح لوين بعد ماطلعت من الفندق ورطت نفسها الفندق انتقل جيزان وين تروح جيزان يبي لها ساعه همست: بكون شاكرة لك لو توصلني لخالتي ..

المواضيع المتشابهه لموضوع: رواية مجاديف العمر لموضوع: رواية مجاديف العمر
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	14	10 - 7 - 2025 09:03 PM
رواية ليتني عرفتك باول العمر	البارونة	همس للقصص وحكايات وروايات	4	20 - 4 - 2025 07:06 PM
رواية رسس	همسه الشوق	قسـم البحوث والكتب العلميه او التعليميه	5	20 - 4 - 2025 05:09 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟