حال الشباب لما يسمعون صوت بنيه

#1 19 - 4 - 2011, 03:44 PM

السلآم عليكم ...

كيفكم ..ِأخباركم ...

..هذا موضوع شفته ف احد المنتديات وعجبني وحبيت نقله لكم
مابطول عليكم..يلا شوفوآ حال الشبآب ...ههههه

.
.
.
.
.

كنت نايم..وبعالم الاحلام هايم..
مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..

رن فووني
وقلت ياترى منوو.؟؟
ها المزعج هل هو صديق ولا مزيوون ^^ ..خخ((حليلهم))
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت.. << هههههه ((طااح قلبه وصدق عمرره))

قلت هلا
وقالت اهلين..
نوره موجوده؟؟

قلت وأنا صوتي رايح فيها..
لحظه شوي بناديها..
ويلست أنآدي واقول نوره .. نوورة وينج ..
ورديت للسماعه وقلت مادري وين راحت الله يهديها..

بس دقيقة ماعندنا نوره!!
وبادر البنت خوف!!
قالت آسفه غلطانه.. لا تزعلين ..
قلت ما عليج عادي ما يهمج اذا ماعنا اسم فلانه..

قالت شكلك كنت نايم..
قلت لا.. توني قايم..
قالت تدرس ؟؟

قلت خلصت و ودعتها .
انتي شكلج تدرسين؟؟
كيف اختباراتج ؟؟ عساكم مرتاحين..
قالت باجي لنا يومين
وخايفه والله من مادتين..
قلت من الاختبارات لآ تخافين..
دامج الليل... تذاكرين
وعلى الله تعتمدين..
واللي يزرع يح ( بطيخ ) ما يحصد يقطين..
أهم شي انج ماتنسين..
قبل الاختبار.. الله تدعين..
ومن إبليس تتعوذين……..
خلقه من نار وخلقنا من طين.. ويلسنا نسولف في أمور..
من شو اسمج... الين غلاء المهور..

قالت اسمي (ود) وقلت لها انا محمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال

ويلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..

وبدلع..قالت أنت تشجع الوصل؟؟

قلت في قلبي.. مادري أجاوبج بكف ولا بنعال..
بالله عليج هذا سؤال؟؟

قلت أنا أهلاوي.. وما يهمني القيل والقال.. << بس عيل
هذا الاهلي هذا حبه طاحت في القلب وماتنشال..
والشمس مايغطيها مشخال..

قالت شمعنى الاهلي!!..
قلت يا بنت.. الاهلي فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر.. << احم ..كح كح

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..

قالت.. محمد..
قلت آمري يا ود..
قالت اوصف لي شكلك..

هذا وين توهقنا..
جوفي العرب لونهم واحد
ولسانهم واحد.. واحلف بالله ولا غيره أحد
أني ماني طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد

المهم ان تواعدنا..
والموعد ف الموول.. قررنا..
بين خوف وامل تواعدنا..

وقضيت ليلتي في حيرة..
وش البس؟؟ جنز ولا كندوره والله حيرة..
مافي غيرها يفج الحيرة.. شيشه و تعميرة..

ورجعت للبيت اعاتب امسي وابتسم لبااجر ..

وبصعوبة نمت.. قعدت اتجلب و ..اون..
يا قلبي قولي شو اللي من الحب اهون؟؟

غريبه هالدنيا غريبة..

وراحت ليلتي.. وزادت بلوتي..
اليوم موعدي.. انا والحب بنلتقي..

وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..

مب سوالف شجاعة.. هذي اكبر بطولاتي..
ايذا خسرت بتضيع احلى امنياتي..
جلست ادور والف وحول المكان اطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..

وفجاءة..

وصلني مسج..
يقول..

سويتها فيك >>> (((حليله ..كاااااكاكا))

رد بيتكم وخل عنك هاالسوالف ياالتـعبان

روح نام ..

تعيش وتاكل غيرها
و سويتها فيك .. ((ههههههههههههههههههه)

:المرسل :

الــــــــــــــــــوالــــده

هههههه

حليلهم الشباب واللهـ ..((مب كلهم ..))خخخ..
يبالي اسوي ها الحركة ف حد ..خخ ..بس منوو ..منوو ..بفكر..هع

ان شااء الله عجبتكم ..^^

الموضوع الأصلي : حال الشباب لما يسمعون صوت بنيه || الكاتب : حلاتي بغمازتي || المصدر : شبكة همس الشوق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إن شر الناس ذو الوجهين الذي ي تي هؤلاء بوجه وهؤلاء بوجه	نسائم الحب	همس السيرة النبوية	5	9 - 7 - 2023 11:24 PM
لا يسمعون	حنين الأشواق	همس الشعر و الشيلات الصوتيه	2	4 - 8 - 2021 06:10 AM
ايه احبك قلتها لك لو انهم يسمعون	همسة الشوق	همس الشعر والقوافي	5	9 - 3 - 2021 09:42 AM
Bmw الفئة ال ولي المحسنة 2015 بوجه جديد بوجه جديد	همسه الشوق	همس للسيارات والدراجات الناريه	6	10 - 8 - 2015 05:48 AM
يسمعون اغاني	ياقلبي اكتفيت	همس للألغاز والنكت والضحك	8	8 - 8 - 2015 05:36 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع