 | |
| همس الشوق |
| |||||||
| همس للقصص وحكايات وروايات خاص بشتى انواع القصص الواقعيه والخياليه |
 |
| | LinkBack | أدوات الموضوع | انواع عرض الموضوع |
|
#1
21 - 5 - 2019, 12:32 PM
| ||||||||||||||||||||||||||||||||||||||
| ||||||||||||||||||||||||||||||||||||||
بيت من الطين الجزء الاول  
[color="white"] يسرني ويسعدني ان اطرح اولى قصصي في منتداكم الشامخ وارجوا ان تنال اعجابكم في احد لقرى القريبه من المدينة تدور احداث هذي القصه في بيت من الطين يتكون من غرفتين ومطبخ وحوش كبير كانت ام سالم قايمه من قبل الفجر بشوي واخذت عجين مخمرته من البارح حتى تعمل خبز على الصاج لزوجها واولادها وجمعت الحطب التي توقد به النار تسوي الخبز وبينما الصاج يحمي على النار قامت و صحت اولادها للصلاه ويتجهزو للمداسهم اللي مش بعيده من قريتهم ايقضت اولادها ورجعت الى النار التي اوقدت وعليها الصاج لعمل الخبز وهي كذالك اذا بصوت ينادها يام سالم صحيتي الاولاد للصلاه وهي منهمكه في عمل الخبز قالت ايه يابوسالم وكعادة الرجال قديما هم من يعملون القهوه في المكان المخصص للرجال (المقلط ). بيت ام سالم يتكون من ابو سالم وام سالم وحصة وريم وعلي والجد والجده . وبينما ام سالم منهمكه في عمل الخبز وحصه ابنتها قالت حصة :وين ملابس المدرسه يمه قالت ام سالم : في الكبت قالت حصة ابوي شرى لي اللي طلبته الابله مني البارح قالت ام سالم :ايه وتحصلينه عندك في غرفتك وبينما حصه تكلم امها اذ بصوت ريم يمااااه قالت ريم : يامه وين اللي طلبته البارحه منك قالت ام سالم :يابنتي مامدانا انجيبه يابنتي اليوم ان شاء الله نحيبه صحات ريم باعلى صوتها وقالت بطريقه استهزاء (الله طلبات حصووه تنفذونها ووطلباتي محد ايجيبها قاطعها ابوها افا ليه تقولين هذا الكلام كلكم سوى يابنبتي مابينكم فرق بس الوقت كان ضيق ولا فيه وقت لكن ابشري مثل ماقالت امك اليوم بنجيب طلباتك قالت ريم هين بنشوف !!! ام سالم :يابنات قوموا اخوكم من النوم علشان يصلي ويحلق على الفطور قالت حصه : ابشري نصحي سالم سالم .. سالم قم للصلاة والمدرسه . سالم عمره 8سنوات واخته حصه عمرها 15سنه وريم عمرها 10سنوات قام سالم من نومه وهو اف اف اف كل يوم مدرسه ضحكت اخته وهي تصحيه من النوم وتقول له ايه كل يو مدرسه اجتمعت العائله على الفطور وهذا لابد منه كل يوم ذهب الاولاد الى مدارسهم وجلست ام سالم وابو سالم يتقهون بعد مارحوا العيال لمدارسهم يضحكون على تصرفات عيالهم وتاففهم وتثاقلهم في قومه الصباح قال ابوسالم :وين امي وابوي ( الشيبان ) قالت ام سالم :شيبانك في غرفتهم تعرف الشيبان يحبون يغطون في النوم شوي قام ابو سالم يتفقد شيبانه وفتح عليهم باب بشوي شوي وهو فاتح الباب فتح ابوه عيونه وابوسالم يفتح الباب شويوشوي قال الجد : ترى حن صاحين ياولدي قبل يد وراس ابوه وهو على فراشه وقبل يد وراس امه وهي على فراشه وقالهم الفطور جاهز اجيبه لكم هنا قالت الجده : ايه ياولدي نادى ابو سالم ام سالم جيبي فطور الشيبان عندهم جات ام سالم وهي شاليه صينيه كبيره فيها الفطور من خبز الصاج اللي سويته مع الحليب والقهوه والتمر اخذت تصب على الشيبان وهي تضحك وتسولف معهم قام ابوسالم واستأذن من شيبانه وزوجة وقال بروح الحق على شغلي قبل لاتاخر عليهم وكان ابوسالم يشتغل سائق سياره كبيره في احدى الشركات واحيانا" يسوق بمدير الشركه عندما يغيب سواقه وكذالك يسوق بالمهندسين الاجانب لمعرفتة بالغه الانجليزيه الشئ البسيط وكان رجل خفيف الظل الكل يحبه وذو اخلاق عاليه وملتزم بالوقت وعمله وفي هذا اليوم بالذات تاخر على غير العاده على عمله واول مادخل مع بوابة الشركه قاله حارس الامن يابو سالم المدير سأل عنك اكثر من عشر مرات قال المدير وصل وهو يضحك على حارس الامن وقال حارس الامن والله اني صادق ان المدير يسال عليك ارتاب ابوسالم وقال في نفسه عسى خير المدير مداوم من الصبح وصل الى مكتب المدير وجلس عند السكرتير حتي يخبر المدير بوصوله قبل لاتجلس يابو سالم المدير في انتظارك دخل ابو سالم على المدير واذا معه رجل ابيض البشره جسمه ليس بنحيف ولا امتلئ له شارب ولحيه خفيفه وكان في وجهه الابتسامه وهو ينظر الى ابو سالم قال المدير :شنهو اللي اخرك يابوسالم قال ابوسالم : انا تاخرت دقايق بسب الزحمه قاطعهم الرجل وقال حصل خير فقال المدير :هذا جاسم صاحب الحلال وصاحب شركتنا طلب مني ترشيح احد السوقين اللي هنا يكون سواق معه طول اقامته عندنا فخترتك وبيض وجهنا عنده قال ابوسالم :ابشرمسك المدير يد ابو سالم وقال له تبغون تعرفون شنهو قال المدير لبوسالم وفي الجزء الثاني ان شاء الله اتقبل النقد بصدر رحب بقلمي الموضوع الأصلي : بيت من الطين الجزء الاول || الكاتب : ابوصالح || المصدر : شبكة همس الشوق
 |
| رسالة لكل زوار منتديات شبكة همس الشوق |
| عزيزي الزائر أتمنى انك استفدت من الموضوع ولكن من اجل منتديات شبكة همس الشوق يرجاء ذكر المصدرعند نقلك لموضوع ويمكنك التسجيل معنا والمشاركة معنا والنقاش في كافه المواضيع الجاده اذا رغبت في ذالك فانا لا ادعوك للتسجيل بل ادعوك للإبداع معنا . للتسجيل اضغظ هنا . |
|
22 - 5 - 2019, 11:32 AM
| #2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
رد: بيت من الطين ( الجزء الاول)
| |
|
عضويتي
]
العرض العادي
