ناقتي ياناقتي

#1 15 - 7 - 2021, 08:27 AM

ناقتي يا ناقتي جاوزي نقل الكديش
للديار اللي بها العزّ عاليْة العروش

شايل ٍ همي بكمّي و انا نفسي تجيش
ماكن ٍ فيها منَ الوجد لدياري نقوش

صابني من دونها سهم ٍ أجرَد ما يطيش
وارتكز بين الحنايا ينوش القلب نوش

ما يموت الرجل من طعنةٍ و الاّ يعيش
و الله انّ الموت لآ صار راسه ما يشوش

ينثني دون العزايم وهايم له خريش
لآ غدَت صملة فحول ٍ تناهَرْه الجحوش

مسبل ٍ ثوب الخطيّه على جهل ٍ و طيش
مقبل ٍ مدبر يحوش الردى و الذمّ حوش

ما يحسّب للمشاريه لو تنشدْه ليش
ردّ مخموش الحشا ما دريت إنّك تهوش

له ثلآث ٍ من ثلآث (الهشاشه من خديش
و احتقار ان زار و الغشّ من حبّ القروش)

تسبق رجوله يدينه ليا شاف الجريش
وايده تسابق لسانه على هدم العشوش

قربه ازعاج ٍ و بعده خشاش ٍ تحت خيش
داير ٍ و علوم ربعه وراه تقول بوش

ما تجوّدْه المواثيق معصير ٍ و ريش
كلما هبّت هبوب ٍ تبعثر له عفوش

بايع ٍ شاري في الهرج هامور ٍ و شيش
قافل ٍ عن غيره الدرب مآهوب مغشوش

لو بدى من فوق ضلع ٍ رويسه قلت كيش
ما يكاد يبين للعين و الشين مخشوش

اقرب أقرابه عِداه مْتولّجهم بجيش
كلهم شرواه معطينها نفخ ٍ و موش

يالله إنّك لآ تلقّيني شْباع الخبيش
و السباع سْباع لآ عوّدت لطش ٍ و غوش

نغزي صدور المجالس بعلم ٍ له دويش
يكرِب و يطرب هل العزّ وارباب العروش

محتمين القول فعل ٍ و لو بآقصى حنيش
ما نعاب و لآ نهاب ان عرَب و الاّ حبوش

صورة ٍ ما غيّرتها الليالي حتى ً ايش
ما لحقها لآ غبار ٍ و لآ فيها غطوش

كفٍ تمدّ الوفا و آختهاا بطش ٍ وحيش
مدلجين و محتجين ان ظبى و الاّ وحوش

لآ تحاماها حبيش انبرينا يا حبيش
نستقي عذب ٍ زلآل ٍ و نتركها طيوش

ونتفاخر بالجنابي ليا غمّض غطيش
اهل كيف ٍ واهل سيف ٍ غطاريف ٍ طحوش

نقفي ثقات ٍ ثبات ٍ ليا جت من هشيش
أو رفيق ٍ في طريق ٍ عن الدار مهموش

كلّ صدر ٍ شال ربعه وسيع ٍ له بشيش
حقه يْقدّم على كلّ عبّاس ٍ غبوش

ما نسود الاّ نذود و نعود لنا لطيش
سايقينه كنّه القينه مقلّم بخوش

و الله اني لو رضيت الخطا دون العريش
ما رضت (زهران) بي و استقلّيت النعوش

الموضوع الأصلي : ناقتي ياناقتي || الكاتب : النورسيه || المصدر : شبكة همس الشوق

انشر Facebook Twitter WhatsApp Telegram Copy Link

15 - 7 - 2021, 11:03 AM

يسلمو على الطرح المميز

15 - 7 - 2021, 11:39 AM

شكرا على الاشراقه والكلمات الجميلة
اسعدني تواجدك الجميل فى متصفحي
جزاك الله خير الجزاء
دمت برضى الرحمن

15 - 7 - 2021, 12:40 PM

تسلم يدك
لا حرمني الله منك

15 - 7 - 2021, 01:23 PM

الله يسلمك ويطول بعمرك
زاسعدني تواجدك الجميل فى متصفحي
جزاك الله خير الجزاء

15 - 7 - 2021, 04:46 PM

سلمت يداك على الطرح الطيب
يعطيكـ ربي العآفيهـ
بـ إنتظارجديدك بكل شوق
ودي ووردي

16 - 7 - 2021, 06:10 PM

اسعدني تواجدك الجميل فى متصفحي
تحياتي

المواضيع المتشابهه لموضوع: ناقتي ياناقتي لموضوع: ناقتي ياناقتي
الموضوع	كاتب الموضوع	المنتدى	مشاركات	آخر مشاركة
ناقتي ليس لها مثيل	همسه الشوق	همس عالم حواء	2	12 - 1 - 2022 05:51 AM
ناقتي تكمل بك	همسه الشوق	همس للاسره والطفل	6	23 - 5 - 2020 08:28 AM
يوم خطوبتي هو يوم ناقتي	همسه الشوق	همس عالم حواء	6	20 - 12 - 2015 04:18 AM
ناقتي جزء من نوثتي	مزيونة الخليج	همس عالم حواء	4	15 - 12 - 2015 09:16 PM
اتحدى ب ناقتي كل البنات	نظرة عين	همس عالم حواء	4	17 - 1 - 2015 04:22 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟