اخي الزائر لديك رسالة خاصة من شبكة همس الشوق للقراءة ! اضغط هنا ! 
  
\r\n \r\n\r\n\r\n\r\n\r\n\r\n\r\n\r\n\r\n \r\n \r\n\r\n \r\n\r\n\r\n\r\n\r\n\r\n\r\n\r\n\r\n يالله بسم الله نبداء القصه \r\n \r\n \r\n\n \n \nالجزء الاوول: \n \nتسابق الاقدار \n \n \n \n(سعود) شخص فاشل بجميع المقاييس الحظ ردي واقف له بكل مكان و بكل زمان انسان تعيس ببساطة \n \nوعلى كل ذا دلخ بكل معنى تحمله هالكلمة يتكون من كتلة تناحه تمشي على الارض ولكنه للامانه كان وسيما جدن جدن .. الموهم نشأ في بيت ابوه و امه وترعرع فيذاك \n \nو كبر و تم خمس سنين من الدلاخه المفهيه وبعد ان يأسوا منه امه و ابوه و كرهوا اليوم اللي جابوه فيه و حس بالوحده في هذه الدنيا في سن صغيرة اخذ يتحلطم كل ليله و يناشق اخر الليل حيث مرتن من المراير لحس مخه ابليس في ليلتن ظلماء استجمع قواه وقرر ان يفرك من البيت ولكن ليس بعيدا فرك الى بيت ولد جيرانهم (ريان) K :Dحيث يجد هناك كل سبل الرفاهيه من بلاي ستيشن و حوش وسيع حق لعب كورة \n \nوغيره من ملذات الدنيا فهم عائله متفتحه و متحررة (متحررة يعني بناتهم يطلعون كاشفات خخخخ ) و يوم قلط عندهم استقبلوه بكل حفاوة قالوله وشجابك يا سعود عندنا (الله من زين الحفاوه) قال امي قالت رح نم عندهم قلت والله مهيب شينة و جيت فرحبوا به و نام مع وخويه ريان بنفس السرير و في الصباح الباكر جا ابو سعود يدق الباب على بيت جيرانهم قالوله موجود عندنا والله و يدخل ابو سعود بيت الجيران و يدور غرفة ريان و يلقى سعود فاق خشته لابس سروال سنة اخوهم الكبير واصل المغاط حق الخصر لين خشمه مير يمسك ابو سعود شوشة سعود و يطيح السروال السنه حقه و يبقى على السروال الداخلي خخخ و سطّحه ببيتهم حيث استقبلته امه مع المطبخ الخارجي و بيدها ماس و \n \nقدر و اخذت ترجفه لين اغمى عليه ما فاق الا بعد خمس ساعات ولم يستسلم فعلها مره و مرتين و اخرى \n \n(نشب بذالجيران خخخخخ) اليين قالوا ما نبيك و اخذ يبكي يبكي ليلا نهارا صار يدور بالحوش بسيكله بالساعات من الفهاوه .. حين كمل سنه السادسه بعد شتى وسائل اقناع و طق تبقيس دخل المدرسة سنة اولى مغلوبن على امره خخخ هو و ولد خالته حمود وصار \n \nيلزق بحمود وين ما راح يروح معه لا اصدقاء ولا شي و حمود كان الوحيد اللذي يرأف بحاله في مواقف صعيبه مثل حرمان ابوه المصروف طبعا بذاك العمر كان المصروف اكبر مشكله يواجهها الطفل المهم حمود \n \nما قصر مع ولد خالته و صار يعلمه امور الحياه و كبرو ثنينهم و كل عمره ينجح بالدف سعود و حمود كان متفوق اكثر من سعود .. مما اشعل غيرة سعود ولكن حمود بذكائه كان يمتص غيرة سعود بطيبة قلبه و لين اطباعه .. وصلوا لسن المراهقه 16 و الحال كما هي .. طلع حمود جوال بحكم ظروفه العائليه وسعود \n \nقعد يحن على امه و هي داخله و هي طالعه اليييين اشترتله جوال عائلي طار بالفرحه سعود حط اول رقم رقم بيتهم و الثاني رقم جوال ابوه و الثالث رقم امه و حمود و شغالتهم موزه و سواقهم فخر الدين \n \nحمود يرسله رساله و سعود يردها له ما عنده رسايل خخخخ (كسر خاطري شكلي بوقف القصه ) \n \nمر شهر و الجوال لازق بيد سعود ينام فيه يروح فيه يجي فيه حتى بالحمام اعزكم الله يدخله معه \n \nمره كان جاي من المدرسه بجوار سواقهم فخر الدين بسيارتهم (كامري بوكس) بعز الظهر دق جواله \n \nسعود انهبل من ذاللي يدق عليه بالعاده ما يدري عنه احد وبعد ان استجمع سعابيل اللهفه داخل فمه \n \nو سكنت شهقات الشغف في بلعومه رد : \n \nسعود:الو \n \nردت عليه بنت قالت:اهلين \n \nسعود:شتبين؟ \n \nالبنت:ذا جوال غادة؟ \n \nسعود:لا ذا جوالي \n \nالبنت: اسفه عالازعاج باي \n \nسعود:طيب \n \nاغلق السماعه سعود و اغلقت تلك الفتاة السماعه و لم يحرك ساكنا سعود لانه عديم الاحساس \n \nو ما يدري عن الدنيا فلم يأبه لتلك المكالمه \n \nمرت ربع ساعه ولازال سعود بالسيارة رن جواله بنفس الرقم \n \nسعود:الو \n \nالبنت:هلا معليش بس انا متاكده ان ذا جوال غادة انت متاكد انه موب جوالها؟ \n \nسعود:انتي ما تفهمين؟ قلنالك ذا جوالي \n \nالبنت:طيب لا تنافخ خلاص اسفيييين وجع \n \nطراخ سكرت بوجهه .. \n \nسعود:ياخي والله بنات ذالوقت لا حيا ولا حشيمة ما يستحون على وجيههم \n \nفخر الدين:ايس في؟ \n \nسعود:سق السياره و انطم لا ارجفك بذالجوال \n \nفخر الدين:ايس في؟ \n \nسعود:ياخي من كلمك انت الحين \n \nفخر الدين:تيب \n \nرجع سعود للمنزل و تغدا مع امه و ابوه و راح خمد \n \nدقت عليه تلك الفتاة الساعه 4 بالعصر (وناسة فتاة خخخخ ) \n \nالبنت:معليش ازعجتك \n \nسعود:لا عادي بس شتبين هالمره؟ \n \nالبنت:اممم صراحة ماني عارفة وشقولك \n \nسعود:تراك من جد اقلقتيني وشبك \n \nالبنت:خلاص باي .. و سكرت بوجهه \n \nسعود:الحمد لله و الشكر \n \nمر يومان و قد نسي سعود تلك السالفة ولم تهز شعره من شعرات راسه الصغير \n \nاما تلك الفتاة فقد بدأت تخطو اول خطوه في درب الغرام و اصبح فكرها معلق بذلك الشاب الوسيم ذو الصوت المبحوح الجميل والدلخ في نفس الوقت (ماتدرين وش مخبي الزمن لك يا فتاة خخخخ)وقد اغراها \n \nان الرجال ثقل ما يمزح وصارت تسبح بمخيلتها برسم صورة ذلك الشاب و اصبح صدى صوته يهمس لمسمعها كل حين .. \n \nوبعد اسبوع من تلك المكالمه قررت ان تصارحه بعد ان اتعبها الحنين و وآلمها الونين \n \nففي يوم خميس الساعة الحادي عشر ليلا .. اتصلت على المفهي سعود \n \nالبنت:مساء الخير \n \nسعود:انا لله انتي مره ثانيه \n \nالبنت:واللللله ادري اني غثيتك بس تحملني \n \nسعود:ومين انتي علشان اتحملك \n \nالبنت:طيب انت الحين ليش معصب \n \nسعود:لانك تنرفزين الواحد \n \nالبنت:طيب اسمع ابي اقولك شي \n \nسعود:شوفي تسكرين ولا انادي امي الحين.؟ \n \nالبنت:خلاص طيب باي \n \nسعود:باي \n \nاخذت تلك الفتاة تعتصر دموعها و تبكي كما طفلة فقدت لعبة احبتها واحست في تلك اللحظه \n \nضائعه فقد احبت ذلك الشاب بينما هو لا يبادلها الشعور و قررت ان تنسى امر ذلك الشاب و كان قرارها حازما .. \n \nمرت فترة وهي تحاول جاهدة ان تتناسى .. ولكن في لحظه خانت عهدها و قررت ان تجرب حظها مره اخرى لعل و عسى .. و قالت بنفسها اخخخخر مره ان حبني ولا بكيفه \n \nاتصلت بسعود .. \n \nسعود:الو \n \nالبنت:هلا كيفك؟ \n \nسعود:الحمد لله مين معي؟ \n \nالبنت:ماشاللة امدا تنساني \n \nسعود:اييييه انتي ذيك البنت اللي دقيتي علي و كان جمبي سواقنا؟ يوم اتهاوش مع سواقنا و كذا \n \nالبنت:ونا شدراني .. المهم ذكرتني؟ \n \nسعود:أي عرفتك انتي النشبه .. وشخبارك ؟ \n \nالبنت:احم . الحمد لله .. اسمع انا ابكلمك بموضوع و عارفه وش بترد علي بس علشان ضميري يستريح \n \nسعود:عسى ما شر وشفيه؟ \n \nالبنت:ما في شي بس انا بصراحه يعني مو عارفه شقولك \n \nسعود:وشتقولين؟ \n \nالبنت:اول شي وشسمك؟ \n \nسعود:سعود ليش؟ \n \nالبنت:شوف سعود انا بصراحه من يوم كلمتك اول مره صرت افكر فيك ما نسيتك ابد كل ما حاولت انساك \n \nاذكرك و احبك زود صدقني انا ما قلتلك اني احبك الا لاني خلاص بموت \n \nسعود:طيب انا شسويلك؟ \n \nالبنت:هو كيف شتسويلي اقولك انا احبك تقولي شسويلك \n \nسعود:كيف تحبيني .. يعني زي امي و ابوي؟ (بدت عصارات الدلاخه تفرز بالمخيخ) \n \nالبنت:ايوووووه صح عليك \n \nسعود:اها طيب \n \nالبنت:وشو .. طيب كل ذالكلام و تقولي طيب؟ \n \nسعود:احترنا معك ان قلت شسويلك قلتي كيف شتسويلي و ان قلنا طيب قلتي وشو طيب وشتبيني اقول \n \nالبنت:الحين انت لما تسمع امك تقول لبوك احبك وشيرد عليها؟ \n \nسعود: يقول لها موب وقته \n \nالبنت:يوووه كيف بفهمك انا الحين \n \nسعود:تفهميني وش ؟ \n \nالبنت:ياشييييييينك \n \nسعود:طيب اسمعي امي تطق الباب تقولي تروش لا امصع رقبتك باي \n \nالبنت:باي \n \nفرحت الفتاة لحسن تجاوب سعود و من جهه اخرى اخونا بالله سعود امه تبقس بالباب تبيه يفتح \n \nسعود:يمه وخري عن الباب ولا ترا منب طالع \n \nام سعود:انت رجال؟ افتح الباب .. \n \nسعود:صدقيني موب فاتح الباب \n \nام سعود:شوف بعد من الواحد لين 3 لو ما فتحت \n \nسعود:طيب وخري والللللله لاطلع \n \nام سعود:طيب وخرت اطلع \n \nسعود:يلعنننننن ام النصب انا اشوف رجولك هاللي شكبرها تحت الباب بكيفك منب طالع \n \nام سعود:يالسمرمدي هالمره بروح بس انتظر تخلص من الحمام علي الطلاق لاطرحك هينا \n \nسعود:موب عاقلة خخخخ اجل علي الطلاق .. اصلا اصلا ابوي متى ما يبي يطلقك يطلقك يعني موب بكيفك \n \nام سعود:هاه.. لا ابوك ما يسويها \n \nسعود:انا بقوله الكلام اللي صار و يصير خير انشالله \n \nام سعود:تقوله اني قلت علي الطلاق؟ \n \nسعود:j يس \n \nام سعود:افا سعود كذا تهون عليك امك \n \nسعود:ولا عليك امر البخشيش ولا ترا قسمن اقول لبوي \n \nام سعود:وجع كم تبي \n \nسعود:اممم اللي يجي منك ما نقول لا \n \n \n \n.... \n \n \n \nانقضت يومين على تلك السالفة وبعدها اتصلت اختنا بالله على سعود \n \nالبنت:مساء الخير \n \nسعود:هلا \n \nالبنت:كيفك؟ \n \nسعود:زفت \n \nالبنت:لييش؟ \n \nسعود:كذا مزاج \n \nالبنت:اممم اوكي طيب وشلون الدراسة معك \n \nسعود:تراك قلق تدرين ولالا؟ \n \nالبنت:انت ليش كذا تكلمني شسويتلك انا؟ \n \nسعود:انتي مييين اصلا؟ \n \nالبنت:سعود الله يخليك افهمني \n \nسعود:وش اللي احبك يا بنت الناس وين قاعدين \n \nبكت البنت بشدة و اصبحت تناشق و هي خلقة مزكمه يعني الامور صعبة عندها سحبت منديل من \n \nالطاوله المجاوره و انبعث صوت حاد نتيجه ذاك المنديل (حامت كبدي خخخ) يوم خلصت \nالبنت:سعود انا احبك ما تعرف وشو يعني احبك \n \nسعود:انتي تبكين؟ \n \nالبنت:أي ليش؟ \n \nسعود:لا الله يخليك لا تبكين ما تعودت احد يبكي قدامي ترا اصيح معك الحين \n \nالبنت:لا عادي انا كل يوم ابكي يعني ما في شي جديد \n \nسعود:شوفي \n \nالبنت:هاه \n \nسعود:انا ماعرف حركات حب ما حب جد اكلمك ما قد جربت هالشي صح انا احس اني ارتحت لك \n \nوانك الشخص الوحيد اللي معطيني من وقته بس صدقيني ماقدر \n \n__________________________________________________ __________________________________________________ _______________________________________________ \n \nالجزززززززء الثااااني:و اخيييرا \n \nلم تعد تلك الليله في نظر مشاعل كسائر الليالي انتثر في مشاعرها شعور البهجه و الفرحه فاصبح سعود \n \nالشي الوحيد اللذي تفكر فيه طوال ليلها فقد كان سعود ذلك الشاب اللذي يكسر الخاطر واللذي تكتسيه \n \nالطيبة و الحنيه اعجبت بشفافية اخلاقه و قلبه الرقيق الابيض شخصيته المسالمة عيشته البسيطه \n \nالقناعه و اشياء كثيره تكتشفها بسعود يوما عن يوم \n \nاصبحت مشاعل تكلمه بشكل يومي حتى انها لا تطيق فراقه ليوم واحد و اليوم اللذي ياخذ ابوه جواله \n \nكعقاب تقعد تصيح مشاعل (احس ان مشاعل بمستودعهم كراتين فاين لوول يلعن ام الصياح \n \nاللي تعرفه) و استمرت علاقتهم ترما كاملا و هم على حالتهم تلك حتى تجرأت مشاعل بقولها لسعود.. \n \nمشاعل:حبيبي سعود ابي اقولك شي \n \nسعود:تدللي يا عيون سعود (اخس طلع اسلوب الولد ما امدا خخخخ) \n \nمشاعل:تسلم عيونك يا روحي .. امممم ودي اشوفك \n \nسعود:تشوفيني؟؟؟؟ \n \nمشاعل:اييييه \n \nسعود:كيف؟ \n \nمشاعل:وش اللي كيف عادي كيف الناس تشوف بعضها بلا غباء سعووووود \n \nسعود:انا فاهم بس اخاف \n \nمشاعل:العن بو دارك انا اللي مفروض اخاف \n \nسعود:يا دوبه انا اخاف من ابوي ولا امي لو يدرون يحطوني بدار الايتام هم يدورون فيني الزلة \n \nمشاعل:ما عليك كيف بيدرون \n \nسعود:مدري بس صعبة \n \nمشاعل:سعود لازم اشوفك ابي اعرف كيف شكلك \n \nسعود:طيب خليني افكر و ارد لك \n \nمشاعل:لا ابيك توافق الحين \n \nسعود:طيب وين تبين تشوفيني؟ \n \nمشاعل:أي مكان \n \nسعود:مدري انتي اختاري \n \nمشاعل:أمممم شرايك بالراشد ولا فؤاد سنتر >>صدقني الوااحه احسن \n \nسعود:لا مابي مكان عام اخاف احد يعرفني يشوفني \n \nمشاعل:طيب انت اختار \n \nسعود:شرايك اجي مدرستك بعد الدوام؟ \n \nمشاعل:صاحي انت؟ \n \nسعود:لا منب مسوي شي بس بوقف وانتي ناظريني و روحي \n \nمشاعل: اوكي انت خلك واقف عند زاويه المدرسه ونا بمر جمبك بس ما راح تعرفني \n \nسعود:طيب خلاص بكرة بتلقيني انا و السواق بكامري بوكس \n \nمشاعل:الله يفشلك انت و كامريتكم \n \nسعود:حرام عليك والله سيارتنا قويه ابوي يقول دورتلكم احسن سياره يابانيه (مشكله الابهات اذا ما لقوا اللي يوقف بوجههم لما ينصبون لووووول ) \n \nمشاعل:سلملي على ابوك خلاص اشوفك بكره باي \n \nسعود:باي \n \n.... \n \nجا بكرة و حان وقت خروج الطالبات و سعود مرتز بالزاويه طاق القلابي و مرسم كوبرا بشماغ بدون عقال>>كيف تجي مدري كوبرا بدون عقال \n \nطلعو وفود البنات و كلهم اسود باسود وياكثرهم اللي مرو جمبه يبي يشك بوحده فيهم ما امداه كلهم \n \nيشبهون بعض شوي و يدق جواله \n \nمشاعل:يا ملححححححححححححك تههههبل يا سعود \n \nسعود:وينك انتي؟ \n \nمشاعل:من جدك انت بقولك مين انا \n \nسعود:والله ما اناظرك بس قوليلي وينك \n \nمشاعل:اجل وشوله تبي تعرف ويني دامك ما تبي تناظرني يا غباااااااءك \n \nسعود:يالللله عاد \n \nمشاعل:خلاص انا رحت \n \nسعود:تكذبين \n \nمشاعل:ايوالله \n \nسعود:طيب يالله بروح البيت باي \n \nمشاعل:باي \n \n \n \n..... \n \n \n \nكبر المووضوع و صارت المقابلات بشكل متكرر لين شكت الهيئه بأمر سعود مسكوه و جدعوه بالجمس \n \nالهيئه:انت يا هذا ماذا دهاك تجي تلفلف فيذا (يسمعي بالفصحى اخونا بالله خخخخخخخخ) \n \nسعود:وربي ما دهاني شي بس احتري اختي تطلع \n \nالهيئه:لقد انك كل يوم توقف هينا ولا يركب معك احد فلماذا يا هذا؟ \n \nسعود:شوف انا لقد انني وقفت كل يوم بس اختي دايم تدق علي اخر شي تقول انا جايه مع سواقنا الثاني عرفت كيف؟(ياناس الولد يعرف يصرررررف خخخخ) \n \nالهيئه:تستهبل انت و راسك؟ \n \nسعودحس انه في مأزق و انه سوف يتصفق شر تصفيقه اراد ان يعترف بكل شي وحينما هم بالحديث \n \nو اذ بفتاة ذات قوام ممشوق و ايدي بيضاء كالثلج ذات صوت رقيق دافئ نفس الصوت اللذي يغرد على \n \nمسمع سعود كل ليلة تقول ممسكة يده \n \nالفتاة:سعوود ليش تاخرت علي \n \nسعود:انتي مين؟ \n \nالفتاة:انا اختك وجع \n \nسعود:طيب اتحداك وشسمك (خخخخ يقاله بيحجرها) \n \nالفتاة:تعال اقولك باذنك وشسمي \n \nقرب اذنه سعود و همست له \n \nالفتاة:انا مشاعل اصصصصص ياويلك تقول شي قل ذي اختي و تعال معي \n \nسعود فق ام ام خشته مهوب مصدق اخر شي يتوقعه ان ذي تطلع مشاعل تفاجأ و تكاسلت جميع \n \nاطرافه مفجوع و سلهم عيونه في طول مشاعل متخيلا اياها و هي تكلمه على الموبايل و الصمت قد ملأ شفاته مذهولا مرت لحظات فبلع ريقه اللذي تصاقط البعض منه و نطق: \n \nسعود:أي صح ذي اختي وش بلا امك تقول ما عندك اخت هينا ولا شي؟؟ \n \nالهيئه:هداك الله يا فتى رح مع اختك الله يصلحك \n \nسعود:طيب يالله سي يو باي \n \nالهيئه:سي يو تو \n \nسعود:ذا بابكم كيف ينفتح؟ \n \nالهيئه:خربان طب مع الدريشه \n \nسعود:تيب \n \nو طب على خشمه و قام ينفض التراب من مناخيره و فز و هو يناظر باخته قصدي مشاعل و لعل سعبولتن تارجحت على برطمه و بحركة مخادعه برطمية التقطها قبل ان تصقط لتصطدم في سقف فمه \n \n(مضاربه موب سعبوله ) \n \nسعود:الحين انتي مشاعل اللي اكلمها؟ \n \nمشاعل:لا امها \n \nسعود:لا والله جد بالله كلميني اتاكد \n \nمشاعل:من زمان ماحد صفقك على دمجتك اخلص وين سيارتكم الهيئه تناظر تحترينا نركب \n \nسعود:بتركبين معي؟ \n \nمشاعل:خلاص تبي تاخذ القيلوله عند الهيئه ترا موب فاضيتن لامك انا اخلص علي \n \nسعود:لا كل شي ولا القيلوله (صفقني لو يعرف وشو قيلوله خخخ ) \n \nمشاعل:اسمع اركب و انا بركب ورا و قل لسواقكم يوديني لسيارتنا \n \nسعود:طيب و ان قال من ذي \n \nمشاعل:انت شكلك ودك بالقيلوله \n \nسعود:لا خلاص \n \nفتح الباب سعود يريد ان يمتطي السيارة .. \n \nفخر الدين:ايس في سعود \n \nسعود:هاه أي هذي ... لكن قسمن بالله عندهم شغالة شقققققققق \n \nفخر الدين:سعود انتا جنجال كبيرة \n \nسعود:قسمن بالله فخر الدين لاخليك تكلمها بس لا تعلم ابوي \n \nفخر الدين:ايس اسم هوا \n \nسعود:مشاعل \n \nمشاعل:يا لوح يقصد شغالتنا (خاشة جو خخخخ) \n \nسعود:ونا شدراني باسم شغالتكم \n \nمشاعل:قله يوقفني هينا \n \nسعود:فخرورتي(دلع يقاله) وقف هينا يا بعد تسبدي يشيخ انت بس لا تعلم ابوي و تطلع كذا \n \nمشاعل :بكلمك بالليل اليوم ان قفلت جوالك بحوسك \n \nسعود:طيب لا تنافخين وجع \n \nرجع سعود بيتهم و هو مو مصدق بهاللي صار اليوم وده كل يوم تمسكه الهيئه علشان تجي فارسة \n \nاحلامه تنقذه (عكس ابو ام الآيه خخخخخخ) طول اليوم و هو سرحان الين دقت عليه مشاعل \n \nمشاعل:هلا بالغالي \n \nسعود:هلا والله مشاعل كيفك؟ \n \nمشاعل:انا بخير و انت؟ \n \nسعود:انا والله من يوم تركتك لين الحين وانا افكر بك \n \nمشاعل:الللللله وش الطاري \n \nسعود:موب مصدق انك انتي اللي مسكتي يدي اليوم كل اللي اقدر اقوله انعن يومك على ذالحلا \n \nمشاعل:والله تبي الصدق يا سعود انا كنت خايفه اول شي بس حسيت انك تبيني اساعدك و ما تهون \n \nعلي ونت تركب الجمس و تصير مشاكل \n \nسعود:يابعد عمري مشاعل انا من جد احسك شي بحياتي ماقدر اخليه لو ايش انا حسيت معك اني اعيش و متهني صرت اعرف اشياء كثيرة بالحياه \n \nمشاعل:سعود انا مابيك تتعلق فيني اكثر اخاف يجي يوم و نفترق و تندم كثير \n \nسعود:صدقيني ما راح يجي ذاليوم مشاعل انا ماقدر اتخيل حياتي بدونك \n \nمشاعل:بكيفك \n \nاقتربت ايام الاختبارات النهائيه و قررت مشاعل ان تترك سعود لحين انتهاء الاختبارات طبعا ذالقرار موب بلحظه ولا بنص ساعه لوول قعدت كالعاده تصيح و تناشق .. و من جهه اخرى ابو سعود مواعد سعود \n \nلا خلص الاختبارات يخلي جواله عمومي خخخخخخخ \n \nالمهم و قعد اخونا بالله سعود يكرف ليل نهار اكل الكتب من كثر المذاكره حتى من كثر ما يذاكر جاه امساك \n \nلا تسالوني ليه والله علمي علمكم المهم انتهت الاختبارات و دخل سعود الحمام يتروش خخخخخخخخخ \n \nما تروش من اول الاختبارات الله يقرف امه حتى الغمص على حطت يدك المهم يوم طلع من الحمام و على طلعته دقت مشاعل \n \nمشاعل:سعوووووووووووووووووووووووووووووووو وووووووووو \nود \n \nسعود:حياااااااااااااااااااااااااااااااتي مشاااااااااااااعل يلعن ابو شيطانك وحشتينييييييييييييييي >>عليه اسلووب \n \nمشاعل:وانا اكثر يا روح روح روح روحييييييييي والله من جد فقدتك ياخي \n \nسعود:طيب اتحداك اشتقتيلي كثير ولالا \n \nمشاعل:والللللللله يا سعود كثيييييييير حييييل يالله استحملت .. انتظر الاختبارات تخلص ساعة بساعة \n \nسعود: هاه كيف اختباراتك عساك حليتي زين \n \nمشاعل:والله انواع الدجة بيني و بينك ماخذ كل عقلي انت و خشمك \n \nسعود:ونا بيني و بينك ما جبت خبرك خخخخخ كله اذاكر \n \nمشاعل:و تقولها بوجهي يا ولد اللي منب قايلة \n \nسعود:انا انسان تحتم علي مبادئي بالصراحه المطلقه مهما كانت مؤلمة \n \nمشاعل:ايه صدقتك \n \nسعود:اتحداك تقولين شي بس واحد كذبت فيه عليك \n \nمشاعل:ماادري بس لازم فيه شي تكذب علي فيه \n \nو ما زالوا مشاعل و سعود يكملون هذرتهم اللي ما منها سنع خخخ فواتير بالفاضي المهم فك ابو سعود \n \nجوال سعود و خلاه عمومي كما وعده و جت اول فاتوره صفقت الالفين و رجعه عايلي و بعد ما نشب لابوه \n \nو حلوف و ايمان انه ما يعدي الخمسميه ريال للفاتوره الواحده رجعه مرتن ثانية و طلعت شهاده سعود \n \nجاب نسبة مهيب شينة 93 خلته يدخل كلية الهندسه ورفع راس امه و ابوه ومشاعل (مشاعل قاطه مع ابو و ام سعود خخخخ) و يشتري ابو سعود لسعود سياره كورولا خخخخ (زول) و استمرت من جهه اخرى توطدت علاقته بمشاعل زود لين قضت العطله و بدا اول يوم جامعة و المكموخ سعود يحسبها مدرسه جايب سندويشته معه و السن توب بالشنطه لين تهزأ كم مره و تعلم و صار رجال ........ \n \n__________________________________________________ __________________________________________________ __________________________________________________ ______________________________ \nيالله يا شباب بنكمل الجزء الثالث والقبل الاخير \n \nمشاعل:سعود ابي اقولك شي بس بذمتك ما تزعل \n \nسعود:قولي يا مشاعل وش عندك \n \nمشاعل:بس اوعدني ما تزعل \n \nسعود:مازعل وشصاير؟ \n \nمشاعل:سعود \n \nسعود:هلا \n \nمشاعل:انا انخطبت من ولد خالي \n \nسعود:قولي والله \n \nمشاعل:ابمزح معك يعني يا سعود \n \nاطبقت شفاه سعود و هو يحتقن القهر و الألم في قلبه و يكتم عبرته .. و دمعة تنتظر العين ترمش لكي \n \nتنزل .. تغيرت ملامح وجه سعود فكان هذا الشيئ اللذي لم يحسب له حساب حان الوقت لكي يؤمن بان \n \nلكل شي بدايه و نهايه فلا شيئ يدوم .. كم مسكين انت يا سعود .. مشاعل لم تكن الشيئ اللذي يعشقها لكنها كانت الانسانه اللتي دلته للطريق الصحيح في حياته و اوضحت له اشياء لا يفقهها كان يحبها \n \nبمعنى الحب و التقدير كانت مشاعل تحيط سعود بالحنان و الدفئ وكانت تتفنن بامتصاص حزنه كانت بمثابة الأم لسعود .. حان لسعود ان يلوح كفه ليودع ايام السعاده .. مرت ذكريات حبه كلها بلحظات .. قاطعته .. مشاعل باكية بدموع حارة و بشعور يلتهب \n \nمشاعل:سعود ساعدني انا مابيه بس شسوي امي و ابوي ماقدر احرجهم مع خالي بس صدقني ما راح اتزوجه لو ايش \n \nسعود:ماتدرين يمكن بيسعدك اكثر مني \n \nمشاعل:سعود لا تقول كذا انا احبك اكثر منه والله العظيم و مابي اتزوجه اصلا لو شيسوون اهلي مابيه \n \nابيك انت و بس \n \nسعود:لا الله يخليك مشاعل اذا كنتي تحبيني و تقدرين شي اسمه سعود تكفين وافقي \n \nمشاعل:سعود انا محتاجتلك ابيك تساعدني لا تصير معهم ضدي \n \nسعود:مشاعل حاولي تفهميني انا معك طريقنا مسدود اخر شي كل واحد فينا بيضيع \n \nمشاعل:انا ابيك سعود ماقدر اتصور اعيش بدونك ونا اللي اذا ما كلمتك يوم احس اني بموت \n \nسعود:تكفين مشاعل علشاني و صدقيني بفرحلك كثييييير \n \nيقول سعود تلك الكلمات و هو يحس بعكسها تكاد تكون كطعنات تمزق قلبه اشلاء احس انه فاق من حلم \n \nجميل نهايته مبكية \n \nمشاعل:اكرهك .. \n \nاقفلت مشاعل السماعه بوجه سعود و مازال سعود يحتقن تلك الالام و شفتاه ترتعش و كل اطرافه ترتجف و في لحظات استجمع ما تبقى من قواه و اتصل بمشاعل ولم ترد و رجع اتصل مره اخرى و اخرى(تحس ودها تقوولهhttp://www.6rbtop.com/library/resou...en/14522_hi.ram )>>>مسوي لها دعاايه هالاغنيه بس جد هالاغنية حلوة سمعتها اسمعوها \n \nالى ان ردت و صوتها المبحوح الحزين الغارق بالبكاء \n \nمشاعل:نعم \n \nسعود:بقولك شي \n \nمشاعل:وشتبي \n \nسعود:مشاعل بجي اخطبك شرايك؟ \n \nمشاعل:نعم؟؟؟؟؟؟؟؟؟؟؟ \n \nسعود:مشاعل شوفي انا ما بعد قلت لامي و داري انها بتقول لا بس بحاول معها يمكن توافق \n \nمشاعل:سعود انت من جدك؟ \n \nسعود:أي مشاعل من جدي انا مو مستعد اعيش طول عمري اتعذب \n \nمشاعل:طيب بكيفك \n \nسعود:حاولي تماطلين بالخطبه لين اشوفلي حل اوكي \n \nمشاعل:بسرعه سعود الله يخليك ترا كلن يسالني اذا وافقت ولالا \n \nسعود:اوكي من عيوني بس انتي ساعديني بعد ماقدر اسوي كل شي لحالي \n \nمشاعل:انت قلي شسوي ونا ابسوي \n \nسعود:اوكي يالله تصبحين على خير باي \n \nمشاعل:باي \n \nنهض سعود من سريره و الظلام يتبعثر في غرفته و اخذ يمشي و يرجع على نفس خطواته محاولا \n \nان يجد طريقة ليفاتح امه بالموضوع فلم يجد أي جدوى من تفكيره فاخذ قراره بان يفاتحها بموضوع الزواج \n \nوانه قد عين الفتاة اللتي طالما ارادها و حلم بها و ان يضعها امام الامر و الواقع \n \nذهب الى فراشه و نام و اصبح على اشعه الشمس المنبعث من نافذه الغرفه نهض من فراشه متجها \n \nالى المطبخ حيث امه كانت تجهز الفطور \n \nسعود:يمه \n \nام سعود:هلا وليدي \n \nسعود:ابي اقولك شي \n \nام سعود:وشبك ؟ \n \nسعود:يمه انا ابي اتزوج \n \nام سعود:هذي الساعه المباركة يا سعود ابشر من بكرة ادورلك عاللي تخليك تنبسط \n \nسعود:لا انا ابي وحده يا يمه \n \nام سعود:مين؟ \n \nسعود:يمه ابي اتزوج وحده تعرفت عليها بالتلفون >>>ماعنده الولد \n \nام سعود:منت صاحي يا سعود وش هالكلام \n \nسعود:يمه انا ابيها ولا ابي غيرها ولو ما تزوجتها منب متزوج طول العمر \n \nام سعود:سعود انت كبير و تفهم محد يتزوج من التلفون لو يسالونا الناس من وين تعرفونها نقولهم سعود يعرفها بالتلفون؟ \n \nسعود:يممه هذي البنت هي اللي خلتني رجال قدام عيونك محد غيرني الا هي هي البنت اللي حبتني و كنتو وقتها محد يطيقني ولاحد معطيني وجه يمه هي مو ملزومه تاخذ واحد زيي و غيري تقدملها احسن مني و ما تبي الا انا و انا مابي الا هي يمه تكفين حسي فيني ولا تحرميني من البنت اللي احبها و صدقيني لو بتزوج غيرها ماراح احب زوجتي زي مانا احبها يمه الله يرضى عليك و يعافيك اذا كنتي تدورين سعادتي ترا انا سعادتي مع هالبنت و صدقيني البنت بنت عايله و طبايعهم زي طبايعنا \n \nلم تعجب ام سعود بهذه الطريقه ولكن تيقنت ان سعود ان لم يتزوجها سوف يحدث شيء لا يحمد عقباه \n \nو قررت ان تفكر في تروي و على مهل فاستئذنت سعود بان يمهلها تفكر بالموضوع فوافق بان لاتطيل \n \nو شرح لها ظروف خطوبه مشاعل \n \nمرت يومان و سعود و مشاعل قد سجنتهم قضبان الحيرة و يحسبون الدقائق لكي تقرر ام سعود \n \nبعد ذلك وافقت ام سعود شرط ان تقابل مشاعل في احدى الاماكن العامه لكي تبحث فيها مدى اخلاقها و سنعها المهم صارت المقابله و اعجبت ام سعود بشخصيت مشاعل ولكن تبقى الطريقه اللتي \n \nسوف يتزوج بها خطرة وافقت مبدئيا ام سعود على الزواج و بقي الامر سريا بين الثلاثة ولكن هناك مشكلة هي .. \n \nمشاعل:سعود امك عسسسسل \n \nسعود:أي انا طالع عليها \n \nمشاعل:بس تخووووف طول الوقت انا مرتبكه \n \nسعود:اسمعي مشاعل الحين انتي كيف بتفكين خطبة ولد خالت ابوك مدري مين \n \nمشاعل:معليك انا مدبره كل شي \n \nسعود:نشوف \n \n \n \n.... \n \n \n \n \n \nمشاعل فكرت في طريقه قد تكون جريئه للغايه وهي ان تتصل بابن خالها (محمد) و توضح له بعض الامور \n \nولم تفكر في كل العواقب مهما كانت \n \nمشاعل:السلام عليكم \n \nمحمد:هلا وسهلا وشخبارك مشاعل \n \nمشاعل:بخير انت كيفك؟ \n \nمحمد:انا الحمد لله بخير \n \nمشاعل:محمد انا بقولك شي يخص الخطوبه بس بليز لا تفهم غلط \n \nمحمد:اوكي تفضلي \n \nمشاعل:محمد انا صراحه تهمني سعادتك انا فكرت بموضوع الزواج حسيت اني ما راح اسعدك بتلقى اللي \n \nاحسن مني انا ما حبيت اردك حبيت انها تجي منك خوفي تنحرج و صدقني بتبقى انت الاخ الصديق القريب \n \nو اللي احتاجه بوقت ضيقتي و ارجوك انك ما تزعل مني \n \nمحمد:مشاعل بس انا احبك \n \nسكتت مشاعل ولم تتفاجأ بقدر ما تريد ان تنهي الموضوع باسرع ما يمكن \n \nمشاعل:محمد صدقني لو تزوجتني بتكره اليوم اللي حبيتني فيه محمد انا ماحس بشي تجاهك الا انك اخ \n \nعزيز وبس \n \nمحمد:انتي تحبين واحد صح؟ \n \nمشاعل:محمد عن الكلام اللي ماله داعي \n \nمحمد:اوكي مشاعل شكرا على كل ذا انا بكره بقول للوالده تفك كل شي علشان ترتاحين وبرضو انا تهمني راحتك باي \n \nمشاعل:باي \n \n...... \n \nجا من بكرة ... \n \n.... \n \n \n \nمحمد:يمه انا مابي مشاعل \n \nام محمد:وش هالكلام يا ولدي \n \nمحمد:خلاص يمه كنسلي كل شي \n \nام محمد:جالسين نلعب حنا الله يهديك مره تقولي اخطبيلياها و الحين تقول خربو كل شي اعطي لام \n \nالبنت كلمة و اخر شي تهون \n \nمحمد:يمة ارجوك لا تضغطين علي انا خلاص ما عاد ابي اتزوج لا مشاعل ولا غيرها \n \nام محمد:حسبي الله عليك كانك تبي تحرجني مع اهل البنت \n \nمحمد:معليش يمه \n \n \n \n................. \n \n \n \nانفكت الخطبه في غضون يومين و اصبح لكل منهم طريقه و اهالي المخطوبين في ذهول فلم تتفاجأ \n \nمشاعل و قد بدا عليها وكان شي لم يعنيها استغربت ام مشاعل و من جهه اخرى لا تزال ام محمد مستغربة بقرار محمد \n \n \n \nخمدت فرحة الخطوبه وسط تعجب و استغراب الناس .. سوا فرحة مشاعل اللتي كبرت في قلبها بسرية تامة ... \n \n \n \nمر اسبوع على تلك الحكاية اتصلت ام سعود ببيت مشاعل ردت امها و بدأت تتعرف وهي اول مره تكلمها \n \nو طرحت موضوعها فبدت ام مشاعل مستغربة كيف انه لم ينتهي اسبوع حتى اتو خطابين اخرين \n \nقالت ام سعود نريد ان نراكم فوافقت ام مشاعل و كان الموعد يوم الاربعاء اتت ام سعود و نزلت مشاعل في فستان متواضع بجمالها الشرس و ملامحها الحادة و بياضها الثلجي اللذي نثرت فيه عقود الالماس \n \nو شعرها الاسود الناعم وبطولها الغريب سلمت على ام سعود \n \nام سعود:ماشالله تبارك اللله ما غلطت يوم اخترتك لولدي يا بنيتي \n \nمشاعل(باستحياء):الله يسلمك يا خالة \n \nانتهت العزيمة و سعود قاعد ينتظر برا داق لطمة علشان ما يقولون مطفوق جاي خخخخ \n \nسعود:هاه بشررري وافقو؟ \n \nام سعود:الى متى ونا اعلم فيك للحين ما طلبنا يدها رسمي انتظر وجع \n \nسعود:طيب يالله اطلبوها رسمي .. ثاني شي وشو رسمي يعني \n \nام سعود:رسمي يعني انك تسكت و تثقل و خل كل شي علي \n \nسعود:طيب \n \n \n \n... \n \n \n \nوصلوا البيت دق سعود على مشاعل \n \nسعود:وش ذا يا مشاعل امي تقول نور القمر ماشالله \n \nمشاعل:حرام عليك عاااااااااد ترا والله استحي \n \nسعود:والله ان قلبي حاس ان ربي ما راح يجمعني فيك ليش مدري \n \nمشاعل:لا تقول كذا سعود ترا ابكي الحين \n \nسعود:لا خلاااص كل شي ولا صياحك ترا قرفني قسمن بالله كل ما اكلمك لازم وقت مستقطع تصيحين \n \nبسبب و بغير سبب \n \nمشاعل:اشوا \n \nسعود:امي مهيب صاحية تقول رح اكشف يمكن فيك امراض خبيثه تبهذل البنت معنا خخخخخخخ \n \nمشاعل:بسمالللللله عليييييييك \n \nسعود:اشوف الموت يا مشاعل ولا اشوفك بليلة العرس احس بسسسسستحي \n \nمشاعل:انا شكلي بصيح اذا شفتك \n \nسعود:والله ارجع انام ببيتنا و اخليك تنامين لحالك \n \nمشاعل:بحاول امسك نفسي \n \n \n \n...... \n \n \n \nراح سعود لامه لقاها ضايق خلقها \n \nسعود:شفيك يمه؟ \n \nام سعود:مافيني شي \n \nسعود:الا والله فيك قوليلي يمه \n \nام سعود:يا سعود يا ولدي منب قادره افارقك ونت وحيد عيالي \n \nسعود:لا تخافين يا يمه بسكن جنبك ولا مشاعل ولا غيرها تقدر تاخذني منك انتي امي و جنتي تحت رجلك و صدقيني كل ما تذكرتيني بتلقيني بوجهك .. \n \nبكت ام سعود ولاول مره يرى سعود امه تبكي و حاولت ان تخفي دمعاتها و ما ان اجهشت بالبكاء \n \nحتى حضنت سعود بشدة و بدأو كلاهما بالبكاء \n \n \nترى باقي الجزء الاخير \n \n \nيالله الجزء الاخير \nوخيراااا \n \nالجزء الرااابع والاخيير \n \nخطبوا اهل سعود مشاعل بشكل رسمي و وافقوا اهل مشاعل استمروا على الخطبه الى ان تخرج سعود و التحقت مشاعل بكلية الحاسب فكتبوا الكتاب حتى ازدحمت زغاريط الحريم و قام سعود يزغرط معهم وحمل مشاعل على كفيه و اخذ يركض بها و شفاههم تملأها الضحكات والفرحه تكاد ان تخترق صدورهم من شدتها فلم يتوقع \n \nكلا منهم ان ياتي ذلك اليوم ولكن مشيئه الله فوق كل شي .. \n \nمشاعل:سعوووووووووووووووووووووووووود \n \nسعود:عيووووووووووووووووونه و كله تدلللللللللي \n \nمشاعل:احبببببببببببببببببببببك يا سعوووووووووووووووووووووووووود \n \nسعود:ونا امووووووووووووووووووت بك يا دوبببببببببببببببببببببه \n \nمشاعل:عسى ربي لا يحرمني منك و من شوفتك قل امييييين \n \nسعود:امييييييين \n \nمشت الايام و الحب في قلوبهم طفل يكبر يوما بيوم صاروا يطلعون ليل نهار مع بعض ما يملون من بعض \n \nابد حتى شكو الناس انهم مسحورين خخخخخ قرب وقت الزفاف وبدأت الناس تفصل و تعدل بالفساتين \n \nو الكل مشغول وينتظرون وقت الزفه بفارغ الصبر ولا شك ان العروسين متحمسين لذلك اليوم و ما يحويه \n \nهذا اليوم من افراح العمر بعد قصة حب دامت اكثر من اربع سنين من العثرات و الذكريات الجميله و البائسة \n \nصمدوا و تجرأوا على اشياء لم يستطع غيرهم ان يفعلها وفاء للحب اللذي بينهم وقفت ظروف الزمان في \n \nاوجههم و قهروا تلك الظروف الصعبه في سبيل ذلك اليوم يوم العرس اللذي طالما كان حلمهم الوردي \n \nبدأت الايام تقل و ازداد حماس العاشقين حتى تبقى يومين لتلك الحفله و بركان الصبر يكاد ان ينفجر من صدورهم .. \n \nمشاعل:سعووود هانت هانت بقى يوميييييييين بسسسس \n \nسعود:عسى يارب \n \nمشاعل:مجهزتلك مفاجأأأأأأأه بيوم العرس يا بعد روحي انت \n \nسعود:وشهي \n \nمشاعل:مصدق انت بقولك \n \nسعود:لاااااا قولي \n \nمشاعل:مافيه \n \nسعود:طااايب اصلن حتى انا مسويلك مفاجأه بس منب قايلك وشهي (خرطي ما وراه الا الدجه خخ) \n \nمشاعل:احسن اصلا عادي \n \nمرت الساعات و التوتر يطبع ملامحه على وجيه الجميع \n \nمشاعل:حبيبي بكرة بتشوفني بفستاني الابيض وش بتحس فيه \n \nسعود:امممممم بشيلك قدام الناس كلها و برقص وبسوي كل شي لين تصدق الناس اني مجنون \n \nمشاعل:منت صاحي \n \nسعود:يوووووه ذكرتيني بجيب ثوبي من الخياط عساااااني الحق بااااي \n \nمشاعل:باي انتبه شوي شوي لا تسررررع لا اشنقك \n \nطرااااخ \n \nركب سيارته سعود و قاد سيارته بسرعه جنونيه و شتائم الناس تترامى عليه من حوله ولم يأبه لاحد \n \n. \n. \n. \n. \n. \n. \n. \n \nالى ان وجد امامه شاحنة كبيره كانت واقفه على جنب الطريق لعطل كان فيها حاول ان يوقف السياره ولكن لم يفلت من قدر الله سبحان الله فارتطم بها فاصبحت سيارته كما العجين تراكم حوله جموع البشر \n \nو الجماهير و الدماء تكتسيه من جبينه و حتى اطراف قدمه حمله احد الاشخاص الى المستشفى وعلمت ام سعود بالخبر ذهبت مع والد سعود الى المستشفى باقصى سرعه ممكنه و الاجهزه والاسلاك تتبعثر على جسده و رنين جهاز القلب لم يكف انينه و لم تستطيع ام سعود ان تسيطر على نفسها فاجهشت بالبكاء و ما ان علمت مشاعل بالخبر حتى خرجت خارج المنزل من غير عبايه لتصل الى المستشفى وهي تركض و كثر البكاء قد اتعبها و ارهقها و جمعت قوتها حتى وصلت الى غرفته فوجدت ام سعود و ابو سعود والدكتور يقول لهم انتظروا بالخارج و لكن لم يتمكن من مشاعل و ذهبت الى ناحيه سعود و هي تمسك يده و تهمس باذنه تهمس تكفى يا سعود كلمني رد عليييييي لا تخليني يا سعود ففتح عينه و التعب قد وضح عليه ففرحت مشاعل \n \nو مسحت بعضا من دموعها الكثيره و ابتسامه الامل و التفاؤل قد رسمت على ثغرها الصغير \n \nسعود:مشاعل \n \nمشاعل:هلا سعود \n \nسعود:احبك موت يا مشاعل \n \nمشاعل:ونا اموووووووووت فيك يا بعد عمري \n \nسعود:قربي خدك \n \nاقتربت منه بعد ان ردت خصائل شعرها وراء رأسها و حاول قدر الامكان ان يقترب منها فقبّل سعود وجنتها المورده و مازالت شفاه سعود ملتصقه ترتعش بخد مشاعل و عدد نبضات قلب سعود قد بدأت تعد عدها التنازلي لكي يودع هذه الدنيا و مشاعل وسط ابتسامتها نزلت دمعه ذابت على جبين سعود وماتزال شفاه سعود ترتعش وحاول سعود ان يطيل القبلة ولكن شاء الله ان تخرج روحه في تلك اللحظه احسست مشاعل بدفء قبلته و ما ان التفتت الى سعود و رأته و قد ودع الدنيا و قد اغلق اجفانه الناعسه و ابتسامته لرؤيه مشاعل اخر لحظات حياته هي اللي تبقت من سعود فبكت وهي تضحك من قهرها و اخذت تصرررخ بشده تهتف لا يا سعود بكره ابيك جنبي تجلس جنببببي تكفى لا تموووووت سعوووود الله يخليك انت ما مت تتكلم و بكاؤها يبعثر كلامها فسقطت مغميا عليها على صدره و يدها لا تزال تمسك يدي سعود \nو دخلت ام سعود على اثر تلك الصرخه تلك اللحظه و ضعت يدها على فمها مذهوله مصعوقه من المنظر حتى ارتمت و بكت هي الاخرى في فقدان ضناها الوحيد فأتى زوجها و هدئ من روعها و اجلسها في الخارج و مشاعل لا تزال في غيبوبتها و علم ما تبقى من الاهل بذلك الحادث المروع فقد مات سعود و سبق قدر الموت قدر الزواج بيوم واحد مات سعود اللذي احبه جميع الناس مات سعود وحيد امه و ابيه مات سعود اللذي احب مشاعل واحبته مات سعود صاحب القلب الابيض الطيب الرقيق مات سعود و قد بكى له جميع البشر و مشاعل ما ان فاقت من غيبوبتها حتى بدأت تبكي باليوم الواحد ساعات طوال حتى عميت عيناها وبعد 6 شهور من موت سعود و بعد ان نفد صبرها و لم تعد تحتمل هول الصدمة جاء اجلها بين اهلها في فراشها ولحقت بحبيبها فقد انهى الموت بطغيانه على قصة حب جميله بريئه وكان ظرف الموت اقوى من حبهم :( \n \n \nتحياتي \nوالله كنت أتمنى اني اغير القصة و اقول انهم تزوجوا بس وش نسوي:( \n \n \r\n الموضوع الأصلي :\r\nقصه سعود مشاعل || الكاتب :\r\nدلوعه الحب || المصدر :\r\nشبكة همس الشوق \r\n\r\n\r\n\r\n\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n\r\n\r\n \r\n \r\n\r\n\r\n\r\n\r\n\r\n \r\n \r\n \r\n\r\n\r\n\r\n \r\n\r\n
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي
العرض الشجري
