عايز ابقى شاعر

#1 5 - 11 - 2021, 11:30 PM

عايز ابقى شاعر

عايز ابقى شاعر
واقول كلام محدش قالوا قَبلي
وامشي يشاوروا بأيديهم
ويقولوا دا ولد قِبلي

جنوبي
ومادد جذري في توبي
الجلابيه بلدي وشالي جَلَدي

وكل حرف فيكي يا دنيا طاب لي
ما تدقوا طبلي
وخلوا مزمارنا يِسَمَع
زرعة الوادي وجبلي

يا دنيا وماشيه بكيفك
ومعليه كل واطي
والشريف يطاطي علشان
ما تسوي في يوم شريفك
يا دنيا وذلانا برغيفك
وناسيه إن الرب عاطي
وعدله ميزان يمحي حيفك وزيفك
وياما سألته في جوف الليالي عدله
وحقي جاب لي

عايز ابقى شاعر
واقول كلام محدش قالوا قبلي

سبحانه
معروف بعدله وميزانه
وكل مكتوب بيجيلك فى اوانه
حتى اللي امنوا
واللى هانوا واللى خانوا
واللي دبحوا في عز الفرحه حلمي
واللي شالوا عني حملي
متفصلين فى توبي
وكل واحد في مكانه خيوط وملضومه
مابين وقعه وبين قومه
وبين فرحة قلبي فى دقه
وبين دقات بتبكي همومه

توبي ومتفصل على قدي
على قد راحتي وسعادتي
وعلى قد شقاي وكدي
وياما قالوا الدنيا تاخد
وياما قالوا الدنيا تدي

وانا صعيدي وواخد خيوط توبي
من توب جدي
خليفه والخليفه فى توبها نضيفه
واسمع كلام اللى يسامرني
ومن حروفه اعرف صدقه
من كدبه وزيفه
واعرف الدمعه الخبيثه
وياما بكتني دمعه شريفه

ويا نخل على راس الغيطان
والهوى بيلاعب جريدك
مين داق من سباطك رطب
من غير ما تجرحه شوكة جريدك
انا ياما سهرت الليالي
علشان اشوف طلعك
وطلعك عالى على اللي فى الهوى يريدك
وياللي عاشق كلامي اسمعني
هزيدك

انا اصلا مليش في الشعر

مليش في الشعر والابيات
ولا لحن القصيده ولا بحورها

مليش في فرحة البدايات
ولا نهايه بتدور علي دورها

انا يدوب حروف بتبات
تنادي في عتمة الاحلام نورها

مليش في الوزن والتفاعيل
مليش في العين ان قالت ليل
ولو طلع في الكلام مواويل
اكيد هتميل الكلمه علي جذورها

معروف اصل الكلام والفصل
ولا لينا في التقليد واحنا الاصل
وياريتنا بالقصايد نولنا الوصل
يا بلاد بعيده ومعلين سورها

مليش في القهر ولا احساسه
ولا بيعته ولا اشتريت ناسه
وحداني وحنين قلبي وناسه
وعقلي في راسي بيوزنها

وطول ليله شوقي مخاويني
واخدني معاه وبناره كاويني
وانا سنيني قصاد عيني
بتفصل همومي علي دموعها

يا حروف عاصيه وعاصياني
البحور قاسيه وحارماني
وعلي شطوط هواكي حِرماني
ولا رماني فى جنه اشوف حورها

مليش في الشعر اي قصيده
مع ان الهوى حكايات بتتغنى
وانا عمري عدى ولا استنى
ولا شاف دمعتي سعيده
ولا سألها ولا م الخدود شالها
وسابها غرقانه على خدودها

ومن جنبها اهو مر وفات
مليش في الشعر والابيات
ولا تبات حروفي في اوجاعها
ولا تشهد علينا في الروايات
اشعار احنا اللى كاتبينها

انا سايب للقصيد ناسه
خدوا فرحه واحساسه
والكل داوى من الهوى جرحه
والوجع ساب لي

عايز ابقى شاعر واقول كلام
محدش قالوا قبلي

ياسر ابراهيم خليفه

الموضوع الأصلي : عايز ابقى شاعر || الكاتب : بكاء بلادموع || المصدر : شبكة همس الشوق

6 - 11 - 2021, 12:36 AM

يا لها من كلمات
عانقت الروعة و لامست الجمال
عندما يتم اختزال أكبر كم من المشاعر
و طيه بين الحروف
فهذا هو الإبداع
أشكركِ على زخات العطر التى نثرتيها علينا
فى تلك الأمسية الرائعة كروعة
حضوركِ و قلمكِ
دمتي متألقة
أغادرُ متصفحكِ البهى
و أنا أصفقُ لكِ عاليا"
حرفك الراقى دوما يُطربُ مَسامِعى
تحيتى إليكِ و تقديرى و احترامى

تقييمي و إعجابي

6 - 11 - 2021, 12:45 AM

أسلوب رقيق ورائع وشفاف ومعبر باعلى درجة
لا أمل عندما دخلت متصفحك واتصفحه بشغف كبير
وأعيش بين أحضان كلماته
فآلسحر يكمن بين ..آحرفك
والاحسـآس يعلووو..سطوورك
ومشـآعر تهمس بكل..صدق
انت زهره تعطــــر الآرجآء بعطرها
دمت بتـــآآآلق وبخير
ودآآآم قلمك ينبض ويترف حبـــآآ وشوقــآآ
تحيـــآآتي لك ولقلمك وآبدآآآعك الذي لآيتوقف
وَتَحْتَضِنُك جَنَباتْ الإحِسَاسْ وَ تُهْدِيْك عِبْقَ الْجُوْرِيْ
وبِ إنتِظارْ عُذوبَةُ رَحَيقِ أنفَاسُكِ
تحية قلبية من الأعماق أبعثها لك

اعجابي ونجومي

تنسيق+ختم+رفع للتنبيهات+نشر

6 - 11 - 2021, 06:23 AM

قلم جميل
شكر وتقدير

6 - 11 - 2021, 07:12 PM

يعطيك العافية
تحياتي

9 - 11 - 2021, 01:11 PM

سلمت الايادي
يعطيك الف عافيه

4 - 12 - 2021, 11:17 AM

سلم الله يمنااك
ع روعه طرحك
نترقب المزيد من جديدك الرائع
دمت ودامت لنا روعة مواضيعك
كلنا شوق لجديدك القادم
لروحك اكاليل الورد

4 - 1 - 2022, 11:56 PM

ترتبك بعض خطوات القلم هنا
وتسكن حائرة في أثير صمت الذهول
حاولت مجاراتك لكن مطر كلماتك أرهق أحرفي
صدقاً لكلماتك نغم فريد
سعادتي هي بنيل شرف التعقيب الأول
تقبلو فائق احترامي لكم ولقلمك

9 - 11 - 2023, 05:03 PM

روعــة مآقرأت َ
لك كل الشكرّ والامتنانّ
مغلفهّ ب.. شذا الوردّ وعبقهّ

المواضيع المتشابهه لموضوع: عايز ابقى شاعر لموضوع: عايز ابقى شاعر
الموضوع	كاتب الموضوع	المنتدى	مشاركات	آخر مشاركة
كم شخص عايش بس بعيوننا مات	حنين الأشواق	همس الشعر والقوافي	2	15 - 10 - 2021 03:11 AM
بنت مير و ابقى مثل ابوي ميره	همسه الشوق	همس الشعر والقوافي	2	3 - 10 - 2021 06:40 AM
ابقى حبك 2021	حنين الأشواق	همس الشعر و الشيلات الصوتيه	4	4 - 8 - 2021 06:11 AM
اتقي الله في زوجتك	نظرة عين	همس للقصص وحكايات وروايات	3	27 - 6 - 2018 12:08 AM
هذا انا ابقى انا ياكثرة حسادي	همسة الشوق	همس عالم حواء	6	16 - 11 - 2010 02:17 AM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 1

عايز ابقى شاعر

عايز ابقى شاعر عايز ابقى شاعر واقول كلام محدش قالوا قَبلي وامشي يشاوروا بأيديهم ويقولوا دا ولد قِبلي جنوبي ومادد جذري في توبي الجلابيه بلدي وشالي جَلَدي وكل حرف