24 - 12 - 2021, 11:44 AM
|
| |
|
العين بحر توسع الكون كله
 
العين بحرٍ توسع الكون كلّه
والقلب عرشٍ جالسه بس واحد
يقوله اللي طاعنه حب خلّه
والله علي بكل هالقول شاهد
مهما يغيب ما يْتزعزع محلّه
متربّعٍ في عرش قلبي وقاعد
لو تجتمع لي ناس هالكون لله
ما تعوّض غيابه لو الناس واجد
مهما أشوفه ما أشبع ولا املّه
تظماه عيني والغلا ليه زايد
شهربوجهي سيف هجره وسلّه
خنجر غيابه تالي الليل هاجد
حبه جنونٍ خدّر العقل شلّه
والموت عندي يوم قفّى وباعد
أقفى بقلبي تاركٍ بس ظله
ظل القليب اللي ببعده يكابد
تنثر عليه الدمع عيني وتهلّه
وعيون قلبي ينثرن له قصايد
عليه دمعي راوي الخد بلّه
من دمع عيني راويات الوسايد
قربه هناء عمري وبعده يعلّه
بعده على عمري صعيبٍ وكايد
له الغلا كله له الحب كله
القلب له عرشٍ وتاجه فرايد !
الموضوع الأصلي :
العين بحر توسع الكون كله || الكاتب :
الــســاهر || المصدر :
شبكة همس الشوق |
عضويتي
العرض العادي
